تمسح شعوري [الأرشيف] - منتديات طريق سورية
المساعد الشخصي الرقمي

مشاهدة النسخة كاملة : تمسح شعوري

رغـــ R ــد
01-07-2007, 10:39
مرااحــــب ومية هلا

موضوعي ببساطة عن التماسيح والتمسحة والمشاعر المجمدة

بظن انو لما الواحد يتعود على شغلة بتبطل فارقة معو


مثلا مثلا

انا مرت فترة من كتر ما آكل بهادل من الماما بطلت ازعل ولا يهمني

تعودت على هالشي .. وبيجي اوقات بتجيني الضحكة لأني بنسى اسمع شو هي البهدلة وعن شو بتحكي ووين غلطانة انا

بقعد اتفرج على تم ماما هو وعم يتحرك

وكماااااان

من كتر ما ودعت ناس بحياتي

بالأول كنت ازعل كتير واعمل بحيرة بدموعي

خاصة الغربة الله يسامحها بتبعد الاخوات عن بعض

نفس الشي بطلت تفرق معي هلأ

وبالسوري

تمســـَحِــت



طيب السؤال ... هالتمسحة بالمشاعر سلبية ولا اجابية ؟

عنجد هي بتجي بالتعود ؟؟ أو على حسب الشخصية
Spectrum
01-07-2007, 11:28
هلآ اولا

مرحبا برجعتك

تانيا

اسلوبك بالتعبير حلو
السؤال كيف عالواقع

تالتا

ما في شي اسمو تمسح الشعور

في حالات بيصير الواحد بمعنى (( بيبيعها ))

نتيجة الملل او التعويد على وضع بيتكرر كتير وخصوصا على مستوى العائلة

مثلا ماما كانت بتحب الدراسة كتير وكانت روح قلبها كلمت (( قوم دروس )) (( يا ابني بكرة الفحص بيجي ؟ مع انو منكون بالشهر الاول بالسنة الدراسية )) وكنت لما خلص الفحص اخر السنة اجي لعندها واقول
يالله لاقي شي تلاحقيني فيه هي الدراسة راحت
وفعلا هالشي خلاني بعد عن الدراسة واكرهها شوي


بس الشي يللي ما لازم يصير

هو ما تعود تفرق معاكي بفراق الناس

برأيي الفراق شي واقع ولازم نكون واقعيين

وفي بنفس الوقت شي اسمه نعمت النسيان

بس لمى بيوصل لمرحلة ما بقى تفرق معاه
هون مشكلة بتتطور لتوصل لتحجر العاطفة والا مبالاة بالعالم ................ وهالشي خطأ
وانا برأيي انو هالحالة ما بتطول لما بيتغير الحال يللي هو فيه
بحسن بقول انو هالحالة جاية من الملل والتعود على وضع
وبكرة مع سفر ممكن مع خطوبة .. مع يعني ؟؟

بترجع بتتجدد الحيوية والاقبال على الحياة

والصدق الحياة حلوة بس نحن وظروفنا يللي منصنعها حوالينا ويللي بتنفرض علينا هية مفوتتنا بالحيط


بدك الصراحة
كتيير
كتييير بتمنى اعرف اخبار الناس يللي تعرفت عليهم وبحاول اوصلهم حسب استطاعتي
وبزعل لمى بلتقي مع شخص كنت اعرفو وبشوف انو تغير وصار رسمي او صار هيك يعني عاطيها حقها ( ليش ما تبقى على عفويتك ومرحك ولمى الموضوع بدو جد .. استحضر الجد واتصرف )
بيجوز انا غلط


مجرد رأي
امير المنتدى
01-07-2007, 16:58
والله هي الحالة عادية وانا عندي هالحالة و مبسوط كتير طنش تعش تنتعش اوك
Spectrum
02-07-2007, 10:37
اوبجكشن



بعترض



موهيك لازم يكون الوضع ابدا


يا سيد امير

لانك على ما فهمت شب

والشب اذا كان هيك

بكرة ولادو شو بدهن يعملو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
smilest
02-07-2007, 10:52
طيب يا رغد وقت بتاكلي بهادل من الماما .. ما فكرتي أن كلامها مزبوط .. وهيه ليش عم تخانقك .. وأنك اتحاولي اتحسني من حالك .. وتسمعي نصيحتها .. وأنها خايفة عليكي وبتحبك اتكوني أفضل الناس

ليش ما بتسمعي النصيحة ليس عم اتصمي أدانك .. هي أكبر منك اسمعيها ثم احكمي ولا تصمي آذانك عنها .. ولا اتمسحي هنا التمسحة سلبية

أما بالنسبة لفقد عزيز هنا تمسحي ليش لأنو ما في فايدة هو بعيد عنك ولن تستطيعي أن تجلبيه إليكي أو تذهبي لعنده البعد مرارة
فإذا كنت على طول متمرمرة فسيسود التعب قلبك وأنت صغيرة على الهم

فهنا عليكي أن تتمسحي مشاعرك وتستمري إلى الأمام ولاتتوقفي عند لحظات الوداع

النتيجة في تمسحة سلبية وتمسحة إيجابية
Spectrum
02-07-2007, 11:05
كلام المبتسمة


سليم ولا غبار عليه

واخص بالقول
تمسحة سلبية وتمسحة ايجابية
رغـــ R ــد
02-07-2007, 11:08
طيــــب

هلأ هي الشغلة مو بإيدي ومافيني اتحكم بمشاعري

يعني يا سمايلست ازا شفتي واحد معصب

من وين هاد بدو يكون عم يقول مصلحتك
شي طبيعي بكون عم يفش خلقو

والكلام بكون طالع من البو مو عقلو

احسنلي اني ما اسمع البهادل

بالنسبة للوداع

سوما يا سوما

انت معناها موافقني انو الحالة هي بتجي من التعود

ليش مو منيحة بقا ؟

مو احسن ما تطق من الزعل ؟

امير طنش تعش تنتعش تعش سعيدا منتعش


بس هاد مو تطنييييييييش

لأنو التطنيش بكون بإيدك و ايمتى ما بدك بتستعملو

اما التمسحة فهي بطلت بإيدك وممكن تحاول تتخلص منها وماتقدر
Spectrum
02-07-2007, 11:34
ممكن


الله يعين كل واحد على عقلو

وادرى بظروفو


ممكن ماما عم تلحقلك من شان واجب عليكي وانتي مقصرة فية (( جلي مثلا ))

انا مرتي كتير بتلحقلي لمى بقصر بدوري بالجلي ؟؟؟؟؟؟؟؟؟؟؟؟؟؟؟؟؟؟؟؟


ومعاها حق
smilest
02-07-2007, 11:52
من وين هاد بدو يكون عم يقول مصلحتك
شي طبيعي بكون عم يفش خلقو

والكلام بكون طالع من البو مو عقلو



رغد هاد الشخص يلي عم يخانق بيجوز ما عم يعرف يعبر
ليش ما تنصحي واتفهميه أنك أنت ما بتفهمي بأسلوب الردع وأن اسلوب التحاور هو الاسلوب الأمثل لك

على كلٍ الله يوفقك
رغـــ R ــد
02-07-2007, 11:56
ممكن


الله يعين كل واحد على عقلو

وادرى بظروفو


ممكن ماما عم تلحقلك من شان واجب عليكي وانتي مقصرة فية (( جلي مثلا ))

انا مرتي كتير بتلحقلي لمى بقصر بدوري بالجلي ؟؟؟؟؟؟؟؟؟؟؟؟؟؟؟؟؟؟؟؟


ومعاها حق


اقتباس من كلام الجارة :: نيالها ام وسيم

ككك
رغـــ R ــد
02-07-2007, 11:57
رغد هاد الشخص يلي عم يخانق بيجوز ما عم يعرف يعبر
ليش ما تنصحي واتفهميه أنك أنت ما بتفهمي بأسلوب الردع وأن اسلوب التحاور هو الاسلوب الأمثل لك

على كلٍ الله يوفقك


تسلمي و يوفقك انتي كمان

خلينا بموضوع الموضوع

يلي هو عن التمسحة

شكرا لمرورك يا اموورة