مشاهدة النسخة كاملة : شو رأيكون بهالمسألة؟؟
سؤالي عن التقنيات والتكنولوجيا المستخدمة في الطب...
هل أنت مع استخدام التقنيات في إنقاذ النفس البشرية فقط؟؟
بمعنى آخر لأنو يمكن ما يكون وصل السؤال بالطريقة اللي بدي ياها..
يعني أنت مع إنو ننقذ النفس البشرية بغض النظر عن الحالة يللي بدو يضل فيها بعد العملية؟؟؟
يعني على سبيل المثال مشان التوضيح أكتر...
مريض الكلية مثلاً...إذا ما عمل العملية بعد تفاقم الوضع...ممكن ما يعيش فترة طويلة أبداً...يعني ممكن يعيش فترة أسبوعين أو أكتر بس....بس إذا عمل العملية رح يعيش لمدة ست أو سبع سنين بس بعذاب...وصلت الفكرة؟؟؟
يعني الخلاصة :
فترة قصيرة وراحة....ولا فترة طويلة وعذاب؟؟؟
هاتو لنشوف...
والله حسب يا ابو الجوج
يعني اذا الزلمة عامل حسنات بفوتوا الجنة بلاهة العملية
اما اذا لسا بدو حسنات بيعملها وبجمع كم حسنة يفوتوا على الجنة
أظن انو جورج عم يبحبش و يدأدس عن شي اسمو القتل الرحيم...ما؟؟
هلأ لما انسان بيكون مرضو غير قابل للشفاء معناها بدو يقضي الأيام اللي بقيانة من حياتو بألم شديد...و بدو يعيشون لهلكم يوم عل مهدئات
و لما بتكون هي هية الحالة في كتير من الناس إزا كان قلبهون أوي ممكن انو هنن بنفسهون يطلبو يموتو مشان يرتاحو من عذاب المرض..ممكن يطلبوا من الطبيب تبعهون انو يسرع بموتون..
و نحنا لما منفكر بلموضوع من بعيد من دون ما نكون بلموقف منقول ايه يموت أحسنلوا من هلعذاب..
بس لو نكون نحنا أهل هلمريض طبعا و أكيد منصر نصر ألحاحا :biggrin: انو نعملوا العملية ولو كانت رح اطول بعمرو ساعة مو اسبوع ولا اسبوعين..
وهو نعني بلأخير الأعمار بيد الله..الواحد بيعمل اللي عليه و قامتو خلصت
بغض النظر عن النتائج إزا كانت رح تكون مرضية أم لا....لذلك انا بقول انو يعمل العملية و الاتكال عل الله يا هريدي:mrgreen:
انشاء الله ما كون افهمتك غلط جيجا:biggrin:
انا بقول يا ابو جريج حسب الجيبه اذا معو مصاري كتير يعمل العمليه واذا ما معو شو بدو بهل العيشه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟
دلوعة و نص
02-05-2007, 20:31
مابعرف اذا الله كاتب له عمر بيعيش يعني يا جبللللللللل ما يهزك ريح ههههههه
والله مابعرف الاتنين كتيررررر صعبين بس بفضل ؟؟؟؟؟؟؟؟؟
يعيشششش صعب كتير يموت حدا بتحبه او مابتحبه المووووت بيبكي><><
والله بكيتنيييييييييييييييييييييييييييي ميرسسسسي الك
أنا اللي بعرفة يا جورج و اللي بعتقد فيه ان كل شخص اله دوره و لازم يأديه
يعني اذا أجانا مريض مو نحنا اللي بنحدد اذا ألطف إله اذا مات و لا لا
الله اللي بلاه بهيك شغلة و الله هو الوحيد اللي متكفل فيه نحنا بنعمل اللي علينا و بس
يعني نفرض ان حالة المريض بدها اسبوع و يرتحم بس اذا طببناه بهالأدوات الطبية بعيش متل ما قلت بعذاب هاد افتراض العقل البشرري لكن المقدر عند رب العالمين يعني يمكن ربنا يسبب الأسباب و يعيش هالشخص بظروف طبيعية و بعدين هاد عمر و مقدر ان نعيشة بكل ظروفه
خلاصة الكلام ان ايه أنا مع مو ضد
والله أنا مع الحياة .. بغض النظر عن العذاب .. لأنه الحياة مابتنترك بسهولة .. والروح غالية .. ومع إني ماانحطيت بهيك ظرف .. فمابقدر حس بشعور المريض اللي عم يتعذب من مرضه .. بس مابتصور أنه رح يتمنى رصاصة الرحمة ..
بزمناتي لقيت عصفور عم ينازع .. قام رفيقي قلي شيلو واخبطوا بالأرض مشان يموت .. أرحمله .. لأنه العصفور خالص .. آكل طرطوشة خردق وعم يحتضر .. المهم أنا ماقدرت أقتل العصفور .. أخدته لعند جدي الله يرحمه .. قام عمله جدي اللازم من طبابة واستنينا عليه .. وصرنا نطعميه ونشربه .. قام عاش العصفور فترة منيحة .. وتحسن .. بس بعد شي كم يوم .. مات .. مات ومابعرف ليش .. بس اللي بعرفه إنه الله منحه لهل عصفور من خلالي كم يوم زيادة بهل حياة .. وآسف لأني بلعي كتير ..
صباحووووووووووووووووووو
يعني المسألة مو ..... مين مع او مين ضد
الانسان اللي بخاف الله وضميره صاحي بيعمل اللي عليه والباقي على الله
انا اريد ..... وانت تريد ... والله يفعل مايريد
والله يرحمنا احسن شي
ســـــــــــــــــــــــــــلامي لـــــــــــــــــــــكم
*************************
رغـــ R ــد
03-05-2007, 00:58
انا برأيي انو خليه يسلم الامانة ويرتاح للأبد
في رد عجبني انو خليه يعمل حسنات
بعدين فكرت وقلت
بما انو مريض ومات بسبب المرض
اذن هو شهيد
شكرا عسؤالك
باي
mercurian
03-05-2007, 08:41
يا جورج بهالموضوع بالذات .... انا كنت بفضل يكون سؤالك موجه بشكل شخصي لكل واحد ...يعني كل واحد هل بيفضل انو يعيش حياتو بشكل عاجز او بيفضل يموت ؟
ببلاد برا في شي اسمو الوصية الطبية هي كل مريض بيحدد الشغلات اللي بيريد انو تطبق عليه من هالتكنولوجيا الطبية اللي عم تحكي عنها ... حتى في شي اسمو Dnr بينحط على معصم الشخص وهي طلب من المريض بعدم التنبيب والانعاش في حالة توقف القلب مشان ما يرجع قلبو يدق ويكون عندو عجز بدرجات مختلفة ......
ويا ريت يكون عنا بهالموضوع وعي واختيار مبني على معرفة طبية .... انا شخصيا افضل نوعية الحياة على وقتها ......
devil.deeds
03-05-2007, 10:38
صباح الخير يا شباب ..
بس انا بعتقد لما الواحد بيعالج المرض اللي معو بالكلية ..بيطيب نهائيا
او اذا فاقد كلية بيقدر يعيش بالكلية التانية لحالها ..او اذا في متبرع بكلية ..او اذا واحد ميت وبايع كليتو ..
بهالحالة ما بيضل شي اسمو اسبوع او 7 سنين او ما شابه ..هلئ صار في شي اسمو حالة اغتيال او حادث قطار او اذا وقع فوقه محرك طيارة او اذا الله سبحانه بدو ياخد روحه ..
وشكرا ..
princeoflaw
03-05-2007, 10:50
يعني الخلاصة :
فترة قصيرة وراحة....ولا فترة طويلة وعذاب؟؟؟
هاتو لنشوف...
انا مع التخلص من الالم وبس بغض النظر عن الطريقة
la solitaire
03-05-2007, 11:00
شكرا اخ جورج
كلنا نعلم أنا الأعمار بيد الله لذلك لا يحق لنا أن نحرم الإنسان فرصة الحياة
يجب ان نعمل كل ما بوسعنا لانقاد حياة هذا الإنسان بغض النظر عن العذاب الذي سيعانيه
أصلا نحن محاولتنا وضع حد لحياة هذا الإنسان كإننا عم نحاول نكون أرحم من الله سبحانه اللي خالقه كأننا عم نقول يالله انت خليت هذا الإنسان يعيش بمرض وعذاب ونحنا كنا ارحم منك فحطينا حد لحياته
نحن لازم نعمل اللي علينا ومسألة العذاب نخليها لله فرحمته وسعت كل شيء
Abu-Firas
03-05-2007, 11:34
القتل الرحيم ...... انا معه وضده بنقس الوقت
انا معه لانه فعلا في بعض الحالات بكون الموت فيها اريح من الحياة نفسها
وبكون المرض تعب للمريض واهله .
بس المشكلة انه الدين بيقول انه الحياة والموت هي بيد الله وهو الذي يحدد باي وقت
الانسان يموت وممنوع اي تدخل بشري في هذا الموضوع ......
مشان هيك منسلم جدلا لانه نحنا على قناعة انه رب العالمين اكيد رح يوجه الامر لما فيه
مصلحة الشخص ونحنا منعمل يلي علينا ...... منضل منعالجه و نسقيه الادوية لحد ما يطلع
اخر نفس عالخالص ........
هلق كمان شغلة لو سالت ابن المريض او زوجته .......ايهما بتفضلو موت الزلمة ولا العلاج المؤلم
ماراح تلاقي حد بيقدر يقول
اقتلو ابي احسن من العذاب يلي هو فيه........
او اقتلو ابني احسن ما يضل هيك تعبان .........
الكلمة كتير صعبة .... تصور نفسك تنحط بموقف متل هيك ..............
لعما والله قشعر بدني لمجرد فكره انو يقولولي :
ابنك رح يتعذب اذا استمر هيك , شورايك نقتله ......!!!!!؟
ولييييييييييييييي الله يبعد عنا ولا يبلينا بهيك موقف
طيب تعال لأحكيلك هل القصة
بزمناته واحد قرايبنا كان ساكن ببيروت وراح على المشفى وقال دمه كله متجلط وخلص مصابح مماسي .. يعني أيامه معدودة
ومرته اشترت هالأسود واستعدت للخبر الأخير
وبعد هالقصة عاش الزلمة 11 سنة شو رأيك
أنا عم قلك ياها بالمختصر
يعني الحياة والموت ليس بيدنا بيد الله .. ولو اتعذب الانسان ..الله يقرر متى شاء الخاتمة وليس البشر
يعني يا جماعة الخير
بدي قول معلومة
أولا ان الابتلاء طبعا مو بس الشي السلبي بالنسبة النا متل المشاكل و المرض ولا ........ الخ
الابتلاء هوة كمان الفرح و الخير و الشي الايجابي و الحمد لله .
تانيا الله هوة الوحيد الأرحم بعباده لان احيانا الابتلاء بالمرض و اللي ممكن ان يعذب الشخص ممكن يكون تخفيف ذنوب و هاد شغلة سألنا فيها شيوخ عندنا هون و كمان الشيح احمد الكبيسي حكا بهالكلام
يعني ممكن و الله اعلم يكون ربنا سبحانه و تعالى يكون بدو يخفف عنه ذنوبه مشان ما يتعذب بالآخرة فبعذبه بالدنيا
washiwash
03-05-2007, 12:34
خيو خيتو ... شوفولنا هل الموضوع بطريقكم
[Only registered and activated users can see links]
اي صرلو موضوعك من أيام الطفاش الظريفة وخناقات أيمن ولوسيفر ... لك حتى Z Dragon نازل فيه ضيف شرف يا زلمة ... لازم يكون ابيض وأسود نعني...
لا تقفل الموضوع واشي وششششششششششششش...
هلق رب العالمين بيطالبنا ناخد بجميع اسباب الشفاء وبعدها نسلم امرنا لله
ورب العالمين هو ارحم بعباده من الجميع ... واعمار الجميع بايده ...
أكيد لازم نعمل جميع اسباب الشفاء ونترك التفكيربالموت لرب العباد
الحمد لله الذي عافانا مما ابتللى به الكثير من خلقه وفضلنا عليهم تفضيلا
بما انه جورج حكا عن هالموضوع ..
وطبعا الله يبعد عنكم الامراض جميعا ويخليكو بصحتكن.
ولأني ما بعرف كيف بيوم وليلة صرت مريضة .
فأنا بقولكن إحساسي ..
لو ما في ( الله ) كنت إنتحرت :)
بس ربنا الي بيصبر على الوجع ..
وربنا بيخلي الإنسان بوقت صعب كثير يشوف اشياء بسيطة حلوة حتى لو كانت قليلة
بس بتفرح القلب ..........
لآخر لحظة لازم الإنسان يتمسك بالحياة :)
والحياة والموت قدر .. من ربنا .
aboude666
05-05-2007, 20:38
الجسم هو أمانة واجب علينا نحافظ عليها بأي شي بقدر عليه يعني لازم شوف الأحسن وأعملو إذا بقدر عليه.
أما أنا كطبيب فمن واجبي إني أعمل أي شي بساعد بحياة المريض وماقصر بشي . والله أنا شفت حالات نظريا وحسب حكي الكتب ماممكن تعيش ولا ساعة بس سبحان الله الأعمار بإيدو بعيشو ويمكن يتحسنو كمان.
مشان هيك المريض مفروض مايفرط بجسمو والطبيب مفروض مايقصر بواجبو والباقي على الله.
Powered by vBulletin® Version 3.7.3
Copyright ©2000 - 2012, Jelsoft Enterprises Ltd