طريقة حلوة لتشكيل البيتزا [الأرشيف] - منتديات طريق سورية

المساعد الشخصي الرقمي

مشاهدة النسخة كاملة : طريقة حلوة لتشكيل البيتزا


ليال66
29-09-2007, 18:54
شوفوا شكلها شو حلو

http://i166.photobucket.com/albums/u119/layal66/08052006-142806-21.gif


http://i166.photobucket.com/albums/u119/layal66/08052006-142806-31.gif

yoos
29-09-2007, 19:20
ليال مو بدها طولة بال شوي و لا شلون
بس حلوة يسلمو

Deena
29-09-2007, 20:14
يسلموا إيديك ليال ، بالشكل حلوة بس بعتقد أنو وقت بدو الواحد ياكلها الطرف الملفوف بدو ينفك و تهرهر من بين الأيادي.....

و أنا كأم عاملة في بيت الأمومة و بنضف من ورا ابني بعد كل وجبة شي وجبة تانية ، بحكيلك أنو ما رح يخطر ببالي أعملها و الله يخليلنا بيتزا هت....

بالإضافة إلى أنو بدها طولة بال متل ما قالت حبيبتنا يوس ، و يا أختي أنا و طولة البال تطلقنا على إيدين ولادي طلاق ثلاثي الأبعاد مافي من وراه رجعة....

بس إذا ما عندك مانع ، ممكن تلاقيلي مقادير عجينة بيتزا تكون ظريفة و ما تتأمر ، يعني ما تيبس وقت الخبز؟؟........ و شكراً إلك سلف ليولة.........

ليال66
29-09-2007, 23:52
تكرم عيونك دندونة ... رح اكتبلك عيار بيتزا ظريف كتير وروووعة

بس تجريبها رح تدعي لماميتي كتير كتير لإنه فعلا ظريف وبيطلع طري بعد الخبز

وهي العيارات بتعمل صينية كبيرة وحدة

3 فنجان شاي كبير من الطحين

3 ملاعق كبيرة حليب بودرة

نصف كاس كبير زيت مازولا مع زيت الزيتون

ملعقة صغيرة ونصف ملح

ملعقة كبيرة خميرة مع رشة سكر تذاب في الماء الفاتر (بهذه الكمية من الخميرة تصبح جاهزة للاستخدام بعد تلت ساعة )


وهي عيار عجينة البرك والفطاير

7 كاسات كبيرة طحين

7 ملاعق حليب بودرة

تخلط مع بعضها قبل كل شي

2 ملعقة كبيرة خميرة

رشة ملح

كاس كبير من الزيت ( ثلث زيت زيتون وثلثين زيت مازولا )

نعجنهم بماء فاتر


وهي عجينة تستخدم بالأكلات الحلوة متل فطيرة التفاح وما شابه

3 فنجان شاي كبير طحين

بيضة

3 ملاعق كبيرة حليب بودرة

ثلاثة ارباع كاس كبير زيت مازولا ( ممكن يكون ربع سمن ونصف مازولا مخلوطين مع بعض )

ملعقة كبيرة خميرة

ربع ملعقة صغيرة ملح

رشة فانيليا

دينا جربيهن وما بتندمي ابدا ابدا وخبريني بالنتائج

فوضى الحواس
30-09-2007, 02:34
ما بدي انا ما بحب البيتزا اذا ما شطت الجبنة و مطت شي متر انا و عم قطعها

شكلها حلوة بالصورة
بس بالاكل بدي ياها مع بعضا
وشوشششششششششششششششششش شو رأيك انت بالموضوع؟؟؟
انت حريف بيتزا خيو

عطر امرأه
30-09-2007, 02:58
لك تسلم دياتك يا ليال مشالله عليكي الهيئه فنانه بالطبخ:rer481: .. الشيف رمزي والشيف اسامه ماراح يجوا عندك شي ...يعني انا صحيح مابحب الطبخ ولا بحب سيرتو ولا بعرف اعمل شي ..لكن بعرف ارسم واتفنن بالمكياج[smilie=41.gif] :lilia:بفهم كتير بالموضه :shoppingg:..دخلك بينفع ..انوووو ؟؟؟:weddingg4:؟؟

ليال66
30-09-2007, 09:43
والشيف اسامه ماراح يجوا عندك شي ...

ابو فراس طلع اسمك

Abu-Firas
30-09-2007, 10:05
الشيف رمزي والشيف اسامه ماراح يجوا عندك شي ...؟؟


هلق مابعرف رمزي اذا بيقدر يجي .... بس انا طالما في بيتزا طبيه رح تلاقوني أول الناس
أوراحنا الفاااااااااااااااااااااات فووووووووووووووووووود

ابو فراس طلع اسمك [/center]

يالهوتي يالهوتي

:lool::lool::lool:


على فكره انا عكس كل الناس .... انا شايف انها سهله وبتطلع طبيه اكيد ومختلفة عن الموديل المعتاد

بعدين ليش واقفين بوجه سعادتو لعمر انتو :rockett:


يسلمو ليال بس لا تعيديها والدنيا صيام :hungry:

smilest
30-09-2007, 11:25
تسلميلي ليال على المقادير العجينة لح جربهم
بس ياترى ما منحسن نستغني عن حليب بودرة بحليب عادي

ليال66
30-09-2007, 12:07
بس ياترى ما منحسن نستغني عن حليب بودرة بحليب عادي


بسومة الحليب البودرة مهم كتير هو اللي بيخلي العجينة قوامها منيح ومريحة اثناء الشغل فيها يعني بتصير ما بتلزق وبتتشكل معك متل ما بتحبي براحة اكتر... يعني الحليب العادي ما بيعطي نفس النتائج ...

luli
05-10-2007, 21:33
اممممم لزيزة


طريئة حلوة وجديدة والله

بس برائي انو مافي اطيب من البيتزا الي عم تحكي عنها فوضى :lool: ياعمي غير شكل

يسمو هالايدين ليولة

lady
24-10-2007, 15:52
بتعرفي لول والله عجبتني هالطريقة
حابة جربها لشوف شو بصير معي
وبوعدك نزل الصور
بس اكيد رح تكون شوارع مو هيك شكل الوردة هههههههههههههههه
يسلم دياتك حبيبتي

ليال66
24-10-2007, 21:35
لولي الأمورة ... الله يسلمك يارب

ليووودة الغالية ايه جربيها خلينا نشوف النتائج ... بس نصيحة جربي مقادير العجينة وبحليب البودرة وشوفي شووووو لذيذة وطرية بعد الخبز :hungry:عن جد روووعة