كيف يعرف الشاب ان الفتاة معجبة به [الأرشيف] - منتديات طريق سورية

المساعد الشخصي الرقمي

مشاهدة النسخة كاملة : كيف يعرف الشاب ان الفتاة معجبة به


sadooka
30-12-2006, 13:34
يتهم بعض الرجال النساء، بأنهن عابثات، وغير راغبات في الارتباط الجدي، وبأنهن يحببن الغموض، أو لا يعرفن كيف يوضحن ما يردن حقاً، ونقول بأن المرأة تستعمل الكثير من المؤشرات الصريحة لتقول ما تريد، وعلى الرجل أن يكون لبيباً ليفهم. وإليك عزيز الرجل بعض أسرار الفتيات:



الضحك::mrgreen:

يقول ديفيد وايجنت، مؤلف كتاب: تحدث مع الغرباء دائماً، "إذا ضحكت الفتاة لك وعلى كل الطرائف التي تقولها، بالرغم من أن بعضها غير طريف ، فهي حتماً تريد أن تنتقل إلى مستوى أعلى في العلاقة. وبنفس الطريقة، تقول روزماري، من نيويورك، "إذا كنت فعلاً مهتمة بالرجل، أحاول أن أثيره ليصبح مضحكاً، وهكذا تتحول محادثتنا إلى دردشة ودية، وندخل في لعبة القط والفأر، جميع النساء تعرف هذه اللعبة. مثلاً، أنظر إلى عيونه مباشرة، وأقول، أنت ألفت هذه النكتة لتضحكني، أو هل حقاً ليس لك صديقة، أنت مضحك، وودي جداً. ثم أبتسم ليعرف أنني أمازحه."



إشارات قوية: :evil:

إذا كنت لا تعرف أن تميز بين المرأة التي تريد أن تكونا مجرد أصدقاء والمرأة التي تريد أن توثق علاقتها بك، فأقرأ هذه الإشارات الواضحة جيداً: ، إذا قالت بأنها لا تمانع في أن تراك على الغداء فهي تود أن تصبحا أصدقاء بلا شك، ولكن إذا طلبت أن تقابلك لتشربا فنجان قهوة لاحقاً بعد العمل، فهذه هي الإشارة الصريحة بأنها معجبة وتود أن توثق علاقتكما أكثر بعيداً عن محيط العمل. تقول شيلي من سان دياغو: "أعمل مع الكثير من الرجال في مكان عملي، وقد يرغب العديد في مصادقتي، ولكني أفضل شخص معين، فافتعل محادثة عن فلم جديد قد سمعت عنه، وأنتظر حتى يطلب مني أن نذهب لحضوره، فأقوم بتحديد موعد في العطلة الأسبوعية، وهكذا، نستطيع أن نشرب فنجان قهوة بعد الفلم، وربما إذا أعجبنا الأمر، نتناول العشاء بعد الفلم. "



دلائل لغة الجسد: :)

لا تتوقع عزيزي الرجل أن تحاول الفتاة الإمساك بيدك أو إعطاءك وردة حمراء من أول موعد، ولكن جسدها سينطق بأنها معجبة، مثلاً تقوم الفتاة بتقليد حركاتك، أو تحاول أن تلمسك كلما سنحت الفرصة، مثلاً تقوم بإمساك كتفك عندما تدور حول الطاولة، أو تمسح بعض بقايا الطعام عن فمك أو قبة قميصك. أما إذا لم تكن مهتمة، فراقب عيونها جيداً، ستحاول الابتعاد بنظرها في الغرفة، وتراقب الآخرين، كما ستقوم بتكتيف يديها أو تحديد حركتها، أو الابتعاد داخل كرسيها، أو إذا قالت له بأن شخصيته تذكرها بشقيقتها أو صديقتها، أو تقوم بالإشارة إلى رجل أخر في حياتها.



نظرة "أحبك": [smilie=001136.gif]

يجب على الرجل أن يعرف بالضبط نوع النظرة التي تعطيها الفتاة. إذا استمر التحديق مباشرة إلى العيون، أكثر من ثانية يقول الخبراء بأن هذا أعجاب. وللتأكيد إذا انتقل التحديق إلى الفم فهذا يعني بأن الأمور جيدة جداً، وتنتقل إلى أعجاب صريح.



الانتقال إلى الخطوة التالية:

عندما يتأكد الرجل بأن الفتاة تحبنا حقاً، يتوقف عقله عن التفكير ولا يعرف كيف ينتقل إلى المرحلة التالية. وينصح ديفيد وايجنت الرجل في هذا الوقت، بإغلاق الصفقة، لأن الرجل يفكر بطريقة عملية، وعندما يحصل على إعجاب الفتاة التي يرديها يجب أن يتحدث بصراحة، مثلاً، أتصل بها وأطلب منها أن ترافقك إلى عشاء لشخصين. وقت العشاء، استغل الفرصة للتأكد من حركاتها ثم أطلب منها بصراحة أن توثقا علاقتكما، إذا شعرت أنها مهتمة، يمكنك التحضير لخطوات الارتباط اللاحقة.



وهكذا نرى أن الفتيات واضحات جداً في مشاعرهن، ومن السهولة قراءة هذه المشاعر عن طريق الحركات الجسدية أو ما يعرف بلغة الجسد. أما إذا كانت تضحك لك، وتحاول لمسك، وتنظر إليك باهتمام، ولست متأكداً من أنها معجبة بك، فلا تتركها تبتعد واربطها بخاتم اليوم قبل الغد.
ملطوش (منقول)

اكسارة99
30-12-2006, 15:14
للأسف انا ما فيني ولا وحدة من هدول.....مشان هيك بسموني الطاوووووس.. :mrgreen: :mrgreen:

DANIA
30-12-2006, 15:50
يا سدوكا ..
رجع هالمقال لصاحبه ..
اليوم البنت لما بتحب شاب بتروح بتقوله ...........
هي الحركات صارت موضتها قديمة جدا ........
وما في حاجة الها .......

اكسارة99
30-12-2006, 15:53
اليوم البنت لما بتحب شاب بتروح بتقوله ...........

عزيزتي دانيا انت غلطانة بهالشي لانو مين هي البنت لمستغنية عن كرامتا وانوثتا لحتى تبادر هي بهالشي.....؟؟؟؟!!!!

مع احترامي لرأيك طبعا..... :|

turk666
30-12-2006, 16:01
عزيزتي دانيا انت غلطانة بهالشي لانو مين هي البنت لمستغنية عن كرامتا وانوثتا لحتى تبادر هي بهالشي.....؟؟؟؟!!!!

مع احترامي لرأيك طبعا.....

معك اكسارة بحياتي ما سمعت انو في بنت هي اللي بادرت الشب بهادا الموضوع
على طول الشب هو اللي كاسر بصلة بأنفوا وبروح بيفتح الموضوع

ريتاج
30-12-2006, 16:10
هي الحركات موجودة بالأفلام تاعت تمسح بعض بقايا الطعام عن فمك أو قبة قميصك
و تاعت تطلب منو انو يتقابلو بعد العمل او تنظر عللى عينه بعدين فمه ..

كلها موجودة بالافلام الأجنبية .. ما اظن انو عنا هيك ..


شكرا سادوكا عالموضوع ..

DANIA
30-12-2006, 16:40
اكسارة ..

انا حكيت بشكل عام عن بنات اليوم حسب ما بشوف ..
اذا بنت عجبها شاب بتروح بتبعتله صاحبيتها ومن هالحكي المعتر ،
ويا ريت بتكون معجبة فيو عشان شيئ محرز
بيكون يا دوبه بس شكل بلا جوهر وبلا فكر ..

بس للأسف هالنوعية موجودة !!
بنسبة عالية جدا ..
يمكن انت مش شايفة بس كل هالقصص بتصير بالخفيي
من ورا المجهر يعني ..

بس بالنسبة لموضوع انه بنت تحكي لشاب انها بتحبه مش غلط .
وبتكون جرأه منها اذا كانت بتعرف مع مين بتحكي وشو بتحكي
ممكن تصير وقاحة اذا قطعت شوية حدود ..

بس بشكل عام الفكرة مش غلط ..

ما بحب أحكي عن هي الأمور بحياتي الشخصية بشكل عام ..
بس انا بعترف لنفسي لو فكرة الحب والارتباط دخلت لراسي
فما رح أحب حدا غريب عني ما بعرفو وما بعرفني ..
اكيد بدو يكون بينا تعامل كبير وعلاقة قوية زمالة بالشغل أو بالدراسة
او صداقة شخصية أو صداقة أهل ..
وبكون بعرف كيف هو بفكر .. وبكون متوقعة وحاسة
شو ممكن تكون رده فعله من خلال تعاملنا الطبيعي مع بعض...
انا ما بخجل انه بيوم أقول لشاب اني بحبه .!!
وما بفقد كرامتي أو انوثتي بسبب هيك خطوة ابدا !!

حلو كثير الانسان يعيش مع انسان كثير بحبه ببقية عمره،
أفضل بكثير من إنه نجبر حالنا على حب شخص ، أو نجبر حالنا
على انه نشوف بشخص معين الانسان اللي منحبه .
ممكن اوقات تكوني بتحبي شاب وهو كمان بيحبك بس ما حدا قادر يعترف
للثاني .. بسبب انه خايف من ردة فعل الثاني ..
أو أوقات بكون خايف يخسره خصوصا اذا كان صديق عزيز.
لهيك لازم يكون حدا مبادر .. حدا جريئ شوية ..
طالما الـ 2 كسبانين شو بتفرق الشاب أو الصبية يكون مبادر؟

بس طبعا لا تفكريني بقولك انه اي بنت تروح وتقول لأي شاب .
لا طبعا ، انا بحكي عن البنت الواعية وعن الشاب الواعي ،
الي ممكن يتفهم هيك اعتراف من صبية عندها شوية جرأه .

ومش بس هيك ..
كمان انه البنت تحاول تعطيه فرص انه هو يحكيلها انه بحبها ..
عشان البنت بطبيعتها بتحب الشاب يقولها انها بحبها.
يعني مش تروح هيك من فوق نازل تقوله انها بتحبه .


بتعرفي شيئ؟
انه تعترفي لشاب انك بتحبيه أشرف بكثير من إنه تستخدمي هيك حركات
تافهه ..
لأن وقتها بتصير البنت فعلا بلا كرامة وقليلة عقل ..

ان شاء الله تكون الفكرة صارت أوضح شوية ...

سلامي.

اكسارة99
30-12-2006, 16:53
أفضل بكثير من إنه نجبر حالنا على حب شخص ، أو نجبر حالنا
على انه نشوف بشخص معين الانسان اللي منحبه .

ليش تجبري حالك ......الحب ما في اجبار لانك انت الي حتختاريه ....


بتعرفي شيئ؟
انه تعترفي لشاب انك بتحبيه أشرف بكثير من إنه تستخدمي هيك حركات
تافهه ..
لأن وقتها بتصير البنت فعلا بلا كرامة وقليلة عقل ..

ان شاء الله تكون الفكرة صارت أوضح شوية ...

لا لا مو هيك ابدا مو بالضرورة البنت تزل حالا مشان شب ولا بالضرورة تعمل هالشغلات مشان تعلقو فيا...

بالعكس هالشغلات ببعدوا الشب عنا ما بقربوا منا....

البنت تتصرف بطبيعتا وهاد هو الشي الصح لانو الشب حيتعلق فيا من غير ما تكون هي عرفانة والشب بحب البنت المتزنة والواعية مو بنات هالكم يوم ....

فوضى الحواس
30-12-2006, 17:03
جع هالمقال لصاحبه ..
اليوم البنت لما بتحب شاب بتروح بتقوله ...........
هي الحركات صارت موضتها قديمة جدا ........
وما في حاجة الها .......
دانيا ردك التاني عجبني
مو معقولة انتي
عم تثبتي يوم عن يوم انو النضج ما الو علاقة بالعمر
يسلموووووووووعلى الموضوع

turk666
30-12-2006, 17:08
بالعكس هالشغلات ببعدوا الشب عنا ما بقربوا منا....

انا معك
انا من وجهة نظري ما بحب البنت تيجي مثلا وتحكيلي ان بحبك اي ساعتا مستحيل فكر من ناحيتي تفيكر منيح ابدا
طبعا مو الكل

الا اذا كان في نظرات وما بعرف شو والشب كتير ماطل وماطل
ساعتا مع البنت حق انو هي اللي تبادر الشب

DANIA
30-12-2006, 17:53
ليش تجبري حالك ......الحب ما في اجبار لانك انت الي حتختاريه ....

كيف رح تختاريه؟
ومن بين أي مجموعة رح تختاريه بحال انه الشخص اللي بتحبيه ما
اجا تقدم لخطبتك مثلا؟


غير هيك ..
لو اجا شاب اعترفلك انه بيحبك ؟ وانتي بتكوني بتحبيه بس هو ما بيعرف .
شو بدك تردي عليه؟
اوعي تقوليلي ببهدله متل ما بعملو صاحباتي
عشان يشوف فيكي البنت المحافظة وانتي من جواة قلبك بتكوني
مش مصدقة حالك ........!
هي الحركات بالنسبة الي أتفه من تافهه .


لأن شباب اليوم قال شو بختبره البنت
قال شو
بيجرب الشاب يقول للبنت انه بيحبها
واذا قالته انها كمان بتحبه بصير يقول "بنت وقحة"
لك شو هالجنون؟

الشاب يلي بدو يرتبط بالبنت عشان
وقحة ولا مش وقحة بلحظة هي كانت بتنتظرها
فهو لا بيحبها ولا شيئ ..
يمكن كان قصده يعطيها شهادة شرف بركي بتعلقها بغرفتها.

اكسارة ........


بعرف ان كلامي ما بقبله المجتمع العربي بسهولة ظاهريا ..
بس عم نقبله بالسر ..........!
ولأن الأسرار انا بكرها .. وما بحب أتعامل معها ..
ولأن بكره كمان انه المجتمع يحددلي شو هو العيب وشو هو الي مش عيب.
وبمثل هاي الحالة رح يحكمو عليي بالإعدام بانه أختار شريك حياتي
بطريقة هن بيحبوها شكليا فقط .......!

فأنا بختار طريق الصح بحريتي .. مش بحاجة للمجتمع .......


تركي .............

معك
انا من وجهة نظري ما بحب البنت تيجي مثلا وتحكيلي ان بحبك اي ساعتا مستحيل فكر من ناحيتي تفيكر منيح ابدا
طبعا مو الكل

اذا رفضت هيك بنت بس لأنها اعترفتلك بحبها لالك.
بتكون خسرت كثير بحياتك ...........!!
أول شيئ بتكون خسرت شريكة حياة ما كانت شايفة حدا غيرك بالدنيا .
وهالنوع بيصعب عليه يخون أو إنه يمل من شريك حياته بسهولة.
وثاني شيئ .. بتكون خسرت حياة جميلة فعلا ..




الا اذا كان في نظرات وما بعرف شو والشب كتير ماطل وماطل
ساعتا مع البنت حق انو هي اللي تبادر الشب


ليش قبلت الفكرة بطريقة أو بأخرى ورفضتها في البداية؟



على فكرة احنا باسم الكرامة صرنا عم نخسر كثير ..
مع انه نحنا مش عارفين معنى الكرامة نفسها .......!!







ممكن ارجع ونكمل نقاش .......
بس بهاللحظة ..... انا مضطره أطلع من البيت .


سلامي للجميع.

اكسارة99
30-12-2006, 18:06
اذا رفضت هيك بنت بس لأنها اعترفتلك بحبها لالك.
بتكون خسرت كثير بحياتك ...........!!


امورتي دينا انت بتحكي حكي متناقض مع احترامي لألك ....

لسه قبل شوي عمبتقولي انو احسن ما نجبر حالنا على حب نحن ما بدنا يا وهلا عمبتقولي حتخسر ؟؟؟؟

طيب اذا هو مو حاطتا ببالو شلون بدو يحبا ؟؟؟؟؟؟
يعني اذا هو مو حاببا مستحيل يجبر حالو انو يحبا او حدا يجبرو على هالشي حتى لو كانت بتموت فيه مو بس بتحبو الا اذا هو اقتنع فيا وحبا....ونفس الشي بالنسبة للبنت

الحب مو بهالسهولة....

الحب كلمة كتييييييييييييير كبيرة

او مو حي الله واحد بيستاهلا ....

Ayman syr
31-12-2006, 00:16
اليوم البنت لما بتحب شاب بتروح بتقوله ...........
هي الحركات صارت موضتها قديمة جدا ........
وما في حاجة الها .......

ذكريني يوم ستحبين أحدهم ..و تذهبين لتقولي له أنك تحبيه بقوة وجراة دون حركات (البنات) . أن أقص يدي ..

DANIA
31-12-2006, 00:39
إكسارة ......
انت ما فهمتي قصدي منيح .......
انا قلتله " اذا رفضت هيك بنت [glow=red:14098a0fc9]بس [/glow:14098a0fc9]لأنها اعترفتلك بحبها لالك"
يعني هو بيكون يعرفها من قبل ...........

بعرف اكسارة الحب كلمة كبيرة كثير ..
عشان هيك مش مفكرة اقرب صوبها ,,,,,,,,,

* * * *


أضحكتني أيمن ............

قد تنتظر طويلا ...... لكن أفعلها إن اضطررت لذلك ........

فتبقى دون يدين ..............

( أثق بما أقوله ) .

sadooka
31-12-2006, 01:49
بس بالنسبة لموضوع انه بنت تحكي لشاب انها بتحبه مش غلط .
وبتكون جرأه منها اذا كانت بتعرف مع مين بتحكي وشو بتحكي
ممكن تصير وقاحة اذا قطعت شوية حدود ..

بس بشكل عام الفكرة مش غلط ..

أنا معك مو غلط بس للأسف نسبة كبيرة من مجتمعنا ما بيفكر هيك يعني بيشوف البنت الصريحة بهيك مواضيع يا أما فلتانة يا أما وقحة اكيد بدو يكون بينا تعامل كبير وعلاقة قوية زمالة بالشغل أو بالدراسة
او صداقة شخصية أو صداقة أهل ..
وبكون بعرف كيف هو بفكر .. وبكون متوقعة وحاسة
شو ممكن تكون رده فعله من خلال تعاملنا الطبيعي مع بعض...
انا ما بخجل انه بيوم أقول لشاب اني بحبه .!!
وما بفقد كرامتي أو انوثتي بسبب هيك خطوة ابدا !!
اذا هيك ok معك حق تماماً

tmara
31-12-2006, 22:59
هلأ انتو ليش معقدين الامور ...فينا تقلو بكل صراحة انها معجبة فيه ...وهاد دليل على تقبل شخصيتو مو اكتر ...وهو بعدين بقرر اذا يكمل معها ولا لأ
وكلمة بحبك هي شي طبيعي الشب يقولها اول ...واذا ما قالها اول معناتو مابحبها ومشاعرو مجرد اعجاب ..فلا تهيني حالك وتقوليها اول ...واذا ما قالها اول وناطرك لتقوليها معناتو مو رجال وما بيستاهلها...هاد راي