badraldin
08-07-2010, 17:21
:3ageeb:السلام عليكم و رحمة الله وبركاته
القصه دى مش بس للتسلية او لتمضية الوقت انما هى للعبره للولد والبنت برده تتعلم منها ,ةيشهد الله انها قصه حقيقيه حدثت من فتره جداااا قليله
بطل القصه دى هنسميه سمير والبطله هنسميها سميره
سمير
شاب ملسم ملتزم يعرف ربنا كويس وشاطر ومجتهد ويمكن عشان كان بيبنى نفسه وبيحارب عشان يكون ناجح نسى نفسه شوية ولما الحمد لله وصل لمرحلة فاق منها وعرف يبص على حاله اكتشف انه وصل اوخر العشرينات او بداية الثلاثين واكتشف انه عاوز يتجوز عشان يبنى بيت يجيب حد يشاركه نجاحه ويستمتع معاه بنتيجة مجهوده وتعبه ده بس لحظه الصعب شوية انه مغترب زى كتير من الشباب المغتربين ومفيش ادامه فرصه للبحث الا شهر الاجازه واجازه مع اجازه ومش عارف يحصل مبتغاه
ف يوم صديقنا فى شغله تعبان وحب ياخد بريك فتح النت وقال اشوف ايه الموجود ف الشات الاسلامى ودخل ويتكلم مع الناس والناس تتكلم معاه لحد ما وجد عضو له اسم صينى
فحب يتعرف عليه ويشوف هو بيعمل ايه فى الشات الاسلامى ده هل هو صينى مسلم ولا ده واحد بيهزر
ودار الحوار ده
سلام عليكم اخونا العزبز حضرتك من الصين صح ؟؟؟
وعليكم السلام
اولا انا مش اخوك انا اختك وثانيا انا عربيه مش صينيه
طيب ليه داخله باسم صينى وملخبطانا معاكى
اه الظروف وانته عارف الاحتراز حلو ف الشات برده
طيب فرصه سعيده واسف لو كنت ازعجتك عمتا انا اسمى سمير عندى 30 سنه
لا ولا يهمك ولا ازعاج ولا حاجه انا اسمى سميره عندى 22 سنه
حضرتك من فين يا اخت سميره
انا من البلد الفلانى بس عايشه ف قطر حاليا
هو والله على فكره انا كمان عايش فى قطر بس انا من البلد الفلانى اصلا بس انتى عارفه اكل العيش
طيب حضرتك شغال ايه يا اخ سمير ...
انا مدرس فى الجامعه وبشتغل استشارى ف بعض الاحيان
طيب فرصه سعيده دا احنا طلعنا جيران اهه
طيب اسيبك انا عشان عندى شغل دلوقتى بس هل اقدر اضيفك عندى . ؟؟
اه اتفضل مفيش مشاكل رغم انى مش بضيف حد
وانتهى الحوار ف اليوم الاول
ويدخل سمير الشات ف اليوم التانى ويلائى سميره موجوده اون لاين فى نفس الوقت
ويتكلم معاها تانى
السلام ع ليكم اهلا سميره اخبارك ايه النهارده
الحمد لله بخير بس
ودار حوار فهم منه سمير ان سميره زعلانه او معكننه
خير بس يا بنتى مالك زعلانه ليه
اصل والله دورة الفقه الى كنت بحلم التحق بيها راحت عليا ولازم انتظر 6 شهور كمان
امممممم الله اكبر دى دارسه وبتحب الفقه ....
هو انتى بتحبى الفقه
اه ونفسى ااخد فيه اجازه انا الحمد لله خلصت التجويد ودلوقت بسعى انى اوصل للفقه
وهنا العصافير ظهرت حوالين راس سمير
انسانه ملتزمه ومن كلامها شكلها محترمه طيب خلينا نستكشف اكتر ونشوف
ويدور حوار ورا حوار يعرف منه انها متربيه ف البلد دى اهلها ناس محترمين امها ملتزمه وحافظه كتير من كتاب الله وابوها انسان محترم واخواتها ناس افاضل
وفضل الحوار لمدة اسبوع متواصل يصحى سمير من النوم يفتح الجهاز يلائى اوف لاين من سميره بتقوله صباح الخير حبيت اكون اول من يصبح عليك انا صحيت اصلى الفجر وحبيت اصبح عليك
وبعد الاسبوع ده ياخد سمير قرار انه يفاتح سميره
ويدور الحوار ده
سيمره بصى فى حاجه عاوز اكلمك فيها
انا الفتره الى فاتت دى مكنتش بتكلم م عاكى عشان عاوز اتعرف واقضى وقت انتى لفتى انتباهى عشان انتى انسانه تعرفى كتاب ربنا كويس وانا بصراحه بدور على زوجه والى شفته لحد دلوفتى يقول انك مشروع زوجه ناجح وحاسس ان فى توافق فى الكلام والافعال ايه رايك تحبى ننتقل لخطوه تعارف جدى بهدف الزواج ولا نقف لحد هنا وكل واحد يروح لحاله مع العلم ان جنسياتنا مختلفه .؟؟
ردت عليه وقالت بصراحه انا كمان وصلنى نفس الشعور ده وحسيت بحاجه فى صدرى تجاهك بس هل انته متاكد انته عاوز ايه ولا انته بس حصل عندك تعود عليا مش اكتر
هو يرد ويقول لا انا استخرت الله امبارح وقلت افاتحك اليوم واشوف ردك
هى . انا موافقه بس قبل اى حاجه لازم انته تتاكد انه الى جواك ده بوادر حب مش تعود او بس راحه نفسيه
هو ؟ طيب بصى يا ستى دى تفاصيل حياتى من بداية الميلاد لحد النهارده ويحكى ليها عن كل حاجه ف حياته من الف الى ااخر الحروف ويتفق انه عاوز يقابل اهلها عشان الرؤية الشرعية
وهى ترفض عشان الاحراج وتقول الاول اشوف صورتك وانته تشوف صورتى بس احلف بالله مش هتحفظها عندك
وفعلا تم وحصل قبول شكلى
ولحد ده العلاقه بس شات وهى رافضه انها حتى تكلمه على الفويس لانه عيب وحرام
طيب يا بنتى عاوز اقابل اهلك انا راجل شارى ومستقيم وعمرى مش صغير
هى معلش ماما وبابا سافروا من كم يوم عشان جدتى تعبانه شوية
ويمر اسبوع وهما كل يوم يتكلموا مع بعض ويطمن عليهاو المشاعر تكبر وتكبر
هى تبعت له مسج على الماسنجر سمير توفت جدتى مش هقدر اكون متاحه الفتره الجايه واحتمال اسافر عشان العزا
وتمر الايام وسمير هيموت من القلق على سميره وترجع سميره وتطمنه عليها ويطلب منها على الاقل يكون عارف رقمها لحد ما اهلها يرجعوا عشان يقدر يطمن عليها ولو حتى برساله
بعد مشاكل وطول عناء وافقت سميره وكان كل الى سمير بيعمله يبعت ليها رساله فاضيه لما يكون قلقان عليها وهى ترد عليه برساله فاضيه زيها عشان تقول انا كويسه
وتمر الايام ويرجع الاهل
طيب يا بنتى عاوز اجى اكلم اهلك
يا سمير انته عارف بابا لسه مكلوم ف موت امه وامى مصدومه ازاى تيجى البيت ف الظرف ده
وتمر الايام ويرن جرس تليفون سمير مره ويكتشف انها سميره اجمل صوت سمعه ف حياته ويطمنوا على بعض على استحياء
وتمر الايام والكلام يكتر والحب يزيد وسميره وسمير اتفقوا انها مش هتخرج ولا تدخل الا لما تكون مديه سمير فكره عشان هو قلوق شوية ويتفقوا فعلا على كده وتمر الايام وكل يوم يتصلوا على بعض ويقربوا من بعض اكتر
سميره انساه محترمه تعرف ربنا ورقيقه جدا وحالمه ... نسمه بكل المعانى
وسيمر راجل بيحب بكل ال30 سنه الى عنده ويحب اكتر واكتر وف يوم تطلب منه سميره طلب غريب
سمير انا مش هقبل اتجوزك الا لما احس انى انا نبضك الدم الى بيجرى ف عروقك عشان انته كده دلوقتى انته كل حاجه ف حياتى ومش هقبل انى اكون الحاجه التانيه او التالته فى حياتك
ويحاول سمير انه يفهمها انها الحاجه الاولى وهى مصره
ويبدا سمير ف يخلى كل تركيزه ازاى يثبت لها ده ويبدا الاهتمام يزيد ومن غير ما يحس سمير اتحولت فعلا سميره الى اول شىء فى حياته واهم حاجه عنده وصل لمرحله انها لما طلبت انها تشوفه من بعيد ساق سيارته لمسافه الف كيلوا عشان يوصل لها ... كان مسافر وطار بالسياره 1000 كيلوا ذهاب وعوده عشان يشوفها
ولما شافهما داخ من الفرحه
وتاه من الوله الى كان فيه شافها من بعيد فى مكان عام بس شافها
شاف مراته وام عياله
تمر الايام وسمير وسميره اتفقول على كل حاجه اسم الطفل الاول والزمن والعمر وهنسكن فين ومصاريف البيت وحاجات كتير وتفاصيل كتيره جداااااااااااا
ويطلب سمير يا بنتى عاوز اكلم اهلك وهى تقوله اوك خلينى امهم لماما الاول عشان اشوف رد فعلها
وترجع سميره بعد يومين زعلانه حزينه
سمير ماما رفضت وقالت اننا من جنسيات تانيه وانه مش هينفع بس اانا مش هستسلم ومش هسكت هكلم اختى الكبيره تقنع ماما وتعرفها انى عاوزاك
وتمر الايام وكل يوم هنا حب سمير وسميره يكبر ويزيد لدرجة انها قالت له ف يوم سمير
انته ادام ربنا زوجى مش هتزوج غيرك وعشان اتزوج غيرك لازم تقولى انتى طالق خلاص ده شعورى انا حاسه انك فعلا زوجى ( المعنى الاجتماعى والوجدانى مش الجسدى ) وسمير يوقلها يااااه لسه دلوقتى بس حاسه بكده انا من زمان وانا عندى الاحساس ده يا سميره
انا اخترتك انتى حوا الى هتشارك ادم باقى حياته
سميره عندى سؤال ؟
اتفضل
لو اكتشفتى انى عقيم هتتزوجينى ؟؟؟
اه طبعا من غير تفكير انته فاكر الى بينا ده كلام ولا حاجه سهلة انا خلاص ملكك ازاى اتنازل عنك
ولعلمك الولد لو مش منك يبقى ما له لزمه وما له داعى بلاه انا بحبك يا سمبر بحبك بكل معنى ممكن للكلمه دى
وتمر الايام وتحاول سميره لحد ما تقنع اختها الكبيره بالفكره واختها تروح تكلم امها تانى والام ترفض تالت
وسمير وسميره يمروا بازمه نفسيه بس يتغلبوا عليها وتقرر سميره انها هتكلم امها بنفسها تانى و تعرفها انها لو مش هتجوز سمير يبقى مش هتتجوز حد تانى
وتطلب سميره من سمير الصبر ان يصبر ويتمسك بيها مهما حصل وانها مش هتسيبه ابدا بس شوية صبر وتطلب انها تقابله ويتقابلوا وتفضل تبص ف عنيه طول الوقت وتقول انته جوزى ومش هكون لحد غيرك
ويتكرر اللقاء ويتمادى ابطال القصه من انه مسك ايدها النهارده انه ضمها على صدره المره الى بعدها وانها تنام على كتفه المره التالته مش اكتر من كده بس اهه حصل تمادى من الابطال
وحصل تعلق اكتر وكل يوم يمر يزيد الحب
وتبعت سميره لسمير رساله ماما رفضت وعملت معايا مشكله وهددتنى لو شفتك مش هيحصل خير ارجوك خليك جنبى
ويصوم سمير ويقول يارب قربها منى واهدى اهلها
يارب يا من القيت حبها فى قلبى اجمع بينها وبينى على خير يا رب
ويمر سمير بايام جداااااااااا صعبه من خوفه انها تضيع منه وهى تطمنه وتقوله لو هضلى طول العمر من غير جواز مش هكون غير ليك
سمير يا بنتى بلغى اهلك انى مستعد اشترى لك بيت فى بلدك وانى اسكن جنب اهلك وانى اعيش بين بلدى وبين بلد اهلك بس تكونى معايا
سميره حاولت وبلغتهم بس مفيش فايده استنى شويه لحد ما امى تهدى وانا هكلمها تانى عشان والدى شديد وعصبى والوحيده الى ممكن تهديه هى ماما ومن غير موافقة ماما يبقى الموضوع صعب
وفى مره من المرات وسميره مع سمير ف العربيه وهو بيهزر معاها ياخد الشنطه بتاعتها ويقولها ورينى كده البنات شو بيشيلوا فى الشنط بتاعتهم ويمسك كارت بتاع واحد واول ما سميهر تشوف الكارت ف ايده تصرخ وتنهار وتجيلها حاله هسيتيريا وسمير مش فاهم
وحصلت مشكله كبيره وسمير مش فاهم ولما سالها مين صاحب الكارت ده حلفت انها مش هترد ومش هتقوله وانه عيب يشك فيها
سمير وبذكاؤه عرف ان ده الكارت بتاع والدها وعرف انها كانت مخبيه عنه لقب العائلة عندها عشان مش عاوزاه يتصرف من دماغه
ويوصلها سمير ويطمن عليها وبعد كده يمشى هو ويجيله تليفون من اخت سميره تلومه ازاى تخرج مع سميره ازاى تعمل كده ماما شكت فيها وسالتها تحلف على المصحف وهى جالها انهيار عصبى حرام عليك
سمير ف موقف جداااااااااا سيىء ويعتذر ويعتذر ويبلغ اخته انه اسف وانه راجل جد ومش بيلعب وانه طالب الحلال طيب بصى انا مستعد ابعت اجيب امى بكره من بلدى عشان نتقدم لاختك بلغى اهلك انى مش راجل سيىء انا راجل شارى وهخلى امى حالا تتصل على امك تعتذر لها وتخطب اختك رسمى
ولكن الاخت رفضت وقالت دلوقتى الجو مكهرب جدا اصبر شوية
وتمر الايام وسميره حزينه على الى حصل من امها
وامها مريضه
وسمير حاسس بالذنب
يتعب سمير ويمرض ويرتفع عنده الضغط ويترمى على الفراش مريض لمده 3 او 4 ايام مريض مش بيقوم من سريره من احساسه بالذنب
وتتصل بيه سميره تبلغه ان اهلها قرروا انهم ينزلوا على بلدهم لمدة شهرين وهى معاهم
يحزن سمير اكتر ويزعل اكتر وهو مش عارف يعمل ايه
سميره ارجوك ادينى رقم ابوك وانا هكلمه اخاف تروحى هناك يخطبوك لحد غصب عنك
ارجوك
وهى تطمنه وتقله لا ماتخفش انا مش هكون غير ليك لو مت
ويوم السفر وقبل السفر ب 6 ساعات يتصل سمير بسميره ويتطمن عليها ويتفقوا انهم مش هيكونوا غير لبعض وانه لازم يشوفها من بعيد هيروح للمطار يشوفها من بعيد بس
وقبل السفر ب 4 ساعات الموبايل بتاع سميره مقفول
مقفول
مغلق
مغلق
لحد تانى يوم سمير يهتجنن خلاص راحت فين سميهر
يبعت ليها رسايل ارجوك طمنينى
ارجوك فى ايه انتى فين
ويرن التليفون ويجرى سمير يرد سميره عمرى انتى فين
ويتصضدم من الصوت ده صوت اختها
سمير اسمعنى كويس
سميره اهلها سفروها وعرفوا كل حاجه ومش هينفع تشوفها تانى خلاص
امى اخدت التليفون منها وانته مش هتعرف تشوفها حاول تنساها يا سمير الله يوفقك
مات سمير من الصدمه
سمير اتجنن مش عارف يعمل ايه
يبكى ف الشارع وهو ماشى مش عارف ايه ال حصل ده
يصلى ويدعى ويدعى ويبكى
لحد ما افتكر الكارت الى شافه مع سميره هو فاكر اسم صاحب الكارت واسم الشركه
يحاول يوصل للرقم
ويتصرف ويوصل للرقم ويعمل شوية تحريات
عارفين مين صاحب الرقم ......
جوز سميره
سميره طلعت متجوزه
سمير عرف كده اغمى عليه سمير النهارده عنده اكتاب ومرض عدم الثقه فى اى حد سمير بيدعى ف صلاته انه ربنا يرحمه من العذاب ده وينهى حياته بالموت الساهل لانه خلاص كره الدنيا وفقد الثقه
يبعت رساله على رقم سميره انه عرف كل حاجه وانه لازم يكلمها
وتتصل عليه وتقوله بص يا سمير
ربنا يشهد انى حبيتك وانى مش بحب الرجل الى انا معاه ده انا بجد حبيتك وانته اعظم راجل ف عيونى بس ارجوك انسانى
انتهت قصة سمير وانتهى سمير هو كمان
حد يقدر يقولى اتعلمنا ايه من قصة سمير المسكين ده
والله القصه دى حصلت بجد مش قصه للهزار او اللعب
القصه دى مش بس للتسلية او لتمضية الوقت انما هى للعبره للولد والبنت برده تتعلم منها ,ةيشهد الله انها قصه حقيقيه حدثت من فتره جداااا قليله
بطل القصه دى هنسميه سمير والبطله هنسميها سميره
سمير
شاب ملسم ملتزم يعرف ربنا كويس وشاطر ومجتهد ويمكن عشان كان بيبنى نفسه وبيحارب عشان يكون ناجح نسى نفسه شوية ولما الحمد لله وصل لمرحلة فاق منها وعرف يبص على حاله اكتشف انه وصل اوخر العشرينات او بداية الثلاثين واكتشف انه عاوز يتجوز عشان يبنى بيت يجيب حد يشاركه نجاحه ويستمتع معاه بنتيجة مجهوده وتعبه ده بس لحظه الصعب شوية انه مغترب زى كتير من الشباب المغتربين ومفيش ادامه فرصه للبحث الا شهر الاجازه واجازه مع اجازه ومش عارف يحصل مبتغاه
ف يوم صديقنا فى شغله تعبان وحب ياخد بريك فتح النت وقال اشوف ايه الموجود ف الشات الاسلامى ودخل ويتكلم مع الناس والناس تتكلم معاه لحد ما وجد عضو له اسم صينى
فحب يتعرف عليه ويشوف هو بيعمل ايه فى الشات الاسلامى ده هل هو صينى مسلم ولا ده واحد بيهزر
ودار الحوار ده
سلام عليكم اخونا العزبز حضرتك من الصين صح ؟؟؟
وعليكم السلام
اولا انا مش اخوك انا اختك وثانيا انا عربيه مش صينيه
طيب ليه داخله باسم صينى وملخبطانا معاكى
اه الظروف وانته عارف الاحتراز حلو ف الشات برده
طيب فرصه سعيده واسف لو كنت ازعجتك عمتا انا اسمى سمير عندى 30 سنه
لا ولا يهمك ولا ازعاج ولا حاجه انا اسمى سميره عندى 22 سنه
حضرتك من فين يا اخت سميره
انا من البلد الفلانى بس عايشه ف قطر حاليا
هو والله على فكره انا كمان عايش فى قطر بس انا من البلد الفلانى اصلا بس انتى عارفه اكل العيش
طيب حضرتك شغال ايه يا اخ سمير ...
انا مدرس فى الجامعه وبشتغل استشارى ف بعض الاحيان
طيب فرصه سعيده دا احنا طلعنا جيران اهه
طيب اسيبك انا عشان عندى شغل دلوقتى بس هل اقدر اضيفك عندى . ؟؟
اه اتفضل مفيش مشاكل رغم انى مش بضيف حد
وانتهى الحوار ف اليوم الاول
ويدخل سمير الشات ف اليوم التانى ويلائى سميره موجوده اون لاين فى نفس الوقت
ويتكلم معاها تانى
السلام ع ليكم اهلا سميره اخبارك ايه النهارده
الحمد لله بخير بس
ودار حوار فهم منه سمير ان سميره زعلانه او معكننه
خير بس يا بنتى مالك زعلانه ليه
اصل والله دورة الفقه الى كنت بحلم التحق بيها راحت عليا ولازم انتظر 6 شهور كمان
امممممم الله اكبر دى دارسه وبتحب الفقه ....
هو انتى بتحبى الفقه
اه ونفسى ااخد فيه اجازه انا الحمد لله خلصت التجويد ودلوقت بسعى انى اوصل للفقه
وهنا العصافير ظهرت حوالين راس سمير
انسانه ملتزمه ومن كلامها شكلها محترمه طيب خلينا نستكشف اكتر ونشوف
ويدور حوار ورا حوار يعرف منه انها متربيه ف البلد دى اهلها ناس محترمين امها ملتزمه وحافظه كتير من كتاب الله وابوها انسان محترم واخواتها ناس افاضل
وفضل الحوار لمدة اسبوع متواصل يصحى سمير من النوم يفتح الجهاز يلائى اوف لاين من سميره بتقوله صباح الخير حبيت اكون اول من يصبح عليك انا صحيت اصلى الفجر وحبيت اصبح عليك
وبعد الاسبوع ده ياخد سمير قرار انه يفاتح سميره
ويدور الحوار ده
سيمره بصى فى حاجه عاوز اكلمك فيها
انا الفتره الى فاتت دى مكنتش بتكلم م عاكى عشان عاوز اتعرف واقضى وقت انتى لفتى انتباهى عشان انتى انسانه تعرفى كتاب ربنا كويس وانا بصراحه بدور على زوجه والى شفته لحد دلوفتى يقول انك مشروع زوجه ناجح وحاسس ان فى توافق فى الكلام والافعال ايه رايك تحبى ننتقل لخطوه تعارف جدى بهدف الزواج ولا نقف لحد هنا وكل واحد يروح لحاله مع العلم ان جنسياتنا مختلفه .؟؟
ردت عليه وقالت بصراحه انا كمان وصلنى نفس الشعور ده وحسيت بحاجه فى صدرى تجاهك بس هل انته متاكد انته عاوز ايه ولا انته بس حصل عندك تعود عليا مش اكتر
هو يرد ويقول لا انا استخرت الله امبارح وقلت افاتحك اليوم واشوف ردك
هى . انا موافقه بس قبل اى حاجه لازم انته تتاكد انه الى جواك ده بوادر حب مش تعود او بس راحه نفسيه
هو ؟ طيب بصى يا ستى دى تفاصيل حياتى من بداية الميلاد لحد النهارده ويحكى ليها عن كل حاجه ف حياته من الف الى ااخر الحروف ويتفق انه عاوز يقابل اهلها عشان الرؤية الشرعية
وهى ترفض عشان الاحراج وتقول الاول اشوف صورتك وانته تشوف صورتى بس احلف بالله مش هتحفظها عندك
وفعلا تم وحصل قبول شكلى
ولحد ده العلاقه بس شات وهى رافضه انها حتى تكلمه على الفويس لانه عيب وحرام
طيب يا بنتى عاوز اقابل اهلك انا راجل شارى ومستقيم وعمرى مش صغير
هى معلش ماما وبابا سافروا من كم يوم عشان جدتى تعبانه شوية
ويمر اسبوع وهما كل يوم يتكلموا مع بعض ويطمن عليهاو المشاعر تكبر وتكبر
هى تبعت له مسج على الماسنجر سمير توفت جدتى مش هقدر اكون متاحه الفتره الجايه واحتمال اسافر عشان العزا
وتمر الايام وسمير هيموت من القلق على سميره وترجع سميره وتطمنه عليها ويطلب منها على الاقل يكون عارف رقمها لحد ما اهلها يرجعوا عشان يقدر يطمن عليها ولو حتى برساله
بعد مشاكل وطول عناء وافقت سميره وكان كل الى سمير بيعمله يبعت ليها رساله فاضيه لما يكون قلقان عليها وهى ترد عليه برساله فاضيه زيها عشان تقول انا كويسه
وتمر الايام ويرجع الاهل
طيب يا بنتى عاوز اجى اكلم اهلك
يا سمير انته عارف بابا لسه مكلوم ف موت امه وامى مصدومه ازاى تيجى البيت ف الظرف ده
وتمر الايام ويرن جرس تليفون سمير مره ويكتشف انها سميره اجمل صوت سمعه ف حياته ويطمنوا على بعض على استحياء
وتمر الايام والكلام يكتر والحب يزيد وسميره وسمير اتفقوا انها مش هتخرج ولا تدخل الا لما تكون مديه سمير فكره عشان هو قلوق شوية ويتفقوا فعلا على كده وتمر الايام وكل يوم يتصلوا على بعض ويقربوا من بعض اكتر
سميره انساه محترمه تعرف ربنا ورقيقه جدا وحالمه ... نسمه بكل المعانى
وسيمر راجل بيحب بكل ال30 سنه الى عنده ويحب اكتر واكتر وف يوم تطلب منه سميره طلب غريب
سمير انا مش هقبل اتجوزك الا لما احس انى انا نبضك الدم الى بيجرى ف عروقك عشان انته كده دلوقتى انته كل حاجه ف حياتى ومش هقبل انى اكون الحاجه التانيه او التالته فى حياتك
ويحاول سمير انه يفهمها انها الحاجه الاولى وهى مصره
ويبدا سمير ف يخلى كل تركيزه ازاى يثبت لها ده ويبدا الاهتمام يزيد ومن غير ما يحس سمير اتحولت فعلا سميره الى اول شىء فى حياته واهم حاجه عنده وصل لمرحله انها لما طلبت انها تشوفه من بعيد ساق سيارته لمسافه الف كيلوا عشان يوصل لها ... كان مسافر وطار بالسياره 1000 كيلوا ذهاب وعوده عشان يشوفها
ولما شافهما داخ من الفرحه
وتاه من الوله الى كان فيه شافها من بعيد فى مكان عام بس شافها
شاف مراته وام عياله
تمر الايام وسمير وسميره اتفقول على كل حاجه اسم الطفل الاول والزمن والعمر وهنسكن فين ومصاريف البيت وحاجات كتير وتفاصيل كتيره جداااااااااااا
ويطلب سمير يا بنتى عاوز اكلم اهلك وهى تقوله اوك خلينى امهم لماما الاول عشان اشوف رد فعلها
وترجع سميره بعد يومين زعلانه حزينه
سمير ماما رفضت وقالت اننا من جنسيات تانيه وانه مش هينفع بس اانا مش هستسلم ومش هسكت هكلم اختى الكبيره تقنع ماما وتعرفها انى عاوزاك
وتمر الايام وكل يوم هنا حب سمير وسميره يكبر ويزيد لدرجة انها قالت له ف يوم سمير
انته ادام ربنا زوجى مش هتزوج غيرك وعشان اتزوج غيرك لازم تقولى انتى طالق خلاص ده شعورى انا حاسه انك فعلا زوجى ( المعنى الاجتماعى والوجدانى مش الجسدى ) وسمير يوقلها يااااه لسه دلوقتى بس حاسه بكده انا من زمان وانا عندى الاحساس ده يا سميره
انا اخترتك انتى حوا الى هتشارك ادم باقى حياته
سميره عندى سؤال ؟
اتفضل
لو اكتشفتى انى عقيم هتتزوجينى ؟؟؟
اه طبعا من غير تفكير انته فاكر الى بينا ده كلام ولا حاجه سهلة انا خلاص ملكك ازاى اتنازل عنك
ولعلمك الولد لو مش منك يبقى ما له لزمه وما له داعى بلاه انا بحبك يا سمبر بحبك بكل معنى ممكن للكلمه دى
وتمر الايام وتحاول سميره لحد ما تقنع اختها الكبيره بالفكره واختها تروح تكلم امها تانى والام ترفض تالت
وسمير وسميره يمروا بازمه نفسيه بس يتغلبوا عليها وتقرر سميره انها هتكلم امها بنفسها تانى و تعرفها انها لو مش هتجوز سمير يبقى مش هتتجوز حد تانى
وتطلب سميره من سمير الصبر ان يصبر ويتمسك بيها مهما حصل وانها مش هتسيبه ابدا بس شوية صبر وتطلب انها تقابله ويتقابلوا وتفضل تبص ف عنيه طول الوقت وتقول انته جوزى ومش هكون لحد غيرك
ويتكرر اللقاء ويتمادى ابطال القصه من انه مسك ايدها النهارده انه ضمها على صدره المره الى بعدها وانها تنام على كتفه المره التالته مش اكتر من كده بس اهه حصل تمادى من الابطال
وحصل تعلق اكتر وكل يوم يمر يزيد الحب
وتبعت سميره لسمير رساله ماما رفضت وعملت معايا مشكله وهددتنى لو شفتك مش هيحصل خير ارجوك خليك جنبى
ويصوم سمير ويقول يارب قربها منى واهدى اهلها
يارب يا من القيت حبها فى قلبى اجمع بينها وبينى على خير يا رب
ويمر سمير بايام جداااااااااا صعبه من خوفه انها تضيع منه وهى تطمنه وتقوله لو هضلى طول العمر من غير جواز مش هكون غير ليك
سمير يا بنتى بلغى اهلك انى مستعد اشترى لك بيت فى بلدك وانى اسكن جنب اهلك وانى اعيش بين بلدى وبين بلد اهلك بس تكونى معايا
سميره حاولت وبلغتهم بس مفيش فايده استنى شويه لحد ما امى تهدى وانا هكلمها تانى عشان والدى شديد وعصبى والوحيده الى ممكن تهديه هى ماما ومن غير موافقة ماما يبقى الموضوع صعب
وفى مره من المرات وسميره مع سمير ف العربيه وهو بيهزر معاها ياخد الشنطه بتاعتها ويقولها ورينى كده البنات شو بيشيلوا فى الشنط بتاعتهم ويمسك كارت بتاع واحد واول ما سميهر تشوف الكارت ف ايده تصرخ وتنهار وتجيلها حاله هسيتيريا وسمير مش فاهم
وحصلت مشكله كبيره وسمير مش فاهم ولما سالها مين صاحب الكارت ده حلفت انها مش هترد ومش هتقوله وانه عيب يشك فيها
سمير وبذكاؤه عرف ان ده الكارت بتاع والدها وعرف انها كانت مخبيه عنه لقب العائلة عندها عشان مش عاوزاه يتصرف من دماغه
ويوصلها سمير ويطمن عليها وبعد كده يمشى هو ويجيله تليفون من اخت سميره تلومه ازاى تخرج مع سميره ازاى تعمل كده ماما شكت فيها وسالتها تحلف على المصحف وهى جالها انهيار عصبى حرام عليك
سمير ف موقف جداااااااااا سيىء ويعتذر ويعتذر ويبلغ اخته انه اسف وانه راجل جد ومش بيلعب وانه طالب الحلال طيب بصى انا مستعد ابعت اجيب امى بكره من بلدى عشان نتقدم لاختك بلغى اهلك انى مش راجل سيىء انا راجل شارى وهخلى امى حالا تتصل على امك تعتذر لها وتخطب اختك رسمى
ولكن الاخت رفضت وقالت دلوقتى الجو مكهرب جدا اصبر شوية
وتمر الايام وسميره حزينه على الى حصل من امها
وامها مريضه
وسمير حاسس بالذنب
يتعب سمير ويمرض ويرتفع عنده الضغط ويترمى على الفراش مريض لمده 3 او 4 ايام مريض مش بيقوم من سريره من احساسه بالذنب
وتتصل بيه سميره تبلغه ان اهلها قرروا انهم ينزلوا على بلدهم لمدة شهرين وهى معاهم
يحزن سمير اكتر ويزعل اكتر وهو مش عارف يعمل ايه
سميره ارجوك ادينى رقم ابوك وانا هكلمه اخاف تروحى هناك يخطبوك لحد غصب عنك
ارجوك
وهى تطمنه وتقله لا ماتخفش انا مش هكون غير ليك لو مت
ويوم السفر وقبل السفر ب 6 ساعات يتصل سمير بسميره ويتطمن عليها ويتفقوا انهم مش هيكونوا غير لبعض وانه لازم يشوفها من بعيد هيروح للمطار يشوفها من بعيد بس
وقبل السفر ب 4 ساعات الموبايل بتاع سميره مقفول
مقفول
مغلق
مغلق
لحد تانى يوم سمير يهتجنن خلاص راحت فين سميهر
يبعت ليها رسايل ارجوك طمنينى
ارجوك فى ايه انتى فين
ويرن التليفون ويجرى سمير يرد سميره عمرى انتى فين
ويتصضدم من الصوت ده صوت اختها
سمير اسمعنى كويس
سميره اهلها سفروها وعرفوا كل حاجه ومش هينفع تشوفها تانى خلاص
امى اخدت التليفون منها وانته مش هتعرف تشوفها حاول تنساها يا سمير الله يوفقك
مات سمير من الصدمه
سمير اتجنن مش عارف يعمل ايه
يبكى ف الشارع وهو ماشى مش عارف ايه ال حصل ده
يصلى ويدعى ويدعى ويبكى
لحد ما افتكر الكارت الى شافه مع سميره هو فاكر اسم صاحب الكارت واسم الشركه
يحاول يوصل للرقم
ويتصرف ويوصل للرقم ويعمل شوية تحريات
عارفين مين صاحب الرقم ......
جوز سميره
سميره طلعت متجوزه
سمير عرف كده اغمى عليه سمير النهارده عنده اكتاب ومرض عدم الثقه فى اى حد سمير بيدعى ف صلاته انه ربنا يرحمه من العذاب ده وينهى حياته بالموت الساهل لانه خلاص كره الدنيا وفقد الثقه
يبعت رساله على رقم سميره انه عرف كل حاجه وانه لازم يكلمها
وتتصل عليه وتقوله بص يا سمير
ربنا يشهد انى حبيتك وانى مش بحب الرجل الى انا معاه ده انا بجد حبيتك وانته اعظم راجل ف عيونى بس ارجوك انسانى
انتهت قصة سمير وانتهى سمير هو كمان
حد يقدر يقولى اتعلمنا ايه من قصة سمير المسكين ده
والله القصه دى حصلت بجد مش قصه للهزار او اللعب