Abu-Firas
09-05-2007, 09:15
حبيباتي الحلوين
يعني رح ادخل بالعقد الثالث من العمر .... والحباة علمتني شغلات ماتعلمتها لا بمدرسة ولا قريتها بكتاب ...... وبصراحة انا كتير باخد بهالامور وعم تفيدني كتير
ولانه بتفيدني ..... تخيل قديش ممكن تفيدك .... ( لا.. مالي عم احكي عن بانادول )
ولحتى سهل عليكم المهمة رقم اعملهن على شكل نقاط مرقمة ويلي عنده اي فكره حول اي نقطة ..... يورجيني وشه بس .....
الخلاصة هي بعد النصائح يلي ممكن واكيد رح تفيدكم .... وانا اليوم حابب كون كريم واعطيكم ياها ومجانا وعمره ما حد يورت شي ......
اتفضلو اقعدو لاعطيكم من حكمتي الكثير والكثير ........ ( حكيم الأقزام )
نصائح مجانية من ابو فراس
1- اذا وصلتك باقة ورد هدية من احد ما وبدك تحتفظ فيها مده اطول .... معظم الناس بتحط الورد بمزهرية وبتحط ماء وشوية سكر ..... نصيحة لالك اذا بدك الورد يعيش اطول ... مجرد وصول الورد لالك قص بمقدار نصف سانتمتر من اخر غضن الوردة وحط الورد بمزهرية فيها ماء وضيف نص كاسة سفن اب المشروب الغازي لانه لمعلومكن النبات بيحاجة للنسغ الناقص لاتمام النمو والسفن اب اكتر مشروب يحتوي على حاجة الوردة من النسغ الناقص المطلوب ... وقولو اسامة قال
**********************
2- اذا وجعك راسك لا تركض مباشرة على البانادول او السيتامول لانه الاطباء من زمان بيعرفو انو وجع الراس بالذات هو عارض او دليل لمرض تاني ولايعتبر وجع الراس مرض بحد ذاته الا اذا
كان الامر ضداع نصفي (الشقيقة ) مشان هيك اذا وجعك راسك حاول تبحث عن السبب الحقيقي ورا هالوجع ... وغاليا بيكون اجهاد العين ... او اجهاد الاذن .... من خلال السهر او النظر بشده او تركيز السمع .... نصيحة من ابو فراس البنادول منتج تجاري لانه انت بس تاخد الحبة .... بيصير بتحب تقعد ساعة زمن ترتاح وهاد هو يلي بيروح الوجع فعلا مو الحبه ..بل الراحة يلي بتوجدها لنفسك
***********************
3- الكولا مضرة بس انا بشربها كتير ..... المهم اذا كنت حابب تستفيد وتريح راسك من الشغل المتعب .... جرب تدلق كاسة كولا بالحمام لمدة نص ساعة وبعد ذلك افتح الماء عليه
ورح تلاقي انه الكولا قامت بعملية تنظيف رهيبة ورجع حمامك عم يضوي ضوي ......
***********************
4-لوجع العيون لا تستخدم غير كمادات الشاي ... كل الادوية كرمال الاجهاد مالا فائدة ... غمس محرمة بكاسة شاي تقيلة ودافية مو سخنة وبدون سكر وحطها على عينك لتنشف وكرر العملية مرتين ورح تلاقي كل الاجهاد راح والسواد حول العين اختفى ......
***********************
5- الولد الصغير ما بيفهم ولكن بيدرك وبيشعر مشان هيك حاول انك لما تحكي مع ابنك يلي عمره من شهر لسنتين ....حاول تحكي معه بشكل طبيعي ولا تكسر حكيك .... يعني لا تقوله تاكل نينه او تروح باي او نعمل أوأو .... هاد الكلام كله رح يأثر على سرعة نمو العقل عنده و تأخير النطق .... حاول انك تحكي معه وتقوله تاكل سيريلاك ... تروح مشوار ..... يلا نقوم ننام ..
وبهالطريقة ..... لاتقول انه ماراح يفهم عليك ...... لانه اذا ماراح يفهم شلون فهم انه نينه يعني اكل ولا هدول بيجو معه من بطن امه !!! بعدين اذا ماعم يفهم ليش لحتى نحكي معه من اساسه ؟.....لذلك الله يرضى عليك ساعد ابنك وقويله ادراكه بالحكي الطبيعي ...... ومو أوأو ونينه وتش ..... بس كمان مو نووي وايدولوجي وتقلي بدي ساوية عالم من الصغر ...
*************************
6- مواصفات الحذاء الجيد انك تحس كانك مو لابس شي برجلك .... غير هيك لا تشتري لانه معظم ضيقة النفس والتعب و التعصيب بالعالم ... مو من الجو او من الاوضاع البلد .... بيرجع السبب للحذاء الضيق او بالبنطلون الضيق او الملابس الضيقة .... والدليل على هيك انك ما بتحس حالك مرتاح الا بس تشلح من رجلك بالبيت وتلبس البيجامة او روب النوم ... معناها شو حلو نكون طول يوم لابسين البيحامة .....
**************************
7- اذا كنت عم تطعمي ابنك لا تجبره على اكمال صحنه ابدا مهما كان الامر .... لانه هاد الامر رح يؤدي للسمنة اكيد فهو رح يصير عنده مرحلة ويتحول المنعكس الشرطي عنده بانه لا يصل الى مرحلة الشبع الا اذا خلص الطعام عن الطاولة ...... حتى ولو كان صغير وانت عم تطعميه بايدك وحسيت انه ماعاد بده .... لا تحاول انك تخلص الصحن بتمة بلقميتن .... ولا تحاول انك تخانق ابنك اذا اجا وقت الاكل وما اكل .... اتركه وقت يلي رح يجوع رح يجي لعندك ويقلك طعميني ...... لانه هاد الخطأ كتير شائع بين العرب ما يسمى بنظام العلف وليس الاطعام
بينما بالغرب عكس هيك بيحاولو انهم يجعلو الغذاء مكمل للنمو وليس اساس عيش الولد و حياته ... وهيك بتشوف ولادهم عم يكبرو وصحتهم نظامية ... ونحنا بيصيرو متل الطنابر و امه بتقعد وبتقول .... يقبرني انا الحلو ... ابو خدود ؟؟؟
**************************
8- بتعرف انه العلكة هي من اهم الاشياء ومن الضروريات بوقتنا الحالي .....!!
رح قلك ليش .... لانه العلكة فيها خمس فوائد ... طبعا العلكة الظريفة مو علكة عدنان و لينا
بتنظف الاسنان ..... بتخفف الضغط العصبي .... بتغير ريحة التم وهي كتير مهمة ..... بتحث الجسم على افراز اللعاب بشكل اكبر مما بساعد بعملية الهضم بشكل اكبر يعني اذا كنت آكل خاروف كامل .... لاتشرب كولا ولا بطيخ .... خود حبة علكة ولمدة ساعة وشوف العجايب وقول اسامة قال ...... والفائدة الخامسة بتسلي احسن ما تتسلى بشيبس او بزر او شي بيسمن وما بيفيد ....
***************************
9- لا تستعمل مزيل العرق البخاخ ابدا لانه بيزيد ريحة العرق وبيضر الجلد وممكن تسأل اطباء الجلدية ورح ياكدولك الكلام .... اهم شي النظافة ... والنصيحة الحلوة بتقول ... استخدام شامبو الجسم صار مهم بوقتنا يعني لا تستخدم الصابونه لتنظيف الجسم ... استخدام شامبو الجسم وخاصة ديتول الجديد او دوف ... ولمده اسبوع بشكل يومي .... وانا اكيد انه ريحة العرق رح تصير بخبر كانا ...... ولا تحاول تستعمل مزيل العرق ويلي انا بسميه مسبب العرق الاكيد
****************************
10- نستيها لانه كنت كاتب الملاحظات على ورقة والورقة نسيتها بالبيت ... بس روح عالبيت رح اكتبها ........
***************************
وهيك يا اخوان رح تعيشو الحياة السعيدة والعمر المديد
ولكم مني كل التحية .... كان معكم من وراء المكروفون .... محدثكم
أبـــــــــــــوفـــــــــــــــــــراس
يعني رح ادخل بالعقد الثالث من العمر .... والحباة علمتني شغلات ماتعلمتها لا بمدرسة ولا قريتها بكتاب ...... وبصراحة انا كتير باخد بهالامور وعم تفيدني كتير
ولانه بتفيدني ..... تخيل قديش ممكن تفيدك .... ( لا.. مالي عم احكي عن بانادول )
ولحتى سهل عليكم المهمة رقم اعملهن على شكل نقاط مرقمة ويلي عنده اي فكره حول اي نقطة ..... يورجيني وشه بس .....
الخلاصة هي بعد النصائح يلي ممكن واكيد رح تفيدكم .... وانا اليوم حابب كون كريم واعطيكم ياها ومجانا وعمره ما حد يورت شي ......
اتفضلو اقعدو لاعطيكم من حكمتي الكثير والكثير ........ ( حكيم الأقزام )
نصائح مجانية من ابو فراس
1- اذا وصلتك باقة ورد هدية من احد ما وبدك تحتفظ فيها مده اطول .... معظم الناس بتحط الورد بمزهرية وبتحط ماء وشوية سكر ..... نصيحة لالك اذا بدك الورد يعيش اطول ... مجرد وصول الورد لالك قص بمقدار نصف سانتمتر من اخر غضن الوردة وحط الورد بمزهرية فيها ماء وضيف نص كاسة سفن اب المشروب الغازي لانه لمعلومكن النبات بيحاجة للنسغ الناقص لاتمام النمو والسفن اب اكتر مشروب يحتوي على حاجة الوردة من النسغ الناقص المطلوب ... وقولو اسامة قال
**********************
2- اذا وجعك راسك لا تركض مباشرة على البانادول او السيتامول لانه الاطباء من زمان بيعرفو انو وجع الراس بالذات هو عارض او دليل لمرض تاني ولايعتبر وجع الراس مرض بحد ذاته الا اذا
كان الامر ضداع نصفي (الشقيقة ) مشان هيك اذا وجعك راسك حاول تبحث عن السبب الحقيقي ورا هالوجع ... وغاليا بيكون اجهاد العين ... او اجهاد الاذن .... من خلال السهر او النظر بشده او تركيز السمع .... نصيحة من ابو فراس البنادول منتج تجاري لانه انت بس تاخد الحبة .... بيصير بتحب تقعد ساعة زمن ترتاح وهاد هو يلي بيروح الوجع فعلا مو الحبه ..بل الراحة يلي بتوجدها لنفسك
***********************
3- الكولا مضرة بس انا بشربها كتير ..... المهم اذا كنت حابب تستفيد وتريح راسك من الشغل المتعب .... جرب تدلق كاسة كولا بالحمام لمدة نص ساعة وبعد ذلك افتح الماء عليه
ورح تلاقي انه الكولا قامت بعملية تنظيف رهيبة ورجع حمامك عم يضوي ضوي ......
***********************
4-لوجع العيون لا تستخدم غير كمادات الشاي ... كل الادوية كرمال الاجهاد مالا فائدة ... غمس محرمة بكاسة شاي تقيلة ودافية مو سخنة وبدون سكر وحطها على عينك لتنشف وكرر العملية مرتين ورح تلاقي كل الاجهاد راح والسواد حول العين اختفى ......
***********************
5- الولد الصغير ما بيفهم ولكن بيدرك وبيشعر مشان هيك حاول انك لما تحكي مع ابنك يلي عمره من شهر لسنتين ....حاول تحكي معه بشكل طبيعي ولا تكسر حكيك .... يعني لا تقوله تاكل نينه او تروح باي او نعمل أوأو .... هاد الكلام كله رح يأثر على سرعة نمو العقل عنده و تأخير النطق .... حاول انك تحكي معه وتقوله تاكل سيريلاك ... تروح مشوار ..... يلا نقوم ننام ..
وبهالطريقة ..... لاتقول انه ماراح يفهم عليك ...... لانه اذا ماراح يفهم شلون فهم انه نينه يعني اكل ولا هدول بيجو معه من بطن امه !!! بعدين اذا ماعم يفهم ليش لحتى نحكي معه من اساسه ؟.....لذلك الله يرضى عليك ساعد ابنك وقويله ادراكه بالحكي الطبيعي ...... ومو أوأو ونينه وتش ..... بس كمان مو نووي وايدولوجي وتقلي بدي ساوية عالم من الصغر ...
*************************
6- مواصفات الحذاء الجيد انك تحس كانك مو لابس شي برجلك .... غير هيك لا تشتري لانه معظم ضيقة النفس والتعب و التعصيب بالعالم ... مو من الجو او من الاوضاع البلد .... بيرجع السبب للحذاء الضيق او بالبنطلون الضيق او الملابس الضيقة .... والدليل على هيك انك ما بتحس حالك مرتاح الا بس تشلح من رجلك بالبيت وتلبس البيجامة او روب النوم ... معناها شو حلو نكون طول يوم لابسين البيحامة .....
**************************
7- اذا كنت عم تطعمي ابنك لا تجبره على اكمال صحنه ابدا مهما كان الامر .... لانه هاد الامر رح يؤدي للسمنة اكيد فهو رح يصير عنده مرحلة ويتحول المنعكس الشرطي عنده بانه لا يصل الى مرحلة الشبع الا اذا خلص الطعام عن الطاولة ...... حتى ولو كان صغير وانت عم تطعميه بايدك وحسيت انه ماعاد بده .... لا تحاول انك تخلص الصحن بتمة بلقميتن .... ولا تحاول انك تخانق ابنك اذا اجا وقت الاكل وما اكل .... اتركه وقت يلي رح يجوع رح يجي لعندك ويقلك طعميني ...... لانه هاد الخطأ كتير شائع بين العرب ما يسمى بنظام العلف وليس الاطعام
بينما بالغرب عكس هيك بيحاولو انهم يجعلو الغذاء مكمل للنمو وليس اساس عيش الولد و حياته ... وهيك بتشوف ولادهم عم يكبرو وصحتهم نظامية ... ونحنا بيصيرو متل الطنابر و امه بتقعد وبتقول .... يقبرني انا الحلو ... ابو خدود ؟؟؟
**************************
8- بتعرف انه العلكة هي من اهم الاشياء ومن الضروريات بوقتنا الحالي .....!!
رح قلك ليش .... لانه العلكة فيها خمس فوائد ... طبعا العلكة الظريفة مو علكة عدنان و لينا
بتنظف الاسنان ..... بتخفف الضغط العصبي .... بتغير ريحة التم وهي كتير مهمة ..... بتحث الجسم على افراز اللعاب بشكل اكبر مما بساعد بعملية الهضم بشكل اكبر يعني اذا كنت آكل خاروف كامل .... لاتشرب كولا ولا بطيخ .... خود حبة علكة ولمدة ساعة وشوف العجايب وقول اسامة قال ...... والفائدة الخامسة بتسلي احسن ما تتسلى بشيبس او بزر او شي بيسمن وما بيفيد ....
***************************
9- لا تستعمل مزيل العرق البخاخ ابدا لانه بيزيد ريحة العرق وبيضر الجلد وممكن تسأل اطباء الجلدية ورح ياكدولك الكلام .... اهم شي النظافة ... والنصيحة الحلوة بتقول ... استخدام شامبو الجسم صار مهم بوقتنا يعني لا تستخدم الصابونه لتنظيف الجسم ... استخدام شامبو الجسم وخاصة ديتول الجديد او دوف ... ولمده اسبوع بشكل يومي .... وانا اكيد انه ريحة العرق رح تصير بخبر كانا ...... ولا تحاول تستعمل مزيل العرق ويلي انا بسميه مسبب العرق الاكيد
****************************
10- نستيها لانه كنت كاتب الملاحظات على ورقة والورقة نسيتها بالبيت ... بس روح عالبيت رح اكتبها ........
***************************
وهيك يا اخوان رح تعيشو الحياة السعيدة والعمر المديد
ولكم مني كل التحية .... كان معكم من وراء المكروفون .... محدثكم
أبـــــــــــــوفـــــــــــــــــــراس