-
تسجيل الدخول
أهلا وسهلا بك إلى منتديات طريق سورية.
إذا كانت هذه زيارتك الأولى للمنتدى، فيرجى زيارة صفحة التعليمات، بالضغط هنا. ربما سيتوجب عليك أن تقوم بالتسجيل بالضغط هنا اذا رغبت بالمشاركة في المنتدى، أما إذا رغبت بقراءة المواضيع فتفضل بزيارة القسم الذي ترغب أدناه.
للتسجيل اضغط هنا.

العودة   منتديات طريق سورية > المنتديات العامة > المنتدى العام


رد
أدوات الموضوع
غير مقروء 30-08-2006, 17:46   #1
cowboy
مشترك نشيط
 
الصورة الرمزية cowboy

معلومات

الانتساب : Aug 2005
الإقامة : حلب
المشاركات : 437
بمعدل : 0.13 يومياً
العمر: 27


cowboy غير متصل

افتراضي العراضة الشامية

صلوا على محمد مكحول العين
........... نير وغضير وعادلا وهي

أول مانبدا منقول
........... صلوا على طه الرسول

أول ما بدينا
........... على النبي صلينا

يا صلاتك يا محمد
........... والصلاة بالصوت صلوا

والصلاة والصوم صلوا
........... وبالصلاة صلوا عليه

وعلينا وعليه
........... وعلى من زار قبره

وعلى من حج إليه
........... حجيت الحجاج لاجله

انشق القمر بنص الليل
........... من هيبة رسول الله

لا إله إلا الله
........... محمد رسول الله

وادللي ياعيني
........... على عريس الزيني

وادللي يا غالية
........... لاطلع لك العالية

لالاعبك لعب البنات
........... يا بنات ويا بنات

يم الشعور المجدلات
........... يلي شعرك شعر الخيل

مسا الخير ومسا الخير
........... الله يمسيكم بالخير

الله يمسي حارتنا
........... ياللي مشملة حملتنا

حملتنا عالشيخ رسلان
........... شيخ رسلان يا شيخ رسلان

يا حامي البر والشام
........... مسا الخير جمعية

إسلام ومسيحية
........... إسلام توحد الله

والشب يولف صاحبة
........... لاصاحبه لالاعبه

لالاعبه بالجودلح
........... جودلح يا جودلح

زيزفون يا زيزفون
........... زيزفون خيم علي

ما بناخد إلا الصبية
........... ما بناخد إلا الغلام

يا غنيم يا غنام
........... لا تروح درب الشمال

بياخدك التركملي
........... يعمل فيك شال مال

يعمل فيك العجايب
........... يعمل فيك كان مان

يعمل من جلدك رباب
........... للشيوخ والشباب

للشباب التايبة
........... والشيوخ الشايبة

يلي ع ربها تايبة
........... تايبة ومتوبة

تايبة عالشيخ رسلان
........... شيخ رسلان يا شيخ رسلان

يا حامي البر والشام
........... يا سباع البر حومي

اشربي ولا تعومي
........... اشربي من بير زمزم

زمزم عليها السلام
........... يا سلام اضرب سلام

علي مظلل بالغمام
........... والغمامة غامتو

غامتو ما لامتو
........... غامتو خوفاً عليه

وعلينا وعليه
........... وعلى من حج إليه

محمد زين محمد زين
........... محمد يا كحيل العين

هدهد هدهد ياطير
........... عنا الك خبر بالليل

يمكن شر ويمكن خير
........... واللي يعادينا نحاربو

بالسيف نقطع شواربو
........... بنتك يا خال أخذت عقلي

والعزابي يا دلو
........... ما في مين يغسلو

صابونتو بجيبتو
........... الله يخليلو ميمتو

حامل بقجة قمصانو
........... وداير على جيرانو

روح تجوز روح روح
........... حاجة تبصبص عالأسطوح

لاتاخد بنت البلكون
........... لو لبست لك كل يوم لون

خود البنت المستورة
........... ولو كانت فكحة وعورة

اسمر يا بو الجديلة
........... دخيل عيونا الكحيلة

وأنا ميت على عيونا
........... مدفعنا عيارو تسعين

ست عشر بطارية
........... بيرقنا بثلاث شكال

وحكومة عربية
........... وعلينا الخيل من روس الجبال طلعت

ما منهاب الموت لو كترت ولو قلت
........... وين الخال يشوف ابن اختو

محلا الشايب بين ولادو
........... دلي دلوك يا بنية

عريس الزين يتهنا
........... يطلب علينا ويتمنى

عريس الزين يا غالي
........... ويا مسهرني الليالي

عريس الزين ما بيعو
........... لو جبلي الدهب غالي

شن كليلة شن كليلة
........... شن كليلة شو هالليلة

شو هالليلة ما أحلاها
........... للحبايب بنتمناها

من هالليلة من هالليلة
........... من هالليلة صرلو عيلة

طقي وجني حيص بيص
........... نحنا في معنا عريس

اضرب واجرح لا تخاف
........... وين السبعة يجاوب تسعة

وين ستندر وين ستار
........... يا ستندر مالك خرسان

ويا فشك ما لك غليان
........... سمعني الصوت الرنان

وان هلهلتي هلهلنالك
........... حطينا البارود قبالك

وان هلهلتي يا نشمية
........... واحد منا يقابل مية
  رد مع اقتباس
اعلانات
غير مقروء 30-08-2006, 23:47   #2
Engelbert
مشترك مميز
 
الصورة الرمزية Engelbert

معلومات

الانتساب : Aug 2005
الإقامة : Damascus
المشاركات : 791
بمعدل : 0.23 يومياً
العمر: 28
الجنس : female



Engelbert غير متصل

افتراضي

بتعرفو انو انا عندي عراضة شامية كتير حلوة و الله ....
و من حارة القنوات تحديدا .... يعني عراضة شامية قنواتية من مسقط رأسي ...
بس المشكلة انو ما بعرف نزلها على المنتدى ....
قريبا سوف أتعلم تنزيلها و نزلها .... كتير حلوة بس طويلة شوي ....




شكرا ....
Engelbert
  رد مع اقتباس
غير مقروء 30-08-2006, 23:51   #3
mr.baron
مشترك مميز
 
الصورة الرمزية mr.baron

معلومات

الانتساب : Mar 2006
الإقامة : دمشق
المشاركات : 795
بمعدل : 0.25 يومياً
العمر: 33
الجنس : male



mr.baron غير متصل

افتراضي

اقتباس
و من حارة القنوات تحديدا .... يعني عراضة شامية قنواتية من مسقط رأسي


واااااااااااااااو عراضة من عنا من الحارة PDT_Armataz_02_08 .... نزليها بسرعة أنجولة ..



بركي بخلي الشباب بكرا يعملونا شي عراضة



MR.BARON
  رد مع اقتباس
غير مقروء 31-08-2006, 08:06   #4
smilest
مشترك ذهبي
 
الصورة الرمزية smilest

معلومات

الانتساب : Mar 2006
الإقامة : Damascus
المشاركات : 4,986
بمعدل : 1.57 يومياً
الجنس : female



قوة التقييم: 51
التقييم: 1027
smilest مشهور جداsmilest مشهور جداsmilest مشهور جداsmilest مشهور جداsmilest مشهور جداsmilest مشهور جداsmilest مشهور جداsmilest مشهور جدا

smilest غير متصل

افتراضي

كتير حلوة العراضة أنا كتير بحبها وأكتر الكلمات ما بفهما وقد أتحت لي الفرصة كووبوي لقراءة كلمات العراضة

أنجولة نحنا بانتظار العراضة القنواتية بفارغ الصبر

يا ترى ما في عراضة رقاوية وعراضة حمصية وقامشلية .....وهندية وباكستانية ..الخ



التوقيع

كانت السينما تأخذ من يوميات الناس وتجاربهم. اليوم بات الناس يأخذون من السينما. مفارقة جميلة، أليس كذلك؟!
  رد مع اقتباس
غير مقروء 31-08-2006, 08:46   #5
lady
الحزب النسائي الذهبي
 
الصورة الرمزية lady

معلومات

الانتساب : Sep 2005
الإقامة : DK
المشاركات : 2,111
بمعدل : 0.63 يومياً
الجنس : female



lady غير متصل

افتراضي

عجبتني كتير كلماتها

انا ولا مرة حضرت عرس في هيك عراضة...ممم شي حلو كتير

يسلمو كوبوي ونحنا بانتظار موضوعك انجولة

:)
  رد مع اقتباس
غير مقروء 31-08-2006, 09:44   #6
أب يمان
همي كبير
 
الصورة الرمزية أب يمان

معلومات

الانتساب : Nov 2005
الإقامة : مغترب في وطني
المشاركات : 2,670
بمعدل : 0.81 يومياً
الجنس : male



قوة التقييم: 57
التقييم: 1945
أب يمان مشهور جدا و مميز جداأب يمان مشهور جدا و مميز جداأب يمان مشهور جدا و مميز جداأب يمان مشهور جدا و مميز جداأب يمان مشهور جدا و مميز جداأب يمان مشهور جدا و مميز جداأب يمان مشهور جدا و مميز جداأب يمان مشهور جدا و مميز جداأب يمان مشهور جدا و مميز جداأب يمان مشهور جدا و مميز جداأب يمان مشهور جدا و مميز جدا

أب يمان غير متصل

افتراضي

انا مرة سمعت عراضة شامية من المنشد الديني (عماد رامي ) وكانت عراضة كتير حلوة وعم دور عا الكاسيت وما عم لاقية
بس العراضة الشامية شغلة فخمجية كتير كتير وبتمنى احضر عرس شامي مشان شوف العراضة
زكرتوني بعرس النسوان تبع الشوام بمسلسل ما عاد اذكر اسمو بس كانت الغنية تعي عا الفي وبالي معاك مع وفاء موصلي ونادية خطاب وكان كتير ممتاز

نحن عنا بحلب كمان عنااا عراضة بيقولو فياا

ممتو ياممتو وطلعي لاقيلو
وركبي رهوانة ومشي مقابيلو
وما بعرف شو كمان بس كمان شغلة يلي بيعرف شي عن العراضة الحلبية بتمنى انو ينزلهااا


سلام



التوقيع

ملئ السنابل تنحني بتواضع ... والفارغاتُ رؤوسُهن شوامخُ
  رد مع اقتباس
غير مقروء 31-08-2006, 16:56   #7
tmara
مشترك نشيط
 
الصورة الرمزية tmara

معلومات

الانتساب : Apr 2006
الإقامة : الامارات
المشاركات : 412
بمعدل : 0.13 يومياً
العمر: 27
الجنس : female



tmara غير متصل

افتراضي

انا كتير بتعجبني العراضة ...ولا مرة شفتها ..بس بالصدفة مرة شفت نهايتها وكتير انبسطت ..
بس لازم تنزلولنا ياها بالصوت كمان..
تسلم كوبوي
  رد مع اقتباس
غير مقروء 31-08-2006, 19:00   #8
cowboy
مشترك نشيط
 
الصورة الرمزية cowboy

معلومات

الانتساب : Aug 2005
الإقامة : حلب
المشاركات : 437
بمعدل : 0.13 يومياً
العمر: 27


cowboy غير متصل

افتراضي

مشكورين جميعا على مروركم الطيب ويلي عندو شي لبي يسمعنا
  رد مع اقتباس
رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع إلى



الوقت في المنتدى بحسب توقيت سورية - الساعة الآن 00:49 .


Powered by vBulletin® Version 3.7.3
Copyright ©2000 - 2014, Jelsoft Enterprises Ltd.
-------------------------------------------
سورية الحبيبة، سورية الغالية، سورية الوطن، سورية الأم    سورية يا مهد الحضارة، سورية يا بلد الشجعان    سورية يا عربية من أجلك ولدنا ولأجلك نموت