نتالي - حسام تحسين بيك [الأرشيف] - منتديات طريق سورية

المساعد الشخصي الرقمي

مشاهدة النسخة كاملة : نتالي - حسام تحسين بيك


THE DARK LORD
10-02-2007, 21:22
نتالي - حسام تحسين بيك (http://syriapath.com/spftp/NATALI.mp3)


للحفظ اضغظ برز الماوس اليمين ثم ضع Save Target As

bloom
10-02-2007, 22:00
يي كتير حلوه هالغنيه..انا كتير بحبا ..

بس كأنو الصوت مو كتير واضح...يعني واضح بس مو تمام التمام

كأنو انت مسجلا تسجيل

بس حلووووووووووووووه ..يسلّم اديك [smilie=55.gif]

NART
11-02-2007, 00:03
والله أنك أنسان فخم وفخم جدا [smilie=mabsot.gif]

صرلي زمان انا وخيك أبو عكيد عم ندور على هل الغنية بصوت حسام تحسين بيك
على راسي يا يوب[smilie=brafo.gif]

Kettya
11-02-2007, 09:00
يااااااااي يا لطيف شو بحب هالغنية...........
شكراً كبيرة كتير دارك .........

Volcano
12-02-2007, 03:38
بالفعل أنّك فخم يا أبو القوص :cool:

يا سيدي بالفعل أغنية أكثر من رائعة مليئة بصدق المشاعر وعمق الأحاسيس، سمعتها من مطربها الأصلي الفنان (حسام تحسين بك) كما سمعتها من الفنانة (ميادة بسيليس) ولكنها -في الواقع- بصوت -تحسين بك- أروع بكثير، قولولي ليش بقا؟؟؟؟؟؟؟

لأن هذه الأغنية -وهي الوحيدة لتحسين بك- ترتبط بذكرى واقعية من حياته، ف(ناتالي) هي الفتاة السوفييتيةالتي عشقها (تحسين بك) عندما كان مقيماً في الاتحاد السوفييتي، والتي رفضت الزواج به والمجيء معه إلى سورية، فحزّ ذلك في نفسه فماكان منه إلا ان كتب ولحّن وغنّى هذه الأغنية على أثير إذاعة دمشق بصوت يملؤه النحيب، والمفاجأة تمثّلت في أن الأغنية آتت أكلها وأثّرت في قلب المحبوبة (ناتالي) فما كان منها إلا أن سافرت إلى سورية وتزوجت بالفنان (حسام تحسين بك).

يذكر أن زواجهما مازال مستمراً وأن الفنانة المعروفة (نادين تحسين بك) هي ابنة حسام وناتالي.

وبعد هالمعلومة الحلوة يسرني أن أقدم لكم كلمات الأغنية الجميلة، ويمكن للمتمعن أن يقرأ قصة حب تحسين بك من خلالها:

إليكموها:


ناتالي (من كلمات وألحان الفنان حسام تحسين بك)
*****************************************
ناتالي
ناتالي .... ناتالي
ناتالي قطعت خبارا
ما تشوفا عين
قالولي بعيد سفارا
قالوا بلادا زين
يا مين ياخدني دارا
تبوس منها الجبين
ناتالي .... ناتالي
***
رحت انا رحت بصّارا
قالت برجك فين
برجي بالسما
و معلق بنجمة
قالت يا خسارة
هونيك فوق بالمدارا
ما يلتقو نجمين
ناتالي ... ناتالي ... ناتالي
***
حظي بالهوى اعشق أنا الغريبة
ما ينفعني دوا إلا عناق الحبيبة
صبر قلبي سنة و ما يزدها يومين
ناتالي .... ناتالي
ناتالي .... ناتالي
***
وجه القمر بيها
و مضوي كل دارا
لو يرجع نهارا
و اصطبح بيها
عيونا من نارا
تحسبا شمسن
ناتالي .... ناتالي
ناتالي .... ناتالي

************************

Lunar
03-03-2007, 17:15
شكرا كتير ع الاغنية عم دور عليها من فترة

yoos
03-03-2007, 22:19
و الله انك رائع يا دارك لورد و الله اغنية رائعة كتير و بعدين صوته لتحسين بك و هو عم يغنيها نابع من القلب

Abu-Firas
04-03-2007, 11:38
زعيم والله زعيم
الاغنيه روعه
يسلمووووووووووووووووووووووووا
في عندك اغنيه تانيه لحسام تحسين بيك اسمها - غزاله ؟

ابو فراس

نتالييين
08-03-2007, 22:25
:eek: :eek: مو مصدقة اني لقيتها جد كتير شكرا :mrgreen: [smilie=brafo.gif] [smilie=brafo.gif] :mrgreen: :eek: [smilie=baby.gif] [smilie=lolo.gif] [smilie=mabsot.gif] [smilie=mabsot.gif] [smilie=22.gif] [smilie=mabsot.gif]

اسير الصمت
12-03-2007, 19:51
الاغنيه روووووووووووووعه جدا يسلموا [smilie=not.gif] [smilie=81.gif] [smilie=45.gif] PDT_Armataz_01_37

أبو ناجي
15-03-2007, 07:13
بس استغربت من ملاحظة هون...

اول شي شكرا دارك ابو القوص الجميل...

تاني شي ...حسام تحسين بيك ..خرب الاغنية بهالحشرجة وقضى عليها ..يعني خربها بصوته المحشرج المؤذي ..

تالت شي والاهم...انو هي الاغنية مانها اله ابدا...هوه بس عم يقلد لا اكتر ولا اقل...يعني تصويب لطيف بكل المحبة للرائع بركان الخيرات ...ان الاغنية ماله علاقة فيها نهائيا ..ولا بلسليس مابعرفها على كل حال..المهم...الاغنية لا لحنها ..ولا كتب كلماتها ..ولا حتى غناها ..........لانه هوه بالاساس واحد بفرقة دبكة مادخله بالغناء نهائيا ..والدليل صوته الخشن...



الاغنية الاصلية جميلة فعلا ...بس من الاصل ..مو من التقليد يللي شوهها ( برأي طبعا )

ودائما بحب اسمع للاغاني من المصادر الاصلية ..مو من المقلدين..لانو اذا بقدر جيب الاغنية الاصل...فليش حتى اسمعها من حدا عم يقلد....!!!؟؟؟

الاغنية قديمة جدا ...غنتها المطربة اللبنانية ( دورة بندلي ) من عائلة بندلي الشهيرة في اواخر السبعينيات من القرن الفائت ....

فيرجى أن نضع الامور في نصابها الصحيح ...

يبقى تكرار الشكر للغالي قصي

Abu-Firas
15-03-2007, 07:24
ابو ناجي

كانه في خربطه بالموضوع

لانه الكلمات والالحان فعلا لحسام تحسين بيك

وهو غناها من ايام لما كان راقص بفرقه الدبكه

وناتالي بتكون مرته فعلا وبالحقيقه

وانا شفت مقابله لحسام عالتلقزيون عم يحكي
كيف لما اهله بعدوه عن حب بنت الروسيه يلي معه بالفرقه
وشلون سافرت هي عروسيا وكسرت قلبه
وراح كتبلها عالاغنيه كرمالها

بقا صلح معلوماتك

مع كل الحب

ابو فراس

أبو ناجي
15-03-2007, 07:43
طيب مشكور خيو ابو فراس...

الله يعطيك العافية ...

محدا قال مرته مو روسية..

مادخلني بمرته انا ...

عم احكي عن الاغنية لمين ...مع هالشي...عندك ارشيف التلفزيون...راجع وتأكد يا خيو

lucifer
15-03-2007, 09:21
حسب معلوماتي .. بذكر اني سمعت أنو الأغنية بالأصل من التراث الشيشاني.. أخدو اللحن لأنو ظريف وغنوها بالعربي..وحسام من الناس اللي غنتها..
يمكن.. ما بعرف...

Volcano
15-03-2007, 10:01
في الحقيقة قصة أغنية "ناتالي" سمعتها من فم حسام تحسين بك شخصياً في مقابلة قديمة له على التلفزيون العربي السوري وقال حينها بأنها قصّته الشّخصيّة مع زوجته الجورجيّة "ناتالي"، ولم يشر إلى أنّه قد "سرق" الأغنية أو قام بتحويرها، بل أكّد بأنها من كلماته وألحانه (ما بعرف على ذمتو [smilie=11.gif] )، يذكر أن الكثير من المطربين والمطربات قاموا بغناء هذه الأغنية ومنهم (دورا بندلي) و (رجاء بلمليح) و (ميادة بسيليس) وغيرهم.

أمّا عن صوته المتهدّج المتحشرج الذي "خرّب الأغنية برأي الأخ أبو ناجي:cool: " فمردّ ذلك إلى تأثّره الشّديد بها وبكائه في بعض مقاطعها.

وعن المطربة الشهيرة "ميّادة بسيليس" فيسرّني أن أعرّفك بها أخي "أبو ناجي": هي من مطربات حلب الشهباء بدأت الغناء ضمن فرقة كورال الكنيسة، أمّا ظهورها على السّاحة الغنائية فكان منذ حوالي 10 سنوات بدعم وتشجيع من زوجها الملحّن والموزّع الموسيقي المعروف "سمير كويفاتي" الذي وجد في صوتها الاوبيرالي الجميل خامة غنائيّة ممتازة، قدّمت مجموعة من الأغاني الجميلة منها الجديدة وأشهرها (كذبك حلو) (يا طيّوب) (مافي شي مستاهل)، ومنها التراثيّة القديمة التي عادت لإحيائها وأشهرها (ناتالي) و (يا قاتلي بالهجر)

وادعوك هنا أخي (أبو ناجي) للاستماع إلى هذه الأغنية الجميلة للفنانة (ميادة بسيليس):

كذبك حلو - ميادة بسيليس - استماع (http://www.ammannet.net/static/book/tarab/songs/mayada/08.m3u)

أمّا معلومة العزيز (لوسي) حول أصول الأغنية الشيشانيّة، فلا أستبعد -من وجهة نظر شخصيّة- أن يكون اللحن الأصلي يعود لأصول سوفييتية لأن المقام الذي تتبع له الأغنية غريب نوعاً ما عن الأغنيّة العربية، ولا أعلم ربّما يكون الفنان "حسام تحسين بك" قد قام بإعادة توزيع اللحن الأصلي وتركيب الكلمات عليه، أو أنّه متأثّر أساساً بالموسيقا السوفييتية كونه أقام هناك فترةً من حياته.

شكراً للجميع، أشكركم على هذا الحوار الفنّي الممتع

Abu-Firas
15-03-2007, 10:37
يسلموا فولكانو

وانا رح اهديكم الاغنيه بصوت مياده بسيليس كرمال حبيب القلب ابو ناجي

ابو فراس

lucifer
15-03-2007, 13:43
والله صوت ميادة كتير حلو.. انا بحب هالمخلوقة كتير.. والغنية طلعت معها كتير حلوة.. يسلمو أبو فراس

scoutyouth
20-03-2007, 09:40
يعني ما رح قلك غير مشكور كانت صوتها صافي او لاء بيكفي همتك على جلب الغنية

semooooo
24-03-2007, 17:08
بجد شكرا انا بشكرك من كل ألبي وهي الغنية من زمان عم دور عليها بصوت الملك حسام
:)

ehsan
17-04-2007, 07:36
مشكور اخي على المجهود الرائـــــــــــــــــــــــــــــــــع وجزاك الله خيرا