لو سألت .........

[Spectrum]

يا حبايب قلبي

كل مشاركة من شب او صبية

بيظهر لنا صورة رمزية

وتوقيع يعبر عن شئ ما داخل هالشخص


السؤال

للاناث والذكور

ليش بتختاري صورة بنت حلوة لتحطيها صورة رمزية ( هل لانك نتمني تكوني متلها او انو بتحاولي تعطي فكرة عن حالك )
وللشب بيحط صورة شاب جميل وهو ممكن يكون اصلع وسنانو مكسرة وابتسامتو مشرقة ؟؟؟؟


كمان بالنسبة للتواقيع بشوف في نسبة كبيرة من الشباب والصبايا بيحطو تواقيع الها طابع ديني

مثال ( نعم القادر الله - او دعاء - او اية قرأنية - ............... )

هل لانك مقتنع فيها ولا بس في لحظة كتابة التسجيل بالمنتدى فكرت كيف رح تعطي فكرة مثالية عن حالك وتفكيرك

متل لمى بيصير بأستطلاعات الرأي

بيسألو : انت مع الالتزام الديني . بيجاور نعم وانا ................... ؟؟

وبتجي على حياتو بعد شوي ما في تطبيق ؟؟؟؟


اتمنى ان يجيب الجميع في حال الدخول لنرى وجهة نظر الجميع ولا مانع من التعليقات المرحة بس بدي جواب جدي شوي



شكرا الكم

بالنسبة الي

اخترت شخصية من افلام كرتون

لانو بحب شخصيات افلام كرتون وخصوصا ميكي ماوس و جماعتو

ليش لانو بحس انها تعبر عن المرح والضحك يللي بشوفو على وجه طفل عم يتفرج عليه

وبتفائل كتير بضحكة هالطفل وبيكون شعوري بقمة النشوة

اما بالنسبة للصورة ام النقيفة . ما في سبب معين , هي الصورة يللي نقيتها من مجموع الصور في المنتدى


اما التوقيع

بصراحة ما فكرت حط توقيع بس رح حط

[ريحانة القدس]

شكرا علي الموضوع اخي سوما
بالنسبة الي وللصورة الرمزية اللي بحطها بحب حط صور
أطفال وورود اكتر شي يعني لانو ما في احلي من الطفولة والبراءة والورود
اما قصة شاب حلو وبنت حلوة وهيك صور ما بقتنع فيهم بالمرة
وقبل لاقرأ موضوعك فت علي المنتدي وغيرت الصورة الرمزية لصورة القدس الحبيبة
لانها القدس اللي بحبها وبعشقها وبتمني اني صلي فيها ولو ركعتين بحياتي

اما قصة التواقيع فأنا مو حاطة توقيع الي وانتو اكيد ملاحظين والسبب بسيط جدا
انو ماظابط معي ولا توقيع يعني كل ما حط توقيع ويعجبني مو راضي يظهر ليش مابعرف
وين المشكلة ما بعرف فتركت التوقيع وبطلت اهتم حط توقيع بس راح جرب مرة تانية وحط توقيع يمكن يزبط معي ويظهر وان ما طلع كمان مرة راح اترك التوقيع كله "بس لا حد يضحك علي لاني فاشلة بادراج توقيع"هههههه

وتحيااااتي لكم

[ImmortalSwan]

هلق أنا ما بعتقد أنو يكون حدا من الشباب الواعي يلي بلمنتدى هون يكون عم يحط صورة لأنو بيتمنى يكون بيشبه الصورة ولا لأنو الصورة حلوة وحابب يكون بيشبها كل أنسان حلو بفكرو وعقلو بس بتخيل أنو الشكل العام للصورة بيخاطب شي عم تحس فيه هل فترة متل مو أنت كاتب
اللهم يا الله
من علينا بالرحمة والمغفرة
والشفاء لنا ولمحبينا ولكل من اراد خيرا للبلاد والعباد
اللهم اشفي وعافي لي طفلي
وسيم
الله يخليلك ياه ويعفي وأنشالله بتفرح فيه يارب
هلق أنا شب بس أذا بتشوف صورة توقيعي صورة بنت بس الصورة بتعبر عن شي جواتي والشعر يلي تحت هو للأمام الشافعي كلام كبير وجميل وبحاجة أني أسمعو وبحب شارك أهلي بلمنتدى بشو عم أشعر والأنسان بيبين من مواضيعو ومشاركاتو عن شو بيدور.
وما بتخيل أنو القصة قصة صورة حلوة أو كلام بس مشان الناس تاخود فكرة منيحة عني.
طبعاً هادا مجرد رأي يحتمل الخطاء أو الصواب.
شكراً أخي العزيز على المشاركة الحلوة والله يعافيلك وسيم يارب.

[Laylac]

اولا الله يشفيلك وسيم ويعافيه ويقوم بالسلامة وتفرح فيه يارب

ثانيا ... يعني الصورة الرمزية او التوقيع انا من رايي بيعبروا عن الشخص وعن الحالة اللي

عم يعيش فيا

يعني اللي بيحبوا الورد بيحطو ورد

اللي بيحط صور اطفال كمان بيكونوا بيحبوا الاطفال

واحيانآ كمان بتلاقي صور للفنانين او المطربين

متل الامورة الحلوة (( نجلاء فتحي )) حاطة صور لــــ مي عز الدين

بالنسبة الي صايرة عم غير الصورة او التوقيع حسب حالتي النفسية

متل مو شايفين الصورة في بالعين دمعة حزينة ..... لاني عم مر بظروف صعبة ومؤ لمة

والتوقيع نفس الشي عم اشكي للبحر همي بس ما استفدت منو شي

ملاحظة ...... توقيع ابو يمان كتير عجبني

وتوقيع ابو فراس كتير زعلني والله
أيه والله يا جماعة
أنا استقلت من شغلي بعد مشاكل كتيرة وكبيرة وحاليا عاطل عن العمل
بقا يا جماعة دبي شدولي الهمة شوي
[Only registered and activated users can see links]


روح يا ابو فراس الله يسرلك امرك ويبعتلك الخير ويهيئلك شغل ترتاح فيه ... قولوا آآآآآآآآآآ مين ..
سلام ....

وبالشفاء العاجل لوسيم ..... يارب

[دلوعة و نص]

ههههههههه انا بختار صور غريبة كنت دور على صور بنات حلوين لانها بتجذب الانتباه للعضو يعني متل التياب الحلوة
بس لقيت في اشياء بالدنيا اهم واعمق من الجمال حاليا انا عم دور عل هالشغلات !!!
توقيعي هو مجموعة افكار تلقائية كتبوها رفقاتنا بالمنتديات حبيتها وجمعتها ,,
حلوة الفكرة بس ليش عم تخوفينا بالنقيفة ؟؟

[Laylac]

حلوة الفكرة بس ليش عم تخوفينا بالنقيفة ؟؟

عم تخوفينا :cheesy::cheesy::cheesy::cheesy::cheesy:

دلوعة ونص وتلت رباع

ياحلوة سوما شب مو بنت .... والله يسامحك على ها الصورة الرومانسية

ابو وسيم نصيحة اخيرة ها ... غير اسمك

:fotieee2:

[أب يمان]

قبل كل شي ربي يشافي ويعافي طفلك وياخد بايدك يارب وان شاء الله بيطيب وبتشوف ولاد ولادو يارب كلنا عمنمر بنس الظرف فا ارجو من الله عز وجل يحفظو ويشلفية يارب

انا كنت حاطط صورة ابني بتوقيعي بس بناء على طلب كتير من الاعضاء وبالاخص واشي اب خالد الله يخلية هددني بالفصل من المنتدى الا شوي اذا ما بشيل صورة ابني والله يجزية الخير يارب

وابالنسبة للتوقيع يلي حاطو هلئ انا كل يوم قبل ما انام بدعي بها الدعاء وصدقني بنام مرتاح البال والحمد الله

الله يطمن قلبك على الصغير ويشافية يارب

[Deena]

انا كنت حاطط صورة ابني بتوقيعي بس بناء على طلب كتير من الاعضاء وبالاخص واشي اب خالد الله يخلية هددني بالفصل من المنتدى الا شوي اذا ما بشيل صورة ابني



أبو يماااااااااااااااااااا :waaaa:اااااااااااااااان ..... قلة فرق يعني .....
هلأ ليش ما بتعتمد الوسطية؟؟؟......... يعني معقول تغير من يمان القمر لصورة قمة بالرعب :surprisedd:

واشي دخيل عينك بركي بترجع بتهدد أبو يمان من جديد و بيحط شي ظريف :fotieee2:

بالنسبة إلي.... ما بعرف ليش ما خطر ببالي حط صورة ، بس إذا بدي حط أكيد رح أختار صورة للشام....

أما توقيعي ( لا أحد يقهر الزمن ) يلي مأخود من حنا مينه ، أنا لما حطيت التوقيع كنت قرأت هالجملة وقتها من فترة قريبة و حسيت أنو فيها كتير من القناعة و القوة و بنفس الوقت حسيت فيها شيء من المواساة إلي بسبب ظروف كنت عم بمر فيها بهداك الوقت...

بعد هيك بفترة أكيد قرأت كتير أقوال أحلى و أقوى يمكن ، بس مشكلتي أنو ما بحب التغيير يمكن مشان هيك ما غيرتها ، هاد طبع فيني بشكل عام للأسف ، بثبت على شي و بتكسلن أنو جدد...

للجميع مودتي و احترامي....

[tala]

انا كتير بحب تاليا لهيك حطيت الصورة هي لا اكتر ولا اقل وبشوفها حلوة وبس وبغيرها اذا بدك يعني اذا ما حبيتا

[Spectrum]

شكرا للجميع

1- ريحانة القدس :انت انسانة مميزة ومشاركاتك جميلة ........... شكرا
2- immortalswan يا عزيزي هالشي يللي كنت حابب اعرفو من ورا هالموضوع . تعبيرك بالتوقيع كتير عميق المعنى وما بتوقع كتير فهمو القصد منو ......... شكرا الك
3- رهينة الاحساس : والله كنت رح اسألك انو شو سبب هالدمعة وليش ولمتى رح تبقى موجودة لانو بس الزعل طول بيتحول ليأس وهون بتكون المشكلة يللي لازم ننتبه الها
وبالنسبة لتغيير الاسم , مالي شايف فرق لانو بالواقع في ناس اسمهم بياخد على الاحتمالين ( شب وبنت ) واذا غيرت الاسم بيتوجب علي نزل اعتراف تاني وهيك بلاقي في بوجهي محضر شرطة بأخير ( ومو ناقصني كرمال الله اعترافات )
4- دلوعة ونص : اذا هيك لكن رح ابعتلك صورتي . مع تحيات ابووسيم
5- ابو يمان : حبيبي شكرا الك بس معقول يطلبو منك تشيل صورة ابنك - ليش - وين الديمقراطية
6- دينا يا عزيزتي : الزمن هو الله - هكذا سمعت - لاتسبو الزمان فأنا الزمان - شكرا الك
7- يا عزيزتي تالا : صورة حلوة واختيارك حلو . شكراالك



شكرا للجميع مع انو حبيت نشوف مشاركات اكتر وخصوصا انو في اشياء الواحد بيعبر عنها بس بيكون بدها توضيح ليفهموها يللي حواليه

مع تحياتي وتمنياتي بدوام الصحة للجميع

[Laylac]

وبالنسبة لتغيير الاسم , مالي شايف فرق لانو بالواقع في ناس اسمهم بياخد على الاحتمالين ( شب وبنت ) واذا غيرت الاسم بيتوجب علي نزل اعتراف تاني وهيك بلاقي في بوجهي محضر شرطة بأخير ( ومو ناقصني كرمال الله اعترافات )


:cheesy::cheesy::cheesy:

لا ابو وسيم بلا اعترافات احسن اذا بدا توصل للشرطة :iskot:

طيب غير الصورة وكتب فيا ابو وسيم

(( انا شو بدي .... وشو دخلني لعمى شو انو معلقي كبير وحشورة :reaper: ))

سلام ...:fotieee2:

[Spectrum]

لك بتموني رهينة الدمعة الحنونة


والله والله بتموني


شوفي

رح قلك شغلة

ابعتي شي صورة من عندك
وحطي يللي بد ياه


وان شاء الله رح احطها

تكرمي


سلامات

[Abu-Firas]

الله يعافيلك وسيم وتفرح فيه على طول
شكرا رهينه على دعائك والله يتقبل منكانا الصورة الرمزية دايما لازم تعكس شخصية العضو او على الاقل تعكس الكاراكتار يلي بيمثله
هاد رأي مشان هيك انا لما دخلت عالمنتدى اول شي كان صورة مهرج لانه كنت عم العب واتسلى وبعدين حطيت صورة القبضاي لانه حبيت ابدو بشخصية الجدع يلي ما في بعدو
ومرة حطيت صورة سعدان لانه كنت عايش حاله من السعادة لتصل لمرحلة السعدنه
وهلق شون كونري لانه شخص عميق وكبير بالعمر و شكله كتير حلو يعني متلي
:embaressedd:

اما التوقيع فهو شي بيرمز لحالة انا عم عيشها او رسالة حابب مرقها من تحت الطاوله
يعني مو شرط تعكس شخصيتي متل الصورة الرمزية بس اكيد بتكون مقصودة .....
:3ageeb:

[Spectrum]

يا ابو فراس


بهنيك


دنت كده ....................... تمام

على قولة المصرية

حبيب قلبي