تعالو نرجع لورا بالذاكرة

[Spectrum]

بعد السلامات للجميع

اليوم قرأت موضوع الاخت yoooos و يلي تحت عنوان شو يلي حدفك علينا

و كل واحد من هالشباب و الصبايا كتب ماحصل معاه على صورة اعترافات

و خطر ببالي بعد ما حطيت بصمتي بالموضوع سؤال :

هل فيكن تتذكرو اول ساعة جلستو فيها عالانترنت و كيف تصرفتو امام شي لسى مجهول و مهي معروفة أبعادو

بتتذكر اول موقع دخلت عليه ؟

بتتذكر شو كانت تخيلاتكم للموضوع و هلئ بعد كذا سنة كيف صارت وجهت نظركم لللنت بالمقارنة مع تفكيركم السابق

هلئ انا نزلت هالموضوع بمنتدى الهسترة و الافكار السخيفة

يلي حابب يشارك ياهلا

و يلي بيعتبرها سخيفة ............ عادي

=====================


بالنسبة الي بذكر انو اول مرة دخلت عالنت على يد صديق و كنت ادخل على النت عن طريق اشتراك بدولة (( لبنان )) و كانت المكالمة دولية (( و عند الفاتورة اكلتها من السيد الوالد كم تأنيبة و عبسة وجه منو - معاه حق طبعاً ))

و لهلئ بذكر انو لما شفتها شغلة حلوة رحت سجلت بالجمعية السورية للمعلوماتية و كان رقمي لا يتجاوز المئات

أول مرة صرت بحبش و دور على شي عنوان الكتروني على المجلات و شي كتبت اسماء متل (( سوني - فليبس - ....... )) و بالاخير تعرفت على موقع اسمو عجيب و كان مكتوب عنوانو على مجلة العربي الكويتية و بدي مشواري

بس كان النت شغلة بالنسبة الي و طبعاً ما كان في محركات بحث باللغة العربية أو انا ماكنت بعرف ... و الله اعلم

و بذكر اديش كان موقف صعب انو الحواليك بيسألوك كتير أسئلة أنت ما بتعرف الجواب عليها بس بدك تجاوب

و اغلبية الاجوبة .......... ما بعرف هلئ منشوف سوى


بس خلاص
سلام :smoke2:

[Spectrum]

لعمى

كأني عنجد الفكرة سخيفة

او ما حدا حابب يشغل ذاكرتو

يا الله
فيها خير

[nour85]

هلا سوما بالعكس و الله الموضوع عجبني و رح ساهم في .
أول مرة فتت على النت من شهرين بس لانه صار عم يلزمني بدراستي و هيك شي مع انه في عنا انترنت بالكلية بس ما بعرف ما كان يخطر لي ادخل عليه
ههههههههه عم تسأل على اول موقع فتحته ؟
كان الجوجل و عملت بحث عن صور قطط لانه انا بموت بصورن و طبعا طلعلي كذا موقع و بعدا بكم يوم عملت بحث عن موقع فيه نكت و طرائف فطلعلي هادا الموقع و شفته كتير حلو و مرتب و فيه كل شي و حطيته من المواقع المفضلة عندي

[sebastiana]

مممممممممممممممممم

انا اول مرة فتحت النت فيا كانت من اربع سنين تقريبا ... ما كنت افتحو كتير لانو اصلا ما كان عندي مراء اني اشتغل على الكمبيوتر ..:ummm:

بس مو متذكرة بالتحديد شو كان اول موقع فتحتو .. يمكن يكون الجوجل او الهوتميل !!

كنت ما ادخل على النت غير كل شهر او حتى كل شهرين ...:fotieee2:


بس بسنة البكلوريا . و على النظام الجديد صار النت شي كتير مهم لانو كنت استعين فيه مشان الدراسة ...


من وقت البكلوريا صرت ادخل كتير على النت ... مشان الدراسة و كمان صرت اكتشف اشياء جديدة بالنت ....


و هلأ طبعا صرت اذا ما دخلت كل يوم على النت بحس انو في شي ناقص ...

النت غير كتير اشياء بحياتي .. متل اتعرفت على كتير ناس عن طريقو .. و كمان عرفت معلومات كتير ...


يعني اوقات بتخيل كيف كانت رح تكون الدنيا من دون نت !!! :ummm:

وشكرا سوما على الفكرة الحلوة :heartsmall:

[Spectrum]

مششششششكورين عالرد

و حقيقة أنا صرت عم حس انو الكمبيوتر شي كابوس دائماً مسيطر على تفكيري

و السيد وسيم متعلق كتير بالكمبيوتر

و أمبارح لغيتو من البيت ............... لشوف كم يوم بدي ابقى بلا همو بالبيت

بس هون بالشغل ما بقدر الغيه

(( ده أكل عيش ))

[Sugar]

ممم انا هلق لانتبهت على الموضوع

يعنى انا صرلى زمان بدخل النت من شى .... سنة بلا فضايح

بس للاسف ما كتير بتذكر انو كيف كان تعاملى من الانترنت بالاول اكيد كان فى صعوبة بس الواحد من مرور الوقت عم يتعلم ....

يمكن اول شى لفت انتباهى بما انو كنت فى مرحلة بعتبرا مراهقة هو الشات .... و بعدين المواقع العادية التانية يعنى متل ازياء و اغانى ...

بس ما كنت كتير استخدم الانترنت بدراستى متل اوقات الجامعة او هلق انو بحس مع تقدم السن الواحد بيتغير استخدامو و بيصير يستخدو بشى مفيد اكتر متل الاطلاع على معلومات او قراة الصحف ...الخ

يعنى هلق الانترنت صار شى اساسى فى حياة ناس كتير بعتمدو علية فى دراستون و حتى شغلون...

و اللهى يا سوما اوقات الواحد بيجيلو حالة ملل و قرف من النت ....بس الا ما نرجعلو ما عم تزبط هههههههه

شكرا الك

[امنية]

لالالا ابو وسيم موضوعك ليس سخيفا ولكن صعب على المرء ان يصف نفسه في موقف محرج كأنك تتعامل

مع شبكة ومع عقل اليكتروني يفوق الابداع والتخيل

لالا والله لي حكاية مع النت لما افتكرها انا واختي نموت من الضحك

كنت أمر من الشارع والاحظ مقاهي للنت ولكن لم يخطر ببالي ان ادخل ولااعرف ماهو ولا شكله ولااهتم

مرة جاءني هاتف من اختي تصغرني سنا وتسكن بعيدا جدا عن بيتي قرابة600كلم وهي ملمة بعالم النت

والمعلوميات ماشاء الله

وتطلب ان نلتقي في مقهى النت قلت لااختي التي معي والتي هي الاخرى تجهل النت بالتمام ياويلي ولو

دهبت كيف اتصرف ومادا افعل هنا والله لم اخرج من البيت هي اختي الاخرى تعيد الاتصال وتؤكد لي ضروري

نلتقي هناك والله اقفلت الهاتف بالمرة

صراحة كنت محرجة لو دهبت للسيبير كيف اتصرف

بعدها بيومين خرجت للسبير دخلت رايت المنظر لاادري من اين ابدأ والله هربت وعدت للبيت ياويلي

وحصلت لي امور اخرى بعدما دخلت وتعاملت مع الجهاز اقسم لكم لو تدكرتها واسردها لاخوتي اموت من الضحك

لدرجة دموعي تتهاطل من كثرة الضحك والله من يومها علمت عن نفسي صح مهما علوت وعرفت تظل اميا

وتجهل الكثير من الامور حولك الحمد لله انا الآن من المدمنين على النت بسم الله ماشاء الله

صراحة عالم النت شيء رائع وجميل جدا لوعرفنا كيف نتصرف بعقل وحكمة بالغة معه فهو سلاح ذو حدين

[اميرة زماني]

موضوع حلو واسفي على التأخير ابو وسيم
والله انا يا ابو وسيم كنت شوف خواتي عم يتعاملو معو للنت وتعلمت منون يمكن كان عمري 13 هيك شي يعني
خخخخ وكنت ما اعرف شي بس مع تكركا الشوف تعلمت

والأنترنت شي اساسي ومهم كتير بالحياة ولو بعد عني يمكن بجنن

صار حياتي بس بعض الناس بستخدموا للشي ما كويس وبعضها بتستفيد منو

[longman]

بالنسبة لي انا اول مرة استعملت النت كانت عام 99
الي اخت برا البلد اتصلت فيني وسالتني ما عندكم انترنيت وكان براس شارعنا مركز كمبيوتر وكاتب خدمات انترنيت فقلتلها انه في بس ما بعرف عنها شي وعطتني ايميلها
فرحت لعند هالمركز واستفسرت عن الانترنت وبعتت اول ايميل عن طريق اشتراك المركز وكان لسا مافي بحللب نت
كان لازم تطلب نداء دمشق وبعدها 195
واخد مني عشر ليرات على الدقيقة وبعتت اول ايميل

لكن بعدها فورا تعلمت وبسرعة وسنة 2001 اشتريت كمبيوتر وجبت خط انترنيت من الجمعية عن طريق طبيب كان صديق الي ولليوم انا مثابر على النت

[the tall man]

من زمان بلشت على النت لحاجتي بالشغل لمتابعة اسواق البورصة وكانت سهلة كتير وبعدين بلشت فوت على منتديات ومواقع مكتوب وسكايب وشي غريب عجيب والحمدلله عندي كتير اصحاب بكل البلاد .....ومؤخرا دخلت على طريق سورية....

[Spectrum]

فرحت لعند هالمركز واستفسرت عن الانترنت وبعتت اول ايميل عن طريق اشتراك المركز وكان لسا مافي بحللب نت
كان لازم تطلب نداء دمشق وبعدها 195
واخد مني عشر ليرات على الدقيقة وبعتت اول ايميل



يعني كمان العلة بالفواتيير

و تقريباً كلياتنا كانت البدايات وحدة و بذكر اول كمبيوتر شفتو عند صديق كان ثمنو غالي كتير و السيدي الوحدة كان سعرها 1600 ليرة

و كنت حاسس انو لو لمست الكيبورد بدو يصير مشكلة .......... فبعدت عنو

و اليوم ماشاء الله هالجيل الجديد بيعرف كتير لانو يلي متاح الو اكتر من يلي كان على زماننا

شكراً لمروركم عالموضوع