وين مساعدتكم ..................... يا جماعة [الأرشيف] - منتديات طريق سورية
المساعد الشخصي الرقمي

مشاهدة النسخة كاملة : وين مساعدتكم ..................... يا جماعة

Spectrum
21-07-2007, 07:42
هلآ اول شي صباح الخير

تاني شي اخوكم ابو وسيم وطبعا اختكم ام وسيم عم يستنوا مولود خلال 15 يوم ان شاء الله

وبما انو العلم تقدم فأخترعو جهاز ايكو ومن خلالو قال عرفو انو المولود يللي جاية (( انثى ))

على كل حال الله يقدم يللي فيه خير

الفكرة :


بدي مساعدتكم بأختيار اسم ظريف لهالبنت الله يجبر بخاطركم


بس اذا سمحتو كل اسم بتكتبوه تكتبو شو بيعني هالاسم


وان شاء الله خير
Abu-Firas
21-07-2007, 07:52
ليلاس .... وتعني وردة الليلك بالفرنسي
دانا .... وتعني اللؤلؤة الكبيرة
سنا ... هو العلو الى الاعلى
لبنى ...... ماراح قلك شي هاد شي خاص
غزل .... اسم كتير حلو
دينا .... في احلى من هيك اسم !!!!
كندة .... اسم قبيلة قديمة في جنوب اليمن
مي ..... يعني Water بالحلبي هههههههه

هدول يلي طلعو معي .... المزيد من التفاصيل حين ورودها الينا

شكرا لمتابعتكم والى اللقاء
Spectrum
21-07-2007, 07:58
ابو فراس


يسعد صباحك


وتسلم


والك مني عند هالصبح

ليلاساية





وسلامات
Laylac
21-07-2007, 08:24
صباح النور ابو وسيم

وان شا الله بتقوم المدام بالسلامة وبتجبلك

بنوتة حلوة كاملة مكملة متل القمر

انا بالنسبة الي هدول الاسماء اللي بحبون كتير كتير

أسما ء ..... جمع اسم

كتير بحبو هاد اسم بنتي (( واسماء بنت ابو بكر الصديق ))

أفنان ... الغصن المستقيم من الشجرة ..

أغاريد ... غناء الطير ..

والسلام عليكم ورحمة الله وبركاته
RIYAD
21-07-2007, 12:27
ان شاء الله تولد بسلامة
انا عندي اسم (علا )كتير حلو
ومعناه العزة والشرف والعلا
ردلي شو رأيك حباب:heartsmall:
nadia
21-07-2007, 15:24
برأيي كون ابنك اسمه وسيم فاختار اسم مشابه له ويطابقه في الحرف الأخير... بيصير كتير حلو... يعني مثلا "رنيم"... بس ما بعرف شو معناته... إذا حدا بيعرف معناته ياريت يخبرنا...
بالسلامة انشالله أم وسيم....
نجلاء
21-07-2007, 18:26
عمي أب وسيم ربي يرزقك ببنوتة متل القمر يا رب تفرح قلبك و الله يقوم ام وسيم بلسلامة..
رح قلك الاسماء اللي بحبها و بحسها دارجة هلأ...انا ما بعرف معانيهون كلهون...


سيدرا...انا بعرف انو نسبة لسدرة المنتهى اللي هي مرتبة من مراتب الجنة
ساندي..هاد اسم اختي و كتير بلاقي حلو و ناعم
جودي...مالي متاكدة من المعنى بلضبط
مرام...المطلب ، المقصد ، الهدف ، والمبتغى .
شهد...هاد معناه مبين
رهف...الرقة و اللطافة:embaressedd:

إزا اتزكرتلي شي اسم كمان بقلك عليه...

سلام...
عزة
21-07-2007, 18:42
مبروك ليك أبو وسيم فرحت لهذا الخبر كتير
إن شاء الله بيتمها ربنا علي خير ويهل نور أحلي البنات
أما موضوع الأسماء
مش عارفه بس في كام أسم أحس أنهم حلويين
[smilie=rose.gif]رحمة مريم نورة ريم أريج ملك نورين ريناد وردة [smilie=rose.gif]
FaRaH M
21-07-2007, 21:08
صباح النور

وعقبال ما تقوم ام وسيم بسلامة وتجيك بنت متل القمر واحلى كمان

الاسماء اللي بحبن

فرح , مرح (واضح معناهن)

ندى ....معناه الكرم

حنين .....

أمل

هدول اللي طلعوا معي وخبرنا شو سميتها لما تجي هالعسولة ان شاء الله يا رب
الدانة
21-07-2007, 22:57
مساء \ صباح


الخيرررررررر




اولا ان شاء الله تقوم بالف سلامه


اكيد اكلم زوجتك



امممم الحين


الاسم .......دااااااااااانة....... احلى اسم:3ageeb:



ومعناه اكيد معروووووووووووووف :embaressedd:





او سميها


مها اووووووو ريم اوووووو نورة




حلوين كلهم :heartsmall:



وسلااام


........الدااااااااااااااانة...........
صمت الحنين
22-07-2007, 01:45
انا بقول انشالله بتقوم بالسلامه
وفي عندي اسم نجلاء وهو العيون الوساع
اشجان وهو الحزن الله يبعدو عنا وعنك يا رب
وفي ريان وهو اسم نهر بالجنه
Spectrum
22-07-2007, 09:32
شكرا الكم جميعا

وعقبال العزابية

والمتزوجين يللي رايدين يجيهم طفل

والمو متزوجين الله يجوزهم ويجيهم اطفال كاملين موفورين الصحة والعافية

وبخبركم انو تم ادراج جميع الاسماء المقترحة للاختيار منها

والحقيقة كان من بين الاسماء يللي انذكرت اسمين هنن على راس القائمة

اللهم اتتم الولادة بخير

وصدقوني الاسم مو مشكلة

الله يبعت المولود كامل مكمل بأذن الله

هي هية الغاية والمراد

شكرا الكم للمرة المية
Spectrum
22-07-2007, 09:39
رياض المناوي : بالنسبة للاسم \\ علا \\ اسم حلو ومعناتو كتير بيعني لشي جيد

بس المشكلة انو دائما لمى بدو الواحد يسمي طفل او طفلة بيحاول انو يكون اسم مو موجود بالمحيط او ما بيذكرو بشخص مثلا ؟؟؟؟؟؟؟؟؟

والاسم \\ علا \\ موجود وصاحبة هالاسم كتير انسانة راقية وجميلة الشكل والاخلاق ..
بس هالاسم للاسف من الاسماء المستبعدة


هالكلام ما بيعني انو الاسم مو حلو بس الفكرة انو المولودة وحدة وصار عنا 33 اسم تقريبا

بوعدكم اعمل جهدي لارضيكم كلكم ............................. وخلف بنات شي يكفي هالاسماء

تكرمو ............................................... لك تكرمو ...................





ولي على راسي ؟؟؟

شكرا الك
smilest
22-07-2007, 09:43
في كتير سوما أسماء للبنات يعني تشكيلة واسعة وبالنهاية انت الأسم يلي بتحبه هو بيكون اسم الفتاة يلي الله لح يرزقك ياها انشالله بتشوفها وبتشوف أولادها وبتربيها تربية صالحة

بالنسبة لي أحب اسم سما اسم جديد عم اسمعه عنا بالشام
Laylac
22-07-2007, 10:01
الله يقومك بالسلامة يا ام وسيم

ياابو وسيم اهم شي ... تكون ام وسيم رضيانة على الاسم

وخليها هي تختار اللي بتحبوا

الله يرضى عليك يا ابو وسيم ما بدي مشاكل و وجع راس لا تجبرها على اسم (( امك )) :biggrin:

لا تاخدوا عادة اهل اول كرمال الله

هي اللي حملت وهي اللي تعذبت يعني ما بيحقلا تسمي على كيفا :sickk:



وخبرنا شو سميتوا القطقوطة اللي بدها تيجي .... :embaressedd:

الله يبعتلا ايام حلوة وتكون من الصالحات و الحافظات للقرآن الكريم


:dabkehhh::dabkehhh:

ملاحظة .... حبيت اتغالظ شوي بقى سامحوني :fotieee2:


[smilie=65.gif][smilie=65.gif][smilie=65.gif]
Spectrum
22-07-2007, 10:17
الله يرضى عليك يا ابو وسيم ما بدي مشاكل و وجع راس لا تجبرها على اسم (( امك )) :biggrin:




يسلمولي طقم هالسنان يامو



لا تاخدوا عادة اهل اول كرمال الله


باين عليكي عندك حماية اللهم عافينا



الله يبعتلا ايام حلوة وتكون من الصالحات و الحافظات للقرآن الكريم



تسلمي يارب


ملاحظة .... حبيت اتغالظ شوي بقى سامحوني :fotieee2:




هي مااسمها غلاظة بنوب

سلامات
bigbaby
22-07-2007, 11:11
انشالله بتقوم بالسلامة وبتجيك البنوتة معافاة وسمونة وبتاخد العقل ....

أنا بحب هدول الأسماء وحاططتهن في حال اجاني بنت بس بما انو على الأغلب ما رح جيب بنات فما بيغلو عليك ... يالله ...

لونا = القمر
تيما = من التيم = العشق
ليلي = زهرة رقيقة بعتقد زهرة الماء
يمنى = اليمن والخير
حلا = الجمال بس يمكن هادا الاسم كتير ممعوط بحلب
كرمة = الحظ السعيد والحياة الجميلة وهادا الاسم كتير بحبو لأنو غريب وعربي على انكليزي ...
Spectrum
23-07-2007, 08:22
يا جماعة :embaressedd:


شكرا الكم ولدعائكم
bloom
23-07-2007, 20:39
ألف مبرووووووك..انا كتير بحب البنوتات الله لا يحرمن لحدا

والله يخليلك ولادك

بالنسبه:


بالنسبة لي أحب اسم سما اسم جديد عم اسمعه عنا بالشام


على فكره هاد اسم بنتو لأبو يمان ..فعلا اسم كتير حلو

مره ماشيه بالشارع شفت كتاب عن اسماء اولادك وفي آلاف الاسماء بيبلش بالذكور من حرف الأف للياء والاناث نفش السي :3ageeb::cheesy:

بالصدفه فتحت شفت اسم سيلفا وقريت شو معناتو بس نسيت

بس حسيتو اسم حلو اذا على بالك :rabit:
Spectrum
24-07-2007, 09:40
بلللوم

بكل محبة بشكركم

وهي انا ناطر مع يللي ناطر معاي هالمولودة

وان شاء الله خير

وبصراحة

بما انني رجل والرجال قليل

طرحنا الاسماء يللي تفضلتو فيها على وزارة الداخلية \\ المدام \\ لاختيار الاسم يللي هية بتريدو

لانو الفصل بيناتنا الذكور انا بسميهم والبنات هية بتسميهم

مع انو انا اخترت اسمين ورح شوف عجب رح احسن اثبت اختياري بعقلها وقلبها ؟؟؟؟

ان شاء الله خير
shamsalsabah
03-08-2007, 22:11
خيو ابو وسيم دخيلك اتركك من كل هالاسماء وتعا ( تعال يعني ) لعندي جيبلك كم اسم من تراثنا الحلبي المروع

عيوش ............طبعا تدليع عايشه
رنوش ............ ما بعرفه بس هادا اسم عمتي
خدوج ............ يمكن من خديجه
رقوش .............. كمان ما بعرفه بس بسمعه
ديبه ............... يعني مرت الديب
عمشه ........... ولي بلا هالاسم دخيلك

واذا ما عجبك شي من المنيو خود هدول
حصه
مشاعل
وضحه
هيف
سلطانه
موضي
شمسه

واذا ما عجبك شي سميها على اسم بنتي

ليان ............... حماة سيدنا يعقوب عليه السلام حسب ما ورد في الطبري

ومبروك مقدما وااله ينتع ام وسيم بالسلامه..........
moreelya
05-08-2007, 17:09
ان شاء الله تولد بخير والخلقة التامة ياااااااااااارب

ازا قلتلك لا تزعل كتير بس بقترح انو اتسميها

موريليا شو رأيك ؟؟؟؟؟؟؟؟؟؟؟؟

موريليا هي الوردة البيضاء العطرة

وهاد اسمي هههههههههه

تحياتي أصدقائي
هلوشة
06-08-2007, 19:07
اول شي الله يقوم المدام بالسلامة وتاني شي عندي كم اسم من هدول الدارجين ما بعرف اذا بيعجبوك بس ما بعرف شو معناتن سوري

:boquet222:

خود لإلك عمو ,,,,,,,,,,,,,,,
هيا , جنا , دُجى : من بدر الدجى , سجى : هيدي من ( والليل إذا سجى ), رؤى : من المنام الجيد , ورغد , سالي , وهلا( هلوش هلاليش هلشلش هلوشة) الدلع طبعا وهاد اسمي ومعناه أهلا وسهلا على الرحب والسعى :familyy5:

وانشاء الله الف مبروك سلفا وهي احلى واطول زغرودة :zalghouta:
batol
07-08-2007, 00:12
السلام عليكم


أخي ابو وسيم في كم اسم حلوين على بالي تفضل


يارا الوردة بأول تفتيحها
هديل صوت الحمام
رنيم صوت الملائكة و الله اعلم
بتول معناه الطاهرة وهو لقب لستنا مريم البتول عليها السلام و لستنا فاطمة الزهراء عليها السلام هيك قالولي اهلي لما سالتهم عن سبب تسميتي
و البتلة هي ورقة الوردة و التبتل الأنقطاع الى الله سبحانه و تعالى

و ربنا يكرمكم انت و ام وسيم بالسلامة و ببنوتة صالحة و مرضيّة تكون قرة عين الكم
devil.deeds
07-08-2007, 03:55
له له له ..انا هلق دريت بالخبر ..الف مبروك عمو ابو وسيم ..

بش سو مشان حاطط الموضوع بقسم الهسترة والافكار السخيفة..
.المهم :

و نقيتلك اسماء حلوة كتيير .

نسرين : ورد أبيض جميل قوي الرائحة. مفرده نسرينة واصل الكلمة عربي

رهف : الانسانة الرقيقة واللطيفة واصلها عربي

لين : رفق، وسهولة، ولطافة، ورقة واصلها عربي

جودي : من الجود والعطاء الفيّاض والاصل عربي

عفراء :على ما اعتقد انها الارض البيضاء الواسعة الخالية ..

علياء :كل شئ مرتفع وسامي .

ان شاء الله يعجبوك هالاسماء الحلوة ..

ان شاء الله تقوم ام وسيم بصحة وعافية ويكرمك ببنت معافاية وامورة يا رب وتسجل عنا بالمنتدى :angry20girl: وتتعرف على عمها الاغا :3ageeb:..ويتطلع اول كلمة من تمها ..منقوووووول :nonooo: وسيتم الحذف :shutup3: .. ..ههههههه

يلا بالاذن ..
شكيسبير
07-08-2007, 04:38
اخي العزيز ابو وسيم
اللة يقوم ام وسيم بالسلامة
ويرزقك البنت الصالحة اللي تتربا بعزك ويستر عليها
ويطرح في البركة
اما عن الاسم
انا اقول لينا
واذا سميتها لينا ان شاء اللة اتزوجها هههههههههههههه

وكذلك لا تنسى
خديجة ومريم وعائشة واسماء وفاطمة الخ
من اساء النساء الصالحاتالصالحات

ومبروك مقدما
RIKY
15-08-2007, 09:36
الله يقوم المدام بالسلامة و تتربى بعزكم ..

انا اشوف اسم دارين او لميس او ميس اسماء حلوة بتعجبني بس ما بعرف معناها ..
tala
15-08-2007, 13:05
اول شي الف مبروك والبنات كتير حلوين بكرا كتير بتحبا لانو البنت غير شكل وانا رح ساعدك بكم اسم انا كتير بحبن بس ما بغلو عليك وكمان لوقت ما اتجوز عمر لسا في لنا لانا ناي نايا نجمة لور لارا رالا سيما تاليا
اميرة زماني
15-08-2007, 17:11
الله يقوما بالسلامه لام وسيم
انا بحب اسم

سدره ومعناتوا سدرة المنتهي يلي موجوده بالجنه
وكمان اسم لوتوس ما بعرف شو معناتوا بس انا بحبوا

واسم ساره كمان حلوا يعني السرور والبهجه
اميرة زماني
15-08-2007, 17:11
قصدي سيدرا مو سدره
ليال66
15-08-2007, 20:02
في اسم انا بحبه كتييير

جوى بفتحة على الجيم وعلى الواو والف ساكنة

معناه اعلى درجة من الحب ...
Pink~Pearl
21-08-2007, 21:58
الف الف الف مبرووووك .......... ابو وسيم

خليني عرفك عن حالي بالاول .. اسمي دودي عمري 18 وبدرس تصميم اعلانات

الاسم الي كتييير بيعجبني للبنات هو اسم ( ريماس)

المعنى : نوع من انواع الحرير الثمين

وله معنى تاني مجزء : ريم : يعني الغزال ماس : يعني ماسه

هالاسم كتييييييييييييييييييير ناعم .. والبنت الي اسمها ريماس اكيد حتطلع نعومه وحلوة

مممم

خليني قلك شو اسمي بركي بيعجبك

اسمي داليا

المعنى : اسم نوع من انواع الورد .. او غصن شجرة العنب المتدلي

ن شاء الله اكون افدتك ياااااااااااااااااااااااااااااااااارب

وتتربى بعزك ان شاء الله