لو انك ابن مسؤول او والدك او والدتك مستلمة منصب

[Spectrum]

لو انك ابن مسؤول او والدك او والدتك مستلمة منصب

وهالمنصب بيجيب مال عن طريق غير شرعي

وممكن يكون حتى على ضرر الناس ( كمهندس بيستلم مشروع مو صحيح التنفيذ ) ( او قاضي بيحكم بين اثنين والحكم مو سليم مقابل مال )

وتحس انت بالهشي

شو بيكون موقفك بصراحة

ضمنيا وعلنيا يعني ممكن تحكي معاه بشعورك

شو شعورك من نظرة الناس الك وانت بتعرف انو بيعرفو ابوك مؤذي للناس ومرتشي

اذا سمحتو شاركو بنوع من الجدية

[Sugar]

راح احكى بشكل عام ...

اذا الاب و الام اللى هنن المفروض يكونو قدوة للاولاد و هيك عم يعملو

فا بظن الاب او الابنة راح يشوفو هل الشى عادى ...و بظن هادا اللى عم يصير هلق

شكرا

[Figo113]

لو ابوي مسؤول ماكنت بالغربة ,, ؟؟؟


سلام ...

فيغووو ...

[Spectrum]

المشكلة انو يصير الوضع عادي

وهو مو عادي


شكرا الكم

[أبو ناجي]

فيغو الجميل هههههههههههههههههههههههه والله رد جميل

هههههههههههههههههههههههههههههههههههه


* والله لو كان بابا الله يرحمه حرامي رح قول عنه حرامي...والله على ما اقول شهيد

مرة كنت مع ابن مسؤول من زمان ..راكب بسيارته ...انفتحت سيرة عن نظافة اليد وهيك امور

عم يحكي انو ابوه نظيف اليد ومن هالكلام ..طبعا اشتغلت المجاملات ...نطيت والله وقلت ..شو عرفنا انو ابوك فعلا متل ما عم تقول ؟ هالشي بعلم رب العالمين ...وقتها ...او من وقتها ...قلب خلقته هديك القلبة ...ومنيح بالناقص من هيك شخصيات ...

[نجلاء]

شو بيكون موقفك بصراحة
كبنت صعب اني احسن اعمل شي...لانو انا مو متل الشب اللي بيحسن يترك بيت أهلو و يسكن لحالو حتى لو كان عندو وارد(شغل نعني)
ممكن اني احكي مع أبي او امي و قلون انو هادة الشي غلط...
ما رح يطلع بإيدي أعمل اكتر من هيك...
شو شعورك من نظرة الناس الك وانت بتعرف انو بيعرفو ابوك مؤذي للناس ومرتشي
هو الحقيقة ما زيادة بتهمني نظرة الناس لما بدهون ينظرولي اني بنت مرتشي و هنن اللي عم يرشو ابي المرتشي...
أصلا لو بعرف انو الرشوة غلط و انا ما برضى عنها...ما رح لحق أو لاقي فرصة اني اشعر بشعور الخجل إدامهون...
لانو رح لاقيهون كلهون عم ينحدفو عليي من كل حدف و صوب و يقولولي ابوكي هو احسن واحد بلعالم و مافي منو و سمعتو متل المسك و الله يخليلك ياه و اللزي منو...بتعرفو الباقي

بس السؤال اللي يمكن كان لازم تسألو...انو شو بيكون شعورك لما ابوك او امك كاااااااانو مستلمين منصب و كانو يرتشو و الناس بتعرف انهون مرتشيين

بس انو بيني و بين نفسي انا ما رح كون رضيانة عن هلشي اكيد و إزا بيطلع بإيدي بغيرو

ايييييييه...لك اتزكرت متل مدري مقولة مدري شغلة بتقول...
قال شغلتين ما بيندرى فيهون عنا...غلطة الغني....و موتة الفقير...

كني ناويين تجيبو آخرتي انتو؟؟ انا شو جابني لهون؟:reaper:

سلام و على الاغلب ليس لي عودة:fotieee2:

[princeoflaw]

اولا علينا ان لاننسى بان الانسان ابن البيئة التي يعيش فيها ومعها ولايستطيع ان ينسلخ تماما عن هذه البيئة كم ان البيئة لها دور اساسي في تكوين شخصية الانسان وماهية المواقف والمبادئ
وذلك حسب عدة نظريات ومنها نظرية العالم لامبروزو
فاذا كان والدي يضر بمصالح الناس بواسطة المنصب الذي يشغله على الاقل ان يكون لي موقف ومبدا (معارض لهما)
ثانيا اذا كان الشخص مستفيد من منصب والده او والدته وعلى سبيل المثال كاان تأمن له مصروفه او بيت او سيارة فهذا على الاغلب لن يستطيع ابداء رايه وهو مشارك بهذا الفعل او الجريمة اذا صح القول
ارجع واقول يجب ان يكون للشخص مبدا وان يكون معتمدا على نفسه كي يستطيع ابدا رايه او نقده لتصرف والده او والدته

[bloom]

لو انك ابن مسؤول او والدك او والدتك مستلمة منصب


انّ لو تفتح عمل الشيطان

[أب يمان]

غزلان في غابة الذئاب

كنت بعمل متل قصي خولي ويمكن اكتر هيك خيو انا طبعي لئيم :embaressedd:
واول شي بعملو بخربلو الحفلة لا ابوفراس

[-PROFESSOR-]

اذا سمحتو شاركو بنوع من الجدية
أنت تحلم على الأغلب ,
فإنك لا تستطيع يا صديقي ,
وخصوصاً في المنتديات ,
أن تكبح بعض هؤلاء اللذين يعتقدون أنهم ظرفاء وخفيفوا الدم .
مستحيل ,
فهم مقتنعون بظرافتهم .

جوابي على سؤالك :::
بما أنني شاب ,
كنت سأحاول أن أخدم الجيل الشاب ,
وأفكر له بحلول ,
وأضغط على والدي لتنفيذها ,
وعندئذ لا ضير من ركوب الهمر والترفيه .
مع تحيات
prof

[legend]

كنت سويت كل شي ببالي..

[Spectrum]

السيد ابو ناجي : صارت معاي قصة قلب وجهو بس بغير اسلوب
نجلاء فتحي : كلامك ذهب لانو بيرشو وبيندحشو بالمسؤول وبعدين بيسبو .... صحيح 100%
عزيزي بللوم : لو تفتح عمل الشيطان ... نعم ....................... موافق بدون تعليق
حبيبي البروفيسور : امر الجدية بالردود ((( مجننتني ))) لمى بيجي جواب موزيادة
الاخ ليجاند : ان شاء الله ابوك ما بيصير مسؤوول بحياتو غير على عيلتو بس ؟؟؟؟؟؟؟؟؟؟؟





مع شكري واحترامي للجميع

[الدمشقي]

سؤال محير ..
بس يمكن حسب المسؤول .. بكون ابن مسؤول ..
هيك بعتقد .. مازلت محتار ..

[Spectrum]

لا تحتار ولا يهمك حبيبي يا دمشقي


قول لاحول ولا قوة الا بالله العلي العظيم

[مجد ألدين]

اذا كان والدي مسؤلان وكانا يحسنان العمل بدون واسطه ومحسوبيه فانني افتخر اما اذا كان العكس فانني احاول الاصلاح في اسلوبهما لصواب

[أب يمان]

أنت تحلم على الأغلب ,
فإنك لا تستطيع يا صديقي ,
وخصوصاً في المنتديات ,
أن تكبح بعض هؤلاء اللذين يعتقدون أنهم ظرفاء وخفيفوا الدم .
مستحيل ,
فهم مقتنعون بظرافتهم .

جوابي على سؤالك :::
بما أنني شاب ,
كنت سأحاول أن أخدم الجيل الشاب ,
وأفكر له بحلول ,
وأضغط على والدي لتنفيذها ,
وعندئذ لا ضير من ركوب الهمر والترفيه .
مع تحيات
prof


بتعرف انك بجد ظريف كتير يا برفسور
وخفيف الدم كمان جد انتة مومعقول يعني ظرافتك مبينة
من صورتك الله يحميك ويخليك لاامك اللهي