يعيش مستر جرين البطل

[الدمشقي]

ماوراء الابتسامات
الله يخليلنا هالابتسامات .. والوجوه التعبيرية .. اللي عم تساعد أقلامنا ونبراتنا الكيبوردية .. على إيصال التعابير المطلوبة ..
أو بالأحرى على توضيح التعابير المكتوبة .. يللي عم تهلك أصابيعنا التي أهلكنا بها كيبوردنا ..
ومع أن الابتسامات قيد استعمال الجميع .. بس غالباً لكل منا السمايلي المفضل تبعه ..
وهادا بقى اللي بيكون مشابه ومعاقر للستايل العام والسيكولجية الشخصية المستنبطة والمشتقة من العمق الباطني الانبطاحي الزئبقي وماتحت الاشعة فوق المحشية لكل عضو من الاعضاء..
يعني أنا مثلاً يمكن كون بكره كم سمايلي وبحسهن غلاظ وعم يشرشروا سآلة .. سبحان الله تقول الغلاظة بالجماد موجودة كمان مو بس بالكائن الحي ..
ويمكن كمان بيستهويني هاد السمايلي (:pipe1:) أكتر من غيرو .. والسبب الاشياء فوق المحشية اللي حكيت عنا ..

وقبل ما كمل هالموضوع العظيم التحفة .. خلونا نشوف سوا هالكليب البسيط عن السمايليز اللطفاء الظرفاء..

RFZT_lLN65Q

إذا جينا للحق ياجماعة والحق يقال :
إنو أديش اتغيرت ابتسامات .. وراحت وجوه تعبيرية .. واجت وجوه تعبيرية.. بس شو بدكن بالحكي .. المستر جرين بيضل بالمقدمة .. لساتو البطل .. ومازال هو النجم في مطالع ومنتصف وأواخر المشاركات .. وإذا ملاحظين .. بعد الوجبة الجديدة للابتسامات المحدثة .. اختفت الابتسامات القديمة عن الساحة.. والتغى استعمالها نهائياً الا من رحم ربي .. لكن السمايلي الوحيد اللي بعدو محافظ على رونقه وحضوره ونجوميته .. هو المستر جرين MR GREEN ((:mrgreen:)).. صاحب البشرة الخضراء والابتسامة العريضة والاسنان اللولو ..
كيف بدك تستغني عنو ؟! .. صعب .. صعب وشاتين وما خرج .. (على قولة إخواننا الحلبية) .. لأنو المستر جرين هو حلال العقد .. وضابط الجمارك المرتشي .. اللي بيمرقلك كل بضاعتك الكلامية على كفالتو مهما كانت خطرة أو محظورة .. بس طبعاً المطلوب منك شوية حبكة دبلوماسية بالكيبورد .. واتريك الباقي على عمك جرين .
فبتلاقي العضو نازل زخ وتبخيش بدن ومداقفة بالعضو الاخر .. وعم يفش كل خلقه وغيظه وامتعاضه من موضوعه أو تعليقه .. وبالآخر بيقدحلك المستر جرين في أواخر المشاركة .. أو في نهاية كل فقرة .
ياعزيزي .. انتقد .. عبر عما يجيش في داخلك من غيظ مشتاط .. فرغ شحن الكيد كلها .. برعاية مستر جرين .. وأنا سمعت بالأخبار وقريت بالصحف انو توقعات من للعلماء إضافة إلى بعض التكهنات من المحللين . تفيد بإنو في احتمال كبير .. في مطلع عام 2010 يتطور استعمال المستر جرين وفاعليته و يوصل لمرحلة تكون على الشكل التالي في الحوار بين الأعضاء :
شو هالموضوع اللي مالو طعمة ومنزلنا ياه حضرتك :mrgreen:
على فكرة الموضوع تافه :mrgreen:
والله ؟! .. اي انت كمان تعليقك كان سخيف :mrgreen:
اخي أي انا مابفهم انت الك عندي شي .. حل عنا ياه يستر ع الكلاوي ..:mrgreen:
اذا سمحت سد بوزك :mrgreen:
فيك تخرس :mrgreen:
سبحان الذي خلقك ما اغلظك :mrgreen:
وليش هيك عم تحكي معي يابطيخ ؟..:mrgreen:
حيونة ..:mrgreen:
طبعاً لا حظتوا كيف المستر جرين عم يمتص الغضب في نهايات الجُمل .

بس على ما يبدو في سمايلي عم ينافسو .. هيك لاحظت .. هادا تبع الطابة ..((:fotieee2:)) اللعيب الحريف النطيح .. يعني هو الصراحة في عليه اقبال لا بأس فيه .. وخاصة من بعض محاولي الانتصار في المشاركات .. وغالباً اللي ماعم يقدروا يلاقوا حلول ومخارج بالكيبورد .. فبيستعينو بالنطيح .. طبعاً مو الكل أكيد .. بس البعض .. وقسم كبير من البعض .
لكن برجع وبقول .. بالنسبة إلي على الأقل .. وبحكي عن نفسي .. مافي بعد المستر جرين .. لا يمكن .. لأنو المستر جرين .. مو بس برقعلك الغيظ .. أبداً .. على العكس .. هو معك في الافراح والاتراح .. في السراء والضراء .. لأنو في كتير من الجمل الطريفة والفكاهية .. بيبقى الها عدة أوجه .. يعني ممكن تنقرا بشكل فكاهي .. وممكن تنقرا بشكل جدي .. أو ممكن تنقرا بشكل متهكم .. وهون المستر جرين طبعاً بيكون الفيصل وصاحب الكلمة الأخيرة في هذه العبارة .. عندما ينتهي في آخرها أو يقلع في مطلعها .
يعني باختصار المستر جرين هو : السمايلي الطيب الشرير ..
فيعيش مستر جرين البطل .. يعيش يعيش يعيش .
:mrgreen::mrgreen::mrgreen::mrgreen::mrgreen::mrgr een::mrgreen::mrgreen::mrgreen::mrgreen::mrgreen:: mrgreen:

[washiwash]

اي ضروري السمايليز بكل موضوع .. شو بدك بالحكي؟؟ ..

اكتر رد ممكن يزعج بأي موضوع هو .. [smilie=not.gif] .. طيب انو ما عندك تعليق .. لشو عم ترد؟ .. ابوس ايدك

بزمانو ام أنس طلبت انو نستعمل .. هل السمايليز :mankooll: .. كرمال ما يتعبو حالهن الاعضاء ويكتبو منقول .. غريب

في كتير سمايليز .. مجرد شوفتهن .. بيخطرلي شخص معين .. ما بعرف شو الرابط بين الشخص والسمايلي .. على سبيل المثال .

:fooll: هاد مناف حصراُ :tongue2: وهاد كمان بيصير ..

:harhar: هاد ابو فراس .. :skip353: وهاد كمان بيلبقلو

:blehhh: هاد بيشبه ليال 66 ..

:angry20girl:هاد بيذكرني بـ بيغ بيبي [smilie=pdt_piratz_:

:zalghouta: هاد بيشبه شام .. :dabkehhh:

:granma: سمايلست .. لا راح ولا اجا .. محلو ..


:lala22221: هاد بيشبه شوكر

:swingg: هاد بيشبه لوليتا

[smilie=italiamac_m: هاد بيشبه نارت

[smilie=cheer.gif] بيذكرني هاد بأبو ناجي .. جوو وترتيبو

[smilie=19.gif] اب عصام

[smilie=cold.gif] كان معنا صبية .. اسمها ايمان .. هيك شكلها يمكن

PDT_Armataz_02_22 نجلاء فتحي

[smilie=26.gif] ملك الغرام



بعد ما وصلتو لهون ... صار هيك شكلي .. _hit

سلام سلام سلام

[The Hunter]

هلق عراسي يا دمشقي أنت والمستر غرين ... بس أنا هادا صاحبي :mirrorr: ... بستعملو خير الله عالطالعة والنيزلة بكل ردودي تقريباً ... يعني بدل مع السلامة ...
هادا كمان منيح :reaper: بستعملو لما بنجقم .....
وهادا أبو نطحة بستعملو لحالات التسلاية :fotieee2:
والقلب أبو عصاية بستعملو لما بيعجبني حدا :heartsmall:

وأبو معلاق فيرط هاد :cheesy: بستعملو لما بفرش معلاقي :cheesy: :cheesy: :cheesy:

[ليال66]

:blehhh: هاد بيشبه ليال 66 ..


:cheesy::cheesy:الله يسامحك واشي هلأ هاد بيشبهني؟؟؟؟؟ :eek: :eek:



هلأ كتير حلو استخدام السمايلي ... أنا عندي هواية بتجميعها

بس اكتر سمايلي بحبه هو هاد [smilie=66.gif] فعلا لذيذ كتير رغم تعصيبه بحس انه طيوب كتير

[Only registered and activated users can see links]وهي صح هبلة بس أمورة

[mr.mask]

أنو شو بئدر اخدمك هلق ؟ :mrgreen:



لااا جيد جيد .... كمان :mrgreen:

هادا صديقي يلي بيسأل عليي هلق تذكرت انو عندي حدا يسأل عني بهالمنتدى ... :mrgreen:


أحلا دمشقي .....

[دعزق]

السمايلز يأبشوني ابش


لولاهم ما بعرف عبر

بحس حالي غير شكل وباردة

وما بحب :haxxorr: هاد لأنو دايما معطينا ضهروو.... اف اف

وبحب هاد :cry5: بحسو مسكين ولي شو بشفق علييييييييييه

[Abu-Firas]

برابو ........ برافو ...... برافو

حلقة كوميدية محبوكة صح ومليانه ضحك وفكره مميزه وسهله وسلسه وبتفوت عالقلب دغري
لا شط ومط ولا لعي بلا طعمة ... كل جمله بمكانها مزبوط ......... عن جد برابو عليك

عجبني الكليب كتير.... شكلها الجافا اشتغلت بعدين :mrgreen:

هلق بالنسبه للسمايليز انا بشوفهم بيعبرو احسن من الكتابه بعض الاحيان
خاصة هاد :3ageeb: يعني يالطيف شو اله تأثير كبير بعد اي جمله ( على فكره هاد بيذكرني بماريا كتير )

بس انا يلي بعرفه انو مستر غرين علامة مسجله لنجلا على طول بتستعمله وبتذكرها فيه

:vangryy: هاد ابو يمان ميه ميه

:hypno33: هاد انت دمشقي كتير بشوفه بيشبهك

:teeth33: هاد نارت وانا ببصم بالعشرة



:harhar: هاد ابو فراس .. :skip353: وهاد كمان بيلبقلو


الأنا الداخلي صار كتير خارجي وبراني هاليومين ههههههههههههههههه

:iskot:

[الفارس]

هع
انا مدعوم ما حدا بيقدر يشبهني بسمايلي

[نجلاء]

بس انا يلي بعرفه انو مستر غرين علامة مسجله لنجلا على طول بتستعمله وبتذكرها فيه
ييييييييي يا اب فراس....احسنت احسنت ثم احسنت ثم استحسنت عملا و كلاما و خلقا و ظرافتا و طرافتا و فهما...
هاد هو الكلام الزين....
مستير جرين اخي التوأم و من زمان منعرف بعض....من ايام ما كنا نخدوم سوا سوا بلجيش...
ايييييييي كانت ايام واللهي لا تنسى...
PDT_Armataz_02_22 نجلاء فتحي
شفتو كيف؟! حتى واشي بيعرف...هي صورة لما كنت انا وياه بلجيش لمستر جرين:mrgreen:PDT_Armataz_02_22
هون انا كنت آكلة بوكس على سناني من المقدم رفعت علي حسام رفعت لانو ما ساويت الشاي خمير...(يعني تقيلة كتير) و الاصفرار كان من الرعبة الشديدة...
لانو يعدمني مخابيطو (إيديه يعني) بيحب الشاي تقيلة قال....يشرب هم قلبي إلهي

بس انتبهولي كيف انا عم اضحك رغم البوكس؟؟ يعني حتى تشوفو اديه روحي رياضية وما بيهمني الطحطح انا...زكرتاوية من يوم يومي و عكيدة...PDT_Armataz_02_22

بس بعد ما خلصنا فترة الخدمة للوطن الحبيب...عدت إلى شكلي الطبيعي...:mrgreen:

[smilie=mabsot.gif]هون يا جماعة بهي الصورة...كنا انا و رفقاتي بلحارة (حارة السبع طلعات) هاجمين على العدو بلحارة التانية (حارة السبع نزلات)
وكنا عندئذ فرحين مسرورين...إذ ان النصر حليفنا ان شاء الله....

هون بقا كنا انا و اخي عم نشرب نخب النصر سلفا لانو ما حدا بيحسن يهزمنا شو هلحكي هاد؟ [smilie=alc.gif]

هي لما كنت انا عم حارب التقطولي بعض الصور...[smilie=edc.gif]:bruce_lee:[smilie=wsx.gif]

هون هي صورتي و انا راجعة من المعركة [smilie=26.gif]ههههههههههه


مع تحيات شيخة الحسن...نجلاء خلف الدهشوري خلف:3gal:

(هي جمعتلكون أغلب السمايليز اللي بحبها بقصة وحدة...شلون؟؟ برلون):mrgreen:

يلا سلام:fotieee2:

[emma]

:vbluee: انا بحب هاد كتير عبر عن شعوري اليوم بالصندوق

[bigbaby]

والله يا دمشقي ضحكتني وأنا مالي خلق...
موضوع ظريف وأسلوب رائع وفكرة جديدة ومهضومة ... هلأ أنا بشكل عام مخلصة لهادا الشي وبستعمله كتير ... [smilie=pdt_piratz_: هيكه مدري شلون ضحكته فيها شماتة عجيبة وبتحسو مو شايف حدا ... انو سنانو مفشكلين بس رغم هيك عم يورجيهم ويللي ما عجبو لا يقرا ... ظريف جدا ...
أما هي المحروسة :angry20girl:فصرت استخدمها والحمد لله بعد الزواج لأنو عادة بكون على نفس درجة انبساطها وسعادتها أثناء تأدية الواجبات المنزلية من شطف وجلي وضراب الصخن ... ودائما بتخيلها عم تمسك هالمقشة المتشتشة وتصفق فيها شي واحد على راسو [smilie=pdt_piratz_:[smilie=pdt_piratz_: ... ما علينا ...

أما هادا السمايلي فهو قمة السآلة والغلاظة وبستعملو لحتى فهم الشخص انو موضوعو على نفس مستوى الغلاظة :goodd:ما طبيعي شو غليظ ... أنا نفسي بكره حالي بعد ما حطو ... غلييييييييظ ...

سلام

[ShaM]

:zalghouta: هاد بيشبه شام .. :dabkehhh:


:dabkehhh: :dabkehhh: :dabkehhh:
:dabkehhh: :dabkehhh: :dabkehhh:
:dabkehhh: :dabkehhh: :dabkehhh:
شفتوا رفقاتي الدبيكة شو حلوين :cheesy::cheesy:
لك واشي هدول قصتهن قصة الله وكيلك ههههههههههههههه خليني ساكتة:iskot::iskot:

[NART]

:fooll: هاد مناف حصراُ :tongue2: وهاد كمان بيصير ..


لا وانتة السادق هاد اب النوف حصرا[Only registered and activated users can see links]

[smilie=italiamac_m: هاد بيشبه نارت


من وين لوين بيشبهني بس لأنو اصلع :3ageeb:

:teeth33: هاد نارت وانا ببصم بالعشرة

يعني هي ممكن لأنو على طول سعيد ومبتسم وعاااااااااااااااااااااااااااااااااااا

[PAL_MiShO]

أنا بعد ازنكم يا شباب بدي زغرت ...

أول شي بعلق على الموضوع بعدين بفهمكم شو ئصة هالزغروتة...

انا بالنسبة الي هدول الابتسامات أحيانا بيعبرو عن الحالة يلي بكون فيها بس أكتر الأوقات ما بحب استعملها...

بعدين الزغروتة كرمال انو انا صارلي شهر مش داخلة على المنتدى و هلأ لما دخلت كل موضوع بدخلو بكون NART و هو أكتر واحد لفت انتباهي انو الموضوع مكرر و سيتم الحذف و هلأ لما دخلت هون شفتو كاتب شي تاني...:zalghouta:

و يا ريت كون ضيفة خفيفة دم عليكم...

MiShO