جلد أستاذ جامعي وطالبة أقاما "علاقة هاتفية"

[آب شاكر]

اعتبرت أن إشرافه على رسالتها البحثية شكل ستاراً لعلاقة أدت لطلاقها
الاستئناف السعودية تؤيد جلد أستاذ جامعي وطالبة أقاما "علاقة هاتفية"
[Only registered and activated users can see links]
[Only registered and activated users can see links]
[Only registered and activated users can see links]


الرياض- رويترز
أكدت محكمة استئناف سعودية، الأربعاء، حكماً بجلد وسجن باحث في الكيمياء الحيوية وطالبة كان يشرف على رسالتها، بعد اعتبار علاقتهما البحثية "ستاراً لعلاقة على الهاتف" أدت الى طلاقها من زوجها.

وقال الباحث خالد الزهراني اليوم إنه علم من مسؤولين بالمحكمة ان 3 قضاة ايدوا الحكم.

وكان قد حكم عليه العام الماضي بالسجن 8 أشهر، والجلد 600 جلدة وحكم على الطالبة بالسجن 4 أشهر والجلد 350 جلدة لاقامة علاقة عبر الهاتف، قالت المحكمة انها أدت الى طلاقها من زوجها.

وقال الرجل ان الملجأ الوحيد الباقي له هو مجلس القضاء الاعلى السعودي، معرباً عن أمله بتدخل الجمعية الوطنية لحقوق الانسان في السعودية.

ولم يتسن التحقق من تأكيد محكمة الاستئناف للحكم ولم يتسن الاتصال بمتحدث باسم الجمعية للتعليق.

وكان المستشفى الذي يعمل به الباحث، ويقع في الباحة جنوب غرب المملكة، قد كلفه بالاشراف على رسالة الطالبة التي تعدها في جامعة الملك عبد العزيز في جدة في عام 2002.

وحصلت السيدة على الطلاق بعد 7 اشهر من زواجها في عام 2004. ورفع زوجها دعوى قضائية يقول فيها ان اتصالاتها مع المشرف على رسالتها هي التي أدت الى الطلاق.


هلئ إلي بعرفو انا ان حكم الزني يلزم / 4 / من الشهود ، بس بلخبر مو ذاكرين إلا شهادة الزوج
والدين الإسلامي أمر بلستر مو بلتشهير أنا برايي هيك حكم حط البنت على طريق الخطأ ، ونهالها حياتها الإجتماعيه بسبب غيرة الزوج .

[smilest]

لا أب شاكر يستطيع الزوج بشهادته وحده أن يثبت زنا الزوجة وتؤخذ هذه الشهادة بعين الاعتبار في الدين الاسلامي إن كان الزنا صحيحاً وإن كان افتراء على الزوجة فليتوقع لعنة من الله عليه
لقد وضحت شرح آيات الزنا في موضوع سابق لا أذكر عنوانه
على كلٍ مشان الله أب شاكر كانه روح قلبك الأخبار المعتة
جبلنا شي خبر مزهزه مشان الله

[ABOUZZOUZ]

يلي ما بيعرف غنو حكم الزانية هو الرجم بوجود أربع شهود مو بشهادة الزوج وافترآته وعند الملاعنة لا ينفذ الحكم هي اسمها مسخرة موعدالة يضربه شو بيفهموا

[Doudy]

بعد اعتبار علاقتهما البحثية "ستاراً لعلاقة على الهاتف" أدت الى طلاقها من زوجها.

دخلك شو بصير على الهاتف ليؤدي إلى طلاقها وجلدها أنا مع رأ يك هذا حكم جائر ولا يمت للشرع بشيئ .

[hoda aleman]

إذا ادعى الزوج على زوجته بالزنا ،يتلاعننا ؛أي يقول كل واحد للثاني لعنك الله إن كنت من الكاذبين،وجب طلاقهما ،لأن الحياة سوية تستحيل مع وجود الشك والاتهام ،
لكن المكالمة على الهاتف ليست علاقة زنا وهذا حكم جائز بحق الزوج والمشرف ..

[NART]

الاستئناف السعودية تؤيد جلد أستاذ جامعي وطالبة أقاما "علاقة هاتفية"بالله جار شفلنا شو جنسيتو هاد الباحث .... ما بظن انو سعودي .. وعن شو كانو عم يبحثو ...:lool:
قبل ما نفوت بالفتاوي ... لنو صايرن يحللو ويحرمو على كيفون الشبيبة وعلى هوا الجنسية ..

[hoda aleman]

نارت ما حدا بحقله يحلل ويحرم على كيفه .. إذا ما بتعرف لا تقول عم نخترع فتاوي
،بعدين لو كنت عالم بالحكم لما قلت هيك.!!!

[دعزق]

من الطبيعي انو الطلاق كان النهاية لانو هي تعتبر خيانة زوجية حتى لو ما وصلت للزنى .. العين تزنى والأذن تزنى .. وكان بالحكم نوع من التشدد لانو اعتبرهم كزانيين وقام عليهم الحد

[آب شاكر]

بالله جار شفلنا شو جنسيتو هاد الباحث .... ما بظن انو سعودي .. وعن شو كانو عم يبحثو ...:lool:
قبل ما نفوت بالفتاوي ... لنو صايرن يحللو ويحرمو على كيفون الشبيبة وعلى هوا الجنسية ..

والله ما حدا بيفهمني غيرك يا جار ، أنته حطيت إيدك عا الوجع وعا يلي انا ما كنت بدي احكي فيه
بس الواحد ما بقول إلا حسبي الله ونعم الوكيل احسن شي يا جار .
اللهم إني صايم ولا كنت فتحت فيهن .


نارت ما حدا بحقله يحلل ويحرم على كيفه .. إذا ما بتعرف لا تقول عم نخترع فتاوي
،بعدين لو كنت عالم بالحكم لما قلت هيك.!!!

أكيد أخت هدى ما حدا بيقدر يحلل ويحرم على كيفه . بس الي قصدو نارت غير هيك بنووووووووووووووووووب خلي الواحد ساكت يا هدى . ما بدنا نفوت بموضوع الو أول ما الو أخر .

[NART]

نارت ما حدا بحقله يحلل ويحرم على كيفه .. إذا ما بتعرف لا تقول عم نخترع فتاوي
،بعدين لو كنت عالم بالحكم لما قلت هيك.!!!ههههههههههههههههههههههههههههههه طايب
اسف اب شاكر إزا رح اطلع عن صلب الموضوع شوي بس لزم رد
اول شي ياريت تقري شو كتبت منيح !!
مو خلاف الواحد ما يعرف يقرى بين السطور .... بس المكتوب كتير واضح ؟؟
لا تخافي علي بعرف ديني كتير كتير منيح .... ولا انا ولا انتي يا أختي منقدر نفتي ونحلل ونحرم على كيفنا ؟؟

طيب رح اشرحلك شو قصدي :
لو كان جنسية الباحث يلي عمل هالعمل مواطن سعودي كان ختلف الحديث ... وما كان طلع الخبر بالأساس لبرة ... كانت تلفلفت القصة متل العادة .... ولا من شاف ولا من دري؟
بس اكيد الباحث من غير جنسية ...

بس رح اعطي مثال من ارض الواقع على لسان احد الاصدقاء يلي عايشين بسعودية ....
تخيل يا رعاك الله
بتفوت هيئة الأمر بالمعروف والنهي عن المنكر ... على الشركة يلي بيشتغل فيها صاحبي بوقت الصلاة ... وبيسحبو كل الموجودين ... وبيتركو السعودين ... يعني السعودين معفين من الصلاة مثلا ..
وله فرفور ذنبو مغفور ؟؟

منسمع عن قصص الزنا يلي بتصير بالمملكة ....
طيب ليش قصص المغتربين هية يلي بتطلع على الصحف والمجلات ... وعلى الاخبار ...
امرأة من الجنسية الفلانية ..... تدير بيت دعارة ..
وبس تكون القصة عن مواطنة سعودية .... بيسترو عليها وبيقلك الله امر بالسترة ... طيب هي داعرة وهي داعرة ... ولا داعرة عن داعرة بتفرق ؟؟؟
نشالله تكون وصلت الفكرة
شلوووووم

[hoda aleman]

آسفة لسوء فهمي ، وأعتذر منك إذا كنت ضايقتك بذلك ..
التفريق بالحكم موجود بكل مكان ..

[فوضى الحواس]

ولي اذا صعي(سمايل مزبهل)
هلأ الحكي على التلفون مع استاذ مشرف على بحث صار بينحكم على صاحبتو بالجلد؟؟؟
بلا درس بلا علاك فاضي صبايا خليكون بالمطبخ احسن
العالم وصلت عالمريخ و لسه الزوج ببعض الاماكن بيتستر وراء الاحكام الشرعية اللي وضعت لانصاف المظلوم ليذل الزوج او الزوجة
الحكي مستفز و الحكم مستفز اكتر

[hoda aleman]

هلأ في شي اسمه تعزير من القاضي ،مو شرط يكون منصوص عليه بالشرع، و ممكن نعتبر هالحكم من أحكام التعزير وليس الحدود ..
لأن الزنا ما حصل فلا يترتب عليه أي حد ، لكن ممكن يعزر بالجلد ،ولا حد للتعزير ،وذلك يرجع للقاضي ونظره..
بس فعلا ما عم تدخل عقلي شلون جلدوه 600 جلدة ولسه عايش!!!

اسمعولي هالقصة: لما أقام "عمرو بن العاص" الحد على "عبد الرحمن بن عمر" في شرب الخمر، نهره وهدده بالعزل؛ لأنه لم يقم عليه الحد علانية أمام الناس، وأمره أن يرسل إليه ولده "عبد الرحمن" فلما دخل عليه وكان ضعيفًا منهكًا من الجلد، أمر "عمر" بإقامة الحد عليه مرة أخرى علانية، وتدخل بعض الصحابة ليقنعوه بأنه قد أقيم عليه الحد مرة فلا يقام عليه ثانية، ولكنه عنفهم، وضربه ثانية و"عبد الرحمن" يصيح: أنا مريض وأنت قاتلي، فلا يصغي إليه. وبعد أن ضربه حبسه فمرض فمات!!

هدول شلون عم يتحملوا 600 جلدة وبعدها حبس ، آسفة ما قدرت صدق الحكم..
إلا إذا عم يجلدوه بالشلمونة!!!:lool:

[Samer Gh]

ولي اذا صعي(سمايل مزبهل)
هلأ الحكي على التلفون مع استاذ مشرف على بحث صار بينحكم على صاحبتو بالجلد؟؟؟
بلا درس بلا علاك فاضي صبايا خليكون بالمطبخ احسن
العالم وصلت عالمريخ و لسه الزوج ببعض الاماكن بيتستر وراء الاحكام الشرعية اللي وضعت لانصاف المظلوم ليذل الزوج او الزوجة
الحكي مستفز و الحكم مستفز اكتر



بحياة ربك هاد كلام , اي شو دخل الناس اذا وصلت للمريخ ولا لأ
البنت اللي عبدخل رجل غريب على بيتها ولو من وراء سماعة الهاتف تعتبر زانية بقى كيف اذا كانت متزوجة
وكلياتنا منعرف شو عقوبة الزاني والزانية بالدين الاسلامي , بقى مافي ضرورة لكلام مبتذل عن ناس طلعو على المريخ ومدري شو ونقد ساخر عن فتاوى الدين

[أب سن دهب]

يا حجي الغلط بعمرو ما بصير صح ..

والعلاقة بين الاساتذ و الزوجة .. لو كانت علاقة عادية .. ما كانت سببت الطلاق

بقا بلا مريخ .. بلا بلوتو .. خليكن عالارض .. احسن

[رشاksa]

يانااااااااس بالخبر يقول علاقه هاتفيه وش فيكم؟

يعني تكلمه بالتلفون ماصار شي بينهم

هذا مو زنــــــــــا..اتقو الله

الشهود اذا كان في زنااااا مو بالتلفون؟ استوعبو لو سمحــتو ولا احد يفتي من عنده..