بعد الأردن ... أول سوري يطلق زوجته بسبب مسلسل "نور"

[بنت الأكابر]

[Only registered and activated users can see links]


في أول حادثة في سوريا , طلّق رجل سوري يسكن في قرية الشيخ سعد بمحافظة طرطوس الساحلية زوجته لأنها فضلت متابعة المسلسل التركي "نور" على تلبية دعوات زوجها المستمرة لها .

وعلمت "سيريانيوز" أنّ الرجل الذي يدعى "ع , ي" حاول مراراً مناداة زوجته لكن عبثاً , حيث أصرت الزوجة على متابعة مسلسل نور , وتجاهل دعوات زوجها لها , ما كان من الرجل إلا أنّ خرج عن طوره وطلقها ومنادياً بأعلى صوته "خلي "نور" تفيدك".
وما تزال الزوجة حالياً في بيت أهلها أما الزوج الغاضب ما زال متمسكاً برأيه ويرفض إعادة زوجته إلى البيت .
وكانت أول حالة طلاق في العالم العربي بسبب المسلسل التركي المدبلج قد سجلت في الأردن وذلك بسبب وضع زوجة لصورة "مهند" بطل المسلسل التركي المدبلج "نور" على هاتفها النقال.
حيث فُوجئ الزوج بوجود صورة بطل المسلسل بالتركي "مهند" على شاشة الهاتف الأمر الذي استفزه، وأثار غضبه بشدة ، مما دفعه إلى طلاقها على الفور.
وحاول عددٌ من أفراد عائلة الزوجة التدخل بسرعة لإقناع الزوج بالعدول عن قراره، وإصلاح ذات البين، غير أن الأخير استمسك بموقفه، ورفض بشدة إعادة مطلقته إليه، معتبرًا وضع صورة شخص آخر غيره على هاتفها النقال نوعًا من "الخيانة للحياة الزوجية"


سيريانيوز




وعلى قولة إخوانا الكويتين .. الحمد لله والشكر

[صمت الحنين]

شر البلية ما يضحك
ناس فاضيــــــــــــــــــــــــــــــة ع الاخر

[abusamer]

الله يستر علينا دنيا وآخرة

[Abu-Firas]

انا كنت بالأول معارض لموضوع المسلسل والدبلجة , لكن من يومين اتفرجت عليه من باب الصدفة , وبصراحة لفت نظري انه مهند طالع قد ولادها لنور يعني مو لابقين لبعض بنوب , بس قلت يمكن لساتنا بأول الحلقات ( الحلقة 90 ) يعني يمكن بعد المية حلقة بتبلش القصة وساعتها منفهم شو القصة ...

[نجلاء]

يقطع عمر هالمسلسل شو طويل .. لولا مهند ما كنت شفت حلقة منو .. حدا بيعرفلنا شو بصير بلأخير يا شباب ؟ :mrgreen:

حيث فُوجئ الزوج بوجود صورة بطل المسلسل بالتركي "مهند" على شاشة الهاتف الأمر الذي استفزه، وأثار غضبه بشدة ، مما دفعه إلى طلاقها على الفور.
دوري عليه بيكون حاطت صورة لميس على موبايلو .. وبى يريحنا من هيك رجال إمّعات

شكرا أكابرية

[The Hunter]

طبعاً وكعادتها وسائل الإعلام بدها شغلة تحكي فيها فبتنكش الموت من القبورة وبيبلشو النفخ والطبل والزمر..
بتكون القصة قصة طلاق عادي من يلي بيصيرو يومياً لسبب او لآخر وبالصدفة طالع مسلسل نور بالتلفزيون ... فبوسائل الإعلام صار مسلسل نور هو سبب الطلاق :ummm:
طيب يعني لو كانت الزوجة عمبتتفرج على برنامج العلماء والمخترعين ونادالها الزوج وما ردت عليه وطلقها كان صار العنوان:
سوري يطلق زوجته بسبب العلم والعلماء :umgh:

بالنهاية تعددت الأسباب والطلاق واحد :rockett:

[Spectrum]

اكتر شغلة عاجبتني بالمسلسل هية الفيلالالالا , حدا عندو صورتها ؟؟ بدي حطها بموبايلي :umgh:



مازلنا ضمن قوقعة الغباء و التفاهة و الانجذاب لكل شي بدون تفكير

[Abu-Firas]

مازلنا ضمن قوقعة الغباء و التفاهة و الانجذاب لكل شي بدون تفكير


شووووو صاير عم تحكي حكم , ماشالله , من ايمتى ؟ :lool:

[RANA]

ليش بنحب نعمل من المسلسل مسلسل تاني على قد مابنحكي عليه مابعرف
المشكلة أنو نحنا بنعمل قصص هيك هواية (سبحان الله)
يعني مسلسل وعم ينعرض وخلصنا الي حابب يتابع يتابع والي حاسس انو سخيف بكل بساطة فيه يغير القناة
والي بقولوا انو هي المسلسلات بتعلمنا شغلات مابتصير عنا بكون عم يمزح اكيد لأنو صرنا بمسلسلاتنا السورية بناقش مواضيع حساسة كتير وبكل جرأة وعادي وبنحب المسلسل وبنشجعه (بعدين الي بصير بمجتمعن غير الي بصير عنا وهنن بالنهاية عم يناقشوا احداث بتخصن وهنن عندن مطلق الحرية ليناقشوها بطريقتن مو ذنبن انو نحنا حبينا نترجم المسلسل ونملي في وقت الفراغ الرهيب بالقنوات العربية الي عنا )
مسلسل نور وغيره مشروع رابح بالنسبة للقناة الي عم تعرضه ومسلسل مُسلي للي عندو وقت وماعم يتأثر بشكل غبي من الأحداث وعم يتعامل معها على أنها أحداث مسلسل وخلص بينتهي التأثر فيها لحظة انتهاء الحلقة وبس
هلئ عم نسمع طلاق بسبب نور.. بكرا طلاق بسبب لميس ... متل ما اطلقو كتير بسبب نانسي واليسا كلو حكي فاضي وحكي إعلام ليعطو للمسلسل دعاية اكبر واكبر والي ماشافو يشوفه
فينا نعتبر اي مسلسل مترجم وأحداثه بدا سنة ونص لتنتهي ومتل هي الأنواع من المسلسلات مسلسل مُسلي ومافي داعي نكبر القصة اكتر من ما بتستاهل ..

شكراً بنوتة (انا حكيت كتير على قد ما هلكونا بقصة نور وغيرا الكل عم يتابع والكل عم يعترض يتابعوا من تم ساكت بقى ) ..

[بنت الأكابر]

أهلا بالحبايب أهلا ..
لك كل هالمسلسلات حك فاضي لابقدم ولابأخر .. ومتل ماقالت نجوله لولا هالمهند ماإنتكشنا لهالمسلسل
بس على قولة أبو صطيف كمان .. تعددت الأسباب والطلاق واحد :8888:

[فوضى الحواس]

حسيت كل التعليق على المسلسل اللي لفت نظري سهولة كلمة الطلاق و تنفيذها
هل يجوز هذا الامر شرعا؟؟؟
الا يوجد احكام واضحة للطلاق؟؟؟
هل من المعقول اذا غضب الزوج من اي مشكلة يسلط سيف الطلاق فوق رأس زوجته؟؟


عجبتني هي نادالها ما سمعتو طلقها
يا سلاااااااااااااام
لك طلقها بتستاهل اتجوزت هيك نمرة

[سهـا]

في أيامنا هذه اصبح التلفاز وسيلة التسلية والخلاص الوحيدة بعد ان فضل البعض عدم التعامل مع الواقع والعيش امام الشاشة فأصبح جزء مهم من حياتهم.

[smilest]

ويغلى عيونه غيران من مسلسل نور ..لو بيفهم بيتابعه معها... خليه يتعلم شوية اتكيت وحكي حلو وكيف المرأة لازم يعاملها زوجها
والمرأة كيف لازم تنخخ زوجها وتساويه عجينه بين اديها
بس مو شاطرين غير أنت طاااااااالق ..ولك تضرب وقت بتطلع هالكلمة من فم رجل حماااااار معبى ببنطلون

[أب يمان]

لو سنوات الضياع معلش لا ترد علية معا حق بس نور كتير هيك حرام علية انا لو عم تابع سنوات الضياع وبيجي مين ما كان ما بترك المسلسل حتى ولو بدي اطلق امس ما رضيت روح عا السهرة لبين ما خلص سنوات الضياع لااعادة كمان يعني بعد الساعة تنيتن

بس نور ما بيستاهل حدا يتابعو كتير مشطوط المسلسل مو هيك يا حرام طلقها

[كابتن بلاك]

الله يخلينا تركيا مو منيح دخلتنا مسلسلات حلوة مشان الشعب يحس انو عايش يعني حتى اليوم أمي صار تقلو لأبي شو مفكر حالك مهند الله يزيد ويبارك ويخففنا عقول النسوان أكتر من هيك (والله لو تعلمو ما أعلم من قصة مسلسل نور أو غيره لما حكيت أمي معا أبوي هيك ولا حتى بناتنا تعلقو فيه هيك حتى أنا صار يقولولي بتشبه مهند ههههههههه سبحان الله صيت مهند ولا صيت فقر)تنبهوا واستفيقو أيها العرب فقد طمى الخطب حتى غاصت الركب
الله يرحمك يا شاعرنا لو أنك عايش لحد الأن وشايف مهند ولميس كان ما متت بس بس منيح ما شفتهن

[أحمد193]

بالله عليكم يالرجال والنسوان يلي متزوجين ومتابعين نور
في حدا بيبوس مرتو بالقدر يلي يبوس مهند مرتو وهي تبوسو لك كل 5 دقايق بيزتلو بوسة ولسه مصدقين

والله منيح خبر كتير حلو
انا بدي طلق مرتي وما بعرف كيف إزا في متل هيك ناس لكان لخلي مرتيتابع هالمسلسل ونشوف
لعل وعسى بلاقيلها حجة لطلقها

ها ها ها ها عم بمزح بس شو بدي قول
المرأة غلطانة لأنومهووسة بهيك تفاهات أكيد عملتلة شي عملة ناقصة مع جوزها
والرجال غلطان لأنو مو بهالسهولة الواحد بيطلق ومشان شو مشان مسلسل لك ويا ريت القصة حقيقية
الله يثبت علينا العقل والدين