ملكة جمال البشاعة [الأرشيف] - منتديات طريق سورية

الدمشقي

28-04-2007, 17:07

البارحة بعد أن أصر بعض خفيفي العقل في بيتنا أن يشاهد انتخاب ملكة جمال لبنان .. اضطررت لمتابعة العرض معهم معزياً نفسي بأنني على الأقل وبالحد الأدنى سأمتع ناظري بجمال المرشحات .. لأنني حتماً لن أشاهد جمال طبيعي أواعتيادي .. سأشاهد ملكات جمال .. هكذا افترضت مع نفسي ببديهية ..

ولكنني فوجئت بل صعقت بتلك النماذج التي رأيتها تصعد إلى منصة العرض .. وأصابني الاكتئاب والإحباط .. وتحولت متعتي المرجوة إلى غيظ يتآكلني طيلة فترة العرض .. نعم لقد رأيت ملكات جمال البشاعة .. و بالتحليل التجريدي لم أرَ في المرشحات قباحة أو دمامة .. بالعكس .. ولكنني أصر على أنهن ملكات جمال البشاعة مقياساً بالمنصب الذي يتبوأنه .. ولأنهن تجرأن على ترشيح أنفسهن لهذا المنصب .. ولأن لجنة التحكيم والجمهور يعاملهن على هذا النحو والأساس .

وعلى ذكر لجنة التحكيم .. كأني أشعر بكل أعضاء اللجان التحكيمية في العالم أو بأغلبيتهم .. أنهم مصابون بمرض إسمه خرق التوقعات .. فهم يختارون أي شيء إلا ما تتوقعه أنت .. وكأنهم يماحكون تخمينك .. حتى يشعروك أن التحكيم فن يصعب على الإنسان العادي ممارسته ..

وعلى كل حال .. بعد نهاية العرض .. وإعلان الملكة الأولى مع وصيفاتها العاهات .. حزنت على بنات بلدي .. فعلى الرغم من معارضتي لمثل هذه الأنواع من المناسبات .. إلا أن المذيع واسمه طوني على ما أذكر .. استفزني البارحة وهو يتحدث عن أن ملكة الجمال سترفع راية بلاده الحبيبة .. ومن هنا أقول إن كان هذا الأحمق يتصور أن الجمال الأنثوي يرفع من شأن البلاد فكان على سورية أن ترتقي قمم الجبال ومشرفاتها فقط بجمال بناتها .. وتساءلت لماذا لا تقام مثل هذه المناسبات في بلدنا لكي نريهم الجمال الحقيقي .. فنحن دولة تظلم نفسها كثيراً من ناحية التبوء عن الجمال .. لأننها تعيّن منذ الأذل مذيعات تلفزيوننا الحبيب ومقدمات برامجه على أنهن السفيرات الوحيدات لجمال البنت السورية .. قد يكون هذا أمر تافه بالأساس غير أنه منافٍ للدين والأخلاق .. ولكن في النهاية أنا أرى التقليد الفاشل للمنهج اللبناني مستمر بإصرار في بلادي .. وحتى العولمة الغربية مازالت في طريقها صامدة رغم أضحوكتها .. بمعنى أننا كدولة مع العولمة والانفتاح السلبي .. وعلى سبيل المثال طالما أن المذيعات موجودات.. شئنا أم أبينا .. فمالمانع من كونهن جميلات إذاً .. ربما كي لايكسبوا سيئاتنا ويتحملوا وزرنا بالبصبصة ..

لا أعرف.. في النهاية أنا لست خبيراً بمثل هذه المناسبات (انتخاب الملكات) ولست من المتابعين لها أساساً ..وربما يكون للجمال الشكلي أوجه عديدة وأنا لا أعرفها..
لكنني أعرف بل أجزم أن ملكة جمال لبنان للعام السابق والتي رأيتها البارحة تحضر لتسليم التاج للملكة الحالية .. كانت تشبه إلى حد كبير صورة الغولة التي كانت أمي تصورها لي في طفولتي عندما تريد أن تهددني بها إذاما عصيت أوامرها

قال ملكات جمال قال ..
والله إنه أم عبدو الشطافة اللي ببنايتنا .. أحلى منهن كلياتهن ..

الله يستر عليكي يا أم عبدو ..

أبوحميد

28-04-2007, 17:22

بدي أقول كلمة

حزنت على بنات بلدي .. فعلى الرغم من معارضتي لمثل هذه الأنواع من المناسبات .. إلا أن المذيع واسمه طوني على ما أذكر .. استفزني البارحة وهو يتحدث عن أن ملكة الجمال سترفع راية بلاده الحبيبة .. ومن هنا أقول إن كان هذا الأحمق يتصور أن الجمال الأنثوي يرفع من شأن البلاد فكان على سورية أن ترتقي قمم الجبال ومشرفاتها فقط بجمال بناتها .. وتساءلت لماذا لا تقام مثل هذه المناسبات في بلدنا لكي نريهم الجمال الحقيقي .. فنحن دولة تظلم نفسها كثيراً من ناحية التبوء عن الجمال .. لأننها تعيّن منذ الأذل مذيعات تلفزيوننا الحبيب ومقدمات برامجه على أنهن السفيرات الوحيدات لجمال البنت السورية ..

نحن عنا مش بس بالجمال

في أخلاق و قيم و مبادئ

ما بتسمحلن يتباهو بعظمة الخالق

و استبحات محرماته

في ما لا يرضيه

هادا رأيي أنا

yoos

28-04-2007, 17:35

هههههههههههههههههههههههههههههههههههههههههههههههههه هه
منيح اللي اجا حدا يساندني هههههههههههههههههههههههههههههههههههههههههههههههههه ههههههههههههههههه
و الله ضحكتني من قلبي يا دمشقي
انا عم لف كعادتي عالقنوات و اللي هالعادة حولتني هههههههههههه و الحمد لله
المهم ........ شفت هالبرنامج قلت نتفرج شوي ............. و أنا عم انتظر اذ يبادر المصور بعمل زووم على الملكات و كل وحدة ييجي عليها الكاميرا قول هي الحلوة .......... قوم لا قيها مش حلوة و التانية و التالتة و هكذا لما اختارو الخمسة الأول قال ......... يا عم اطلع فيهن و لا وحدة شكلا حلو ......... بس ما عليهن عدهن بس يختارو اللي عليها العين بتدخل في بيت التعديلات شهر زمان بتنقلب خلقتها .........
و هاد الكلام بحكيه لان هن بركزو على الجمال الخارجي .......... أما عن وجهة نظري فكل شخص في لمسة جمال بشخصيته بروحه بشكله ............
شكرا عاللفته الللي فشت خلقي

RaNo0oSh

28-04-2007, 17:41

أنا أيضا لست من المتابعين
ولكن قناة العربية لم تقصّر في نقل لقطات لملكة جمال لبنان لهذا العام ..
لم أصدم كما حصل معك لأن هذه ليست السنة الأولى التي يكون فيها الاختيار رديئ .. !!

لكنني أعرف بل أجزم أن ملكة جمال لبنان للعام السابق والتي رأيتها البارحة تحضر لتسليم التاج للملكة الحالية .. كانت تشبه إلى حد كبير صورة الغولة التي كانت أمي تصورها لي في طفولتي عندما تريد أن تهددني بها إذاما عصيت أوامرها
أوافق بشدّة
واللهم لا شماتة ..

قال ملكات جمال قال ..
والله إنه أم عبدو الشطافة اللي ببنايتنا .. أحلى منهن كلياتهن ..

الله يستر عليكي يا أم عبدو ..

آمين يا رب ... :biggrin:

lolita

28-04-2007, 22:44

لكنني أعرف بل أجزم أن ملكة جمال لبنان للعام السابق والتي رأيتها البارحة تحضر لتسليم التاج للملكة الحالية .. كانت تشبه إلى حد كبير صورة الغولة التي كانت أمي تصورها لي في طفولتي عندما تريد أن تهددني بها إذاما عصيت أوامرها

قال ملكات جمال قال ..
والله إنه أم عبدو الشطافة اللي ببنايتنا .. أحلى منهن كلياتهن ..

الله يستر عليكي يا أم عبدو ..

أمين الله يستر علينا كلنا يا رب بس الغولة شغلة والله...[smilie=11.gif]
:mrgreen: :mrgreen:

الدمشقي

28-04-2007, 23:56

أهلين أبوحميد والله .. عجبني رأيك هادا اللي قلت عنه إنت رأيك ..

يووس تسلميلي على هالضحكة الملايكية انشالله.. وأنا سعيد إني فشيتلك خلقك عيوني..

وسعيد بتعليق رنوش كمان .. ودعواتها الكريمة ..

والا لوليتا .. يا عيني على لوليتا .. وتتشات لوليتا ..
صار عمري خمسَ عشره .. صرتُ أحلى ألف مره:mrgreen:

Abu-Firas

29-04-2007, 09:37

مو شرط اذا انت شفتها بشعة يكون مزبوط
اول شي الجمال امر نسبي .... يعني انا شكلي بيقرف بس في ناس
شايفيني احلى من براد بيت ......... يعني البشعة بنظرك بيجوز تكون حلوة بعيون غيرك
ومو يعني انك شايفها بشعة معناها لازم الكل يشوفوها بشعة .......
هاد اولا .......

تانيا بالنسبة لملكات الجمال الموضوع مو جمال وجه فقط ,يعني لمعلمومك انه قياسات الجسم والحضور وقوة التأثير بالجمهور
والثقافة كمان بتكون عامل اهم من الوش
وغالبا بتكون الملكة عادية الشكل ولكن قوية الحضور والتأثير.........

يعني انا كتير أثرت فيني هالملكة بحضورها ..... كتير ... كتير .... شو بدنا بالحكي .......

هاد تانيا......

تالتا وهو الاهم يعني مافهمنا انت مع هالظاهره ولا ضدها .... اول شي انت قلت انك اضطريت
تشوف الحفل حقنا للدماء ..... وبعدين قلت انك انزعجت لانه الملكة بشعه .....!
يعني لو كانت الملكة فلقة قمر بنظرك كنت كملت السهرة وانت مبسوط ....... !!!؟

يرجى التوضيح حتى نعرف شو بدنا نجاوبك افندي ...........

ملاحظة : انا ليش اليوم حاطط دابي ودابك ياترى ......:biggrin: .....
بحبك ياتقبرني موبإيدي .. :mrgreen:

Star

29-04-2007, 10:02

عزيزي الدمشقي،
أكيد رح تتفاجأ و تنصعق من النتيجة... لأنك أنت حاطط ببالك أنو ملكة الجمال رح تكون ملاك من الجنة نازل عالأرض أو حورية من البحر و ما في إلها مثيل...
ملكة الجمال بتم اختيارها عن طريق اختبارها بعدة مجالات و عالأغلب جمال الوجه بكون آخر شي ممكن يطلعوا عليه... في عندك طريقة التكلم و الأسلوب... في عندك تصرفاتون إذا كانت بالفعل متل تصرف الملكات...
أنا شفت حلقة وحدة من التحضيرات قبل الاختيار... و شفت أنو عم يعلموهون شلون يتصرفوا و شلون يحكوا و شلون يمشوا... لأنو هالشغلات رح تكون أكتر شي ممكن تنتبه عليه اللجنة...

و شكراً...
بس في شغلة ما فهمتها... شلون اجتمعوا معك الجمال مع البشاعة!!!![smilie=11.gif]

ملكة جمال البشاعة

أب سن دهب

29-04-2007, 10:08

انا دائما بتفرج على فقرة وحدة..
أكيد كلكن عرفتوها..
هههه

seastar

29-04-2007, 12:16

شكرا دمشقي على الموضوع
بس ما بعرف ليش رح علق عليك اليوم تاني مرة
انا اسفة بس لازم قول
انو هالخفاف العقل اللي حبوا يتفرجوا موهنن من اهل البيت
او الاقرباء هي اولا
تانيا ليش تفرجت على مضض كان فيك تغير المكان اللي قاعد فيه
بس على كل حال شكرا على الموضوع اللي فيو وجهة نظر

بااااااااااي

الدمشقي

29-04-2007, 14:54

هلأ أول شي أنا كنت عم فكر بصوت عالي وأطرح وجهة نظر خاصة أكتر من إني عم بطرح موضوع للجدل والمعارضة.. والدليل إني ماعلقت على رد أبو حميد اللي بحّر كتير برده مع الأسف وكانه كان عم يرد على واحد عم ينادي بالصوت العالي ويقول : يا نسااااء بلدي الحبيباااااات انتفضواااا ورشحووووو حالكن .. بس أما رأيه إذا جردته من موضوعي فهو رأي من زينة الآراء وأنا معه 100%..

بس إذا الشغلة يا أبو الفوارس شَكَلْ للبيع ..أنا جاهز .. ماعندي مانع .. بنستفتح فيك ياغالي ..

يا عمري إنت كل النقاط اللي تساءلت عنها ومفكر حالك كنت حربوق وإنت عم تسألها .. كلها أنا موضحة بنص الموضوع ومجاوبك عليها سلفاً .. باستثناء نقطة وحدة هلأ بذكرها .. بس اللي مافهمته إنت ليش عم تنط وماتحط قبل ماتقرا الموضوع منيح .. لتكون مانك من هواة قراءة النصوص بالفصحى ؟.. وع كل حال هي رح رد عليك بالشامي ..

أول ملاحظة إلك كانت : مو شرط اذا انت شفتها بشعة يكون مزبوط ..

وأنا كاتب يالنص هالجملة اللي بتقول : وربما يكون للجمال الشكلي أوجه عديدة وأنا لا أعرفها.. بس إذا هدول هنه الأوجه اللي ذكرتهن حضرتك لاحقاً فمعناها ماقلتلي شي جديد ..

تاني نقطة إلك واللي هي أنا ماذكرتها بالنص :
يعني لمعلمومك انه قياسات الجسم والحضور وقوة التأثير بالجمهور والثقافة كمان بتكون عامل اهم من الوش
وغالبا بتكون الملكة عادية الشكل ولكن قوية الحضور والتأثير.........
إنت متأكد إنك شفت الحفل وشفت المرشحات ؟!.. شفتو والا ماشفتو ؟.. شفتو ؟.. ماشفتو؟.. طيب شفتو .. لأنك عم تقول إنك انبهرت بالملكة .. أولاً هدا ذوقك وإنت حر في .. وطالما الموضوع بيتعلق بالذوق فأنا داقق (باص) .. بس برجع لقصة الحضور .. إي أنا من كتر مابعشق حضور الأنثى لهلأ ماتجوزت .. من كتر مابعشق حضور الأنثى شوي تانية بحلف بحضورها .. بقى بدك تقلي إنه بنات الحفلة كان عندهن حضور ؟؟؟؟؟؟؟؟؟؟؟؟ !!!!!!!!:eek: .. وين لمسته هالحضور .. لما جاوبوا على السؤال الوحيد والسخيف اللي طرحو عليهن المذيع .. وكل وحدة فاتت ببعضها شكل وكلمتين على بعضهن ماعرفوا يركبوهن .. جملة مفيدة متل العالم والناس ماقالوا .. زائد إنه كل وحدة عليها خجل من نوع الغشمنة مو الحياء البريء اللذيذ .. ومياعة وسياخة أنا بالأساس هربان منها على أرض الواقع بقوم بلاقيها بخلقتي .. هيك جاوبوا ع السؤال
/المرشحات /: أنو الواحدة أنو هيك .. أنو أنا .. أنو يعني .. أنو الذكا .. أنو هو اللي بيجبببب الللل .. أنو عرفت كيف .. أنو شلونك إنت ؟ (هي من عندي:mrgreen: ).. بقى مابعرف إنت عجبوك هدا ذوقك ليش بدك تفرضه علي وتجزم فيه وحرمت علي ذوقي ورأيي .. أنا مصر لهلأ أنو الشطافة أحلى منهن .,.
هلأ بنختتم هالمداخلة بسؤالك الأخير .. واللي هو ضمن قائمة الأسئلة المجاب عنها بالنص الأصلي .. بس لأني بحبك رح رد جاوبك .. إنت قلت : مافهمنا انت مع هالظاهره ولا ضدها .. وأنا قلت إذا التقليد والعولمة ببلدنا والفسق إذا بدك شغالين هيك هيك وشئنا إم أبينا .. فليش مايكون في جمال بالموضوع .. أنا لو الشغلة بإيدي بقضي ع العولمة والتقليد الغربي كله من شرشه .. بس الشغلة مو بإيدي .. بشي تاني :mrgreen: .. بس قلت :طالما .. طالما .. فليش لأ يا أخي.. ليش دخيلك شو الفرق بشكل دقيق بقى بين اللي عم تعرض مفاتنها بالسينما أو بالتلفزيون أو على خشبة المسرح والطرب وبين ملكة الجمال .. شو .. إنت قلي أو أبو حميد..
ورجعت قلتلي :
((وبعدين قلت انك انزعجت انه الملكة بشعه .....!
يعني لو كانت الملكة فلقة قمر بنظرك كنت كملت السهرةوانت مبسوط ....... !!!؟ ))
كمان أنا قلت إنو كنت عزيت حالي طالما في نوع من إجماع النساء على متابعة السهرة وبما فيهم ضيوفنا الكرام .. وأنا من النوع اللي بحترم الإجماع ببيتنا .. وبقدر الضيوف .. وماكان جاي على بالي غير قرنتي وأنسحب والسبب مراق عصبي .. ((وهدا الجواب مو إلك .. هادا لعضو سألني هالسؤال )) .. وإي يا أسومة لو كانوا فلقات قمر كنت استمتعت شوي .. مين قلك إني عضو بالأزهري ..أو بجامع أبو النور .. أنا أصلاً كتير بكره النموذجية والمثالية .. أنا بالنهاية عبد خطاء بس يعني عندي مبادئ عندي اتزان عندي اعتدال .. ونوع من الإيمان كتير أنا راضي عنه .. مو أكتر من هيك .. ويا هلا بأبو فراس خيال الزرقا ..
- إقتباس_
ملاحظة:انا ليش اليوم حاطط دابي ودابك ياترى
بحبك ياتقبرني موبإيدي ..

بدي قلك كلمة بس بلاها .. مو خايف تنحذف لأ .. خايف عليك تبكي .. مابيهون علي فيك .. لأني كمان أنا بحبك كمان .. يا تشكل آسي ..:mrgreen:
*******************************************
أهلين Star .. كمان شرحت أنا ليش سميتهن ملكات جمال البشاعة .. وبرجع بشرحلك عيوني .. أنا قلت هيم مو لأنهن بشعين وقبيحين .. لأ بكون عم بالغ هيك .. بس أنا قلت مقياساً بالمنصب اللي عم واللقب اللي عم يمثلوه فهنن صاروا بنظري ملكات جمال البشاعة .. يعني نوع من الكناية .. هلا فيكي عيوني ..
************************************
أحلى أبو سن دهب والله .. بس أنا شخصياً أعدم شبابي إذا عرفتها للفقرة ..
إشفِ لي فضولي بليييز
****************************
وللعزيز أو العزيزة seastar أنا فعلاً كنت عم بحكي عن قرايبيني وماني شايف إني هنتهن باستغابة أنا على طول بقولها بوشهن .. في نوع من خفة العقل بالهوس وكتير شغلات .. بس أنا ماعندي أي مشكلة .. أعور أعور بعينك .. يكون أقرب الناس إلي .. وأنا بوشهن قاسي أكتر من غيابهن .. عموماً مالك بهل قصة وأهلا فيكي علقي قد مابدك .. مرة ومرتين وعشرة .. منورة

Abu-Firas

29-04-2007, 15:48

والله العظيم انه عجبني الخلاف بيني وبينك بالرأي لانه احسن ما نجامل بعض ......:mrgreen:

لذلك نقول ........

خيو ..... بدك تروق علي ...... وتشلح من رجلك وتجي تتربع عالكنباية جنبي .......
لانه في زوز كلام بدي احكيهم معك .........:biggrin:

بلا طول سيرة ...... انت مالك عرفان شو بدك حجي ...... ايه متل ما عم قلك .......
اول ما علقت عالموضوع ...... انت قلت ملكات البشاعة كرمال شو ..... لانه انت شفتن
بشعين وماعبو راسك ...... اوكي ...... و انت يلي قلته انه لجنة الحكم دايما بتتختار الاسوء
وانه كل وحده عوكة اكتر من التانية ......صعي هالحكي ولا لآء ....هاااا هاااااا
معناها انت هون عم تقول
بين السطور انه التحكيم فاشل ومو عرفان يختار صح ...... اذا كان هاد رأيك فانت حر ........
وانا معك بكل معنوياتي المادية والمعنوية ....... (شلوني معك ..:biggrin: ..)
بس المشكلة انت مو عرفان شو بدك تنتقد .....يعني اذا فعلا انت مو مقتنع بموضوع الانتخاب
شيت ملكات الجمال من اصله ..... شو بهمك اذا كان الاختيار راح لملكة البشاعة او الجمال...
وشو فارقة معك اذا كانو اغبياء ولا اذكياء ..... اساسا ليش لتكتب عنهم من اصله .............
كان ممكن يكون الموضوع نقد للمبدأ .......بس نقض للناس مو راكبه خيو ...........
تاني شي يا عيوني ......اسمع مني قبل ما تتأفأف ....... الموضوع شيت انه عجبك الحضور
وماعجبك الحضور ...... كيف بدك يعجبك الحضور وانت مو معجب بالمبدأ من اساسه
عنجد ما عم افهم هالنقطة ..... انت شو بدك ..... بدك ملكات الجمال حلوين واذكياء ...
ولامابدك ملكات من أصله ..... ولا مابدك تاكل .... ولا شو بالزبط

عموما هلق صار فيك تلبس برجلك ...... وتفكر بالكلمتين يلي قلتلك ياهن وترد علي

هلق انا عرفان انه موضوع miss Lebanon مو هالموضوع الي ضو اهمية من أصله وانت اكبر
قيمة منه ....بس انا فعلا معجب بطريقة الصد والرد ......لانه احسن ما اكتبلك شكرا احمد عالموضوع الحلو
وانا من الاساس مو شايفه هيك ........ بقا ما تعليقكم دام فضلكم ......؟

mr.mask

29-04-2007, 16:01

هالموضوع ذكرني بشوفير تكسي طلعت معه من فترة ....

هالشوفير زلمة ختيار عايف حاله ..... عمره شي مليون سنة ... و كل ما نمر قدام بنت تشط ريالته ... و بالأخير طلع فيي و قلي يا عمو سماع هالكلمتين مني و حطهم حلقة بأدانك ....

قلتله هات لشوف ....

قلي بنات بلدك مافي أحلى منهم بالعالم كله ... بنات بلدك يا عمو لا أوروبيات و لا اميركيات و لا لبنانيات و لا طل الطلل ....
على كلشي يا عمو مو بس الجمال ... لك جمال ما شا الله و أخلاق و فهم و كلشي لك كلشي يا عمو ... هون حسيته لح يطقله شي عرق هههههههههههه

قلتله اي طول بالك حجي طول بالك و اوعى تروحنا ....

فطلع فيي و قلي لك رجل البنت ببلدك بتسوى مليون بنت برااا ......

طلعت نفسه خضرا الزلمة ...... ينعن عالم ما وصلت إلا هلكني كلام و مدح بهالبنات ......

شكراً عالموضوع دمشقي

Mr.mask

CharmedAngel

29-04-2007, 16:54

شكرا عل الموضوع يلي فعلا معك حق فيه
برأيي الجمال الحقيقي هو الجمال الداخلي و الأخلاق الحميدة و خفة الدم هامة كتير:biggrin: :biggrin:

الدمشقي

29-04-2007, 19:13

بقا ما تعليقكم دام فضلكم ......؟

تعليقي إنو قريضة تقرضك شو قلبك حي وروحك مطاطة .. بتضل بتعيبد وبتفتق بالأسئلة نفسها ..

عموماً رح جاوبك بس ع الجديد اللي قلتو بردك العظيم .. :mrgreen: معلش مو غلط وصلك زبدة الفكرة طالما ماوصلتلها بنفسك ..

أنا يا عزيزي بكل بساطة بعد ماصار اللي صار وحضرت هالحفل .. بلشت هيك حاكي حالي وقول ببساطة شديدة : يضربوا هنه وهيك ملكات جمال .. لأنهن لاجمال وجه ولا شكل ولا حضور .. وسميتهن البشاعة لأنهن طلعوا كذابين .. يعني عكست الآية حتى لو هنن مو بشعين من حقا .. يعني تخيل أنا ضل أحكيلك عن مواصفات بنت لا على التعيين وقلك بتطير العقل .. ملكة جمال يا أسامة .. إنت بس لو تشوفها .. بس لو تسمع حديثها .. بس لو بس لو بس لو .. بتقوم بعدما تشوفغ هالبنت اللي أنا صرعتك بجمالها الأخاذ .. بتحملق .. وبتحول حولتك اللي بحبها أنا .. وبيرتخي لحم وشك رخي .. وبتتطلع فيني وبتقلي تضرب إنت وملكة هالجمال إذا مو هي ملكة جمال البشاعة .. هلأ هي مابتكون بشعة بشعة .. بس لأنها مو بالمواصفات اللي أنا قلتلك ياها بنوب .. صارت بنظرك بشعة .
بعدين إنت عم تقول miss Lebanon مابتعنيني.. مين قال بالعكس .. miss Lebanon بالذات هي اللي حسيت إنها بتعنيني .. وهي اللي خلتني أكتب الموضوع أصلاً .. لأني من وقت ماخلقت وأنا بسمع الأغلبية عم يحكوا عن الجمال اللبناني .. علماً إني شفت المجتمع الفني تبعهن والسياسي .. والاجتماعي بقى لما بزمناتي عشت بلبنان أربع سنين .. إي والله ماكنت أنضرب على قامتي وشوف شي حلو بمستوى الشائعات اللي عم بسمعها .. هلأ إذا في كم وحدة حلوة هي موقاعدة لأنه بمصر بتلاقي جميلات كتير بالوسط الفني مع إنه مصر دولة أفريقية يعني الجمال الشكلي عندهن مو كل هالقد .. ومع ذلك بتلاقيهن بنقيهن تنقاية .. (يعني الجمال مابينقاس بنظري بالوسط الفني أو الواجهات الإعلامية ) بس الأغلبية عم تقيسوا بالواجهات .. وبالنهاية أنا مو قضيتي يكون في ملكات عنا والا عند غيرنا والا مايكون .. أكتر من أنه قضيتي بإني سبحان الله ماعم ينهضم معي قسم كبير من الشعب اللبناني وخاصة البنات منهن .. لأنهن هنه اللي نزعوا أخلاق قسم كبير من بنات بلدي .. ((مع إحترامي للي غير هيك)) .. نزعوهن بالتقليد وصدرولهن المياعة والغلاظة والسخافة والتفاهة .. لك حتى اللهجة .. صار في قسم كبير من البنات قال بيحكوا لبناني .. يا شحاري .. مشان الله خليني ساكت ..
وأنا كتير بكون ممنون وشاكر للقدر إذا بيقرا كلامي هاد شي لبناني أو لبنانية من القسم اللي حكيت عنه طبعاً مو من اللي بستثنيه .. أما الحضور يا غالي .. الحضور الحقيقي بقى .. هو اللي فعلاً بيخليك تنسى تطلع بشكل صاحبه .. إذا بدنا نحكي على حضور البنت .. فهي البنت الفهمانة العاقلة والخفيفة الظل ومو شرط الدم .. والا إذا بدها تستحي بتستحي من باب الحياء الأنثوي .. مو لأنها حوبة وفاتت بالحيط وما بتعرف تحكي كلمتين على بعضهن متل صحابك اللي كانوا بالحفلة .. إنو أاااء .. إنو أوووء ..إنو إييييييء .. إي شو هالحضووووور هاد ..[smilie=b42.gif]

بقى أخي مابدي شي من كل هالدعكة غير طرح وجهة نظر عفوية .. ولا ني مستني حدا يقلي أنا معك ويسلمووو .. ولا بيدهشني إذا ماكان معي أوضدي .. هيك خطرلي أكتب .. كتبت اللي إجا على بالي وفشيت قلبي فيه .. لأنو أنا مو دائماً بكون جدي وموضوعي كتيير .. بعدين بحس حالي معت .. هيك أنا بحس حالي .. :cool:
أنا إلي عللي .. وأكتر شي بحب بالنت أنو بيفش الخلق بوجهات نظر مابتنفش معك بالواقع .. عرفت ليش كتبت الموضوع دكتور بجيرمي ؟..

بقى قرب لقلك شوي .. قرب لعندي .. لك قرب لا تخاف.. ما بأذيك .. قرب .. وبدون ماتشلح من رجلك .. عنا شغالة أثيوبية ..:mrgreen:

إنت شو اللي بدك ياه .. شو وجعك .. آآآآآآآآ ؟.. [smilie=edc.gif]

يلله داق خلقي سلام ..[smilie=28.gif]

Abu-Firas

30-04-2007, 07:35

احذفولي هالرد هون لاني رح رد بالاخير

smilest

30-04-2007, 09:30

يا جماعة أنا من الدعكة كلها عجبتني البدلات يلي لابستهم عارضات الجمال

أما شو بدلات خيلة

نارت بتحسن اتجبلنا هيك بدلات واتنزلهم على موضوعك .. ( أزياء سيريا باث )

ليال66

30-04-2007, 10:11

/المرشحات /: أنو الواحدة أنو هيك .. أنو أنا .. أنو يعني .. أنو الذكا .. أنو هو اللي بيجبببب الللل .. أنو عرفت كيف .. أنو شلونك إنت ؟

انا كمان صارت معي مرة وحدة تابعت ونطرت النتيجة وقلت لحالي هلق بتطلع أحلى وحدة فيهن هي الملكة بس انا ما حذرت :eek: ويومها شو تندمت ليش تابعتها من اساسه ... وما عاد حاولت لا من قريب ولا من بعيد ارجع تابع هيك شي :mrgreen: يعني انا عن نفسي ما شفت بين المرشحات لا حضور ولا تاثير .... ولا من يحزنو ن ... لا طلع من يحزنون ... انا ليش تابعته وضيعت وقتي [smilie=11.gif]

$ deaa$

30-04-2007, 11:23

بما أنو هالموضوع بالشامي لح نحكي بالشامي
يايابي فهام علي , هدول أولا هدول عم يشتركو مشان يعرضو حالون للعالم ....... خليك معي ..
يعني شو أفضل طريقة ليشهرو حالهم أو يجرصو حالون بأسهل طريقة ومتل ما شفت بالبرنامج كله استعراض أشكال ( ( تقول بدك تشتري خاروف ) ) المهم أنو هالمرشحات كل وحدة بدها تورجي العالم أنها حلوة بأي شكل من الأشكال لو شو ما يكون ( لا تواخذونا يا جماعا ) يعني عندهم البنات كتيير رخاص أما عنى بالشام الحمد لله مافي هيك شي لأنه المرأة عنّى مو رخيصة لحتى تطلع تعرض حالها بأواعي السباحة ...
من جهة أنو مو حلوين ياسيدي بوجهة نظري الجمال اللبناني حلو كتيير ....... :cool:
صحيح ممكن رقم موبايلها الشطافة ( مو مشان شي والله مشان بس الدرج عنى بدو تنضيف ):mrgreen: :mrgreen: أوعك تصدق لك عين عمك .............. هاهاهاهاهاها :mrgreen:

bigbaby

30-04-2007, 11:34

ظريفة الشوضمة بتسلي ...
بس شو بدكن بالحكي أحلى وحدة بدون منازع كانت نورما نعوم [smilie=clip_image2: لك ليش شلتو السمايليز الحولان !!!

أبو ناجي

30-04-2007, 11:50

فـعلا شيء مقرف...

سوق نخاسة ..

جواري وعبيد ..

بضاعة للعرض ..

وحتى المشاركات ..بالفطرة ....عم يحكوا عن مين احلى من مين.. مشان محدا يقول حقوق مرأة وحقوق مابعرف شو......اذا كانوا صاحبات الرأي مشاركات بإبداء رأي بهيك جريمة وإذلال لإنسانية الأنثى....فلا عتب على حدا إذن غير عليهن...

هنه عم يقبلوا يعرضوا حالهن كبهائم في سوق مواشي , بيحسبو الصوف والشعر والأسنان ..

يا خسارة على الإنسانية والإنسان , ويا خسارة على الأنثى بالميزان والقبَّـان , بالكيلو عم تنعرض , وتـنـباع وتـنـهان , بالماخور الموجود بلبنان

Abu-Firas

30-04-2007, 12:01

خالي ......

لك وين رحت .... تعا لنكمل زوز الكلام يلي كنا عم نحكيه ..........

حاجة تروح وتجي متل غربال المغربل .... عود واحكيلي ياها بالالم نشرح

انت شو طلعت بالنهاية ...... يعني باللذي يعني هاد كلامك شو أخرتها

انت حكيت :

1- ملكات الجمال طلعوا كذابين
2-ماعم ينهضم معي قسم كبير من الشعب اللبناني وخاصة البنات منهن
3-مصر دولة أفريقية يعني الجمال الشكلي عندهن مو كل هالقد

وبالاخر طيرتلي جوزة حلقي لما قلت :-

مابدي شي من كل هالدعكة غير طرح وجهة نظر عفوية

يعني اش كان عفوية ونس الدنيا مو زابتة معك , معناها شو السيرة .... سيد راسي ...
وبلا منقود يعني

وانا شيت انه شفت الحفلة وحياة ولادي ماشفتها ... لانه اساسا بعرف انه ماح ينوبني من وراهن غير وزع الراس

ايه بس انه تجيني اطروحة عن الجمال والكاتب بيلحش الكل على الرف وبالاخير بيقول راي عفوي .....!!؟
مي راكبه

..... انووو عرفت كيف .... انو عرفت اذا بدك

ملاحظة لبيغ بيبي : نورمانعوم حولا , الحلوة كانت ديناعازار وجويل بحلق ... فعلا وين الساميلست الحول !!!؟

الدمشقي

30-04-2007, 14:25

وانا شيت انه شفت الحفلة وحياة ولادي ماشفتها ... لانه اساسا بعرف انه ماح ينوبني من وراهن غير وزع الراس

إثبتتتتتتتتتتتتتتتت ..jumparound_ بيقلك ماشفش حاجة jumparound_ .. والدلييييييييييللللل قالووووووولوووو ..jumparound_

:mad:
ولك يامقوس طلعت مو شايف الحفلة كلها وإلك يومين عم تلعيلي قلبي بحضورهن وجمالهن اللي عم تتهمني إني مابفهم فيه :eek: .. شَكَل للبيع ما .. الله لا يسامحك .. روح شكيتك لله وللحبيب المصطفى ..:cry:
وبالاخر طيرتلي جوزة حلقي لما قلت
منيح .. هادا أحلى فعل لا إرادي عملته أنا بحياتي .. لأنه بدك ياها يا مستر أبو لعية ..

يعني انا عن نفسي ما شفت بين المرشحات لا حضور ولا تاثير .... ولا من يحزنون ... لا طلع من يحزنون ... انا ليش تابعته وضيعت وقتي

ليال إنت ماضيعت وقتك .. بالعكس إنت اكتشفت بهل الوقت اللي راح إنه ماعاد لازم تعيديها .. يعني اتعلمت درس .. وهيك الدنيا تجارب ليال 99 عفواً 66 ..

صحيح ممكن رقم موبايلها الشطافة ( مو مشان شي والله مشان بس الدرج عنى بدو تنضيف ):mrgreen: :mrgreen: أوعك تصدق لك عين عمك .............. هاهاهاهاهاها :mrgreen:

هاهوهي .. له يا ضياء .. بعرفك لماح .. معقول ما استشفيت من كلامي إنه أم عبدو الجو بتاعي[smilie=51.gif] .. :mrgreen:............ أكيد عمبزح أوعك تصدق لك عين خالك .. حبيبي أبو الضي .. نورت .. والله يجوزك لبنانية .. بس تكون بنت حلال طبعاً .. لأنه أكيد في عندهن بنات حلال .. قول آمين:mrgreen:

وتعظيم سلام .. لكل الحمام .. اللي هدّى وقال كلام ..
بدون إستثتثنس .. إستثنسناث .. العمى ماعاد طلع معي الحكي ..[smilie=boxed.gif] من كتر ماحكيت ع اللبنانية انعديت منهن .. [smilie=dribble.gif]
استثناء .. هاه ظبطت :mrgreen: .. بدون استثناء ..

yaralb

02-05-2007, 00:17

angel 2007

02-05-2007, 01:21

هاي
شكرا اخي عالموضوع لأنو بربي فتحت باب مهم بس قولتك شو المقاييس اللي هلء صارو يعتمدو عليها .. ماعادت مقاييس جمال الله بيعلم على اي اساس اختاروها وخاصة انو جسمها كان فيو شوية زوايد مابحط حدن بزمتي..
شكرا كتير الك اخي الكريم

بتعرف شو ابن جيرانا البدوي احلى من ملكة هالجمال

الدمشقي

02-05-2007, 17:02

مرحبا شباب وصبايا انا مشتركة بالمنتدى من شي 3 شهور بس هيدي اول مرة بشارك برد انا اولا بحب عرفكون على حالي من لبنان.
وبالنسبة للموضوع يللي طرحتو انا معكون 100% وحتى انا وصاحباتي كنا عم نحكي انو شو ها المستوى للجمال يللي صار بي لبنان

اولا بحب الكون شغلة كتير مهمة انو تلفزيون ال بي سي هو متكفل بانتخاب ملكات الجمال بما معناه انو هو الوكيل الحصري للانتخابات ومثل ما كلكون بتعرفوا انو تلفزيون ال بي سي هو تابع للمجرم جع جع وبالتالي فان المشاركات يجب ان يكونوا مؤيدين لهذه المحطة يعني لسياسة المحطة وطبعا لن تاتي متشاركة من الجنوب او من المسيحين المؤيدين للجنرال عون قطعيا فالمشاركات هم من فئة معينة لذلك فان نسبة الجمال متدنية جدا مقارنة بالسنوات السابقة طبعا ايضا الملكة السابقة للسنة الماضية هي ايضا تابعة للقوات اللبنانية فبذلك يجب ان تسمى ملكة جمال القوات وليس ملكة جمال لبنان ابدا وهذا هو السبب الحقيقي في تدني مستوى المشاركات.
واخيرا ارجو ان اكون ما طولت عليكون
والى لقاء قريب

أهلا وسهلا فيكي يا yaralb .. وشكراً إلك على معلوماتك اللي كانت بالنسبة إلي جديدة نوعاً ما .. بقصد إني كنت بعرف أنو تلفزيون lbc تابع للقوات .. بس ماكنت بعرف إنه المرشحات لازم يكونو منهن أو من حلفائهن .. وياستي بعيداً عن السياسة والجعجعة .. بحب قلك إنو أنا كنت عم بطرح وجهة نظري الخاصة بالنهاية .. لأني انصدمت بملكات هالجمال اللي هنه المفروض يكون عندهن جمال ع الأقل بدون كلمة ملكة .. وبصراحة مشان هيك انغظت .. زائد إني حسيت بهل مرشحات أنهن النماذج أو المساطر المايعة والزنخة على قولتكن .. اللي في كم بنت عنا هون بالشام عم بيقلدو زناختهن .. وعم يزنخو شوارع الشام المعطرة ..
أهلاً فيكي جنوبية والا جبلية والا عونية والا كتائبية وحتى لو جعجعية .. أنا مع كل مين متزن ومعتدل ومحترم .. وبرحب بأي شخص بيطلب الصداقة والمودة تحت مظلة الاحترام المتبادل بغض النظر عن الخلافات السياسية..
نورت yaralb
********************************************
أما إنت يا angel 2007 ..
هاي
شكرا اخي عالموضوع لأنو بربي فتحت باب مهم بس قولتك شو المقاييس اللي هلء صارو يعتمدو عليها

فبقلك هايين ونص هاي تانية ع البيعة .. وبربي إنك نورت .. وسلميلي على جارك البدوي لأنه باينته بدوي حليوة .. وبيحط كريم كازانوفا .. هيك تخيلته لزبطت معي إنه يكون أحلى من الملكات .. :mrgreen:
وأما عن المقاييس فيبدو إنها طلعت جعجعية .. هيك قالولي ..
تحياتي إلك

yaralb

06-05-2007, 01:04

الدمشقي

06-05-2007, 01:28

سوريا الحرة

07-05-2007, 14:12

شكرا كتير انتظر جديدك

فوضى الحواس

07-05-2007, 16:59

تالتا وهو الاهم يعني مافهمنا انت مع هالظاهره ولا ضدها .... اول شي انت قلت انك اضطريت
تشوف الحفل حقنا للدماء ..... وبعدين قلت انك انزعجت لانه الملكة بشعه .....!
يعني لو كانت الملكة فلقة قمر بنظرك كنت كملت السهرة وانت مبسوط ....... !!!؟

ممممممممممممممممممم
شو بدنا ابو فراس الله جميل و يحب الجمال

$ deaa$

10-05-2007, 12:48

شكرا لترحيبكم وانا كتير مبسوطة انو لقيت ترحيب لانو بصراحة كنت خايفة انو انا لبنانية وهلق بالوقت الخاضر صار في حزازيات بس طبعا مش نحنا السبب دايما السياسيين بيختلفوا ونحنا يللي مناكلا وبس يتفقوا كمان نحنا يللي مناكل الضرب واخيرا انا جنوبية

أهلا فيكي لا تحكي هيك أنت عربية كمان , والسوري والبناني أخوان على قولت وديع الصافي لأ شو حساسيات ما في شي , أنت بأرضك وبين جمهورك لك عيني ويا ميت [smilie=86.gif] ولا تقطعينى من مشاركاتك ..... :cool:

SbsoOob

11-05-2007, 22:38

يسلمو ايديك موضوع كتير حلو
بس انا براي الجمال مو جمال الشكل .. الجمال هو الاخلاق و القيم و التربية .. الجمال لما يكون الواحد واثق من نفسو .. يعني مو بس الشكل هو الأساس لانو المظاهر الخارجية ما بتفيد و الأساس هو المضمون

Amany

12-05-2007, 23:16

برأيي لو سميت موضوعك ملكات جمال الجراحات التجميلية و البلاستيكية . و الله صدقوني انو قرفت من شوفت البنات الجميلات هادو اللي كلهن شبه بعض كأنو صنعوا في قالب واحد ..
هادو الغرب أيضا استعملوا الجراحة التجميلية بس ليه ما يشبهوا بعضهن ..........
موضوع مثير

Amany

12-05-2007, 23:23

الله يرحم زمن سعاد حسني ونادية لطفي و ماجدة و فاتن حمامة و غيرهم