جاست بي يور سيلف يا بنات

[الدمشقي]

على حد علمي أنو النساء بتكره شي اسمو طابة .. أو كرة قدم بالفصحى .. ومن يوم يومنا ونساءنا أعداؤنا في المواسم والمحافل الكروية محلية كانت أو عالمية ..
بس اللي لاحظته مؤخرا انه صار فيه نهضة كروية عند أصحاب القد المياس ..
مبارح وانا عم بحكي مع اهلي بالشام (كوني حالياً خارج سورية) .. مرينا بسياق الحديث ع المونديال , واذا بيخبرني احدهم أنه بنات سورية صايرين مشجعات لامعات لكأس العالم وكل وحدة منهن مهووسة بفريق بل وأنها واشمة علم منتخبها على خدها وعلى زندها وعلى فخدها وعلى صدرها وعلى مدري وين كمان الله أعلم .. والحمدلله اللي ماكنت بسورية وشفت هالشوفة السئيلة اللي بتزيد رصيد سآلة وغلاظة قسم كبير من بنات بلدي المشهورين بسآلة التقليد والتصنع .
وانا بالأساس ضد هوس الذكور بكرة القدم بل وضد الهوس بأي شيء لا على التعيين وخصوصاً الهوس الافتعالي او المقلد ..
وبعتبر انو كرة القدم وكأس العالم والدوري الاسباني وغيرو وغيراته هنه مجرد عامل تسلية وترفيه مو أكتر .. يعني وناسة على قولة اخواننا هون بالسعودية ..
بس على الاقل بتقبل هوس كرة القدم من الذكور لاسباب فيزيولوجية كلنا بنعرفها .. تماماً متل ما بتقبل هوس البنات بالفاشن والموضة وبرامج الطبخ وخلافه أكتر ما أتقبلهن من الشباب .. وعلى صعيد الرياضة مثلاً بشوف الأنثى كمشجعة أولاعبة برياضة التنس والجنباز والجري وشد الحبل .. أكتر من أي رياضة أخرى ككرة القدم أو السلة أو بناء الأجسام مثلاً .
على العموم الله يوفق الجميع ويبعدنا عن كسر الخواطر .. بس مدري ليش بحس انه ظاهرة تشجيع النساء لكرة القدم والصبايا تحديداً ظاهرة كذابية وما هي إلا ضرب من جنون موضة العصر واللهاث وراء ركب الغرب .
ومدري ليش بميل للأنثى اللي ما بتعنيلها شي كرة القدم .. بل وبتكرهها وبتضل تتناقر مع جوزها او أخوها لحتى يقلب المحطة وما بيقلبها طبعاً..
ممكن المرأة تشجع منتخب بلادها كحالة استثنائية بحس وطني وليس بحس كروي .. أو ممكن تتابع مقتطفات من احدى المباريات المهمة .. كلاسيكو مثلاً , أو مباراة حاسمة او نهائية بكأس العالم .. بس على شرط أنه يديق خلقها بعد ربع ساعة .. وأنا برتحلها لما بيديق خلقها وما بتضاين تكمل الشوط الأول وبتصير تلتهي عن المباراة بشغلة بيتوتية او شخصية وتطلطل كل حين ومين لتعرف شو النتيجة .
على كل حال اذا كانت القصة لدى النساء مجرد تسلاية أو وناسة ونوع من أنواع الأكشن والتجديد فالأمور طبيعية وبنقول أنها موجة تسلاية وبتروح حبوا البنات فيها ينأكلوا ع الشباب مو اكتر..
وإذا كانت البنت فعلاً حبت هالنوع من الرياضة وعشقت أجواءها وما عم تتضحك على حالها بهل الكذبة (وهذا وارد ) فألف مبروك مع الاعتذار بصدق ..
أما اذا كانت متل ماني حاسسها ومستشعرها فالله يعينني على سآلة بنات اليوم اللي كل مالها عم تتزايد وبأشكال مختلفة . مارح يطلع بإيدي غير هيك .
مجرد رأي وتعليق على ظاهرة سئيلة وما حبيتها .. لا بدي كبرها واربطها بالاسترجال والمساواة والحقوق والحريات والذي منه .. وبنفس الوقت ما حبيت مر عليها مرور الكرام .

[طبعي الوفــا]

واللهِ وأنا متلك
عندي انجلطت من البنات خصوصآ هالسنة


شووو هاد ؟؟
أنا بعتبرها مش هوس زي ما انتا بتقول .. بعتبرها بياخة


وأنا شخصيآ لا بحب الكورة ولا بحب أطلع عليها
وإزا قعدت بمكان وحطو ع التلفزيون ع كورة بقوووم فورآ


***


يعطيك العافية وتقبل تح ــيآتي

[عبـــــث]

تم اختراق صفوف الفتيات بواسطة الدمشقي , ويقوم بمناورة ذكورية , ولكن تم التصدي لها , وتقوم الفتيات بهجمة مرتدة ووو .. للأسف طلعت أوف سايد .. لأني متسلّلة من الحزب النسائي هالمرة.. و بشد ع إيدك بهالموضوع ..

بس يا ترى هاي عقدة ذكورية , ام حرصاً على الأنوثة..!

بتذكر وقت كنت بالمدرسة , كانو البنات بس يربح فريقهن يلي بيشجعوه , بيلبسوا تاني يوم شريطة بنفس لون الفريق وبيلفوها ع ايديهن و ع شعراتهن .. كانت ظاهرة متفشية .. بتصور هلق بيلبسوا تيشيرت الفريق ..

لكن وقت بيصير الحكي عن كأس العالم , اي لأ اسمحولنا فيها هي .. بدي بدّل الفستان بجينز وتيشيرت , واشلح الكعب والبس سنيكرز ..[smilie=cheer.gif].. و تابع وشجّع ونط واترقب واتحمّس واحزر وحلّل , مع انو كل تحليلاتي بتطلع ركنيّة .. يعني باختصار بدّي عيش الأجواء هي لأنها حدث عالمي و جداً ممتعة , و إن ما كان إلنا بالطابة ( على قولة اخواننا السوريين ) .. :fotieee2: .. بس الجو حواليك إلا ما يأثر عليك , وتفوت فيه , مجرّد تعايش مع العالم بدون أي تعدّي لا على أنوثتنا ولا على ذكورتكم .. لكن أكيد بدون ما يتحوّل لهوس أو تعصّب ..

وإذا كانت البنت فعلاً حبت هالنوع من الرياضة وعشقت أجواءها وما عم تتضحك على حالها بهل الكذبة (وهذا وارد ) فألف مبروك مع الاعتذار بصدق ..
أما اذا كانت متل ماني حاسسها ومستشعرها فالله يعينني على سآلة بنات اليوم اللي كل مالها عم تتزايد وبأشكال مختلفة . مارح يطلع بإيدي غير هيك .
مجرد رأي وتعليق على ظاهرة سئيلة وما حبيتها .. لا بدي كبرها واربطها بالاسترجال والمساواة والحقوق والحريات والذي منه .. وبنفس الوقت ما حبيت مر عليها مرور الكرام .

يعني اعتراضك على الظاهرة الكاذبة وان فيها تغييب للأنوثة , أمّا ان كان شغف حقيقي فهو مقبول ولا خلاف عليه ..
بعدين ممكن توضلحي شو مشكلة بنات اليوم ؟ هل تقصد اللهث خلف كل مستورد ؟ بتصور هي مشكلة الجنسين من شباب اليوم ما !!

[Abu-Firas]

بس على شرط أنه يديق خلقها بعد ربع ساعة .. وأنا برتحلها لما بيديق خلقها وما بتضاين تكمل الشوط الأول وبتصير تلتهي عن المباراة بشغلة بيتوتية او شخصية وتطلطل كل حين ومين لتعرف شو النتيجة .
هالصورة الكلاسيكية للأنثى , تقريبا رح تنقرض مع الزمن القريب ....
يعني اذا كنت متوقع انه في بنات هيك , معناها خليك عزابي وخليك خارج الوطن احسنلك ..

هلق اذا ما عجبتها المباراة , مابتترك وبتمشي , بالعكس , بتقعد وبتنكد عليك , وبتطالع فوق راسك بلاوي الدنيا كلها , هاد غير التأفأف والتململ والتسخيف من الامر يلي انت عم تشوفه , لدرجة انه انت من زات نفسك رح تكره الطابة و الي نفخها ونفخ قلبك منها ....

بنات اليوم متل بنات مبارح , بس الفارق بسيط جدا ......

لك ما عاااااااااااااد استحو :brunette:.... يالطييييييييييف :fear2:

جاست بي يور سيلف يا بنات .

تيك ات ايزي ماي فرند , ويربلو يعني ....

[syrian4ever]

لك ليش يلي عنا اسمهم بنات ... لا وشو عندهم حق النقض وحق الرد وحق العض ..
الله يرحمنا أحسن شي .. عقولتو سلالم

[luji]

جاست بي يور سيلف يا بنات
طيب :huligan:

[دهب أيلول]

ممممممممم
هالأيام صار في دوافع عند البنات ليشجعوا ويشاركونا المونديال....
طيب....مين بتشجع البنات؟؟؟
ألمانيا ( كرمال عيونك يا كلاوزه....لك يقبرني شقارك )
الأرجنتين ( يعني معقول يكون في شب حلو متل ميسي أو هيغواين وما يشجعوا الأرجنتين...جرب تسأل عن شي بنت عن تيفيز...أكيد رح ترفع حواجبا وتقلك : ليش في هيك لاعب عند الأرجنتين؟؟!!!!)
انكلترا ( مؤازرةً لديفيد بيكهام الله لا يكسرلوا خاطر )
ايطاليا ( منشان الكل باستثناء زامبروتا )
البرتغال ( كلو بسبب كريستيانو رونالدو...كرمالك يا كريستيانو والله الصخر لهدو واللي زعل كريستيانو الله الله لا يردوا....)
البرازيل ( في شب ناعم وأمور اسمو كاكا.....ايييييييييييييه )
اسبانيا ( فيها ديفيد فيا مالئ الدنيا وشاغل قلوب الصبايا ).....
ايييييييييييييه يعني مستحيل نشوف بنت بتشجع نيجيريا أو غانا أو اليابان أو كوريا الجنوبية أو أو أو ....
.....................
هلأ المشكلة الكبرى إنو بكأس العالم للنساء ما منشوف ولا وحدة متل العالم والخلق...يا ساتر مسترجلات....
بالله ...على علمكن كلوديا شيفر قررت تنضم لشي منتخب؟؟
يا رييييييييييييت والله لشجعوا لو كان جزر المالديف....

[انطوان]

هي هيك متل مطاحشة صغيرة على وضع النسوان مع الرجال

أظهرت دراسة مصرية أجريت حديثاً في مركز مصري متخصص أن الزوجات المصريات تفوقن على جميع نساء العالم بضرب رجالهن.

وذكرت صحيفة (الشروق) في عددها الصادر يوم الأربعاء والتي نشرت الدراسة التي أجراها المركز القومي للبحوث الاجتماعية والجنائية إن "المرة الأولى التي تصل فيها المرأة المصرية إلى رأس قائمة العنف الزوجي، التي تفوقت فيها حتى على الأمريكيات اللاتي جئن في المركز الثاني بنسبة 23، ومن بعدهما الهند بفارق شاسع فالنسبة هناك 11".

حيث أن الدراسة الحديثة التي أجراها المركز القومي للبحوث الاجتماعية والجنائية حملت عنوان (النساء مرتكبات جرائم القتل العمد)، إذ وصلت النسبة إلى 28.

وتؤكد الخبيرة النفسية مدرسة علم النفس بجامعة القاهرة ومؤسسة مركز (عين على بكرة) للاستشارات النفسية والأسرية داليا الشيمى "المرأة بطبيعتها ليست أقل ميلاً لاستخدام العنف البدني" مضيفةً أن "ربما تفضل النساء العنف السلبي، بمعنى تدبير المكائد واستخدام طرق غير مباشرة بدلاً من الضرب، لذلك فهذه الصدارة في الدراسة جديرة بالتحليل".

ومن ناحيته قال عادل إن "من يتحدثون عنها هي زوجتي!"، ولم يكن مازحاً ولم يبتسم بعد إلقاء العبارة التي قالها بنبرة قاطعة، إنما أخذ يسرد مرات كثيرة تبادل فيها وزوجته الضرب، انتهى بعضها في قسم الشرطة أو المستشفى.

وأضاف عادل "لا يبدو مقتنعاً بذلك ففي رأيه أن "المسألة ليست مصرية أو هندية، هناك سيدات مصريات يحترمن أزواجهن ويعشن بما يرضي الله، وهناك زوجات مثل المرأة التي قدر الله أن تكون زوجتي، لا يفهمن إلا بلغة الضرب".

ويشار إلى أن الدراسة أوردت أن النسب الأعلى لممارسات ضرب الزوجات لأزواجهن تكون في الأحياء الراقية والطبقات الاجتماعية الأعلى، أما في الأحياء الشعبية فالنسبة تصل إلى 18 فقط.

ويذكر أن الطبقات الاجتماعية الأعلى تكون أكثر صراحة وشجاعة في الاعتراف بوقوع الضرب، بالتالي يسهل تسجيل حالات الضرب.

[ALEA]

إذا كانت البنت فعلاً حبت هالنوع من الرياضة وعشقت أجواءها وما عم تتضحك على حالها بهل الكذبة (وهذا وارد ) فألف مبروك مع الاعتذار بصدق ..


أنا فعلاً بحب الرياضة و بشكل عام مو بس كرة القدم ولا عم أضحك على حالي ولا عم شجع ألمانيا مشان
لاعب أنا عم شجع الفريق كلكل مو مشان حدا معين ..ولا تقليد للغرب :fotieee2:

الله يبارك فيك وأعتذارك مقبول :108:

[Safi]

لك سبحان الزي خلقك على هالحكي والله جواهر...

هو المشكلة صارت مطاحشة بشكل ملحوظ على الاهتمام بالطابة.. وياليت على شي محرز وعلى لعبة حلوة... لا لانو قال فيه لاعب حلو بهاد الفريق

وفيه لاعب مابعرف شو... يعني صارت طحشة مو بمحلها أبدا...

انا من جهتي بتمنى تكون هالظاهرة مؤقتة مشان كأس العالم لانو بتبقى ظاهرة بتهم كلا الجنسين... وماتستمر هالظاهرة حفاظا على حقوقنا وعلى مفاهيم الطابة :1:

يسلمون خيو :)

[marousha]

الله يبارك فيك واعتذارك مقبول..
...................... .............. ...........
[Only registered and activated users can see links]


...good luck للمانشفت :88::88:

[الدمشقي]

تحياتي الطيبة والحارة للجميع .. رجالاً ونساء ..


بس يا ترى هاي عقدة ذكورية , ام حرصاً على الأنوثة..!

لا هي ولا هي .. حرصاً على صحتي .. ونصيحة لوجه الله ..


يعني اعتراضك على الظاهرة الكاذبة وان فيها تغييب للأنوثة , أمّا ان كان شغف حقيقي فهو مقبول ولا خلاف عليه ..
إذا استبعدنا تغييب الأنوثة , فنعم .. لأنه الانسان بس يكون على طبيعته فعلى الأقل بتسقط عنه تهمة سآلة التصنع بصرف النظر عن كينونة هالطبيعة وتوجهاتها . متل المقارنة بين اللي بيدخن وهو مدمن فعلاً .. وبين اللي بيعمل حاله مدخن وبيتصنع التشوق للسيجارة بس لأنه فرحان بقصة أنو يعمل حاله خرمان ومعصب قدام العالم .. وهو حقيقةً إذا بتتركيه سنة بلا دخان ما بتفرق معه . بدون أن ننسى أن كليهما يمارس عادة سيئة وسلبية ألا وهي التدخين .
وبتحضرني على سيرة التدخين قصة الأركيلة عند البنات .. أغلب المأركلات ما بيكونوا طايقين الأركيلة بس بيأركلوا لانها موضة العصر ومتصلة بالحركة الشبابية المعاصرة , وفيها هيك تشخيص بالأماكن العامة , وشكل جديد للفت الانتباه . سبحان الذي خلقهن .


بعدين ممكن توضلحي شو مشكلة بنات اليوم ؟ !!
مشكلة بعض بنات اليوم يا عزيزتي وليس الكل , أنو مابدهن يكونوا كما هن ..


هل تقصد اللهث خلف كل مستورد ؟ بتصور هي مشكلة الجنسين من شباب اليوم ما !!
مزبوط .


هالصورة الكلاسيكية للأنثى , تقريبا رح تنقرض مع الزمن القريب ....
يعني اذا كنت متوقع انه في بنات هيك , معناها خليك عزابي وخليك خارج الوطن احسنلك ..

لك أخي القصة مو دائماً قصة جواز , بس نحن الرجال والنساء لازم ننبه بعضنا على سلبياتنا ونناقشها .. حتى لو انتقدنا بعض .. بنسمع بعضنا وبعدين كل واحد حر واله مراقه العصبي شيته .

و يا سيدي طالما عم تقول شبه انقرضوا , مو انقرضوا , معناها في امل , بكرا بلحق حالي وبتجوز وحدة من جماعة الشبه .. ومنشان التكاثر بخلف منها 27 ولد ..:weightlifterr:

[Threnody]

و الله و بصراحة تامة يا معلم .. حسيت الموضوع كلو مالو لازمة و ما بدي نمقلك الحكي .. حسيت إنو فزلكة زايدة شوي ..
يعني البنت اللي لاحقة الجو و متأثرة باللي حواليها .. واللي شغلتا التقليد و التصنع , بتكون بايخة بكل شي مو بس بالرياضة .. يعني ممكن إذا الناس صارت تحلق شعرا عالصفر و مشيت هالعادة بتلاقي هي البنت حلقت شعرا عالصفر .. البنت اللي بتنزعج منا إنته حسب تصريحك بنت بايخة بجميع المحافل و الأحداث يا حبيب .. أما البنت اللي عندا إهتمام معين بتكون هي حريتا شجعت فريق طابة و لا لاعب ملاكمة .. هاد طبع بالإنسان مو اكتر من هيك .. و هاد الحكي بديهي و بظن إنك بتعرفو يعني بشكل عام إنت عم تحكي عن البنت البايخة اللي بتعمل أشياء حتى لو ما كانت مقتنعة فيا و هاد الحكي بينطبق على كل تفاصيل الحياة تقريباً يعني الموضوع مفروغ منو .. إذا كانت البنت بايخة و متصنعة فما رح تكون هيك بس بالحكي و بالتصرفات العادية .. لأ ممكن تشجع فريق كرة قدم مشان لاعب أو تماشياً مع الموضة .. و من هذا الكلام نستنتج إنو إنت ما لازم تكتب هاد الموضوع لأنو ما بدا تنين يحكو فيا شي طبيعي يعني .. بيبقى عنا سؤال مالو جواب .. هو ليش كتبت الموضوع ؟!
على كل حال يسلمو إيديك .. كانت وجهة نظر و عرضتا .. و من أدب الحديث إني اعتذر منك إذا زعجك كلامي بشي .. بالآخر أنا حكيت بصراحة و ما امتعضت من الموضوع و اتدايقت من كاتبو و مشيت ..
يسلمو

[sebastiana]

ليش شو الغلط اذا شجعت شي منتخب .. لاني عجبني لعبو .. او حتى اللاعبين فيه .. او البلد الي بنتميلا ...

اذا شي مو عيب و لاحرام .. صح انا ضد الوشم و الهوس الي مالو مبرر

بس البنت بحقلا تتابع و تشجع .. اذا هي ما طلعت عن اخلاقا .. و لا عن تعاليم دينا

حتى عن هي الشغلة بدكن تمنعونا ...!!!

[الدمشقي]

منعاً لأي التباس أو سوء فهم , وجواباً على بعض التساؤلات التي طرحت ولم تطرح .. انا قلت رأيي وانطباعي ببعض التصرفات النسائية في المجتمع اللي انا بشوفها متصنعة وخارجة عن ماهيتها.. وصدقاً هي سخافة وبياخة زادت عن حدها وخلت الواحد عايش مع مجتمع اكتر من نص افراده مو متصالحين مع نفسهن .. والسخافة متعددة الأوجه فعلاً بس بما انو نحنا بموسم المونديال فكان الموضوع عن المونديال .
أنا عم خاطب قسم من نساء المجتمع سبحان الله لا تعجبني تصرفاتهن .. وبغض النظر اذا كنت برأيي على خطأ او صواب إلا أنني حر تماماً بما أرى وأرتئي وما أطرح ولا أطرح طالما اني ماسميت أو أسأت لأشخاص بعينهن وبنفس الوقت كنت حريص جداً على تجنب التعميم .. بل واستثنيت البنات اللي فعلاً بيكونوا على طبيعتهن في هذا الشأن واعتبرت القصة هون مزاجية بحتة ولا أعنيهم بكلامي .. فالانسان اللي على طبيعته لا ينوخز ولا يحس حاله مضطر يبرر شي .
يعني الفكرة مشتقة او تندرج ضمن سياق النفاق الاجتماعي مو أكتر .. فيه مننا اللي بيقول هاي وبليز وميرسي وهو فعلاً هيك اتعود واتربى او هيك بيحب يحكي وعود حاله .. وفيه مننا اللي بيحكي بهل الطريقة وهو معروف تماماً ليش هيك عم يحكي .

اذاً .. اللي بيوافقني برأيي هاد أو غيره يا مرحباً .. واللي ما بيوافقني وما عجبته الفكرة ينتقدها ليشبع .. ويدافع عن وجهة النظر المعاكسة لينتخم .. او يهمل كل القصة ويطنشها او يحاورني و يغالطني ويسألني اللي بدو ياه .. بس أهم شي أنه يسأل وينتقد ويحاور ويغالط ويعبر بأدب .. بدون أي فزلكة وحكي بلاطعمة وخروج عن آداب الحوار .
بقى الله يرضى عليك يا معلم انسالي الموضوع هلأ على جنب .. يضرب الموضوع من شرشه .. بس ركزلي قبل كل شي ع الاحترام تسلملي عينك ..
حاكم عم نقول ياهادي .. ورايحين بكرة نعمل عمرة بإذن الله عقبال عند الكل ورايقين وما أحلانا .
لذلك درءً لفتح باب ماني فاضيله اساساً , رح اتغاضى ومشّي .. وبناءً عليه كمان مارح سيء الظن فيك ومارح اعتبرك من جماعة سنفور غضبان واللي بيضربوا بوز وبينطوا وبيأمزوا وهنه مايعرفوا الله وين حاطهن .. ولا رح اعتبرك من جماعة اللي بيحبوا يبيضوا وش مع النسوان على حساب كتير شغلات ..
بل رح أحسن الظن فيك واعتبرك فقط اسأت محاورتي عن غير قصد .. ورح اعتمد كتير على اعتذارك واقبله بحسن نية .

[طبعي الوفــا]

مالكو يا جماعة .. عادي



موضوع وحب يستفسر عنو أو يحكي وجهة نظر فيه



/


------------



خلونا نحكي كـ عائلة ,,



طوّل بالك دمشقي [Only registered and activated users can see links]



تحياتي للجميع

[Threnody]

أخي الكريم ..
أنا أكيد ما رح اعتبرك من الناس اللي عقلون جوزتين بخرج و بيقيموا الناس على كيفون ... أكيد لأ
ولا رح اعتبرك من الناس اللي بس بدون يظهروا و يبينوا اهتماماتون للناس .. إنو أنا بحب هي و ما بحب هي و هي على مزاجي و هي لأ .. ولا حتى رح اعتبرك من اللي بيحاكوا الناس بطريقة مرحبا يا ابني .. لا رح اعتبرك زلمة نرفز لأنو فهمني بطريقة غلط .. و بالتالي أكيد أنا ما اعتبرتك من جماعة سنفور غضبان و الأنف المطعوج ..
لذلك متل ما الله رضي عليي و ما نرفزت و لفيت الموضوع .. خلي الله يرضى عليك و لفو من عندك .. لأنو داق خلقي .. و متل ما قلتلك بالأول .. وجهة نظر و عرضتا و بس ماني ضدك ولا ضد أفكارك إنت حر حبيت اللي بتشجع ولا حبيت اللي بتنشغل بشغل البيت أثناء المباراة هي حريتك .. أنا كان بدي قلك بس إنو أنا حسيت الموضوع مو مستاهل .. بس انته فهمتا ما بعرف كيف .. و أنا غضيت نظر عن هالموضوع و ما شلتو من أرضو و اعتبرتك ما كتير دققت بالحكي بس .. بقا حبيب قلبي بس خلاص على قولة شعبولا