هل أنت تنمو أم أنك تكبر فقط ؟؟ ؟؟

[منايا]

هل أنت تنمو أم أنك تكبر فقط ؟؟

هناك فرق بين ان تنمو او ان تكبر.....................
فانت تكبر زمنيا بالعمر ولكن النمو هو النمو العاطفي والاجتماعي والجسدي والفكري........
فهل انت تنمو ام تكبر فقط.................؟
هل يتعادل نضجك (فكرياً وعاطفياً) مع عمرك؟
هل ازددت حكمة ولو شيئاً يسيرا مع تقدمك في العمر؟
هل أضافت لك كل سنة من عمرك شيئاً يسيراً من النضج؟
أم أنك عشت سنة أخرى فقط؟
هذه اول مشاركه الي بتمنى تعجبكم وبانتظار مشاركاتكم في الموضوع....................

[الدمشقي]

ذكرتيني باتنين بعرفهن بيصلحوا ليكونوا نموذجين مثاليين لهل الحكي ..
واحد نص نصيص دوبه متر ونص .. والتاني شنتير الله يعزك مابيفوت من هالباب .. (أي باب) ..
هلأ النص نصيص طلع عبقري من الدرجة الأولى مقياساً بالعباقرة اللي ببلدنا .. يعني مو تقارنيه بأرخميدس .. وهلأ هو إنسان ناجح بعمله كتير .. ومتحدث وإله حضوره ..
أما هداك اللوح فلهلأ بيراهن على ورقة اليانصيب من قد مو فاشل .. والزلمة كبير مو صغير .. يعني طف الخمسين ..
المهم اللي بدي قوله إنه ياما ناس صغيرة وفعلها كبير والعكس صحيح ..

أما أنا ..
هل يتعادل نضجك (فكرياً وعاطفياً) مع عمرك؟
لا والله مابيتعادل بنوب .. لأنه أنا بشوف حالي أكبر من عمري فكرياً .. وعمري الفكري 49 سنة مع إني أصغر بكتير .. ومشان هيك كنت ومازلت بعاني من موضوع الأصدقاء .. لأنو كل اللي من جيلي أو أصغر شوي .. أكبر شوي .. بحسهن مو من مستواي الفكري ..
هل أضافت لك كل سنة من عمرك شيئاً يسيراً من النضج؟

شي أكيد .. أنا بطلت وأقلعت عن كتير شغلات كنت متعلق فيها .. وبالمقابل اتعلقت بشغلات كنت مأقلع عنها ..
يعني عملية نضج واستيعاب للأمور أكتر وأكتر .. لأنه البني آدم قد ماكبر بيضل ناقصه علم .. الحياة بحر .. مابنلحق نسبح فيه بهل فترة البسيطة اللي رح نعيشها ..

ومافي أحلى من الإنسان الناضج واللي بيستفيد من تجاربه وأخطائه وبيحولها لأكاديمية بحياته ..

شكراً يا منايا ..

[Abu-Firas]

فهل انت تنمو ام تكبر فقط.................؟
انا بتصور حالي اني عم انمو واعم اكبر
هل يتعادل نضجك (فكرياً وعاطفياً) مع عمرك؟
ما بتصور انه الامر مطلق يعني في شغلات بحس حالي اكبر من عمري
وفي شغلات بحس فيها ان انا لساتني صغير وبدي كتير لاكبر
هل ازددت حكمة ولو شيئاً يسيرا مع تقدمك في العمر؟
طبعا الحياة تجارب و وخبرات ... والدنيا مدرسة كبيرة
هل أضافت لك كل سنة من عمرك شيئاً يسيراً من النضج؟
أم أنك عشت سنة أخرى فقط؟
هلق مرات بتمر علي سنة بكون فيها من اللوح مازاد علي شي ولا تغير فيني شي
وساعات بتمر سنه بحس حالي كبرت فيها شي مليون سنة
*******

شكرا عالموضوع ... انا بحب المواضيع يلي فيها نقد ذاتي وبناء

[legend]

التنين سواا .

[منايا]

شكرا اخي الدمشقي وابو فراس و legend على مشاركتكم والحمدلله انو الموضوع عجبكم..وانا بوافقكم الراي انو في اوقات بتحس انك تكبر فكريا في امور اكثر من ان تكبر عمريا واوقات بيصير العكس .يسلمووووووووو

[yoos]

فهل انت تنمو ام تكبر فقط.................؟
بعتقد اني بنمو بمعرفتي و عقلي و بكبر بخبرتي و تجربتي
هل يتعادل نضجك (فكرياً وعاطفياً) مع عمرك؟
ما بعرف ...يعني سكتت عند هاد السؤال بس انا بقولي اني بعرف حلل الأمور صح و عندي القدرة على التفكير و تخليق الأفكار...و بقدر اصعد لفكر اللي اكبر منني و اكثر منني ثقافة و عمر و خبرة و بنفس الوقت بحس حالي طفلة ببقى دائما حب العب مع الأطفال و حلق متل الفراشة ..ساعات بحب هستر .. بحب جن ..بعمل مقالب متل الصغار و بضحك من قلبي ..لكن بفهم عواطف الشباب و الصبايا و الكبار بشعر فييهن ..بشعر ان في بقلبي عواطف جياشة لفهم شو يعني الذكاء العاطفي و كيف اتعامل مع الناس من خلاله ... و الله ما بعرف
هل ازددت حكمة ولو شيئاً يسيرا مع تقدمك في العمر؟
شئ اكيد فقدرتي على الحكم على الأشياء و التصرف و نظرتي للدنيا و الكون تطورت كتير تقريبا من العدم لشئ صار يذكر و الحمد لله
هل أضافت لك كل سنة من عمرك شيئاً يسيراً من النضج؟
أم أنك عشت سنة أخرى فقط؟
و الله في سنين كانت بتمرو ما حس فيها كيف بلشت ولا كيف انتهت كنت حس اني بتوه هاد في سن 18 و 19 ببداية العشرينات يعني لحد 22
و في سنين كانت مزدحمة بالخبرة و التجربة و المعارك و المشاكل و ال........
في سنين الطفولة و اواخر 22 لحد هلئ
و كنت اطلع منها كاني كبرت بالخبرة شي عشر سنين
في سنين ما حسيت فيها بعمري اني جامدة باردة دمي تقيل كان فيها بس ما كتيرة
اما باقي السنين بحسها متل الصاروخ غيرت فيي كتير اكيد للأفضل عم حاول قلل من السلبيات
شكرا

[دلوعة و نص]

الحقيقة باختصاااار شديد اني عم اكبررررررررر فقط!!!!!!!!!!!!!!!!!

[منايا]

شكرا الكم على مروركم ومشاركتكم الحلوه,,,,,خصوصي اختي yoos كانك كنتي تتكلمي عني..............يسلموووووووووووووو