nadia
09-07-2007, 18:10
مرحبا !!
باعتبار النسبة الساحقة منّا بعمر الشباب ... ومنحب الفتلة والروحة والجيّة
فلا شك أنو آعدين بالأهاوي ... أو مارئين عالأهاوي عالأقل
وفوتة الأهوة ألها سيئات كتير .. وألها حسنات كمان
.
.
من الحسنات الأليلة لفوتة الأهوة .. أنها بتدفع الانسان للتفكير
التفكير بهالمجموعة الهائلة من الناس المجموعين لا شغلة ولا عملة سوى طئ الحنك و الاكساسوري تبعو
والمعروف أنو لما بتكون نسبة الشباب يلي بالأهوة غالبة على نسبة الختايرة .. بتكون حالة البلد مش ولا بد !!!
لأنو هالأصة أول ما تعنيه أنو نسبة كبيرة من البطالة منتشرة بالبلد .. ونسبة الشباب بالأهاوي تبعنا مو بس غالبة وإنما ساحقة
.
.
طيب .. لهون الكلام عادي وما في جديد !!
هلأ الكبارية بمجتمعنا بلومونا نحنا الشباب على هالشغلة وبؤولوا :
بزماننا كنا نشتغل . نعمل .. نئيم .. نحط .. نساوي ..نفلئ الصخر .. يلي هو
بس أنتو تنابل .. ومو نفعانين !!
تعو نصفن شوي بهالأصة :
أزا قررنا بدل ما نعّد بالأهوة .. نشتغل .. نعمل شي مشروع .. شو بصير ؟؟؟
يلي بصير هو كالتالي :
1- كخطوة أولى بدوّر الواحد على مركز للمشروع تبعو ... محل أو مكتب .. الملك أغلى من طموحات أي شب والأجار بيكسر الضهر ( ورغم ذلك هي أسهل وأبسط خطوة )
2- لئينا محل .. وقررنا نوع النشاط .. وهلأ بدنا ناخد الرخصة لممارسة هالنشاط بهالمحل
رخصة !!
وما أدراك ما الرخصة !!
خلينا نعرّف الرخصة ..
الرخصة : هي إقرار حكومي يسمح لك بممارسة نشاط معين في مكان معين
طيب خلينا نعرّف الرخصة بهالبلد ..
الرخصة بهالبلد : هي أسلوب حياة عليك أن تتعايش معه منذ بداية تفكيرك بممارسة هالنشاط وحتى زوال هالتفكير !!
ملاحظة : في فترة المحاولة للحصول على رخصة ما في هذا البلد عليك الإبقاء على الأمور التالية في جيبك في حلّك وترحالك :
12 صورة شخصية
12 صورة للهوية الشخصية
12 إخراج قيد
12 لا حكم عليه
شهادات متنوعة لاختصاصات عدة
6 أقلام زرء
6 أقلام سود
خرّازة
طلب إضافي من أي طلب تحمله
كمشة ميتينات ( يعني مجموعة لا بأس بها من الأوراق النقدية أم ال 200 ليرة سورية )
عدد لا متناهي من الطوابع ( تمانة ميتة .. بس ما لئيت منها بلوحة الكيبورد تبعي )
باكيتين دخّأن ( مو مشانك .. مشان تضيّف الموظف ويرضى عليك )
علبة سيتامول ويفضل بارا سيتامول ( مشانك )
عقد الملكية أو الأجار لمكان مزاولة النشاط
مخطط تنفيذي للعقار المذكور
مخطط تصوّر مبدئي لما سوف يكون عليه العقار عند بدء العمل
مجموعة تعهّدات خطية ( وقعهن وهنن ببئوا بيكتبوهن )
.
.
.
.
شو ؟؟
نكمّل ؟؟
نص الشباب بهالمرحلة .. بيفئسوا المشروع وبوشهن عالأهوة بيطلبوا نفس أركيلة عجمي وكاسة أهوة سادة و بيعدوا بسبّوا هالحالة
والنص التاني بصير بدو ياخد الرخصة للنكاية وفش الخلئ بس ... بيتنّح .. وبيتحيون .. وبيضل مضاين هيييييييييييييييييييييييك لياخد الرخصة
وبعد ما ياخد الرخصة ... بكون مفلّس ... ومعو عصبي ( عم ينتّع ) ... وبدو فترة نقاهة ... أوم يا بروح عالأهوة بيطلب نفس عجمي وكاسة أهوة سادة وبيعد بيحكي لرفآتو على الرخصة يلي أخدها
يا أما بيرجع عالبيت .. بيساوي طشت أهوة .. وبيفتح على طريق syria path وبيعد بيكتب :
(( رخصة .. في هذا الزمان .. وفي هذا المكان ))
منقوووووول للفائدة طبعا"
باعتبار النسبة الساحقة منّا بعمر الشباب ... ومنحب الفتلة والروحة والجيّة
فلا شك أنو آعدين بالأهاوي ... أو مارئين عالأهاوي عالأقل
وفوتة الأهوة ألها سيئات كتير .. وألها حسنات كمان
.
.
من الحسنات الأليلة لفوتة الأهوة .. أنها بتدفع الانسان للتفكير
التفكير بهالمجموعة الهائلة من الناس المجموعين لا شغلة ولا عملة سوى طئ الحنك و الاكساسوري تبعو
والمعروف أنو لما بتكون نسبة الشباب يلي بالأهوة غالبة على نسبة الختايرة .. بتكون حالة البلد مش ولا بد !!!
لأنو هالأصة أول ما تعنيه أنو نسبة كبيرة من البطالة منتشرة بالبلد .. ونسبة الشباب بالأهاوي تبعنا مو بس غالبة وإنما ساحقة
.
.
طيب .. لهون الكلام عادي وما في جديد !!
هلأ الكبارية بمجتمعنا بلومونا نحنا الشباب على هالشغلة وبؤولوا :
بزماننا كنا نشتغل . نعمل .. نئيم .. نحط .. نساوي ..نفلئ الصخر .. يلي هو
بس أنتو تنابل .. ومو نفعانين !!
تعو نصفن شوي بهالأصة :
أزا قررنا بدل ما نعّد بالأهوة .. نشتغل .. نعمل شي مشروع .. شو بصير ؟؟؟
يلي بصير هو كالتالي :
1- كخطوة أولى بدوّر الواحد على مركز للمشروع تبعو ... محل أو مكتب .. الملك أغلى من طموحات أي شب والأجار بيكسر الضهر ( ورغم ذلك هي أسهل وأبسط خطوة )
2- لئينا محل .. وقررنا نوع النشاط .. وهلأ بدنا ناخد الرخصة لممارسة هالنشاط بهالمحل
رخصة !!
وما أدراك ما الرخصة !!
خلينا نعرّف الرخصة ..
الرخصة : هي إقرار حكومي يسمح لك بممارسة نشاط معين في مكان معين
طيب خلينا نعرّف الرخصة بهالبلد ..
الرخصة بهالبلد : هي أسلوب حياة عليك أن تتعايش معه منذ بداية تفكيرك بممارسة هالنشاط وحتى زوال هالتفكير !!
ملاحظة : في فترة المحاولة للحصول على رخصة ما في هذا البلد عليك الإبقاء على الأمور التالية في جيبك في حلّك وترحالك :
12 صورة شخصية
12 صورة للهوية الشخصية
12 إخراج قيد
12 لا حكم عليه
شهادات متنوعة لاختصاصات عدة
6 أقلام زرء
6 أقلام سود
خرّازة
طلب إضافي من أي طلب تحمله
كمشة ميتينات ( يعني مجموعة لا بأس بها من الأوراق النقدية أم ال 200 ليرة سورية )
عدد لا متناهي من الطوابع ( تمانة ميتة .. بس ما لئيت منها بلوحة الكيبورد تبعي )
باكيتين دخّأن ( مو مشانك .. مشان تضيّف الموظف ويرضى عليك )
علبة سيتامول ويفضل بارا سيتامول ( مشانك )
عقد الملكية أو الأجار لمكان مزاولة النشاط
مخطط تنفيذي للعقار المذكور
مخطط تصوّر مبدئي لما سوف يكون عليه العقار عند بدء العمل
مجموعة تعهّدات خطية ( وقعهن وهنن ببئوا بيكتبوهن )
.
.
.
.
شو ؟؟
نكمّل ؟؟
نص الشباب بهالمرحلة .. بيفئسوا المشروع وبوشهن عالأهوة بيطلبوا نفس أركيلة عجمي وكاسة أهوة سادة و بيعدوا بسبّوا هالحالة
والنص التاني بصير بدو ياخد الرخصة للنكاية وفش الخلئ بس ... بيتنّح .. وبيتحيون .. وبيضل مضاين هيييييييييييييييييييييييك لياخد الرخصة
وبعد ما ياخد الرخصة ... بكون مفلّس ... ومعو عصبي ( عم ينتّع ) ... وبدو فترة نقاهة ... أوم يا بروح عالأهوة بيطلب نفس عجمي وكاسة أهوة سادة وبيعد بيحكي لرفآتو على الرخصة يلي أخدها
يا أما بيرجع عالبيت .. بيساوي طشت أهوة .. وبيفتح على طريق syria path وبيعد بيكتب :
(( رخصة .. في هذا الزمان .. وفي هذا المكان ))
منقوووووول للفائدة طبعا"