كلمة للأبد شو انها قاسية

[nadia]

شو صعب ينقلك انو انت فقدت شي عزيز عليك للابد او انو ما رح تشوف شخص عزيز عليك للابد يمكن يكون الموت هو يلي فرق بينكن....او الظروف...بغض النظر عن السبب بس الشي يلي بتعرفو انو انت للابد هل شخص انمحا من حياتك كمان مو شرط تكون فقدان شخص...ممكن تكون فقدان اي شي....

كلمة للابد شو انها قاسية....
صايرة عم تتزامن مع الاشياء يلي بتكون وقعها قاسي اكتر من الكلمات او الحالات يلي بتفرح..وبتجلي الصدر...

يمكن تتغرب...وللابد ما عاد ترجع لبلدك....
يمكن تفشل بدراستك وللابد ما عاد تقدر تدارك الموقف شبهتا متل موعد قطار راح عليك......وما عاد يجي قطار غيرو والمشكلة انو القطار وهو ما شي عم يلغي السكة من وراه...
يعني حتى مشي ما عاد فيك تلحق القطار حتى لو قررت تلحقو وما استسلمت للياس وقعدت وحطيت رجل على رجل
ممكن حدا غيري يشبه الابد تفسير تاني بعيد عن يلي انا قلتو...

وممكن كمان تاخد كلمة للابد منحى تاني....غير الفقدان.....

متل انو يصير عندك جرح بقلبك وانت بتعرف هل جرح لو بتموت ما رح يلتئم...يعني راحت معك مواتية (للابد)

بس يا ترى...
رح يجي يوم ويكون فيه هل بني ادم مرتاح فيه للابد!!!!؟؟؟؟

[RANA]

يمكن اقسى احساس بالوجود لما بيحس الانسان في شي راح من حياتو للابد او لما بينزرع بقلبو جرح مابروح للابد يمكن وصف هالشعور صعب ولو بنحكي فيه للابد مابغتقد بنوفيه جزء من وصفو يمكن لانو في هيك لحظة بتمر لما بنحس بكلمة للابد بتاخدنا لمطرح اللاوعي مابنعود بنستوعب الفكرة هي حقيقة ولا خيال والاقسى لما بتطلع حقيقة واي حقيقة ياريتنا ماسمعناها يمكن لما تنين بحبو وواحد فيهن بقرر يروح للابد بحس الانسان انو في شي من الوجع والالم نزرع للابد ومافي شي بيمحيه شو بدي احكي عن الابد للاسف احساس الرحيل للابد سواء الموت او الفراق هو احساس بانو البني آدم عايش بس مابكون على قيد الحياة

[Laylac]

هاالكلمة كتير صعبة والاصعب تعيشيا ومسحتيل تقدري توصفي ها الشعور

انا عشتا ولاهلق عم عيشا بكل لحظة ما في اقسى منا ...الحمد لله على كل شي

بس يا ترى...
رح يجي يوم ويكون فيه هل بني ادم مرتاح فيه للابد!!!!؟؟؟؟


لا راحة لمؤمن الا بلقاء ربه .... الله يرحمنا ويصبرنا على ها الحياة الصعبة

[ريحانة القدس]

بس يا ترى...
رح يجي يوم ويكون فيه هل بني ادم مرتاح فيه للابد!!!!؟؟؟؟


منين راح تجي للانسان الراحة الابدية
راح تجي في نهاية عمر الانسان ونهايته من هالدنيا
نادية موضوعك كتير رائع فما اصعبه من فراق وبعد وجفا وفقدان اشياء حلوة كتير كانت بحياتك
يسلمووووووو نادية

[ابو المجد xx]

كلام حلو متقن مشكورا ناديا عالموضوع الحلو

[anasabboud]

شكرا كتير..أنا في عندي جرح بقلبي كبير...وهو فقدان أمي..الله يرحمها...توفت بحضني بعد مرض عضال..ومافي أصعب من فكرة أنو ما رح شوفها بحياتي..الفراق الأبدي..صعب ..صعب...
بس بيعزيني أنها كانت امرأة مؤمنة وانشالله مثواها الجنة يا رب....
الفراق صعب وما بتمنى أنو حدا يعاني منو متل ما عانيت...كل يوم بشوفها قدامي..وبعيش نفس اللحظات اللي عشتهون من سنة ونص وقت اللي توفها رب العالمين...واللي زاد الموقف قسوة..أنها توفت بعيد الأم...رحمة الله عليك يا أمي...


شكرا على الموضوع ناديا...

[nadia]

شكرا كتير..أنا في عندي جرح بقلبي كبير...وهو فقدان أمي..الله يرحمها...توفت بحضني بعد مرض عضال..ومافي أصعب من فكرة أنو ما رح شوفها بحياتي..الفراق الأبدي..صعب ..صعب...
بس بيعزيني أنها كانت امرأة مؤمنة وانشالله مثواها الجنة يا رب....
الفراق صعب وما بتمنى أنو حدا يعاني منو متل ما عانيت...كل يوم بشوفها قدامي..وبعيش نفس اللحظات اللي عشتهون من سنة ونص وقت اللي توفها رب العالمين...واللي زاد الموقف قسوة..أنها توفت بعيد الأم...رحمة الله عليك يا أمي...

عزيزي أنس عبود..... أعتذر إن كان موضوعي سبب لك أي نوع من الإزعاج وفتق لك جروحاتك.... أعتذر إن كنت سببا في عودة أي ذكريات مؤلمة لك.....
بالفعل فقدان الأم خصوصا فاجعة كبيرة..... لا أستطيع حتى تخيلها.... شيء مؤسف للغاية....
لكن احمد الله أن والدتك كانت إنسانة مؤمنة..... يكفيك عزاء كما قلت أنت....
الله يرحمها ويجمعك بها في أعلى الجنان.....
الاَن عرفت سر توقيعك...
تحياتي...

[مهرة عربية]

و الله هالمشاركة فتقت جروحاتي أنا كمان خصوصا مشاركتك يا أنس خلت الدمعة تنزل من عيني ......
كلماتك مؤثرة نادية ذكرتني بشابة كتير عزيزة عليي توفيت بمرض وفقدتها للأبد
و شخص تاني مهم كتير بحياتي فقدته جزئيا مع أنه حي يرزق و يمكن هاد الأصعب
حبيت أكتب هالكلمات لقول لأنس مو أنت وحدك فقدت شخص عزيز و مهم كتير بس على الأقل لما بيكون إيمانك أن الشخص اللي توفى انسان صالح بتعرف أنه انشاء الله انتهى عذابه و معاناته بهالدنيا و أنه مابقي من الفاجعة إلا فقده في الحياة و انتظار الالتقاء به في الجنة إن شاء الله
المشكلة لما الحياة بتسرق منك عزيز و هو حي يرزق و بيصير بينك و بينه حواجز و مسافات و بتحنله كتيير من الأوقات بس للأسف بتعجز عن ملاقاته أو الاتصال فيه ، حتى أنك بتقلق عليه و بتتمنى تعرف شي عن أخباره و بتخاف أنه يكون عم يعاني أو بمشكلة أو أنه محتاجك و تعجز عن فعل أي شيء و تكتفي بالوحدة و الدعاء له......

[Abu-Firas]

يمكن تتغرب...وللابد ما عاد ترجع لبلدك....

على فكره هي الجملة جرحتني

مو انت السبب ابدا ........... السبب بلدي يلي ما وفرتلي الحياة الكريمة
يلي طفشتني وخلتني اشتغل و اسس بمكان تاني ولناس تانيين
البلد يلي عم شوفه كل يوم عم يرجع لورا و العالم كله عم يتقدم لقدام
الناس يلي كانو يسألو على بعض وهلق ماعاد حدا بده يعرف اخبار حدا
للزمن يلي صار فيه الشب من عمر العشرين خايف من بكره وماعنده امل منوب
للوقت يلي راحت منه البركه وماعد عرفنا ايمتى طلع النهار وايمتى خلص الليل غير من الصلاة

كل هدول شكلن رح يضلو للابد ...........

وانا رح ضل للابد .......................

فتقتي جروحاتي على هالجملة

بس بدون مجاملات موضوع حلو وحاسس النقاش فيه حيكون مثمر اكيد

[nadia]

على فكره هي الجملة جرحتني

مو انت السبب ابدا ........... السبب بلدي يلي ما وفرتلي الحياة الكريمة
يلي طفشتني وخلتني اشتغل و اسس بمكان تاني ولناس تانيين
البلد يلي عم شوفه كل يوم عم يرجع لورا و العالم كله عم يتقدم لقدام
الناس يلي كانو يسألو على بعض وهلق ماعاد حدا بده يعرف اخبار حدا
للزمن يلي صار فيه الشب من عمر العشرين خايف من بكره وماعنده امل منوب
للوقت يلي راحت منه البركه وماعد عرفنا ايمتى طلع النهار وايمتى خلص الليل غير من الصلاة
كل هدول شكلن رح يضلو للابد ...........
وانا رح ضل للابد .......................
فتقتي جروحاتي على هالجملة

للأسف أخ أبو فراس.... كلامك صحيح مية بالمية.... أنا عشت هذه التجربة وتغربت عن بلدي بضع سنوات....والله الواحد وقت يعيش فيها يكون مسرور بالتمتع بالحضارة وتعامل شعبها الراقي لاَخر حد معك.... ولكن شيء وحيد يجعلك تشعر بالجزع والحزن .... هو عندما تقارن الحياة التي تعيشها في بلد غريب عن تلك اللتي عشتها في وطنك الحبيب....شيء مؤسف... لماذا يضطرني وطني لتركه مرغما والسفر نحو المجهول؟؟!!!!
لكنني مهما بعدت وطال بي الغياب لن أنسى المكان الذي أنتمي إليه وأتمنى له الأفضل من أعماق قلبي...
عندي بيتي شعر للإمام الشافعي يعجبني كثيرا وأعتقد أنه سيعجبك..
تغرب عن الأوطان في طلب العلا***وسافر ففي الأسفار خمس فوائد
تفرج هم و اكتساب معيشة***و علم و اَداب و صحبة ماجد

في النهاية شديد اعتذاراتي للجميع الذين عكرت كلماتي صفاءهم.... لم أقصد تفتيق الجروح...

[Laylac]

في النهاية شديد اعتذاراتي للجميع الذين عكرت كلماتي صفاءهم.... لم أقصد تفتيق الجروح...

بالعكس ناديا مو انتي السبب

بس لما بيكون الجرح عميق وبيحفر بالقلب ما بينتسى بسهولة

بس انا عن تجربة بحب قول انك تفقدي شخص للابد بس هو عايش وبعيد عنك وما بتعرفي عنو شي اسهل بمليون مرة مايكون الشخص متوفي

وانا والحمد لله صاروا شخصين وغاليين كتير كتير والله صعبة عن جد احيانا ما بصدق انو هيك صار بقول لحالي اكيد هاد حلم والا ما اصحى منو ..

بس بعرف اني عم اضحك على حالي

الله يرحمون ...... هيك الحياة ما في شي حلو

اللهم ارحم المؤمنين والمؤمنات الاحياء منهم والأموات

[The Hunter]

ممكن تراودني هالمشاعر الحزينة بكتير من الأحيان ما بقول لأ بس يلي بيطالعني منها وبيفتح قدامي الطريق من جديد وبيجنبني اليأس القاتل أو الاستسلام التام هو تذكري للآية التالية من سورة الحديد:

{اعْلَمُوا أَنَّمَا الْحَيَاةُ الدُّنْيَا لَعِبٌ وَلَهْوٌ وَزِينَةٌ وَتَفَاخُرٌ بَيْنَكُمْ وَتَكَاثُرٌ فِي الْأَمْوَالِ وَالْأَوْلَادِ كَمَثَلِ غَيْثٍ أَعْجَبَ الْكُفَّارَ نَبَاتُهُ ثُمَّ يَهِيجُ فَتَرَاهُ مُصْفَرّاً ثُمَّ يَكُونُ حُطَاماً وَفِي الْآخِرَةِ عَذَابٌ شَدِيدٌ وَمَغْفِرَةٌ مِّنَ اللَّهِ وَرِضْوَانٌ وَمَا الْحَيَاةُ الدُّنْيَا إِلَّا مَتَاعُ الْغُرُورِ }الحديد20

صدقوني يا جماعة الخير كل هموم الدنيا يلي شايفينها كبيرة وتقيلة بتصير عبارة عن ريشات صغار وقشور بصل لما منفكر بها الطريقة .... في بيت شعر بيطن بإدني كل ما تعرضت لمصاب أو كارثة دنيوية البيت بيقول

وتعظم في عين الصغير صغارها×××وتصغر في عين العظيم العظائم

مع تحيات أبو صطيف المتفائل دايمن:3ageeb:

[نورس ابيض]

صباحو ...

هل كلام مظبوت ميه بالميه بس بلنهايه اي حياه ومافش شي كامل ودايما رح نتعرض لمواقف وحياه صعبه بس الصبر والايام والوقت رح يصبرنا على هلصعوبات والمواقف والحمد لله انه ربنا خلق النسيان ..:cry5: