ركن التراث الحلبي [الأرشيف] - منتديات طريق سورية

المساعد الشخصي الرقمي

مشاهدة النسخة كاملة : ركن التراث الحلبي


The Hunter
10-08-2007, 04:25
بسم الله الرحمن الرحيم

اشتهرت حلب على مدار تاريخها بعراقتها الفنية الغنائية واحتضانها لأبرز مبدعي اللحن وشداة الطرب ، فهي التي خرجت كبار الملحنين والمطربين كعمر البطش وبكري الكردي وصبري مدلل ومحمد خيري وصباح فخري وغيرهم ..

في هذا الموضوع سنقدم بعض ما اختزنته ذواكرنا من إبداعات التراث الحلبي كأن نقدم أغنية لفنان من مدينة حلب أو موال أو موشح أو قد أو قصيدة على أن نلتزم بتقديم عمل واحد في كل مشاركة ..

يعني منشان تكون المشاركة متكاملة ويتم التركيز عليها ...
منحط اسم العمل وشوية معلومات عنو
كلماتو إذا أمكن
اسم كاتبو وملحنو
المطرب أو المطربين يلي بيأدوه
وأكيد المقطع الصوتي وهو الأهم

وهلق أنا رح أبدا بها المشاركة من التراث الحلبي ...

وهي عبارة عن موال رائع جداً جداً جداً كتير منا سمعوه من فناننا الكبير صباح فخري وطبعاً غنوه غيرو قبلو .. اسمو (يا لائمي في الهوى كفاك شجار) ..

وهي كلماتو:

يا لائمي في الهوى العذري كفاك شجار
ما أنت ملوع ولا تدري بحالي شجار
ظلم الأحبة عدل مهما بحكمه شجار
راضي ولو صرت عندن للعشق عبرة
عالجت روحي فلم احصل لها عبرة
يا قلب ينعي ويا عين اذرفي عبرة
تروي وتنبت بقاع الماحلات شجار



بينتمي هاللون من التراث إلى القدود الحلبية ويعتبر من أجمل وأمتع الألوان واسمو الموال السبعاوي
لاحظو أنو بيتألف من سبعة أبيات أول ثلاثة بينتهو بنفس الكلمة (شجار) بس بكل مكان بتجي بمعنى مختلف
ونفس الشي بالنسبة لتاني ثلاثة أبيات (عبرة)
وآخر بيت بيرجعو لأول كلمة (شجار) مع معنى مختلف كمان

بالنسبة للألحان والكلمات مع الأسف ما قدرت أعرف صاحبهم ويبدو انو مجهول الهوية

أما المطرب يلي بيغنيه (بالمقطع الصوتي المرفق) فهو أكيد حبيب الكل أبو صبيح ..

استماع ممتع اتمناه لكم ...
وبتمنى من كل السميعة ومحبي التراث الحلبي يشاركو

The Hunter
11-08-2007, 12:31
سلامات يا جماعة ...

كنت بتمنى يكون في شوية تفاعل مع الموضوع وخاصة من جانب السميعة ... الموضوع تعبت عليه وحاولت استوفي كل اغراضو ...

وينو أبو النوف وينو أبو ناجي وينو قصي وأبو خالد ...ووين الشعب ..؟؟؟

على كل حال رح استمر بالمشاركة على أمل يرجعو الشلة ويشاركوني ...

المشاركة اليوم رح تكون كمان لأستاذنا الكبير الفنان صباح فخري وهي عبارة عن قصيدة شهيرة جداً تغنى بها الكثيرون ..

هي قصيدة : قل للمليحة بالخمار الأسود

يقال انو الها قصة وقصتها حلوة ... على ما أذكر انو كان في شخص عمبيبيع خمارات سود وماكان حدا عمبيشتري منو ... فخطر ببالو ينادي على بضاعتو فنادى وطلع معو هالشعر الحلو الرائع:

قل للمليحة بالخمار الأسود
ماذا فعلت بناسك متعبد
قد كان شمر للصلاة ثيابه
لما وقفت له بباب المسجد
قد كان ينوي للصلاة ذهابه
لما ظهرت له بباب المعبد
فسلبت منه دينه ويقينه
وتركته في حيرة لا يهتدي
ردي عليه صلاته وصيامه
لا تقتليه بحق دين محمد

كلمات روعة .. اللحن طبعاً يختلف من مطرب لآخر يعني هي قصيدة وموال وبيحتمل غناؤو على أكتر من مقام ... حتى صباح فخري نفسو بيغنيها على أكتر من مقام على حسب الأغنية يلي رح يغنيها بعدها ...

بها المقطع الصوتي الرائع والنادر (تسجيل قديم) بيغنيها على مقام الراست الرائع وبيبداها من اللا وبيكمل على طبقة عالية كتير ورائعة كتير ..

حتى لو بتعرفو الغنية وسمعانينها كتير من قبل بنصحكم تحملو هالمقطع وتسمعوه لانو مختلف عن يلي سمعتوهم ... هون كان أبو صبيح بأيام عزو ..

الباسل
12-08-2007, 16:33
على راسي يا ابن حلب هي نحن دوما بنحب نستفيد دون كلمة شكرا

بس عندي اذا سمحتلي تصحيح اقبله مني لكلمات الأغنية

يا لائمي في الهوى العذري كفاك شجار
ما أنت ملوع ولا تدري بحالي شجار
ظلم الأحبة عدل مهما بحكمه شجار (جار أي ظلم)
راضي ولو صرت عندن للعشق عبرة
عالجت روحي فلم احصل لها عبرة
يا قلب ينعي ويا عين اذرفي عبرة
تروي ونتبت(تنبت) بقاع الماحلات شجار

العـGـيد
12-08-2007, 16:52
أبوس روحك انا على هالموضوع ............ حلب كلها بتجنن ,و صباح فخري غير شكل .

اجمالاً الطرب الحلبي ,بيعيّشك بجو كتير حلو ,بيوصل فيك لاحساس كتير حلو وبسط غير شكل .

وعلى قولة صباح

"درب حلب و مشيتو ........ كلو سجر زيتوني "

بيشو
12-08-2007, 17:49
درب حلب و مشيتو ........ كلو سجر زيتوني


هاد الحكي السليم

أب يمان
12-08-2007, 18:13
أبوس روحك انا على هالموضوع ............ حلب كلها بتجنن ,و صباح فخري غير شكل .

اجمالاً الطرب الحلبي ,بيعيّشك بجو كتير حلو ,بيوصل فيك لاحساس كتير حلو وبسط غير شكل .

وعلى قولة صباح


"درب حلب و مشيتو ........ كلو سجر زيتوني "


بها المناسبة السعيدة يا ابو الخل رح اسحبلك موال على كيف كيفك

يوم السفر ودعونا ويا ريت ما كنا ..



ساعة وداعون وغاب القمر عنا ..


غنيت لأهلي فحلب العتابا ومعنا


صارت دموع الأهل سيل ووصل لعنا


وبدعي لرب السما اللي في الغربة جمعنا




ما موت إلا فحلب .. ليئولوا ودعنا

سلام

The Hunter
13-08-2007, 13:39
على راسي يا ابن حلب هي نحن دوما بنحب نستفيد دون كلمة شكرا
بس عندي اذا سمحتلي تصحيح اقبله مني لكلمات الأغنية
ونتبت(تنبت)
اشكرك على التصحيح يا خاي ومية السلامة فيك يا سميع يا أصيل .:mirrorr:


أبو الخل انا يلي بدي ابوس روحك لانك الوحيد من بين المراقبين يلي عبرني :angry20girl:... شكراً لاهتمامك يا ابو الخل وبوعدك تلاقي بهالموضوع شغلات كتير كتير حلوة بترضي عشقك للتراث الحلبي الأصيل

بيشو اهلا وسهلا فيك يا كويس

وأبو يمان الورد تسلم على هالموال الحلو يا معلم ... اي اشو هادا يا خيو غطيت على صباح فخري :3ageeb: ... لا تحرمنا طلتك العريقة يا عريق



ان شاالله بكرة رح انزلكم شي جديد بيخص التراث الحلبي ... شي كتير حلو وأصيل وعريق ..

كونوا في الانتظار

The Hunter
23-08-2007, 03:47
منرجعلكم من جديد مع ركن التراث الحلبي وأهل الطرب الحلبي ..

رح نتوقف اليوم مع مطرب من أكبر وأهم مطربي مدينة حلب على مر تاريخها .... مطرب يعتبر من كبار عمالقة الغناء في الوطن العربي وليس في حلب فقط ... المطرب يلي لقبو المعروف كان (المطرب الغريد) أو (ملك الموشحات) ...

عمبنحكي أكيد عن الأستاذ الكبير المرحوم محمد خيري

محمد خيري ل يلي ما بيعرفوه كان يعد مطرب حلب الأول في فترة الستينات والسبعينات وبداية الثمانيات وهو طبعاً توفى ببداية الثمانيات (ما بذكر ايمتى بالضبط) بس توفى وعمرو ما بيتجاوز الخمسين سنة ... وترك من وراه إرث طربي رائع ...

اخترت لكم منه موشح معروف جداً في حلب وهو (يمر عجباً)

يمرعجباً ويمضي ولا يؤدي السلام

أليس هذا عجيباً أليس هذا حرام

العشق ياناس يقضي بشرب كاس الحمام

إذا الحبيب تجنى على اسير الغرام


الموشح تلحن على أكتر من مقام أشهرهم مقام الكورد يلي تغنت عليه الغنية بها المقطع الصوتي ...

مع موشح يمر عجباً وفنان حلب الكبير المرحوم محمد خيري
بتمنالكم أحلى الأوقات ...

مع أطيب تحيات أخوكم أبو صطيف عاشق الطرب الأصيل :mirrorr:

العـGـيد
27-08-2007, 21:31
كتير جميل اللحن ,و الصوت كمان حلو .
حلاوتو انو ما صاخب وفيو روح حلوة كتير .
اب صطيف الورد ,يعني حاج حاج
دبحتنا خيو ,موضوع الورد الرائع و هاد الموضوع الرائع أكتر
أبوس روحك

mr.mask
27-08-2007, 22:55
اي شو هاد أبو صطيف الحبيب ... فعلاً شي مرتب جداً .....

انا كتير بحب اسمع لصباح فخري و بحب الموشحات و المواويل الحلبية ... و طبعاً بغنيله لصباح فخري بس لما كون لحالي او لما كون بالمكتب و معي ميت واحد ما بدهم يسمعوني ..... فهون انا بهججهم برات المكتب ينتظروني لخلص طرب ..... :mrgreen: و هادا دليل على قوة صوتي و جماله ....


انا لح كون من متابعي هالموضوع الفخم الله يعطيك العافية .

washiwash
27-08-2007, 23:14
انا هون ...

بس عم سجل متابعة ... واذا لاقيت شي يليق بمستوى الموضوع الفخم .. رح تلاقيني رجعتلك

سلام

my hart
29-08-2007, 09:52
لك والله شي حلو شي بجنن شي بسطل

آآآآآآآآآآخ على ماترجع هديك الايام الحلوة

the hunter لاتزعل الشعب بكون لسه نايم وانشاء الله حتزداد الردود ويكون في اكثر

The Hunter
31-08-2007, 02:06
أبو الخل الأصيل مية السلامة فيك يا خيو والله يقدرني أسعدك وأسعد الجميع بمواضيع تعجبكم ... محمد خيري من أروع من سمعته اذني ... كلمة رائع كتير قليلة بحقو .. :mirrorr:


مستر ماسك بتشرفني متابعتك لموضوعي وبدعوك للاستماع إلى روائع التراث الحلبي بصوت مطربين كبار منهم إضافة لصباح فخري ... عندك محمد خيري ومصطفى ماهر وصبري مدلل وغيرهم... كلن جاييهم الدور بالموضوع ان شاء الله ... شرفت خاي :mirrorr:


أبو خالد الورد عراسي حارتك يا خيو والله وجودك بيكفينا يا كويس شلون اذا بتشاركني الاهتمام بموضوعي كمان .. عراسي والله :mirrorr:


ماي هارت بالعكس أنا فرحان لأنو بيهمني النوعية مو العدد ... يعني نوعية الشباب الموجودين بالموضوع كلهم مرتبين وأصيلين ماشاالله عليهم وهاد يلي بريدو ... مرحبتين فيك يا كويس :mirrorr:

************************************************** **************************************************

منجي هلق عالموضوع الجديد:

اخترت لكم من فن الموشحات الرائع هالموشحين الرائعين لفنان حلب الكبير وعلمها الخالد رغم وفاتو ... الفنان الرائع محمد خيري ..

الموشح الأول من ألحان الملحن الدمشقي زهير المنيني بعنوان (يا غزال الرمل) على مقام الكورد

يا غزال الرمل وا وجدي عليك
كاد سري فيك أن ينهتك
هذه الصهباء والكأس لديك
وغرامي في هواك اشتبك

الموشح الثاني من ألحان شيخ ملحني حلب الاستاذ عمر البطش بعنوان (عذبوني ما استطعتم) على مقام الكورد كمان

عذبوني ما استطعتم عذبوا
فعذابي في هواكم يعذب
أنا صبٌ في هواكم مغرم
أنا عبدٌ وإليكم أنسب
أنا راضٍ بالذي ترضونه
وسواكم سادتي لا أرغب

بتمنى يعجبوكم الموشحين يلي مجموعين بوصلة وحدة بصوت فنان حلب الكبير المرحوم محمد خيري ..

وقتاً ممتعاً أرجوه لكم
مع أطيب تحيات أخوكم أبو صطيف عاشق الطرب الأصيل :mirrorr:

luli
03-09-2007, 14:51
لك
لك
لك

بربي انكـ زؤؤؤؤؤؤ وكتيرر كمان

ابوس حلب انا وكل اراضي حلب

في غنية لـ صبوحة بيحكي فيها ان تجودي فصليني

بليز ياريت لو عندك ياها نزلها :(

وميرسي ويسلمو هالايدين الهي ..

The Hunter
06-09-2007, 02:57
بناءً على طلب الجماهير الحاشدة وقمورتنا السميعة (لولي) ... رح نرجع اليوم لاستاذنا الكبير صباح فخري مع إحدى أجمل أغانيه الرائعة (خمرة الحب اسقنيها) يلي رح أتناولها دراسة ولحناً ...

خمرة الحب اسقنيها - طرب سماعي ثقيل - الألحان قديمة قام بتطويرها الاستاذ صباح فخري بنفسه - الكلمات غير معروف - أداء الاستاذ صباح فخري

اللازمة (نهاوند)
خمرة الحب اسقنيها
هم قلبي تنسنيه
عيشة لا حب فيها
جدول لا ماء فيه

التفريدة الاولى (راست)
ربة الوجه الصبوح
أنت عنوان الأمل
أسكري باللثم روحي
خمرة الروح القبل

التفريدة الثانية (بيات)
إن تجودي فصليني
أسوة بالعاشقين
أو تضني فاندبيني
في ظلال الياسمين


وهلق رح أقوم بشرح عن الأغنية للمهتمين بالموسيقى والغناء ..

اللازمة (خمرة الحب اسقنيها ....)
بتبدى مع ايقاع خفيف ومدخل نهاوند دو قرار بتتصاعد وبيدخل بمقام الراست بجملة (عيشة لا حب فيها) قبل ما يرجع للنهاوند ويختتم فيه اللازمة ..

التفريدة الاولى (ربة الوجه الصبوح ....)
بتدخل على مقام راست المي وبينهيها بالمرة الاولى على نفس المقام والعلامة .. بس بآخر مرة بيعيدها فيها بيحول على مقام النهاوند بآخر جملة (خمرة الروح القبل) مع نزول بالعلامة ليرجع لنهاوند الدو قرار يلي بلش عليه ..

التفريدة الثانية (إن تجودي فصليني ...)
بيدخل على مقام البيات من علامة الفا وبستمر بالتصاعد ليوصل لبيات الدو جواب مع (في ظلال الياسمين) ... بالإعادة الأخيرة بيحول المقام للنهاوند وكالعادة بينهي التفريدة على نهاوند الدو قرار يلي بلش منو ..

آخر شي بيرجع بيعيد اللازمة (خمرة الحب اسقنيها) ولكن من علامة الدو جواب بدل الدو قرار يلي بلش عليها ..

وطبعاً الغناء على الدو جواب بيحتاج لصوت نحاسي رخيم ثابت على الطبقات العالية وعريض نوعاً ما متل صوت استاذنا صباح ..

بتمنالكم تكونو استمتعتو بسماع الأغنية بمنظور جديد بعد شوية هالشرح ... مع الوعد بكل جديد دوماً

تحياتي
أبو صطيف :mirrorr:

lady
07-09-2007, 17:14
ابو صطيف كتير هيك مو كتير ؟
بس اكيد لانك كريم ونحنا منستاهل
منزلنا اجمل وارق واعذب كلام

ياسيدي يسلم هالانامل...
بما انو الجمهور عم يطلب هالكلمات الرائعة, اسمحلي انا كمان اطلب كلمات أغنية..
فوق النا خل.....

واذا مافي مجال كمان يسلمو كتير ويعطيك العافية يارب على هالمجموعة التراثية الاكتر من رائعة

يسعد مساك

الدمشقي
07-09-2007, 19:28
أنا في سكرين من خمر وعين ..
واحتراقي في لهيب الشفتين ..
لا تزدني .. بل فزدني ..
لا تزدني .. بل فزدني ..
لالالالالالالالالالالالالالالالالالالالالا .. لا تزدني ... بل فزدني ... (شو بعدين ؟)
[smilie=yeh.gif] وعايل ماني عايل ...... تررررررم
أسمر يابو الجدايل ..... ترررم ترررم
والورد منك خجلان ......
وعلى غصونو بيتمايل .......

لك عايل ماني عايل ...... تررررررم
هنتر يابوالأصايل ..... ترررم ترررم
والورد منك خجلان ......
وعلى غصونو بيتمايل ....... تررررم .. [smilie=italiamac_m:

خيو أبو صطيف ...جيت والله جابك .. إلك والا للديب ؟.. [smilie=65.gif]
بتتذكر مسرحية همام حوت تبع العصفورية اللي كل واحد من المجانين بيحكي عن قصتو وكيف فات ع العصفورية .؟.
في واحد من بيناتهن مطرب قدود .. ومعه عود .. يومها سحب سحبة بصوتو البربري الانكشاري وما بتذكر من القصيدة غير هالشطر : رسمتك يا حبيبي في خيالي ..
على فكرة أنا كنت من الجمهور ويومها بعد ما خلص غناء زقفتلو بكل ما أوتيني من عزم ووقت ..
بقى إذا كان في مجال تجبلي هالأبيات بصوتو أو بصوت غيرو ما بتفرق ..
بس يمكن على البيانات الضعيفة اللي عطيتك ياها عن الغنية .. رح يكون الديب أسرع .. ما ؟.. :mrgreen:

luli
07-09-2007, 20:08
التفريدة الثانية (إن تجودي فصليني ...)
بيدخل على مقام البيات من علامة الفا وبستمر بالتصاعد ليوصل لبيات الدو جواب مع (في ظلال الياسمين) ... بالإعادة الأخيرة بيحول المقام للنهاوند وكالعادة بينهي التفريدة على نهاوند الدو قرار يلي بلش منو ..


يا سلااااااااام يا عيني وياليللل ع الجوووووووووود كلوووو


The Hunter

بجد يسلمو هالايدين الهي وميرسيتو الك جدن جدن

عظمةةة على عظمةةةةةةةةة:fotieee2:

بأنتظار المزيد من الجمال الطربي الاصيل

amar
08-09-2007, 21:04
سلي الفؤاد عن الخضراء يا حلب
لله درها اليك الحسن ينتسبو
تقسم القلب في نصفي لليلتها على السواء
فلا فرق ولا رتب
كان القاء بها في ارض موطنها
في ليلة عز فيها لانس والطرب
تبارك الله تبارك الله
كم جلت محسنها عن الحلي فلا در ولا ذهب
رشيقت القد خد والوجه ضامرة
يذيد حسنها حسن الذوق ولادب
ادركت معنى الهواى من وحي مقلتها
ياهل تراى ماجرى تراى ايات بلكتب
اذا تلقت فصيح الحن من حلب
تكاد من نفحات الشوق تلتهب
ف كنت اسمعها مما يخالجني شوق العواطف في للحان ينسكبو
يا يا رب يا رب لا تقطع الخضراء عن صلتي فلحب مفخرة زهت بها العرب


هي قصيده سمعتها من المرحوم اديب الدايخ واديب الدايخ علم من اعلام الطرب ايضا


اما هل الموال ف من صباح فخري


الؤلؤ المنضود في ثغرك الجيميل
فيه السعادة للشقي وللعليل
فاذا تفتحت الشفاه تواري الورد دنينااااااااااااا واحييت القتيل
فقتيل ثغرك ليس يحيه سوى انوار ثغرك انه يرضى القليل
جودي علي بنظرة لا لا تبخلي فلحب والرحمة وعذاب العليل

وفي كمان

اول عشرة محبوبي
يا عيني
هداني خاتم الماس
وهدااا قصدي ومطلوبي
يا عيني
وهاد لائق بين الناس
قالت بدي وما بدي
يا عيني
ومنديلك احمر منقوش
يا عيني
وشتريتو بعشرة قروش
لهو غالي ولا مغشوش
وهاد لئق بين الناسسسسسسسسسسسسسس
واول عشرة محبوبي

وفي كمان

يا داعيا لله مرفوع اليد
قل للمليحة في الخمار لاسود
ماذا فعلت بناسك متعبد
قد كان شمر للصلاة ثيابه
لما وقفت له بباب العبد
يا ام عمر جزاكي الله مغفرة
ردي عليه
صلاتة وصيامه لاتقتليه بحق دين عيسى واحمد

THE DARK LORD
09-09-2007, 01:34
احلى ابو صطيف الورد ... والله انا من بعيد لبعيد كنت عم راقب لظروف شوي مرت علي ، بس موضوعك متابعو من الأول ... وهلئ جاي قلك شكراً كتير عالموضوع الأكتر من رائع وبإنتظار التتممة .

صعي تم تثبيت الموضوع

العـGـيد
09-09-2007, 18:57
خيّو !!!!!!!!!!!!!!!

كنّي مجمع كل الأغاني الحلوة ,وناوي تحطا ؟

انعمش اذا صعي

ربي يسلم هالديات ,كلمالو الوضع عم يزيد خطورة

ميت السلامة (ما بعرف اذا كان استخدامها بمكانها الصحيح) :cheesy:

ع راسي اب صطيف والله .

أب يمان
09-09-2007, 20:18
السلام عليكم ورحمة الله وبركاته

انا الحقيقة حبيت تتطلعو على شغلة صغيرة وهي نبذة عن حياة الفنان الكبير صباح فخري
وعندي ايضا عندي قدود كتير بس حبيت نزل ها الكلمات وتتمتعو بها النكهة

ابعتلي جواب وطمني ...ولو انو عتاب لا تحرمني
غيابك طال وبستنى......... وقلبك مال تتهنى
غيابك طال وبستنى......... وقلبك مال تتهنى
ان كنت هويت و نستني.. وعليّ جنيت وما راعتني
صبرت عليك ودقت مرار ....وابعت اليك اخبار و اخبار
اتاريك نستني مع الايام ورضيت تفوتني على الالام
ابعتلي جواب جواب جواب جواب و طمني
انا ليّ إله يعرفني .....من حر الآاااه ينصفني
مش قادر اقول انت الجاني....اصبر على طول على أحزاني
ابعتلي جواب .. ابعتلي جواب .. ابعتلي جواب....و طمني



قصة حياته :
ولد الطفل محمد صباح الدين أبو قوس- وهو اسمه الحقيقي - عام 1933 لعائلة حلبية ذات أصول وجذور في الطرق الصوفية، فتشبع النغم والإيقاع في طفولته المبكرة جداً، وحين بلغ الثانية عشرة من عمره كان قد حفظ الكثير من النغمات الشائعة ومن الموشحات والقدود المنتشرة في حلب آنذاك، حيث بدأت مشاركاته في الحفلات الخاصة والمدرسية، وفي تلك الفترة تعرف إليه عازف الكمان الشهير سامي الشوا في إحدى زياراته لمدينة حلب، وشاركه بعض حفلاته الغنائية، كما قدمه إلى الرئيس شكري القوتلي لاحقاً حين زار مدينة حلب، حيث أثمر ذلك عن عدد من الحفلات التي أحياها الطفل في القصر الجمهوري بدمشق.
لكن المحطة الأهم في حياة هذا الطفل بدأت مع الزعيم الوطني فخري البارودي، الذي أسس المعهد الموسيقي الشرقي في دمشق عام 1947، وضم اليه الفتي محمد صباح الدين ابو قوس بعد أن تبناه ومنحه لقبه الفني، وأصبح يُعرف بصباح فخري.
في هذا المعهد تتلمذ صباح فخري علي أيدي كبار أساتذة الموسيقي في حينها، أمثال :
مجدي العقيلي وعزيز غنام وعمر البطش وسعيد فرحات وعدنان قريش.جري في العام ذاته تأسيس الإذاعة السورية، وكان صباح فخري من أوائل الذين اشتغلوا فيها ولم يتجاوز الخامسة عشرة من عمره، فقدم فيها إضافة للحفلات الغنائية أولى ألحانه "يا رايحين بيت الله " ، وكان في تلك الفترة لا يزال يتابع تعليمه في مدرسة إبراهيم هنانو في حي نوري باشا بدمشق حيث استقر مع والدته التي حالت دون سفره مع سامي الشوا إلى مصر ضمن مشروع فني للشوا إذ كان يقيم هناك.
واعتقد جازماً ان تاريخ الغناء العربي المعاصر يخلو من هكذا شهرة اقتنصها فتي صغير، وتألق في زمن قصير كمطرب وملحن ضمن مجالس الكبار، وفي الاذاعة ايضاً.
رغم أن صباح فخري اشتهر كمغن فقط، إلا أن أهميته في عالم التلحين لا تقل وزناً عنها في عالم الغناء، ويكفي أن نتذكر من ألحانه الشهيرة أغنيات خمرة الحب اسقنيها، جينا علي الدنيا، سمراء، غاب حبي عن عيوني، جاءت معذبتي، قل للمليحة في الخمار الأسود... ، وهناك ألحان كثيرة قام صباح فخري بإعادة تطويرها لتنسجم أكثر مع روح العصر، وهكذا طور لحن يابا جود الروح لسيد درويش، كما طور لحن موشح جميل أنا في سكرين وغيرهما كثر. وقد عمل علي تجميع أغانيه التي قام هو بتلحينها في ألبوم خاص مع الإشارة إلى أن الكثير من هذه الأغاني يؤديها اليوم عدد من مطربي الأغنية العربية التراثية، وفرق الإنشاد وبشكل خاص تلك الفواصل والأدوار والموشحات والقدود الشهيرة، والتي أصبحت جزءاً من تراث وذائقة خاصة في الأغنية العربية.
كذلك أدّى صباح فخري من ألحان الشيخ علي الدرويش موشحين يا ساكناً في فؤادي و آه من ناري جفاه كما غنى لمحمد عثمان وسيد درويش من مصر، وقدم بعض الأغاني العراقية مثل فوق النخل
قلما تكررت ظاهرة في الغناء العربي المعاصرة كظاهرة الفنان صباح فخري، فهي الموهبة المبكرة لطفل بدأ الغناء في الخامسة من عمره الغض، بتأثير إحدي الجارات التي انتبهت لجمال صوته، فبدأت تلقنه المواويل القديمة وبعض الأغاني الحلبية الأصيلة المعروفة بـ القدود ، واستمرت هذه الموهبة في التطور خلال سبعة عقود.
صباح فخري الذي غني في أربعينات القرن الماضي في القصر الجمهوري بدمشق أيام الرئيس شكري القوتلي، جري تكريمه مؤخراً من قبل الرئيس السوري بشار الأسد في 12شباط (فبراير)، حين منحه الرئيس وسام الاستحقاق السوري من الدرجة الممتازة لإسهامه الكبير في إحياء التراث الفني السوري، علماً بأن الرئيس التونسي الراحل الحبيب بورقيبة كان سباقاً في تكريمه عام 1975 حين قلده وسام تونس الثقافي، كما حصل علي المفتاح الذهبي لمدينة ميامي الأمريكية وعلي شهادة دكتوراه فخرية في الموسيقي من جامعة لوس أنجلوس UCLA الامريكية، ونال الميدالية الذهبية في مهرجان الأغنية العربية في دمشق عام 1978، وكرم في مهرجان ومؤتمر الموسيقي العربية العاشر في دار الأوبرا المصرية، كما تسلم درع المنظمة العربية للثقافة والعلوم مع شهادة تقدير عام 2004 خلال ندوة الحفاظ علي التراث الموسيقي العربي التي أقيمت في دمشق عرفاناً بدوره الكبير في الحفاظ علي التراث الموسيقي العربي ولمسيرته الطويلة التي أغنت الحركة الفنية العربية وساهمت في ترسيخ أصالة الطرب العربي وتقاليد الغناء الأصيل.
وأعتقد أن هذا التكريم هو تكريم للأغنية العربية التراثية والأصيلة، التي حمل صباح فخري لواء الحفاظ عليها وتطويرها ونشرها، وهو المطرب العربي الوحيد الذي دخل موسوعة غينس للأرقام القياسية عام 1968، حين استمر يغني من العاشرة ليلاً حتي الثامنة صباحاً دون توقف أو انقطاع، في حفل فني أقيم له في العاصمة الفنزولية كراكاس، مع أنه سبق وغني في حفل مشابه في مدينة حلب لمدة 14 ساعة، من العاشرة ليلاً وحتي الثانية عشرة ظهراً دون توقف.
ويذكر ان الفنان صباح فخري شغل منصب نقيب الفنانين في سورية، كما انتخب نائباً في مجلس الشعب (البرلمان السوري)، وكان مديراً لمهرجان الأغنية السورية في دورتيه الأولى والثامنة،
صباح فخري ـ رغم بلوغه الـ 74 عاماً ـ ما زال يعمل علي كتابين الأول حول سيرته الفنية، والآخر باسم ما غناه صباح فخري مع كلمات ونوتة موسيقية لتلك الأغاني، وأية ملاحظات حول هذه الالأغاني وتطورها كلمات ولحناً، مع قرص CD مدمج للحفاظ علي الأداء، وهو مشروع يعتقد بأهميته في ظل غياب التوثيق الفني ضمن مؤسساتنا الثقافية.
المشروع الآخر الذي اشتغل عليه صباح فخري مؤخراً، هو إنشاء معهد موسيقي في مدينة حلب يستعيد دورها القديم في عالم الغناء، ويساهم في الحفاظ علي الأغنية التراثية الأصيلة، وطرق الأداء السمعي بعيداً عن تشوهات الفيديو كليب المعاصر.
صباح فخري هذه الظاهرة المنفردة في الغناء العربي المعاصر، ما زالت الأكثر انتشاراً في مواقع الإنترنت الرقمي، وما زالت الجسر الأكثر عبوراً بين أجيال المستمعين العرب شيوخاً وشباباً، وما زالت تشكل وساماً كبيراً في عالم الغناء العربي.

لنا عودة

The Hunter
11-09-2007, 05:00
ايه ها .:icon_idea::icon_idea::icon_idea:.. يا سلام عليكم ... مية السلامة وشرفتو موضوعنا يا خيو ... وبيسعدني ألي كل طلباتكم ومن عيوني والله .. :heartsmall:

ليدي مشرفتنا الأكابر والمزوقة والسميعة كمان بيسعدني أقدملك بمشاركتي الجاية أغنية (فوق لنا خل) للاستاذ صباح فخري ومن عيوني والله :mirrorr:

الدمشقي انت بتأمر مو بتطلب من عينتيني التنتين جبتلك قصيدة (رسمتك يا حبيبي في خيالي) بالفعل شي رائع جداً جداً ورح تشوفها بعد مشاركتين وتكرم عينك يا دمشقي الورد :mirrorr:

لولي سميعتنا الاولى الله يسلمك يا رب مافشي قد المقام ... رح استمر بالموضوع مع دعمو بتعليقات من خلال خبرتي بها المجال بتمنى تكون مفيدة وان شالله تحوز على إعجابك :mirrorr:

عمار بتشكرك على هالمجموعة الحلوة يلي اخترتلنا اياها وهي فعلاً من التراث الحلبي ورح أحاول كل فترة أنزل مقاطع صوتية وأنا فعلاً منزل (قل للمليحة بصوت صباح فخري) بإمكانك ترجعلها بالصفحة الاولى من الموضوع :mirrorr:

دارك لورد قصي أحلى مشرف من عيوني والله تكرم عينك وعين كل السميعة وبشكرك على التثبيت .. رح يسهل علي الأمور ويزيد عدد المتصفحين والمستفيدين ... بشكرك :mirrorr:

أبو الخل أحلى أبو الخل مية السلامة ولو يا خيو مية ألف سلامة فيك وبكل الشباب الرايقة الطيبة متلك ... لك شرفت والله وكل ما بشوف اسمك بموضوعي هاد بفرح من كل قلبي والله :mirrorr:

اب يمان لك ابعتلي جواب وطمني يا خيو .. يا عيني عليك ... ويسلمو ايديك ... بالفعل الموضوع كان بدو شوية معلومات وثائقية وانت كملتها بها النبذة المختارة عن حياة فناننا الكبير صباح فخري ... يسلمو هالايدين ومستني العودة .. :mirrorr:


ترقبوا أغنية (فوق لنا أبو الخل .:cheesy:) قصدي (فوق لنا خل) بصوت صباح فخري في المشاركة القادمة

تحياتي :mirrorr:

The Hunter
11-09-2007, 05:32
فوق لنا خل

من أحلى أغاني (الافتتاحيات) يلي تغنى فيها الكثير من مطربي حلب الشهباء ....
طبعاً أصلها يعود للتراث العراقي وأداها الفنان العراقي الراحل ناظم الغزالي بزمانو ....
تم تقديمها على أكثر من لحن ومقام ولكن استاذنا الكبير صباح فخري اختار مقام الحجاز الصافي ليغنيها عليه ...
طبعاً هي من أغاني الافتتاحيات لأنو بيفتتح فيها الوصلة ... يعني وصلة الحجاز بيبداها بأغنية فوق لنا خل كونها بتبدا من علامة منخفضة وسهلة نوعاً ما ومناسبة لتحمية الصوت قبل البدأ بالأغاني التي تحتاج لطلعات عالية ...

الكلمات بتقول:

اللازمة (مقام الحجاز)
فوق لنا خل فوق فوق
مدري لمع خده
يابا مدري القمر فوق فوق
والله ما ريده
باليني بلواه

التفريدة (مقام الحجاز)
بالله يا مجرى المي يبا سلم عليهم
صعبانة الفرقة علي يبا اشتقنا إليهم
والله ما ريده
باليني بلواه

باللازمة بيبدا صباح من علامة الدو قرار على مقام الحجاز طبعاً يلي ما بيطلع عنو بها الأغنية أبدا وهي من الأغاني القليلة يلي ما فيها تقليب مقامات ولا حتى علامات لهيك تعتبر سهلة الأداء نسبياً ... الكورس بيردد وراه على نفس العلامة طبعاً

التفريدة بيستمر فيها على نفس المقام مع رفع العلامات وتخفيضها لإعطاء نكهة للأغنية (وهون المعلمية) مع الانحراف أحياناً لمقام الحجاز كار بشكل قليل (يعني الاوف والخلفيات مع الكورس) ..

بالنهاية بيرجع بيعيد اللازمة مع رفع العلامة تمهيداً للانتقال للأغنية التي بعدها في الوصلة وهي (البلبل ناغى) ..

بترككم مع صباح فخري وفوق لنا خل

The Hunter
11-09-2007, 05:46
ومتل ما وعدتو للصديق الأخ الدمشقي جبتلكم هالقصيدة الرائعة وهي بعنوان:

رسمتك يا حبيبي في خيالي

وهي طبعاً تعتبر من قصائد المديح النبوي وهادا الفن اسمو فن الإنشاد وهو غناء بحت بدون موسيقى

الإنشاد رح تسمعوه بصوت منشد حلب الكبير المرحوم أديب الدايخ يلي غناها بإحساس عالي جداً وعلى طبقات عالية جداً جداً وبديعة جداً جداً

مدخل القصيدة كان على مقام العجم قبل أن ينقل إلى مقام الحجاز يلي غنى عليه باقي القصيدة ...

بآخر القصيدة بيتين ماهم من القصيدة نفسها ختم فيهم المنشد الوصلة الرائعة ...

رسمتك يا حبيبي في خيالي
ولم يرسم سواك بلوح بالي
جعلتك قبلتي محراب روحي
بقلبي في الهجير وفي الظلال
أهيم إلى ليال كنت أنسي
بها أيا طيب هاتيك الليالي
وحقك أن وجدي فيك وجدي
وحالي لم يزل بهواك حالي
كتبت إليك عرض الحال لهفا
بدمع سح مني كاللآلي
ولم أرفع لغير الله أمري
وهذا دين سادات الرجال

من يسمع الآهات غيرك في الدجى
وينشر الأرواح بالفجر الندي
يا رب جد بالخير أنت المرتجى
رحماك يا رباه بالقلب الصدي


وهلق المقطع الصوتي بصوت المنشد المرحوم أديب الدايخ (أبو ضياء)

بتمنى تحوز على إعجابكم وإلى الملتقى
تحيات أبو صطيف

الدمشقي
11-09-2007, 06:15
ياسلام عليك ياملك.. بذمتي شيء روعه .. رحمة الله على هذا المنشد الرائع ..
كبير يا أبو صطيف ... والكبير صعب تعبرله بالحكي .. عن شكرك وامتنانك ..

أب يمان
11-09-2007, 10:32
السلام عليكم ورحمة الله وبركاته

الله يعطيك العافية يا ابو صطيف الورد خيو طالما سيرة ونفتحت مع زافين عفوا مع ابوصطيف
شو رأيك انو ننزل تعريف المقامات العربية الشرقية ومشان الاعضاء يتعرفو عليها اكتر
وعندي ملاحظة صغيرة اذا في مجال طبعا شو رأيكن بما انو شهر رمضان الكريم على الابواب اعادة الله علينا وعليكم بالخير واليمن والبركات وكل عام وانتم بخير نخصص بها الشهر الفضيل الموشحات الدينية وهي كثيرة كتير طبعا والابتهالات الدينية وهي فرصة كمان ننزل القديم منها
ويتعرفو عليها الاعضاء ويسمعوهااا
وهي نبذة صغيرة عن المقامات


تحتوي الموسيقى العربية (http://ar.wikipedia.org/wiki/%D8%A7%D9%84%D9%85%D9%88%D8%B3%D9%8A%D9%82%D9%89_% D8%A7%D9%84%D8%B9%D8%B1%D8%A8%D9%8A%D8%A9) على ما يقرب من 360 مقاما ، و يرى البعض أنها مئتان ، و المقام هو السلم الموسيقي (http://ar.wikipedia.org/wiki/%D8%A7%D9%84%D8%B3%D9%84%D9%85_%D8%A7%D9%84%D9%85% D9%88%D8%B3%D9%8A%D9%82%D9%8A) العربي / الشرقي ، و لكل مقام أصوله من موسيقات فارسية (http://ar.wikipedia.org/wiki/%D8%A5%D9%85%D8%A8%D8%B1%D8%A7%D8%B7%D9%88%D8%B1%D 9%8A%D8%A9_%D9%81%D8%A7%D8%B1%D8%B3%D9%8A%D8%A9) ، و عجمية (http://ar.wikipedia.org/w/index.php?title=%D8%A7%D9%84%D8%B9%D8%AC%D9%85&action=edit) ، و تركية (http://ar.wikipedia.org/wiki/%D8%AA%D8%B1%D9%83%D9%8A%D8%A7) و غيرها ، و منها ما هو خاص بالموسيقي الشرقية (http://ar.wikipedia.org/w/index.php?title=%D8%A7%D9%84%D9%85%D9%88%D8%B3%D9% 8A%D9%82%D9%89_%D8%A7%D9%84%D8%B4%D8%B1%D9%82%D9%8 A%D8%A9&action=edit) ، و المقام يتكون من جنسين (http://ar.wikipedia.org/w/index.php?title=%D8%AC%D9%86%D8%B3_%D9%85%D9%88%D8 %B3%D9%8A%D9%82%D9%8A&action=edit) ، يسمى الأول جنس الأصل ، و الثاني : جنس الفرع و الأجناس (http://ar.wikipedia.org/w/index.php?title=%D8%AC%D9%86%D8%B3_%D9%85%D9%88%D8 %B3%D9%8A%D9%82%D9%8A&action=edit) هم ٩ أجناس أساسية ، تكون طابع كل مقام وفقا لجنس الأصل ، و جنس الفرع ، و كذلك درجة الأصل (الركوز) ، مكونا تتابعا من ٨ نغمات ، تحصر بينها سبع مسافات موسيقية ، جاعلا لكل مقام طابعه المميز. و تمتاز المسافات الموسيقية الشرقية بأنها قد تكون مسافة كاملة ، أو نصف مسافة ، أو ثلاث أرباع مسافة ، و هو ما يميز الموسيقى الشرقية عن الغربية الكلاسيكية.
المقامات الأساسية هي:
أ- مقامات ترتكز على درجة الراست (دو) C:

مقام راست (http://ar.wikipedia.org/wiki/%D9%85%D9%82%D8%A7%D9%85_%D8%B1%D8%A7%D8%B3%D8%AA)
مقام نهاوند (http://ar.wikipedia.org/wiki/%D9%85%D9%82%D8%A7%D9%85_%D9%86%D9%87%D8%A7%D9%88% D9%86%D8%AF)
مقام نواأثر (http://ar.wikipedia.org/w/index.php?title=%D9%85%D9%82%D8%A7%D9%85_%D9%86%D9 %88%D8%A7%D8%A3%D8%AB%D8%B1&action=edit)ب- مقامات ترتكز على درجة الدوكاه (ري) D:

مقام بياتي (http://ar.wikipedia.org/w/index.php?title=%D9%85%D9%82%D8%A7%D9%85_%D8%A8%D9 %8A%D8%A7%D8%AA%D9%8A&action=edit)
مقام كرد (http://ar.wikipedia.org/w/index.php?title=%D9%85%D9%82%D8%A7%D9%85_%D9%83%D8 %B1%D8%AF&action=edit)
مقام حجاز (http://ar.wikipedia.org/w/index.php?title=%D9%85%D9%82%D8%A7%D9%85_%D8%AD%D8 %AC%D8%A7%D8%B2&action=edit)
مقام صبا (http://ar.wikipedia.org/w/index.php?title=%D9%85%D9%82%D8%A7%D9%85_%D8%B5%D8 %A8%D8%A7&action=edit)جـ - مقامات ترتكز على درجة السيكاه (مي) E:

مقام سيكاه (http://ar.wikipedia.org/w/index.php?title=%D9%85%D9%82%D8%A7%D9%85_%D8%B3%D9 %8A%D9%83%D8%A7%D9%87&action=edit)د- مقامات ترتكز على درجة العجم عشيران (فا) F:

مقام عجم (http://ar.wikipedia.org/w/index.php?title=%D9%85%D9%82%D8%A7%D9%85_%D8%B9%D8 %AC%D9%85&action=edit)و لكل مقام من هذه المقامات الأصلية غماز (http://ar.wikipedia.org/w/index.php?title=%D8%BA%D9%85%D8%A7%D8%B2&action=edit)
و الغماز هو النغمة الشائعة الاستخدام في المسار اللحني ، و تعتبر نقطة التحويل و الانطلاق للأجناس الأخرى ، و غالبا ما تكون هي النغمة الني يبدأ منها جنس الفرع ، و نغمة الغماز تلي نغمة الأساس في الأهمية ، و ذلك في المسار اللحني.

طبعا منقول

The Hunter
12-09-2007, 11:28
وعليك السلام ورحمة الله وبركاته
على عيني يا ابو يمان والله يعافيك يا رب ويسلمو الديات على هالنقل الممتاز والمفيد

بصراحة علم المقامات الموسيقية الشرقية علم واسع جداً ومتشعب ومن الصعوبة بمكان الإحاطة بكافة أركان هالعلم الواسع ...

طبعاً المعلومات يلي نقلها السيد أبو يمان ممتازة وجميلة ولكنها بالطبع جزء يسير كتير من هالعلم الواسع

وبرايي الشخصي انو علم المقامات بالذات والعلوم الموسيقية بشكل عام من الصعب جداً تعليمها نظرياً يعني أنها بتحتاج لتدريب عملي ومن الصعب على أي واحد يفهم معنى مقام كذا بدون ما يجرب يعزفو أو يغنيه ...

لهيك أنا بدي أحضرلكم بالمستقبل تسجيل صوتي لشرح المقامات بشكل عملي يعني المقام وبعدو وصلة على هالمقام او ليالي ... يمكن بعد العيد بقدر نزلو ..

وهلق ممكن أفيدكم شوي أكتر بعلم المقامات بانو أعطيكم أمثلة سريعة هي عبارة عن أغنية أو مقطع من أغنية على المقام المقصود وطبعاً رح أتناول المقامات الرئيسية وبس .. لأنو الدخول بالمقامات الفرعية صعب شوي حتى علي ..

1- مقام الراست: مقام شرقي طربي بحت بيتميز بروحو الطربية النادرة يلي بتنقلك لجو تاني لحتى بيقولو عنو (إذا طربت فارست) يعني غني على مقام الراست ...
من أشهر الأغاني يلي مطلعها عالراست عندكم: يا شادي الألحان ويامال الشام لصباح فخري وفكروني وأروح لمين لأم كلثوم ...

2- مقام النهاوند: مقام طربي أيضاً ولكن يمكن أن يعزف عليه غربي وبيوافقو سلم (المانير) بالغربي ...
من أشهر الأغاني يلي مطلعها عالنهاوند عندكم: خمرة الحب اسقنيها لصباح فخري وألف ليلة وليلة لام كلثوم

3- مقام البياتي : بيسموه أبو المقامات لانو ممكن تتفرد منو كل المقامات وهو مقام طربي بيناسب كل أغراض الغناء حتى الشعبي ....
من أشهر الأغاني يلي مطلعها عالبياتي عندكم: ابعتلي جواب وطمني لصباح فخري وكل دا كان ليه لعبد الوهاب ...
وبيتفرع عن البيات الكتير من البياتات الفرعية أشهرها البيات الشوري والحسيني

4- مقام الكورد: كتير قريب من مقام البياتي والفرق بيناتن ربع درجة عالسلم وبيقولو الفرق بين البياتي والكورد بأنو الكورد مقام الاحساس والعاطفة يعني فيه عاطفة اكتر على حساب الطرب ....
من أشهر الأغاني يلي مطلعها عالكورد عندكم: يمر عجباً لصباح فخري وعودت عيني على رؤياك لأم كلثوم

5- مقام الحجاز: مقام عاطفي بامتياز يستعمل كثيراً لأداء الآذان هو ومقامي البياتي والراست وهو مقام حزين نوعاً ما ...
من أشهر الأغاني يلي مطلعها عالحجاز عندكم: فوق الناخل لصباح فخري وأنافي انتظارك خليت لام كلثوم
وبيتفرع عن الحجاز مقام يستعمل بكثرة هو (الحجاز كار) هالمقام الفرعي البعض بيعتبرو أساسي نظراً لكثرة استخدامو

6- مقام الصبا: مقام الأوف والآهات والتفريدات بيتميز بحزن نبرتو وبيناسب كتير الغناء الشعبي ...
من أشهر الأغاني يلي مطلعها عالصبا عندكم: يا ما اسعدك صبحية لصباح فخري وهو صحيح الهوا غلاب لأم كلثوم

7- مقام السيغا (الهزام): ويلي مستعمل حالياً هو فرع من السيغا اسمو الهزام لانو السيغا الصافي صعب كتير يطلع .. هالمقام هو مقامي المفضل انا شخصياً بيجمع بين الطرب والعاطفة وفيه روح مميزة جدا جدا ...
من أشهر الأغاني يلي مطلعها عالهزام عندكم: موال قل للمليحة أداء صباح فخري والأطلال ودارت الأيام لأم كلثوم .. كمان نغمة (الله اكبر الله اكبر الله اكبر لا إله إلا الله الله اكبر ... )يلي بعد آذان العيد بتكون على هالمقام

8- مقام العجم: قريب جداً من سلم (الماجير) الغربي ومناسب لأداء الأغاني الوطنية والحماسية وبيستعملوه هون بحلب كتير لأداء القصايد الدينية بالإنشاد هو والحجاز ...
من أشهر الأغاني يلي مطلعها عالعجم عندكم: جفنه علم الغزل لعبد الوهاب ولسه فاكر قلبي يديلك أمان لأم كلثوم

بتمنى أكون عطيتكم فكرة منيحة عن علم المقامات الموسيقية طبعاً هي فكرة مبسطة كتير ومختصرة بس ممكن تستفيدو منها اذا ربطو بين نغمة اغاني الأمثلة يلي عطيتكم ياها ونغمة اي غنية بتسمعوها يعني ممكن تحصلو مقام أي لحن أو غنية بالمقارنة.

مع تحياتي انا محدثكم أبو صطيف :mirrorr:

lady
13-09-2007, 11:03
ابو صطيف الله يعطيك العافية
ويسلم دياتك ومايحرمنا هالطلة....ياعيني عليك

رائعة هالاغنية والله...
ابو يمان كمان شكرا كتير لهالمعلومات القيمة

The Hunter
13-09-2007, 12:50
بشكر جميع يلي شرفو موضوعي التراثي الطربي وآخرهم مراقبتنا المزوقة الحبابة ليدي

رح يتوقف الموضوع لمدة شهر رمضان المبارك

على وعد مني بمتابعته بعد العيد إن الله أحيانا من الطيبين

تحياتي لكم وإلى اللقاء
:mirrorr:

luli
15-09-2007, 18:02
The Hunter

عنجد يسلمو هالايدين الهي موضوع ولا اروع من هيك

كتير حلوين ومميزين وكلون اصالة بأصالة

وينعاد عليك بالخير

وناطرين كل جديدكـ ..


بامان الله

The Hunter
21-02-2008, 13:09
بناء على الإلحاح الجماهيري والطلب المتزايد على هالبرنامج
عدنا والعود أبو أحمد:108:
لموضوع الطرب الحلبي الأصيل
وان شاالله تكون رجعتنا مميزة متل ما كانت سابقاتها

أكيد بستغربوا وبنفس الوقت بتستمتعوا لما بتشوفو فنانا الكبير صباح فخري مثلاً عمبيأدي مجموعة أغاني متتالية بدون توقف .... بيدخل بوحدة بيطلع بالتانية بكل يسر وسهولة

وأكيد لاحظتو قبل هالمرة انو مجموعة الأغاني يلي بيغنيها بشكل متواصل بتتميز بقاسم مشترك
يلي هو أنها كلها على مقام واحد
هالمجموعة أغاني على مقام واحد بيسموها الوصلة الغنائية

وبها الحلقة حبيت أقدملكم وصلة رائعة جداً على مقام رائع جداً
هومقام الصبا
الحزين ويلي بنفس الوقت بيناسب الأغاني الشعبية

رح نستمع لوصلة صبا بصوت فناننا الكبير صباح فخري
رح يقدملنا فيها باقة من القدود والموشحات الجميلة على مقام الصبا
هي على التوالي:

1- يا رب يا عالي شوف عبدك (موشح ديني)

2- يا هويدلك يا هويدلي الله يعين المبتلي (قد)

3- سكابا يا دموع العين سكابا (قد)


بتمنالكم استماع ممتع وإلى اللقاء مع حلقة جديدة من ركن التراث الحلبي يقدمها لكم محسوبكم أبوصطيف:smoke2:

washiwash
21-02-2008, 13:23
الله يعطيك العافية يا ابو ستيف ... اهلا وسهلا بعودتك الينا والى مواضيعك ..

بالصدفة كنت اسمع يا ذا القوام السمهري .. ومن ثم يا بهجة الروح من حفلة قصر الفيحاء ..

وجاءت وصلتك في وقتها المناسب ...

شكرا جزيلاً

أب يمان
21-02-2008, 14:19
اي هه هيك من زمان ابو صطيف اتحفنا يوب

كمل كمل بعدا هاالله ها الله يا جملو يا عشيرة زماني

وبعدا اذا في مجال عطيني موشح جادك الغيث اذا الغيث هما يا زمان الوصل بالاندلس

سلمن على ها السلطنة ابو صطيف

The Hunter
23-02-2008, 12:30
سلامة ... وأحلى شباب أب خالد وأب اليمن... لك مية السلامة بالسميعة الأصايل ... زارتنا البركة والله ... تعو لعنا كل يوم لك خيو :108:

أب يمان ... طلب والله على راسي من فوق ... بس بيقللك اروي عذرك ولا تروي بخلك
خيووو ..امبيرحة حاولت أحمل جادك الغيث بس حجمو كبير وما قبل يحملو .. لأنو هون مافي تحميل فوق 2.5 ميغا ... وهو حجمو بال12 ميغا ... وبعد الضغط والتحويل صغرمعي بس لـ 5 ميغا ...:umgh:
رح أشفلي برنامج تحويل وضغط تاني بركي بيضغطلي الملف أكتر بركي بحسن أحمللك ياه وتكرم عينك أحلى أب يمان

ومنشان خاطرك الغالي عندي إلك مني أغنية هالله هالله يا جملو يلي رح أحكي عنها بحلقة اليوم

هالغنية من مقام الصبا نفسو يلي كانت وصلة الحلقة الماضية عليه بس الفرق انو هون رح تسمعو الأغنية من أداء فرقة أنا شفتها ممتازة وحضرتلها كذا حفلة اسمها فرقة شيوخ الطرب بحلب وهي بتتكون من عدد من مطربي حلب الشباب يلي تتلمذو على إيدين كبار مطربي حلب بيأدو بشكل جماعي مع تفريدة لكل منهم عدد من أغاني التراث الحلبي... والفرقة كانت نشطة بشكل كبير أيام حلب عاصمة الثقافة الاسلامية وعملو عدد من الحفلات بصالة الاسد وبالمركز الثقافي بحلب ..

الفرقة عجبتني ... انتو سمعو احكمو .. واذا عجبكم الشغل ... الكن مني مجموعة أغاني من أداء هالفرقة الحلبية

هي أغنية هالله هالله يا جملو من أداء فرقة شيوخ الطرب بحلب

هالله هالله ياجملو
ياعشيرة زماني
خصرك دخيل العملو
لولح يالخيزرانة

جملو بباب الدار

لمّا شفتا قلبي احتار

قلتلا ياريتني جار

طول عمري وزماني

Moustafa
23-02-2008, 12:40
أب يمان ... طلب والله على راسي من فوق ... بس بيقللك اروي عذرك ولا تروي بخلك
خيووو ..امبيرحة حاولت أحمل جادك الغيث بس حجمو كبير وما قبل يحملو .. لأنو هون مافي تحميل فوق 2.5 ميغا ... وهو حجمو بال12 ميغا ... وبعد الضغط والتحويل صغرمعي بس لـ 5 ميغا ...:umgh:


الله يعطيك العافية عالموضوع الحلو كتير و عالأغاني الرائعة شكراً جزيلاً يا سيد هانتر

هلأ أنا بس حابب قول إنو إذا كان عندك ملف كبير و حابب تحملو ففيك تحملو على مواقع التحميل المجانية و قد ما كان الحجم بيتحمل ( بس أقل من 500 ميغا بايت :ummm: )

و في عند هاد الموقع كتير حلو و للتحميل عليه www.megaupload.com (http://www.megaupload.com) هاد فيك تفوت عليه و تحمل الملف الي بدك ياه و بالأخير بيعطيك رابط بتلزقو هون بالمنتدى و هيك بيحسنو الكل يحملوه

شكراً لمشاركاتك و الله يعطيك العافية

أب يمان
23-02-2008, 12:52
ولا يهمك ابو صطيف الورد

يسلمو ها الديات يارب عم نعذبك معنا بظن انو مقام الصبا كتير كبير والي عندك طلب اخوي خلينا بالصبا وهات اتحفنا لانو الصبا بحر وبعدا اذا بدك تنتقل لمقام تاني بيكون احسن خاي

شكراا كتير كمان مصطفى على الموقع الله يعطيك العافية

The Hunter
23-02-2008, 13:26
اول شي يسلمو ايدين السيد مصطفى يلي عطاني عنوان موقع التحميل .. لأنو رح يلزمني كتير بالمستقبل ...
وتاني شي مية السلامة بأب يمان الورد .... لك لعيونك الصبا وأهل الصبا والصبابة... طبعاً الصبا مقام حلو كتير وبيتميز بحزنو الواضح وبأنو مناسب كمان للأغاني الشعبية ... استعمالو كتفريدات أكثر من استعماله باللازمة الاساسية يعني الأغاني يلي لازمتها عليه عكس ما بتتوقع مو كتير كتيرة ... يعني في أبو خمس ست أغاني غير يللي حطيتهم مو أكتر ... وأكيد الموشح يللي طلبتو (جادك الغيث) ما هو منهم لأنو هو على مقام السيغا هزام الرائع ...

بطلب من جميع محبي التراث الطربي الأصيل أنو يبدأو بالتحميل لأنو القادم أكثر من رائع

رابط فيه أربعة من أجمل ما غناه الكبير صباح فخري على مقام السيغا هزام ... مجموعة من أربع موشحات أندلسية تقيلة يغنيها في وصلة رائعة أبو صبيح الملك:

مقدمة: أيها الساقي

جادك الغيث إذا الغيث همى

لو كنت تدري ما الحب يفعل

وأخيراً
يا غصن نقا مكللاً بالذهب

هاي هي الوصلة الثمينة:
http://www.rodwan.com/files/audio/saba7/alsaqi.mp4

بس الملف امتدادو mp4 ورح يحتاج لبرنامج ريل بلاس أو النسخة الحديثة من الميديابلاير ليشتغل

استماع ممتع مع وعد بالعودة قريباً على مقام الصبا يلي بيحبه صاحبنا أبو يمان :smoke2:

The Hunter
11-03-2008, 11:59
كنت وعدت أبو يمان الغالي أكمللو وصلة الصبا وأنا عند وعدي:

حملتلكم أربع أغاني على مقام الصبا الجميل
من أداء فرقة شيوخ الطرب بحلب ..
بتمنى تعجبكم

الأغاني هي:

يا قلبي ليه
عاليانا اليانا
يا ما اسعدك صبحية
يا هويدلك

أب يمان
11-03-2008, 12:20
يسلمو ها الديات يا ابو صطيف الحبيب شي حشيم حشيم رح سلطن مبدئيا على (يا قلبي لية ) هي لحالا بدا يوم كامل والباقي رح حطن عا الانتظار

يسلمو كتير ابو صيف

The Hunter
12-03-2008, 13:43
وبناء على طلب الغالي أب يمان ملك الصبابة والصبا جبتلكم هالقصيدة الرائعة بصوت منشد حلب الكبير المرحوم أديب الدايخ يلي سبق وحطيتللو هون بها الموضوع قصيدة بعنوان : رسمتك يا حبيبي في خيالي


قصيدة اليوم يمكن أغلبكم بيعرفوها أو سمعانين فيها
لأنها من من روائع الشعر العربي وهي من شعر الإمام الشافعي رحمه الله
واسمها
دع الأيام تفعل ما تشاء


دع الأيام تفعل ما تشاء
وطب نفساً إذا حكم القضاء
ولا تجزع لحادثة الليالي
فما لحوادث الدنيا بقاء
وكن رجلاً على الأهوال جلداً
وشيمتك السماحة والوفاء
يغطى بالسماحة كل عيب
وكم عيب يغطيه السخاء
فلا حزن يدوم ولا سرور
ولا بأس عليك ولا رخاء
ومن نزلت بساحته المنايا
فلا أرض تقيه ولا سماء
وأرض الله واسعة ولكن
إذا نزل القضا ضاق الفضاء
دع الأيام تغدر كل حين
فلا يغني عن الموت الدواء
إذا ما كنت ذا قلب قنوع
فأنت ومالك الدنيا سواء
دع الأيام تفعل ما تشاء
وطب نفساً إذا حكم القضاء

القصيدة عمبيأديها على مقام السيغا هزام الرائع وبأسلوب أكتر من رائع وطبقات خيالية

لمحبي هذا الصوت السماوي العذب أقدم لكم

دع الأيام تفعل ما تشاء
بصوت المرحوم منشد حلب الكبير المرحوم أديب الدايخ


بتمنى تحوز على إعجابكم وإلى الملتقى
تحيات أبو صطيف

أب يمان
12-03-2008, 14:05
وكن رجلاً على الأهوال جلداً
وشيمتك السماحة والوفاء
يغطى بالسماحة كل عيب
وكم عيب يغطيه السخاء
فلا حزن يدوم ولا سرور
ولا بأس عليك ولا رخاء
ومن نزلت بساحته المنايا
فلا أرض تقيه ولا سماء


يسلم ها الديات يا ابو صطيف الزعيم شفتلي ها الابيات ما احلاها وخصوصا ها المقطع هاد

يا سلام عليك شي حشيم وسلطنة على الاخر

بانتظار جديدك اكيد لا تتاخر علينااا

The Hunter
29-03-2008, 08:38
السلام عليكم ورحمة الله

منتابع معكم هالموضوع الشيق ومنتوقف مع مطرب من مطربي حلب الشهباء ما بينتمي للجيل القديم بسنو ولكنه بينتميلو بعراقتو وأصالتو
المطرب شادي جميل الذي يعرفه أغلب أهل حلب بصوته ذو الخامة العريضة الرخيمة الشبيهة بخامة الاستاذ صباح فخري ... اسمه الحقيقي جبرائيل ابراهيم وبداياته كانت في الثمانينيات مع اغاني التراث الحلبي الذي مازال مستمر على نهجها ذاته.....
طبعاً للمطرب شادي جميل مجموعة من الأغاني الجديدة ولكنها بالمجمل ذات طابع ليس ببعيد عن الأغاني التراثية التي اعتاد ان يغنيها
من هذه الأغاني اخترتلكم أغنية جميلة بعتقد أغلبكم بيعرفها وحافظها حتى ..

يا سايق الهجن
امشي على هونك
خليني ودع الولف
واقول ممنونك

يا حبيب ما أنساك
وما طيق العيشة بلاك
والناس تنام بها الليل
وانا اسهر على ذكراك
يا حبيب ما أنساك

يا حبيب مين ومين
متلك يا عالي الجبين
لو غزو قلبي بسكين
ما حيد عن دربي هواك
يا حبيب ما أنساك

يا حبيب فين وفين
نشفت والله دموع العين
ليش تجافيني يا زين
وبتعرف اني بهواك
يا حبيب ما أنساك

يا حبيب ورد وورد
مرشرش عشفافك والخد
ورموشك سيفن شو حد
والكل بدن رضاك
يا حبيب ما أنساك



يا حبيب ما أنساك بيسبقها موال يا سايق الهجن
على مقام النهاوند
من أداء المطرب شادي جميل
بتمنى تعجبكم

يمو عاللمبة
12-04-2008, 02:33
سلام عليكم شعب

شكراً كتير عالموضوع الرائع وحبيت أدعمكن بقصيدة ( ذكر الغضى ) الرائعة لعمي أبو ضيا أديب الدايخ عليه رحمة الله من حفلات جامع الروضة ...
وللصراحة انا لما سمعتها أول مرة دمعت عيوني ....

برأيي مافي صوت أحلى من صوته ولا رح يجي

تفضلو حملتها على موقع أبلود وعرضتها بأكتر من منتدى ما عدا منتداي :

http://www.eatlime.com/files/download.lc?sid=66F3A109-7410-86E2-347E-E5686F32171B (http://www.eatlime.com/files/download.lc?sid=66F3A109-7410-86E2-347E-E5686F32171B)


بس تسمعوها خبرونا رأيكن


.................................................

في تصحيح بسيط لكلمة بالبيت التالي :

من يسمع الآهات غيرك في الدجى
وينشر الأرواح بالفجر الندي

الصواب : و يبشِّر

............................................


وشكراً مرة تانية

تحياتي .. فراس .

The Hunter
12-04-2008, 10:26
سلام عليكم شعب

شكراً كتير عالموضوع الرائع وحبيت أدعمكن بقصيدة ( ذكر الغضى ) الرائعة لعمي أبو ضيا أديب الدايخ عليه رحمة الله من حفلات جامع الروضة ...
وللصراحة انا لما سمعتها أول مرة دمعت عيوني ....

برأيي مافي صوت أحلى من صوته ولا رح يجي

تفضلو حملتها على موقع أبلود وعرضتها بأكتر من منتدى ما عدا منتداي :

http://www.eatlime.com/files/download.lc?sid=66F3A109-7410-86E2-347E-E5686F32171B (http://www.eatlime.com/files/download.lc?sid=66F3A109-7410-86E2-347E-E5686F32171B)


بس تسمعوها خبرونا رأيكن


.................................................

في تصحيح بسيط لكلمة بالبيت التالي :

من يسمع الآهات غيرك في الدجى
وينشر الأرواح بالفجر الندي

الصواب : و يبشِّر

............................................


وشكراً مرة تانية

تحياتي .. فراس .


ياهلا ورحب عمي فراس مية السلامة بيك والله :108:
أبو ضياء عليه رحمة الله فعلاً من أحلى وأندر الأصوات يلي مرت على حلب بتاريخها وبيجيب طبقات عالية تعتبر مستحيلة عند الكثير من كبار المطربين بس برأيي أنو تميزو لأبو ضياء بلون القصيدة بالذات وأحياناً الموال لأنو مابيحب يقيدو مقام معين أو لحن معين وبيحب يفرد ويغرد على كيفو وهالشي بيكون متاح الو بدرجة أكبر بالقصيدة أو الموال.
بس في شغلة عمي فراس انو هالقصيدة حاولت أحملها من موقع الابلود يلي حضرتك حاطو وحملتها فعلاً بس الملف طلع حجمو 0 بايت وما اشتغل طاول
بس ياريت إذا في مجال ترد تحملو أو بإمكانك تحملو مباشر على موقعنا هون
والك كل الشكر

يمو عاللمبة
12-04-2008, 16:15
The Hunter


لك عراسي يا خاي

أديب الدايخ عليه رحمة الله من أحلى الأصوات في العالم مو بس بحلب ( برأيي ) و أبرعها بالتنقل بين المقامات الصوتية و حسب ما قرأت مرة عن ترجمة من موقع فرنسي إنو صوتو بيغطي 3 أوكتاف

بصراحة أنا ما بعرف إش يعني أوكتاف بس هو بعتقد متل درجات أو هيك شي

وقصة التقيد بمقام معين قصة تانية عند عمي أبو ضيا
هو ما تعلم المقامات و أخدها عن علم .. كانت موهبة من الله عز وجل أتقنها ببراعة وطورها ودعمها لاحقاً بالعلم .. وما سمعت حدا متلو بيتنقل بين المقامات بسهولة وليونة وبصوت شجي جهوري لا والله ... وحالياً أنا عم بجهز موضوع شامل عن أديب الدايخ بمنتداي لأول مرة على النت يمكن أقدر أعطيه ولو جزء بسيط جداً من حقه يلي ما حدا عطاه ياه لما كان بمسيرة الإبداع وهو عايش عليه رحمة الله




حملت ذكر الغضى هون لعيونك يوب :108:
لا تنسو تعطونا رأيكن

The Hunter
13-04-2008, 03:14
لك عراسي يا خاي


أديب الدايخ عليه رحمة الله من أحلى الأصوات في العالم مو بس بحلب ( برأيي ) و أبرعها بالتنقل بين المقامات الصوتية و حسب ما قرأت مرة عن ترجمة من موقع فرنسي إنو صوتو بيغطي 3 أوكتاف


بصراحة أنا ما بعرف إش يعني أوكتاف بس هو بعتقد متل درجات أو هيك شي


وقصة التقيد بمقام معين قصة تانية عند عمي أبو ضيا
هو ما تعلم المقامات و أخدها عن علم .. كانت موهبة من الله عز وجل أتقنها ببراعة وطورها ودعمها لاحقاً بالعلم .. وما سمعت حدا متلو بيتنقل بين المقامات بسهولة وليونة وبصوت شجي جهوري لا والله ... وحالياً أنا عم بجهز موضوع شامل عن أديب الدايخ بمنتداي لأول مرة على النت يمكن أقدر أعطيه ولو جزء بسيط جداً من حقه يلي ما حدا عطاه ياه لما كان بمسيرة الإبداع وهو عايش عليه رحمة الله





حملت ذكر الغضى هون لعيونك يوب :108:
لا تنسو تعطونا رأيكن



الاوكتاف أخي الكريم كلمة تقال عندما نكرر نفس النغمة ولكن على بعد آخر يعني الأوكتاف الأول بيعطيك النغمات الغليظة نسبياً (يلي بتعادل بالغناء القرار) .. والاوكتاف الثاني بيعطيك النغمات يلي أرفع شوي والثالث أرفع أكتر .. وهكذا .. والاوكتافات يلي بيتميز فيها أبو ضياء هي الاوكتافات الرفيعة (الجواب)

ان شاء الله يسلمو ايديك يا عاشق الفن الأصيل والإنشاد الرائع والجميل ... فعلاً من أجمل ما سمعت من الإنشاد مع انو بعض الكلمات كانت غير مفهومة الي نتيجة قدم التسجيلات
ياريت أخ فراس تداوم على هالموضوع وتغنيه من هالروائع المخباية عندك لأبو ضياء وغيرو من عمالقة التراث الحلبي الأصيل:108:

zankawi
30-04-2008, 12:53
السلام عليكم ورحمة الله اخواني اعضاء المنتدى الرايع وخاصة ركن التراث الحلبي .الحقيقة لقد اتحفتونابروايع المرحوم اديب الدايخ الفنان القدير الدي يفيض عشقا للكلمةالجميلة وانتهز فرصة انضمامي الى هدا المنتدى لارفع تحية صادقة الى الشعب السوري واهنؤه بانجاب رجالات امثال اديب الدايخ وصباح فخري وغيرهم كثير في جميع مجالات الفن و الكر و الادب وشكرا

The Hunter
30-04-2008, 13:03
السلام عليكم ورحمة الله اخواني اعضاء المنتدى الرايع وخاصة ركن التراث الحلبي .الحقيقة لقد اتحفتونابروايع المرحوم اديب الدايخ الفنان القدير الدي يفيض عشقا للكلمةالجميلة وانتهز فرصة انضمامي الى هدا المنتدى لارفع تحية صادقة الى الشعب السوري واهنؤه بانجاب رجالات امثال اديب الدايخ وصباح فخري وغيرهم كثير في جميع مجالات الفن و الكر و الادب وشكرا
السلام ورحمة الله
شرفتنا أخي الكريم ..أهلاً وسهلا بك وبجميع أهل المغرب الأكارم
سورية لديها كما تفضلت الكثير من العمالقة على الأصعدة الفكرية والأدبية والفنية ... ومدينة حلب خصوصاً تمتاز بكثرة الأصوات الجميلة فيها ومن أهم الأصوات كما تفضلت صباح فخري والمرحوم اديب الدايخ وأيضاً من الراحلين صبري مدلل ومصطفى ماهر ومحمد خيري الذي أنصحك بشدة بالاستماع إلى صوته العذب .. ومن الموجودين حالياً هناك إضافة إلى الاستاذ صباح فخري الكثير من الأصوات الرائعة كشادي جميل وسمير جركس وحمام خيري وأحمد أزرق ومصطفى هلال وغيرهم من رواد التراث الحلبي الغني الأصيل

mr.mask
02-05-2008, 16:16
يا عيني عليك عمي أبو صطيف ...... فعلاً ذكرتني بأيام ولا أروع من هيك ...

لح اكتفي بهالموشح يلي هو من أجمل الموشحات للمرحوم أديب الدايخ هلق هدية لأبو صطيف و أبو يمان .. و كل السميعة و إلي رجعة لأحكي و نزل موشحات جديدة و إذا حسنت جيب الشرايط يلي بالشام فهي نادرة أكيد بتعجبكم لانو هي بتسجيل اليد ..

من مثلكم لرسول الله ينتسب .. ليت الملوك لها من جدكم نسب

اللهم صلي على رسول الله ..

أب يمان
04-05-2008, 20:28
اهلا وسهلا فيك اخي فراس معنا بالركن البعيد الهادي عفوا بركن التراث الحلبي وشكراا لمعلوماتك القيمة يلي بتمنى دائما تتحفنا فيااا

ابو صطيف الورد يظهر خف تفاعلك شوي مع الموضوع على ما اعتقد مو هيك خليك عم تعزف على نفس الوتر وخلينا بالجو

لي عودة باذن الله

The Hunter
05-05-2008, 10:27
يا عيني عليك عمي أبو صطيف ...... فعلاً ذكرتني بأيام ولا أروع من هيك ...

لح اكتفي بهالموشح يلي هو من أجمل الموشحات للمرحوم أديب الدايخ هلق هدية لأبو صطيف و أبو يمان .. و كل السميعة و إلي رجعة لأحكي و نزل موشحات جديدة و إذا حسنت جيب الشرايط يلي بالشام فهي نادرة أكيد بتعجبكم لانو هي بتسجيل اليد ..

من مثلكم لرسول الله ينتسب .. ليت الملوك لها من جدكم نسب

اللهم صلي على رسول الله ..
اللهم صل على سيدنا محمد وعلى آله وصحبه وسلم
الله عليك يا ماسك اش هالروعة هاي .. يا خيو فعلاً ولا أحلى من هيك .. الله يرحمك يا أبوضياء فعلاً صوت سماوي خيالي ونابع من القلب عمبيأدي فيه هالقصيدة النبوية الرائعة ...
سمعتو لما بيقول :
ما للسلاطين أحساب بجانبكم ... ذابت
هذا هو الشرف المعروف والنسب

وبعدها بيقول:
أصلا هو الجوهر المكنون لا لعبت
به الأكف ولا حاقت به الريب

شي رائع فعلاً سيد ماسك الله يسلم دياتك وبانتظار مشاركاتك من هالمستوى الراقي جداً جداً :108:


لم أستطع تحميل أنشودة دع الأيام تفعل ما تشاء,المرجو تزويدي بها بطريقة أخرى, وشكرا جزيلا
أخي الكريم رجعت جربت التحميل الرابط شغال 100% وما فيو اي مشكلة .. ما عليك غير انو تضغط على السهم الأزرق تحت كلمة تحميل وبعدين تختار save to disk وبعدين OK وبشتغل التحميل




ابو صطيف الورد يظهر خف تفاعلك شوي مع الموضوع على ما اعتقد مو هيك خليك عم تعزف على نفس الوتر وخلينا بالجو .لي عودة باذن الله
أب يمان الغالي عراسي يا ملك .. أنا معك عالخط ومستمر ولسا عندي شغلات روعة عالخالص رح انزلها من عيوني والله

أحلى شباب انتظرو قريباً مفاجأة سارة جداً جداً جداً لعشاق الطرب الحلبي الأصيل ... مفاجأة من العيار الثقيل جداً جداً جداً :smoke2:

The Hunter
07-05-2008, 11:17
متل ما وعدتكم .. في مفاجأة من العيار الثقيل جداً جداً
تفضلوا :108:


من كبار أعلام الطرب في مدينة حلب الشهباء هو ملحن عظيم وعازف رائع ومطرب كبير ومنشد متميز ...
اسمه الحقيقي باكير مصطفى ويلقب (أبو صطيف :108:) ولد عام 1909 وكان يعمل في شبابه عتالاً (تصوروا :lool:) ورحل عام 1979 تاركاً إرثاً رائعاً من بدائع التراث الحلبي والفن الشرقي عموماً تحمل في أرشيفها أنها من ألحان الموسيقار الكبير والملحن الخالد وأستاذ الأساتذة صباح فخري وصبري مدلل وأديب الدايخ ...

إنه الشيخ بكري الكردي ملحن حلب العظيم

من أبرز الألحان التي اتحف بها الموروث الطربي الشرقي نجد رائعة إبعتلي جواب ودور القلب مال للجمال ودور تجي يوم وترجع تاني وقد الليل جنح الظلام والكثير من القدود الخالدة.

اليوم اخترتلكم موشح من ألحان الشيخ بكري الكردي وأدائه ... هالموشح بعنوان (هيج الأشواق والشجنا) وهو ينتمي إلى نوعية القصائد الصوفية ... تعالوا بنا نقرأ كلماته اولاً:

هيج الأشواق والشجنا
منشد غنى فأطربنا
تسلب الألباب نغمته
كم سبى قلباً وكم فتنا
يا سقاة الراح خمرتكم
جنة الأحباب موعدنا
إن طوتنا عنكم عبر
فشراب القوم ينعشنا

هي الكلمات يلي مسجلة بالمقطع وأنا سمعانها من اداء المنشد حسن حفار بتعديلات بسيطة وإضافات جميلة لما بيقول:

إن تكن يا صاح ذا شغف
فشراب القوم ينعشنا
وصلاة الله واصلة
لرسول الله سيدنا
هكذا الصحبة محبتهم
تذهب الأكدار والحزنا

شي جميل جداً

الموشح على مقام البياتي بيأديه (أبو صطيف) على رتم واحد مع تفريدات جميلة جداً وتقسيمات رائعة على العود تظهر الموهبة الكبيرة التي كان يمتلكها الشيخ بكري في العزف على العود والتي تضاهي موهبته في الغناء والتلحين.

أب يمان ... ماسك ... أب خالد وفادي وكل محبي الأصالة والعراقة .... هلموا واسمعوا هالوصلة الرائعة في هذا المقطع الصوتي النادر للمرحوم بكري الكردي يلي موجود على الرابط التالي (نظراً لاستحالة تحميله هنا بشكل مباشر)

هيج الأشواق والشجنا بصوت مطرب حلب الكبير المرحوم بكري الكردي (http://file7.9q9q.net/Download/68473561/-D8-AD-D9-81-D9-84-D9-871.mp3.html)

yarushka
11-05-2008, 19:53
قطعة نادرة "نور الوجود محمد" من إنشاد الأستاذ صباح فخري وأحمد المدني وفؤاد خانطوماني.
القطعة مأخوذة من حفلة أقيمت في جامع العبارة حوالي عام 1960
على فكرة أحمد السمّان المدني هو أحد تلامذة بكري الكردي.
أعتذر عن سوء التسجيل بس لأن كتير قديم.

The Hunter
12-05-2008, 11:30
ماحدا عطاني رأيو بالشيخ بكري الكردي ... توقعت يعجب السميعة ..
على كلٍ

قطعة نادرة "نور الوجود محمد" من إنشاد الأستاذ صباح فخري وأحمد المدني وفؤاد خانطوماني.
القطعة مأخوذة من حفلة أقيمت في جامع العبارة حوالي عام 1960
على فكرة أحمد السمّان المدني هو أحد تلامذة بكري الكردي.
أعتذر عن سوء التسجيل بس لأن كتير قديم.
الله الله عليكي يا اختنا الطيبة ... الله عليكي يا ياروشكا ... تاريكي سميعة طرب أصيل ومتخبية :108:
نور الوجود محمد ... عليه الصلاة والسلام
شي فخم جداً جداً هالمقطع يلي حطيتيلنا ياه بالنسبة لمقطع الأستاذ صباح فخري واضح وممتاز اما بالنسبة لمقطع أحمد السمان المدني وفؤاد الخانطوماني فللأسف ما اتهنيت فيهم لأنو ماكتير واضحات ...
على كل مقطع الاستاذ صباح بالأول أكتر من رائع وخاصة لما بيقول:

يا عالم السر مني
لا تكشف الستر عني
واغفر ذنوبي فإني
عبد بذنبي مقيد

على فكرة هالقصيدة شهيرة جداً وبيغنيها أبرز منشدي حلب وهي من ألحان ملحن حلب الكبير صالح محبك والد عازف القانون الشهير عدنان محبك

بيقلبها على كذا مقام وبيرجع للسيغا هزام بشكل رائع جداً وجميل ... الله يعطيكي الف عافية يا يارا وأهلا وسهلا فيكي معنا على طول بركن التراث الأصيل والفن الجميل ركن التراث الحلبي :108:

على ذكر منشد حلب الكبير المرحوم
فؤاد خانطوماني
بحب اعرف يلي ما بيعرفو أنو أبورشيد يعتبر من أجمل وأحلى الأصوات يلي مرت بتاريخ حلب ... صوت سماوي عذب ومساحة صوت خيالية وحرفية عالية في الأداء وأستذة يشهد لها السميعة والنقاد ... يضاهي بصوته كبار منشدي عصره كأديب الدايخ وصبري مدلل وحسن الحفار ... وهو أستاذ معلم تتلمذ على يديه الكثير من كبار منشدي ومطربي حلب حالياً كعمر سرميني ومحمود فارس ومحمد نجيب فتوح ...

رح أقدم لكل محبي هذا المنشد الكبير مقطع صوتي من أجمل ما أنشد ..
هالمقطع كان بمناسبة ليلة القدر المباركة وأداه بجامع ميسلون بحلب وبيبداه بها الكلمات الرائعة على مقام الراست:

رباه إني غارق بذنوبي
وجميل عفوك غاية المطلوب
عيناي غرقى بالدموع مخافة
من هول يوم فاصل وعصيب

سمعو وخبروني رأيكم ... المقطع بجودة جيدة نسبياً

فؤاد خانطوماني في جامع ميسلون بحلب

mr.mask
14-05-2008, 17:34
وجبة دسمة تمام ما شاء الله والله شي بيشرح القلب ..

الله يسلم ايديك عمي ابو صطيف ع الأناشيد للمنشد صاحب الصوت العذب بكري الكردي و المنشد فؤاد خانطوماني ... شي حلو تمام ...
و شكراً لياروشكا ع الاستفقادة كتير حلوة ..

هلق لح اكسر القاعدة تبع الموضوع بعد اذنك أبو صطيف و لح نزل شي لمنشد شامي ..
المنشد هو الحاج عمر السروجي و ابنه غسان السروجي ..
هي الحفلة بجامع بالشام بالميدان تحديداً اسمه زين العابدين .

المنشد بيكون عمي و صوته كتير بحبه انا, اله مع عمي الكبير حفلات قديمة كانت مع صبري مدلل و محمد عوض و منير الحفار بدمشق كانت على ما اذكر (ما حضرتها بس سمعانها) .. و طبعاً عمي التاني صوته عذب و حلو كتير ..


التحميل (http://syr-news.com/maher/Zein_Al.3abedin_Mosque.mp3)

أبو صطيف, أبو يمان, كل السميعة سمعوا و ادعولي ...

أب يمان
14-05-2008, 22:23
هلئ انا سمعت ها الصوت من قبل وتذكرت الايام الخوالي انا وانتة عا المسنجر على الاغاني والاناشيد ماهر فعلا شي فخم يسلم ها الديات يارب والله شي رائع وتذكرت كمان تبع (المسلسل )

ابو صطيف بكري الكردي شغلة كبيرة وكل ما بفوت على نقابة الفنانين بحلب في الو صورة كبيرة هو وعددكبير من اعلام الطرب في حلب متل محمد خير ومصطفى ماهر ممنونك انا كتير يسلمو

لنا عودة وها المرة المفاجئة عندي انا منشد رائع ما زال يشدو ويغرد الى الان يمكن عرفتو يالله لي عودة باذن الله

The Hunter
24-05-2008, 12:41
أعلمت من ركب البراق عتيما
وتلاه جبريل الأمين نديما
حتى سما فوق السماء قدوما
ودنا فكلم ربه تكليما
صلوا عليه وسلموا تسليما

أم من على الرسل الكرام تقدما
ونوى الصلاة بهم وكبر محرما
وسرى إلى الرحمن فرداً بعدما
بلغ الأمين مكانه المعلوما
صلوا عليه وسلموا تسليما

يا حيا الله فيك وبكل أهل الشام عراسي حارتك يا ماسك الورد
زين يا خي زين هالكلام الزين ... بارك الله فيك وباعمامك الله ... ما شاء الله لا قوة إلا بالله على هالصوت الجميل الله يباركلهم ويزيدهم من نعيمه ..
متعتني بالصدق سيد ماسك شي حلو كتير كتير ... الحقيقة ما استعجلت بالرد لبين ما أسمع هالمقطع الحلو يلي حاطو واتمخمخ فيه .. حتى كتبت كلماتو وأنا عمبستمع وبستمتع على هالروائع ... كترلنا منهم الله يخليك :108:

أب يمان عراسي حارتك كلياتا ياأب حلب يا ملك الصبابة والصبا :smoke2:
خيو بانتظار مفاجأتك وأظن قصدك على الشيخ حسن حفار الله يمد بعمرو .. مو بالله :108:

mr.mask
27-05-2008, 16:03
أب يمان و أبو صطيف أحلى سميعة والله و أحلى شباب ....

هي الأناشيد نزلتها قبل هلق بعنوان الطريق إلى مكة ... بس المشكلة انو بدي حط عنوان الموضوع السابق بس الأناشيد انحذفت من الموقع يلي كنت محمله عليه ... لهيك حملتها مرة تانية على موقع تاني و هي الروابط .. سمعوا و ادعولي ..

لبيك اللهم لبيك (http://syr-news.com/maher/Altareq_Ela_Makeh/1-Labyk_alahuma_labyk.mp3)

الحج وافانا (http://syr-news.com/maher/Altareq_Ela_Makeh/2-Al7ag_Wafana.mp3)

وديلي سلامي (http://syr-news.com/maher/Altareq_Ela_Makeh/3-Wadely_salamy.mp3)

ياطير وين مروح (http://syr-news.com/maher/Altareq_Ela_Makeh/4-Ya_6er_wen_mrawa7.mp3)

على بيت الله (http://syr-news.com/maher/Altareq_Ela_Makeh/5-3la_bet_allah.mp3)

طالع البدر علينا (http://syr-news.com/maher/Altareq_Ela_Makeh/6-6la3_albadr_3alena.mp3)

ربي و ارحمنا (http://syr-news.com/maher/Altareq_Ela_Makeh/7-Rabi_wa_ar7amna.mp3)

تسعد يا من زرت البيت (http://syr-news.com/maher/Altareq_Ela_Makeh/8-Tes3ad_ya_mn_zert_albet.mp3)

صل يا نبي (http://syr-news.com/maher/Altareq_Ela_Makeh/9-Sel_ya_nabi.mp3)


ملاحظة: ربي و ارحمنا, على بيت الله بصوت غسان السروجي ابن العم ..
و الباقي بصوت الحاج عمر السروجي ..

لكل السميعة اسمعوا و ادعولي ..

ليال66
27-05-2008, 17:45
لو قلتوا عني حولا ,,, معليش معكن حق لإني لهلأ لحتى دخلت عالموضوع,,,, بس شو طلع موضوع فيه شغلاااات بتجنن,,,, رايح علي كتير يا جماعة ,,, وانا موكتير متاخرة شي سنة بس ما بينحكى فيها

نزلت كلشي بيتنزل حلوين كتيييييييييييييييير كتير روووووعة
يسلموااااا يارب

The Hunter
30-05-2008, 03:59
الله يجزيك الخير عمي ماسك والله انك ملك مو بس بذوقك الفني وكمان بأخلاقك العالية وأكابريتك الله يكتر من أمثالك لك خاي وبدي منك تتشكرلي عمامك شخصياً وبإذن الله اول ما بروح عالشام وبيكون عندي فسحة وقت رح أحاول أسأل عنهم وأحضرلهم شي مولد بمعيتك :108:

ليال الورد أهلا وسهلا فيكي ايمتا ما جيتي بركن التراث الحلبي ركن الأصالة الراسخة والكلمة الطيبة واللحن الآسر :108:

كان اب يمان الغالي وعدكم يسمعكم على واحد من أجمل الأصوات الإنشادية الحلبية يلي مازالت على قيد الحياة الله يمد بعمره ويحفظه وأنا رح أنوب عن أخي أب يمان بالإذن منو طبعاً وأقدملكم هالوجبة الدسمة ..

أكيد محبي الإنشاد في سورية والعالم الإسلامي عموماً سمعانين ببلبل حلب المغرد وخليفة صبري مدلل المنشد الشيخ حسن الحفار صاحب الصوت الشجي والإحساس العالي يلي بيخليك تعيش أجواء روحانية جميلة بصحبة الكلمة الجميلة والأداء الفني العالي
الشيخ حسن (أبو أديب) هو تلميذ نجيب من تلامذة المرحوم الشيخ صبري مدلل اشتهر بالموشحات الدينية الثقيلة والقصايد كما اشتهر بالابتهالات يلي أغلبها مقاطع صغيرة ما بتتجاوز الدقيقتين وبتتضمن أبيات مختارة من قصائد دينية بتحمل طابع التضرع إلى الله والابتهال ...

اخترتلكم اليوم قصيدة رائعة سبق وأدرجها الأخ العزيز مستر ماسك بموضوعي هاد بصوت المرحوم أديب الدايخ وهالمرة رح تسمعوها بصوت منشد حلب الكبير الشيخ حسن الحفار .. وانتو حكمو مين الأفضل ..

هالقصيدة هي:
من مثلكم لرسول الله ينتسب
ليت الملوك لها من جدكم نسب

شي رائع سمعوه ودعولي وهي رابط للاستماع المباشر والتحميل:

من مثلكم لرسول الله ينتسب بصوت حسن الحفار (http://www.4shared.com/file/34878633/654a9dc/______.html)


وكمان حبيت أرفقلكم بالموضوع لمحة عن الابتهالات القصيرة يلي حكيتلكم عنها وهي عبارة عن ابتهال بعنوان:

أعيروا عيوني
على مقام الراست بصوت الشيخ حسن الحفار

سمعو وادعولي
تحياتي وإلى لقاء قريب
أبو صطيف :108:

أب يمان
16-06-2008, 21:29
ابو صطيف الحبيب حابب اسمع من ابو اديب ( سعد الليالي بحبك ) شي كتير حشيم هي بعد اذنك ممكن نسمعها للشباب ومشكور سلفا

washiwash
07-07-2008, 12:11
سيبوني يا ناس .. صباح فخري

كلمات يونس القاضي ... الحان سيد درويش

سيبوني ياناس

في حالي في حالي

أروح مطرح ماروح

دا غزالي وافق عزالي

وخلاني لوحدي أنوح



وكم أبعت له ترااااااااااااجي


ولا يقبل رجايا


إيه أعمل له


وأنا باميل له


وبسره ماقدرش أبوح



سيبوني

سيبوني ياناس

في حالي في حالي

أروح مطرح ماروح

دا غزالي وافق عزالي

وخلاني لوحدي أنوح

سيبوني


غيري عشق


واتهنى اتهنى


وارتاح ويا الحبيب


آه يا ناري


ماحدش داري


وأنا بحالي

أسوح وأنوح



سيبوني

The Hunter
07-07-2008, 12:39
ابو صطيف الحبيب حابب اسمع من ابو اديب ( سعد الليالي بحبك ) شي كتير حشيم هي بعد اذنك ممكن نسمعها للشباب ومشكور سلفا
من عيوني والله يا أب يمان طبك عالعين والراس .. ولا تواخذني عالتأخير بس دخلاتي قلانة عالانترنيت نتيجة انو ملتهي شوي بالشغل والبيت ..
خيو الموال جاهز عندي بس حجمو كبير (أكتر من 4 ميغا) .. لهيك بدك تستناني شوي لبين ما أحملو على شي موقع وأحط رابط هون

أب خالد اشو هادا يوب .. سيبوني يا ناس بحالي وأرو مطرح ما روح ... الظاهر انك وقعان بالحب وطيمس لقراقيط أدنيك ... :dancer:
روح الله يهنيك ويسلمو ايديك على هالأغنية الحلوة يلي زودتنا بكلماتها كمان ... الله يعطيك العافية شريك

The Hunter
07-07-2008, 13:22
ابو صطيف الحبيب حابب اسمع من ابو اديب ( سعد الليالي بحبك ) شي كتير حشيم هي بعد اذنك ممكن نسمعها للشباب ومشكور سلفا
وهي على راسي يا أب يمان الحبيب موال المديح النبوي الجميل (سعد الليالي بحبك) بصوت منشد حلب الشيخ حسن الحفار..
بدعو الكل لسماعها وبالأخص محبي الإنشاد ..حبايبنا أب خالد وماسك

أب يمان
08-07-2008, 20:20
وهي على راسي يا أب يمان الحبيب موال المديح النبوي الجميل (سعد الليالي بحبك) بصوت منشد حلب الشيخ حسن الحفار..
بدعو الكل لسماعها وبالأخص محبي الإنشاد ..حبايبنا أب خالد وماسك

لك يسلم ها الديات يارب عمنعذبك معنا يا خاي بس شي حشيم مو هيك ابو اديب لسة الحنجرة الذهبية عم يجود

يسلمن عيوني

mr.mask
22-07-2008, 04:32
الله يسلم ايديك عمي ابو صطيف و لأبو خالد يا سلام عليك ...

خيو انا بعيد عن الموضوع لانو الانترنت عندي سيء بالشام لا عم احسن حمل منه و لا عم احسن حمل اله .... مع انو عندي كم مقطع على كيفكم استنوني شوي بس و برجع لهالموضوع المنتاز .....

samaa
25-07-2008, 01:23
لك يا جماعة والله شي بياخد العقل

بس بدك تسمحلي الغالي the hunter بها الإضافة

صراحة هالمجموعة بعتبرها من مجموعات حلب الذهبية .. وانشالله تعجبكن المقاطع

هاد شريط رباعي شباب حلب

نهاد نجار، رضوان سرميني, عمر سرميني و عبود بشير

الجماعة أصدروا شريطين كمجموعة , وبعد فترة قصيرة افترقوا ليقدموا أعمالهم بأشكال فردية



وبضم هالأغنيات :-

" طبعا اضغطوا باليسار "megaupload".."


1- يكون في علمك أنا مش فاضي (http://www.megaupload.com/?d=GXLFE4DV)


2- يا شادي الألحان (http://www.megaupload.com/?d=PQAVMX4M)


3- بيلبقلك شك الألماس (http://www.megaupload.com/?d=DDTPVKNR)


4- مرمر زماني (http://www.megaupload.com/?d=4IEIOGCN)


5- ليه يا بنفسج (http://www.megaupload.com/?d=8N5Z9BH6)


6- ملا الكاسات (http://www.megaupload.com/?d=VF5AANRU)

The Hunter
26-07-2008, 03:27
الله عليكي يا سمااا ... والله زمان ... هدول يا ستي رباعي شباب العروبة .. كان الي معهم سهرات وقعدات .. الله يرحم هديك الإيام ... أيام نادي شباب العروبة بحلب .. فرطت المسبحة وكل مين راح بحال سبيلو ورضوان سرميني عطاكي عمرو الله يرحمو ... ايه رجعتيني لورا كتيير ...
يسلمو ايديكي اخت سمااا وأهلا وسهلا فيكي ضيفة دايمة بل من أهل بيت ركن التراث الحلبي الجميل ويلي صار اجمل بوجودك ومشاركتك اللطيفة :108:

أب يمان مية السلامة يوب من عيوني والله .. براسي بخدمك انا يا طيب:108:

مستر ماسك سميعنا الشامي الأصيل وفخر الصناعة الشامية نحن بانتظار روائعك وروائع عمامك الأعزاء الله يلبسهم العافية .. الله يرزقك خط انترنيت أحسن ... سلامة:108:

The Hunter
29-07-2008, 05:50
سلام عليكم

حضرت أمسا حفلة عرس لأحد معارفي أحياها مطرب من مطربي حلب الشهباء يلي بينتموا بالعمر لجيل الشباب ولكنه بأصالتو وعراقتو وصوتو الغني الجميل أكيد بينتمي لجيل التراث الجميل

لهيك حبيت اعرفكم عليه من خلال مقطع صوتي هون

هالمطرب الممتاز هو حمام خيري

والمقطع هو عبارة عن موشح السيغا هزام الرائع جداً والشهير جداً (جادك الغيث إذا الغيث همى)

تفضلوا :108:

أب يمان
30-07-2008, 18:52
سلام عليكم

حضرت أمسا حفلة عرس لأحد معارفي أحياها مطرب من مطربي حلب الشهباء يلي بينتموا بالعمر لجيل الشباب ولكنه بأصالتو وعراقتو وصوتو الغني الجميل أكيد بينتمي لجيل التراث الجميل

لهيك حبيت اعرفكم عليه من خلال مقطع صوتي هون

هالمطرب الممتاز هو حمام خيري

والمقطع هو عبارة عن موشح السيغا هزام الرائع جداً والشهير جداً (جادك الغيث إذا الغيث همى)

تفضلوا :108:





مممممممممممممممممم لك الله عليك الله عليك انت وحمام خيري وجادك الغيث روح الله يسلم ها الديات يوب
كمان سما طلعت سميعة مرة شغل طرب والله اي صح الله يرحم ايام نادي شباب العروبة وايام( صفوان العابد )و(مصطفى سرميني )و(نهاد نجار )و(عبود بشير)الله يرحم ايام سلاطين الطرب بس هلئ كمان اجى دور (احمد أزرق )شي كتير معلم وفخم

هات اسمعنا واطربنا يا ابو صطيف الورد

يمو عاللمبة
05-08-2008, 02:04
شباب الطرب الحلبي إش تقييمكن للمطربين التاليين بالترتيب :



حمام خيري _ أحمد أزرق _ مصطفى هلال

مين الأول و التاني والتالت و ليش ؟؟

ABDO_H
06-08-2008, 12:57
هي مقطع لموال لمصطفى هلال جربت أعملو أبلود وهي اللينك أذا مشي حالو لكمل في كتير مواويل حلوة ...وأذا مازبط قولولي
http://www.megaupload.com/?d=1YUAQ0NR

la solitaire
06-08-2008, 14:31
مبلا مبلا زبط عبدووووو الله يسلم دياتكن يا رب .....بانتظار باقي المواويل

samaa
12-08-2008, 11:21
مرحبا رجعت أنا رجعت ...

شكرا أبويمان .. و the hunter
جبتلكن هي المجموعة لفرقة التراث

هاد العمل باسم حديقة الياسمين
بقيادة أحمد حمادية

انشالله تعجبكن الموشحات


موشح بدت لنا (http://www.megaupload.com/sa/?d=P49LZO34)

موشح قد حلا شرب المدام (http://www.megaupload.com/sa/?d=AKAWMQSR)

موشح يانحيف القوام (http://www.megaupload.com/sa/?d=J3BYA6JK)

ليالي وقصيدة (http://www.megaupload.com/sa/?d=WOHF5D45)

سماعي هزام "عزف" (http://www.megaupload.com/sa/?d=2UL2L1KE)

وصلة القدود الحلبية (http://www.megaupload.com/sa/?d=QK5SXM9W)

The Hunter
13-08-2008, 18:45
وأحلى شباب وأحلى سميعة طرب من العيار التقيل ...

أب يمان الغالي شرفت يابا ونحن بالخدمة على طول وإلك مني يا حباب مقطع قادم للمطرب الفخم أحمد أزرق رح يعجبك ميكن ميكن :108:

سيد يمو عاللمبة بخصوص سؤالك عن تقييمي لـ(حمام خيري _ أحمد أزرق _ مصطفى هلال) بقلك بس انو الثلاثة موهوبين وشغيلة وماعليهم حكي يمكن كل واحد منهم الو ميزة فعندك أحمد أزرق تتلمذ على ايدين الاستاذ الكبير صباح فخري وهاد الشي بيعطيه ميزة كبيرة وخبرة كبيرة وعندك مصطفى هلال اشتغل بالانشاد اول ما بدي وهالشي بيعطيه ميزات كتيرة منها اللفظ السليم وحسن أداء التفريدات والقصايد وعندك حمام خبرة كبيرة ومعلمية على حلب ...
بالنسبة الي شخصياً انا حضران حفل حية للتلاتة شفتلك انو حفلات حمام بشكل عام أركز من البقية لأنو بيغني فيها بس من لون التراث الحلبي الأصيل وما بينزل عالطابق... بينما أحمد أزرق ومصطفى هلال ومع انو مواهبهم كبيرة ماشاء الله عليهم بس بحفلاتهم بيسوقو مع السوق وبيغنو أحياناً أغاني تعبانة ما بتتناسب مع اللون التراثي الجميل يلي من المفروض يسيرو عليه ..
على كل حلب زاخرة بالمواهب منها يلي ما خدمها الحظ وما نالت نصيبها من الشهرة عندك مثلاً محمود فارس وسامر نشار وعلي عنجريني وأحمد حبوش وأحمد بدور وغيرهم ... كلن أصوات حلوة وخبرات ممتازة ماشاء الله عليهم ..

أبو العبد الغالي ان شاء الله يسلمو الديات يا سيدي مقطع (عشقتك يا ليلى) مع انو قصير بس شي فخم والله ... يسلمن :108:

ماغيا والله انت كمان طلعتي سميعة وأصيلة كمان ... ميت السلامة فيكي بحلب خيت :108:

سماااااااااااااااااااااااااااااا .. اي اش هالخيلة هي ... يا خيتو شي ناهي والله ... هالفرقة بالفعل متميزة وصار الها اصداء حتى خارج حلب وسورية وأحمد حمادية رئيسها مخ موسيقي كبير وقائد ممتاز ... يسلمو دياتك إلهي ولا تقطعينا من هيك روائع على طول :108:

The Hunter
13-08-2008, 18:59
يا حبيبي عد إلينا
هل نسينا ماضيينا
نحن بعد النأي ذبنا
وقرحنا ناظرينا
واحتسيناها كؤوساً
وغزيرٌ ما احتسينا

هالقصيدة الحلوة رح تسمعوها على مقام الراست البديع بصوت ما بقدر أقول عليه غير بديع وفخم جداً جداً جداً

لكل يلي ما بيعرف مطرب حلب الواعد الرائع أحمد أزرق ولكل يلي بيعرفوه وبيطربو على صوتو بدعوكم للاستماع والاستمتاع

قصيدة: يا حبيبي عد إلينا بصوت أحمد أزرق

yarushka
17-08-2008, 03:29
مرحبا
بدي طلب صغير ويمكن صعب لأن دورت كتير مالاقيت...
أبو صطيف سامع شي بمغنية اسمها "فيروز الحلبية"؟ إذا بتقدر تجبلي أي معلومة أو شي إلها أكون لك من الشاكرين.
هي يمكن كانت تغني بالأربعينيات وقت صالح عبد الحي وعبد المطلب كانت هي تغني بحلب

The Hunter
17-08-2008, 15:48
مرحبا
بدي طلب صغير ويمكن صعب لأن دورت كتير مالاقيت...
أبو صطيف سامع شي بمغنية اسمها "فيروز الحلبية"؟ إذا بتقدر تجبلي أي معلومة أو شي إلها أكون لك من الشاكرين.
هي يمكن كانت تغني بالأربعينيات وقت صالح عبد الحي وعبد المطلب كانت هي تغني بحلب
اهلا يارا
الصعب بيسهل لعيون السميعة الاصايل .. ولاااااااااااو :biggrin:
سامع فيا.. نعم .. هي مطربة حلبية قديمة ظهرت في فترة الاربعينات متل ما تفضلتي وتميزت بصوت اوبيرالي ذي طبقات متميزة ...
المهم ... الها عندي كم تسجيل ... من عيوني بتاخديهم اختي يارا ومع حبة مسك كمان:smok:

تفضلي ...

yarushka
17-08-2008, 23:51
تشكرات مسيو هنتر.... يعني أنا عارفة من مين أطلب :rose1:

ABDO_H
18-08-2008, 02:52
هي مقطع لمصطفى هلال ....أنشاء الله يعجبكن
http://www.megaupload.com/?d=9WJM6EL2

أبو نورالهدى
18-09-2008, 17:18
السلام عليكم ورحمة الله وبركاته
اولا ارجو من الاخوة يتقبلوني اخ جديد
وطلب صغير اذا حدى بيتكرم علي وبيعطيني شي رابط للمنشد الكبير فؤاد خانطوماني غير حفلة ليلة القدر
في مقطع بذاكرتي ما بنساه بقول فيه : غاب مما في فؤادي بدني وفؤادي غاب مما في حشي
وانا هون بالغربة مستحيل احصل هيك دوا
وشكرا

The Hunter
19-09-2008, 16:14
السلام عليكم ورحمة الله وبركاته
اولا ارجو من الاخوة يتقبلوني اخ جديد
وطلب صغير اذا حدى بيتكرم علي وبيعطيني شي رابط للمنشد الكبير فؤاد خانطوماني غير حفلة ليلة القدر
في مقطع بذاكرتي ما بنساه بقول فيه : غاب مما في فؤادي بدني وفؤادي غاب مما في حشي
وانا هون بالغربة مستحيل احصل هيك دواوشكرا
والله يا أخي رابط ما عندي بس عندي بالبيت عجهازي مجموعة مقاطع من حفلات للمنشد المرحوم فؤاد خانطوماني بس امهلني لبعد رمضان لبيين ما يفضى راسي شوي لأظبطلك ياها وأنزلها هون بالمنتدى من عيوني والله:108:

أبو نورالهدى
20-09-2008, 13:34
والله يا أخي رابط ما عندي بس عندي بالبيت عجهازي مجموعة مقاطع من حفلات للمنشد المرحوم فؤاد خانطوماني بس امهلني لبعد رمضان لبيين ما يفضى راسي شوي لأظبطلك ياها وأنزلها هون بالمنتدى من عيوني والله:108:
بإنتظارها والله يجزيك الخير ويعطيك العافية
و يسلم عيونك

The Hunter
03-10-2008, 18:44
بإنتظارها والله يجزيك الخير ويعطيك العافية و يسلم عيونك
متل ما وعدت أخي الكريم هي مجموعة أناشيد ومدائح نبوية وابتهالات دينية بصوت منشد حلب الكبير المرحوم فؤاد الخانطوماني :

المقطع الأول: أقبل البدر علينا
المقطع الثاني: يا خير خلق الله
المقطع الثالث: وحياتكم
المقطع الرابع: أهلاً بمولد سيد الأكوان

أرجو أن تنال إعجابك وإعجاب جميع المهتمين

تحيات: أبو اصطيف :108:

أبو نورالهدى
04-10-2008, 01:54
متل ما وعدت أخي الكريم هي مجموعة أناشيد ومدائح نبوية وابتهالات دينية بصوت منشد حلب الكبير المرحوم فؤاد الخانطوماني :

المقطع الأول: أقبل البدر علينا
المقطع الثاني: يا خير خلق الله
المقطع الثالث: وحياتكم
المقطع الرابع: أهلاً بمولد سيد الأكوان

أرجو أن تنال إعجابك وإعجاب جميع المهتمين

تحيات: أبو اصطيف :108:
الله يجزيك الخير اخي ابو سطيف ويعطيك الف الف عافية اكرمتني اكرمك الله :thanxx:

samaa
21-11-2008, 23:57
بعض ما غنت فرقة التراث



قدك المياس (http://www.megaupload.com/sa/?d=E0X3X982)

فوق النخل (http://www.megaupload.com/sa/?d=QLYRD1R0)

يا مايلة عالغصون (http://www.megaupload.com/sa/?d=T4J5S4XE)

أول عشرة محبوبي (http://www.megaupload.com/sa/?d=DPL9IMK9)

تحت الهودج (http://www.megaupload.com/sa/?d=J32T7YYW)

حالي حال (http://www.megaupload.com/sa/?d=FIPZ2K60)

يمو عاللمبة
20-01-2009, 01:08
The Hunter


خيو إذا بتقدر تحمل كمالة و بداية ( هيج الأشواق والشجنا ) للشيخ المرحوم بكري الكردي حملها ولو كانت بس عزف

لأنو فعلاً شي رائع جداً ونادر و ثمين ... برجعلكن مع شي جديد

elkayal
16-04-2009, 21:48
شكرا على هذه الدرر ..
هل أطمع فى حفلة صباح فخرى فى دار الأوبرا المصرية ..مع حبى ..

سلاف محمد
22-05-2009, 13:00
السلام عليكم ورحمة الله
لوسمحتم اود مواويل للمطرب مصطفى سرميني
ولكم جزيل الشكر

يمو عاللمبة
22-05-2009, 18:03
صباح فخري


بدت من الخدر


http://www.zshare.net/audio/59837946a8b4e9af/


آخر زهزهة و رواء مع أحلى طرب

القلموني
29-06-2009, 05:33
السلام عليكم...
موشحات روووووووعة بصراحة....وانا سامعها من عدة منشدين كموشح يا غزال الرمل...او عذبوني ما استعطم او هيّج الأشواق و الشجنا...
بصراحة جملة ما زلت ارددها...
من بعد الشاميين ما حدا يأنشد...لأنو بالفعل الموشحات الشامية و الحلبية فنّ راقي جداً...وخصوصاً عندما تصدر من الحناجر الذهبية...

بصراحة اريد ان اسمع موشحات بمقامات فرعية ...مثلاً هل من موشح على مقام الماهور؟؟؟ اعتقد انه فرع من النهاوند...
او موشح على الزنجران......
حبذا لو يقوم السمعية...بالبحث لنا عن نماذج لموشحات على هذا المقام...واخص الماهور.....

جاركم....القلموني...لبنان.

يمو عاللمبة
26-10-2009, 21:33
أديب الدايخ أبو ضيا عليه رحمة الله " بلغوها إذا أتيتم حماها " عربية على طلب الشباب .




بلغوها إذا أتيتم حماها ... أنني مت بالغرام فداها

و اذكروني لها بكل جميل ... فعسى تحن علي عساها

وبحق الوفا أعيدوا عليها ... ما عرفتم من عذابي في هواها

واجلبوها لتربتي فعظامي .... تشتهي أن تدوسها قدماها

إن روحي من الضريح تناجيها ... و عيني تسير إثر خطاها

لم يشفني يوم القيامة لولا ... أملي أنني هناك أراها

http://www.herosh.com/download/1650342/______.mp3.html


و مو من عندي شنو صعبة من عندي و موجودة عالنت فاستسهلت

خالد988
01-11-2009, 10:44
اشكر جميع من شارك واتمنى كل من لديه شي يخص التراث السوري بشكل عام والتراث الحلبي بشكل خاص ان لا يبخل علينا حيث انني من الكويت واعشق التراث الحلبي واكرر شكري لكل من قدم لنا بعض مايملك من هذا التراث الرائع ......... وشكرا للجميع ولكم فائق التقدير .. محبكم خالد

m'sili@net
01-05-2010, 03:29
والله هذا الموال الاول يثلج الصدر بارك الله فيكم

m'sili@net
01-05-2010, 03:58
والله اديب يأسر الفن ، يقتله ويحييه .
بارك الله فيكم على هذه المواويل اخوكم عبد الباقي

اسبيره
16-05-2010, 00:16
السلام عليكم ورحمة الله وبركاته انا عضو جديد ومهتم بالادب والشعر و قد لفت نظري تشابه او تطابق نصوص شعرية من موشحات وقدود حلبية مع نصوص تغنى في نوبة المالوف الليبية وبالتأكيد غير خافي على احد تأثر الطرب العربي بفن وثقافة اهل الشام وحلب وانا ابحث عن اصل لنص يتردد في نوبات المالوف في ليبيا فاذا كان يوجد اي شخص مهتم ويستطيع ان يرجع النص الى اصله فالله لا يضيع اجر من احسن عملا وهذا جزء من القصيده ......

يا محرما خبريني عن حبي نايم فين
نايم على فرش عالي اسمر كحيل العين
طلبت منه الوصال فقال لي يوم الاثنين
اما نهار الثلاث ففيه قتل الحسين


وقد سمعت انه من التراث الشعبي القديم ويؤدى في ضواحي الشام في زفة العروس او العريس
واكون شاكرا جدا لك من يمد يد العون

nmir_2007
31-05-2010, 11:06
بسم الله الرحمن الرحيم

اشتهرت حلب على مدار تاريخها بعراقتها الفنية الغنائية واحتضانها لأبرز مبدعي اللحن وشداة الطرب ، فهي التي خرجت كبار الملحنين والمطربين كعمر البطش وبكري الكردي وصبري مدلل ومحمد خيري وصباح فخري وغيرهم ..

في هذا الموضوع سنقدم بعض ما اختزنته ذواكرنا من إبداعات التراث الحلبي كأن نقدم أغنية لفنان من مدينة حلب أو موال أو موشح أو قد أو قصيدة على أن نلتزم بتقديم عمل واحد في كل مشاركة ..

يعني منشان تكون المشاركة متكاملة ويتم التركيز عليها ...
منحط اسم العمل وشوية معلومات عنو
كلماتو إذا أمكن
اسم كاتبو وملحنو
المطرب أو المطربين يلي بيأدوه
وأكيد المقطع الصوتي وهو الأهم

وهلق أنا رح أبدا بها المشاركة من التراث الحلبي ...

وهي عبارة عن موال رائع جداً جداً جداً كتير منا سمعوه من فناننا الكبير صباح فخري وطبعاً غنوه غيرو قبلو .. اسمو (يا لائمي في الهوى كفاك شجار) ..

وهي كلماتو:

يا لائمي في الهوى العذري كفاك شجار
ما أنت ملوع ولا تدري بحالي شجار
ظلم الأحبة عدل مهما بحكمه شجار
راضي ولو صرت عندن للعشق عبرة
عالجت روحي فلم احصل لها عبرة
يا قلب ينعي ويا عين اذرفي عبرة
تروي وتنبت بقاع الماحلات شجار



بينتمي هاللون من التراث إلى القدود الحلبية ويعتبر من أجمل وأمتع الألوان واسمو الموال السبعاوي
لاحظو أنو بيتألف من سبعة أبيات أول ثلاثة بينتهو بنفس الكلمة (شجار) بس بكل مكان بتجي بمعنى مختلف
ونفس الشي بالنسبة لتاني ثلاثة أبيات (عبرة)
وآخر بيت بيرجعو لأول كلمة (شجار) مع معنى مختلف كمان

بالنسبة للألحان والكلمات مع الأسف ما قدرت أعرف صاحبهم ويبدو انو مجهول الهوية

أما المطرب يلي بيغنيه (بالمقطع الصوتي المرفق) فهو أكيد حبيب الكل أبو صبيح ..

استماع ممتع اتمناه لكم ...
وبتمنى من كل السميعة ومحبي التراث الحلبي يشاركو








_

اخي العزيز The Hunter
تشكرأأأ على هذا الموال





_

housss
05-06-2010, 08:42
بي صراحة اشكر كل من شارك بي هالعمل الجميل وشكرا شكرا شكرا انت ذهب

باشا
22-06-2010, 06:06
حبايب الله يعطيكن العافية كلكن والله الطرب الحلبي مافي اجمل منو وحضرتكن باذلين مجهود منيح

عبوددحرج
30-01-2011, 16:24
الى الاخوة اعضاء المنتدى

يرجى ممن لديه قصيدة ياحبيبي عد الينا قد نسينا ماضيينا

بصوت الفنان الكبير صباح فخري ان يرسلها لي وله الشكر الجزيل

لانني منذ مدة ابحث عنها ولم اجدها

عبوددحرج
30-01-2011, 16:45
الاخ ابو صطيف يسلم اديك على هالقصيدة ( يا حبيبي عد الينا )

انا سمعتها من صباح فخري وعم دور عليها ما عم بلاقيها

اذا كانت موجودة عندك يرجى ارسالها لي

وبكون لك من الشاكرين

عبوددحرج
03-02-2011, 14:56
السيد ابو صطيف الغالي

شكرا كثيرا على هالقصيدة ولكن بدي اسالك عندك قصيدة يا حبيبي عد الينا بصوت الكبير صباح فخري

ولا تقلي لا بزعل منك

ياريت اذا موجودة تنزلها وشكرا سلفا

حسام فوزي
25-02-2011, 18:23
مشكور جداجدا على الروائع

ابن النواعير
18-03-2011, 11:02
اخي شورقم الشريط هذا من حفل جامع الروضة مشكوررررررررررررر جدا

حسام فوزي
07-05-2011, 00:11
الفنان محمد خيري رائع وقد بحثت عن دور يامانت واحشني يؤديه بصوته حتى أعياني البحث أتمنى لو أن تتكرموا بالمساعدة

bremo
18-05-2011, 07:28
تسلم ايديك ع الطرح المفيد
بجد احلا مواليل
بس اذا في عندك موال احن شوقا
وموال من عيسهم

عايدة12
07-07-2011, 21:35
شكرا للسيد ابو صطيف على كرمه و اتحافنا بموشح يمر عجبا و ياغزال الرمل للراحل محمد خيري الغريد الشجي شكرا للمنتدى

ilhemooo
06-10-2011, 10:59
so niceeee

ilhemooo
06-10-2011, 11:00
احب كتير الاغاني الشعبية السورية شكراااا على الموضوع حبيتو كتير

The Hunter
06-06-2014, 02:22
اييييييييييييييييييييييه والله زمان ...
اليوم كنت عمبدور على غنية عالنت وإذ طلعتلي هالصفحة ... رجعوني عينيها لأيام اللي راحو و رجعت لوراقي القديمة ولاقيت كلمة سر الحساب وقدرت ادخل
زمااااااااان يا شباب ...
راحت ايام البسط والطرب والكيف وهلق عمنعيش كوابيس وحروب بها البلد ما حدا نفد من اذاها الا كل طويل العمر

حبيت اسلم على يلي بقيانين بها المنتدى من شلة الطرب والانس ... اب يمان واب خالد وماهر وقصي وفراس وبقية الشباب الطيبة وشلة الصبايا الحنونات ... كلكم متذكركم بالخير وتصفحت الموضوع وتذكرت الايام الخوالي

حبيت امسي عليكم وبيسعدني اعرف اخباركم
اخوكم ابو صطيف
:mirrorr:

princeoflaw
21-06-2014, 17:48
حبيت امسي عليكم وبيسعدني اعرف اخباركم
اخوكم ابو صطيف
:mirrorr:

الحمد الله كتر خير الله

waell
03-08-2014, 08:58
الفنان الكبير الاستاذ / صبري مدلل فنان سوري اشتهر بالغناء الديني والموشحات والمقامات في مدينة حلب



رحل الفنان الكبير صبرى مدلل / 1918 - 2006 /، بعد مرض عضال ألم به، وأقعده في منزله بمدينة حلب، عن حياة الفنان وتاريخه الملئ بالابداع في فنون المقام، والموشح، والغناء الديني، نقتطف أسطر عن كتاب صدر مؤخرا عن وزارة الثقافة ب دمشق للباحث والموسيقي محمد قدري دلال عنوانه (شيخ المطربين.. صبري مدلل)، يتناول فيه سيرة حياة شيخ المطربين / صبري مدلل /.. ويقول فيه بأن صبري ولد في الدار العربية التي تقطنها عائلة المدلل في حي الجلوم من مدينة حلب العريقة عام 1918، ورثّه أبوه كثيراً من أخلاقه مع الاستقامة والأمانة والتواضع وحب العلم..



اكتشف الوالد/ أحمد / جمال صوت ابنه باكراً، من خلال قراءة القرآن لدى شيخ الكتاب، ثم من خلال إنشاده بعض التواشيح في حلقة الذكر التي كان يصحبه إليها، وهو لم يتجاوز السادسة، وفي الثانية عشرة دفعه إلى المعلم / عمر البطش / الذي رعاه وقاده إلى الطريق التي تابع فيها حتى أضحى نجماً وعلماً يشار إليه.. ارتاد صبري حلقات الذكر، وسمع وحفظ وتأثر بأساتذة عصره، وفي العام 1949 دخل أذاعة حلب مع المجوّدين من المطربين، فغنى على الهواء من ألحان بكري الكردي أغنيتين / ابعتِ لي جواب /، و/ يجي يوم وترجع تاني/ وهما للشاعر حسام الخطيب، ثم ترك الإذاعة لينشئ فرقة إنشاد ويختص بالغناء الديني.. كانت الفرقة تحيي الحفلات الدينية وحفلات الطرب مع الفرقة الموسيقية. التزمت الفرقة بإحياء حفلات المولد وحلقة الذكر في أكثر من جامع في حلب. وفي جامع الكلتاوية تعرف الباحث الموسيقي البلجيكي/ كريستيان بوخه / بالفرقة فسجل لهم أسطوانتهم / مؤذنو حلب /.. وفي العام 1975، نظمت لهم حفلة في قصر الثقافة بباريس كانت فاتحة عهد جديد للإنشاد الديني في أوروبا، ثم دعيت الفرقة إلى مهرجان الموسيقا العربية / لامونديال La Mondial 1986 /، فأثبتت قدرتها، وظهرت أهمية الحاج صبري كقائد لها..



شارك صبري مدلل خلال مسيرته الغنية في العديد من المهرجانات المحلية في سوريا والمهرجانات العربية والدولية منها في باريس وقرطاج في تونس وبيروت ومصر وغيرها.. وقد خلف المرحوم مدلل الكثير من الألحان وجُلها ألحان دينية منها : يانبى سلام عليك، وراحت الاطيار تشدو، وحيو الهادى بذكرى الاسراء، وأحمد ياحيبى سلام عليك.. حافظ الحاج صبري على ما ورثه من أساليب الأداء والغناء والانتقاء، فلم يخرج عن الجمل الموسيقية القديمة، ولم يتصرف فيها إلا في حدود الجماليات، وما يتناسب وإمكانياته الصوتية العالية التي دربها أحسن تدريب، وكان لا يعجبه من الألحان إلا الرصين، ولا يقنعه سوى ما أتقن صنعه، واستكمل حظه من المراجعة والتنقيح والتدبيج، وهذا ما انعكس إيجاباً في ألحانه، لقد استلهم ما خزنته ذاكرته من أعمال / سيد درويش والقصبجي وعبدالوهاب وزكريا أحمد وداود حسني/ فأعطى لوناً جميلاً، في أثواب لم يعرفها الإنشاد الديني قبلاً ولم يعهد مثلها في قوالبه.. كُتب عنه الكثير حول أسلوبه الغنائي، وطريقة أداءه، ومواضيع موشحاته، ومقاماته، وأُجريت لقاءات عديدة معه في التلفزيون العربي السوري ومحطات أخرى عربية واجنبية، وظهرت كتب حول فنه ومقالات عديده عنه، وأنجز المخرج السوري محمد ملص فيلما" وثائقيا" عنه يحكي تاريخ هذا الفنان السوري الكبير.




.

waell
03-08-2014, 09:05
http://www.youtube.com/watch?v=EX23JsmiejQ