سوري ينتحر "حزنا" على لميس .. بطلة مسلسل سنوات الضياع !!

[tala]

حوادث وكوارث2008-07-20 20:09:05[Only registered and activated users can see links]

كثرة العراقيل التي تعترض قصة حب لميس ويحيى -بطلي المسلسل التركي "سنوات الضياع"، الذي يعرض حاليا على قناة mbc- يبدو أنها ذهبت في تأثيرها إلى أبعد مما تصوره صناع العمل الدرامي نفسه،فقد أقدم شاب سوري عمره 17 عاما على الانتحار في إحدى قرى محافظة دير الزور -450 كلم شرق دمشق- بعد تأثره بأحداث المسلسل التركي "سنوات الضياع"، وفقا لصحيفة الحياة اللندنية الأحد 20 يوليو/تموز 2008.
ووُجد الشاب معلقا في حبل بمنزل ذويه قبل أن يعثر في جيب بنطاله على رسالة بخط يده تؤكد أنه تأثر بالمسلسل التركي "سنوات الضياع" الذي يعرض على قناة mbc.
جدير بالذكر أن المسلسلين التركيين "سنوات الضياع" و"نور" المدبلجين بأصوات سورية يستحوذان على أكبر نسبة مشاهدة بين الجمهور السوري، وتكاد الحركة تخف في الشوارع أثناء فترة عرضهما.


وكانت أخبار كثيرة قد ترددت عن تعدد حالات الطلاق بسبب المسلسلين آنفي الذكر ، وحظيت المدن السورية بنصيب وافر من تلك الحوادث

منقول

[doren]

الحمد لله اني ماعم شوف ولا واحد منهم لاسنوات الضياع ولا نور ولامهند

بس صعبة صدق ان في حدا مجنون هيك وينتحر كرمال مسلسل

اذا كان فعلا صاير هيدا الشي بلكي مفكر ياحرام انو هيك بيصير شهيد الحب

وبيلتقيها فوق لان الانسان يحشر مع من يحب با الجنة او غيرها مابعرف المهم

يمكن مفكر رح ينحشر معها عشان هيك قتل نفسه حتى ماتطلع وحدة تانية احلى

ويحبها وهيك بيحتار مع مين بدو ينحشر .

. الله يسامحو شو ساذج

[ALEA]

الســلام عليكم ورحمة الله وبركاته

أيه الله أكبر شو صاير بالدنيا ياربي دخيلك

مشان مسلسل ينتحر شـــو هاد ياه عنجد موضوع المسلسلات

التركية زاد عن حدو كتير .

. أيه الله يثبت علينا العقل والدين

[RANA]

اي عااااااااااادي صبايا خليكن كووووول :lool:

أنا احتمال انتحر مشان يحيى والله بزعل كتير لوتشوفوا شو عم يصير فيه يعلى قلبي:cry:

[Creeping Death]

والله ما اقتنعت كتير بقصة لانتحار
خصوصاً أنو الشرطة عموماً وبمحافظة دير الزور خصوصاً عندن تصديق قصة الانتحار أريح شي مشان ما يعزبوا حالن بالتحقيق. بذكر حادثة صارت من شي 10 سنين كمان بمحافظة الدير: شاب عمرو كمان شي 18 سنة شافوه مقتول برصاصة براسو في غرفة نومو، بس لا كان في سلاح ولا حدا دخل على غرفتو بيوما وبالرغم من هيك أجت الشرطة وكتبو بالمحضر أنو انتحار وسكروه!

[Ayman syr]

ماشاء الله ..صحيفة الحياة اللندنية ..و صلت إلى قرى دير الزور تبعد 450 كلم شرق دمشق
و شقت على قلب شاب سوري ،بعدما كشفت السر منخلال ورقة في جيبه كتب فيها تأثره بمسلسل سنوات الضياع ..الحياة اللندنية إلن مراسلين في جميع القرى السورية .حتى قرى دير الزور .
الظاهر الصفحة فاضية و بدن يعبو العدد ..

و الله البطلة بينزعل عليها .. الله يحميها

[ABDO_H]

وبعدين لو خبر صحيح يعني الى جهنم وبئس المصير ولسبب أتفه من هيك مابقي يعني لو قتل حالو مشان لأنو ماجوزو بنت عمو كانت نص مصيبة بس مشان مسلسل تخينة شوي قصدي كتير ومابتصدق ... عكل حسابو عسير كتير لو منتحر شنو هونيك مافي يما أرحميني ...

[HAEA92]

يا حوينت شبابو

لاتقولولي ومن الحب ما قتل يا هيك الحب والاخلاص يابلا

والله الموت قليل على لموسه :lool:

الله يرحمو اذا صحيح هلشي بس ما بعتقد في هيك جنان :rockett:

علوا يحبو بصدق وأخلاص وبعدين ينتحروا مشان مسلسل

لا تسدقو قصة مغرضة كل هاد صارو الشباب عندن قلب ومخلص وبيحبو له له له شو هلكذبة

هههههههههههههههههههههههههه أوشاعات :bita2: :blehhh: :bita2:

[smilest]

يعني ما بعرف هل هالأمر طبيعي ولا شي زايد عن حده
هل الشعوب الأخرى عقلها بلفته متل العقول العربية
هلء آخر صرعة شفتها مبارح ..كنزات مطبوع عليها صور هالأجدب مهند والسودا نور
أو صور باب الحارة وممثليها
أو هالمصطولة لميس مع الدب يحيى

[نجلاء]

و الله البطلة بينزعل عليها .. الله يحميها
يا عيني يا عيني عالعنب الزيني ..

[Abu-Firas]

ليش هيك هالمسلسل اخد اكتر من حجمه ؟
هلق فعلا الواحد صار محتار , المسلسل تافه ولا الشعب يلي صار تافه وبيركض ورا القصص !!!

[العـGـيد]

أول شي اذا الكلام صحيح ,فانتو عم تحكو عن شخص مراهق عمرو 17 عام ,ببيئة نائية غير مثقفة ولا متعلمة ,ويمكن يكون عايش قصة حب فاشلة وقرر يربط احداث المسلسل بهالقصة ,وممكن انو يكون مريض نفسياً وعم يعاني .... ما حدا بيعرف صحة الموضوع ,إلا الشخص يلي انتحر فعلاً .

[الغامدي2]

للعلم أن الفلم التركي فشل في بلده الأصل تركيا

شاهدت شيئاً من مشاهد المسلس صدفة ووجدته تافه لا يستحق المشاهدة
(الحمد لله على نعمة العقل)

[NART]

حاجة لميس .... صرت عم كوبس فيها باليل :angry: