التوقيع أخوكم وائل

[waell]

لو الواحد عنده ها الكم الرائع من الأصدقاء
وعنده أصدقاء مو أي أصدقاء يعني
ما شاءلله كل واحد فيكم وفيكن بيتمتع بحس عالي وذوق مرهف
وها الواحد بده يفتح محل جديد
((( محل عبايات ))
ومحتار بالأسم ونفسه يلاقي أسم ما يزيد عن 3 الى أربعة أحرف
وطلب رأيكم
كيف بتساعدوه
وصباحكم سكر

[zwa]

......حريم

[صمت الحنين]

انا بقول يا وائل

بداية انشالله تشوف اية الرزق عليه

وتانيا بما انو حريم بحريم

سمي

الوفااا يعني(عبايات الوفا)

[bloom]

bloom.....:embaressedd::blehhh:

[ShaM]

ShaM
هع .....

[FaRaH M]

/
فــــــــــــرح
/

[mr.mask]

مو bloom و مو ShaM و مو فرح ........

شو ما بدك سميه بس المهم مو هي الأسماء التلاتة .... :mrgreen:

[waell]

يعني الله يسلم ايديكم
بس ياريت نلاقي أكتر من أسم أو نتوقع أكتر من أسم بالمشاركة الواحده

مع أني مسمي سابقا اكتر من أسم مميز بجده بس طبها
حتى أخر محل عبايات ساويته وساويت كل تصميماته كمان طلع شي مميز
بس اللي محيرني ها المره أنه المحل التاني حيكون نفس نشاط الأولاني
وقريب عليه
لكن طبعا حيختلف الديكور والأسم
وحيكون الديكور ها المره أو داخل لبيت ريفي أو داخل لفسحة ديار عربية
بس النقطة بالأسم مو بالديكور
النقطة بالأسم وقت يكون مطبوع على العلبة والكيس
لازم يكون شي أسم يشد يجذب
وتحياتي
وشكرا كتير للجميع

[waell]

شو ما بدك سميه بس المهم مو هي الأسماء التلاتة .... :mrgreen:
خليتيني افرط من الضحك روحت كل تعب الصيام
مساء الخير

[bloom]

مو bloom و مو ShaM و مو فرح ........

شو ما بدك سميه بس المهم مو هي الأسماء التلاتة .... :mrgreen:

أصلا مارح يمشي المحل الا اذا سميتو bloom :embaressedd:

صحللكون اسمحلكون تسمو بأسمي :blehhh:

يعني هوه حلو ومعناه حلو :embaressedd:


المهم

بدك الجد مممممم شئد بكره أنو حدا يقللي سمي شي محل لأنو كتير صعب ولوقت ما الواحد يختار الاسم بتطلع روحو

طيب قللنا انته على بالك تسميه اسم بالعربي ولا بالانكليزي؟؟

يمكن أسم
الأناقة ((بما أنو محل عبايات))
التراث ((بما انو على شكل بيت ريفي والذي منو))
عربي ((كمان بما أنو العبايات صايره محصورة بالعرب أكتر))

كمان المشكلة بدك الاسم من تلت او اربع أحرف مو أكتر

يلله منحاول ولله يوفئك بمحللك

[Abu-Firas]

أنا رأي تسميه على اسم ابوه

شو كان اسمه الله يسلمه !!!!!

:iskot:

[العـGـيد]

أسم ما يزيد عن 3 الى أربعة أحرف



عندك احتمالين لا ثالث لهما

يا أما

BRB

Be Right Back

أو

TYT

Take Your Time

ههههههههههههههههه

[Deena]

يا أما

BRB

Be Right Back

أو

TYT

Take Your Time





طيب و ليش ما يكون WB .......

Welcome Back :fotieee2:

[Abu-Firas]

طيب و ليش ما يكون WB .......

Welcome Back :fotieee2:

او مثلا WTG

Way to Go Osama

:cheesy::cheesy::cheesy:

[Deena]

او مثلا WTG

Way to Go Osama

:cheesy::cheesy::cheesy:

مابيمشي الحال لأنو لا أنت صاحب المحل ولا أنت صاحب الموضوع :blehhh:

بس إذا بدك فينا نسميه W2GW

يعني Way 2 Go Waell

شلوني معك أبو فراس :blehhh:

[yoos]

خطر ببالي ان تسميه
عربية
ليدي
جواهر
سيدتي
بنت البادية
بنت العرب
الاصالة
شرقية
ريم البادية

هي الأسماء الليي خطرت ببالي حاليا بس برده حاستها جامدة الاسماء

[washiwash]

A B yeah

آباية

صار بدو شطفة الموضوع

[Abu-Firas]

بس إذا بدك فينا نسميه W2GW

يعني Way 2 Go Waell

شلوني معك أبو فراس

وشو بكون استفدت انا هيك بالله :3ageeb:


اذا ماكان لي بكل عرس قرص مابيمشي الحال :reaper:

[Deena]

اذا ماكان لي بكل عرس قرص مابيمشي الحال :reaper:

مافي مشكلة بنوب.....

لحتى تكون آثارك بهالمحل تبع العبايات ، بتصير كل أسبوع بتطرء مشوار لهنيك وبتشتريلي أحلى عباية و بتبعتلي إياها....
علمك هون باميركا مافي عبايات .........

[Abu-Firas]

، بتصير كل أسبوع بتطرء مشوار لهنيك وبتشتريلي أحلى عباية و بتبعتلي إياها.... .........


خايف اطرءو للمشوار ومالاقي عباية على مقاسك ... :blehhh:

شو ساوي ساعتها ......

ماحلوة اجي وايدي فاضيه يعني ... بياكلو وشي الامريكان يعني :reaper:

[waell]

لك والله بتجننوا وبتاخدوا العقل وكلكن محبة
الله ما يحرمني ها اللمة الحلوة
بتصدقوا بالله
أول ما كتبت bloom قلت لحالي طيب شو يعني بلوووم
طيب شو بيعني للبنات للسيدات
-----------------
بعدين
وقت اللي كتب أبو الخل
-------------------------------
عندك احتمالين لا ثالث لهما


يا أما


BRB


Be Right Back


أو


TYT


Take Your Time

---------------------------------------------------
حسيت كيف أختصاراته فيها شي بجد
وفتح معي أفق جديد بالتسمية
حتى أبو فراس مشكور مع أني دايما بستبعد أسمي بكل شي حتى بكروت محلي الكبير ما بكتب أسمي
لسببين
أولا تادبا مع الزباين تاني شي
أنا بجده بينادوني بغير أمي
يعني يا أبو أحمد يا الخال
--------------------------
بجد مشكورين ومشكورة yoos على طرحها لااسماء الحلوة لو ما الموضوع حيصير فيه أستغلال أو متل الدعاية لكتبتلكن شو مسمي أسماء من قبل
----------------------------------
على كل حال
الله ما يحرمني من الكل
-------------------
المشكلة أنا تخصيي بالديكور والأبداع يعني وقت صمم محل لازم يكون مميز
وتخصصي الكلمة وقت ~أكتب كلمة كمان لا زم تكون صدق بمحلها يعني رنانية وحسب موقعها
-----------------
بتصدقوا بالله
مره يمكن مع بدايات ال ام بي سي
كتبتلهم فاكس كان الموضوع حول معنى السعاده
قلت ياولد أكتبلهم كلمتين إطراء في بداية الفاكس
كتبتلهم
mbc نغم يغير الحال وخبر يأتيك بالحال
تاني أو تالت يوم لقيت شوارع جده مليانه بالكلمة على اليافطات اللي بتكون بين لاارصفة
طبعا مين يدور ومين يسال ومين يحفظ
--------------------------------
لكن لمن خطرت ببالي الفكرة مبارح أني كون معكن واسالكن
من محبتي أول شي للمنتدى
ويمكن لآني مو مركز كتير هاي لاايام
تحياتي
شكرا أبو الخل خالد
شكرا أبو فراس
شكرا بلووووم
شكرا ياسمين
شكرا دينا
تحياتي للجميع
-----------------------
التوقيع أخوكم وائل

[الدمشقي]

سميه : شرقيات سيرياباث

واللي بيسألك شو معناة سيرياباث .. قلو : طريق سوريا ..
وإذا سألك شو معناة طريق سوريا .. قلو : سيرياباث ..

سميه متل ماعم قلك .. وإذا كان على أبوعلي .. مابيحكي شي الزلمة كريم .. وعندي .. :breakfastmorning:

:3ageeb:" ماريا "
- منقول -

[كاتمة العبر]

شوف وائل خطر على بالي انا اسامي ماشي حالها
جنى
حلى
الانيقة
الدانة
ريم الغزال
هدول بس بكفوووووووووووو
والله ييسر لك بالافتتاح

[my hart]

اول شي الله يفتحلك باب الرزق

ومبروك االمحل

فكرت كثير باسماء بس شي بحير لانو مقيدنا باربع حروف

طيب شو رايك تسمي ستايل ,,وائل,,

والله وقف مخي ما عاد جمع

بس ان شاء الله تلاقي يللي يعجبك

[waell]

الموضوع الجدي القديم
كل عام والجميع بخير
رمضان والعيد وراحوا وصار فيه الواحد يرجع يبتدي بالديكورات
كل الشباب اللي مزحوا وشاركوا بالموضوع
بالنسبة ألي بجد ما كان مزح بالعكس شفت صورة ما كنت شايفها وخصوصي من مزحة أسامة
ليش دايما بيقولوا نظرين أحسن من نظر
------------------------------
ياريت لو في إبداعات جديده
مع تحياتي وحبي للجميع

[فوضى الحواس]

وائل ليك لو ابو ناجي هون كان قلك سميه ام فياض و بيجيك زباين
واذا كنت بدك تفتحو هدايا بيقنعك تعملو ساندويش
هلأ انا وقعت بنفس الحيرة و ساعدوني الشباب و الصبايا كتير
و اسم محلي هدتني ياه بيغ بيبي

كنت متمنية سميه لاروز
بس في عنا هون مطعم بهالاسم

انشالله بتتوفق باسم حلو
شو رأيك تسميه لونا؟؟؟؟

[ليال66]

موفق وائل بمحلك الجديد ... هي شوية اسماء انا بلاقيها حلوة

جَوَى .... اعلى درجة من الحب

جنى ... حصاد الثمر

جود ... الكرم

لمار ... ماء الذهب او بريق الذهب

نايا ... الغزالة الصغيرة ( ومن هالأسم اجى اسم صيدنايا بسوريا )

اسيل ... الخد الناعم الطري

رنيم ... صوت الملائكة

لجين ... الفضة