مشاهدة النسخة كاملة : هرب من الشرطة الى فكي التمساح
سماء فلسطين
05-05-2008, 09:37
قفز رجل، كانت تطارده الشرطة للاشتباه بقيامه
بسرقة، في بحيرة ظنا منه أنها ستكون أكثر أمنا من عناصر الأمن، غير أنه سقط بين
فكي تمساح عملاق.
وكان الرجل، الذي لم يذكر اسمه، يقوم بسرقة مركبة من ساحة لمواقف السيارات، ففر
هاربا عندما وصلت الشرطة إلى ساحة الجريمة. وقام غطاسو الشرطة بالبحث عن الرجل في
تلك الليلة، ومجددا في صباح اليوم التالي، وأثناء عملية الغطس الثالثة، عثروا على جثة
الرجال الهارب، وظهرت على الجذع العلوي علامات أسنان تمساح.
يذكر أن هناك لافتة عند البحيرة تحذر الناس. خطر التماسيح الحية، وقال وود إنه في
مواطن أخرى تتواجد فيها التماسيح، تحذر اللافتات كذلك الناس من أن يطعموها.
وعادة، إن رأى تمساح شخصا ما، فإنه يذهب للاتجاه الآخر، أو يختبئ تحت الماء، كما
قال احد المسؤولين، مضيفا 'يبدو أن هذا التمساح كان عدائيا ولا يبدو أنه كان يخاف من
البشر.. أو أن حدسه قال له إن الرجل لص ويستحق العض'.
Aghalation
05-05-2008, 10:32
هلق حرامي وفهمنا
وشرطة وفهمنا
وساحة موقف سيارات وفهمنا
وبحيرة وفهمنا
وتمساح...كمان فهمنا
طيب ما تحني علينا وتقوليلنا بأي مدينة؟ هالحرامي والشرطة والبحيرة وموقف السيارات والتمساح
بعدين شو هالساحة سيارات مطلة على بحيرة تماسيح؟؟وفي تحذير كمان؟ يا سلام
يذكر أن هناك لافتة عند البحيرة تحذر الناس. خطر التماسيح الحية
يعني التماسيح الميتة ما في منها خوف؟؟ طمنتينا كتر خيرك والله
وعادة، إن رأى تمساح شخصا ما، فإنه يذهب للاتجاه الآخر، أو يختبئ تحت الماء،
اي هو معروف عن التمساح انو مخلوق خجول كتير كتير...فورا بيروح للإتجاه الآخر
قال احد المسؤولين، مضيفا 'يبدو أن هذا التمساح كان عدائيا ولا يبدو أنه كان يخاف من
البشر.. أو أن حدسه قال له إن الرجل لص ويستحق العض'.
كمان؟ التماسيح بتخاف من البشر كمان؟
وهادا التمساح يبدو عدائي؟ليش بتعرفي شي واحد أليف؟
يا جماعة بليييز...طلب سبيسيال...
حاولو تقروا القصة منيح قبل ما تنزلوها خبط لزق؟؟
hoda aleman
05-05-2008, 15:44
طيب ،ليش الشرطة عم تعذب حالها وتدور على الحرامي إذا الرجل ما سرق شي ؟؟؟
إذ ا السيارات بحالهن ،مارح يقدر ياخدها معه وينزل بالبحيرة ، شو مضيعين وعم يدوروا عليه ؟؟؟ومستاهلة شغلة غوص 3 أيام ؟؟ شو عرفهن إنه نزل بالبحيرة ؟؟ ومعقول يضل متخبي ببحيرة تماسيح 3 أيام وما يصرله شي؟؟
طيب ما تحني علينا وتقوليلنا بأي مدينة؟ هالحرامي والشرطة والبحيرة وموقف السيارات والتمساح
بعدين شو هالساحة سيارات مطلة على بحيرة تماسيح؟؟وفي تحذير كمان؟ يا سلام
اي هو معروف عن التمساح انو مخلوق خجول كتير كتير...فورا بيروح للإتجاه الآخر
فيك تفترض يا آغا أنو هالقصة صارت عنا بفلوريدا كونها ولاية مشهورة بالتماسيح يلي هنه أكتر من الهمّ عالقلب....
البحيرات و المستنقعات هون مليانة تماسيح و هي بالعادة ، متل مو معروف عنها ، ما بتطلع ولا بتهاجم إلا إذا كانت جوعانة و بدها تاكل...
و مالو شي غريب تلاقي ساحات مطلة على بحيرات فيها تماسيح ، و وجود اللافتة أمر قانوني و إلزامي من باب إخلاء مسئولية ، لأنو بحكم القوانين الأميركية لو حدا تعرض لهجوم من تمساح موجود ببحيرة ما عليها لوحات تحذيرية ، بيقدر الضحية يرفع دعوى عالبلدية و يطالب بتعويض بيوصل لملايين و الأميركان مافي أكتر منهم بيعشقوا هيك شغلات....
رفقات إلنا اشتروا أرض كبيرة ليعملوا جزء منها مزرعة و بقسم بنوا بيتهم و من ضمن حدود الأرض يوجد بحيرة و عايش فيها حوالي أربع تماسيح...
وقت أخدوا رخصة البناء أجبرتهم الجهات المسئولة أنو يحطوا لوحة تحذيرية مع أنو البحرة ضمن حدود ملكيتهم الخاصة ، لكن تحسباً من إحتمالية أنو حدا جاية لعندهم و تعرض لحادثة ما...
و هالتماسيح بتبلش تطلع من البحرة وقت تحس بالجوع ، مشان هيك أصحابنا بيحسبوا الوقت المناسب و بيحطولهم الأكل الخاص فيهم :hungry:
و توتة توتة خلصت الحدوتة ، حلوة ولا فتفوتة :zxzx11:
Aghalation
05-05-2008, 17:18
تتهنو انتو واصحابكم على هالسكنة
Abu-Firas
05-05-2008, 17:19
دينا !!!!!
شو هالحكي هاد !! لعمش والله حسيت حالي بفيلم رعب , الله يحميكون يارب ...
يعني هلق ماطلع معكون تتغربو الا لجوار التماسيح !!!
خلص ماعاد اطلع لعندكن منوب ... ابعتيلي البرازق بالدي اتش ال ...
ما احلاني و نازل اعلان بالجرايد ....
حل لغز اختفاء ابو فراس في احد المواقف للسيارات , شاهد عيان يؤكد , تم التهام ابو فراس من قبل تمساح امريكي الاصل !!!!
وبيعملو عني فيلم وبيجيو توم كروز يمثل دور ابو فراس وبياخد اوسكار و و و و ......
شطحنا كتير عن الموضوع ماهيك ؟ :3ageeb:
ايه منرجع للموضوع , التمساح بيخوف ... وبس
:mrgreen:
دينا !!!!!
شو هالحكي هاد !! لعمش والله حسيت حالي بفيلم رعب , الله يحميكون يارب ...
يعني هلق ماطلع معكون تتغربو الا لجوار التماسيح !!!
مو بس تماسيح ، و أفاعي كمان من كل شكل و لون :blehhh:
فلوريدا ولاية تحفة بهالشغلات... بس فيك تقول تعودنا....و دوماً بيحطولنا برامج توعية عن هيك حالات عالتلفزيون و طبعاً بالمدارس.....
طالما أنك متعلم أساسيات التعامل مع هيك مخلوقات و كيف تضبط حالك ، ما بيصير عليك شي....
متل ما حكيتلك ، التماسيح ما بتطلع و بتهاجم إلا وقت الجوع .. و الأفاعي السوداء مالها سامة و بريئة و ما منها خطر....
الخطر بس بالأفاعي الملونة ... لكن متل مو معروف أنو الأفعى بتهاجمك كردة فعل مو كفعل... يعني إذا ما تحركشت فيها ما بتقرب عليك و بتتركك و بتمشي بسلام....
بقى شو؟؟؟.... بتغير رأيك و بنشوفك بولاية الأفاعي و التماسيح يا ابو فراس :fotieee2:
حلو كتير هل الخبر وعنا كمان في تماسيح ما بتخاف من البشر ولا بتاخف من الله اليوم الصبح عضني تمساح من تماسيح المرور
ولطني مخالفة اشارة قال هو شافني عم اقطع لاشارة مع العلم اني كنت بصف التاني وقدامي كذا سيارة
حتى ما تزعلو رحنا لتمساح لاكبر منو قال روح دفاع المخالفه
اغاااااااااااااااااااااااا لا تعترض حبيبي في تماسيح خجوله ؟؟؟؟؟؟؟؟؟؟؟؟؟؟؟؟
Abu-Firas
06-05-2008, 15:49
متل ما حكيتلك ، التماسيح ما بتطلع و بتهاجم إلا وقت الجوع .. و الأفاعي السوداء مالها سامة و بريئة و ما منها خطر....
لكن متل مو معروف أنو الأفعى بتهاجمك كردة فعل مو كفعل... يعني إذا ما تحركشت فيها ما بتقرب عليك و بتتركك و بتمشي بسلام....
لحظة في نقطة هامة هون ....
بدك تقنعيني انه اذا شفت تمسساح عم يتمختر قدامي .... بتركه يتمختر عادي !!!
ولا اذا حية قامت تسحسل جنبي , بدك ياني ضل واقف وعم اتفرج متل الحبابين !!!
ليش حاسس حالي هيك :ummm:
حدا بيشوف تمسااااااااااااااااااااح قدامه وبيقدر يضل واقف على رجليه !!! الله يرضى عليكي , لا تشوفيني صغير وتضحكي على عقلي !!!!
على العموم مارح نروح لبعيد , هي الجمل وهي الجمال ...
روحي وقفي على شي بحيرة من تبعون اللهم عافينا , واستني ليطلع مستر تمساح وساعتها امسكي ورقة واكتبيلنا شعورك لحظة اجت عينك بعين التمساح الخجول شو كانت رده فعله بالله ؟...... وكمان بعتيلنا عنوان ارسال الزهور والبطاقات تحسبا لأي طارئ !!! كيفو طارق ؟
:lool:
بدك تقنعيني انه اذا شفت تمسساح عم يتمختر قدامي .... بتركه يتمختر عادي !!!
ولا اذا حية قامت تسحسل جنبي , بدك ياني ضل واقف وعم اتفرج متل الحبابين !!!
حدا بيشوف تمسااااااااااااااااااااح قدامه وبيقدر يضل واقف على رجليه !!! الله يرضى عليكي , لا تشوفيني صغير وتضحكي على عقلي !!!!
روحي وقفي على شي بحيرة من تبعون اللهم عافينا , واستني ليطلع مستر تمساح وساعتها امسكي ورقة واكتبيلنا شعورك لحظة اجت عينك بعين التمساح الخجول شو كانت رده فعله بالله ؟...... وكمان بعتيلنا عنوان ارسال الزهور والبطاقات تحسبا لأي طارئ !!! كيفو طارق ؟
أبو فراس :bita2: ما تركتلي ولا خيار غير أني استعير الكلمة المأثورة عن سمايلست ، ألا و هي : تتحورأ إلهي يا أبو فراس...........
يا سيدي طارق بخير و بيهديكم السلام من وسط معمعته مع المرضى تبعاته و بيحكيلك أنو شو ما حكت مرته ( يلي هي حضرتنا ) لازم تصدقها و ما تجادلها لأنها بتكره الجدل:bita2:
هلأ بنجي للجد....
لو كنت عايش هون كنت رح تعرف أنو القصة مو مستحيلة ولا صعبة أو ضرب من الخيال و الأوهام... بقصد الشجاعة وقت تشوف حيّة....
أنا كتيييييييير مريت بهيك شي ، يعني بكون نازلة لفوت على بيت رفيقة إلي بشوف حية واقفة بطريق باب البيت ، كل يلي بعمله أني بوقف و بنتظر أنها تمشي... الهدوء تبعي بيعطي للأفعى إحساس بالأمان من ناحيتي و بالتالي بتتوكل على الله و بتمشي....
هيك قصص عادي و بتسمعها من كتير ، كل واحد إلو عالأقل تلات أربع تجارب مع الأفاعي أغلبها بتصير بكراجات البيت ، يلي حملت شغلة واقعة بالكراج لأنها فكرتها زنار ولادها لاحشينه و بيطلع بعدين حية ملونة و يلي بتنزل من سيارتها بتلاقي كركبة بكرتونة الكابلات الكهربائية تبع زوجها و بتكتر غلبة مشان تضبها بتطلع بعدين حية ملفوفة على بعضها بشكل مو مرتب....
صدقني ما عم بالغ ، أنا أول ما انتقلت كنت خاف كتير ، بس هاي هي طبيعة الولاية و ما كان عندي حل تاني إلا أني أتعود متل باقي أهل فلوريدا...
بالنسبة للتماسيح ، مافيني غامر و قف انتظره عالبحرة لأنو غالباً رح يطلع وقت يجوع و يلاقيني فريسة و أطيب وليمة رح ياكلها بحياته كونها وليمة شامية :hungry:
في حدائق بتامبا مشهورة ( Busch Gardens ) و بركن منها عاملين بحيرة صناعية حاطين فيها نوع معين من التماسيح كبيرة و ضخمة و معهم سلاحف برمائية أكبر حجماً من السلاحف العادية و عايشة بحالة سلمية مع التماسيح منظر و الله العظيم كتيييييير غريب..
هالبحيرة مسورة بسور كتير قصير بطول ابني عمر ، و بتلاقي كتير ناس بيمدوا حالهم من فوق السور و بيلحمسوا عالتماسيح و أنا وحدة من يلي عملوا هيك ، و التماسيح كأنها أصنام ما بتتحرك....
عالعموم مالك إلا هيفا ، قصدي مالك إلا تجي و تجرب بنفسك و ساعتها بتتوصل لقناعة ابن عمي إني ما بحكي إلا درر ، قصدي ما بحكي إلا الصح :blehhh:
و بس :zxzx11:
يا حبيبي ... طيب اذا أنا نسيت طعمي سمكاتي بيموتوا أو بياكلو الزبال على أبعد تقدير ... انتو اذا نسيتوا تطعموا تماسيحكم شو بيعملوا؟
و الأفاعي السوداء مالها سامة و بريئة و ما منها خطر....
الخطر بس بالأفاعي الملونة ... لكن متل مو معروف أنو الأفعى بتهاجمك كردة فعل مو كفعل... يعني إذا ما تحركشت فيها ما بتقرب عليك و بتتركك و بتمشي بسلام....
بقى شو؟؟؟.... بتغير رأيك و بنشوفك بولاية الأفاعي و التماسيح يا ابو فراس :fotieee2:
هلئ انا وانتي منعرف هالمعلومة
بس يا ترى التماسيح نفسون بيعرفوها...؟
خرج يكونو حضرانين برامج التوعيه على alligator T.V:hungry:
انتو اذا نسيتوا تطعموا تماسيحكم شو بيعملوا؟
بياكلوا الزبّال ..
Powered by vBulletin® Version 3.7.3
Copyright ©2000 - 2012, Jelsoft Enterprises Ltd