القبض على مغتصب 570 فتاة في مدينه حمص

[ABDO_H]

[Only registered and activated users can see links]دمشق - حسن سلمان : أزيل الستار عن قصة روعت المجتمع السوري، وتتلخص بقيام المدعو زهير الملقب بـ "ذئب العذارى" باغتصاب حوالي 570 فتاة من مدينة حمص خلال 17 عاما، مستخدما مكانته الاجتماعية ووضعه المادي الجيد.
وبدأت القصة عندما بعثت إحدى ضحايا الجاني برسالة إلى وزير الداخلية السورية تؤكد فيها تعرضها هي وعدد كبير من الفتيات للاغتصاب من قبل المدعو زهير الذي كان يعد ضحاياه بالزواج ليستدرجهم حتى ينال مراده منهم.

وكشفت تحريات وزارة الداخلية أن زهير هو زير نساء بامتياز ومن أصحاب العلاقات المشبوهة، بعد ذلك قامت قوات الأمن باقتحام منزله وضبطه في وضع شائن مع إحدى الفتيات، وتم مصادرة 570 فيلم خلاعي قام بتصويره لضحاياه بقصد الابتزاز والمتاجرة، إضافة إلى بعض الأسلحة ومستلزمات نساء.

واعترف الجاني أنه كان يستدرج ضحاياه إلى مزرعته بحجة دعوتهم إلى الغداء مستعينا بمكانته الاجتماعية المرموقة ثم يقوم بهتك أعراضهم،مشيرا إلى أنه خلال ذلك كان يقوم بتصويرهم بأوضاع فاضحة بالتعاون مع أحد أصدقائه.

وأشار زهير إلى أنه مع مرور الزمن أصبح لديه حالة من الجوع الجنسي المرضي وبات يدعو عدة فتيات في اليوم، كما أنه افتتح محل للفيديو لترويج الأفلام التي صورها لضحاياه، إضافة إلى محاولته تسويق هذه الأفلام عبر الإنترنت، وهذا أوجد حالة قلق وخوف لدى الفتيات اللواتي قام باغتصابهن وتصويرهن فيما لو اطلع الأهل على هذه الأفلام

منقول ....

[Kettya]

الله لا يوفقو .. هاد لازم ينعدم مباشرة ..الدبح قليل عليه.

[NART]

570 فتاة من مدينة حمص خلال

يعني عدم الملاكة قديش بقيان من بنات حمص مو رايحين معو على المزرعة

مو منقول من نسج الخيال [smilie=55.gif]

الله لا يوفقو .. هاد لازم ينعدم مباشرة ..الدبح قليل عليه

لا ما لزم ينعدم لزم ينحرم من النسوان :biggrin:

[أبوحميد]

ذئب العذارى

ههههههههه هادا اسم mr.mask القديم اللي عمل فيه مقلب



الله لا يفقو ما عندو اخوات

ما عندو ام


بس الحق مش عليه

الحق على البنات

كيف هانت عليهن

؟؟؟؟؟؟؟؟؟؟؟!!!!!!!!!!


هذا تأكيد على ان المرأة هي الحلقة الأضعف في دائرة المجتمع

[فرحة العمر]

لا ما لزم ينعدم لزم ينحرم من النسوان :biggrin:

و الله معك حق يبعتلو حمى وسيارة بلانمرة تعفسو يبلا بنار تحرقو حرق العمى بعيونو العمى و فشكي بحلقو اللهي و ماتخلي يعرف يحكي

و الله يا ابو حميد يبدو انو ما عندو يتيم يبلاه بأشو و انا معك الحق علىالبنات ليش ليطلعو معو من الدرجة الأولى

الله يفتحلنا بصيرتنا قبل بصرنا و الله يكون بعونون

[دلوعة و نص]

ومنيح والله وزارة الداخلية زبطت معها ومسكوه بكير صرلوه 17 سنة
والنتيجة 570 بنت ويمكن في شئ ما عترف عليهم؟؟؟؟؟
ياترى هالبنات واهلهم كيف حتكون حياتهم ؟؟؟؟؟؟؟
ويسلموا على هالموضوع والله يستر على كل العباااااااااااد

[legend]

الله لايوفقو .انشالله بيعدموه وبيفرجو لاصحاب متل هل شغلات انو في دوله بتحاكم وورائهم

[bigbaby]

570 بنت ؟؟؟؟؟ قال في واحد حمصي أكل 70 طيارة على غفلة ...

[amar]

اف اف اف طولو بالكون خيو كيف بدو ينعدم ويسع ما دخل محكمه بلكي الزلمه مظلوم خيو

المتهم بريء حتى تثبت ادانته خيو

نحن سمعنا طرف واحد معقول يكون 570 بنت سكتو كلون ولا بنت ما نكشفت قصتا من قبل اي والله بيكلو بلا ملح بحمص اذا كن الحكي صحيح وشو 17 سنه شو هل الحكي في اناااااااااااا بلموضوع

[CrystalTears]

الله لايوفقو لادنيا ولا آخرة هالمتوحش اللي مافية ذرة انسانية و أصلا حرام يكون هادا محسوب على البشر, وكمان أنا مع الأخ أبو حميد أنو الحق على البنات اللي رضيوا يطلعوا معو
وان شاء الله بنسمع حكم الأعدام فيه عن قريب.

[Abu-Firas]

ماهضمته هالموضوع بنوب لانه 570 بنت كتير مبالغ فيه هالرقم ......

بس اذا كانو 561 ممكن لانه بيقبل القسمة على 17 وبيطلع الناتج بدون كسور 33 بنت بالسنة
بمعدل 2.75 بنت بالشهر اي 0.6 بنت بالاسبوع ,
هيك ممكن تصير مبلوعة شوي ....... وبراس مالها الله وكيلكن ومافي شي لجيبي ....:mrgreen:

[la solitaire]

0.6 بنت بالأسبوع ( مبلوعة كتير )

[scorps22a]

من ناحية الله ينتقم منو ما بختلف معكم فيها ( اذا كانت صحيحة القصة)

بس يعني عدم المؤاخذة: البنات اللي كانوا عم يروحوا معو عالمزرعة كانوا متوقعين مثلا أنوا يلعبولهم شي دق شطرنج و الربحان بيتأهل لكأس العالم

ينعن انفلات

[أب سن دهب]

عل مزرعة...!!! اكتر شي ضحكتني عل مزرعة ..
اي يا بنت الحلال..شو أخدك معو عل مزرعة ...
بدكن تتعرفوا على بعض أكتر...!!!!
وانت كمان يا ابن الحرام.. الفي على تنتين تلاتة..اي بس 570 تخنتا..
بس اعتقد انو الخبر مبالغ فيه كتير لانو اذا طوّل مع كل بنت شهر( 30 يوم) لحتى يتعرف عليها وويحكي معها بالليل عل تلفون ويعزمها عل غدا بعدين ياخدها عل مزرعة يعني بدو شهر..
طيب 30 يوم * 570 بنت = 17100 يوم = 46.8 سنة ..
شلون لحّق هل ابن الحرام ب 17 سنة ما بعرف..

[نجلاء]

بس يعني عدم المؤاخذة: البنات اللي كانوا عم يروحوا معو عالمزرعة كانوا متوقعين مثلا أنوا يلعبولهم شي دق شطرنج و الربحان بيتأهل لكأس العالم
هادة الكلام السليم...
هو صحيح هادة زاهر مدري زهير بدو شنق..بس كمان الحق ما بيوقع عليه هو وحدو...
لأنو لو البنات لو عندهون رادع ديني و أخلاق ما كانو بيروحو معو(انشاء الله عل الهفا إلهي و انت جاهي)
بلنتيجة يتحورقو كلون على بعضون أشة لفة...

بس انا كمان أظن انو 570 مدري750 :mrgreen: رقم كبير و مبالغ في..ما؟؟

[أب يمان]

عبدو انتة من وين جبت الخبر ابوي انا قرأت القصة من شي شهرين
بمجلة بتذكر اسمها السالب والموجب على كلالموضوع فيو اختلاف كبير عن الموجود بالمجلة
حتى انو عاملين مقابلات بتذكر مع البنات المغتصبات كمان
بس انو نفس الارقام والاقام مبالغ فيا كتير كمان
يعني بيجوز ليعطو القصة نكهة واكشن
بعدين اذا كان الشب بيتحمل مسؤولية في قصص الاغتصاب فا الطرف الاخر بيتحمل اكثر من المشكلة لانو هي يلي رضيت انو تروحي على مزرعة او بيت وبهيك امور
(من حام حول الحمى كاد ايو يقع بهاا)

حتى وان كانت نيت ها الشاب شريفة وعزمها على مزرعة او اي مكان تاني يكونو لحالن فيو
نسيو حديث رسول الله علية الصلاة والسلام
(ما اجتمع رجل وأمرآة الا والشيطان ثالثهماا ) او كما قال رسول الله صلى الله علية وسلم

وبترجع كل ها الامور لقلة الدين والتربية

[dahifami]

يعني واضح انوتركيبة الموضوع وين المصدر أتكفي كلمة منقول لنصدق ذلك وأنا من حمص وعمري ماسمعت بهيك واحد[smilie=54.gif]

[السلطان]

شباب بغض النظر عن الجريمةواسبابها ومسبباتهامن دوافع ونواياومن اعذار ومن تعزيرات ومن مشاكل قانونبة بالادعاء والدفاع وما الى هنالك ...قال المثل ... اللي مابتدلي زنبيلها ماحدا بيعبيلها.... ويلعن ابو الفقر شو بيساوييييييييييي اذا اجتمع مع ضعف النفس. والتسيب . ربنا لاتجعلناعن ذكرك من الغافلين.