ماهو شعورك عندما تكتشف خيــانه أعز الناس لك [الأرشيف] - منتديات طريق سورية
المساعد الشخصي الرقمي

مشاهدة النسخة كاملة : ماهو شعورك عندما تكتشف خيــانه أعز الناس لك

ع راسي ريشة
07-07-2007, 00:57
ماهو شعورك عندما تكتشف خيــانه أعز الناس لك

في زمن اصبحت الماديات هي كل شئ

أصبح الشخص منا لا يفكر إلا بنفسه لا تهمه مشاعر الآخرين وأحاسيسهم


في زمن تغيرت فيه مفاهيم الحياة


ظهــــــــرت الخيــــــــــانة

تحب وتصدق وتوفي وفالآخر يخونونك


على كلن
مـــــــاهو شعورك عندما تكتشف خيانه أعز الناس لك
مــــــاهو موقفك تللك اللحظة
مـــــــاهي ردت فعلك



ارجو من كل الذين يمرو من الموضوع ان يبدو وجهة رأيهم ونظرتهم ودمتم بخير
RANA
07-07-2007, 04:08
الخيانة يمكن لاني تعرضت للخيانة وتنذكر ماتنعاد بتخليني وقف واتكر
بتعرفوا شو:
الخيانة بدها قوة كبيرة لتنتسى بس الشخص يلي بيتجرأ يخون هو اقل من انو حدا يوقف عندو او يحكي بسيرتو حرام الوقت يضيع عليه
لذلك الخائن مابدو غير الواحد يقلو الله ايسرلك وانتبه من حساب رب العالمين وهالكلمتين اكيد مارح ينساهن
اهم شي يلي تعرض للخيانة لايخليها توقف بطريقو لانو اكيد رح يجي يوم ويشوف بعيونو الحق
أب سن دهب
07-07-2007, 08:32
أب ريشة ...مع انو موضوعك حلو ...بس ليش غيرت سياستك المعادية للنساء....!!!!
هلأ بالنسبة لموضوع الخيانة .. انا بالنسبة الي ...بعتبر انو للخيانة اشكال كتير ..يعني مو ضروري واحد يكتشف حبيبيتو او خطيبتو او مرتو على علاقة مع شخص تاني لحتى تكون عم تخونو...ممكن اذا كذبت عليه تكون عم تخونو كمان...
انا بالنسبة إلي بعتبر انو الكذب هو البداية بكل شي مو منيح ...يعني حتى الخيانة بدايتها من الكذب ...لذلك انا بسامح بكل شي ما عدا الكذب ...
Spectrum
07-07-2007, 11:22
واالله يا اب ريشة

الخيانة

حسب الشخص

خيانة المرأة لزوجها مو متل خيانة الرفيق لرفيقو

وخيانة الضابط بالجيش مو متل خيانة عسكري فصعون

وخيانة الانسان لنفسو هية اصعب شي واللي بتتمثل بالكذب ؟؟؟؟؟؟؟؟؟؟؟؟؟



هذا رأينا الكم بصراحة يا ابو ريشة
دعزق
07-07-2007, 13:24
وخيانة الانسان لنفسو هية اصعب شي واللي بتتمثل بالكذب ؟؟؟؟؟؟؟؟؟؟؟؟؟


يسلم تمك يا ابو وسيم

على العمووم الانسان لاززم يتعلم

وما يوقف عند خيانة اي شخص الو

الدنيا لسا بخير
دلوعة و نص
07-07-2007, 13:54
تجربتي مع الخيانة كانت مع اعز صديقة او صديقتي الوحيدة مع اول شخص بجد حبيته
لما عرفت حسيت بالصدمة حسيت خسرت اهم شخصين بحياتي مالقيت مبررات لقيت حالي بوجه شئ بيسموه خيانة ,, طعنة بالظهر ,,
شو كانت ردة فعلي معه اخرجته من قلبي بدون اثار وبدون نزيف !!
معها كان الوضع اصعب بكتير لانها من صغري هي رفيقتي وبيت سري ماقدرت غير اني اسكت
ومتل مابيقولوا حط على الجرح ملح بس ماقدرت ارجع معها متل قبل ..
legend
07-07-2007, 19:51
الخيانه اصبحت امر شبه عادي للبعض ..

وطبعاً الكل بيعرف انو الخيانه انواع ..

اعظمها خيانة احد الزوجين ..

فطبعاً هون بيلعب درجة الأنفعال والهيجان

لدى الشخص فبعض الناس يمكن مايتحملو الصدمه

ويروحو فيا والبعض يمكن تؤدي الى الشلل ...الخ
beautiful
08-07-2007, 11:46
الخيانة ...
صعب بالعادة اننا نستوعبها خاصة من اعز الناس...
لانو جرها يكون عميق ...
بس الخاسر الوحيد هو من خان لانو أكيد رايح يفقد مكانتو ...
raina
10-07-2007, 02:43
السبب الأول إنو الإنسان يتعرض للخيانة هو طيبة القلب مع الإنسان الغلط

لهيك لازم الإنسان يكون كتير حذر وما يوثق بشخص ما بيعرفو مزبوط..و ما عاشرو لمدة طويلة

و برأيي الشخصي إنو تلاتة بس فيك توثق فيهن مية بالمية وهنة أبوك وإمك و نفسك

أكيد هالشي ما بعني إنو ما في بالمطلق ناس كويسين بس للأسف نادرين و محظوظ كتير
اللي بلاقي صديق قمة بالوفا أو حبيب بيعطيك و بفضلك على نفسو.

بالنسبة للموقف والشعور وردة الفعل..حاول تشغل حالك بشي يبعدك عن التفكير باللي صار
و مجرد يجي هالشخص ببالك فورا اطردو ولا تسمحلو إنو يشغل أي حيز من دماغك

الصدمة بتكون صعبة بس الإنسان الله بهون عليه و بيتأقلم عالوضع الجديد..المهم الإرادة