أغاني الطفولة [الأرشيف] - منتديات طريق سورية

المساعد الشخصي الرقمي

مشاهدة النسخة كاملة : أغاني الطفولة


smilest
28-02-2008, 13:24
كثرت أغانيات الروضة التي ما نزال نرددها
هناك أغنيات تتحدث عن الصرصور والنملة وبعضها عن بابا نويل والبعض الآخر عن القمر ...الخ
تستحضرني الذاكرة بأغنية كنت أحبها هي أغنية الصرصور ,وبابا نويل

ونقلاً عن بيغ بيبي مع اندماج ما أنا أحفظه أذكر هذه الأغنية التي تقول :


هالصرصور هالصرصور ... راح للنملة شو مقهور
قلها دخيلك يا جارة ... يا سلطانة هالحارة
عطيني أربع حبات ... بشكر فضلك للممات
هزت راسها هالنملة ... حرقت ألبو هالجملة
قالتلو
روح انقلع يا كسلان ... أنا ما بطعمي الكسلان
فصل الصيف شو ساويت؟ ... وين الحب اللي لميت؟
قلها صاحبنا الفهمان ...
ساعة بغني وساعة بنام ... وساعة بكيف عالتمام


بابا نويل شو ختيار ..دقنه طويلة للزنار
رح عالسوق سوقلي ...جبلي بدلة بتلبقلي
لما لبستا سفقلي ..لما شلحتا عقلو طااااااااار

هل تذكروننا بأغاني الطفولة ؟؟؟

bigbaby
28-02-2008, 13:34
جدي بو سالم ختيار ... دقنو بيضا عينو كبار ...
بالشتوية حد الدار بيقعد وبيحكيلي اخبار ...
أحسن منها مش موجود .. أحسن منها مش موجود ...

مرة أيعدني حدو ... بلش يحكيلي جدو ...
يقلي يا سوسو كان ... بو منصور عندو دكان...
فيها البونبون مكدس ... فيها قضامة وملبس ...
لما مناخد عيدية من أمي أو من بيي ...
عا دكانةبو منصور ... يا جدو .. كنا نروح ...

جدي عندو عصاية ... بيحملها رايح جاية ...
عليها بيتعكز بالدار ... كيف ما راح وكيف ما اندار ...
لولا عذبتو شوية ... بيهز العصا علي ..
لولا عذبتو شوية ... بيهز العصا علي ...
بيقلي بيك عالبيت ... بعد شوي رح بيعود ...

smilest
28-02-2008, 13:47
اتذكرتها حلوة كتير بيغ اسمعي هي

ياشمسة اطلعيلي
لأنشر غسيلي
غسيلي بالعمارة
نطت عليي الفارة
والفارة هندي هندي
والليلة نامت عندي
سرقت لي صينية
بيضا وحمرا ومجلية
اطلعت على الأسطوح
رماني الهوا
شافني الدكتور
وصفلي دوا
قلت له شو هالدوا
قلي فستق بندق ..كعب الغزالة

bigbaby
28-02-2008, 14:02
طيارة طارت بالجو ...
فيها عسكر فيها ضو ...
فيها ابراهيم هنانو راكب على حصانو ...

يا فرنسا يا بنت الكلب ...
مين قلك تيجي عالحرب ...
لما شفتي سوريا ... صرتي تعوي متل الكلب
عوي عوي يا كلبة ...
مالك حسرة بقلبي ...
بقلبي لوز وسكر ...
وبقلبك طعنة خنجر ...

العمى شو منوب هالغنية من قليلة ساوولنا سكويز :ummm:

ShaM
28-02-2008, 14:11
كملو كملو ... لك أنا كأنو كانت طفولتي معذبة كأنو ما !!! مابعرف هالأغاني شنّو [smilie=35.gif]PDT_Armataz_01_05PDT_Armataz_01_05
بعرف بس

ماما زمنها جاية ... جاية بعد شوية
جيبا لعب وحاجات ... وك واك
جيبة معها شنتة ... فيها بطة و وزة
بتقول واك واك واك ... واك واك :accordiann:

ألها كمالة بس ماني حافظتها [smilie=italiamac_j:

smilest
28-02-2008, 14:48
شاااااااام ههههههههيحرء حريشك

رقصة كنا نرقصها بباحة المدرسة ..بيكونوا البنات ماسكين ادين بعض مشكلين دائرة كبيرة ويرددون ..مع بعض حركات الدبكة بالأقدام

أبيكي بيكي بيكي ..أراح لأشكيكي
أدمع دمع دمع ..أراح لأتسمع
أبيك ..لأشكيك ..أدمع أسمع
نحنا بنات الهوا بين العمود والهوا
وحدة طويلة وحدة قصيرة وحدة بتقصع لورا

Kettya
28-02-2008, 15:14
طاق طاق طاقية.. طاقتين بعلية
رن رن يا جرس.. حول واركب عالفرس
والدبة وقعت بالبير.. صاحبها واحد أمير
يا غنماتي .. ماع ماع.. شو بطعميكون؟؟ ماع ماع
سم يهريكون لاأ لاأ

هي لعبة بس غنية زات معنى..

أب يمان
28-02-2008, 15:25
في هي كمان بس مالي حافظهاااا

جينا نخطب بنتكن يا عمار العمارة ما منعطيكن هية الا بالف ومية

هي صفين بنات بياخدو خطوتين لورا وخطوتين لقدام

مين حافظها هي ؟؟؟

nadia
28-02-2008, 15:25
وصلني هالايميل من فترة ... كأنو الو علاقة شوي بالموضوع لأن فيو غنية طفولة " افتح يا سمسم "... :dancer:

خطرلي حطو هون ... :fotieee2:



لن تأخد من وقتك الكثير...كرر معي 3 مرات

"افتح يا سمسم ابوابك نحن الأطفال"
" افتح و استقبل اطفالك نحن الأطفال "

"افتح يا سمسم ابوابك نحن الأطفال "
" افتح و استقبل اطفالك نحن الأطفال "

"افتح يا سمسم ابوابك نحن الأطفال "
" افتح و استقبل اطفالك نحن الأطفال "

أرسل هذه الرسالة الى عشرة أشخاصو سترى نعمان في منامك و اذا أرسلتها لأكتر من عشرة سترى نعمان بالألوانوسيأتيك كعكي يحمل أخبارا سعيدةلا تهمل هذه الرسالة انه موضوع جديأرسلت الى شخص و أهملها فانقطعت عنهم قناة سبيس تونشخص آخر عمل بها فرزق شريطميكي ماوس الأصليو أرسلت الى شخص و استهزأ بها فتحول الى زعبور


هع هع ... كرروا لشوف ... :lool:

bigbaby
28-02-2008, 15:41
في هي الغنية السئيلة بتجي مجانا مع كل نص ساعة زينغو ورينغو ...

تووووووووووووت تووووووووووووت تووووووووووووووت توووووووووووت توت توت توت توت توت
توووووووووووت توت قطر زغنتوت ... توووووووووووووووت توت بالليل بيموت ... توووووووووووووت توت ويهل علينا
توووووووووووووووت توت بمعاد مزبوط
وتوت
توت
توت
توت
توت
توت
تووووووووووووووووووووووووت

hoda aleman
28-02-2008, 15:43
هي الغنية كنت أسمعها من لعبتي وأنا صغيرة:

نام يا حبيبي نام ...أمك عند الجارة ... وأبوك في الدكان

Kettya
28-02-2008, 15:47
الشريرة:هون ضايعلي ليرة...
الحبابة: ان شاء الله ما تلاقيها
الشريرة:بلاقيها وبلاقيها
الحبابة:ان شاء الله ما تلاقيها
الشريرة:بدي أشأش حطباتي
الحبابة:بخاف على وليداتي
الشريرة:ما باخد إلا المدلل
الحبابة:ما بعطيك إلا الجردون
الشريرة:باخدو وبحرق دمو
الحبابة:بخللي المدلل لأمو
الشريرة:أنا ست الخطافين
الحبابة:وأنا الأم المحمية

وبعدين بيملخوا أيديه للولد لأنو كل وحدة بتشدو من جهة... هه وخلصت اللعبة.

legend
28-02-2008, 15:49
غنيتي المفضله

عمي منصور النجار ........ يضحك وفي يده المنشار

قلت لعمي عندي لعبه........اصنعلي بيتاً من لعبه

هز الرأس وقال ......... أنا اهوى الأطفال..

The Hunter
28-02-2008, 16:03
طيب سمعو هي ... .. خيلة :dancer:

اللي بيعرف ايمتا كانت تطلع الو خمسمية محروقة:smoke2:

على فكرة كتير تذكرتها وقت فحص السواقة

آب شاكر
28-02-2008, 16:10
قفز الارنب نط الارنب كنت قريبا منه العب
لا تهرب مني يا ارنب انا صديقك هيا نلعب
ههههههههههههههههههه
والله ما عاد اتذكر شكرا على الموضوع رجعتوني 50 سنه لورا لا شو خمسين
احلى تصدقو ...... يعني عشرطعش سنه :ummm:

hoda aleman
28-02-2008, 16:42
الأمن والسلامة..الأمن والسلامة... لكل من يستخدم الطريييييييق

وأنت ياصدييييييق...إن كنت حينا سائقا ... أو كنت حينا ماشيا

لابد أن يكوووووون ... شعارك المضمووووون

الأمن والسلامة..الأمن والسلامة... لكل من يستخدم الطريييييييق

انظر إلى البعييييد ... الناس يعبروووون

فلتعطعهم حقوقهم... ليعبروا الطريييييقااا... وكن بهم رفيييييقاااا

لتأمن السلامة..فالأمن والسلامة... لكل من يستخدم الطريييييييق


حزرت ولا ما حزرت؟؟؟؟

القلب شاف
28-02-2008, 16:44
عمي منصور النجار يبدع في يده المنشار

قلت لعمى بدى لعبة اصنع لى بيتا لللعبة

هز الراس وقال انا اهوى الاطفال

ولا هي

ابيض ابيض مثل النور يركض في البستان يدور



ولك يحرء حريشكن رجعتونا 70 سنة لورى

MiSsAnGeL
28-02-2008, 16:49
ماما ماما.. يا أنغاما..
تملأ قلبي...بندى الحب..
أنت نشيدي...عيدك عيدي..
بسمة أمي...سر وجودي..
توقظني ماما بالفجر...
يدها الحلوة..تمسح خدي..
بابا بابا يومك طاب
دمت ربيعا...دمت شبابا..
لي و لأجل.. الوطن الغالي..
يعمل بابا...دون ملال..
بابا يتعب حتى نكبر..
نبني نحن الوطن الأكبر...
وطني الأكبر...وطني الغالي..

هي كانت أول نشيدة بكتاب القراءة
ياترى لهلئ موجودة والا حذفوا بس كنت كتير احبها :)

nadia
28-02-2008, 19:25
طيب سمعو هي ... .. خيلة :dancer:

اللي بيعرف ايمتا كانت تطلع الو خمسمية محروقة:smoke2:

على فكرة كتير تذكرتها وقت فحص السواقة
شو هالغنية عمو أبوصطيف !!!! ما عرفتها أول مرة بسمعها ...:ummm: ... بس بتصور كانت تطلع ببرنامج لدريد لحام .. هيك خطرلي ...:smoke2:
بالفعل خيلة هه ... :dancer:

اجت بوقتها هالغنية اسمو عندي فحص بعد أسبوعين ... شكرا عمي العزيز ...:108:

THE DARK LORD
28-02-2008, 19:46
طيب تفضلو هدول هالنكشة

samaa
28-02-2008, 22:46
ذهب الليل طلع الفجر والعصفور صوصو
شاف القطة قللها بس بس ............... قالتلو نو نو

miam
29-02-2008, 16:47
طيب حدا مذكر دعاية انينة الغاز
انتباه انتباه و شوية حذر
لا تخلي انينة الغاز مصدر الخطر
والها كمالة مو متذكرتها
طيب ولعبة سلوى يا سلوى
ليش عم تبكي
بدي رفيقاتي
قومي نقي يلي بدك ياه
:dancer:

RANA
29-02-2008, 23:01
ياسلاااااام ذكرتونا بااللذي مضى
كان في غنية انا كتير بحبها هي للتفاحة بتقول
أنا أنا التفاحة
بسبح بالمي سباحة
كل الناس حبوني
هجمو علي وقطفوني
بالبراد حطوني
بالتمن الغالي باعوني
بدي احكي بصراحة
أنا أنا التفاحة

Sugar
01-03-2008, 00:41
انا بتذكر نشيد اوما بعرف شو كان اسمو

قطتى صغيرة و اسموها اميرة ...بس هادا اللى متذكرتة

و فى كمان فيرو جاكو فيرو جاكو دورمى فو سونا لى ماتينا دينج دنج دونج

!

The Hunter
01-03-2008, 11:18
شو هالغنية عمو أبوصطيف !!!! ما عرفتها أول مرة بسمعها ...:ummm: ... بس بتصور كانت تطلع ببرنامج لدريد لحام .. هيك خطرلي ...:smoke2:
بالفعل خيلة هه ... :dancer:

اجت بوقتها هالغنية اسمو عندي فحص بعد أسبوعين ... شكرا عمي العزيز ...:108:

على عيني يا بنت أخوي من عينتيني والله ... خيتو هالغنية (إشارات المرور لازم نعرفها ... تعليمات المرور لازم نفهمها :fotieee2: ....) موسيقة برنامج اطفال اسمو (مسلسل قف) كان يطلع بالثمانينات أيام طفولتي أيام ما كان في غير القناة الاولى بس ... كانت أفلام كرتون تطلع الساعة 4 ونص والعيلة كلها تجتمع قدام التلفزيون .... ايييييييييييييه أيااااااااااااااااااااااااام:smoke2:
الله يوفقك بفحص السواقة ... ركزي منيح عالميكانيك ... أكتر شي بيرسبو فيه خاصة البنات .... موفقة:108:

كريستال
01-03-2008, 21:25
ههههههههههههههههههههههه

وفي هي الغنيه كمان هيه لعبه

الله يصبحكن بالخير يا عمار العماره

الله يمسيكن بالخير يا عمار العماره

جينا نخطب بنتكن هل حلوه وهل ذكيه

ما منعطيكن هيه الا بالف وميه

منجي على داركن ومن كسر ابوابكن

صيدليه ميدليه

هي عروستنا الاوليه


وبنقوا شي بنت من الصف التاني

وقال يعني لازم تكون احلى بنت بيناتن

مشان هيك ديما بصير مشاكل وبيتقاتلو لما يلعبوا:umgh:

smilest
02-03-2008, 11:31
ياسلام يادارك لورد شو حلوين هالأغنيتين ..يسلمو اديك

اتذكرتلكم هي الأغنية ...تغنى مع حركات بالأيدي
حاشيشة قلبي هالطول هالطول
كبرت وصارت هالطول هالطول
هيك بيسبحوا السمكات
هيك بيدور الدولاب
هيك بيناموا الكسلانين
هيك بيعدوا المجتهدين
هيك بيسفقوا الشاطرين

la solitaire
02-03-2008, 12:00
الشريرة:هون ضايعلي ليرة...
الحبابة: ان شاء الله ما تلاقيها
الشريرة:بلاقيها وبلاقيها
الحبابة:ان شاء الله ما تلاقيها
الشريرة:بدي أشأش حطباتي
الحبابة:بخاف على وليداتي
الشريرة:ما باخد إلا المدلل
الحبابة:ما بعطيك إلا الجردون
الشريرة:باخدو وبحرق دمو
الحبابة:بخللي المدلل لأمو
الشريرة:أنا ست الخطافين
الحبابة:وأنا الأم المحمية

وبعدين بيملخوا أيديه للولد لأنو كل وحدة بتشدو من جهة... هه وخلصت اللعبة.

نحن كمان كن نلعب نفس اللعبة بس بين الأم و الأب ...يعني الأم هي الحبابة و الأب هو الشرير ...بس مو ضايعلو ليرة ضايعلو... باكي دخان :lool:

في كتير شو بدي اتزكر لاتزكر ...كمان اللي بالفرنسي كانو كتير حلوين ...
Une poule sur un mur
qui picote du pain dur
Picoti picota
lève la queue et puis s'en va
وكمان في وحدة بتقول Au clair de la lune,mon ami Pierrot
و تبع فغيغ جاك كمان حلوة :dancer:

الدمشقي
09-03-2008, 08:45
يخسا من قال ياخدوها
يخسا من قال ياخدوها
يخسا من قال ياخدوها

حنا بالسيف نجيبوها
حنا بالسيف نجيبوها
حنا بالسيف نجيبوها

ابني الصغير قلي يابا
ابني الصغير قلي يابا
ابني الصغير قلي يابا

بدي حلاوة منفوشة
بدي حلاوة منفوشة
بدي حلاوة منفوشة

مديت ايدي ع الجيية لقيت الجيبة مبخوشة
لقيت الجيبة مبخوشة
لقيت الجيبة مبخوشة

يخسا مـ :shutup3:ممممممممممممم مممم مممم
ممممممممممممم مممم مممم
ممممممممممممم مممم مممم

ليال66
09-03-2008, 19:24
بابا جبلي بالون يا لولو

احمر واصفر اللون يا لولو

تعوا نلعب فيه سوى يا لولو

ما احلاه طاير بالهو ا يا لولو

بنت الأكابر
09-04-2008, 04:08
لك هالموضوع من زمان على بالي إدخله بس مدري شو يلي عم بنسيني ..
المهم .. إجاني من أبي دفتر أغاني وأنا صغيره كتير كان حلو ..
مره أخدته عالمدرسه وبنص الحصه والمعلمه عم تشرح إجى عبالي طالعه ( كنت مئذيه ) وعم فرجي هي وهي تجي لتشوف وتنط هديك من هونيك .. كمشتني المعلمه وقالت كيف بتفتحي أشياء مالها علاقه بالدرس ( والله كنت صغيره ) وتشد بهالدفتر بدها تاخدو وأشد ماإرضى أعطيها ياه .. هيك لأخدتو وخبتو عندها .. وإنفتح جاعوري ورحت عالبيت ومناحه لإتصلت إمي بالمدرسه وقالتها : لك يـــــرحم والديــــك عطيها ياه .. ماعاد فيني إتحمل ..
وهيك لعطتني ياه .. وعندي هلأ ومشقشق من إيديها بس بضل ذكرى حلوه ..
ومن الأناشيد ..

ألــف بــــــاء تــــــاء ثــــــــاء ..
هي عندي أحلى الأسماء ..
ميراثــي عن أمــي وأبــي ..
لك روحي يالغــة العربيــه ..
قد عشت بوجداني نغــما ..
حلــواً وبذاكرتـــي حلـــما ..

نسيت شو كمالتها ..
وفي كمان مقطع متذكرته ..

يانجمة في السما ..
تداعب الأنجـــــــما ..
مدي لنــــا سلــما ..
في فرحـــة الأعياد ..


إييييه ذكريات ..

sherifzahran
03-11-2008, 17:27
اللى يسقف سوسه بابا يجبله عروسه
اللى يسقف بابا يكسيه توب حرير يجوز فيه

نجمة سوريه
04-11-2008, 01:44
طيب مين بيعرف هي
كان في وحده ست،،،،
عندها 12 بنت،،،،
يوم ئالولها ياماما،،،
ناكل توت ياماما،،،
جابتلهم توت،،، أكلو توته توته توته توته خلصت الحتوته ،،،،

طيب وهي:
ياجارنا الهندي،،، تعا شوف شو عندي،،، عندي ضبع أسود،،، جاي ياكلني.

وهي:
جمَال أبي جمَال أبي ردو السلام إمي وأبي،، كان بديعه غاليه صارت بديعه جاريه ترعى الغنم ترعى الزرع تطلع عالجبال العاليه.
والله مافي أحلا من الطفوله بس بدون زكريات المدرسه المعته يلي فيها أتلات من أبي