وربي حرام عليهم.... [الأرشيف] - منتديات طريق سورية

المساعد الشخصي الرقمي

مشاهدة النسخة كاملة : وربي حرام عليهم....


عاشقة الثلج
29-11-2007, 19:17
يتحدثون كثيرا عن لباس الفتيات.. كاسيات عاريات........ الضيق والشفاف, القصير والطويل....إلخ..........

عن ابي هريرة رضي الله عنه عن النبي صلى الله عليه وسلم قال:" صنفان من اهل النار لم ارهما: وقال: نساء كاسيا عاريات مميلات مائلت , رؤوسهن كأسنمة البخت المائلة لا يدخلن الجنة ولا يجدن ريحها, وإن ريحها ليوجد من مسيرة كذا وكذا"

والآن سؤالي موجه للجميع........ ماذا عن لباس الشباب؟؟ وها نحن نجد الضيق والشفاف في لباسهم دون حياء او خجل..

نقول ان كشف المرأة لنفسها مدعاة للإنحلال والوقوع في الاغراءات والشهوات؟؟؟ وهذا حق.. فغريزة الرجل مخلوقة كما خلق.

وميله لحواء ليس بيده, إنما هي فطرة...

ولكن ماذا عن ميل حواء لآدم؟؟؟؟؟؟؟ الم نفكر في هذا من قبل..

هل حرمنا على حواء المشاعر,,, هل انقرضت عندها الفطرة الخلقية في ميلها اتجاه الرجل...!

وماذا عنها وهي تشاهد الشباب في الشوارع بكامل جماله وإغراءه ... الضيق من السترة والبنطلون.. العطر الأخاذ,, القميص الذي

هربت أزراره من عروته ليظهر منه صدره......وغير هذا الكثير......

نأمر المرأة بالسترة والحشمة وننسى أن للرجل ذنب في تفشّي الفاحشة..... فكلاهما مخلوقان على الفطرة.. والغريزة فطرة..

فهل من عيب أن يحتشم الرجل خارج بيته بغية الحفاظ على نفسه وغيره....

هل مطالبتي بسترة الشاب ما يخالف الدين والعقل والأخلاق؟؟؟

هل صحيح ان ما سطرته في الأعلى مضحك!!؟؟ هل تعتقدون انها فكرة جنونية من فتاة متطفلة,, لم تفهم الحياة بعد..

ولكنني اقولها وانا فتاة كباقي الفتيات,, واجهت في حياتي مواقف تدفعني لقول ما قلت...واظن انكم واجهتموها مثلي...

seastar
29-11-2007, 19:35
ايواااااااا اسعوا هيك
البنات بالشرع ما بصير يبين منن غير الوجه
و الكفين و اللباس لازم يكون متل لبس الصلاة
واسع بس مو ازا مضايقين نحكي على اللبس الشباب
لانو الشباب بالاسلام بس يخبو من الصرة للركبة
بقا شو شفاف و ضيق هيك بالاسلام
و خلص ليش النقاش كان النقاش على البنات صرنا
نتقارن بالشباب ما شاء الله
شكرا كتير على الموضع
سلااااااام

عاشقة الثلج
29-11-2007, 20:01
مشكور اخي على الرد السريع....بس كمان مراعاة مشاعر الآخرين مطلوبة....يعني مو الشاب يعمل يلي بدو ياه ويمارس حريته بالشارع وينسى انو فيه ناس حوليه ....ولو كانت العورة ما بين الصرة والركبة على هيك كل الشباب تمشي بالشورت وكأنو رايحين المسبح..واحنا لابسات اسود بأسود بعز الصيف ونختنق ونموت..هاد مو حرام بنظرك...أنا مقصد كلامي ان الشاب يراعي مشاعر الفتيات مو اكثر....يلبس يلي بدو ياه بس يحتشم...وربي أحلى...تسلم ايدك على الرد

adresa
29-11-2007, 23:40
انتي عم تحكي من كل عقلك ؟؟؟كل عمرنا منسمع انو البنت بتغري الرجال مو العكس واللي عم تحكي عنو مو واجب ومو لازم بما انو الشرع ما فرضو هلأ عم بتقارني البنت بالشب انا ما بعرف لشو اتعرضتي بالضبط بس يعني ما اقتنعت بكلامك انا ساكنة باوربا ومحجبة وهون الكل فري وبعمري ما تعرضت لشي ولا حسيت بشي بعدين بصراحة مظهر الشب اللي حكيتي عنو بعبر عن رجل طانت وما بظن انو المراة بيجذبها هيك اشكالاكيد كلامك مضحك وجنوني بعدين الظلم اللي عم تحكي عنو لما الشب بالصيف بيلبس شو ما بدوا ونحنا لابسين اسود باسود كانو هذا اعتراض على حكم الله سبحانه وتعالى

RaNo0oSh
29-11-2007, 23:43
بربي انك جريئة خيلة
لانو بمجتمعنا ازا وحدة حكت هيك بفكرو انو أفكارها غلط
أو مدري شو بقولو عنها غير هيك

الرجل ببالغ باظهار مشاعرو اليااي ما حدا بقلو شي لانو هي غريزتو
اما البنت مدري شو لازم ما تحس أو ما تشعر .. هيك شي
يلي عم يطالب النساء بلباس الحشمة ولباس نساء النبي صلى الله عليه وسلم (وأنا معو)
عم يلتزم هو باللباس الشرعي ولباس النبي صلى الله عليه وسلم
بقولو انو نحنا عم نتشبه بالغرب بلباس نساءهم العاري والمكشوف والذي يخدش الحياء
طيب وبالله اللو ويست والقميص يلي ضايعين كل زرارو والحفر والمدري شو كمان
ما بيخدش الحياء ومو تشبه بالغرب !
إلا هاد اللو ويست شو بتدايق منو أنا !
بس نحنا تعودنا نحاسب المرأة على أخطاءها والرجل .. لك معلييش مو رجل !

عاشقة الثلج .. شكرا لموضوعك الجريئ

syria moon
29-11-2007, 23:44
سؤال زغير لك بس بدي أفهم منك ليش أنتي شايلة بقلبك كتير عن الشباب متل مافي شباب تافهين في شباب ناضجين ونفس الشي البنات لك هون في حرية لبسي أنتي او غيرك شو مابدك مين عم يقلك ليش لابسا هيك ولاهيك مو انتي راضية بالشي ألي عمتعمليه ليش حتى تسألي على حدى او خوفانة حدى يلومك يعني هي بشكل عام بس لعلمك نظرة الشاب للبنت ألي لابسة أسود بأسود غير نظرتوا للبنت ألي لابسة الضيق والطويل والقصيبر والشفاف يعني عم تظهر بلبسا هاد كلشي مغري للشاب وإذا بدك تحلي هل الموضوع رفعي قضية على الامة العربية كلا وطالبي فيها الامة كلها تلبس الشباب مكلابيات ........... لاتزعلي من كلامي بس مواضيعك كلا عن ظلم المرآة وانا الي شايفه انوا هل المرآة عم تأخد كلشي بدها ياه وماعم ينقصا شي بهل الحياة ..............والسلام

MASO
30-11-2007, 00:47
لحظة !!
اهم ما يذكر بالموضوع انو المرأة في فطرة خلق البشر و في الفطرة الانسانية هي موضع الاثارة و الجذب و ليس الرجل بالمجمل / انا مو ضدك ابدا عاشقة الثلج و بالعكس في شي من كلامك مع جرئتو حلو و صحيح نوعا ما" و كمان جرئتك هي اكيد عن صدق منك و مشكورة ........
كلامي بأنو " المرأة بالشرع و بالفطرة هي يلي بتشد الشب مو العكس هادا اكيد مو قاعدة عامة " بس بدي قول انو شرع الله سبحانه و تعالى وقت نزل بجعل عورة الرجل من السترة للركبة و المرأة كامل الجسم ما عدا الكف و الوجهين مع عدم طلس الوجه بالبودرة الجاذبة و الحمرة الفاقعة / هادا حكم الشرع و باعتبارو هيك فاكيد الله اعلم بطبيعة عباده اكتر من العباد نفسون لانه هو يلي خلقون و بيعرف شو بفيدون و بضرون اكتر منون بكتير " بمعنى : انو الله وقت فرض ستر مكان محدد من الجسم على الرجل فهو سبحانه و تعالى يعلم ان ذلك يدفع الضرر و الفتنة و / كمان المرأة بجعل سترها و حجابها الكامل غير المنقوص انما يعلم الله ان ذلك عفة لها و للمجتمع من حولها " بمعنى اشمل : لا تسمعي اختي عاشقة الثلج دعاوى هؤلاء المضلين من دعاة على أبواب جهنم فهؤلاء يقولون كلاما قريب من كلامك مثلا فيقولون مثلا لما لا يرتدي الرجل الحجاب و لما المرأة فقط من تتحجب و تتربط ؟ " و هم بغبائهم يذهبون بالناس البسطاء الى امور مضحكة فيعني هم بذلك يتطاولون على الله لانهم نسوا ان الله اعلم منهم و اكثر منهم علما و حكمة و جلالا فهو تعالى حدد منظومة لشرعه في الارض تصلح لنفع الناس و سعادتهم فلا ياتون لنا بهانكت الهستيرية هي .
اكيد انتي اختي مو قصدك تصلي لهون - و بعرف انو قصدك انو الاحتشام و التعفف مفروض على الرجل كما هو مفروض على المرأة " هالحكي صح بس لا تنسي انو الشب وقت يشوف بنت عليها ضوء و مو محجبة و سبور كمان رح يضل يبحلئ فيها ساعة اذا ما كان عندو رادع من قلبو يمنعو " اما البنت وقت تشوف شب حتى لو كان على الموضة و ملفت فهو عادي طالما ساتر جسمو فالواجب على الاخت و البنت هي ما تقيمو من ارضو و تذكر حالها انو اد ما كان حلو هالشب و لا حول ولا قوة الا بالله فلازم تتذكر انها هي موضع الجمال و الانوثة و الحسن كلو فما رح يكنلوا بعدها تاثير متل تأثيرها هي لو كانت سبور مثلا "
اهم شي بدي منك تتذكري هو حديث رسول الله صلى الله عليه و سلم يلي يا عاشقة الثلج انتي ذكرتيه ببداية موضوعك و هالحديث كافي الي و الك اختي و النا كلنا لحتى ما نعذب حالنا و نسال ليش هيك و ليش هيك " لانو القصة فيها جنة و نار و مصير ابدي بالدار الآخرة و الله تعالى اعلم و صلى الله على نبيه محمد و آله و صحبه و سلم .

سؤال زغير لك بس بدي أفهم منك ليش أنتي شايلة بقلبك كتير عن الشباب متل مافي شباب تافهين في شباب ناضجين ونفس الشي البنات
غير هيك ......
آية من كتاب الله سبحانه و تعالى مالي حافظها كلها بس كمالتها كالتالي :
( و القانتين و القانتات و الحفظين لفروجهم و الحفظت و الذاكرين الله كثيرا و الذاكرت اعد الله لهم اجرا عظيما ) اذا ملخبط بترتيب الصفات بهالآية الكريمة فآسف و المهم من هالآية الكريمة المباركة المعنى التالي : انو ربنا سبحانه و تعالى امر الرجل و المرأة سوا بهالآية بالعفة و غيرها من الاوامر المذكورة بهالآية و منلاحظ انه بدا بالرجل قبل المرا بالامر و هي دليل انو ما في تمييز ضد المرأة بديننا الحنيف يلي نزل من رب عظيم كريم لانو امر الرجل بهالآية قبل المرا و هادا دليل انو عبرتنا ليست فقط بحجم و مكان العورة عند الرجل او المرأة فحسب و انما مع الالتزام بستر ما امر الله بستره علينا ان نطهر قلوبنا من الداخل لكي يتناسب شكلنا مع مضمونا بمعنى أخير : لله الدين الخالص " صدق الله و كفى و السلام

عطر امرأه
30-11-2007, 08:01
امممممم أنا بحكي عن حالي بصراحه مهما كان لبس الرجل ضيق أوشفاف ومادري شو ما بيلفت نظري أبدا بالعكس يخليني انظرله نظره اشمئزاز..موضوعك جميل وما لقيت فيه أي غرابه أوجرأه بالعكس موضوع فيه شي كبير من الواقع والله يهدي بنات وشباب المسلمين ..

Sugar
30-11-2007, 15:25
عاشقة بالنسبة الى سؤالك منطقى و مافيو شى

بس مالازم ننسى انو الله خلق طبيعة حواء غير طبيعة ادم ....و لهيك الله امر انو الفتاة لازم تكون مسترة من ناحية اللبس

غير انو متل ما قالت عطر امراة....الشباب اللى بيلبسوا شى ضيق او تقريبا غريب ليلفتو الانتباة فبيكون شكلون مقزز .....

بس انا مرة سالت انو ليش الشباب معلش يحطو عطر او بارفان و البنات لا ....بالنسبة اللى البارفان بالنسبة للاتنين مثير و بيشد الانتباة للشخص...

شكرا الكِ

m!ss n!ce
30-11-2007, 18:22
اختنا عاشقة الثلج , مممم كلامك منطقي بس هو مو واجب التستر عليهن للرجال

يعني وجهة نظرك مرفوضة بشدة من قبلهم عيني


إلا هاد اللو ويست شو بتدايق منو أنا !




عنجد هالشكيلات عننا بالمولات على ابو مين يشيل هههههههههه


فعلاً مناظر بتخدش العين مدري الحيا , عنجد بتفكريـه رح يهر شوي تانيات خخخ

موديرن موديرن :blehhh:

ريمان
30-11-2007, 18:41
ليك حلو يكون الوسط بالباس عند المراه والرجل

يعني رجل يلبس شفاف مو حلو او ضيق اما البنت حلو بس باعتدال لانه حرام مهما كان بعدين مافي داعي المراه تظهر كل شي من جسمها او جمالها لانه المراه بالاخر متل الهديه يلي الكل يتشوق ليشوف شو بداخلها اما ازا كانت شالحه نص تيابه بالبيت هاد معناتو ماضل شي فيها مخبا مرسي
والله يستر على جميع

أب سن دهب
01-12-2007, 08:25
اول شي خلي البنات يتحشمو .. وبعدين الشباب لا تاكلي همن .. بينصلحو بإذن واحد أحد..

القلب شاف
01-12-2007, 19:33
اي شوفيها يعنى انو ماشين عالموضه

ضيق شوى شعر طويل شوى وحكى عالموضة

يعنى شباب الجيل الصاعد هيك صارة الموضة

ياسين
01-12-2007, 21:56
كما يوجد فتيات طايشات وما يحاسبن على تصرفاتهن كذالك الشباب

اللهم اهدي شباب وبنات المسلمين

sebastiana
01-12-2007, 22:35
مممممممممممممممممم

الصراحة اول مرة بشوف هيك سؤال

هلأ ممكن يكون سؤالك منطقي بس الله سبحانه و تعالى خلق الشباب بطبيعة غير ....


و كمان البنت لما تتستر بتكون عم ترفع من قيمة حالا .. مو عم تدايق حالا ...

يعني انا بحياتو ما لفت نظري الشب لانو لابس ديق او لو ويست ..

انا اكتر شغلة بتلفت نظري بالشب هي
الشوز ( الكندرة ) تبعو هههههههههههههههه

يعني اول شي بطلع عليه بعد وجهو للشب هو الشوز

و شكرا ..

pure
03-12-2007, 12:11
شكرا على هالموضوع الحلو
بس خديها مني انو شو ما لبس الشب ما بيلفت النظر لانو مافي محاسن عكس البنت الي بتكون كلها محاسن من راسها لرجليها ... بعدين العوره للبنت معروفه والعروه للشب معروف
تحياتي

smilest
03-12-2007, 13:09
تعوا لألكم تعوا

مزبوط كلامك عاشقة مية بالمية
ياريت هالشباب يلي هنن قدوة المجتمع قبل ما يروحوا يبصبصوا على البنات وطالبين منهم الحشمة يروحوا يستروا عورتهم يلي مبينة متل ماهية
شيء مقزز
خلينا ناخد وقت الصلاة ألم يأمرنا الله بتغطية العورة ...وعورة الرجل من السرة للركبة
لبس البنطال الجينز أليس بحد نفسه يبين تفاصيل الرجل
ولا بس للرجل مباح والباقي تفاح

أنا أطالب الرجل بلبس التنورة:cheesy::lilia:

Abu-Firas
03-12-2007, 13:21
الشب يلبس متل مابده ..... :108:

وطير وفرقع يابوشار .....:blehhh:

Laylac
03-12-2007, 13:25
أنا أطالب الرجل بلبس التنورة:cheesy::lilia:


يعني متل الهنود

يقبروا قلبي شو بتلبق ها التنورة ....!!!


*********

اي شو هالتواقيع الحلوة بسمة وأبو فراس .... غير شكل
:fotieee2:

Moustafa
03-12-2007, 13:26
لأ لأ لأ شو هالحكي يعني لهون وصلت معكون الأمور كمان بدكون تحددو للرجل شو يلبس و شو ما يلبس شوية تانية كمان بتقولو لازم الرجال ينضب ببيتو و حاجتو سهرات من هون لهنيك و طلعة برة البيت مشان إذا إجاه خطّابين ............

يا جماعة إذا عم تحكو بالدين فالتطيب سنة عن الرسول

بعدين لقلكون شغلة أنا بعتقد إنو اللي بيلفت نظر البنت للشب مو شكلو أو " محاسنو " بالأول شخصيتو و حضورو يعني مو لبسو و عطرو و مدري شو

و ما في شب سوي باعتقادي بيلبس شفاف

و بعدين بتقولو خلو هالشباب يغضو بصر ......... طب و انتو ليش ما بتلبسو متل العالم و الخلق لحتى الشب يغض بصر و ما ياكل ألف لعنة وقت اللي بيمشي بالطريق


سلامات

bigbaby
04-12-2007, 08:53
مزبزط حكيك ... بس مافي امل بالنقاش لا تتعبي حالك ( شبقلو كل شي بيلبقلو) وهي شكر كمان لجرأتك بالطرح ...

Ayman syr
04-12-2007, 14:34
بس مافي امل بالنقاش
في أمل ...ليش ما في أمل ..

بنبلش من جديد .

عاشقة الثلج
07-12-2007, 08:21
أنا ما عرضت الموضوع بسبب احتجاجي على لباس الفتاة..أو لأني متضايقة من لباسي كوني مجبة...أنا بفتخر الحمد لله إني مسلمة ملتزمة (نوعا ما) كوني ببلد أوروبي كمان ..
أعيد وأقول...
هل من العيب أن يحتشم الرجل خارج بيته بغية الحفاظ على نفسه وغيره...
أختي adresa
:العورة بالاسلام معروفة..أما الضيق والشفاف فهو محرم....ورح ذكرك بالحديث..عن ابن عباس رضي الله عنهما,قال:لعن رسول الله صلى الله عليه وسلم المخنثين من الرجال, والمترجلات من النساء))وما أكثر المخنثين في شبابنا للأسف..
وعن ابي هريرة رضي الله عنه,قال: لعن رسول الله صلى الله عليه وسلم الرجل يلبس لباس المرأة..............))ومن متى والرجل في عرفنا وديننا مسموح له لبس الضيق والشفاف والمفتوح والقصير..!!!!!!الجينز بيلبسو بالصابون..والكنزة ما لها داعي أصلا لأنها يادوب تستر حالها.......وبعدين صحيح العورة للرجل ما بين الصرة والركبة ..بس ليش على أيام الرسول ما كانو يلبسو تي شورت وبنطلون برمودا!!!وإلا رجال زماننا مسموح لهم..وهم ممنوعين...
وكل الشكر لأختي رنووووووووش..رفعتي من معنوياتي شوي..ربي يكرمك ولا يحرمك...
كوني جريئة صحيح..بس لحدود طبعا...وكون المجتمع يفكروا إني غلط فهاد الشي ما بيهمني لأنو عمرهم ما فكروا صح بالبنت....!!!(يأس)
Syriamoon؟؟؟؟؟؟
بس بدي أعرف حضرت شاب والا بنت....من لهو كلامك مبين بنت...بس من معلوماتك مبين شاب...على العموم......مو قصة شايلة بقلبي...قصة اننا منطالب الفتاة بكل شي وكأنها قنبلة ذرية والشاب يملك كل الحرية.....كيف ظبطت معك ألبس شو ما بدي وأنا محجبة...وإلا بتقصد ألبس جينز وقميص قصير وجاب فرنسي وشوي روج وبودرة وعطر وأطلع أتمشى بالشارع!!!بعدين مين حكالك بدي تلبسوا مكلابيات..(أنا ما بحبها)..بس فيكم تلبسوا شوي عريض... قميص مستّر...احتشموا شوي واعملوا حساب لمشاعر الآخرين....وأنا ما بقصد بكلامي هاد –أختي عطر أمراة—إنو بيلفت انتباهي هيك شب....بالعكس .بسو تنت...ننوس أمو.....صايع ضايع مو ملاقي شي يشتغل فيه غير حالو.... بس كمان العين بتشوف...أيانا بقرف من كتر ما بشوف هيك مناظر...وأقولكم الصراحة أنا نقطة ضعفي العطر....عشان هيك أطالب الأمة العربية أن تحرم فهرنهايت..وشانيل وأوبيوم وهيوجو.بووس.و212...خلينا على التطيب بالبخور وماء الورد ...
بشكرك اخت سكر ياسكر انت...واختي m!ss n!ss
ورنا يسترنا جميع..كل الشكر لأختي ريمان..
أما عمو أب سن ذهب..ليش ما نحتشم كلنا مرة وحدة..وليش كل شي عالمرأة قبل الرجل.إلا الطاعة للرجل قبل المرأة....خخخخخخ..هاد مو عدل...
التعري بنظر عمو((القلب شاف))موضة للرجل والمرأة أحق فيها على الأقل بس تتعرى بتحلى..أما الرجل العكس..وآسفة عهالكلمة...بيصير مشمئز..

الصراحة اختي .smilest
أنا معك بلبس التنورة.. أستر شي...هههههههه ..عجبتني الفكرة...

له يا أبو فيراس...بعرف حقاني....فين التحضر..فين المساواة..فين البوشار؟؟؟

عمو مصطفى....اللبس بيعكس شخصية الشخص....يعني أكون لابسة متل هيفا وروبي ومروة..س تشوفني رح تحكي علي وحدة ساقطة,,وتفاهة ومنحلة أخلاقيا وما عندي أهل يربوني ولا دين يردعني ((مثلا يعين))..والشاب نفس الشي...وانت غض بصرك ولا تاكل لعنات..والقابض على دينه كقابض على جمرة..تحملوا في سبيل الجنة...ما في شي بيجي بالساهل عمو....واحنا شو ذنبنا كمان ناكل لعنات..والله العين إلها حق وبتشوف...طيب تستروا ..والا فرحانيللي على عضلات الصرصور وكم شعرة لازقينهم عصدركم.((كلامي عمومي عمو))

الأمل موجود عمو بيبي...بس النقاش معدوم عمو أيمن....

مشكورين على حضوركم معي....

syria moon
08-12-2007, 23:58
هلى أول شي ما ألنا بموضوع إذا بتعرفي تميزي أنا شب ولا بنت بكير عليكي لانوا ... منجي على قصة انوا لبسي شو ما بدك أول شي بدي تطالبي هل البنات بشوية حشمة قبل ما تطالبي هل الشباب هل أنا من نفسي بكره الشاب ألي بيلبس ضيق وهيك شي وأنا شب وبحياتي ما لبست هيك الحمدلله لانوا بحسب حساب لنفسي قبل ما احسب حساب لنظرة غيري ألي وأنا لما ألتلك لبسي شو مابدك انتي لانوا انتي عم تناقشي موضوع من طرف واحد يعني حكيتي عن الشب ونسيتي لبس البنت وكأنك مو شايفة شو بكون لبسا وإذا بدك تنصحي تعلمي ماتكوني أنانية وتحكي عن البنت بس يعني طرحي هل النقاش بالنسبة للجنسين الذكر والبنت كمان يعني أنتي عم تشوفي لبس البنات كيف صار يعني بظن انوا واعية على هل الشي أنتي وبشكرك كتير ........ صحيح بالنسبة لموضوع العطر اه من العطر نقطة ضعفي بس مو بكل الاحيان وأكتر شي بيجذبني وأنا معك أنوا نرجع لايام زمان والعطر ألي كان موجود لانوا بربي بتمنى ما يبقى شي أسموا عطر وانا معك إذا الك قدرة نخفيه عن الوجود ......:dance:.. والسلام

لورنس العرب
09-12-2007, 16:13
السلام عليكم اخوتى

دعيني ان ارد عليكي اختي بقصة اتمنى ان تتعظي بها وترون حريتكم الان وبعد الان الاين ستودي بنا

بسم اللة الرحمن الرحيم

هل علمتم عن نبا رحلتى حول العالم ومغامرتىالتى تجولت فيها بين ربوع واصناف الفتيات الحسناوات

والفاتنانت فى كل مكان؟؟؟؟؟؟؟

سانقلكم فى المكان والزمان لتعيشوا معى اغرب واعجب واجرا رحلة مغامرات ......

فهلموا بنا...

لا ادرى من اين تريدون ان نبدا من الشرق ولا من الغرب؟

لا باس تعالوا بنا لنبدا من الغرب الى الشرق ولنبدا من طاغوت العصر وفاسقة الكون وقائدتة

امريكا.........

حضرت مشهدا لصلاة العيد يحضرة المسلمون والمسلمات من كل مكان فى تلك الولاية ورايت

صنفين من نساء المسلمين فى صلاة العيد تلك صنف من نساء محجبات حجابا كاملا لا يرى

شيئا من وجهوهن وشىء قليل من الكاشفات ولكنهن محتشمات مؤدبات خلوقات .

اما الصنف الاخر نساء مسلمات سافرات متبرجات متعطرات.

سالت رفاقى من هؤلاء برب جبريل؟؟؟؟

قالوا لى اما الصنف الاول فهم نساء امريكيات وغربيات من ابوين كافرين وبلاد كافرة ونشاة كافرة اسلمن حديثا

وحسن اسلامهن فكان اول ما فعلن ان اعتقدن واقتنعن ان الحجاب الكامل

والعفاف والغطاء واجب وضرورة ملحة والا فماذا اذن؟؟؟؟

واما الصنف الاخر فقد كن نساءمسلمات منذ نعومة اظافرهن ومن ابوين مسلمين عربين

ومن نشاة مسلمة محافظة ولكنهن انسلخن على اهم مبادىء دينهن وعقيدتهن فالقين الحجاب

بحجة الحضارة والتطور وواكبن النساء الكافرات ونافسهن على انواع الزينة والسفور والتحرر

والاختلاط ولا حول ولا قوة الا باللة.

ثم مضينا بركبنا وحطيت فى بلاد الروم اوروبا .... ونساءها الحمراوات والصفروات

فكونوا معنا فى الحلقة القادمة لتعرفوا ماذا جرى فى بلاد الروم وكيف كان نساؤها.

ان شاء الله

malhiso
29-08-2008, 12:39
السلام عليكم ورحمة الله وبركاته
صحيح بدي أثير موضوع قديم بس عجبني كتير :oldman:
هون عاشقة الثلج أثارت موضوع وظاهرة تجاوزت طبيعتها
متل ما عم بتقول صار الشب يلبس بطلون ساحل عم يمسح الأرض أو بطلون ضب ليكرا وألو الماس وفضة وأكتر شي قمصان هل الأيام شلون بدي أوصفه ياقة دلق __ والله مالك صدر تبينه متل النساوان __ هي إلا إذا كان عم يتمنى أنو يصروا صدر والله أعلم شباب مناظر شي مزري ...
ستحوا الصبايا يلبسوا مثلهم ...:trinity::trinity:
بس في نقطة ألي عم ياخد عقلها هيك مناظر وعم تطالبي الرجل بالسترة أنت كمان مفروض عليكي غض البصر مو بس الشب بحقلك نظرة أولا ليس إلا ....:jjjj::jjjj:
بعدين لازم يا عاشقة الثلج تكوني عضوة في الإتحاد النسائي إلي عم بطالبوا بالمساواة مع الرجال ....كام تقيدوا بالقيود المفروضة على الرجل شرعاً وقانوناً...مشان نتساوا معكم
بقى الله يرضى عليكي أنا بطالب بالمقابل خلي الصبايا الي عم ياخدوا محل وعمل الشباب بكل مكان قعدوا في البيت مو مشان شي خلي الشباب يصرلهم فرص عمل أكتر ويكونوا نفسهم ويجوا يخطبوكن مو احسن ما تطلعوا على عملكم وتشوفوا هل الشباب الي بالي بالك وتتمنوا امنيات ...اياااااييييههههه.:ma7roor: