كبة حلبيه بالصينية [الأرشيف] - منتديات طريق سورية

المساعد الشخصي الرقمي

مشاهدة النسخة كاملة : كبة حلبيه بالصينية


bloom
27-05-2007, 19:18
السلام عليكم

مقادير الكبة

كأسين برغل ناعم
4/1 كيلو لحم هبرة
بصلتين
ملعقة ملح
كأس ماء عند اللزوم
مقادير الحشو
2/1 كيلو لحم مفروم
بصلتين مفرومة
رشة ملح ورشة بهار
2/1 كأس صنوبر وفستق وجوز مكسر
بيضة
ملعقة سمنه


الطريقة:

- يوضع البرغل في صينية ويغسل ويصفى منه الماء ثم يوضع عليه الملح والبصل والهبرة ويدار بماكينة الكبة ثلاث مرات.

- ويوضع عليها قليل من الماء إذا احتاجت ثم تقطع إلى نصفين ويؤخذ النصف الأول ويرق في صينية مدهونة بالسمن بسمك 1 سم تقريباً وتمسد باليد جيداً حتى تصبح كأنها قطعة واحدة.

- ثم توضع عليها كمية من الحشو والبيضة وتخلط البيضة مع الحشو جيداً ثم يوزع الحشو على الصينية وبعد ذلك ترق بقية الكبة وتوضع فوق الحشو ثم تمسد جيداً وتضغط باليد إلى أن يصبح السطح مستوي تماماً.

- ثم نقوم يتقطيعها إلى قطع صغيرة ثم يوضع فوقها ملعقتين من السمن وتدخل إلى الفرن إلى أن تحمر من الأسفل تحمر من الأعلى أيضاً ثم تخرج من الفرن وتقطع جيداً وتسكب في طبق وتقدم ساخنة تؤكل لوحدها بجانب اللبن أو السلطة والمخللات .

ملاحظة : تبلل اليد بالماء عندما تشكل الكبة حتى لا تلتصق باليد ويسهل تشكيلها

وصحه وعافيه علي قلوبكم وبطونكم

هي طيبة وما عليا حكي...اذا بعملا رح تعجبكم أكيد

ليال66
27-05-2007, 20:59
والله الكبة بالصينية أكلة طيبة كتير كتير .. تسلم ايدك بلووم:heartsmall:

smilest
27-05-2007, 21:49
من فترة انعزمت عند جماعة وطعموني ياها الكبة بالصينية على الطريقة الحلبية

وينكن يا حلبية بدي اتآتل أنا وياكم :blehhh:.. ما حبيتها مو طيبة :blehhh:.. مو متل كبة الشام كزب
لاحدا يقلي .. كبتنا أطيب:fotieee2:

bloom
27-05-2007, 22:44
من فترة انعزمت عند جماعة وطعموني ياها الكبة بالصينية على الطريقة الحلبية

وينكن يا حلبية بدي اتآتل أنا وياكم :blehhh:.. ما حبيتها مو طيبة :blehhh:.. مو متل كبة الشام كزب
لاحدا يقلي .. كبتنا أطيب:fotieee2:

له له بسمة....ما بتقدري تحكي عالطبخ الحلبي والكبب الحلبية بالذات

سمعي اتذكرت شغلة ...مره رحنا عالشام انا واهلي عند عيلة خطيبي...وعزمونا على الغدا بمكان حلو ...قللو عمي للكرسون اتوصا بالأكل لأنو هون حلبيه لازم ندوقون الأكل الطيب

قام قللو الكرسون ....نحنه دائما منتقاتل مع الزباين الحلبيه انو ما بيعجبون اكلنا وحقن يا عمي ...لأنو بصراحه مافي بعد أكل الحلبيه وطبخن

بقى جاي تقوليلي كبتكن أطيب.....:3ageeb:

العـGـيد
28-05-2007, 00:33
ليكو يا نسوان ,لا تبلشو خنايق وقتال وشد شعر .......... كل شي الو نكهتو

بس بصراحة الأكل الحلبي أطيب بكتير من الأكل الشامي ,أي عليي الحلال عليي الحلال .. على كم طلعة على حلب ام انس ....... ما بقا بتطبخي غير كباب بكرز وسفرجلية :cheesy:

بلوم لا تردي عليهون ,الأكل الحلبي طيب ......... تتحورأو شهيتوني الكبة :reaper:

mr.mask
28-05-2007, 06:51
ينعن عالم يا أبو الخل شو أنك زلمة ما بتعرف طعمة تمك ........ :fotieee2:

خيو الشباب الحلبية خليهم هنن يحكوا ...... و يقلولك شو يعني أكل شامي و أكل حلبي ...

شوف حبيبي على مساحة الوطن العربي كله كله ها معروف شو يعني مطبخ شامي و مطبخ لبناني .... عرفت شلون ؟؟؟
ليش ما بيذكروا المطبخ الحلبي ؟؟؟؟؟ :blehhh:

حبيبي المطبخ الحلبي الأكل اللي فيه هو أكل متعودين عليه الحلبيين .... يعني كمثال :

- الأكل الحلبي الأصيل هو الأكل يلي بيحوي على كمية كبيرة كتير و كمية قاتلة من الدهون !!!!
و بيحبوا الأكل الحد كمان يعني الفليفلة الحدة يلي بحياتي ما دقتها يلي بتكون متل النااااار عندهم ياها سلطة كمثال طبعاً :3ageeb: ..... انا هدول الميزتين بعرفهم و متأكد منهم عن الأكل الحلبي ...

طبعاً يمكن حكيي في شوية مبالغة .... و يمكن ما فيه مبالغة على حسب الشخص الحلبي لانو في هيك و في هيك .. و انا بعرف ناس فعلاً بياكلوا أكل متل الكلام السابق يعني بالحرفية تبعه ...

- الأكل الشامي يا أبو الخل الحبيب بدك تاكله من ايد شخص شامي اصيل يعني شامي مأصل تمام :3ageeb:وقت تدوق الأكل من تحت ايده يمكن ماعاد تفكر بأكل غير الأكل الشامي ... و حتى ممكن انو يخليك ما عاد تفكر غير بالأكلة يلي أكلتها عنده على قد مو طعمه ساحر و طيب ...... :fotieee2:و هي حلها عندي يا أبو شريك بدي واحد بصفي انا حبيبي يعني احلى الشي طالع انا و انت على حلب تنط هنيك و تقلهم اكل حلب أطيب من اكل الشام اي والله :reaper: ايواااااا ....


هلق منجي لبلوم ::

له له بسمة....ما بتقدري تحكي عالطبخ الحلبي والكبب الحلبية بالذات

سمعي اتذكرت شغلة ...مره رحنا عالشام انا واهلي عند عيلة خطيبي...وعزمونا على الغدا بمكان حلو ...قللو عمي للكرسون اتوصا بالأكل لأنو هون حلبيه لازم ندوقون الأكل الطيب

قام قللو الكرسون ....نحنه دائما منتقاتل مع الزباين الحلبيه انو ما بيعجبون اكلنا وحقن يا عمي ...لأنو بصراحه مافي بعد أكل الحلبيه وطبخن

بقى جاي تقوليلي كبتكن أطيب.....:3ageeb:

تعي لشوف بلوم تعي تعي لقلك :

بلوم المشكلة انو مو كل المطاعم بالشام بيتاكل عندها الأكل الشامي ... فعلاً ما عم امزح ....
يعني انا بقلك انو نص المطاعم يلي بالشام ما بيطلع بإيدها تطبخ طبخة شامية مرتبة أبداً ......


وقت تجي ع الشام خبريني إذا مثلاً ما بدك تعزبي حماتك و تطلبي منها أكلة شامية مرتبة لأعطيكي اسم كم مطعم بيبعت أكل للبيت مو بيكون مطعم لتاكلوا فيه ... هاي المطاعم خاصة بالعزايم و شغلة رهيبة يعني الأكل عندهم كتير كتير مرتب ..... هي وحدة ....

هلق منجي للتانية : اي اي بلوم كبتنا أطيب اطيب ... :fotieee2:

بعدين انا بطلب منك تبعتيلي اسم هالمطعم و شكل الكرسون منشان :reaper: :rockett: لانو هادا الزلمة ضربلنا السياحة و شوه سمعتنا قدام الغربا :3ageeb:


انا جد أكلت بحلب ..... و الأكل بحلب ما عليه حكي و طيب بس بالنهاية أبداً أبداً ما بفضله ع الأكل الشامي ..... أبداً .. :iskot:

وينكن يا حلبية بدي اتآتل أنا وياكم :blehhh:.. ما حبيتها مو طيبة :blehhh:.. مو متل كبة الشام كزب
لاحدا يقلي .. كبتنا أطيب:fotieee2:


اي اي ام انس كبتنا أطيب ..... لكن شو ... اي والله وقت اكل كبة مقلية و شوي مشوية و كم وحدة لبنية من ايد شامية بنسى الدنيا و ما فيها :blehhh:

انا معك ام انس ولا يهمك ... :fotieee2:

بس يالله خلينا نجبر بخاطرهم حرام الأكل الحلبي ماشي حاله جيد ..... :blehhh::fotieee2:


يمكن طلعت عن الموضوع ما ؟؟
اي اي بلوم انا بحب الكبة بالصينية بس مالي دايق الحلبية فبرأيي بعد إذنك ظبطيها مع طبخة الكباب بالكرز متل ما وعدتيني .... وقت اجي انا على حلب منشان جربهم مو أكتر و انت كريمة و انا بستاهل ... :iskot:

ييييي صحي نسيت بدي رأي ابو النوف و ابو خالد و ابو القوص و أبو يمان بالأكل الشامي و الحلبي شو رأيهم بهالموضوع ؟ للثقافة مو أكتر :mrgreen:



MR.MASK

Deena
28-05-2007, 07:09
يعني بالمختصر ، سواء الشوام أو الحلبية ، ماحدا بيحكي عن زيتو عكر :fotieee2:

بس أنا يلي سمعته من زوجي و رفقاته هون كونهم درسوا الطب بجامعة حلب ، أنو الأكل الشامي كتير أطيب من الأكل الحلبي :fotieee2:

لكن.............بالنسبة إلي ، ما عندي مشكلة بنوب ، كبة حلبية كبة شامية كبة رقاوية ( مشان ما يزعل الآغا ) مو مهم بنووووووووووب ، المهم أني آكل أكلة كبة بدون ما أهلك بطحنها و كبكبتها و شويها و قليها و ووووو.....

smilest
28-05-2007, 09:52
بس أنا يلي سمعته من زوجي و رفقاته هون كونهم درسوا الطب بجامعة حلب ، أنو الأكل الشامي كتير أطيب من الأكل الحلبي :fotieee2:

ما في منو زوزك ورفقاته .. بري عليهم
ما سك والله هيأتك بتعرف طعمة تمك .. قلهم قلهم

bloom
28-05-2007, 16:35
بس بصراحة الأكل الحلبي أطيب بكتير من الأكل الشامي ,أي عليي الحلال عليي الحلال .. على كم طلعة على حلب ام انس ....... ما بقا بتطبخي غير كباب بكرز وسفرجلية :cheesy:

بلوم لا تردي عليهون ,الأكل الحلبي طيب ......... تتحورأو شهيتوني الكبة :reaper:

صحيح صحيح ابو الخل ...ايه هاد الكلام اللي بينسمع :heartsmall:

بس ما بقدر ما رد :fotieee2:

ينعن عالم يا أبو الخل شو أنك زلمة ما بتعرف طعمة تمك ........ :fotieee2:

خيو الشباب الحلبية خليهم هنن يحكوا ...... و يقلولك شو يعني أكل شامي و أكل حلبي ...

شوف حبيبي على مساحة الوطن العربي كله كله ها معروف شو يعني مطبخ شامي و مطبخ لبناني .... عرفت شلون ؟؟؟
ليش ما بيذكروا المطبخ الحلبي ؟؟؟؟؟ :blehhh:

حبيبي المطبخ الحلبي الأكل اللي فيه هو أكل متعودين عليه الحلبيين

MR.MASK

ايه هوه اللي بيعرف طعمة تمو ....وين جاي تعرج بحارة المكرسحين :blehhh:

بعدا مين قال في مطبخ شامي؟؟؟؟

في مطبخ حلبي وبس :rabit:

بعدا اذا متعودين عليه الحلبية بس ....ليش كل الناس بتطلب الأكل الحلبي

وليش الكل بشط ريالتن بس يسمعو أكل حلبي وبقولول يميمييييييييييي

وقت تجي ع الشام خبريني إذا مثلاً ما بدك تعزبي حماتك و تطلبي منها أكلة شامية مرتبة لأعطيكي اسم كم مطعم بيبعت أكل للبيت مو بيكون مطعم لتاكلوا فيه ... هاي المطاعم خاصة بالعزايم و شغلة رهيبة يعني الأكل عندهم كتير كتير مرتب ..... هي وحدة ....
MR.MASK

على حسابك :fotieee2:



انا جد أكلت بحلب ..... و الأكل بحلب ما عليه حكي و طيب بس بالنهاية أبداً أبداً ما بفضله ع الأكل الشامي ..... أبداً .. :iskot:
MR.MASK

لأنو متعود على الأكل الشامي ...وانته قلت الأكل الحلبي طيّب

بالنسبه الي مو كل الأكل الشامي بقدر آكلو او بحسو طيّب

بس انتو الشوام اي اكله حلبيه بتدوقوا بتشوفوها طيبه ..بس بتحبو الأكل الشامي لأنو متعودين عليه مو أكتر ولا أقل :fotieee2:

اي اي بلوم انا بحب الكبة بالصينية بس مالي دايق الحلبية فبرأيي بعد إذنك ظبطيها مع طبخة الكباب بالكرز متل ما وعدتيني .... وقت اجي انا على حلب منشان جربهم مو أكتر و انت كريمة و انا بستاهل ... :iskot:
MR.MASK

ايه تكرم عينك...يا حرام رغم كل الحكي اللي حكيتو..ما قدرت تقاوم وطلبت الأكل الحلبي :cheesy:



ما في منو زوزك ورفقاته .. بري عليهم
ما سك والله هيأتك بتعرف طعمة تمك .. قلهم قلهم
هيئتو زوزا مو دايق الأكل الحلبي أبدا

وماسك ما بيعرف طعمة تمو.....وما قلهم قلهم :blehhh:

أب يمان
28-05-2007, 20:53
رجعولي هيك لشوف ولا كلمة مين بقدر يحكي عن الاكل الحلبي ليش انتو بتعرفو طعمة تمكن بالاول اذا ما اكلتو اكل الحلبي

بعدين بدكن تاكلو وتحكمو على المطبخ الحلبي كلو من ايدين ست بيت على اصولها وبعدين احكو لسة كل وحدة بتمنطق شكل :rockett:

الكبب الحلبية عدة انواع عدو على ايديكن الكبة المبرومة والكبة بصينية والكبة المشوية
والكبة الدراويش والكبة اقراص وفي كمان كبة بسفرجلية هي بحمض الرمان شي كتير كتير فخم مع قطع لحمة شقف وكبة لبنية كمان يولي يولي يولي ما بدي احكيلكن عن الكبب حاج مشانكن
هلئ منجي على المحاشي عدو معي محشي بانجان باللغة الحلبية وبالشامي (باذنجان )
محشي كوسا محشي قرع شيخ المحشي اروح فرم انا على شيخ المحشي شغلة فلتة هاد مع الصنوبر اللحمة المفرومة ناعمة وبعد ما يتقلا الكوسا بتجي ها الحشوة يا ربي خيلك وتحتو ها الشرحات يولي يولي

لسة ما بدي احكي عن اليبرق (ورق العنب ) ووالارضي شوكي والسماقية وووووو ما خرج عد لك شو بدي عد لعد
خلص بقى كل وحدة لسة ما بتعرف تقلي بيضين بدا تحكي عن الاكل الحلبي
لك حتى وين ما رحتو في مرة سمعتو بمطعم حدا طلب كباب شامي بكل دول العالم العربية والغربية مكتوب على باب المطعم يوجد عندنا كباب حلبي ايه خلصنا بقى:iskot:خلصنا بقى

smilest
28-05-2007, 20:59
حاج حاج أبو يمان .. الأكل الحلبي كله حد.. أصداً مشان اتضيع طعم الأكلة ..كلها فلفل وبهارات

أيواااااااااااااااا

على سيرة الكبة مين فيكن بيقدر يعدلي كم نوع للكبب الحلبية موجود
أنا اسمعت في 45 نوع
فيكم اتسمولي ياها
ياحلبية يلي عاملين حالكم شاطرين وبتعرفوا طعمة تمكم بس :blehhh::blehhh::blehhh:

عم انتظر

Aghalation
28-05-2007, 21:22
يعني بالمختصر ، سواء الشوام أو الحلبية ، ماحدا بيحكي عن زيتو عكر :fotieee2:

بس أنا يلي سمعته من زوجي و رفقاته هون كونهم درسوا الطب بجامعة حلب ، أنو الأكل الشامي كتير أطيب من الأكل الحلبي :fotieee2:

لكن.............بالنسبة إلي ، ما عندي مشكلة بنوب ، كبة حلبية كبة شامية كبة رقاوية ( مشان ما يزعل الآغا ) مو مهم بنووووووووووب ، المهم أني آكل أكلة كبة بدون ما أهلك بطحنها و كبكبتها و شويها و قليها و ووووو.....

إي لأ تاعي لأشوف أم عمر

بالإذن منك ومن زوزك ورفقاتو...

كلو إلا الأكل الحلبي...معلش مع عدم الملاكمة وعدم الزعل من رفقاتي الشوام

بس كلمة الحق لازم تنقال...ما في أطيب من الطبخ الحلبي بتاتننننننننن

وأنا بقول على زيتي عكر وعلى حصرمي حامض...

الكبة الرقاوية ولا شي ولا بتحكي شي...لأنو ما في لا قبل ولا بعد الكبة الحلبية
وحتى المطبخ الرقاوي كلو مأخود من المطبخ الحلبي وما بيتميزو غير باللبن وأكلات الثريد أو الثرود والبامية...
فيما عدا ذلك ما في شي بيسبق المطبخ الحلبي
بقا الله أعلم زوزك ورفقاتو دارسين بحمص مو بحلب ومخربطين والله أعلم :fotieee2:

smilest
28-05-2007, 21:28
مافي غير نعمل مناظرة شو رأيك نوف
بدنا استفتاء .. مو طيبة الكبة الحلبية والكبة الشامية بتسوى راسها

بعدين شو هاد الثريد
حدى يحطلنا ياه

bloom
28-05-2007, 21:32
كنت بدي احكي ..

بس خلص اغا حكا وكفا ووفا :blehhh::blehhh::blehhh:

ابوس الله :fotieee2:

Aghalation
28-05-2007, 21:36
مافي غير نعمل مناظرة شو رأيك نوف
بدنا استفتاء .. مو طيبة الكبة الحلبية والكبة الشامية بتسوى راسها

بعدين شو هاد الثريد
حدى يحطلنا ياه


استفتاء؟؟ الحق صار بدو استفتاء؟؟
حسبي الله ونعم الوكيل...

ما ضل غير الكبة الحلبية نعملها استفتاء....
هزلت...فعلا هزلت...

شكلي راح اضيف شي بند على القوانين والإنذارات للي بيجيب سيرة الطبخ الحلبي والكبة الحلبية....

بتعرفو شي المرتديلا الحلبية؟؟ يامووووووووو...أبيمان...قولون خاي...قولون احكيلون لخخخاي


الثريد يا أم أنس
هي عبارة عن خبز صاج (رقاق) بينفرد هيك فوق بعضه كذا رغيف وبينكت فوقه إما:
1- لحم مطبوخ بماي البندورة
2- لحم مطبوخ عالحل..
3- بامية ومعها لحم...

هلق الأصول إنو يكون اللحم بعضامه مشان النكهة والقصص والدنيا والعالم ودق العظم مشان النخاع ويا ويلي يا ويل....
وينك أبو الخل تولي على بعضك ؟؟؟

لحظة
انا هلق انتبهت عبتقولي انو الأكل الحلبي كلو حد
على العكس تماما...الحلبية بياكلو حد كتير مع الأكل بس مو بالأكل
بيحبو الحد مزبوط بس ما بيحددو الأكل أبدا
والبهار ما حزرتي بنوب...بيستعملو البهار بشكل عادي بس مو انو زيادة
لكن متلكم...
حدا بيحط كمون بالمحشي؟؟
كمون؟؟
كمون يا جماعة؟؟
كمون؟؟

الدمشقي
28-05-2007, 21:44
حلب أم المحاشي والكبب ..
هي المقولة من وقت مافتحت عيني ع الدنيا وأنا بسمع فيها .. (يعني من لما كنت عم بدرس بالكتّاب)
ومرت السنين .. وأنا نفسي دوق هالمحاشي والكبب وأحلم فيهن حلم ..
وجاء الوقت الموعود .. واتعرفت على زميل عمل حلبي .. اتحول لصديق مع الوقت وحطينا برحالنا يوماً ما في حلب الشهباء .. (الحمدانية - الحي الأول)
طبعاً بناءً على طلبنا جميعاً وطلبي أنا بالذات كان الأكل (محاشي وكبب) ..
المحاشي مافيني أشرحلكن بعدها التام عن المحاشي .. ليش ؟.. رح قول ليش ..
أولاً مابيحطولها عصفر ... معقول محاشي بلا عصفر :3ageeb:
تانياً مافيها جنس البهارات وإذا كان ولابد فهنه خفااااااااااااااف ..
تالتاً وهو الأهم بيحطو بقلب الحشوة بندورة .. :reaper:

جينا ع الكبب .. وكانت الأنواع يومها كبة سفرجلية + كبة صاجية + كبة لبنية ...........
اللبنية بيحطو بلبنها رز ..:skeletonn: نعم رز .. وفيها دعابيل كبة مو محشية لحمة .. مو محشية شي أبداً .. مجرد كرات برغل ثابتة الحراك ..
ونفس هالكرات موضوعة بماء البندورة المغلي بالكبة السفرجلية .. بعدين شوجاب السفرجل مدري اليقطين والله ماعاد اتذكر شو حطين معها ..
باختصار المحاشي والكبب طلعوا فافوش مقارنة بالسيط طبعاً ..
هلأ هالحادثة أنا بحكيها لكل شامي داق وجبة وحدة بحلب ..
وبقله لا تحكم من أول وجبة .. لأنو مع الأيام كفتوا الحلبية على حياتي كفت .. واتعرفتلي على شي خمس ست عيلات .. وبصراحة .. بغض النظر عن فخامة الكبة اللي أكلتها .. بس أنا لايمكن ولا يمكن ولا يمكن إني أنسى طعمة نوع من الكبة الحلبية اللي أكلتها عندهن وهي ((الكمشون)) أو مايسمى عنا بالشام ((كبة ع السيخ) .. بس هنه مابيعملوها ع السيخ ..
غيرت رأيي بالكبة الحلبية لأني غيرت البيوت والعائلات .. وقدرت قول أنو الكبة الحلبية طيبة .. بس بصراحة .. لهلأ مابقدر قول عن المحاشي طيبين ..
وحلب أم الكبب .. ويمكن تكون أم كم أكلة تانية , بس بالمحصلة مافي بعد المطبخ الشامي ..
:speechh: والسلام وعليك ورحمة الله وبركاته ..

بس على فكرة بلوم شكلها كبتك طيبة .. باين من مقاديرها إنها عالمية مو بس حلبية وإنو اللي عم تعلمنا ياها عندها لمسات ملكية أنثوية في صناعة الكبة بالصينية .

Aghalation
28-05-2007, 22:26
باختصار المحاشي والكبب طلعوا فافوش مقارنة بالسيط طبعاً ..

اللهم لو كان رمضان...كنت قلت اللهم إني صائم...
اللهم الدنيا مو رمضان...راح أحتسب الصبر وكتم الغيظ والعافين عن الناس وحبك للمحسنين عندك يا رب العالمين...
اللهم ما بدي أحكي أكتر من هيك...
اللهم أسألك إنو تخليون يشوفو شوف العين كلمة الحق بهالموضوع

الدمشقي
28-05-2007, 22:39
اللهم أسألك إنو تخليون يشوفو شوف العين كلمة الحق بهالموضوع

آغا صديقي احسوب حسابك بالدعوة ..
لأنك مانقيت من كل ردي غير هالجملة ..
هي الجملة كانت نتيجة الفترة الأولى ..
أما بالنهاية وبعد التجارب والتنويع أنا قلت
وحلب أم الكبب .. ويمكن تكون أم كم أكلة تانية , بس بالمحصلة مافي بعد المطبخ الشامي ..

بس حبيت أحكي الحكاية الأولى لارتباطها بالتانية مو أكتر ..
حباب آغا مو محرزة تروح عدم صيامك ..:pipe1:

Deena
28-05-2007, 23:00
آغا.............. يا آغا............

و الله من شي ساعتين رجعت سألت ابن عمي مشان الأمانة و الإنصاف شو رأيه بالأكل الحلبي قام جاوبني أنو خلال حياته هنيك اكتفى بأنو داق بعض أنواع الكبة و شي اسمه سفرجلية و الكباب :reaper:
و قرر من بعدها أنو يبطل يجرب أي صنف حلبي :fotieee2:

و كمان قمت و شفت شهادة الطب تبعه ، طلع خريج جامعة حلب :fotieee2:

هلأ أنا كنت ناوية رد و أحكي و ألعي بس لما قرأت رد الدمشقي قررت أنو أكتفي بالتأمين على كلامه....
بمعنى آخر يا آغا ، أحيلك على رد الدمشقي :fotieee2: و بس..........

mr.mask
29-05-2007, 00:11
بس بالمحصلة مافي بعد المطبخ الشامي ..



لولا هالجملة يلي قلتها دمشقي فعلاً كنت زعلتني منك .... لانو ينعن عالم أحلى الشي بالنهاية يطلع الأكل الحلبي أطيب من الأكل الشامي .......

بلوم ما رح رد عليكي بتاتاً انا هلق بتاتاً بتاتاً .... :mrgreen:
يعني شو عم تحكي انتي ؟ حكيت انا منطق لكن شو .... و انتي رديتي بدون منطق أبداً .. :mrgreen:

أبو النوف خيو مافي مافي مافي أبداً أطيب من الأكل الشامي ...
الأكل الشامي لا يعلى عليه أبداً أبداً .. يعني ما في ولا في و لن في و نو في انو يصير في أكل يعلو على الأكل الشامي و لا بأي شكل من الأشكال .. و أنا متأكد من هالشي .
اي والله أكلة كبة شامية بتسوى الدنيا و ما فيها لكن شو ... أي أكلة محاشي مرتبة شامية بتسوى الدنيا و مافيها ........ و لسا ما رح عد أنا أبداً مو منشان شي بس منشان ما تشتهوا ..

هلق منجي لأبو يمان : خيو ما في و لا في و لن في و نو في .... يالله نفس الحكي كمان .... هههههههههه

أم انس اي اي بعرف طعمة تمي تمام و هي بتعرفني و صرلي فترة كتير طويلة متعرف عليها :mrgreen:

اي اي دينا زوزك معه حق .. و انا خالي كمان دارس طب بحلب و حكى نفس الحكي :3ageeb:


بقا برأيي يا جماعة امسحوا هالغمامة يلي عم تفرق بين الصح و الخطأ و أيقنوا انو الأكل الشامي هو الأكل الطيب و بس . :mirrorr:


MR.MASK

Deena
29-05-2007, 00:45
رجعولي هيك لشوف ولا كلمة مين بقدر يحكي عن الاكل الحلبي ليش انتو بتعرفو طعمة تمكن بالاول اذا ما اكلتو اكل الحلبي


الكبب الحلبية عدة انواع عدو على ايديكن الكبة المبرومة والكبة بصينية والكبة المشوية
والكبة الدراويش والكبة اقراص وفي كمان كبة بسفرجلية هي بحمض الرمان شي كتير كتير فخم مع قطع لحمة شقف وكبة لبنية كمان يولي يولي يولي ما بدي احكيلكن عن الكبب حاج مشانكن
هلئ منجي على المحاشي عدو معي محشي بانجان باللغة الحلبية وبالشامي (باذنجان )
محشي كوسا محشي قرع شيخ المحشي اروح فرم انا على شيخ المحشي شغلة فلتة هاد مع الصنوبر اللحمة المفرومة ناعمة وبعد ما يتقلا الكوسا بتجي ها الحشوة يا ربي خيلك وتحتو ها الشرحات يولي يولي

لسة ما بدي احكي عن اليبرق (ورق العنب ) ووالارضي شوكي والسماقية وووووو ما خرج عد لك شو بدي عد لعد
خلص بقى كل وحدة لسة ما بتعرف تقلي بيضين بدا تحكي عن الاكل الحلبي


يييييييييييييييييييييييييييييييي لك أنا شلون ما شفت هالتعليق :3ageeb:
خلاص ، وجبت النضارة [smilie=giveup.gif]

أبو يمان.............يا أبو يمااااااااااااااااااااااااااااااااااااان ، كلمتين لو سمحت ...

يعني كل الأكلات يلي ذكرتهم نحنا بنطبخهم و زيادة عليهم عالأقل شي خمسة آلاف صنف ما بيعرفوهم أهل حلب لسه و يا دوبهم عم يبلشوا يتعلموا أول عشر أصناف منهم....

القصة مو بالأصناف ، الضرب عالطعم يا أبو يمان ، و هون بيجي التفوق الشامي على الحلبي بلا منؤدية يعني :fotieee2:

بعدين مين هاي يلي ما بتعرف تقلي بيضتين و بدها تحكي عالمطبخ الحلبي ؟؟؟؟.......

ماحدا حكى غيري أنا و سمايلست علقوا عالموضوع ، و كل واحدة فينا إلها ساكنة المطابخ الله العليم سنين و سنين ، بقى وين فايت بهالزحمة الله يرضى عليك [smilie=41.gif]

خلاص , يعني و الله الموضوع محسوم من قبل ما يبلش بقى لشو الأخد و العطى [smilie=41.gif]

شامي و بس و هاي هي خلاصة الحكي :fotieee2:

أب يمان
29-05-2007, 06:59
يييييييييييييييييييييييييييييييي لك أنا شلون ما شفت هالتعليق :3ageeb:
خلاص ، وجبت النضارة [smilie=giveup.gif]

أبو يمان.............يا أبو يمااااااااااااااااااااااااااااااااااااان ، كلمتين لو سمحت ...

يعني كل الأكلات يلي ذكرتهم نحنا بنطبخهم و زيادة عليهم عالأقل شي خمسة آلاف صنف ما بيعرفوهم أهل حلب لسه و يا دوبهم عم يبلشوا يتعلموا أول عشر أصناف منهم....

القصة مو بالأصناف ، الضرب عالطعم يا أبو يمان ، و هون بيجي التفوق الشامي على الحلبي بلا منؤدية يعني :fotieee2:

بعدين مين هاي يلي ما بتعرف تقلي بيضتين و بدها تحكي عالمطبخ الحلبي ؟؟؟؟.......

ماحدا حكى غيري أنا و سمايلست علقوا عالموضوع ، و كل واحدة فينا إلها ساكنة المطابخ الله العليم سنين و سنين ، بقى وين فايت بهالزحمة الله يرضى عليك [smilie=41.gif]

خلاص , يعني و الله الموضوع محسوم من قبل ما يبلش بقى لشو الأخد و العطى [smilie=41.gif]

شامي و بس و هاي هي خلاصة الحكي :fotieee2:


مرحبا مرة تانية يييييييييييييييييييي دانيااااااااااااااااااااااا هاد يلي طلع معك بالاخر
المطبخ الحلبي مو طيب مممممممممممممممممم طيب ما في خواص منكن انتو الشوام اكالين نكارين انتي وام انس روحي سالي العالم كلا بيقلو المطبخ الحلبي هو الاساس ومتل ما قال الدمشقي حلب ام المحاشي والكبب وغير هيك تعي شوفي الحلويات كمان انتو بالطبخ ما بتصبو على ايدنا مي ابداا هاد متل حلبي :cheesy:

مرة نعزمت على اكلة شاكرية ورز ييييييييييييييي قد ما صرعوني فيا طيبة وهي اكلة شامية كتير طيبة واهل الشام مشهورين فيااا الله وكيلك ما حبيتها بنوب بنوب
على فكرة عندي زبون شامي كل ما بدي اطلع على الشام بوصيني على كبة مبرومة وبقلي بعد الحلبية ما حدا يعمل كبة :iskot:

لسة انتي دوقي المرتديلا الحلبية يلي منساويها على ايدناا مو متل هي يلي بالسوق الله وكيلك فيا فستق حلبي وصنوبر اكتر من اللحمة وهي منعملها يا بلحم الخروق يا بااللحم العجل شي كتير فخمجي شغلة عم قلك

يا شوام انتو وين رايحين بها الزحمة بس بدي حدا يكون اكل شيخ المحشي وبعدين يحكي معي

وعلى ذكر الحد انا با البيت بطبخولي محشي فليفلة يعني يمكن اذا بدورو الدنيا كلا ما بتلاقو اطيب من هيك اكلة

قال مطبخ شامي قال

Aghalation
29-05-2007, 08:51
1...2...4....بيطلعولون شي 5

وينو زر "حذف العضو" :reaper:

smilest
29-05-2007, 09:30
حاجتك بقا أبو يمان أصلاً كنت مبارح تعبان من أكل الكبة الحلبية تبع الصينية
مو طيبة وما بتعترف هيأتها المدام وراك وخايف تشلفك شي زر باند
يلا اعترف

نوف وين جاية بين العجأة .. إذا بتنزل على حلب وما بتعمللنا كبة حلبية من أدين المدام لتشوف شلون بدنا نحذفك من قائمة يلي بيعرفوا طعمة تمهم

طيب تعوا لألكم وفد عربي اجى من ألمانيا وزار حلب وأكل أكلاتها وبعدين اجى على الشام وأكل أكلاتها
وسألناه وقتها أنو أطيب الأكل الشامي ولا الحلبي شو قال يا حزركم .. طبعاً الأكل الشامي .. لايعلى عليه
وهي شهادة خارجية موقعةمن الألمان العرب

شغلة تانية لا حدا ياكل أكل شامي من المطاعم يلي مدري من وين جايبين طباخينها ويجي يحكي على الأكل الشامي
دوقوا أكل منزلي متأن على أصوله
على فكرة الكبة الحلبية يلي دقتها صنع منزلي

مو طيبة

مين قلك نوف أنو المحاشي ما بينحطلها كمون .. لاااااا هيك أثبتلي أنك ما بتعرف طعمة تمك ..

هاد كمون .. كمون مو شي تاني حتى اسآل أبو ناجي :3ageeb:

نجلاء
29-05-2007, 09:47
السلام عليكم...

هلأ يا جماعة..خلونا نحكي من وجهة نظر محايدة (دة لو حيبقى عندي نظر بعد الكلام دة)...محايدة جدا...و غير متحيزة...
الأكل الشامي أطيب....
يعني كيف عم تقولو الأكل الحلبي أطيب ما بعرف..شه شه على هلقصة!!
بعدين عم تقولو انو اسألو مين ما كان بيحكيلكون و بيتحاكالكون عن الأكل الحلبي..ما؟
لك ايه رح افلق حالي و انا عم اسأل الخلق شو رأيكون بلأكل الحلبي..ولك ما عم يعرفو شو حلببببببببب.......بقلون حلب بيقولولي ايه الحليب طيب...:blehhh:


بلوم بلوم...وينك عيني وينك...لك هادة الكرسون إلهي:rockett: تنقرف عينو...شافكون حلبية حب يجاملكون...هو بحب يكسب زباين..الله و أعلم أديه قبضو صاحب المحل عمولة...بس بأي حال ابقي عطيني أوصافو و اسم المطعم:rockett:...
عمك بيحكي حلبي حلبي ما؟ أكيد..انا متأكدة:blehhh:...


بلأخير يا جماعة...انا لا مع هادة الفريق ولا مع هادة الفريق...انا رأي رأي محايد جدا..بعيدا عن أي عرقية أو تحيز...لازم تكونو على يقين من هلشي:fotieee2:
1...2...4....بيطلعولون شي 5

وينو زر "حذف العضو" :reaper:
بس هو يا جماعة...يعني الواحد كمان ما يكون كتير مبالغ عن جودة الأكل الشامي..
كمان الأكل الحلبي مافي منو..شايفين كيف؟
بس أكلة حذف العضو على فكرة ما طيبة..يعني للحق هه..أنا غصيت...حدى يلحقني بدمعة مي :iskot:

Abu-Firas
29-05-2007, 09:54
انا لما شفت عنوان الموضوع قلت شو بدي بهالفوته واكيد ناس عم تحكي عن زيتها وعم يكبكبو على راحتهم

بس لما شفت الردود صارت 3 صفحات قلت لااااااااا لازم فوت وشوف شو الموضوع اكيد في شي

ودخلت وياريتني ما دخلت

انا مرة وحدة طلعت على حلب

الصبح كان الفطور لبنة وعليا فليفلة حمرا حدة
وزيتون محشي بفليفلة حدة
والي غاظني اكتر انهم حاطين قنينة الحد على الطاوله قال مشان يلي بيحب الحد !!!!! :eek:

والالعن من هيك هي لحمة بكرز ( وماكنت اعرف شو جاب الكرز للحمة !!!!!)
وطبعا الكبة يلي مشهورة بس طبعا مو متل الشامية بنوب بس اهل حلب بيحبوها لانن مابيعرفو يطبخو غيرها يمكن :iskot:

إعلان هام :-

من موقعى هاد أقول ان الأكل الشامي هو الأفضل والأطيب وبس


على فكره انا لادقاني وعم أقول رأي بتجرد و حيادية كي تتضح الرؤيا :mirrorr:
بس امي شامية هههههههههه

smilest
29-05-2007, 10:01
صرنا 7 شوام على 3 حلبية وواحد خائن من حمص مو هيك خل

بنت الأكابر
29-05-2007, 10:40
صرنا 8 روح ألبي ..
شو أكل حلبي ماأكل حلبي .. يييي
بيت إحما إختي بحطو هالكبه .. ولي على طولي .. بنوب بنوب بنوب مو طيبه
مع إني بحب الحااااااار بس الكبه الحلبيه مانها طيبه ..


شغلة تانية لا حدا ياكل أكل شامي من المطاعم يلي مدري من وين جايبين طباخينها ويجي يحكي على الأكل الشامي
دوقوا أكل منزلي متأن على أصوله
على فكرة الكبة الحلبية يلي دقتها صنع منزلي
مو طيبة


صحي بلوووووم .. مو كل أكل المطاعم بكون تمام .. وعلى حسابنا ياستي بس تعي ودوئي ..
ذكات عينك عمليلنا شي كم كبايه أم أنس مشان يدوئوها مو مشان شي .. ههههههه
الأكل الشامي لايعلى عليييييييه .. لك لذيذ مو بإيدو ..

lady
29-05-2007, 11:07
كل هاد مشان الكبـــــــــــــــــــــــــــــــــــــــــ ة!!
اي ريتو مطرح مايسري يمري بالحلبي والشامي

كل واحد بفضل أكلات على كيفو ومزاج لسانه...حاجتكن اب يمان ونوف لسه حلبي وحلبي وحلبي وحلبي

Star
29-05-2007, 22:50
انعمص على هالشغلة.. ما في موضوع إلا و عم تحكوا فيه عن الأكل و الأكل و الأكل... شو صايرلكون!!!
هلأ بما أنو عم يصير مقارنة بين المطبخ الشامي و المطبخ الحلبي... فبعد إذنكون يعني لازم أحكي... كنت ما رح رد بس ما بقى أقدر...
أولاً: مستر ماسك، على ما أظن وقت العالم بيذكرو المطبخ اللبناني و المطبخ الشامي فهنن ما بكون قصدون على مدينة الشام (دمشق) بالتحديد و إنما على سوريا كلها...
و بالنسبة لكمية الدهون و الدسم الي بتنحط بالأكل الحلبي، فكمان بحب أصلحلك معلومتك أنو مو دائما هيك طبخنا بكون، إلا وقت العزايم، لأنو إذا كل يوم بدنا ناكل دهن و دسم كنت ما شفت ولا حلبي عايش...:fear2:
هلأ منجي على شغلة الحد و الفليفلة الحدة... مزبوط نحن كتير منحب الحد بس متل ما قال أبو النوف ما منطبخو مع الأكلة، لأنو مو كل العالم بتقدر تاكل حد... في ناس مرضانين يا أخي... إلا بأكلات محددة مثلاً محشي ببرغل، هاد إجباري يكون حد نااار... أما الأكلات البقية فالي بفضل ياكل جنب الأكل فليفلة حدة هو حر و الي ما بحب، الأكل مطبوخ على أصولو...:shawerma:

ثانياً: بسومة الرائعة، أنا دقت الأكل الشامي المطبوخ على أصولو لأنو زوج خالتي شامي و شامي أصلي كمان... هو في كم أكلة طيبة دقتون بس بصراحة المحشي الشامي ما كتير حبيتو... و في أكلة فتة المكدوس كمان بتطلع معكون طيبة... بس يعني هنن كم أكلة طيبة عندكون بينعدو عالأصابع... و مرة كنا عاملين جمعة مع رفقاتي و بدنا نطبخ فتة الحمص على طريقتين: شامية و حلبية، بيني و بينك الطريقة الشامية ما حدا قرّب عليها أبدا، بس لو تشوفي الطريقة الحلبية ما بقي منها و لا نتفة.. لأنو أنتو ما بتحمصو الخبز فببجبج و ما بعرف شلون بينخبص...
هلأ من شان الكبب... فما في بعد الكبب الحلبية.. و خلصنا...

mr.mask
29-05-2007, 23:18
النتيجة النهائية : الأكل الشامي أكثر جودة و أطيب و ألذ و بيعبي المخ أكتر من الأكل الحلبي ........

ليش ؟اول شي النتيجة من الردود 9-0 :mrgreen:

و هي ابو فراس بما انو مو شامي فهو اله نقطتين يعني النتيجة 12 - 0 :mrgreen:

طبعاً ما مننسى انو في 4 حلبيين شاركونا يعني بالنهاية النتيجة 12-4 :mrgreen:


و هيك منوصل لنتيجة يقينية دون أي انحياز و بكامل الموضوعية و هي أن الاكل الشامي هو الأول دون أي منازع .........


:mrgreen: حيادي مو بإيدي ...



MR.MASK

Deena
29-05-2007, 23:27
النتيجة النهائية : الأكل الشامي أكثر جودة و أطيب و ألذ و بيعبي المخ أكتر من الأكل الحلبي ........

ليش ؟اول شي النتيجة من الردود 9-0 :mrgreen:

و هي ابو فراس بما انو مو شامي فهو اله نقطتين يعني النتيجة 12 - 0 :mrgreen:

طبعاً ما مننسى انو في 4 حلبيين شاركونا يعني بالنهاية النتيجة 12-4 :mrgreen:


و هيك منوصل لنتيجة يقينية دون أي انحياز و بكامل الموضوعية و هي أن الاكل الشامي هو الأول دون أي منازع .........


:mrgreen: حيادي مو بإيدي ...



MR.MASK

way to go Mr. Mask :ok442:

يعني يا هيك الموضوعية و الحيادية يا أما بلا [smilie=11.gif]

أنا أصلاً ما كنت شايفة أنو في مجال للمنافسة :fotieee2: المطبخ الشامي فوق مستوى المقارنات :fotieee2:

washiwash
29-05-2007, 23:33
اها ... يعني الموضوع صار بعدد الأعضاء؟ .. مو بطعمة التم؟ ... هاد اللي شاطرين فيه ؟؟..

طيب مع ذلك .. بتحب نلعب لعبة الأعضاء المؤيدين للأكل الحلبي؟ .. يعني بلش اشتغل شغلي؟؟ .. بس عطيني خبر ..


يعني اذا ساكتين .. بتاكلو حقنا؟؟ .. شووو هل الحكي؟؟:reaper:


سلامة

Abu-Firas
29-05-2007, 23:42
اها ... يعني الموضوع صار بعدد الأعضاء؟ .. مو بطعمة التم؟ ...


يقبروني الشوام شلون عم يحكو بهدوء وثقة
والحلبية عم يغلو غلي

يمكن من الحد يلي بياكلوه مو هيك

المهم ماسك لا تعذب حالك وتجمع الاصوات لانه صوت شامي واحد بيكفي

:blehhh:

mr.mask
30-05-2007, 00:01
أبو خالد أبو شريك شو عم تحكي انت معقول انت بعد ما قريت كل الردود هي بتحكي هيك لالا هيك بتزعلني منك أبو شريك .....


لك انا كنت كمان معتمد عليك كل الأعتماد لانو بعرفك بتعرف طعمة تمك ....


بتتذكر شو قلتلي وقت كنا انا و انت عم نحكي عن هالموضوع ؟؟؟؟؟ إذا مو متذكر خبرني لقلك .... انا متذكرها منيح و لهيك انا طلبت انو انت تحكي كلمتك عرفت شلون :mrgreen:

بعدين تعا لقلك أبو شريك ما بده الموضوع شغلك و شغلي انا ما اشتغلت شي كل يلي حكو عن الأكل الشامي عم يحكوا من قلبهم من جوا و انا ما اشتغلت شي :mrgreen:
بقا لا تقلي ساكتين و مو ساكتين لا حبيب ما قصرتوا بس النتيجة واضحة !!!:fotieee2:

أبو فراس سبقتني انت والله :mrgreen: جيد أبو شريك هادا الحكي يلي عليه علامات ....



MR.MASK

bloom
30-05-2007, 03:41
اف اف اف اف

كل هاد صاير بغيابي:3ageeb:

تركتكن يوم ..خربتو الدنيا واغتبتوني كمان...ما بتعرفو الغيبة حرام:rockett:

شو هالحكي ماسك ..على قولت واشي ..شو الحكي بعدد الأعضاء ...

متل واحد عم يقول للتاني اللبن اسود..وصار جمعنا اصوات تقدر ب95% بيأكدو انو اللبن اسود

يعني انو بتقدرو تغيرو الواقع والحقيقه؟؟ ما رح تقدرو....خليكون بتجميع الأصوات انو اللبن اسود...ونحنه مع الشي الواضح والمعطيات اللي قدامنا ..انو اللبن ابيض والأكل الحلبي مافي بعدو ولا قبلو وهه :rockett:

بالمناسبة:عملنا ((أهلي)) عزيمة كبيره كلو من طبخ امي لبيت حماي((الشوام)) طول الوقت وهنه عم ياكلو وعم يقولو يميمييييييي بعمرنا ما أكلنا هيك أكل طيّب مممم فعلا متل ما بيحكو عن الأكل الحلبي...

وكرمال ما حدا يقول انو بيت حماي عم يجاملو...هنه ما بيقدرو يجاملو بأنو أكلو كل الأكل..ما شاء الله وكان :blehhh: وطلبو مننا عزيمة تانية :embaressedd:

اغا اشتغل شغلك خيو :fotieee2:

Aghalation
30-05-2007, 08:45
اغا اشتغل شغلك خيو :fotieee2:

إي أبشري وضحة...بعدي هيك لأشوف...


النتيجة النهائية : الأكل الشامي أكثر جودة و أطيب و ألذ و بيعبي المخ أكتر من الأكل الحلبي ........

ليش ؟اول شي النتيجة من الردود 9-0 :mrgreen:

و هي ابو فراس بما انو مو شامي فهو اله نقطتين يعني النتيجة 12 - 0 :mrgreen:

طبعاً ما مننسى انو في 4 حلبيين شاركونا يعني بالنهاية النتيجة 12-4 :mrgreen:


و هيك منوصل لنتيجة يقينية دون أي انحياز و بكامل الموضوعية و هي أن الاكل الشامي هو الأول دون أي منازع .........


:mrgreen: حيادي مو بإيدي ...

MR.MASK

تعا لأشوف إنت وهالحسبة الخرندعية تبعك هاي وانت والخانم تبع Way to Go
راح أسعالك بـ Way to go من وشي

حبيبي اذا كان على رأي واحد مو شامي بالأك
فأنا مالي حلبي ومدير موقع وآغا...إي كلمتي لحالها بترجح كفة الطبخ الحلبي
لو بتجيب يا مال الشام كلها بتحطها بالكفة التانية...

يالله يالله...حضرولنا ليسته بزملاء أبو حميد Way to go

Deena
30-05-2007, 09:07
يالله يالله...حضرولنا ليسته بزملاء أبو حميد Way to go


أنت بتعرف يا آغا على هالجملة المقتبسة من كلامك فيني أرفع عليك دعوى استغلال المنصب و استعمال صلاحياتك بشكل تعسفي و إصرارك على مصادرة الرأي الآخر و استغلال النفوذ المعطاة إلك بغير وجه حق من أجل فرض رأيك اللامنطقي واللا واقعي؟؟؟؟؟؟؟؟؟؟؟؟؟؟؟...

صدقني بهيك دعوى بنجيبك تزور جوانتينامو بفصل الصيف و الله وحده بيعرف إيمتى بتخلص زيارتك :reaper:

smilest
30-05-2007, 09:16
صباح الخير ستار .. ولك آخ منك
شبدي أحكي خلص الحكي معكن أنتو الحلبية بيعمل مشاكل وانا لح بلش أسكت مو مشان شي مشان الكبة
وعلى دلعونة وعلى دلعونة كبة الشام أطيب يا عيونا

نوف مالك عاجبني هالكم يوم أنت وبلوم حمى الكبة زايدة عندكم .. خلص لح ابعتكم على المنتدى الصحي مشان اتصحوا من مرض الكبة

الكبة الشامية أطيب بمليونا ..
دينا .. ناسك .. ليودة .. أبفرس .. أكابرية .. دلوعة .. مافي أمل
يصطفلوا خليهم عم ياكلوا كبة حلبية .. وتعوا نحنا ناكل كبة شامية .. يكن يكن أطيب وألذذ

أب يمان
30-05-2007, 09:33
هلئ هاد يلي طلع معكن يا جماعة الشوام صارت الشغلة بعدد الاعضاء طبعا بدكن تعملو هيك لانو الطعم والطيبة غلبتكن لذالك رحتو على عدد الشوام يلي ردو على الموضوع
صار قلناها ميلون مرة انتو موشاطرين غير بالفتات فهموها بقى لا وليش الكذب كمان بيطلع معكن تعملو فلافل كمان

هي الامتال مو من عنا من كل يلي داق الاكل الحلبي وحاجتكن تحريف للامور

( حلب أم المحاشي والكبب وأم المعالي والطرب ) ليش ما قالو الشام ام المحاشي والكبب
فلا تحرفو الحكي الله يرضى عليكن

وهي كم اكلة وحلويات حلبية مشان العين يعني


http://www.marmarita.com/images/upload/store/kabab_1.jpg http://www.marmarita.com/images/upload/store/kabab_11.jpg













http://www.marmarita.com/images/upload/store/kabab_11.jpg













بعدين بيقولو كباب حلبي ما بيقولو كباب شامي ومحشي شامي :tongue2:

بكل دول العالم العربية والاجنبية بيتشوفو مكتوب على باب المطعم بالعربي يوجد لدينا كباب وطبخ حلبي :iskot:


فحاج بقى تحريف ام انس وام عمر روحي سألي الماما وتاعي بعدين احكي ايوااااااااا:blehhh:

وهلئ رح اعطيكن شغلة اشتهرو فيا النسوان الشاميات بتعرفو ليش لانو اغلب العائلات الشوام بياكلو بالمطاعم وما بيطبخو الا ما رحم ربي :fotieee2:
طريقة تحضير البيض للست الشامية

المقدرات::--

1.بيضتين

2.بقدونس كمية صغير
3. زيت
4. مقلاي


طريقة الصنع

تضع الزيت بداخل المقلاي تبقية قليلا على الغاز لكي يحمى وبعدها تضع البيض وتنتظر قليلا ثم تضع البقدونس (البقدونس اضافة من عندي انت حر اذا بدك تضيفها) تنتظر قليلا حتى تنضج البيوض وبعدها تضع البيض في صحن وبعدها تملح البيض وبعدها تبدأ بالاكل:quietplz:
ما بيطلع معكن اكتر من هيك يالله

Deena
30-05-2007, 09:39
هي الامتال مو من عنا من كل يلي داق الاكل الحلبي وحاجتكن تحريف للامور

( حلب أم المحاشي والكبب وأم المعالي والطرب ) ليش ما قالو الشام ام المحاشي والكبب



يا أبو يمان...........مبينة و واضحة ليش ماقالو الشام أم المحاشي و الكبب بس قالوا حلب أم المحاشي و الكبب ،

السبب هو لضرورة القافية الأمثالية ( هاي بتعادل القافية الشعرية )...........

و بس :fotieee2:

Aghalation
30-05-2007, 09:40
أنت بتعرف يا آغا على هالجملة المقتبسة من كلامك فيني أرفع عليك دعوى استغلال المنصب و استعمال صلاحياتك بشكل تعسفي و إصرارك على مصادرة الرأي الآخر و استغلال النفوذ المعطاة إلك بغير وجه حق من أجل فرض رأيك اللامنطقي واللا واقعي؟؟؟؟؟؟؟؟؟؟؟؟؟؟؟...

صدقني بهيك دعوى بنجيبك تزور جوانتينامو بفصل الصيف و الله وحده بيعرف إيمتى بتخلص زيارتك :reaper:

عمو...لأقولك شغلة...
أصلا أنا ما وصلت لمنصبي هادا إلا بهالشغلات اللي عملتون...
بغض النظر كانو وصفك صح أو غلط

فمشان هيك...:asleepp:

sue me يا بتاعة الـ Way to go

smilest
30-05-2007, 09:41
تتفركش يا أبو يمان بلاقيك صحصحت من الكبة .. ريتها مطرح ما يسري يمري

عيوني نحنا وقت منقلي بيض ما منحط بقدونس ومنقلي بالسمنة العربي الأصيلة مو بزيت مدري شو .. شايف شلون أنو أكلكم مأخود من الأكل الشامي وناسبينه لحالكم وجايين تتشاطروا علينا .. من طول عمرهم الشوام متأنيين وبيفهموا طعمة تمهم
بعدين هي الطريقة يلي عم تحكي عنها اسمها عجة وبيحطوا معها بصل مفروم كمان مشان اتروح الزنخة وبتطلع أطيب

وين فايت أبو يمان .. لهون وبس هاه
بعدين بحطلك باند تبع طعمة التم


بعدين تعى تعى لهون مين ألك أنو بياكلوا بس بالمطاعم
نحنا منروح سيارين مزبوط ومنبسط حالنا ونحب الفرفشة والانبساط
بس لانستغني عن الطبخ المنزلي أبداً
وين رايح بالعجقة أبو يمان

smilest
30-05-2007, 09:44
هههههههههههههههههههههه
بإذن الله سيصبح الموضع خستعشر صفحة ههههههههههههههههههههههههههههههههه

وين السيوف والخناجر

وعلى دلعوما وعلى دلعوما .. كبة الشام أطيب يا عيونا

Abu-Firas
30-05-2007, 09:45
( حلب أم المحاشي والكبب وأم المعالي والطرب ) ليش ما قالو الشام ام المحاشي والكبب


انا بقلك ليش

لانه بحلب ما بيعرفو يطبخو غير كبه ومحشي مشان هيك سموهن اهل المحاشي الكبب
اما بالشام فالاكل عندهن متنوع وكتير وكبير ومو بس كبه ومحشي خيو ......
بقا حرام نحصرهم باكلة معينة ..........

بقا خود الوصفة تبعك واكتبها على باب القلعة بركي بيستفادو الناس هنيك

وساعتها منقدر نغير الجمله من اهل المحاشي والكبب باضافة كلمة تالتة

اهل المحاشي والكبب والعجة ...... وحاجة هيك مشان ما تتعبو تسلمولي

:3ageeb:

lady
30-05-2007, 09:46
صدقني بهيك دعوى بنجيبك تزور جوانتينامو بفصل الصيف و الله وحده بيعرف إيمتى بتخلص زيارتك
دينا ياعيني على تينامو لما بناموا فيه بالصيف هاد شغلى لحالها:iskot:...قولتك بتقدري توصليه لنامو


فحاج بقى تحريف ام انس وام عمر روحي سألي الماما وتاعي بعدين احكي ايوااااااااا:blehhh:
لك ماتحكي مع بسمة مابيطلعلك معها بالاكل
اب يمانو انشاالله صباحك ورد شلونك ..؟؟
صحيح قرب السفر ولسه رقم ام يمان معي...بدي شوف شو رايها بهالموضوع:rockett:

ابو يمان بالله شو في غير الكبة الكبة ثم الكبة عندكن..؟؟:reaper:

بنت الأكابر
30-05-2007, 10:05
عيوني نحنا وقت منقلي بيض ما منحط بقدونس ومنقلي بالسمنة العربي الأصيلة مو بزيت مدري شو .. شايف شلون أنو أكلكم مأخود من الأكل الشامي وناسبينه لحالكم وجايين تتشاطروا علينا .. من طول عمرهم الشوام متأنيين وبيفهموا طعمة تمهم


في زيت جديد إسمو مدري شو ..
وصحي بسوم ..
وأنا عم قول وين سمعانه هالطريقه ..
طلعت عجه .... ممم


لك ماتحكي مع بسمة مابيطلعلك معها بالاكل



وهيك أنا شايفه ياليدي ..
واقفتلوا بالمرصاد ..
لك شغل الشوااااااام على أصوله عند أم أنس .. شو بدك بهالحكي ..
صباحكم كبب ومشاوي ..

Dehumanizer
30-05-2007, 10:09
السلام عليكم جميعاً ....

والله يا جماعة الخير ... بما أنه الحديث عن الأكل الحلبي والشامي ... أقول ويشهد الله على كلامي أنه الأكل الحلبي شي فخمجي وأبّها تمام ولا يُعلى عليه ...

ويـــــــــــــــــــــــــــا جمـــــــــاعة (وهي بوجود أبو النوف) يلي بذوق أكلات الحجة أم إبراهيم ... ترى أنه بينسى موضوع الأكل الشامي وما بعود يجيب سيرته بنوووووووب بنوب. :blehhh:

الله يطولكن بعمرها يا أبو النوف ويديمها بصحة وعافية ...








ملاحظة: الحلبية ما بيعرفو يعملو فتّة، الفتّة والتسائي والفول للشام يا خيو.

smilest
30-05-2007, 10:14
شو قلك دهيو .. شو أحكي عليك أنا هلء
هاه قلي لشوف

مالك عاجني هاليومين .. بدي جيبك لعند الحجة أم أسامة وخليك تاكل من تحت دياتها كبة فخمجية غير شكل وبعدين منحكي بالحجة أم ابراهيم

lady
30-05-2007, 10:31
الله يطولكن بعمرها يا أبو النوف ويديمها بصحة وعافية ...

آمين


ملاحظة: الحلبية ما بيعرفو يعملو فتّة، الفتّة والتسائي والفول للشام يا خيو.

لا بالله جد عبود...يعني طلع في شي مابيعرفوا يعملوه الحلبية...؟؟!!


يلي بذوق أكلات الحجة أم إبراهيم


منحكم لندوقن من ايدين الحجة :)

أب يمان
30-05-2007, 10:36
خلص حلص ما بقى بدي شي وصلني حقي

الكل هون بيعرف انو دهيو ما بكولك وبيحكي حكي مدوزن كتير والكل بيشهد بها الشي

لذالك وصلني حقي انا (وشهد شاهد من أهلة )

:3ageeb:

هاد الحكي

smilest
30-05-2007, 10:42
هاد دهيو شهادته ضعيفة لأنو صاحب مناف .. وهو عم يدهلز على مناف مشان يعطيه صلاحية المراقبة والافتاء

شهادته باطلة كونه صديقه

Abu-Firas
30-05-2007, 10:48
(وشهد شاهد من أهلة )





ليش شو قال هو ؟

هو ما حكى عن الاكل الحلبي , هو قال عن اكل الحجة ام ابراهيم الله يديمها يارب
وانا اكيد انه اكلها الحلبي بيطلع طيب من تحت ايديها لانه نفسها موجود بالطبخة

وهي حالة استثنائية مو عمومية

بقا خيو روح لعند دهيو صاحبك وقلو انه رغم كل شي لهلق ما عرفتو تحكو منطقي
كل حكيكن جقجقة بجقجقة لك خيو :blehhh:

هلق اذا بدك تروح وصلنا حقنا نحنا كمان

:fotieee2:

Aghalation
30-05-2007, 10:55
عراسي يا عبود الله يسلمك ويخليلك الحجة

معلش عبود ما بيعرفوا...مساكين...عيفون يحاولوا ويفكروا ويقنعوا حالون إنو الطبخ الشامي أطيب من الحلبي...لوثات عقلية...

عن جد صدقا مشتهي اخلي الحجة ترتكب عزيمة بحقكم وتورجيكم كلياتكم إن الله حق

بس بما إنو أنا ما عبينوبني شي من هالأكلات...فما حزرتو كلياتكم....


بعدين أم أنس
بالطبخ ما عنا دقن ممشطة...كلمة وما في غيرها
ودهيو كلمته عنا سند أمانة...فما بالك بشهادته...

يالله كملو حكي...ما راح تغيرو الواقع...الطبخ الحلبي وبس...وغير خس
وبلشت أفكر جديا بتحضير قائمة أصدقاء أبو حميد...بدءا من كل واحد "أبو"...:fotieee2:

smilest
30-05-2007, 11:06
على دلعونا وعلى دلعونا
عنا :dabkehhh::hula222::hula222::hula222:عزيمة من الحجة يلا ياعيونا

انعزمنا خلص
هي هي:hula222:


بدنا 45 نوع كبة لما منجي لعند الحجة أم ابراهيم لاتزوغل

مين هاد ابراهيم

Abu-Firas
30-05-2007, 11:06
وبلشت أفكر جديا بتحضير قائمة أصدقاء أبو حميد...بدءا من كل واحد "أبو"...

ياحرام يا أبو يمان ...... راحت عليك معناها [smilie=kicking.gif]


ونحنا ناطرين العزيمة خيو ......... مو بس كلام بدي اكل 45 نوع كبه اوكي

lady
30-05-2007, 11:09
مين هاد ابراهيم


دكتور ابراهيم الاخ الاكبر بعائلة كعكه جي

سوم لا حرام عليكي يابنت الحلال شو هني 45 نوع لااااااا حرام بكفي نوع واحد...لنكسب شوفتها مو مشان الأكل...

بس ممكن الشباب يشتغلوا ويعملوا هالخمسمية نوع من الكبة يلي شايفينن ومو مصدقين

بلش العد التنازلي سوم واشتغلت البندات

بنت الأكابر
30-05-2007, 11:10
عن جد صدقا مشتهي اخلي الحجة ترتكب عزيمة بحقكم وتورجيكم كلياتكم إن الله حق



وأخيرا .. وأخيرا .. ووقتها بركي .. مابتعرف آغا .. بركي على إيدين الحجه منعدل رأينا وبصيروا اللتنين طيبين ..

الله يخليلنا الحجه ..
ويلا ويلا ويلا بسوووووووم .. دبكي لإلك دبكي ..:dabkehhh::dabkehhh:

smilest
30-05-2007, 11:10
له له يأبو يمان .. رحت فيها أنت والكبة الحلبية

ونحنا انعزمنا :blehhh:

Dehumanizer
30-05-2007, 11:11
أحلى أبو النوف ... بس لحظة لرد على سمايلست

يا سمايلست .. يا بسمة القلوب الجائعة ... أنا مشرف عام ... يعني عندي صلاحية المراقبة والافتاء ... بقاااااااااااااا لشووووووووو بدي دهلز؟؟؟؟؟؟؟؟؟؟؟؟؟

منرجع لحديثنا:

يعني يا جماعة ... أبو النوف أخي وحبيبي وصديقي والله يشهد على كلامي ...

بس كمان المطبخ الشامي يا خيو فيو شغلات كويسة كمان ولا يمكن لأي شخص أنه ينفي هالشي هاد ... يعني مثلاً لناخد أكلة بسيطة وسهلة ومافيها تعقيد ألا وهي .... اليبرق.


أي ميييييييييييييييين بيعمل يبرق أطيب من الشوااااااااااااام مييييييييييييين؟؟؟؟؟؟؟؟؟؟؟


هاد يبرق هاد ... مو حيثُما




أبو يمان ... أبو النوف ... أنا ما أكلت يبرق بحلب ... ولا مانع عندي بأني جرّب ويُسعدني أني غيّر نظريتي عن هالأكلة.

أب يمان
30-05-2007, 11:12
السلام عليكم جميعاً ....

والله يا جماعة الخير ... بما أنه الحديث عن الأكل الحلبي والشامي ... أقول ويشهد الله على كلامي أنه الأكل الحلبي شي فخمجي وأبّها تمام ولا يُعلى عليه ...

ويـــــــــــــــــــــــــــا جمـــــــــاعة (وهي بوجود أبو النوف) يلي بذوق أكلات الحجة أم إبراهيم ... ترى أنه بينسى موضوع الأكل الشامي وما بعود يجيب سيرته بنوووووووب بنوب. :blehhh:

الله يطولكن بعمرها يا أبو النوف ويديمها بصحة وعافية ...








ملاحظة: الحلبية ما بيعرفو يعملو فتّة، الفتّة والتسائي والفول للشام يا خيو.


ابو فراس راجع كلام دهيو منيح بما انو الاكل الحلبي لا يعلا علية طسها منيح وبعدين لانو انتة امك شامية هيك عم تحكي يوب يعني عم تكولك شوي معلش خود راحتك
على فكرة في كتير شوام ما عم يقدرو يحكو عم يخافو من جماعة الشوام وهلئ ام انس وكل الشوم قالو انن بدن يسحبو الجنسية من دهيو لانو حكا الحقيقة يلي ماعجبت النسوان


شو ما قلتو وشو ما عملتو ما رح تغيرو شي بالموضوع حلب وبس والباقي كلو خس
كلو احدة وحدة تقعد على يطئها وخلص لانو انتو اذا جبنا العالم كلا شهود ما رح تعترفو انو الاكل الحلبي لا يعلا علية

Kettya
30-05-2007, 11:14
لك يحرء حريشكون ما أنفش ريشكون .. تلاتاو خمسين رد و سيف و ترس و خيالة :bullrider:و تهديدات [smilie=devel.gif]من شان الكبة و الفتة ؟؟؟؟؟؟؟
لأ و هي لسة أب عصام ما اشترك بسوق عكاظ .. كانت علقت عالمظبوط ... _crowdPDT_Armataz_01_40

هلأ أنا جربت كم أكلة حلبية.. كباب شي أبهة تمام و قلبت على ضهري من كتر ما أكلت .. [smilie=20.gif]و محمرة زلغطت من كتر ما كانت حدة:zalghouta: بس أطيب هيك طبعاً .. و يبرق كان تحتو شغلات بتعجبك آغا كتير .. [smilie=11.gif]بس ما فيني قول أنو المطبخ الحلبي أطيب من الشامي يعني كل واحد ألو نكهة ..بس حكماً مطبخ مغنج و منغنغ كتير..

يالله أكملو ..

lady
30-05-2007, 11:17
بس ما فيني قول أنو المطبخ الحلبي أطيب من الشامي يعني كل واحد ألو نكهة


كيتيا ماعم يقدروا يستوعبوا انه كل واحد اله نكهته...بدن كل شي حلبي يكون طيب وبالزور

smilest
30-05-2007, 11:18
شو كيتي [smilie=20.gif]

يعني ما نروح على عزيمة أبو النوف ..

Abu-Firas
30-05-2007, 11:22
يلا جماعة
كل واحد ياخد صحنه ويجي

http://i164.photobucket.com/albums/u23/okarawi/dishes20041018.jpg

اليوم العزيمة عند الأغا مناف

:blehhh:

اب يمان شد ايدك بالجلي خيو .... في عندي قرص عجة مخلبيك ياه تحت المجلى

http://i164.photobucket.com/albums/u23/okarawi/maid_1.jpg

smilest
30-05-2007, 11:27
هههههههههههههههههههههههههههههههههههه

أكلنا الكبة ولح انخلي لك العجة أبو يمان
افروك منيح مشان ما تطلع ريحت الزفر

بنت الأكابر
30-05-2007, 11:28
شو كيتي [smilie=20.gif]

يعني ما نروح على عزيمة أبو النوف ..

لا تقوليها بسوووم .. نعني ركزنا حالنا هيك .. ..عالفاضي ..
:lipss:

Kettya
30-05-2007, 11:40
شو كيتي [smilie=20.gif]

يعني ما نروح على عزيمة أبو النوف ..
لااااااااا شو ما تروحوا؟؟؟؟ روحوا طبعاً و أنا أول وحدة سأتقدم القوم... :lotsakitties:
و خصوصي إذا كان ضمن العزيمة في ثرود بامية .... الله الله الله :hula222:jumpp_

أب يمان
30-05-2007, 12:25
شوفولي ابو فراس بعد ما اكل الكبة واليبرق من ايد خالتو ام ابراهيم الله يسلم ايدهاا ويديمها يارب شوفولي شلون ضل ياكل لبين ما بظت عيونو لبراااا

طول بالك ابو فراس الشغلة ما بدها كل هاد يعني اذا الاكل مو الك بطنك مو الك
http://www.majalisna.com/gallery/55/55_132875_1174201414.jpg

Aghalation
30-05-2007, 12:34
ياحرام يا أبو يمان ...... راحت عليك معناها [smilie=kicking.gif]


ونحنا ناطرين العزيمة خيو ......... مو بس كلام بدي اكل 45 نوع كبه اوكي


خيو القائمة بتبلش بكل "أبو" مالو حلبي...
القائمة خالية من الحلبية للدقة أكثر


وبالنسبة للعزيمة...أنا ما عندي مانع من الـ 45 نوع كبة

ولكن أتحداكم إذا ما في نوع محدد بيحكي عن الـ 45 كلياتون
يا جماعة الكبة الدراويش اللي بتساويها الحجة...
بــ...
يعني ب...لك....
ب...ت...
ولي عليكم راح تهر دموعي من التأثر...ما عدت أعرف أكتب....

لك الكبة ...يعني شو بدي أحكي...آآآآه on آآآه on آآآه

وعليى سيرة المحمرة...فيا كيتيا حماتك بتحبك...خالتك أم إبراهيم بتساوي محمرة إذا الله ما خيبلي ظني فراح ناكلها بالجنة جميعا إن شاء الله...
مو طبيعيةشو طيبة...وشو راكزة وشو طعمتها خياااااال
وبتساويها بدون حد على حسب الطلب....
ما بدي احكيلك على المحمرة الي بتساويها خالتك أم إبراهيم وجنبها مفركة البطاطا العالمية اللي بتجي على الطلب المحدد لأبو النوف...

عبود...بالنسبة لليبرق...فتكررررررررم عينك...من هالعين قبل هالعين....
يا جماعة سنون التوم بتطلع متل المن والسلوى....شغلة شغغغغغغغغغغغلة

smilest
30-05-2007, 14:38
يعني بالنهاية ما فهمنا شي
اتراجعت عن العزيمة نوف ولا لساتك عند كلمتك

ولا شرشرت الدموع ومغمغت القصة

mr.mask
30-05-2007, 16:10
أخدتوني غدر لانو مو هون و بجي بلاقي ترليون رد !!!!!!!!!!!


ويـــــــــــــــــــــــــــا جمـــــــــاعة (وهي بوجود أبو النوف) يلي بذوق أكلات الحجة أم إبراهيم ... ترى أنه بينسى موضوع الأكل الشامي وما بعود يجيب سيرته بنوووووووب بنوب. :blehhh:

الله يطولكن بعمرها يا أبو النوف ويديمها بصحة وعافية ...



ينعن عالم ينعن عالم ينعن عالم .....

لك أحلى دهيو والله ... انا الي مليون سنة ضوئية عم انتظر هالكلمة ....
أبو النوف بيحب الأكل و مفكر حاله عم ياكل حلبي لانو من ايد الحجة الله يخليله ياها ...

بس الحقيقة يلي عم يخفيها عنا كلنا انو الحجة بقيت فترة بالشام فترة مو قليلة أبداً ...... و النقطة يلي خفيت ع الجميع انو الحجة طريقتها بالطبخ شامية بحتة و نفسها هو شامي الله يخليلكم ياها يا أبو النوف .....
لانو من عاشر قوماً أربعين يوماً صار منهم صح حكيي ولا لاء ؟؟

خيو عبود انا اكتشفت انو انت بتعرف طعمة تمك تمام و ما لح نسحب منك الجنسية حالياً مو لشي لانو انت مخربط حابب اكل الحجة ام ابراهيم و معتبره حلبي و خفي عليك انو نفسها و طريقة طبخها شامية حتى لو كانت المقادير حلبية .....

و هادا اكبر دليل انو الست الشامية بتحسن تطبخ أي طبخة حتى لو كانت سنغالية بس نفسها الشامي هو يلي بيغلب ع الموضوع و بتطلع أطيب من الأكلة السنغالية الأصلية ....

بالنهاية بانتظار العزيمة ابو النوف و انا من هلق ما عاد آكل شي أبداً للعزيمة منشان احسن آكل منيح الطبخات الحلبية على الطريقة الشامية و مع النفس الشامي من أيد الحجة أم ابراهيم الله يخليلكم ياها يا رب .


لانو الحكي هيك بيفرق أكيد .... بيفرق كتير كتير ........... عم قول لحالي لسا بيحكوا و بيحكوا طلعوا نسيانين أهم نقطة انو الأكل حلبي بس من ايد شامية :mrgreen:

هون النقاط وين صارت يا جماعة ؟؟؟؟ انتو قلولي ..... قولوا قولوا .... اي اي اسمعتكم ع الحروف هادا الحكي يلي عليه مو بس علامات و بيجي بالفحص أكيد .



MR.MASK

الدمشقي
30-05-2007, 17:22
ياجماعة لبين مايقرر صديقنا الآغا تنفيذ العزيمة .. وبما أنكم معتبرين كلامنا غير موثق .. ومجرد أقاويل راديكالية واهية .. فإليكم مني نداء لكل أعضاء المنتدى .. الحاضر يعلم الغايب ..
كلكم كلكم معزومين لعندي ع الشام على أكلة كبة لبنية .. مو من إيدين الوالدة .. لا لا لا .. من إيدين أختي اللي بالصف السادس ومستمعة ..(يعني لازم تكون صف رابع) لأنو إذا بتاكلوها من ايدين الوالدة أو أي ست شامية فأنا واثق إنكن رح ترجعوا على حلب بدو أصابيع حتماً وبتاتاً مبتوت به وبأمره .. وهذا مالا أقبل به .. فأنتم وأصابعكم غاليين جداً جداً على قلبي .. أختي بتعمل كبة لبنية تضاهي كل مطاعم ومطابخ الشرق الأوسط .. وبتخليكن تتمنوا تاكلوا أصابيعكم بس مجرد تمني بدون تنفيذ .. لأنو الشاميات يكتسبن مهارة الطبخ باليوم التالت مدري الرابع من تاريخ تكوين الجنين..
والأكلة بس كبة لبنية .. ترى مو بخل .. بس والله حرصاً على سلامتكن الهضمية .. لأنو أولاً الكبة اللبنية مارح تقدروا تقاوموا العظمة الدمشقية الموجودة بين حنايا لبنها وثنايا امتزاج البرغل مع الحشوة المنكهة وسرغايا الطرخوم في مضايا اللبن..
ثانياً اذا بدي حط صنف تاني مع اللبنية فرح تكون النتيجة نفسها .. يعني الأطباق خالية وملعوقة لعق .. وهيك رح أنبلش فيكن بالمشافي والعيادات الهضمية .. ألف ألف بعيد الشر عنكم يا أحبائي الغاليين .. فهذا مالا أقبله لكم حكماً وبتاتاً مبتوت به وبأمره ..
فيكفينا تنظير على بعضنا .. أنا مستعد للحل العملي .. وإذا شايفينها مستحيلة أو فيها تعجيز .. يتفضل الآغا ويشرفني لوحده بما أنه مدير الموقع وبيعادل مدري كم صوت .. وممكن وفد مرافق معه يتألف من أبو يمان الموقر .. وإذا ليدي حلبية فياريت تشرفنا مشان يزيد الشرف.. واذا ماكانت حلبية فرح تكون حكم مراقب.
عم بستناكم ها .. وأنا قد كلمتي والكل يشهد على كلامي .. حددوا الزمان والمكان .. وبالنهاية الشرف الي ..
ملاحظة : طبعاً كل أعضاء الشام معزومين .. أصلاً مابدكن عزيمة
خرطوش فردكن أنا ..

Aghalation
30-05-2007, 17:30
شو ياه...بلاقي البل وصل لدقن الحجة هههههههههههههههههههه

خيو العزيمة قائمة (أم أنس مين هادا اللي بيتراجع عن كلمته...ماعاش ولا كان ولا صار إن شاء الله)..
إنتو بس أدعولها ترجع بالسلامة والصحة والعافية....والعزيمة قائمة بعونه تعالى....


(ماسك...كلمة صغيرة بيني وبينك...الحجة وقت كانت تنزل على الشام...كانت تساوي الكبة لرفقاتها الشوام على طلبون لأنو كبتها لا يُعلى عليها...وكانت العزايم ما حدا يغيب عنها بسبب طبخ الحجة...مو لأنها قعدت فترة بالشام ولا شي...أصلا كانت فترات قصيرة كتير...خخخخخ)

:fotieee2:

Deena
30-05-2007, 17:36
(ماسك...كلمة صغيرة بيني وبينك...الحجة وقت كانت تنزل على الشام...كانت تساوي الكبة لرفقاتها الشوام على طلبون لأنو كبتها لا يُعلى عليها...وكانت العزايم ما حدا يغيب عنها بسبب طبخ الحجة...مو لأنها قعدت فترة بالشام ولا شي...أصلا كانت فترات قصيرة كتير...خخخخخ)

:fotieee2:

تخيل بقى يا مناف عظمة و قوة تأثير الأكل الشامي....

هاد الحجة كانت تنزل فترات قليلة و أثر عليها المطبخ الشامي هيك ، بقى تخيل لو كانت بتعقد أكتر شو كان صار؟؟؟...
إيه عليم الله كانوا أهل حلب نسيوا الإختراع العظيم تبعهم المسمى كباب بالكرز :fotieee2: و استعاضوا عنه بالشاكرية و طباخ روحو......

mr.mask
30-05-2007, 17:39
شايفين شلون معلومة بدهب يلي جبتها انا ......لكن لكن أنفي لا يخطأ ....... أبو النوف خلص وصلني حقي .. الله يخليلك الوالدة .....

انشا الله ترجع بالسلامة أبو شريك .... و الله يخليلكم ياها .. و بانتظار العزيمة انشا الله .

و هي من دمشقي عزيمة كمان صاروا جيدين ...

و انا لحالي معزوم عند ديناااا ... يا سولام ...... مين كمان ؟؟؟؟





Mr.mask

فرحة العمر
30-05-2007, 17:45
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههه
ضحكتوني من كل قلبي حتى على الكبة بدنا نتيقتل طيب تعوا كلياتكم لشوف قعدو حولي و تربعو لشوف ايوه اي اي ماسك لا دفش ما رح حدا يقعد محلك شو مسابقة اي حبيبتي بسمة قعدي جنبي و امورتي بلووم من الطرف التاني ايوه يا عيوني
هلأ انا اعتبر نصي حلبي لأنيني ولدت بحلب و الله و الله الأكل الحلبي بياخد العقل بس مو كل مين صف صويني قال انا حلويني ما هيك و للشهادة لله أمها لرفيقتي بتعمل اكل يالله يالله يالللللللللللللللللللللللللللللللللللللللللللللللل لله بياخد العقل و هلأ بجي على أكل الشوام
من ناحية الفاست فود انا ما توفقت بهالأكل لا تزعلو مني بس على الطبخ لا حدا يقلي كل مرة بنزل على الشام رفيقة ماما بتعزمني لعندها على الغدا يا لاسلاااااااااااااااااااااااااااااااام عنجد شي طيب كتير و خصوصا الزيتون الي بعد الأكل وااااااااااااااااااو ففضولي هالسيرة بقى و قعدوا حبابين يا الله الله يرضى عليكم ايو ه يسلمولي القطاقيط تسلمو لقلبي انشالله

mr.mask
30-05-2007, 17:49
صحي نسيت قلكم انو النتيجة صارت شي مليون ناقص تلاتة لصالحنا .... فقعدوا عاقلين الله يرضى عليكم ...... و الأكل الشامي أظرف أه يانيالي ....

Abu-Firas
30-05-2007, 17:50
ماسك انت انسان شفاف وصادق مع زاتك وانا مشان هيك بأكد كلامك ومصداقيتك

هلق انا مابعرف يعني مناف من الرقة ليش هو المسكين واقف لحالة كرمال الأكل الحلبي

انا بقلكن ليش

لانهن اهل حلب عرفو انو نحنا معنا حق قام سكتو و جرو ذيولهم خائبين

اما الأغا لانه مابيعرف شو السر واقف لحاله ... بس والله برابو عليه يعني للموت ولو على غلط

حلو

ماسك عطي الاغا صوتين على وقفة العز هي وشفلي قديش صار العداد عنك هلق خيو ؟


:fotieee2:

mr.mask
30-05-2007, 18:05
لك ييييييي صحي نسيت قلكم هالفكرة ......


يا جماعة البنت الشامية و المرا الشامية و كلامي هادا موجه لكل النسوان الشاميات ..... بدون أي استثناء ....... من نعومة أظافرهم أكلهم طيب مو طبيعي ..... إذا مو كلهم فتسعوتسعين فاصلة تسعوتسعين بالمية أكلهم طيب ... و بياخد العئل ....

و بتحداكم انو اكلة حراء بإصبعه من ايد الست الشامية بيتفضل على كل الكبب الحلبية .. نقطة انتهى .. و نهاية الحديث انو الأكل الشامي هو الأول بكل شي ... تنوع طعم لذة نكهة ولي ولي حاجي حاجي ..... حااااااج يالله خلو باقي الشوام يحكوا شوي عني لانو انا ما عاد فيني احكي بهالموضوع لبعد شوي .. لانو جعت من الحكي بس .


أحلى أبو فراس ... هلا حبيب .


Mr.mask

bloom
30-05-2007, 19:13
حسبي الله ونعم الوكيل

يا خيو عنّا دراسه

بدي ضل وراكن انا بالمنتدى والكبه

حبكون تقتنعو حبكون ما تقتنعو...الأكل الحلبي مافي منو :3ageeb:((صايره شاعره))

بعدا مين عم يحكي عن اليبرق...ايه مافي بعد اليبرق الحلبي وهوه تحتو عضام وعلى وشو لحمة وتوم.

بعدا في ظاهره مشهوره ومعروفه ..انو مافي شامي بيجي على حلب وفي صنف أكلة حلبيه ما بيعجبو وبياكلا وبياكل أصابيعو وراها :blehhh:

بس نحنه الحلبيه منروح عالشام وبالزور منقدر ناكل آكله أكلتين من سفرة كبيره ومجبورين كرمال ما نخجلكون.

وين رايحين بهالزحمه انتو...لسا بيرجعو بقولو اللبن اسود:reaper:

ملاحظه: انو الموضوع اسمو كبة حلبية بالصينية..وما شاء الله مافي لا شامي ولا حمصي ولا حلبي الا فات لياخد الطريقه..وناس ايّدو الفكره وناس ما رضو على حالن انو شوام والتقطو بالموضوع قام قالو ييي كبتنا أطيب:blehhh::blehhh:

Aghalation
30-05-2007, 20:01
لا حول ولا قوة إلا بالله العلي العظيم

مستر ماسك ودينا
لا تقولوني ما لم أقل....

إي ما حزرتو...كانو يطلبوا من الحجة الطبخ الحلبي تحديدا واللي مالو علاقة لا من قريب ولا من بعيد بالطبخ الشامي والسبب الوحيد هو إنو طيب وممتاز ولأجل ذلك مالو علاقة...

خلقو بقا...:rockett:

smilest
30-05-2007, 21:32
أيوا ....
أنا هلء قريت المقادير باكبة الصينية

لك لك لك لك لك لك ... شو جاب البيض للنص
أبو يمان شو دخل البيض بالكبة الصينية .. يا راسي لح أربط راسي منكن يا حلبية

دينا أنت بتحطي شي بيض للكبة .. هاي كبة مو حيص بيص

على دلعوما وعلى دلعوما ...العزيمة عند نوف يالله يا عيونا ... ثبتت

الله محي الثابت

Aghalation
30-05-2007, 22:05
دينا أنت بتحطي شي بيض للكبة .. هاي كبة مو حيص بيص


ليش إنتي ودينا بتعرفو تعملو كبة؟؟ :fotieee2:

THE DARK LORD
30-05-2007, 22:48
يعني انا لسا ماقربت عالموضوع .. وتقريبتي عالموضوع لحالها بمليون صوت ... هي اول صواب

تاني شي نارت تا لهون يوب تا تا تا تا :rockett: هي نارت داق الكبة الدراويش من إيدين الحجة شو رأيك يابو

تاني شي ابو النوف بتتذكر يوم الجمعة الصبح وقت نكون بالشام ... شو كانت تساوي الحجة وشقد العالم يجو لعنا مامونية ... تعوا ياشوام شو هي المامونية بتعرفوها شي .. بقص إيدي إذا مو نص اهل الشام مابيعرفو شو هي المامونية ... وبعدين متل ماقال ابو النوف بإذن الله عزيمة عالمية إنشاءالله .

لنشوف إذا حدا رح يحكي شي وقتا برجع سولامززز حالياً

Deena
30-05-2007, 23:11
ليش إنتي ودينا بتعرفو تعملو كبة؟؟ :fotieee2:

لك يا ابني نحنا بنعمل كبة من قبل ما أنت تنور الكون بوجودك.........
يعني ماصرلك بالقصر من امبارح العصر و جاية تحكي كمان :reaper:

بعدين يا دارك ، شوية سميد و سكر و سمنة اعملتلنا إياهم أكلة محرزة؟؟؟؟؟؟؟؟؟؟....

يعني هاي نحنا بنعملها وقت يكون ضايق خلقنا من الطبخ و مو حابين نتعب حالنا بقى بنعمل شي من قريبو تمشاية حال يعني و ما يكون بدو شطارة و فن مهارة مشان هيك بنعمل المامونية :fotieee2:

george
31-05-2007, 00:22
هلأ شو الموضوع؟؟

ليال66
31-05-2007, 00:25
بس يعني مشان تكون كلمة حق مو أكتر .... المامونية اكلة طيبة عن جد

يا عيني عليها .... ما بنسى طعمتها ... فعلا اكلة ... هي والسحلب ياااااا سلام

NART
31-05-2007, 00:46
هههههههههههههههههههههههههههههههههه يا خالي أنا شايف وساكت خليني ساكت:sleepyy:
هداك اليوم حكيت لأبو النوف شو طعمتنا الحجة أم براهيم حسيتو رح يسحبني من الشاشة ويضربني:rockett: هههههههههههههههههههههههههههههههههههه
على راسي ال كعكه جي
صحي ما عم اتزكر كم صحن رز بحليب سلخت بأخر زيارة والله نسيت:biggrin:
يا عيني عليكي يا كبة .............. كنت حابب القي شعر .........بعدين بعدين:iskot:

شطت ريالتي جوعـــــــــــــــــــــــــــــــــــــــــــان :bawll:

Deena
31-05-2007, 00:50
الخلاصة نارت الخلاصة.........

أنت معنا ولا معنا ( مافي غلط مطبعي ، مقصودة ) ؟؟؟؟؟؟؟؟؟؟؟؟؟؟؟؟؟؟

سلخت مدري كام صحن رز بالحليب ؟؟؟.......
هممممممممم معناها ما عجبك الأكل و ما شبعت منه مشان هيك عوضت بالرز بحليب ، خلاص فهمنا الخلاصة هلأ يا نارت....

جورج ، لا تسألوا عن أشياء إن تبدَ لكم تسؤكم يا ابني...
كنا بس عم نقر حقيقة أنو الأكل الشامي فووووووووووووووووووق مستوى المقارنة مع أي أكل تاني حلبي كان أو حمصي أو رقاوي :fotieee2: .... بس...

Aghalation
31-05-2007, 01:08
ضعيفة...
واهنة وضعيفة حججك يا دينا...
ما عبيطلع معك شي

كل محاولات قلب الحكي تبعك...فاشوش

mr.mask
31-05-2007, 01:18
لا حول و لا قوة إلا بالله العلي العظيم ...... إنا لله و إنا إليه راجعون .... اللهم لا نسألك رد القضاء بل نسألك اللطف فيه .......

يعني شو بدكم بالآخر ؟ آه شو بدكم ...... ؟

خيو حكينا كلمتنا و أثبتنا صحة كلامنا بالدليل القاطع اللي لا رجعة عنه و ما عم تآمنوا و لسا لهلق عم تكابروا على حالكم ...... شبنا!!! و الله ما كنت بعرفكم هيك ....

أبو النوف ما قولناك ما لم تقل و لاشي ... القصة و ما فيها انو الوالدة كانت بالشام و آخدة النفس الشامي ع الأكل لا أكتر و لا أقل اعترف بقا يا أخي....... و طبعاً القصة الأساسية انو ايمت العزيمة يعني مو منشان شي بس منشان ظبط مواعيدي انا عرفت شلون :mrgreen:
و أنا قلتلك مو بس الأكلة الحلبية وقت تنطبخ مع نفس شامي بتصير شغلة انا قلت الصومالية حتا و السنغالية إذا انطبخت مع نفس شامي بتصير مافي متلها ع الإطلاق ...... لكن شو .

خيو ابو القوص تعا لقلك ابو شريك كلامي صح مو اي ها هيك لكن شو ...... :mrgreen:


خيو نارت انت الك زمان عايش برات الشام و أكيد هالسنين يلي عشتهم بدبي نزعولك طعمة تمك و ما عاد فرقت بين الأكل الجيد و الأكل الأجود ..... اللي هو الشامي الأجود طبعاً .... لهيك مالح قلك جنسية و لح نسحبها و ما نسحبها .... يعني يالله مسامح هالمرة ....
بعدين موضوع الحليب اعترفت فيه من دون ما حدا يضغط عليك :mrgreen:

و بالنهاية كلمتين و رد غطاهم ......... الأكل الشامي لا يعلى عليه و لا تقولولي يعني ما بتراجع ....... و الله محيي الثابت على الحق .

ردوا قلولي الأكل الشامي مو هو الأطيب .... منشان رد ارجع رد بجريدة تانية اييييه .... يالله !!!



شايفين شو رايق و حيادي انا ؟؟ :mrgreen:


MR.MASK

smilest
31-05-2007, 09:52
عم تحكوا على المامونية أصلاً المامونية أكلة شامية بحته جداً

هاه ها ..
من عنا المامونية خيو دارك وقد أثبت لي بالشكل القاطع أنكم قد أخذتم طريقة أكلاتنا ونسبتوها لحاكم

نوف اعترف بقا وخلصنا أنو الحجة آخدة نفس أهل الشام
أصلاً الطبخ كله نفس
آل بيضة مع الكبة .. هي أول سمعة

أب يمان
31-05-2007, 10:12
عم تحكوا على المامونية أصلاً المامونية أكلة شامية بحته جداً

هاه ها ..
من عنا المامونية خيو دارك وقد أثبت لي بالشكل القاطع أنكم قد أخذتم طريقة أكلاتنا ونسبتوها لحاكم

نوف اعترف بقا وخلصنا أنو الحجة آخدة نفس أهل الشام
أصلاً الطبخ كله نفس
آل بيضة مع الكبة .. هي أول سمعة



لا لهون وبس وصلت الشغلة للمامونية كتير هيك هة والله كتير يعني انتو الشوام ما بقى تعرفو تكنو :rockett:

المامونية اكلة حلبية بحت من يوم ما خلق الله الارض وين رايحين بها الزحمة انتو زوتوها يا شوام يعني اذا ما عندكن اكل متل عادة الخلق والعالم بتطحشو على الاكل الحلبي وبتزورو بالحقائق اذا كل اكلة طيبة وفيها معلمية بدكن تنسبوها الكن لا لهون وبس قلتلكن وبرجع بقولا روحي على الفتات ولحمة الراس تبعكن وخلصونا بقى :iskot:

عين عمو بدكن مليون سنة ضوئية لتوصلو تعملو مامونية متل ما مونية حلب يا سولام ذكرتوني هلئ بحصن المامونية وعلية ها الفستق الحلبي وها القرفة والقيمق يا ربي دخيلك
حاج بقى فهموها انتو اهل الفتة والحمص وبس :blehhh:

mr.mask
31-05-2007, 10:18
المامونية اكلة حلبية بحت من يوم ما خلق الله الارض


أبو يمان الغالي ... لك على راسي يا حبيب بس ملاحظة صغيرة من يوم ما خلقت الأرض كان في دمشق و ما كان في حلب ...... و هادا دليل قاطع رقم مليون انو الأكل الحلبي كله مأخود من الشوام http://www.syriapath.com/forum/signaturepics/sigpic3292_1.gif



أحلى أبو يمان والله :mrgreen: بس أنو خلص يعني ما عاد الكم غير الأكل الشامي تحكوا عليه شبنا ؟ اي والله حرام عليكم تحرفوا و تزوروا بالتاريخ ..... الله يسامحكم على كل حال ......


و بالنهاية برد بقول الأكل الشام الأول ... و بس :mrgreen:



MR.MASK

smilest
31-05-2007, 10:30
:blehhh:وبلاها هالمنية .. أصلاً شو هالأكلة ما مونية

كلها شقفة سميد مطبوخ بالمي ومحطوط على وشه قرفة

خدها من عنا وانسبها للألكم .. ما بدنا ياها

تعى لعدلك أكلاتنا الشامية وإذا بتعملوا وحدة منها هونيك يا ويلكم :rockett:

بالوظة
أبابسطي ..أبو شلهوب .. مجدرة .. يهودي مسافر .. برغل ببندورة .. حراق بأصبعوا .. جدي بزيت .. رز بالحليب .. كشك الأمراء .. صفيحة .. عوامة .. فلافل مغربية ..مكمور بالكوسا .. جظ مظ .. شلباطه برز .. ستي ازبقي .. شاكرية.. كواج .. طباخ روحو .. باسماشكات .. منسفة بالباذنجان ..
وكبة لبنية ومشوية ومقلية وبالصينية ونية وحميص :blehhh:

وغيرها وغيراتها

فما وقفت عند المامونية
هي أصلاً مو طبخة هي هيك وقت الوحدة بيتها فاضي وما عندها شي تتسلى فيه بتساويها

Deena
31-05-2007, 10:35
بسومة ،

نسيتي داوود باشا ، باشا و عساكره ، شيش برك ، المنزلات بأشكالها و المفركات بأنواعها و الأوزي ...........

بييكفي لهون لأنو بدي قوم نام و اذا الله كتبلي عمر بكرة بنرجع و بنكمل القائمة .....

Abu-Firas
31-05-2007, 10:37
هلق يا حرام عليكم يا اهل حلب

يعني هلق صارت المامونية أكله محرزة و كمان بدكن تلطشوها من الشوام !!!!!

شوية سميد و سكر و سمنة عمتلوها أكلة محرزة؟؟؟؟؟؟؟؟؟؟....

يعني هاد هو الطبخ يلي فرحانين فيه ....

أي هي اي واحد بيقدر يحطن بطنجرة ويشعل النار تحتها !!!!

وين الشطارة يعني ........!!!!؟

عم تدور وتلفو حولين حالكم مو عارفنين تلاقو أكلة عليها القيمة لتحكو عنها

و طلعتو من صينية الكبه بالبيض و اندحشتو كلكن بطنجرة المامونية ..........!!!!!

انا بس بدي اعرف البيضة مين باضا !!!!!!!

حسبي الله ونعم الوكيل .......... قال مامونية قال :iskot:

Kettya
31-05-2007, 10:38
وعليى سيرة المحمرة...فيا كيتيا حماتك بتحبك...خالتك أم إبراهيم بتساوي محمرة إذا الله ما خيبلي ظني فراح ناكلها بالجنة جميعا إن شاء الله...
مو طبيعيةشو طيبة...وشو راكزة وشو طعمتها خياااااال
وبتساويها بدون حد على حسب الطلب....
ما بدي احكيلك على المحمرة الي بتساويها خالتك أم إبراهيم وجنبها مفركة البطاطا العالمية اللي بتجي على الطلب المحدد لأبو النوف...

ولييييييييييي كل شي إلا مفركة البطاطاااااااااا
"وبلاها هالمنية .. أصلاً شو هالأكلة ما مونية"
لاااااااااا سمايلست أنا مو معك منو منووب بهي ... أي عليي الطربوش ما في أطيب منها و هيي على وشها هالقرفة ..ما في أطيب منها عالفطور..مممممممممم

يالله كملو .. عليهوووووووم:rockett:

أب يمان
31-05-2007, 10:39
أبو يمان الغالي ... لك على راسي يا حبيب بس ملاحظة صغيرة من يوم ما خلقت الأرض كان في دمشق و ما كان في حلب ...... و هادا دليل قاطع رقم مليون انو الأكل الحلبي كله مأخود من الشوام http://www.syriapath.com/forum/signaturepics/sigpic3292_1.gif



أحلى أبو يمان والله :mrgreen: بس أنو خلص يعني ما عاد الكم غير الأكل الشامي تحكوا عليه شبنا ؟ اي والله حرام عليكم تحرفوا و تزوروا بالتاريخ ..... الله يسامحكم على كل حال ......


و بالنهاية برد بقول الأكل الشام الأول ... و بس :mrgreen:



MR.MASK




ماسك الغالي

اول مدينة بالتاريخ هي حلب وروح راجع كتب التاريخ وبتعرف انتة من اقدم مدينة بالعالم بتلاقي حلب
بعدين مين عم يزور بالتاريخ نحن ولا انتو والله العظيم مرة عائلة شامية مأصلة يعني من سكان الشام الاصليين سالوني شو هي المامونية وشلون بتصير فا عزمناهن عليها الله وكيلك طلعو عم يعدو اصابيعن من كتير ما عجبتن وكل العالم بتسال شلون بتصير المامونية

اي حاج تزورو بالتاريخ هي انا قلتا قلبلك فا الرجاء لا تحرف وتاخد كرمي ولا ما ضل عندكن حجج وخلص بدكن تستسلمو بس ما عم تعرفو كيف

يالله سلام ابو الماسك الغالي

mr.mask
31-05-2007, 10:40
بالوظة
أبابسطي ..أبو شلهوب .. مجدرة .. يهودي مسافر .. برغل ببندورة .. حراق بأصبعوا .. جدي بزيت .. رز بالحليب .. كشك الأمراء .. صفيحة .. عوامة .. فلافل مغربية ..مكمور بالكوسا .. جظ مظ .. شلباطه برز .. ستي ازبقي .. شاكرية.. كواج .. طباخ روحو .. باسماشكات .. منسفة بالباذنجان ..
وكبة لبنية ومشوية ومقلية وبالصينية ونية وحميص :blehhh:


نسيتي داوود باشا ، باشا و عساكره ، شيش برك ، المنزلات بأشكالها و المفركات بأنواعها و الأوزي ...........



الله يسامحكم يا رب ..... انا كنت خايف من هي الفقرة وليييييييييييييييي وليييييييييييييييييييييييييييييييييييييييييييييييي يييييييييييييييييييييييي وليييييييييي انا ما عاد فيني ابداً خلص خلص حاااااااااااااج ......

لك حااااج كبة حلبية يا عمي و حاج محشي برغل ... اسمعوا اسمعوا ... اسمعوا و عوا ....

لسا لسا .. منزلة بأسود , فتة مكدوس و و و و و ولييييييييييييييييييييييييييييييييي
و نسيت الملوخية الشامية مو تبع المرقة هااااا الملوخية الشامية الأصيلة يلي بيكون على وشها اللحم و الهبر
و كمان اليبرق يلي بعمره و حياته ما حدا عمل متله :iskot:




بكمل بعدين




MR.MASK

Dehumanizer
31-05-2007, 10:50
بالوظة .. أبابسطي ..أبو شلهوب .. مجدرة .. يهودي مسافر .. برغل ببندورة .. حراق بأصبعوا .. جدي بزيت .. رز بالحليب .. كشك الأمراء .. صفيحة .. عوامة .. فلافل مغربية ..مكمور بالكوسا .. جظ مظ .. شلباطه برز .. ستي ازبقي .. شاكرية.. كواج .. طباخ روحو .. باسماشكات .. منسفة بالباذنجان .. وكبة لبنية ومشوية ومقلية وبالصينية ونية وحميص :blehhh:

أم أنس

بالله شوية شاكرية إذا ممكن مع معلقتين رز.

وقرصين كبة مشوية كمان ما منقول لاء.

smilest
31-05-2007, 10:50
لاااااااااا سمايلست أنا مو معك منو منووب بهي ...


ما اختلفنا كتكوتة هي طيبة بس مو محرزة ينحكى فيها بنوب .. بنوب
شقفة سميد بيتحرك هيك من ورا الأيد مع مي وسكر وشقفة سمنة (عربي ) مو زيت أبو يمان .. آخر الشي رشة قرفة على الوش

أبو ناجي
31-05-2007, 10:50
اووووف ...؟ كل هالمعارك صايرة مشان كبة ؟؟؟ههههههههههههههههه

لك اذا على كبة صار اطلاق نار ...وعلى مباراة بين الوحدة والاتحاد صار طخ فشـك ..واذا على كرامة او حطين , فتوة او يقطين ..مليحة او زبدين ...صار هيك خلافات فوقانية ...فكيف لكن ما رح يـنبسطوا الاجانب فينا ؟ هههههههههههههههههه لك بس...كنـو واهدوا ...

*********************

بس بالنهاية بحب قول رأي باعتدال مجرد رأي كذواق ..

انا باعتبار لاني من حلب ولا من الشام ...

* بس اكلت من المطبخين ..

وبكل أمانة المطبخ الحلبي جميل وكربوج وفوقاني ...بس .....وطبعا الكل منتظر الـ ( بس )

( بس ) مستحيل شي يضاهي المطبخ الشامي على الإطلاق , لأنه متنوع وزاخر بالعديد من الطبخات الرائعة الفوقانية , ولا يعلى عليه ابدا ابدا ابدا ...

مثلا في واحد من الأمثلة قريتها بالتعليقات , عن المحشي الجميل ...يعني معقول محشي بلا عصفر وبلا بهارات ؟ اكيد مو معقول ...ميزة الأكل الشامي هوه النفس ...في نفس فوقااااااااااااااااااااااااااني رائع ... ويلي بياكل مثلا بأي مطعم بعين الخضرا او الفيجة رح يلاقي انو الطبخ يتم في البيوت من قبل نسوان مختصات بالكبب على وجه الخصوص ...شي ناهي وفوقاني ...

مع المحبة والتقدير لكل الطناجر والمطابخ والكفاكير والكبجايات والتشناق

smilest
31-05-2007, 10:55
يعني إذا ما اتجادلنا على الطبخ على شو بدنا نتجادل

على الكوال يلي عم اتصيبنا من كل حدب وصوب .. حلوها بقا واعترفوا بجودة المطبخ الشامي ونفسه النفيس
وهي أبو ناجي شهادته بمليون شهادة :blehhh:.. شو رأيك نوف ودارك وأبو يمان :blehhh:


دهيو تكرم عينك .. طلبك عندي مو عند الحلبية:heartsmall:

mr.mask
31-05-2007, 10:56
هادا الكلام يلي عليه علاماااااات .......

لا يضاهي و لم يضاهي قبل .. و لن يضاهي بأي شكل من الأشكال الأكل الشامي ...... اي لكن شو ....

لك عمي بتعرفوا التبولة يلي بتتساوى بالشام ؟؟؟؟ لك يا خيو هي بتتقل بالذهب .... بالذهب , و الألماس هي و ايدين الشامية يلي بتساويها لكن شو !!!

لك يا عمي هي عم نحكي ع التبولة و بس التبوووووووولة فما بالك إذا بدنا نطلع ع الشي التقيل ؟؟؟

شوفوا هدول مو ظراف بس ما لقيت صور أظرف ..... فما بالكم ع الطبيعة ؟؟؟

http://www.arc-news.com/imagini_articole/36tbole.jpg


http://alfrasha.maktoob.com/up/3214391791788286107.jpg


Mr.mask

Abu-Firas
31-05-2007, 11:07
والله بحياتك يا بلوم ما رح تقدري تكتبي موضوع تاني ورح يكون
عدد الردود حتى الان ( 105 ) والمشاهدات ( 725 ) .........

وكمان مو بعيد الموضوع يتثبت وتصيري VIP كرماله ............

:cheesy::cheesy::cheesy::cheesy:

رح اوقع من كتر الضحك ...........

:cheesy:

أب يمان
31-05-2007, 11:12
هادا الكلام يلي عليه علاماااااات .......

لا يضاهي و لم يضاهي قبل .. و لن يضاهي بأي شكل من الأشكال الأكل الشامي ...... اي لكن شو ....

لك عمي بتعرفوا التبولة يلي بتتساوى بالشام ؟؟؟؟ لك يا خيو هي بتتقل بالذهب .... بالذهب , و الألماس هي و ايدين الشامية يلي بتساويها لكن شو !!!

لك يا عمي هي عم نحكي ع التبولة و بس التبوووووووولة فما بالك إذا بدنا نطلع ع الشي التقيل ؟؟؟

شوفوا هدول مو ظراف بس ما لقيت صور أظرف ..... فما بالكم ع الطبيعة ؟؟؟

http://www.arc-news.com/imagini_articole/36tbole.jpg


http://alfrasha.maktoob.com/up/3214391791788286107.jpg


Mr.mask


قا قا قا قا كل العالم بتعرف انو التبولة والسلطات هدول ما من اكلات البنانية يلي مشهورة كتير فيا لبنان وصلتو لااكلات البنانية تنسبوها الكن يا شوام ياحرام ما ضل عندكن غير تسرقو تنهبو من مطابخ الجيرا ن يالله لسة عندكن المطبخ الاردني والتركي
:blehhh:

والله قلبي تقطع عليكن يا حرام

Dehumanizer
31-05-2007, 11:20
دهيو تكرم عينك .. طلبك عندي مو عند الحلبية:heartsmall:

الله يكرمك يارب ... والله يا أم أنس لا غنى عن الحلبية وأكلاتن ... بس كلامك هاد عليه علامات وحابب أعرف إيمت الفحص :mrgreen:








(هي طلعنا بعزيمتين بحلب والشام :blehhh: .. خليكن عم تتقاتلو)

smilest
31-05-2007, 11:24
والله يا أم أنس لا غنى عن الحلبية وأكلاتن ... بس كلامك هاد عليه علامات وحابب أعرف إيمت الفحص :mrgreen:




قلتلي ايمتى الفحص وقت بتعترف ..أنو مافي لاقبل ولا بعد من الكبة الشامية آل بيضة بالكبة آل

تتحورأ

mr.mask
31-05-2007, 11:25
(هي طلعنا بعزيمتين بحلب والشام :blehhh: .. خليكن عم تتقاتلو)


ابو شريك انا اربع عزايم طلعلي :mrgreen::blehhh:

عند ابو النوف بحلب , عند دمشقي بالشام , عند دينا بأمريكا , عند ام انس بالشام ... لكن شو ....


MR.MASK

Aghalation
31-05-2007, 12:23
( بس ) مستحيل شي يضاهي المطبخ الشامي على الإطلاق

سبحان الله عرفان حالي شو عبحكي
مو قلتلكم جهزولي قائمة أصدقاء أبو حميد تبعون way to go...وراح يبلشو بكل واحد بيبلش بـ "أبو"...
وباستثناء الحلبية مشان ما حدا يقولي أبو يمان...

أين مسرور السياف...

يا مسروووووووووووور...


بالنسبة لسؤال العزيمة يا مستر ماسك...فالموعد بس ترج الحجة بالسلامة إن شاء الله

أبو ناجي
31-05-2007, 12:30
خيو نسيت كمل...

المطبخ الرقاوي هو المطبخ الأخطر والأجمل على الإطلاق ههههههههههههههههههههه

واستروا ما شفتوا منا خيو ..ههههههههههههههههه

Abu-Firas
31-05-2007, 12:31
وباستثناء الحلبية مشان ما حدا يقولي أبو يمان...

أين مسرور السياف...

يا مسروووووووووووور...


ياحرام يا أبو ناجي ... شاركت مره وحدة ورح يطيرو رقبتك .... مسكين والله !!!

يا مسروووووووووووور...

تعا كلم الأغا عاوزك

:fotieee2:

Kettya
31-05-2007, 12:54
آغا ثبت الموضوع الله يرضى عليك .. ثبت
مناظرة شعرية نثرية خطيرة .. تفوح منها رائحة السمن العربي و الأكلات و الأطايب .......
و ان هلهلتي هلهلنالك ...
12 صفحة ؟؟؟؟ و لسة ما خلصت الحكاية ...
عند مين الدور هلأ؟؟؟ يالله كملوااااا

أب يمان
31-05-2007, 12:56
سبحان الله عرفان حالي شو عبحكي
مو قلتلكم جهزولي قائمة أصدقاء أبو حميد تبعون way to go...وراح يبلشو بكل واحد بيبلش بـ "أبو"...
وباستثناء الحلبية مشان ما حدا يقولي أبو يمان...

أين مسرور السياف...

يا مسروووووووووووور...


بالنسبة لسؤال العزيمة يا مستر ماسك...فالموعد بس ترج الحجة بالسلامة إن شاء الله

لك ابوس رب الديمقراطية انا هههههههههههههههههههههههه ابو النوف والله شو ما عملو وشو ما قالو ما رح يغيرو شي بالموضوع الاكل الحلبي وبس والباقي كلو حر ولوص الله وكيلك

مشان العزايم انا جاهز ولعيون الكل ومو تقولو انو انتو عملتو هيك مشان تكسبو عزايم عنا بحلب وتخوفنا نحن ما منخاف لعيونكن والله وبلا استثناء للكل

شو مشان ابو ناجي خاف وحسب حساب انو ما ينعزم وياكل بدل الكبة والمحاشي بند مع بطاطا وتوم وسلطة :blehhh: لعيونك ابو ناجي وانتة كمان معزوم حلب كلا بتنور فيكن والله

la solitaire
31-05-2007, 13:07
مبروك الموضوع مثبت

Aghalation
31-05-2007, 13:24
انتو شوفولي صورة التبولة تبع مستر ماسك
الله العليم منين اخدها وعبينسبها للشوام الي لا بيعرفو يطبخو ولا بيعرفو طعمة تمون....

لك صارلون اسبوع عبيحاولوا ويحاولوا ويغيرو بالحكي ويقلبو ويتنو بالكلام مشان انو شو؟؟ قال نحنا ما عبنعرف نحكي وقصدنا هيك ولا هيك ولا هيك
حجج واهنة وضعيفة وما عبيطلع معون شي
لك الحكي على المحك...وقتها ورجوني حالكم...
لك بالعزيمة الحلبية بتنمد السفرة بتستاهل الفرجة بس...بتستاهل الواحد يصورها ويعلقها بالمطاعم مشان تفتح القابلية وتفتح النفس....
وما بتلحق بصورة واحدة...
من كتر الأصناف ومن طول السفرة الواحد بيستهلك فلم تصوير كامل ليلحق يلزق الصور مشان تطلع صور العزيمة كاملة مو ناقصة ولا مدة....

حاجتكم بقا...خليكم عبتاكلو فول وفتة...منيحة بتطلع معكم ما بها شي وطيبة...برافو

ليال66
31-05-2007, 14:02
حرب المئة اكلة

:rockett::rockett::rockett:


كله مشان الكبة

والله الكبة اكلة بتستاهل كل هلي عم يصير

طييييييبة




http://www.lakii.net/images/Nov06/imane_NUq5T3.jpg




http://www.am-food.com/images/RiceandPot.jpg


http://ramadan.weyak.ae/images/articles/appetizer_203.jpg

amar
31-05-2007, 14:27
ههههههههههههه خلاف على كبه بصينيه شلون لو كان الحكي على لحمه بلفرن
ولا الكبه لبنيه ولا السلبين عجب في حدا بيعرف شو هو السلبين

هو صح المطبخ الشامي طيب
بس حدا يقلي شو في بشام غير لاوزي والشاكريه مثلا

bloom
31-05-2007, 15:33
والله بحياتك يا بلوم ما رح تقدري تكتبي موضوع تاني ورح يكون
عدد الردود حتى الان ( 105 ) والمشاهدات ( 725 ) .........

وكمان مو بعيد الموضوع يتثبت وتصيري VIP كرماله ............

:cheesy::cheesy::cheesy::cheesy:

رح اوقع من كتر الضحك ...........

:cheesy:

:cheesy::cheesy::cheesy: صار الموضوع مثبت

انو من زمان كنت نزّلت هيك موضوع

نزّلت موضوع بكل قسم من اقسام المنتدى...وهلق عرفت وين بيمشي حالي...مالي غير الكبب واللحمه بكرز وانتظرو
باقي الأكلات الحلبيه الذيذه الفوقانيه الكربوجه العظيمة((على قولت أبو ناجي)) بالحلقات القادمه :blehhh:.

bloom
31-05-2007, 15:54
بعد ما اتثبت الموضوع رحت لأعمل جولة بالغوغل وشفت شوفة حلوه كتير ...جبتلكون كلام من موقع كبيييير كتير ومعروف على مستوى كبير ونقلت الحكي متل ما مكتوب تمام طبعا عن الشام وحلب بس..وشوية عن الرقة كرمال أبو النوف :fotieee2:




المأكولات الشعبية السورية
كثيرة ومتعددة أطباق الطعام الشعبية السورية, وتتميز ببساطة تركيبها وسرعة تحضيرها, وسهولة هضمها, وهي غنية بالمواد الغذائية الضرورية لبناء الجسم
وارتبطت معظم المأكولات الشعبية بالمحافظات والمدن السورية, وهذا ما يسهل على السائح معرفة أشهر المأكولات الشعبية, عند زيارته لهذه المدن
مدينة دمشق الفيحاء
الأوزي :من الأطباق الشعبية المشهورة, وتقدم في مناسبات الأفراح و الأتراح, تحضر من الرز المضاف إليه لحم الغنم المفروم و البازلاء و المكسرات و يطهى بالسمن العربي , ثم يخبز برقائق من العجين على شكل صرة , و يزين باللوز أو الفستق الحلبي
لحومات باردة : مثل اللسانات و النخاعات والطحايل, على الطريقة الشامية حيث تركب منها مأكولات مقبله جميلة المنظر و شهية الطعم, و زكية الرائحة
لحوم محفوظة : مثل القاورمة و النقانق و الباسطرما , و القاورمة, هي لحم غنم مقلي بدهن شحوم الغنم, ويحفظ بنفس دهن الطهي بعد أن يملح الملح الكافي
الفلافل الشامية : نوع طيب و لذيذ الطعم من المقالي, حيث يطحن الحمص و يتبل ويقلى بالزيت بقوالب ذات أشكال متعددة
و المأكولات الشامية كثيرة مثل: الشاكرية, وشيخ المحشي, وحراق اصبعه, والحبوب, و المجدرة , والمشمشية واليقطين المكمور

القطايف الشامية : حلويات تخبز بطريقة شعبية خاصة, وتاخذ أشكال دائرية صغيرة, متعددة القياسات تحشى بحشوات مختلفة
العوامة الشامية: طبق حلو مميز, على شكل كرات من عجينة خاصة, تقلى بالزيت, وتبرد بقطر السكر
.البرازق الشامية :نوع من حلوى البسكويت, مغطى بالسمسم
.ا لمعروك : خبز خاص يخبز في شهررمضان المبارك, محلى بالسكر ومنكهة
الناعم: خبز رقيق جدا, ذهبي اللون, يضاف اليه الدبس أو العسل علىشكل شبكة العنكبوت

مدينة حلب الشهباء
:تشتهر مدينة حلب الشهباء بكثير من المأكولات الشعبية, من أشهر أنواعها
الكبب الحلبية :و الكبة هي عجينة مصنوعة من البرغل و اللحم المدقوق, تحفر على شكل .بيضة فارغة, تحشى بالحم الناعم و المكسرات, تقلى بالزيت,أو تطهى ولها أنواع متعددة
الكباب الحلبي : وهو لحم غنم مطحون, يمد على سيخ خاص, يشوى على الفحم, شهي, .طيب المذاق, ويحضر منه أنواع متعددة
وورق العنب: بالشرحات ونيفا الرأس.
كما تشتهر بالتبولة والسلطات المتنوعه والمحاشي.
وكذلك تشتهر بالحلويات الحلبية, و المعروفة عالميا بطريقة صنعها الفريدة, و أشكالها المتميزة, وحشواتها الغنية, وطعمها الطيب, و نكهتها الزكيه, فهي مزيج من ماء الورد وماء الزهر والمستكة وقطر السكر والسمن العربي و المكسرات وأنواعها كثيرة مثل
ا لمبرومة : وهي عجينة عثملية, محشية بالقستق الحلبي الحب, تلف بشكل أسطواني, .تخبز بطريقة خاصة, ترش بقطر السكر, تتميز بتقطيعاتها على شكل معينات أو أهلة
كرابيج حلب: مصنوعة من السميد والطحين والسمنة العربية, محشية بالجوز, معطرة بماء .الورد وماء الزهر,مقلية بالزيت ومبردة بقطر السكر
البلورية : وتحضر من العجينة العثملية, وتحشى بالفستق الحلبي المطحون, تخبز وتبرد .بالقطر

مدينة الرشيد الرقة
تشتهر محافظة الرقة بالحبية: وهي أكلة شعبية مشهورة, تحضر من اللبن-الشنينة- والقمح المقشور والمجروش واللحم
وكذلك من الحلويات المشهورة المشبك:وهو حلويات مصنوعة من السميد و السكر, على شكل عجينة رخوة, تقلى بالزيت من خلال قالب خاص مخرم على شكل دائري, تبرد بقطر السكر



بعد قراءة هذه الحقائق..لاحظو معي ...وين انحكا عن الكبة ...والمحاشي واليبرق (ورق العنب) وشو انحكا عن الأكل الشامي ...طبعا انا ناقلة الحكي بحذافيرو...لك روحو طلعو من هون واسئلو مين ما بدكن ...وين جايين تعرجو بحارة المكرسحين :3ageeb:

NART
31-05-2007, 17:15
لك ولي ولي شتغل ضرب البوكس
يعني والله العظيم الواحد ما بيعرف شو بدو يحكي
يا جماعة الأكل الحلبي شغلة اب راتب
بالنسبة للأكل الحلبي والشامي و با عتبار أنا كمان ماني شامي وماني حلبي
أنا بقول أنو الطبخ الشامي طيب بس الحلبي اطيب :blehhh:
رح تسالوني ليش
لكان في حدى بالدنيا بيطبخ أجرين الخاروف والكرشة تبع الخاروف ( مطرح ما بكون الكاكا ):sleepyy:
يعني ما صفي أكل حتى تطبخو اجريـــــــــــــــــــــــــــــــــــــن و كرشــــــــــــــــــــــــــــــــــــة:bawll:
يعني مو بعيدة بكرة تطبخو أجرين ضفاضع ( ضفضع عينكن ):cheesy:
اما التبولة يـــــــــــــــــــــــــــا عيني عليكي يا تبولة ......:dabkehhh:...... فاصل منشط مناكل تبولة ومنتابع النقاش :reaper:
http://i175.photobucket.com/albums/w135/nmachfej4/imane_bW6g4m.jpg

أيــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــه الله يرحم ايامك يا اب حمدي
تفضلو على الهسترة يعنا:tongue2:

ShaM
31-05-2007, 17:36
لك بالعزيمة الحلبية بتنمد السفرة بتستاهل الفرجة بس...بتستاهل الواحد يصورها ويعلقها بالمطاعم مشان تفتح القابلية وتفتح النفس....
وما بتلحق بصورة واحدة...
من كتر الأصناف ومن طول السفرة الواحد بيستهلك فلم تصوير كامل ليلحق يلزق الصور مشان تطلع صور العزيمة كاملة مو ناقصة ولا مدة....


طيب دوقونا لشوف بعدين بنئرر :fotieee2::fotieee2:


لكان في حدى بالدنيا بيطبخ أجرين الخاروف والكرشة تبع الخاروف ( مطرح ما بكون الكاكا ):sleepyy:
يعني ما صفي أكل حتى تطبخو اجريـــــــــــــــــــــــــــــــــــــن و كرشــــــــــــــــــــــــــــــــــــة:bawll:

هههههههههههههههههههههههههههههههههههههههههههههههه لا لا هي رهيبة :cheesy::cheesy::cheesy:

بس اطلعتوا انزلتوا أكلنا أطيب وهه :tongue2::tongue2::harhar::dabkehhh:

الدمشقي
31-05-2007, 18:25
والكرشة تبع الخاروف
نارت صديقي قصدك تقول القشة أكلة شامية وبس ؟؟؟؟؟..
وإنو ماحدا بيطبخها غيرهن .. ؟؟
غلطان صديقي .. أولاً القشة أكلة عالمية .. وونستون تشرتشل ماكان يعرف يخطط إلا بعد تناول القشة وتوابعها ..
والحلبية مشهورين بأنهن بيحطوا الأباوة بتمهن وبيسحبوا الخيط بسلاسة ومتعة فظيعة ..
وأنا هي الطريقة تعلمتها من الحلبية .. فعلاً كتير استمتعت فيها ..
ونسيت قلك إنو السجق والنقانق من أحد الشوارع الجميلة اللي بيمرق منهن موكب الكاكا ..:heartsmall:

bloom
31-05-2007, 22:24
كنا بالكبة وصلتو لمحل الكاكا :3ageeb:

لو سمحتو ...احترمو موضوعي الكبير..ولا حدى يتعدى حدودو :rockett:

خليكون بالكبة وبس :blehhh:

والأكل الحلبي هيه هيه

مافي أطيب منو هيه هيه

لا في قبلو ولا بعدو هيه هيه

:blehhh::blehhh::blehhh:

mr.mask
31-05-2007, 23:51
جبتلكون كلام من موقع كبيييير كتير ومعروف على مستوى كبير


أحلى الشي بلوم شو مشان ؟؟؟ قال يعني إذا الموقع مشهور و معروف و على مستوى كبير منمشي على كلامه يا عمو ؟
يعني هادا اللي باقي يا عمري الأكل الشامي ما بيمشي الحال ينحكى عليه بمواقع كبرت او صغرت ....... الأكل الشامي أكبر من هيك بكتييييييييييييييييييير ....

على كل الأكل الشامي أكيد هو الأكل الأفضل على وجه الكره الأرضيه ....... و الأكل الحلبي ممكن انو اعطيه مستوى بأول عشر مستويات ماشي الحال ...


أبو النوف على راسي حبيب انشا الله ترجع الحجة بالسلامة يا رب ....... و بالانتظار .


Mr.mask

lady
01-06-2007, 00:07
ليش كل هالزعل والخناقة
لك حاجتكن بقا
يعني بالله في احلى من كلمة مافي أطيب من الأكل الســــــــــــــــــــــــــــوري
اي دخييييييييييييييييل سوريا كلها

بس لهلء مابقول شي عن الكبة الحلبية لترجع ام ابراهيم بالسلامة يارب واتدوقنا ياها...

Abu-Firas
01-06-2007, 09:49
هلق انا حبيت اطلع اعمل كشف ميداني عندي هون بدبي

وعلى الرغم انه انا بعرف النتائج ........... بس حبيت اكدلكم ياها لتتضح الرؤية :mirrorr:

خيو ........ كل يلي كانو بدبي بيعرفو انه الاكل الشامي والمطاعم الشامية هون
تعتبر الاولى من نوعها

يعني مثلا
مطعم عروس دمشق
مطعم الشامي
مطعم يامال الشام

وغيره غيره

خيو هدول المطاعم هون بدبي هن القمة ودائما مليانين عالم
اشكال والوان شي من العرب والغرب وشي من الصين

وكلهن قاعدين وعم ياكلو الاكل ومبسوطين

اساسا قليل ما تلاقي محل تحط رجلك فيه

بقا اذا الصيني طاير عقله بالاكل الشامي .......... ومعروف عندكن قديش الصينين اذكياء ومابتفوتن شغلة

شو مشان مافي ولا مطعم حلبي اله القيمة هون ........!!!

( هاد الكلام بتحدى فيه حتى الناس يلي بالسعودية لانه نفس الشي عندهن ) :blehhh:

يامال الشام ويالله يامالي ......... غير الشامي مابيحلالي ....

عجب حتى صباح فخري الحلبي عم يتغنى بمال الشام ..........!! :embaressedd:

ولسا بدكن تحكو !!؟

حاجة بقا قومو العجة صارت جاهزة ....... قوم اب يمان وزع عالشباب عندك و رجاع لطنجرة الماموني قوام


شو صار ...... ايمتى جاية الحجة لنعرف :iskot:

yoos
01-06-2007, 12:25
وونستون تشرتشل ماكان يعرف يخطط إلا بعد تناول القشة وتوابعها ..

هههههههههههههههه :cheesy: ولي ما بيعرف يخطط الا بعد ما ياكلها عااااااااااااااااا




والحلبية مشهورين بأنهن بيحطوا الأباوة بتمهن وبيسحبوا الخيط بسلاسة ومتعة فظيعة ..

تاني مرة ههههههههههههههههه :cheesy:
بردو عم بسخسخ من الضحك شو ايه طيب بدي جرب
مااااااماااااااااااااااااااااااااااااا
بدنا نطبخ ابوات الجمعة الجاية هع
إذا الجمعة الجاية ما رجعت ببقى اكيد ماما تصرفت فيني ..........
و إذا رجعت بتبقى ما طبختها ههههههههه :cheesy:
عااااااااااا سخسخت ايه ولي شو هاد ينعن كرش و قشة و أبوات

ايه نسيتوني ليشو دخلت انا هون
يا عمي انا دخلت منشان قول تحيا ليدي

أبو ناجي
01-06-2007, 12:52
خيو افراس ...شايفك نسيت اخطر واهم مطعم للأكلات الشامية الفوقانية العالمية في دبي

هاد فوقاااااااني جدا...

اسمه الليالي العربية ...اوعا تنسا خيو الله يرضى عليك يا خيو ترا هاد شي فوقاني وزاكي وشي ناهي

بنت الأكابر
02-06-2007, 08:55
:cheesy::cheesy::cheesy: صار الموضوع مثبت

انو من زمان كنت نزّلت هيك موضوع

نزّلت موضوع بكل قسم من اقسام المنتدى...وهلق عرفت وين بيمشي حالي...مالي غير الكبب واللحمه بكرز وانتظرو :blehhh:.

يبعتلك الهنا يابلـــــــــــــــــــوم ..

بس خبريني كل الأكلات رح تنزل حلبيه .. حتى جهز حالي وإبدأ مشروع البحث والتنقب عن المأكلولات الشاميه الأصيله ..
وصباحك كلو خيــــــــــــر .. وكل اللي بحبو الأكل الشامي .. ........................ والحلبي ..



الأكل الشامي أكبر من هيك بكتييييييييييييييييييير ....

Mr.mask

لك يشكلني هالمنطق إلاهي .. ( كيف صارت هي .. ) ..
المهم لك شو هاد ماسك .. حكي على مستوى ..
الأكل الشامي لاغيـــــــــــــــــــــــــــــــر ..

وأبو ناجي ..
خبرون شو الأكل الشامي لذيـــــــــــــــذ .. إسمك الشيف أبو ناجي

Deena
02-06-2007, 09:14
يعتلك الهنا يابلـــــــــــــــــــوم ..

بس خبريني كل الأكلات رح تنزل حلبيه .. حتى جهز حالي وإبدأ مشروع البحث والتنقب عن المأكلولات الشاميه الأصيله ..



يا بنوتة ، حرااااااااام خطي.............. خليهم ينزلوا وصفات الأكل الحلبي هون بالمنتدى لأنو نحنا بنتحملهم و بنسكت و بنكسب فيهم ثواب ، بس غيرنا لأ..

يعني إذا ما عطيناهم مجال هون ، ما رح يلاقوا مكان تاني يصرفوا فيه وصفات أكلهم....

بقى خليهم يفرغوا بلا ما يصرلهم شي من القهر.....

يعني بالنهاية هاد عمل عاملينه ( نحنا الشوام ) لوجه الله تعالى و ما بدنا من وراه إلا الثواب..... آمين....

بنت الأكابر
02-06-2007, 09:27
يا بنوتة ، حرااااااااام خطي.............. خليهم ينزلوا وصفات الأكل الحلبي هون بالمنتدى لأنو نحنا بنتحملهم و بنسكت و بنكسب فيهم ثواب ، بس غيرنا لأ..

يعني إذا ما عطيناهم مجال هون ، ما رح يلاقوا مكان تاني يصرفوا فيه وصفات أكلهم....

بقى خليهم يفرغوا بلا ما يصرلهم شي من القهر.....

يعني بالنهاية هاد عمل عاملينه ( نحنا الشوام ) لوجه الله تعالى و ما بدنا من وراه إلا الثواب..... آمين....
:cheesy::cheesy::cheesy::cheesy:
ههههه
راح عن بالي هالشي يادينا .. ييي .. معك حق .. يعني شو بدنا نعمل .. للصحبه حق .. ومن حقنا نعد نتحمل كل فشة خلق .. وخاصة منون .. وثواب كمان ..

.. كتبو لإلكم كتبــــــــــــــــــــــــو:noevil:

CONSTANTEN
04-06-2007, 01:15
MN KTR ALRDOD YALY ANDK WALMOSHAHDAT AM FAKR ANY SAWYHA BLOOOOOOOOOOOOOOOOOOOOOOOOOOOOOOOOOOOM GHALTAN ALYKY AREEEEEF:reaper::angry20girl::cheesy:

bloom
04-06-2007, 16:47
BLOOOOOOOOOOOOOOOOOOOOOOOOOOOOOOOOOOOM GHALTAN ALYKY AREEEEEF:reaper::angry20girl::cheesy:

شو يعني؟؟ :reaper:

Deena
04-06-2007, 17:09
شو يعني؟؟ :reaper:
شفتي يا بلوم البيضة بالكبة شو بتساوي :fotieee2:

يعني لو كان الموضوع عن طريقة الكبة الشامية ما كان انحطيتي بهيك موقف :reaper:

هلأ شو يلي بدو يصلح الوضع المأساوي الحاصل أعلاه؟؟؟؟؟؟؟؟؟؟؟؟
سمايلست من عندك دخيل عينك الكبة الشامية حتى ننقذ ما يمكن إنقاذه :fotieee2:

THE DARK LORD
04-06-2007, 17:15
يادينا بكرة بدوب التلج وببان المرج

الأكل الحلبي وبس

Abu-Firas
04-06-2007, 17:32
يادينا بكرة بدوب التلج وببان المرج

الأكل الحلبي وبس


يادينا , أدن من طين والتانية من عجين

الأكل الشامي وبس

:blehhh:

THE DARK LORD
04-06-2007, 17:44
نوفااا انا عم جهزلك قائمة اصدقاء ابو حميد تبعون way to go

Deena
04-06-2007, 17:49
نوفااا انا عم جهزلك قائمة اصدقاء ابو حميد تبعون way to go

أبو فراس.......

أنت عم تسمع شي؟؟؟........أو بالأصح عم تقدر تقرأ شي ، لأنو الرؤية من عندي مو كتير واضحة :mirrorr: في شوية تغبيش على برازيت على هيك شي.....
بس هالنبرة الكلامية مو غريبة علي....
كأنو قصي :reaper: عم يحكي شي أنو الأكل الحلبي و بس ما بيتفوق عالأكل الشامي؟؟؟؟؟؟

عالعموم هاي شهادة بنعتز فيها من واحد تربى عالأكل الحلبي و إن كان الأكل الشامي شهدت بجودته و أصالته و عظمته و طيابته و تميزه و تفوقه كل الخلايق من شرق و غرب.....

Abu-Firas
04-06-2007, 18:22
أبو فراس.......

أنت عم تسمع شي؟؟؟........أو بالأصح عم تقدر تقرأ شي ، لأنو الرؤية من عندي مو كتير واضحة :mirrorr: في شوية تغبيش على برازيت على هيك شي.....
.....

دينا سمعك تمام وعيونك مية مية ...... بس بتعرفي يلي بيكون مو واثق بكلامه
مدري كيف بيكون عم يهمس همس

لا تقلقي جزاكي الله خيرا ..... انها أضغاث احلام ... ولسوف تنجلي مع جلاء الضباب

:3ageeb:

Aghalation
04-06-2007, 18:33
يا جماعة

أنا من موقعي هادا أعلن إنو الشوام معون حق يحكو هيك على الأكل الشامي والطبخ الشامي

وفعلا فعلا الحلبية وكل مين عبيدافع عن طبخون مالو عرفان شي....

حكي الشوام مزبوط...وكل مين قال إنو الطبخ الشامي أطيب...كمان حكيو مزبوط

عادي
ناس ما بتعرف طعمة تمها

ناس الله حارمها من الطيبات

بسيطة بتحصل يعني...

يعني أكلات كتير فخمة...ولو...خس بالدبس...شو بدكم أكلة أفخم من هيك
يا سلاااااام شي على أصوله....

ولا شو؟ رز بفول....
إنو شلون هالأكلة زبطت ما بعرف....

لأ وشو؟؟ بيعتبروها أكلة صميدعية...وما بيساووا شي جنبها....رز بفول...

ولا شو؟؟ رز ببازاليا...يا عيييييييينييييييييييييييي

(طبعا لاحظولي إنو أيا شغلة خرج تنفخ وتشبع قوام وبسرعة وبأرخص الأسعار بتنحط مع الرز وصلى الله وبارك...يالله قوام قوام...عاسريع ومرخصان)...

لكن في أكلة بالدنيا إسمها ستي ازبقي؟؟
هاي عبتدعي عليها لستك...مو إسم أكلة...

Abu-Firas
04-06-2007, 18:46
معناها طارت عزيمة الحجة أم ابراهيم

:3ageeb:

ماسك دينا بسوم حمودة بنوته اب ناجي.......... خلص

[smilie=giveup.gif][smilie=giveup.gif]

[smilie=mabsot.gif]

الدمشقي
04-06-2007, 18:48
لأ وشو؟؟ بيعتبروها أكلة صميدعية...وما بيساووا شي جنبها....رز بفول...
(طبعا لاحظولي إنو أيا شغلة خرج تنفخ وتشبع قوام وبسرعة وبأرخص الأسعار بتنحط مع الرز وصلى الله وبارك...يالله قوام قوام...عاسريع ومرخصان)...

مين قال مابنحط جنبها شي ..
شومشان اللبن بالخيار ...... والبصل الأخضر .. والنعنع .. والمخللات .. أو السلطة .. والصحون والمعالق والممالح ..:mrgreen: ..

بجد الرز بالفول هي تعادل المنسف عند أهل المنسف .. ليش شو بيحطو جنب المناسف دخلك ؟..
الرز بالفول وعليه كراديش هاللحم .. والحباشات والقلوبات .. فعلاً شي صميدعي ..

إي لكان مخلوطة يا حلب .. مخلوطة ؟!!!!!!!!!!!!!!!! .. عدس بحامض هي بتعتبروها وجبة ؟؟؟
حطوا هالخبز ادامها وفتوووها يا عرب .. عفواً قصدي يا حلب ..

مشان الله لا تجيبوا سيرة المرخصان بالأكل مشان مانفتح ملفات قديمة ..

بيشو
04-06-2007, 19:16
لامعليشي مايجوز هل حكي حلب ام المحاشي والكبب لسنا الوحيدين لكننا الافضل

ابوعصام احكيلك كلمة قال شو اكل الشام اطيب من حلب

ابوالنوف وابو خالد وابو علي الزعيم تصرفو الي لازمو بند بند والي بحب الانزار كمان مايخالف

ثلاثي حلب الشهباء الفيزا عليك والطبخ علينا

Aghalation
04-06-2007, 19:42
معناها طارت عزيمة الحجة أم ابراهيم

على العكس....

العزيمة ثابتة ثابتة .... الله حيو الثابت

ولأجل كل واحد (من هالعبيحكي عن الطبخ الحلبي من مناصري "شبه" الطبخ الشامي)

كل واحد بإيدو...بدو يقلع عينو...
بعين محشية والتانية كبة....

هيك لحالكون...هاي بس لشهادة التاريخ بدكون تساووا هيك...


بالنسبة للمخلوطة حبيبي الدمشقي...
هي مو أكلة مرخصان أبدا...هي أكلة شتاء...يعني بيعملوها بالشتا خص نص مشان الواحد يدفي حالو ويرم عضمو....
وهادا الحكي ما بيجي هيك تعفيس...هادا في إلو أسباب
معلومك يا حبيبنا إنو الشتا نهارو قصير...يعني بتعتم العين على الـ 4...4 ونص يا دوب
والشغل ذروته على ضو النهار وساعة الضهر....وساعة الضهر ما في وقت الواحد يضيعو بالأكل...

وبزيدك من الشعر بيت...فالواحد بالشتا ما خرج يتأخر بالعشاء كتير....بيتغدو شي خفيف وبيدفي...وعلى العشا بالليل بيكون الواحد مو ملحوق على شي وبيقدر ياكل على راحته ويتم قاعد ببيتو...

بس الرز بفول شو في إلها ميزة ولا إسقاط ولا أي شي؟؟
أكلة بلا طعمة...
أكلة لازم تنمنع أساسا....
ولا رز ببازاليا...ولي...أستغفرك يا ربي وأتوب إليك من تعفيس خلقك

أب يمان
04-06-2007, 20:02
هههههههههههههههههههههههههههههههههههههههههههههههههه ه حلوة هي رز بفول

ورز وبازلا ههههههههههههههههههههه مرخصان

تعو شوفو نحن على المخلوطة منحط صنوبر وجوز وين رايحين بها العجئة يوم
نحن اهل الكرم والجود وخصوصا بالاكل تعو شوفو شو منحط قلوبات بالكبة وتحت اليبرق ولي ولي عا الشرحات تحت اليبرق
وشو هي شتي زبقي خيو شراب سعلة ولا تحاميل هههههههههههههههههههههه

خيو خلص لا بقى تحكو عن الاكل الشامي ما رح تزبط معكن بنوب بنوب :iskot:

smilest
04-06-2007, 21:34
بلا كبة حلبية بلا مامونية
والله هالتطليعة بوش أبنك يا أبو يمان تسبيحة ماشاء الله ولا حول ولا قوة إلا بالله .. حوضته بالكبجاية من عين الرايح هاد آغا:blehhh: والجاية هي بلوم :blehhh:

اللهم مصلي على النبي .. يلا أبفرس.. دينا .. ماسك ..أكابرية .. ما بدنا كبة حلبية خلينا انحط هالولد بين أدينا وناكله بكم مجقة ممجوقة .. آل كبة حلبية آل.. عليم الله أطيب من ستميت نوع كبة حلبية :heartsmall::heartsmall::heartsmall::heartsmall:

yoos
04-06-2007, 21:52
فعلا سمايل
ابو يمان من الصبح و انا بدي قللك صورة ابنك بتاخد العقل ما شاء الله عليه يا الله قديش صورته فيها براءة و بعدين ما شاء الله على ضحكته ما احلاها الله يحميه و يتفرح فيه و هوة عريس و مخلص شهادته

الدمشقي
04-06-2007, 22:05
بالنسبة للمخلوطة حبيبي الدمشقي...
هي مو أكلة مرخصان أبدا...هي أكلة شتاء...يعني بيعملوها بالشتا خص نص مشان الواحد يدفي حالو ويرم عضمو....
وهادا الحكي ما بيجي هيك تعفيس...هادا في إلو أسباب
معلومك يا حبيبنا إنو الشتا نهارو قصير...يعني بتعتم العين على الـ 4...4 ونص يا دوب
والشغل ذروته على ضو النهار وساعة الضهر....وساعة الضهر ما في وقت الواحد يضيعو بالأكل...

وبزيدك من الشعر بيت...فالواحد بالشتا ما خرج يتأخر بالعشاء كتير....بيتغدو شي خفيف وبيدفي...وعلى العشا بالليل بيكون الواحد مو ملحوق على شي وبيقدر ياكل على راحته ويتم قاعد ببيتو...

بس الرز بفول شو في إلها ميزة ولا إسقاط ولا أي شي؟؟
أكلة بلا طعمة...
أكلة لازم تنمنع أساسا....
ولا رز ببازاليا...ولي...أستغفرك يا ربي وأتوب إليك من تعفيس خلقك

ههههههههههه .. ههههههههههههه .. آغا .. معلش .. إنت أخي وصديقي وتاج راسي كمان .. بس اسمحلي قلك إني فرطت ضحك على قصة المخلوطة الشتوية وتبريرك لإعتمادها وجبة كاملة ..
تعو شوفو نحن على المخلوطة منحط صنوبر وجوز
أبو يمان .. هههههههههههههه .. هههههههههههههه ..
يعني إنت صديقي وع العين والراس .. بس غزلك بالمخلوطة والقلوبات فوقها .. زكرني بمطعم بوز الجدي عنا لما بدو يعظم طبق الفول تبعه بيقوم بيحطله على وشه صنوبر ولوز وفستق .. ههههههههههههه .. ياعمي هدا فول .. شو جاب القلوبات هههههههه .. بعدين شومالبسته للصحن بيضل اسمه فول هههههههههههه ..

هلأ بنرجع للرز بفول وببازليا .. وبقول بالمنطق .. يعني الأكلة عم تتحدث عن حالها .. رز ومعه فول مطبوخين بالسمن الحيواني الرفيع أو بالسمن العربي الأصيل إذا بدكن .. وفوقهن طبقة من اللحمة الموزات تكسوها المكسرات والقلوبات .. وقدامهن سلطة لبن بخيار (جاجق) ..وصحن سرفيس مشكل من البصل الأخضر والنعناع الأخضر والمخلل الأخضر ..
يعني بالله عليكم .. هي أكلة مرخصان ؟؟؟!!! .. وين الرخص باللحمة الموزات .. هههههههههههههههه ..
طبعاً أنا عم بحكي عن أصول الأكلة وكيف بتنعمل .. بس في عالم مابيطبخوها بالموزات لأسباب مادية .. بقى فينا نفرضها عليهم .. طبعاً لأ .. بس برضو بيجللو الطبق باللحمة الناعمة الذكية والشهية ..
ليش الأوزي شو ؟؟. الأكلة اللي بيشتهروا فيها الشوام بشهادة حلبية .. وأنهن بيحبوها كتير وبيبصمولنا فيها بالعشرة .. شو هو الأوزي ؟.. سلطة خضار مثلاً ؟.. هههههههههههههه .. حتماً لأ .. الأوزي رقاقات عجين محشوة بالرز بالبازاليا واللحم الموزات الرائع ..
أما المخلوطة .. فياعالم إنها تتحدث عن نفسها .. طلعت والا نزلت .. هي شوربة عدس مجروش مع مي وحمض .. وبالنسبة لموضوع الشتاء والعشاء .. فأنا والله يشهد على كلامي .. إني أكلتها عند ناس حلبية وكانت الطبق الوحيد بالسفرة .. هلأ ماعاد أتذكر كانت الدنيا شتى والا صيف بصراحة .. بس اللي متأكد منه ومتذكره مزبوط إنو كان الوقت وقت غداء .. ولايوجد غير المخلوطة .. وأنا أشرق بهل الشوربة .. وأشرق .. وأشرق .. لك هي للأمانة طيبة ومو حاكية شي .. بس وين الأكللللللللل .. بدي أكللللللل .. بعد الشوربة في أكلللللللل .. قام الحجة أم رفيقي الله يعزها ويديمها اشتلقت ع المأساة اللي عايشها .. وقامت واختفت عن الأنظار لمدة سبع دقايق تقريباً .. وأنا بهل الوقت عم بشرق .. وأشرق .. لك انبقيت .. بس بدي أستنى الحجة .. لأني كنت فعلاً جوعان .. لغاية ما إجت وجابت معها صحن فول عم يسبح بالطحينة الخام سباحة .. يعني بتحسها شوربة فول بالطحينة .. وللأمانة جابت صحن مطبق (مسقعة) .. هادا أكلته وانبسطت فيه ومشي حالي يومها ..
بقى أنو شتى وأنو عشا .. وأنو رم عضم .. وأنو مرخصان ..
هههههههههههههه .. برجع بذكر للأمانة والتاريخ .. أنو المخلوطة طيبة وأنا حبيتها .. ونحنا مابنطبخها بالشام .. بس نحنا عنا الشوربات بأنواعها مجرد بداية لأطباق المقبلات .. بعدين المقبلات .. بعدين بيجي الدسم والوجبات ..
أحلى آغا وأبو يمان ع العين والراس والله ..
هههههههههههههه .. ههههههههههههههه .. هههههههههههههههه .. هه :reaper:

bloom
04-06-2007, 22:43
أبو يمان انته حلبي صح؟؟

هذا يؤكد انو ابنك حلبي...تمام لهون

منستنتج من هالحكي انو الحلبيه مو بس أكلن طيّب بل وأطافيلن الحلوين وشبابن وبناتن..ابوس روحن بناتن أحلى شي :embaressedd:

منجي للنقطه التانيه

مين قال نحنه منحط المخلوطه كوجبة اساسيه؟؟ نحنه شخصيا عيلتنا ...بتعملا مع الأكل ومتل ما قال الأغا ...يعني بالشتا منبلش فيا الأكل كرمال ندفا وبعدا منبلش بالكبب الحلبيه :blehhh::blehhh:

bloom
04-06-2007, 23:11
[ 13:00:11 ] Sugar (http://www.syriapath.com/forum/member.php?u=3022): خلصنا بقا الاكل الحلبى هو نبر ون
[ 12:59:59 ] Sugar (http://www.syriapath.com/forum/member.php?u=3022): كبة *
[ 12:59:48 ] Sugar (http://www.syriapath.com/forum/member.php?u=3022): شو قصة الكب صينية


وهنا نرى اعتراف كامل بالكبة الحلبية

وانا متأكدة انو الكل بكتب ردود على كيفو ..بس بقلبو بيعرف ومعترف انو الكبة الحلبية نبر ون..وبكرا بدو يصير بالكل متل سكرايه الحلوة

انتظرو اعترافات وتراجعات أخرى في الحلقة القادمة:blehhh:

Deena
05-06-2007, 00:13
:breakfastmorning: معقول 16 صفحة و ما لقيتو أكلة تانية تتفاخروا فيها و تقاتلونا عليها إلا الكبة بالبيضة؟؟؟؟

:breakfastmorning: إن دل هاد على شي فبيدل على إفتقار المطبخ الحلبي لأصناف الأكل يلي خرج ينحكى عنه...

:breakfastmorning: ضيقتوا خلقنا عن جد :breakfastmorning:

كبة بالبيضة كرز باللحمة لحمة بالعنب كبة بالمخلل بيضة بالعسل عسل بالجانرك دجاج بالقشطة :reaper:
يعني هيك عملولنا تشكيلة متل يلي حكيت عنها فوق من روح و وحي المطبخ الحلبي لأنو ضاق خلقنا من هالصنفين يلي شايفين حالكم فيهم :fotieee2:



أبو يمان انته حلبي صح؟؟هذا يؤكد انو ابنك حلبي...تمام لهون

منستنتج من هالحكي انو الحلبيه مو بس أكلن طيّب بل وأطافيلن الحلوين وشبابن وبناتن..

بلووووووووووووووم اسمعي مني مو نصيحة تحكي عن ولاد الشوام بلا ما أنجبر أحفظلك كلامك هاد و أجي ذكرك فيه وقت بنباركلك بصبي أو بنوتة إلك ، كونه العريس من الشام يعني...

احفظي خط رجعة إلك ما بتندمي بالعكس بكرة بتتشكريني على هالنصيحة....

و كمان ما تجبرينا نحط صور ولادنا :breakfastmorning: مع أني بالزمانات حطيت صورة عمورة فيك تروحي و تشوفيها :breakfastmorning:

( طبعاً أبو يمان الله يحفظلك الصغير تسلملي عينه و يحميه ربي و تفرح فيه و بإخواته ، هاد مالو علاقة بالمزح تبع هالموضع، ماشاء الله و تبارك سبحانه على حسن خلقته)...

bloom
05-06-2007, 02:28
خلص أمري لألله

بدي اعترف اعترافي الخطير وكلو بسبب دينا

بدي اعترف انو انا مو حلبيه( بس سورية ) وخطيبي من نفس المنطقه اللي انا منّا :fotieee2:

بس انا عايشه بحلب وهوه بالشام:heartsmall: ومولودين بالمكان اللي عايشين فيه

نحنه من منطئه على حدود تركيا ..حلوه كتييييييييييير

المهم...بس هاد لا يمنع انو الحلبيه واطافيلن وأكلاتن وبناتن حلوين واسئلي ختيبي بالعلامه :embaressedd:((الحلبيه واللي عايشين بحلب))انا هون مشمولة مع الحلبية :fotieee2:

-ما بكفي بلشتو تتناقصو وناس منكم بلشو بالاعترفات متل سكره الحبابه

Abu-Firas
05-06-2007, 09:25
بدي اعترف انو انا مو حلبيه( بس سورية )
بس انا عايشه بحلب وهوه بالشام

وعاملتيلي مفتش وحيد وبدك تجيبي اعترافات و مدري شو ......وطلعتي بالأخر مالك بحلب كلها......
خلص
ماعاد بدي شوفك هون بنوب لا باعترافات ولا اختلافات :cheesy::cheesy::cheesy:

هلق انا مو شايف غير ابو يمان لساتو عم يناقض نفسه والباقي شي انسحب وشي اندفش دفش :rockett:

دينا ........ شو رأيك نسامح اب يمان على غلطاته الكبيرة كرمال يمان الله يسلمه يا رب ويحميه من العين الهي :blehhh:

ماسك : رجاع امسكلي الاله الحاسبة وشفلي شو النتيجة هلق !!!!
وعطيني لائحة بأسمائن واحد واحد لشوف شو لازم نعمل

:haxxorr:

lady
05-06-2007, 09:34
منستنتج من هالحكي انو الحلبيه مو بس أكلن طيّب بل وأطافيلن الحلوين وشبابن وبناتن..ابوس روحن بناتن أحلى شي :embaressedd:


هي معك حق فيها...ومارح نتقاتل عليها...لهيك خليكن بهي بلوووووم ابوس روح البنات الحلبية ...


:breakfastmorning: ضيقتوا خلقنا عن جد :breakfastmorning:



معليش مافي شي تاني يتسلوا فيه دندون خلين شوي وكم يوم ومنسكر الموضوع :)

smilest
05-06-2007, 09:47
مبينة مخلوطة .. من أسمها يعني خربطة بخربطة ( استغفر الله ياربي )

قولولي أنكم أنتو الحلبية بتعملوا خلاط مع الكبة أو بابا غنوج كمان
ولا شوربة عدس .. يلا انسوبها ألكم
آل مخلوطة آل
وينكم اطلعتوا انزلتوا الكبة الشامية أطيب.. وبما أنو الشام أقدم عاصمة بالتاريخ فأكيد .. ليكوا هاه أكيد سالبين الكبة مننا وصرتوا بعدين تعملوا منها عشرطعشر نوع مشان اتقولوا لحالكم أنكم انتو بس يلي بتعرفوا اتساووها

أب يمان
05-06-2007, 11:47
وعاملتيلي مفتش وحيد وبدك تجيبي اعترافات و مدري شو ......وطلعتي بالأخر مالك بحلب كلها......
خلص
ماعاد بدي شوفك هون بنوب لا باعترافات ولا اختلافات :cheesy::cheesy::cheesy:

هلق انا مو شايف غير ابو يمان لساتو عم يناقض نفسه والباقي شي انسحب وشي اندفش دفش :rockett:

دينا ........ شو رأيك نسامح اب يمان على غلطاته الكبيرة كرمال يمان الله يسلمه يا رب ويحميه من العين الهي :blehhh:

ماسك : رجاع امسكلي الاله الحاسبة وشفلي شو النتيجة هلق !!!!
وعطيني لائحة بأسمائن واحد واحد لشوف شو لازم نعمل

:haxxorr:
مرحبااااااا

قبل كل شي شكرا على كلماتكن الحلوة والله يفرحني فيكن وبولادكن يارب

ابو فراس انتة ما بيجوز تحكي يوب نصك شامي ونصك لاذقني فا سكوت احسن:iskot:

يا جماعة يا جماعة كني ما بدنا نصل لنتيجة وما رح تعترفو انو الاكل الحلبي اطيب واشهى
وافخم واروع اكل بالعالم العربي والغربي ولذالك انا عندي اقتراح انو نعمل تصوت على الاكل
الحلبي والشامي وبظن هاد حل بيرضي الطرفين
لانو رايحين نخسر بعض :reaper:

شو رأئكن :blehhh:

lady
05-06-2007, 11:51
ابو فراس انتة ما بيجوز تحكي يوب نصك شامي ونصك لاذقني فا سكوت احسن:iskot:


اذا في الئم منك ياحلبي لك حاااااج ابو يمان خلص لفوها بأا لسه كل شوي كبة وكبة وكبة وكبة

اي وبعدييييين يعني يلي خلق الكبة ماخلق غيرها...غيرو المووضع خلص
فتحو صفحة جديد وخلونا بالنثر والخواطر

bloom
05-06-2007, 11:54
لك شو هالحكي أبو فراس

بالعكس انا باخد عشر نقط بدل نقطه وحده

لأنو مو حلبيه وعم أيد وبشده الأكل الحلبي

معناها مافي منو وأثر علي تأثيره الكبير متل ما بيأثر على اي حدا بدوقو :blehhh:

أب يمان
05-06-2007, 12:12
اذا في الئم منك ياحلبي لك حاااااج ابو يمان خلص لفوها بأا لسه كل شوي كبة وكبة وكبة وكبة

اي وبعدييييين يعني يلي خلق الكبة ماخلق غيرها...غيرو المووضع خلص
فتحو صفحة جديد وخلونا بالنثر والخواطر

الئم من ذي قبل ليدي طيب وليش لنكسر الموضوع في لسة مليون طبخة ما بيعرفوها الشوام وبدن نعملهن ياهان طولي بالك شوي علينا يوم

طيب شو رأيكن نسكر مو ضوع الكبة بصينية والمبرومة والخ الخ الخ الخ
ونحكي عن اليبرق ( ورق العنب )طبعا هي الاكلة حلبية منذ الازل ونحن يلي علمناها للعالم
وصدرناها لبرااا والعالم بتكتب فيا قصائد ومعلقات :tongue2: كمان

بس ما يجيو الشوام هلئ ويقولو هي اكلة شامية وبزورو الحقائق وكل واحد وحدة يتفلطح شكل

يالله لشوف

smilest
05-06-2007, 12:18
أصلاً أصلاً مشهورة الشام بكرومها ودواليها
من عنا اليبرق بابا
من عنا
فلا اتزوعل

Aghalation
05-06-2007, 12:22
أبو يمان لا تفوتك نقطة مهمة كتير كتير

خبرون ياها لأعدقائنا اللي عبيدافعو عن الكبة الشامية (هاي إذا صح التعبير إنو نسميها كبة)

بس خبرون إنو بحلب بيحطو بالكبة لحمة...لحمة متل العادة...
يا ترى بيعرفوا شو هي اللحمة؟؟

بتعرفوها ولا لأ؟؟ هاي اللحمة عالحل
هاي العنصر الأكيد بالطبخ الحلبي...

لحمة حجي لحمة...

مو عروق ودهن وجلاميط وبقايا مصارين بتنخلط مع البرغل وبيصير إسمها لحمة...متل ما بيساووا...
إيواه

bloom
05-06-2007, 13:13
أصلاً أصلاً مشهورة الشام بكرومها ودواليها
من عنا اليبرق بابا
من عنا
فلا اتزوعل

خخخخخخخ طلعو لوين وصل الحكي...هلق اليبرق من عندكون ...ايه تعو دوقو اليبرق الحلبي ..وانا متأكده ما رح ترجعو تحكو بالموضوع

أبو يمان لا تفوتك نقطة مهمة كتير كتير

خبرون ياها لأعدقائنا اللي عبيدافعو عن الكبة الشامية (هاي إذا صح التعبير إنو نسميها كبة)

بس خبرون إنو بحلب بيحطو بالكبة لحمة...لحمة متل العادة...
يا ترى بيعرفوا شو هي اللحمة؟؟

بتعرفوها ولا لأ؟؟ هاي اللحمة عالحل
هاي العنصر الأكيد بالطبخ الحلبي...

لحمة حجي لحمة...

مو عروق ودهن وجلاميط وبقايا مصارين بتنخلط مع البرغل وبيصير إسمها لحمة...متل ما بيساووا...
إيواه


يس يس هاد هوه الكلام اللي بيجي بالفحص


اذا في الئم منك ياحلبي لك حاااااج ابو يمان خلص لفوها بأا لسه كل شوي كبة وكبة وكبة وكبة

اي وبعدييييين يعني يلي خلق الكبة ماخلق غيرها...غيرو المووضع خلص
فتحو صفحة جديد وخلونا بالنثر والخواطر

شئد ملتئمين من موضوع الكبة..يا حرااام ...اذا فتحنا موضوع تاني مدري شو بصير معكم

:rabit::rabit:

lady
05-06-2007, 13:22
شئد ملتئمين من موضوع الكبة..يا حرااام ...اذا فتحنا موضوع تاني مدري شو بصير معكم




لا والله يابلووووووم مو من الموضوع بس من لئمنة ابو يمان وشوفي شو كتب...

وغير هيك ياريت موضوع تاني وتالت ويلي بدك ياه وبيحلالك....بس غيرو الكبة لنشوف باقي الأكلات يلي مشهورين فيها أهل حلب...

Abu-Firas
05-06-2007, 13:41
اب يمان الئم من اللئم نفسه :blehhh:

بلوم شو عم تعملي هون انتي !!!!
بدي روح احكي لخطيبك انك عم تقولي عن طبخ امه مو طيب ........ دينا عطيني الرقم من عندك:rockett:

مشان يلي قالو عن اللحمة بدنا نقول كلمتين وبس

خيو نحنا منعرف اللحمة منيح ..... بس في ناس ما بيعرفو انو الكبه بينحط فيها لحمة
في ناس بالمنطقة الشمالية جنب ادلب يعني
مدري شو اسمها البلد هنيك مدري جنب مدري عجب مدري عنب مابعرف بس المهم
بياكلو الكبة فاضيه .... يعني معباية هوا (لا تنكرو انا دايقة من ايد حلبيين ) ايوااااااااااااا :blehhh:
حدا بياكل هوا وبيقول أكل !!!!!!!!!! :3ageeb:

بقا حتى هي مازبطت معكن ولا حتى اليبرق
اساسا اسمه يبرق واليبرق مفردة شامية بحته

خيو خيتو سماع ابو يمان .................

أنا برأي إنه يتم حفظ القضية وتسجيلها ضد مجهول لحين ظهور أدلة جديدة ومقنعه لهيئة المحكمة الشامية

وعلى أساسة يتم تقديم طلب للاستئناف ....... ولا حدا يفتح تمه لحين صدور الموافقة على الاسئناف

بأسم الشعب

صدر وأفهم علنا....................

محكمممممممممممممممممممممممممممة

كنتم مع

حــــــــــــــــــــــــــكــــــــــــــــــــم العــــــــــــــــــــــــدالــــــــــــــــــــ ــــــــة

:cheesy::cheesy::cheesy::cheesy::cheesy:

أب يمان
05-06-2007, 13:48
أبو يمان لا تفوتك نقطة مهمة كتير كتير

خبرون ياها لأعدقائنا اللي عبيدافعو عن الكبة الشامية (هاي إذا صح التعبير إنو نسميها كبة)

بس خبرون إنو بحلب بيحطو بالكبة لحمة...لحمة متل العادة...
يا ترى بيعرفوا شو هي اللحمة؟؟

بتعرفوها ولا لأ؟؟ هاي اللحمة عالحل
هاي العنصر الأكيد بالطبخ الحلبي...

لحمة حجي لحمة...

مو عروق ودهن وجلاميط وبقايا مصارين بتنخلط مع البرغل وبيصير إسمها لحمة...متل ما بيساووا...
إيواه

اااااااااخ يا ابو النوف ااااخ لك شو بدي احكي لااحكي الله وكيلك موضوع اللحمة بدو منتدى لحالو
ما بيعرفو الشوام انو نحن منجيب عا البيت اللحمة يا خاروف ويا شقة كاملة هي لازم تكون بالفريزة بشكل دائم يعني مشان الواحد اذا خطر على بالو بنص الليل يقوم يمد رغيف كبابة ويحطو بالسخانة او المكروويف يا سولام

اما لحمة المحاشي شو بدي احكي لااحكي اذا اللحمة بتكون كتر من الرز والبرغل الله وكيلك
وشي خشن وشي ناعم ولي ولي ولما بتحط تحت ها المحشي الحجة ها الشقف اللحم والعضام وتشوف اخوك ابو يمان راسو غاطس بالطنجرة وموشايف حداا قدامو وعلى سباحة :blehhh:

أب يمان
05-06-2007, 14:05
أبو يمان لا تفوتك نقطة مهمة كتير كتير

خبرون ياها لأعدقائنا اللي عبيدافعو عن الكبة الشامية (هاي إذا صح التعبير إنو نسميها كبة)

بس خبرون إنو بحلب بيحطو بالكبة لحمة...لحمة متل العادة...
يا ترى بيعرفوا شو هي اللحمة؟؟

بتعرفوها ولا لأ؟؟ هاي اللحمة عالحل
هاي العنصر الأكيد بالطبخ الحلبي...

لحمة حجي لحمة...

مو عروق ودهن وجلاميط وبقايا مصارين بتنخلط مع البرغل وبيصير إسمها لحمة...متل ما بيساووا...
إيواه

اااااخ يا ابو النوف بس اااااخ مو ضوع اللحمة بدو منتدى بحالو ما بعرفو الشوام انو نحن الحلبية منجيب عا البيت اللحمة يا خاروف بحالو يا شقة كمالة مو متل الشوام يلي بشترو الللحمة بالرطل ههههههههههههههههههههههههههههههه
يعني نحن دائما عنا بالفريزة بشكل دائم في لحم يعني اذا الواحد بالليل حب يقوم يعملو شي شغلة شي عملة مثلا بدو يمد رغيف ويحط علية شي ربع كيلو كبابة ويحطو بالسخانة او بالمكرو ويف
يا سولالالالالالالالالالالالالالالالالالالالالام شغلة عم قلك

هلئ بقى منجي على لحمة المحشي يلي منحطها اي الله وكيلك يمكن اكتر من الرز والبرغل وها القلوبات شي فلب جوز زشي صنوبر وتعا شفلي الحجة لما بتحط تحت ها المحشي بالطنجرة شقف اللحم
والعضام يا ربي دخيلك وشوف اخوك ابو يمان شلون غاطس بالطنجرة ونازل سباحة يولي يولي
والله العظيم عم ازعل عليكن انتو الشوام لانو ما بتعرفو تاكلو ولا تعملو هيك شغلات

لك حاج بقى اعترفو مشانكن والله اذا بدكن منعطيكن الوصفات الطيبة وجربو عملوها بس بقلكن من هلئ ما رح تزبط معكن والله

يالله سلام هلئ بدي اروح معزوم عند جاري على كبة نية وسلطات ومخلالات غير شكل
تفضلو امانة هه

سولام

smilest
05-06-2007, 16:07
يا عيني عليكم يا حلبية .. روح خيو أبيمان قلهم لجماعتك هدول يلي عاملين حالهم حلبية
نحنا أهل اللحومات ونحنا يلي من دك الكبة باللحمة البلدي والصنوبر والجوز وكاجو وفستق شامي
وقت منساوي الطبخ الشامي منزينه باللحمة الشقف كل كردوشة لحمة هالقد قدها .. وعلى وشها اللوز والصنوبر مع طشة السمنة العربي الأصيلة ..وعلى سكب واتفضولوا ولي شو منعزم الزلمة ومنتحالف ومنتالف ومشان الله إلا ما تاكل .. وكول هي ومشان الله هي ودوق هي
مو متلكم بدكم سنة لتعزمونا
خيو من عنا بتتاخد الضحايا على السعودية بعيد الأضحى مو من حلب

Aghalation
05-06-2007, 16:31
نحنا أهل اللحومات ونحنا يلي من دك الكبة باللحمة البلدي والصنوبر والجوز وكاجو وفستق شامي

إنو بالله عليكي
بجاه الحبيب محمد صلى الله عليه وسلم
كيف طلعت معك هالكلمة هاي؟؟

ياجماعة الخير بحياتي ما سمعتها هاي...فستق شامي....
يعني وين بينزرع هادا؟؟ ولا كيف بيعملوه هادا؟؟

من يوم يومه إسمو فستق حلبي
ولا هاي الاقتباسات من المطبخ الحلبي بدكون تنسبوها لإلكم ما عبتعرفوا شلون

وعبتغيري بالوقائع والتاريخ كمان؟؟ يا بتاعة أقدم عاصمة....

فستق حلبي ...لك حتى وقت بدون يعيبو على نوع من أنواع الفستق إنو مو زابط بيشبهوه بالفستق الإيراني لأنو مو زابط ولا طعمة وكبير على الفاضي
بس فستق شامي....إي من وين هالإختراع هادا

ولا لسه شوفوا هاي الجملة
أبو يمان...تا يوب


خيو من عنا بتتاخد الضحايا على السعودية بعيد الأضحى مو من حلب


مشااااان الله...أنو أضحية؟؟
من كتر المراعي بالشام يعني؟؟
لك بس خيتو إش عبتخترعي؟؟
الأضحية كلياتها بتروح من حلب وإدلب والجزيرة....لأنو المراعي هنيك وبس
لك أصلا أكبر مورد مواشي بالشرق الأوسط هو زيدو والزلمة بحلب مو بالشام
بقا حاجة تخترعي أم أنس
كل مالكم لورا بهالحكي وما عبيطلع معكم شي ويا حرام شو متقهقرين وللوراء سر
حاجة تأفلمو واعترفوا إنو ما بيطلعكم مع الأكل والطبخ الحلبي

يا حرام حالتكم مؤسفة على الأخير

بنت الأكابر
05-06-2007, 16:34
نحنا أهل اللحومات ونحنا يلي من دك الكبة باللحمة البلدي والصنوبر والجوز وكاجو وفستق شامي

:dishess: ليش في غير هالحكي إم أنس ..


لسه .. حاجه دخيل الله ..
الأكل الشامي لايعلى عليه .. وخلصنا ..

وبذكر الموضوع كلو كان عن الكبه .. صار لحمه ومخلوطه ومدري شو ..
يي يازمن ..

أب يمان
05-06-2007, 17:56
يا عيني عليكم يا حلبية .. روح خيو أبيمان قلهم لجماعتك هدول يلي عاملين حالهم حلبية
نحنا أهل اللحومات ونحنا يلي من دك الكبة باللحمة البلدي والصنوبر والجوز وكاجو وفستق شامي
وقت منساوي الطبخ الشامي منزينه باللحمة الشقف كل كردوشة لحمة هالقد قدها .. وعلى وشها اللوز والصنوبر مع طشة السمنة العربي الأصيلة ..وعلى سكب واتفضولوا ولي شو منعزم الزلمة ومنتحالف ومنتالف ومشان الله إلا ما تاكل .. وكول هي ومشان الله هي ودوق هي
مو متلكم بدكم سنة لتعزمونا
خيو من عنا بتتاخد الضحايا على السعودية بعيد الأضحى مو من حلب

:cheesy::cheesy::cheesy::cheesy::cheesy::cheesy::c heesy::cheesy::cheesy::cheesy::cheesy::cheesy::che esy::cheesy::cheesy:

والله العظيم يا اغا كنت عم قول انو رح ينسبو الفستق الحلبي الهن

بقى انتو اهل اللحومات قلتيلي يوم ومن عندكم بتروح الضحايا عا السعودية ام انس قلتيها قدامي بس لا تقوليها قدام غيري مشانك حجة
لك الشام كلا صحراء ما في غير عين الخضرة وعين الفيجة والزبداني وهدول كلن قد الكمشة ما بيطلعو قد ضيعة عنا بحلب بعدين وين عم ترعو ها الانعام بالله بحديقة الجاحظ ولا الميسات ولا بحديقة التجارة :cheesy::cheesy::cheesy::cheesy::cheesy::cheesy::c heesy::cheesy::cheesy::cheesy::cheesy:
بعدين تعي شو في بموسم الحج لوين بتوصل سيارات الخراف عنا اولها بحلب واخرها بالشام عين عمك

شو في عندك كمان حلبي تنسبية الكن ام انس يالله لشوف بس والله كبيرة هيك بحق الشوام يعني حرام ما عاد يعرفو شو بدن يقولو

نحن اهل اللحم من يوم ما خلق الله الارض والعالم كلا بتعرف

bloom
05-06-2007, 18:11
نحنا أهل اللحومات ونحنا يلي من دك الكبة باللحمة البلدي والصنوبر والجوز وكاجو وفستق شامي


حرام عليكي سمايلست ولله ضحكت من قلبي...راحو الخواصر

فعلا هي أول سمعة قال فستق شامي قال ...سدئيني أول مره بسمع بكلمة فستق شامي منك سمايلست

مو لهالدرجة طولو بالكم...مو كلشي لألكن...نحنه منعترفلكم بكم أكله ...بس مو الكبة والفستق هههههههههههههههههههههههه

Abu-Firas
05-06-2007, 18:31
نحنا أهل اللحومات ونحنا يلي من دك الكبة باللحمة البلدي والصنوبر والجوز وكاجو وفستق شامي

الله عليكي يا زعيمة .... انا عرفان انك قصدتي تقولي شامي
بس مشان تخلينا نعرف شلون اهل حلب بيفقعو متل البوشار

يا حرام نحنا منكون حاطين رجلينا بالنهر و بس منرمي كلمة
وبيصيرو يا حرام ينطو متل البوشار بطنجرة مافيها زيت

:cheesy::cheesy::cheesy:

يا حرام شو عم يتجاكرو ........

بسوم هاتي هالبطيخة لنحطها بالنهر ..... وخلينا نكمل ضحك :cheesy:

ينعن بوشار

:blehhh::blehhh::blehhh:

بنت الأكابر
05-06-2007, 18:39
يا حرام نحنا منكون حاطين رجلينا بالنهر و بس منرمي كلمة
وبيصيرو يا حرام ينطو متل البوشار بطنجرة مافيها زيت



:36_1_19::36_1_19:

bloom
05-06-2007, 19:14
الله عليكي يا زعيمة .... انا عرفان انك قصدتي تقولي شامي
بس مشان تخلينا نعرف شلون اهل حلب بيفقعو متل البوشار

يا حرام نحنا منكون حاطين رجلينا بالنهر و بس منرمي كلمة
وبيصيرو يا حرام ينطو متل البوشار بطنجرة مافيها زيت

:cheesy::cheesy::cheesy:

يا حرام شو عم يتجاكرو ........

بسوم هاتي هالبطيخة لنحطها بالنهر ..... وخلينا نكمل ضحك :cheesy:

ينعن بوشار

:blehhh::blehhh::blehhh:

ابو فراس روح شوف ردي ....انو فرطت من الضحك ...

نحنه اللي رجلينا بالنهر وانتو عم تبحسو وما تعرفو شو تعملو

انا قلت راحو خواصري وكل مالو بروحو أكتر

ههههههههههههههههههه ايه ايه ردو كمان ..قال فستق شامي قال

Abu-Firas
05-06-2007, 19:27
بلوم انا ماقلت ماعاد بدي شوفك هون يلي مدري من وين انتي !!!! :blehhh:

خيتو ارجعي وشوفي ردي انتي .... لانه قلنالك انو نحنا قاصدين نقول شامي
لنشعل تحتكن النار

وطير وفرقع يا بوشار :blehhh:

كيفك ليدي :cheesy:

الي بعدووووووووو

:fotieee2:

Deena
05-06-2007, 19:29
بلوم نسيت أحكيلك :fotieee2:

بعد الإعتراف الخطير تبعك ، أنت و الآغا كونكم مو حلبيية فراح تنحذف ردودكم و لن تؤخذ بعين الإعتبار :fotieee2:

مشان هيك قد ما حكيتوا أنتو التنين و قد ما حاولتوا مارح نضيفكم على القائمة ، يلي أصلاً ما قدرتوا تحكوا فيها إلا عن الكبة بالجانرك و اللحمة بالتوت :fotieee2:

بس يصير عند الحلبية شي صنف تالت يبقوا يجوا و يحكوا معنا :fotieee2:

ايه و قبل ما أنسى ، شايفيين حالهم رفقاتك الحلبية بالفستق الحلبي ؟؟؟؟؟
هاد و هو شغل رب العالمين و عم يفاخروا فيهم ، معناها بشو بدنا نفاخر نحنا ولا بشو :fotieee2:
مدري ليش اتذكرت المتل القائل : متل القرعة يلي بتفاخر بضفاير بنت خالتها :reaper:

Aghalation
05-06-2007, 19:41
هاد و هو شغل رب العالمين و عم يفاخروا فيهم ، معناها بشو بدنا نفاخر نحنا ولا بشو :fotieee2:


اهاهااااااااااا...هون مربط الخيال....

بس يصير عندكم شي تتفاخرو فيه إبقوا تعوا إحكو....
لأنو لو في شغلة واحدة تتفاخروا فيها كان حكيتوها....

بس مساكين...ما في شي...شي ما في....

وبعدين في شي مو خلقة الله الواحد بيفتخر فيو؟؟
ما كلو خلقة الله...

إي صعي على سيرة أصوات المو حلبية ما بتنحسب...
أبو فراس...صف عازيق حبيبي

Deena
05-06-2007, 19:58
إي صعي على سيرة أصوات المو حلبية ما بتنحسب...
أبو فراس...صف عازيق حبيبي

آغا ، هلأ مو حكينا أنو أنت و بلوم و قصي مافي داعي تردوا لأنو مو حلبيين :fotieee2:
بس أبو فراس والدته شامية ، يعني أخواله شوام ، و سلامة معرفتك تلتين الولد من خاله :fotieee2:
ما بتعرف المتل يلي بيقول : حط العدس و انبر تحته مو أحلى من الخال إلا ابن أخته :fotieee2:

آغا ، هالمرة سامحناك ، بس إذا بتشارك بتعليق أخر و كأنك حلبي فرح تجبرنا نتخذ معك إجراءات صارمة :reaper:
اللهم هل بلغت؟!!...اللهم فاشهد ....

Aghalation
05-06-2007, 20:10
آغا ، هلأ مو حكينا أنو أنت و بلوم و قصي مافي داعي تردوا لأنو مو حلبيين :fotieee2:
بس أبو فراس والدته شامية ، يعني أخواله شوام ، و سلامة معرفتك تلتين الولد من خاله :fotieee2:
ما بتعرف المتل يلي بيقول : حط العدس و انبر تحته مو أحلى من الخال إلا ابن أخته :fotieee2:

آغا ، هالمرة سامحناك ، بس إذا بتشارك بتعليق أخر و كأنك حلبي فرح تجبرنا نتخذ معك إجراءات صارمة :reaper:
اللهم هل بلغت؟!!...اللهم فاشهد ....


شوفي خانم
أنا ستي حلبية...
وأمي وخوالي وخالاتي الأشقاء ربيانين وعايشة بحلب مع خوالون وأهل ستي...
أصبح هنن تلتينون لخوالون...
ونفس الحسبة واصلة لعندي...

فيا ريت تعترفوا بالحقيقة إنو الطبخ الحلبي بيلق الطبخ الشامي ستين بابوج من مسكة الطنجرة الحلبية فقط لا غير....وحاجتكم مراوغة بلا طعمة....
آه صح ما خرجكم....شنو ما بتعرفو طعمة تمكون...
بس يالله بنعتبركم عابري سبيل بهالحياة ومالكون عارفين وين الله حاططكم
بس حاجتكم تتعبو حالكم
وحاولوا تتقوا الله شوي بالحقيقة ولا بقا تجيبو سيرة الطبخ الشامي لأنو إساءة للطبخ إنو ينقال كلمة "طبخ" على المطبخ الشامي...
خرج ينقال عنها...هات إيدك والحقني...الشامي...
خرج ينقال...شخبط شخابيط لخبط لخابيط...الشامي...
ممكن ينقال عفس وحط فوق بعضون شو ما طلع بيطلع...الشامي...

Abu-Firas
05-06-2007, 20:13
ما بتعرف المتل يلي بيقول : حط العدس و انبر تحته مو أحلى من الخال إلا ابن أخته :fotieee2:

دينا !!!!!! :oops::oops::oops:

الأغا !!!! :tongueee:


:cheesy::cheesy:

أب يمان
05-06-2007, 20:21
شوفي خانم
أنا ستي حلبية...
وأمي وخوالي وخالاتي الأشقاء ربيانين وعايشة بحلب مع خوالون وأهل ستي...
أصبح هنن تلتينون لخوالون...
ونفس الحسبة واصلة لعندي...

فيا ريت تعترفوا بالحقيقة إنو الطبخ الحلبي بيلق الطبخ الشامي ستين بابوج من مسكة الطنجرة الحلبية فقط لا غير....وحاجتكم مراوغة بلا طعمة....
آه صح ما خرجكم....شنو ما بتعرفو طعمة تمكون...
بس يالله بنعتبركم عابري سبيل بهالحياة ومالكون عارفين وين الله حاططكم
بس حاجتكم تتعبو حالكم
وحاولوا تتقوا الله شوي بالحقيقة ولا بقا تجيبو سيرة الطبخ الشامي لأنو إساءة للطبخ إنو ينقال كلمة "طبخ" على المطبخ الشامي...
خرج ينقال عنها...هات إيدك والحقني...الشامي...
خرج ينقال...شخبط شخابيط لخبط لخابيط...الشامي...
ممكن ينقال عفس وحط فوق بعضون شو ما طلع بيطلع...الشامي...


مرحبا دينا وانتي ليش معصبة هديلي حالك شوي ولا تنقهري مافي شي مستاهل مشان صحتك يعني


نحن بالنسبة النا حاطين ايدينا ورجلينا بمي باردة ومنعرف حالنا وانتو صرتو تجيبو ها الاكل الحلبي الاصيل وتنسبوة الكن كمان ما حكينا شي

وبالنسبة لااغااا حتى ولو ما ستو حلبية وحتى ولو الوالدة مو عايشة بحلب من ايام سفر برلك
بيكفي انو معاشر الحلبية وعرف انو طعمة تمو وعلى كل الزلمة داق الاكل الحلبي وداق الكل الشامي والزلمة ما عجبو الاكل الشامي يعني عادي الاكل نفس قبل كل شي

فا الله يرضى عليكن اعترفو بقى واذا بدكن ضلو تراوغو وتحرفو الحقائق نحن ما ورانا شي :haxxorr:
واثق الخطوة يمشي ملكا :blehhh: ونحن والحمد الله العالم كلا بتشهدلنا فا رايكن لا رح يقدم ولا رح ياخر

Deena
05-06-2007, 20:40
أغا...........
يعني قد ما لفيت و درت مالك حلبي ، قال ستو حلبية قال ، يا عيني بالله ما ضحكت و أنت عم تحاول و تجاهد يائساَ أنت و عم تقنعنا أنك حلبي؟؟؟؟؟؟؟؟؟؟؟؟
مهما طلعت و مهما نزلت ما بتطلع حلبي و شهاداتك كلها غير مأخوذ بها و لو أدنت على مليون مادنة ...
يلا روح لاقي تخريجة و أسباب وجيهة و مقنعة ، مو كلام ما بيقنع حتى الهندي تبع صديق مال أنا.....

أبو يمان.........
أنا بدي عصب؟؟؟......و على شو؟؟؟؟؟......كرمال الكبة بالحليب و اللحمة بالأناناس؟؟؟؟؟
يعني لو ليقتوا أصناف محرزة بيكون فيها و ما فيها...
بس كبة بالبزر و لحمة بالتفاح :cheesy: مو مستاهلة القضية بنوب...........

بعدين أنا كام مرة بدي أطلب من أهل حلب يلاقولنا شي أكلة بتعبي المخ يقنعونا فيها؟؟؟؟
ليش عم تتهربوا :fotieee2:
عالعموم ما تعذبوا حالكم سامحتكم بهالطلب من باب الشفقة عليكم ، لأنو مارح تلاقوا و كمان ما رح نقتنع أنو في مطبخ حقيقي بحلب :fotieee2:
يلا يلي بعدووووووووووووو :fotieee2:

bloom
05-06-2007, 20:42
اف اف اف ...بيطلعلي نفس الحسبه انا..نفس حسبة الأغا والعايشين بحلب :blehhh:

منرجع لأبو فراس

قلتلي عم تشعل النار ما؟؟طيب مو لتطفي النار اللي تحتكون...ايه انحرق بوشاركون وصار بدو تغيير :blehhh::blehhh:

ابو يمان مدري ليش حاببتك انته والأغا هالكم يوم

فعلا بهيك مواضيع ببين الأصدقاء من الأعدقاء :3ageeb::cheesy:

Abu-Firas
05-06-2007, 20:48
فعلا بهيك مواضيع ببين الأصدقاء من الأعدقاء

وكمان ما بتعرفو تحكو !!!!!!

:3ageeb:


:blehhh:

Deena
05-06-2007, 20:50
اف اف اف ...بيطلعلي نفس الحسبه انا..نفس حسبة الأغا والعايشين بحلب :blehhh:



مسكينة بلوم ، واضح أنو غداءك اليوم كان حلبي حتى يا على قلبي عليك معمي على قلبك و ما عم تقدري تشوفي الردود مزبوط....بطلي الأكل الحلبي و ما بتلاقي حالك إلا الله فتحها عليك و زبطت طريقة تقديرك و حكمك عالأمور....

هاد يا ستي ما أنت لا يؤخذ بردود الآغا الواردة في هذا الموضوع ولا يتم الإستشهاد بها و لا الإستناد عليها كي يتم إعتماد المعاملات لأنو حضرته جاية من خارج التخصص...

و بناءً على ما ذكر أعلاه ، لا يمكن الأخذ بحسبة الآغا الخرنقعية لحتى تقنعونا أنكم حلبية.....ما اقتنعنا.....
يلا يلي بعدوووووووووووووووو :fotieee2:

Deena
05-06-2007, 20:52
وكمان ما بتعرفو تحكو !!!!!!

:3ageeb:


:blehhh:


هههههههههههههههههههههههههههههههههههههههههه :cheesy: :cheesy: WAY TO GO Abu Firas


كتبتها بالعريض نكاية بيلي عم يدحشوا بمناخيرنا دحش فكرة أنهم حلبية :cheesy:

أب يمان
05-06-2007, 21:12
لك حسبل نعمل فيكن هي بلوم عم تحكي بالحلبي وانتو يا حرام ما عمتصدقو تلاقو شغلة تفشو قهركن فيهااا ما لافيتو غير كلمة وحدة المخلوئة عم تمزح فيهااا معلش بلوم سامحيهم معلش
بعدين ولو فرضا يعني عمنقول فرضا اغاا مو حلبي ولا بلوم حلبية بكفينا فخر نحن الحلبية يكون في ناس عم تقدر الاكل الحلبي وتنتسب لحلب وتعرف طعمة تمها

هاتو شي جديد واحكو عن طبخكن يلي هو الفتات وتسقية هع هع هع وما شابة

Deena
05-06-2007, 21:21
بعدين ولو فرضا يعني عمنقول فرضا اغاا مو حلبي ولا بلوم حلبية بكفينا فخر نحن الحلبية يكون في ناس عم تقدر الاكل الحلبي وتنتسب لحلب وتعرف طعمة تمها





له يا أبو يمان له......
ما حبيتها منك هاي بنوووووووووووووووووووب....
هلأ أنت بدك حدا ينافقك و يمالقك و يخليك تصدق الكذبة ، أو الأمنية المستحيلة ، أنو الأكل الحلبي شغلة محرزة و طيب؟؟؟؟؟؟؟؟

الإنسان بيدور عالرأي الصادق و النقد الصريح مشان يقدر يتجاوز عيوبه و أخطاؤه و يطور من حاله...

طول ما أنت ماشي ورا المجاملات تبع بلوم و الآغا رح تبقى غافل عن العيوب الخطيرة تبع الأكل الحلبي ، و بظن الكبة بالباذنجان و اللحمة بالمنجا أكتر شواهد مقنعة....
أبو فراس ، حطله لأبو يمان اللينك تبع موضوع الصراحة تبعك يلي نزلته جديد :fotieee2:

Abu-Firas
05-06-2007, 21:38
أنا بنسحب

لاسباب مخربطه

بس منطقية

bloom
05-06-2007, 22:00
أنا بنسحب

لاسباب مخربطه

بس منطقية


هي أول واحد انسحب...يلله يلله

عقبالك دينا

أكيد الكل بدو يصير فيه هيك بالأخير ويخضع للأمر الواقع وتتنتصر الحقيقه

منشوفكم بانسحاب جديد :blehhh:

كريستال
05-06-2007, 23:53
بللللللللللللللللللللللللوووووووووووووووووووم

حاج تحكي على الكبه الشاميه

بعدين بشكيكي ها :blehhh::blehhh::blehhh:

بس الحقيقه شهيتوني اكل

ياالله يالله

بلا ريجيم بلا شي

ههههههههههههه بلوم :blehhh::blehhh:

Aghalation
06-06-2007, 09:36
مهما طلعت و مهما نزلت ما بتطلع حلبي و شهاداتك كلها غير مأخوذ بها و لو أدنت على مليون مادنة ...


أولا وبإذن الله...الآغا بيطلع ما بينزل :reaper:
ثانيا..أنا مو حلبي...وبحياتي ما حاولت ولا ساويت حالي حلبي
أنا سوري أولا وثانيا وثالثا
وبعدين بقول إني من مدينة الرقة الرائعة إللي كتتتييير بفتخر فيها
بس عندي باسبور حلبي من ستي...هاي هي كل القصة
يعني بحب العرق الحلبي اللي عندي من باب صلة رحم بستي الله يرحمها

بس كلمة الحق يا خانم هي اللي بتنحكى
إنو الطبخ لحلب وبس
وبالشام خليكم عبتفتو خبز وترشو عليه ماي وحمص...
بس بالطبخ والنفخ والنفس الأصلي...مالكم عولاقة....

اي صعي...
مشان إنو حضرتك إنت وأبو فراس عبتضحكو على كلمة أعدقاء...
ما راح نعتب عليكم...إذا أكل ما بتعرفوا تاكلوا ولا بتعرفوا طعمة تمكم..
بقا كيف على الحكي والكتابة...
ما عليكم لوم...
يالله روحوا ناموووووووووو روحوا نامووو....

smilest
06-06-2007, 09:43
أنا سوري أولا وثانيا وثالثا


كلنا سوريين ولا كمان هي بدك تسلبها منا .. وأنا جد جد جد جدي حموي يعني أنا حموية يا عيني عليك نوف حاجة زوغلة .. وستي التانية تركية يعني أنا تركية يا سولام شوي تانية لح صير أفريقية

ياعيني عليك يا آغا هلء أثبتلي أنك ما بتعرف من وين طعمة تمك جاية من الرقة ولا من حلب ولا من سوريا

واااااا أسفاه

دينا ولا يهمك يصطفلوا خليهم على طعمة تمهم الأعوج وامشي انا وياكي وفراس وماسك وأكابرية وكريستال ناكل كبة شامية
وخلي الكبة بالصينية الحلبية ام البيضة تنفعهم

بلوم أنت خلص صرتي شامية بتلحقي خطيبك ولو مو حلوة هيك بحقك وإلا منشكيكي انا وكريستال لعريس الهنا

أبوفراس معك حق تنسحب لأنهم ما عم يعترفوا بذنبهم مع أنو الاعتراف بالذنب فضيلة

Aghalation
06-06-2007, 10:58
ياعيني عليك يا آغا هلء أثبتلي أنك ما بتعرف من وين طعمة تمك جاية من الرقة ولا من حلب ولا من سوريا

واااااا أسفاه


إيه إنتي تحديدا بيطلعلك تحكي....قال الفستق الشامي قال

بس عمو بس...

يالله كونوا شجعان متل أبو فراس وانسحبوا بكل عقل ومنطق لأنو الاختراعات تبعكم ما عبتنفع ولا عبيطلع معكم شي

جيبولون خبز يا خيو لأهل الفتة...
يالله عمو اقعدو فتو خبز لأقولكم...بدكم فت خبز كتيييييييير كتير

أم أنس بتعرفي ساحة الشهبندر؟؟

Abu-Firas
06-06-2007, 11:08
يالله كونوا شجعان متل أبو فراس وانسحبوا بكل عقل ومنطق لأنو الاختراعات تبعكم ما عبتنفع ولا عبيطلع معكم شي


بس عمو بس... ( سرقتا من الأغا ) :cheesy:

أنا انسحبت زعل عليكن مو اكتر...........ما حبيت شوفكم عم تنهزمو قدامي ............

عل قوله ميادة بسيليس صوت حالكن

يمكن باقيلي شويه كرامة خليها
انا صار لازم احفظها وصونا وداريها

نحنا بدنا تحدي بتناسب مع قدراتنا وبس ............

:blehhh:

Aghalation
06-06-2007, 11:45
أنا انسحبت زعل عليكن مو اكتر...........ما حبيت شوفكم عم تنهزمو قدامي ............

عرج الجمل من شفته

إيه إللي بعدو....

lady
06-06-2007, 11:52
شو طلع بالأخر ياجماعة..؟
اي اطيب..الحلبية او الشامية..؟؟

طيب ليش مابتجيبوا ابو حميد يعملنا استفتاء..؟؟

Abu-Firas
06-06-2007, 12:33
شو طلع بالأخر ياجماعة..؟
اي اطيب..الحلبية او الشامية..؟؟

طيب ليش مابتجيبوا ابو حميد يعملنا استفتاء..؟؟


مابدها استفتاء يا ليود
الموضوع باين من الأساس

يعني شو شام وشو حلب ...........الاتنين واحد
ومن زمان كانو التجار يتغدو بالشام ويتعشو بحلب ........... موهيك

اساسا متل مو الشام عاصمة سياسية لسوريا كمان حلب عاصمة صناعية واسلامية
ومافي فرق بين الاتنين ابدا ...................

واكيد الأكل الحلبي فيه نكهة حلب الحلوة وحواريها العتيقة يلي بتشبه حاراتك يا شام

ولما نادا صباح فخري ............يا مال الشام
رد عليه صوت من الشام ......... عاشور يامال حلب

وبوسة لكل اهلنا هون وهنيك ............ والرقة بالجملة ( مابدنا تروح العزيمة يعني !!!!! ) :cheesy:

او اذا بدكن جيبو الكبه الحلبية ونحنا منجيب الفته والعزيمة بالمنتدى على شرف الصلحة

شو رأيكم ...... يعني العروسة للعريس والجري للمتاعيس ( بالمصري ) ههههههه

وسلام مع اطيب انغام من تم سميرة توفيق

لو صفولي الدهب
من الشام لحلب
ماريدو ماريدو هالاسمراني
ماريدوووووووووووو

وعالدبكة يا شباب :cheesy::cheesy::cheesy::cheesy:

ايمتى جاية الحجة ؟؟؟؟ كانه اتأخرت :3ageeb:

lady
06-06-2007, 12:43
والله سمعت انه قصي عم يخلص شغل البيت, مشان وقت ترجع بالسلامة انشالله ميكون عليها الا الطبخ...

الصلح خير ماهيك ابو فراس..؟؟

smilest
06-06-2007, 12:50
وين العزيمة وين العزيمة بدي عزيمة غير شكل حلبية رقاوية لادقانية
خلينا نطلع من هال المنتدى بشي كم قرص كبة مكبكب فوقاني

يلا فرس لود وندندونة وعلى دلعوما وعلى دلعوما.. العزيمة جاية على الطريق يا عيونا

وينك أب يمن حضرتلي الأصناف والأنواع .. أنا جوعانة ..ولا اتراجعت .. لأبعتلك عنواني

THE DARK LORD
06-06-2007, 19:25
والله سمعت انه قصي عم يخلص شغل البيت, مشان وقت ترجع بالسلامة انشالله ميكون عليها الا الطبخ...

الصلح خير ماهيك ابو فراس..؟؟


من وين جبتي هالخبرية ... :reaper:كدب مافي شي من هالشي ... الحجة قاعدة مطولة بجوز لرمضان نعيفلكم العزيمة :rabit:

Aghalation
06-06-2007, 19:49
مابدها استفتاء يا ليود
الموضوع باين من الأساس

يعني شو شام وشو حلب ...........الاتنين واحد
ومن زمان كانو التجار يتغدو بالشام ويتعشو بحلب ........... موهيك

اساسا متل مو الشام عاصمة سياسية لسوريا كمان حلب عاصمة صناعية واسلامية
ومافي فرق بين الاتنين ابدا ...................

واكيد الأكل الحلبي فيه نكهة حلب الحلوة وحواريها العتيقة يلي بتشبه حاراتك يا شام

ولما نادا صباح فخري ............يا مال الشام
رد عليه صوت من الشام ......... عاشور يامال حلب

وبوسة لكل اهلنا هون وهنيك ............ والرقة بالجملة ( مابدنا تروح العزيمة يعني !!!!! ) :cheesy:

او اذا بدكن جيبو الكبه الحلبية ونحنا منجيب الفته والعزيمة بالمنتدى على شرف الصلحة

شو رأيكم ...... يعني العروسة للعريس والجري للمتاعيس ( بالمصري ) ههههههه

وسلام مع اطيب انغام من تم سميرة توفيق

لو صفولي الدهب
من الشام لحلب
ماريدو ماريدو هالاسمراني
ماريدوووووووووووو

وعالدبكة يا شباب :cheesy::cheesy::cheesy::cheesy:

ايمتى جاية الحجة ؟؟؟؟ كانه اتأخرت :3ageeb:


إلعاب غيرها...الطبخ لحلب وبس والشام مالها علاقة بالطبخ لا من قريب ولا من بعيد
وصباح فخري قبل ما يغني يا مال الشام...
كان عبيقول القراصية منين منين وعاروزانا ودرب حلب ومشيتو....كلو سجررر زيتوني

الحجة على التيسير جيتها مو مبين معها لسه...

كريستال
07-06-2007, 00:12
والله يا اغا هاد الكلام يلي بينسمع

الله يخليلنا ياك

لانو انا كنت الا شوي بدي شك بالطبخ الحلبي

بس مشان تصدقوا انا عازمتكن على الكبه

هلق بس بلوم تسويا انتو تفضلوا وكلوا

ودوقوا طبخ بلووووووم

وبنصحكن تجيبوا شي معكن مشان ناكلوا:blehhh::blehhh:

هههههههههههههههههههههههههههههههههههههههههههه :cheesy::cheesy::cheesy::cheesy:

فوضى الحواس
08-06-2007, 01:20
مرحباااااااااااااااااااااااااا
ايمت صاروا عشرين صفحة؟؟؟
لك سافرت اسبوع هيك صار؟
انا ما انتبهت عالموضوع لحتى خبرتني عنو بسمة

هلأ انا بتعرفوني ما بقول غير الحقيقة
بحب الشام و اهل الشام و كل حبة تراب بالشام
بس هيدا ما الو علاقة بالطبخ
الصحبة لحال و الاكل لحال
ما تقولولي بعد كبة حلب الله ما خلق
و خصوصا هي الكبة المبرومة ما معقول بنتظر جارتنا كل سنة لتجي تزورنا بصلنفة و تجبلي معها من هالنوع
الاكل الشامي طيب
بس الاكل الحلبي............مممممممممممممممممممممممممم...... ... غير شكل
ولا المحاشي يا سلااااااااااااااااااام على محشي الفليفلة الحدة ما حدا بيطلعلوا مع الحلبية بهالموضوع بتاتا بتاتا

راجعة انا بس اقرا الردود ما شالله شي ترليون رد ومية زيادة
انتظروني
نسيت سلم عالشباب الطيبة و اشكر صاحبة الموضوع

Deena
08-06-2007, 03:41
فوضى يا فوضى.........

ما حبيتو منك هالموقف غير المنصف ولا العادل من الأكل الشامي بتاتاً بتاتاً.....

بعدين أنت صحي مو حلبية بس يلي بعرفه أنو أختك هنيك ، يعني شهادتك مجروحة و غير مأخوذ بها لأنو في عليك تأثيرات خارجية عائلية طبخية إنبطاحية زئبقية....
متلك متل الآغا و قصي و بلوم ، ما بناخد بشهاداتكم و ما بتدخلوا بجمع العلامات يلي ماسكه ماسك :fotieee2: .............

إذا بتغيري موقفك ممكن عيد النظر بحالتك و بوقتها باخد بشهادتك ( يلي بعد تعديل المواقف ).......

و بس :reaper:

فوضى الحواس
08-06-2007, 13:17
له يا دينا له
معقول هالحكي
انتي بتعرفي انو ما عندي دقن ممشطة
وصدقيني انا ولدت بالشام و عشت فيها لحتى صار عمري 18 سنة
وبحب كل حبة تراب و برغل فيها
بس هيدا ما بيمنع انو تكون الكبة الحلبية لا يعلى عليها
وما تقولولي مافي اطيب من الاكل الحلبي
و هي بدون مؤثرات انبطاحية
وجدو
حباب انت
ما بتحطلي صفر بالعلامات

bloom
08-06-2007, 17:25
اللـــــــــــــــــــــــــــــــــــــــــــه هاد هوه الحكي

حمد لله على سلامتك فوضى

وينك من زمان يلله بسيطه...بس جد انا بحبك من الأصل ...مدري ليش هلق حبيتك أكتر :heartsmall:

دينا يا دينا ما قررتي تعملي متل ابو فراس وتنسحبي :blehhh::blehhh:

Abu-Firas
08-06-2007, 19:18
دينا يا دينا ما قررتي تعملي متل ابو فراس وتنسحبي

لا دينا لا تنسحبي لانه انا ما انسحبت بس ماعم لاقي شي جديد بالموضوع

الحلبية بعدن عم يتخبطو ببعضن

وانا وبسمة لسا حاطين رجلينا بالنهر

:blehhh::blehhh::blehhh::blehhh::blehhh::blehhh::b lehhh:

وينو ماسك يعطينا الحسبة للجديدة ؟

Deena
08-06-2007, 19:26
ولا يهمك أبو فراس........ نحن لها..........

بس خلينا هيك نعطيهم فرصة يستعيدوا أنفاسهم المتعبة و أعصابهم المبعثرة و ثقتهم المهزوزة و المعدومة بنفسهم و بعدها بنرجع و بنحاول نكسب فيهم ثواب و نقنعهم يتقبلوا الحقيقة....
قال شو؟؟؟؟؟!!!..... كبة بالبيض :reaper: هزلت صحي :cheesy:

bloom
08-06-2007, 21:31
هس عين عمو هس

روحو عالغوغل واكتبو كبب حلبيه بيطلعلكون 999 صفحة

وجربو كتبو كبب شامية ما بيطلع ولا صفحه ..وكرمال ما اعمل مبالغة بيطلع شي صفحه عن سوء الكبب الشامية خخخخخخ

قال ناقعين رجليون بمي بارده خخخخخخ لك روحو روحو من هون وين جايين تعرجو بحارة المكرسحين ...

ببداية الموضوع قلت هنه فرحانين على حالن ..أول مره بالتاريخ بتنتسب الكبة للشام وبيقدرو يقولو كبة شاميه هون بالمنتدى ...لأنو هالمصطلح مو موجود ولا مسموح ولا بمكان

بس مو يعني تسدئو حالكن خخخخخخخخ:cheesy::cheesy:

كريستال
09-06-2007, 00:49
هلى بلوم صرلك من الصبح بتقولي كبب حلبيه وكبب شاميه

اي ما دقنا شي

انا شو بدي مين اطيب انا بدي دوق لاحكم مين اطيب

ياالله شدو الهمه

angelplus
09-06-2007, 01:13
بسمة اكلت كبة حلبية بس بايدين اهل الشام بالتالي ما عجبتا

Abu-Firas
09-06-2007, 07:46
وين جايين تعرجو بحارة المكرسحين ...


استفسار ؟

مين يلي جاية عم يعرج !!!!!!

طيب مين المكرسحين !!!!!!!

:3ageeb:

(يلوم حاجة كرمال ماء وجهكم يعني مو اكتر :blehhh::blehhh: )

:cheesy:

نجلاء
09-06-2007, 10:43
هس عين عمو هس

روحو عالغوغل واكتبو كبب حلبيه بيطلعلكون 999 صفحة

وجربو كتبو كبب شامية ما بيطلع ولا صفحه ..وكرمال ما اعمل مبالغة بيطلع شي صفحه عن سوء الكبب الشامية خخخخخخ

قال ناقعين رجليون بمي بارده خخخخخخ لك روحو روحو من هون وين جايين تعرجو بحارة المكرسحين ...

ببداية الموضوع قلت هنه فرحانين على حالن ..أول مره بالتاريخ بتنتسب الكبة للشام وبيقدرو يقولو كبة شاميه هون بالمنتدى ...لأنو هالمصطلح مو موجود ولا مسموح ولا بمكان

بس مو يعني تسدئو حالكن خخخخخخخخ:cheesy::cheesy:
شو بلوم؟ شو حبيبتي عين عمتك؟ ما رح تكني على قشك؟؟ شه شه!![smilie=edc.gif]
عم تقوليلنا روحو على غوغل ما؟
اسمعت منك...رحت على غوغل...لسا كنت عم اكتوب حلب...قام طلعلي PDT_Armataz_01_05
يور سيرتش ديد نت ماتش إيني دوكيومنتس...:ma7roor:
حطيت كبة شامية...و ياااا مو علمبة شو طلعلي مناظر كبب...اييييييه...شي بيهفهف القلب..
عليي ما عليي...انشرح قلبي عل المنظر...


وينكون أيها الشوام....لا تتراجعو...فقد بدؤ الحلبية بلتقهقر شيئا فشيئا..[smilie=boks2.gif]و النصر لنا و لكبتنا...نعم نعم النصر لنا...[smilie=mabsot.gif]بس الله يستر ما انكب كب :reaper:
و عل العين موليتين و اطنعش مولاية...حكيت السدق (انو الكبة الشامية أطيب) حطو بلفلقة رجالاية:mrgreen::mrgreen::mrgreen:

و أخيرا..كابون كب(هي تايلاندي..معناها شكرا):mrgreen:

فوضى الحواس
09-06-2007, 11:28
لك نجولة بعرفك حقانية
اكيد ما دقتي الكبة الحلبية ع الاصلي
راجعة انا و ينك سوووووووم؟؟

smilest
10-06-2007, 12:22
بسمة اكلت كبة حلبية بس بايدين اهل الشام بالتالي ما عجبتا


الله وكيلك أكلت كبة حلبية من صنع بيت حلبي مبعوتة من حلب وهاد يلي قهرني أنها مو طيبة وفيها بيض :egg::egg:

فوفو وينك تتحورأي كنت بدي اعزمك على كبة شامية من تحت دياتي بس هلء خلص بدك الخنصر ولا البنصر :blehhh:

lady
10-06-2007, 14:06
سوم شامية يلا عالطريق ياقلبي
احلى شي بهالموضوع العصبية يلي بتطلع من كل واحد مشان يدافع عن أكل بيته

هههههههههههههههههههههههههههه
تئبشوني مااحلى حكياتكن...لك لووووول تعي تعي لنشوف شو في بلندن و الدنمارك بلكي منتخانق انا وانتي على كم اكلة ...

بنت الأكابر
10-06-2007, 14:20
سوم شامية يلا عالطريق ياقلبي
احلى شي بهالموضوع العصبية يلي بتطلع من كل واحد مشان يدافع عن أكل بيته


شايفه وليوده ... هههههه
هو هون الواحد ببان على حئيئتوا ..
لازم يسموا الموضوع ( حقيقة أعضاء سيريا باث )
لشغلتين ..
الأول إنو بيتعرفوا الجدد على الأعضاء شخصيا .. وحقيقيا ..
تانيا ..
بركي منخلص من سيرة الكبه لأنو نشف حلئي وطلع الشعر على لساني

وهو بيني وبينك بدأوا الحلبيه يخفوا شوي شوي ..
باينتون عجزوا معنا ..
وإعترفوا إنو الأكل الشامي مافي منو ..

ليال66
10-06-2007, 14:29
هههههههههههههههههههههههههههه
تئبشوني مااحلى حكياتكن...لك لووووول تعي تعي لنشوف شو في بلندن و الدنمارك بلكي منتخانق انا وانتي على كم اكلة ...

:cheesy::cheesy::cheesy:

ايه ليودة انا هون وجاهزة للمعركة ... رح جيب قائمة الأكلات وجاية

بس هلأ خلينا نتسلى بالخناق على اكلة الفش فينغر ... انا برايي انها بلندن اطيب بكتير من الدنمارك ما في كلام ... رغم اني ما بحب السمك ... بس ما بعرف اذا فيها بيض ولا ما فيها بس بتوقع فيها فيها ... بعتئد... عالأرجح ... ما بعرف :cheesy:

lady
10-06-2007, 14:38
شايفه وليوده ... هههههه
هو هون الواحد ببان على حئيئتوا ..

بنوتة والله وااحلة حقيقة هههههههههههههههه بس بالله شفتي مااحلاهن وهن عم يتخانقوا عالكبة.....بدي دوقا لارتاح واعرف وين الاطيب



لووووول ايوااااا هلء هيه طيبة ليش لانها مقلية وكل شي مقلي وكله دهون ودسم بكون طيب

وفي بدون بيض ياقمر يعني في ناس عندا حساسية ....

الاكل عنا صحي اكتر من الفاست فود لول بس ليكي لافيش فينغر من ايدي اطيب واطيب واطيبييييين تعي ودوقي.....بدي دوقك الستيك البقري مقلي مع الفطر والبقدونس بالزبدة اللورباكية يلي معا توم وكزبرة
وجنبا بطاطا مسلوقة وصوص جبنة الـ Gorgonzola
ياويلي ياويلي ياويلي يالووووووول مااطيباااااااااااااااااااااااااااااااااااااا

Abu-Firas
10-06-2007, 14:57
الستيك البقري مقلي مع الفطر والبقدونس بالزبدة اللورباكية يلي معا توم وكزبرة
وجنبا بطاطا مسلوقة وصوص جبنة الـ Gorgonzola
ياويلي ياويلي ياويلي يالووووووول مااطيباااااااااااااااااااااااااااااااااااااا

ياويلي ياويلي ياويلي يالووووووول مااطيباااااااااااااااااااااااااااااااااااااا


عاااااااااااااااااااا:waaaa:

بقديش تذكره الطيارة عالدانمارك !!!!!

ولا قلكن ماراح استنى الطيارة ليووووووووووووود انا جايه افتحليلي الباب

و زيدي نار الموقدي (بالفصحى ) ههههههههه

:cheesy::cheesy::cheesy::cheesy:

smilest
10-06-2007, 16:53
بدي دوقك الستيك البقري مقلي مع الفطر والبقدونس بالزبدة اللورباكية يلي معا توم وكزبرة
وجنبا بطاطا مسلوقة وصوص جبنة الـ Gorgonzola
ياويلي ياويلي ياويلي يالووووووول مااطيباااااااااااااااااااااااااااااااااااااا


أيه أيه دوقيني أنا إذا ما بخليكي اتساويلنا ياها بس تجي على الشام

ياويلك .. جيبي معك الأواتيل من الدنمارك بدنا على أصولها

أنا احبها أحبهااااااااااااااااااااااااااااااااااااااااااا

ليال66
10-06-2007, 18:28
الاكل عنا صحي اكتر من الفاست فود لول بس ليكي لافيش فينغر من ايدي اطيب واطيب واطيبييييين تعي ودوقي.....بدي دوقك الستيك البقري مقلي مع الفطر والبقدونس بالزبدة اللورباكية يلي معا توم وكزبرة
وجنبا بطاطا مسلوقة وصوص جبنة الـ Gorgonzola
ياويلي ياويلي ياويلي يالووووووول مااطيباااااااااااااااااااااااااااااااااااااا

يا ويلي يا ويلي يا ويلي يا ليوووووودة شو شهيتيني يا ها
ايه طبعا انشاء الله بدي دوقها اكيد ,,,

bloom
10-06-2007, 18:59
وهو بيني وبينك بدأوا الحلبيه يخفوا شوي شوي ..
باينتون عجزوا معنا ..
وإعترفوا إنو الأكل الشامي مافي منو ...


وينو يخفو وانا موجوده :blehhh:

ولله عندي فحوصه حرام عليكون تركوني أدرس واستنو علي ليخلص الفحص :fotieee2:

رح يجيني السؤال من هون اكتب الجواب الكبب الحلبية من هون