قصة واقعية حدثت مع زميلتي

[هيفين]

السلام عليكم أحبتي ولكني واجهت بهذه الأيام مشكلة وأتمنى من الجميع أعطاني رأيه بهذه المشكلة التي أعدها فاجعة

طبعاً مو أنا صاحبة البطولة ولكنها صارت بين أحدى زميلاتي


الملخص من هذا الكلام أريد أن أطرح عليكم أسئلة أولاً

اذا أحببت شخص حباً جماً وأنت أيضاً تحبه وتدخل شخص ثالث معكم وأصبحتم أنتما الأثنين عبارة عن شتات وترجاك الشخص أن ترجع له فما هو شعورك بعد أن تدخل شخص ثالث معكم ودمركم؟؟؟؟؟

وهل ترجع علاقتكما مثل قبل أم لا؟؟؟
أو هل تعود المحبة مثل قبل أم أيضاً لا؟؟

وهذا الشخص دفعت لكي تتكلم معه دفعات هائلة من المال هل تنسى هذا الحب؟؟؟

نعم هذا هو ما أصبح معها مع زميلتي
أليكم القصة لكي تأخذونها أيها الشباب عبرة لكم

؟؟ كانت تحب شخص جداً وهو يحبها وعرف أهلها بالمشكلة وكالطبع أخذوا منها الجوال الشخصي وبعد الضرب والهيانة من كرامتها ولكنها لم تنسى
فأشترت جوال آخر
وأخذوا ايضاَ أهلها الجوال بعد الضرب
ولكنها آخر مرة أستعانت بأحدى المحلات التي عندنا في الحارة واشترت جوال بقيمة قليلة وساعدها هذا الشخص على الجوال ولكنه من درجة حقارته والخبس الذي في قلبه أخذ رقم جوالها من خلال تشريج البطاقة وأصبح ينصحها من خلال الهاتف بأن لاتتكلم كثيراً ممن مع تحب لأن الشب الذي تتكلم معه هو كذاب وعم يتسلى ووووو

وهي لم ترد عليه ابداً لأن القلب الذي يحب بعمره لا ينسى ولكنه أصبح يتصل لعندها وأصبح زميله يتصل وكلمني أنا شخصياً بهذا الأمروكلم أختي
ولكن وجهنا أصابع الأتهام كلها عليها وهي الآن ضائعة ولكن أسمعوا ماذا قال لها صاحب المحل

اذا بدك تركي حبيبك ونحن مستعدين ندبرلك شخص بدون ماتتكلفي ابداً

فشو رأيكم يا أعضاء بشان الله
حاسة حالي طولت عليكم بس صاروا كتير يقلولي بعدي عن رفيقتك رفيقتك مش كويسة
بس ليش مانها كويسة لأنها حبيت شخص حب شريف ورفضت تتكلم معاهون لأنهن هنن صايعين ومن بنت لبنت

بشان الله قلولي شو الحل
أسمع كلام مين

[هافال]

زميلاتي يجب اولا على الفتات ان تثق بنفسها اولا لكي ترىا الامور بعناية اكثر وان لا ترد على الاقاويل وان تثق بحبيبها اكثر .الي يجمعهم الحب ما ممكن يفرقهم احدفي الدنيا ابقي مع صديقتك وساعديها......شكرا على القصة فعلا المرء ان ياخز العبرة

[ريمو]

اذا أحببت شخص حباً جماً وأنت أيضاً تحبه وتدخل شخص ثالث معكم وأصبحتم أنتما الأثنين عبارة عن شتات وترجاك الشخص أن ترجع له فما هو شعورك بعد أن تدخل شخص ثالث معكم ودمركم؟؟؟؟؟

هيفين انتي قلتي حبا جما يعني الاثنين يحبو بعض
بهالحالة مارح اسمح لاي شخص ان يتدخل بيننا
ولن اسمع اي كلام يدمرنا
واذا صار وتدخل وصار في بعد وشتات مثل ماقلتي
وطلب مني ان ارجع...... بدون تردد ارجع(حتى لو تعلق الموضوع بالكرامة) فمع الحب الحقيقي الذي تحدثتي عنه الكرامة مفقودة
وهل ترجع علاقتكما مثل قبل أم لا؟؟؟
أو هل تعود المحبة مثل قبل أم أيضاً لا؟؟
بل ستعود العلاقة امتن فالضربة التي لاتقتلك تقويك
وهذا الشخص دفعت لكي تتكلم معه دفعات هائلة من المال هل تنسى هذا الحب؟؟؟
مافهمت بالضبط مين الشخص
اذا كان اللي حبيتو بغض النظر عن المال فالحب لاينسى
واذا كان اللي تدخل فالمال الذي دفعه لايعوض عن الحب ولا حتى اموال قارون

بشان الله قلولي شو الحل
أسمع كلام مين
خليكي مع رفيقتك ولاتتخلي عنها لانها بحاجة لكي اكثر من قبل
وبعدين انتي ادرى برفيقتك من يلي عم يحكو عنها وتعرفيها منيح فليش تسمعي كلام الناس عنها؟؟
يمكن هي غلطت بس احيانا اللي بيحب ينعمى على قلبو ويصير يتصرف اي تصرف بدون تفكير اذا حس انو رح يفقد من احب

هذا رايي باختصار حسب مافهمت من القصة
انشالله تنحل كل مشاكلك هيفين

ريمو

[السلطان]

tفي منل بيقول الباب اللي بيجي منه الريح سده واستريح وعليه الحل بسيط جدا وهوعزل الشخص الثالث ربتغيير خط الموبايل وعدم اعطاء الرقم الجديد الا للموثوقين وهيك نبدء من جديد ويادار مادخلك شر

[fadi7akim]

هي الجملة عندي عندي تعليق عليها ..
PDT_Armataz_54 أليكم القصة لكي تأخذونها أيها الشباب عبرة لكم

مين ألك انو الشب دائما المشكلة في ... لا ليكون بمعلومك .. المشكلة كلها برفيقتك [smilie=baby.gif]

لانو هية فاتحة مجال و لولا هيك ما جدا بيسترجي يحكي أو يدخل لا من بعيد و لا من قريب
على كل الاحوال
[smilie=dongreen.gi:
انا برأي لازم تجيب حبيبها و تخبرو كل شي .. و متل ما قال السلطان .. انو تغير الموبايل و هلق صار الخط ببلاش و تنهي الموضوع بينها و بينو ...

هي اذا كانت بتحبو
[smilie=80.gif]
لانو انا متاكد انو هوة ما غلط معها ,,هية يلي غلطت دخلت ناس جهلا

الكبييييييييييييييييييييييير

[bigbaby]

والله وكلو عم يناقش الموضوع بموضوعية وعلى "بترجع العلاقة أقوى من الأول" و"اذا كانت عنجد بتحبو" .... لأ برافو ... حئيئي برافو ...
مو أنا على أساس حضارية وداعية حقوق المرقة، اذا اجت بنتي وعمرها 17 سنة عم تشكيلي انو العزال عم ينزعوا بينها وبين حبيب العمر لأنسفها بوكس هرلها سنانها مو بس آخد منها الموبايل ... شو في يا جماعة !!! هي مو قصص غرام وانتقام هي شغلات بتجيب العصبي وداء النئرزان ... بعدين شو هي بتحبو بس عم يكلفها كتير مصاري !!! شو كل ما وحدة شافها واحد بالشارع وغمزها وحكوا مع بعض بالتليفون بيصير حب !!! ليش هالاسفاف بتقدير العلاقة بين الرجل والمرأة؟ ...رأيي يلي ما رح يعجبك هو انو اذا خايفة كتير على مصروفها توفروا وتشتريلها فيه كم كتاب (غير طبعا كتب نزار) خليها توسع مداركها شي بفرنكين وترسم شخصيتها وتعرف شو بدها بالدنيا بعدين تبقى تحب وتتمعشق على مهلها ...

ينعن حب اذا هيك ...

[هيفين]

شكراً لمروركم أحبتي

ولكن السلطان فعلاً هي فكرت بالموضوع جيداً وسوف تغير الرقم

أصلاً فرحوا مبارحة أكل بهدلة ومشي الحال

بس انتو قولوا الله يستر من الجاية أحسن شي

[نورا]

والله يا عزيزتي هيفين ، وبدون زعل
أنا رأي متل رأي الآنسة بيغ بيبي ...
عنجد ...لا تستغربي !!
مو المشكلة اذا غيرت الرقم أو ما غيرته !
المشكلة أنو عملتها هذه بالأصل غلط بغلط !!...

وفعلا فعلا ...أنا بنصحك بالإبتعاد عنها ...

شوفي يا حبيبتي يا هيفين :
أول شي : الحب شغلة مقدسة وسامية كتير كتير ..
لذلك لا يجب التسرع فيها ، والحكم على أي شخص تمسك بك ، أنه يحبك ويموت فيك !
حبيبتي هيفين :
اذا رأيت نيوب الليث بارزة .......فلا تحسبن أن الليث يبتسم
أنت فاهمة علي ؟؟؟

تاني شي ، مع احترامي لزميلتك ، بس بعتقد أنها متسرعة بعلاقتها وراكبة راسها ، وما بدها تسمع نصيحة أهلها ولا حدا !
عنجد يا هيفين ، لا تفكري أنو الأهل لما يعملوا هيك ، معناها أنهن متخلفين ما بيفهموا بالحب وما بدهن ابنتهم تنبسط !
بالعكس ! بس بكرة بس لتكبر زميلتك شوي ، لح تعض أصابيعها ندم على الساعة يلي فكرت فيها تحب وتعشق بها الطريقة المزرية ، ولح تفهم معنى تصرف أهلها أنو من صالحها !

تالت شغلة :
لو كان هالشب ( الزفت ) عنجد بحبها ، كان هو ما رضيها أنو تتوسخ سمعة حبيبته بين أهلها وبين الناس بالحارة وبالمدرسة ...
ما يجي يخطبها بالطريقة يلي بيرضاها الله ويرضاها العقل والناس ؟؟!!
لا أقبل بالتحجج بضيق الحال والظروف الصعبة ...
اذا كان ليس أهلا للزواج ، فلا يجرب ...
كرامة الفتاة ليست تجربة وتسلية وصياعة بالحارات ....

لح قللك آخر كلمة عزيزتي هيفين ، وبتمنى عنجد ما تزعلي مني ...

وين ما رحنا ، ووين ما إجينا ، ما لح نلاقي أحسن من الطريق يلي رسمه لنا الله !

سحقا لحب الأزقة والشوارع
سحقا لحب يجلب العار
سحقا للحب والتعارف الشائع بمفهومه العصري متل تمثيلية ( أشواك ناعمة )
اي والله ، وعم قولها من قلب محروق ...
سحقا سحقا سحقا


لا تترددي يا هيفين بالإبتعاد عنها ، لأنو باينتها وحدة قليلة الخبرة ، وفوق منها وقحة وما بتستحي !!

اعذريني هيفين ، ولكنك طلبت النصيحة بصدق ، وقد فعلت ...اللهم فاشهد ...

والسلام
نورا

[lucifer]

8)
8)
8)
أووووووووووووووووووووووووووووووووووووووووف أووووووووووووف.. يبدو أنو ما حدا انتبه يا حلوة يا هيفين... هي القصة قصتك؟ ولا شلون؟ :|
تعي لقلك سر.. هي انتي... ما حدا غيرك ;) .... 8)
هي قصص طويلة... شوربة يعني...
بني آدم وبني حوا عم يرضوا بأنصاف الحلول دايما... ما حدا عم يمشي ورا قناعاتو دايما.. صدقيني.. هاد الشي شفتو بأقرب الناس إلي...
ناس بتركض ورا (الطريق اللي رسملن ياه الله).. وناس بتركض ورا (الطريق اللي رسملن ياه عبدالله)... بس ما حدا عم يركض ورا الطريق اللي بدو ياه فعلا...
متل ما قالت Bigbaby ... خليها توسع مداركها شي بفرنكين وترسم شخصيتها وتعرف شو بدها بالدنيا بعدين تبقى تحب وتتمعشق على مهلها ...
بس أنا بقول لبيغ بيبي ... أكتر من فرنكين... حياتنا بتستاهل أكتر من فرنكين.. يا وإلا منموت أحسن من هالعيشة بفرنكين.
وأحلى حشيش

[هيفين]

والله العظيم كلامك يا نورا صح

وصراحة نفس الحكي الي أنحكالي من قبل الشخص الدخيل

بس أختي قالتلي انه هل الحكي عبارة عن يوقعوا مشاكل بينك وبينها وهي البنت رح تتغير كتير ورح تقلب حياتها عشان مصلحتها وهو الشب تقدملها مرتين بس الأهل رفضوا منعاً با تاً

وبشان الطريق الصح هو متل ما قلتي بيرسملنا ياه رب العالمين
بس انه أبتعد عن رفيقتي مبارحة عنجد تأثرت كتير و أخترعت طريقة أنه أبتعد عنها بس قلبي ما طاوعني
وشكراً نورا عى تفهمك وأنا أبداً مارح أزعل خالص لأنه أنا بدي رأيكم

أما بالنسبة لوسيفر
هممممممممممممممممممممممممم

لا ياحباب هي مو قصتي هي قصة رفيقتي لا لا لا لا

والشوربة انا ما بحبها لأنها مريقة كتير ممممممممممم

يلا سلام

وشكراً لمروركم

[نورا]

طيب حبيبتي هيفين ...
مازال أنت موافقة معي لحد هون ، كتييييييييير منيح ...
خليني قلك الخطوة التانية ، بس كمان اسمعيني بهدوء وتروي ، أوكي !
أول شي ، مادام أنت بعز عليك فراق صديقتك ، مو مشكلة أبدا ، بالعكس خلينا نغير شوي بالفكرة ، ممكن أنت تظلي مصاحبتيها وبصدق ، بس تنصحيها ، وهي أكيد لح تتقبل النصيحة منك مادامكن رفقات وبتعرفوا أسرار بعض ، صح ؟؟
بدي قللك أنو مافي إنسان كتلة شر كاملة ، وكمان مافي انسان كتلة خير كاملة !
استغلي أنت نقطة الخير يلي بصديقتك ، وحاولي تفهميها وتوعيها ...
ممكن رفيقتك تكون شايفة أنو هذا الشب بيستاهل تضحي من أجله وتعمل المستحيل بسبيل الحب المزعوم ...
هذا ممكن جدا ، ورغم أنو الحقيقة يمكن تكون العكس تمام ...
بس لا تنسي أنو هذا العمر بكون عاطفي زيادة شوي ...
وكمان بتكون عين المحب عن كل عيب كليلة ! يعني زميلتك ما بتشوف فيه الا كل شي منيح ، وما بتشوف العيوب المتلتلة !
ما دام هذا الشاب تقدم للخطبة الرسمية مرتين ، وأهلها للبنت رفضوا ! فهناك التباس بالموضوع ، أنت وحدك تستطيعين أن تقدري ذلك باعتبارك قريبة منها :
فإما أن يكون هذا الشاب فعلا مو كفأ للزواج ، ويكون صايع ضايع بطال ما معو قرش يبني مستقبله ، ومشان هيك أهلها رفضوا ! بس زميلتك بتكون متعلقة فيه لأنو متل ما قلتلك أنو عين المحب عن كل عيب كليلة !
وبهذه الحالة لازم زميلتك تكون واعية أكتر وتفهم أهلها ، مو تحاربهن !! وفعلا لازم تتبتعد عن هالشي !

الحالة التانية :

أن يكون فعلا هذا الشب كفأ وآدمي وظريف ، بس أهلها للبنت متعصبين شوي ، أو ممكن يكونوا رافضين الفكرة لسبب تاني .....
في هذه الحالة ، لازم يحتكموا لطرف تالت يكون حيادي بين الطرفين ويلم بالموضوع من كافة جوانبه ، ويحكم بالعدل !! وساعتها ما لازم تهتم لأي طرف بدو يوقع بينهم ...بس كل شي لازم يكون واضح وصريح وعلى عيون الأهل وكل الناس ، مو بالشوارع والحارات !!

الله أعلم بالقصة ...أنا مافيني قول غير هيك ...
بس برجع وبأكد لك :
مافي داعي للحيرة أبدا ...
كل شي معروف وواضح اذا اتبعنا الطريق يلي رسملنا ياه الله ، لأنو هو خلقنا ، وهو أدرى طبعا بمصلحة خلقه وما ينفعهم في الدنيا والآخرة ...
إلا طبعا اذا واحد بدو يتفزلك ويعمل حاله أفهم من ربه - استغفر الله - ويمشي على كيفه ومراقه على الطريق يلي بيخترعه ....ساعتها ، الله يهديه !

أنت فهمتيني عزيزتي هيفين ؟؟؟
بتمنى ما كون دايقتك ، وما طولت عليك ....أنت واعية وبتقدري ...

وأتمنى لك ولزميلتك الخير والهداية ...

والسلام
نورا

[أبو ناجي]

عمو هيفين الله يرضى عليكي يارب ...

هالقصص هي مافي اكتر منها بهيك عمر ..يعني عمر وسن المراهقة ..وبتفكروها انو قصص حب ومعشئة..هي عمو قصص خيالية مافي الها اساس عملي واقعي ..نزوات غريزية وبتعدي بعدين ..

طبعا يا عمو انا ما اقتنعت انو هالولد تقدم الها مرتين ..ما بظن هالشي ياعمو ..

مافي شي اسمه بهيك عمر موباي وما موباي وتدخل رفيقو او رفيقتها او تدخلوا الجيران وتدخلوا البياعين كلهن تبع الموبايات ..عمو كيف يعني تقدملها (( مرتين )) ؟ ولو افترضنا هالشي صح ...ليش رفضوه اهلها ؟؟ هيك من الباب للطاقة؟ حقدوا عليه ؟ كرهوه فجأة ؟ بدون أي سبب ؟
اول ليش ما قلتي..هوه شو بيشتغل ؟ عنده بيت مستقل قبل ما يتقدملها يسكنوا فيه ؟ يا هل ترى عمره تجاوز الخمساعشين اقل شي ليقدر يكون رجل مسؤول عن أسرة ؟ وياهل ترى هوه عنده شغل بيقدر يدر عليه مدخول ثابت بيعيش منه هوه وزوجته المستقبلية واولاده ؟ بعدين بنحكي بعد كل هالشي بقضية الحب والمعشئة ...فياريت تفهموا ياعمو انو الحياة والحب مو بس بتختصروه بـ _ ( موباي ) وخرجية فرنكين بيصرفها الولد متل ما قالت بيغ بيبي ونورا ...لا ياعمو ..الحياة مو موباي وبس ...........اهلها مستحيل يرفضوا واحد عطيت انا مواصفاته فوق ...مستحيل ...فما بظن انو هوه اساسا تقدم ..ولا اساسا رفضوه ...

مع المحبة للجميع ...انتبهي عمو هيفين ...مو وقت هالقصص هي ...انتبهي لمدرستك عمو والتهي بوظايفك هلق واقري كم كتاب احسن من هيك قصص تتدخلي فيها عالفاضي ..

[ملك الغراام]

مع انك قصيت على هيفين شوي يا ابو ناجي طول بالك هيفين بنت كتير حساسه لا تزعلها

و هي اكيد بتوعدك تهتم في دروسها احسن من هيك قصص .......... مو هيفين


ثمة قصوة ما





ملك الغرام

[زهرة الرمان]

ليش هيك انت ابو ناجي ليش هيك انت متعصب ومعقد دائماً


شكراً على القصة وقوليلها لرفيقتك خليها تنسى بشان مايجيها وجع راس

[أبو ناجي]

معليش عمو زهر الرمان ..حقك علي يا عمو ..رح خفف عصبيتي..

بس ما قلتيلي ياعمو..

الظاهر طلعت هيفين من هون وانتي سجلتي و دخلتي من هون ورديتي فورا بس على مشاركاتها خصيصا يا عمو ...شغلة غريبة شوي ما هيك عمو ..!!

ياعمو اسمعي شغلة تانيه ..

صحي ...

عمو كيف عم تقولي انا هيك معصب (( دائما )) وانتي من لحظة سجلتي و دخلتي ..فشو عرفك فيني انو دائما ؟؟ و كاتبة ياعمو عمرك 14 يعني اذا بتعرفيني من قبل بتكون بالابتدائي كنتي لما جيت انا لهون ...

عمو ..حقك علي عمو ...الحق علي عم اسأل عن الشب انو لازم يكون هيك وهيك وهيك ..

عمو اقري كلامي .....او نصيحتي ..

ليش رفضوه اهلها ؟؟ هيك من الباب للطاقة؟ حقدوا عليه ؟ كرهوه فجأة ؟ بدون أي سبب ؟
اول ليش ما قلتي..هوه شو بيشتغل ؟ عنده بيت مستقل قبل ما يتقدملها يسكنوا فيه ؟ يا هل ترى عمره تجاوز الخمساعشين اقل شي ليقدر يكون رجل مسؤول عن أسرة ؟ وياهل ترى هوه عنده شغل بيقدر يدر عليه مدخول ثابت بيعيش منه هوه وزوجته المستقبلية واولاده ؟ بعدين بنحكي بعد كل هالشي بقضية الحب والمعشئة ...فياريت تفهموا ياعمو انو الحياة والحب مو بس بتختصروه بـ _ ( موباي ) وخرجية فرنكين بيصرفها الولد متل ما قالت بيغ بيبي ونورا ...لا ياعمو ..الحياة مو موباي وبس ...........اهلها مستحيل يرفضوا واحد عطيت انا مواصفاته فوق ...مستحيل ...فما بظن انو هوه اساسا تقدم ..ولا اساسا رفضوه ... ))


شكرا عمو جلنار ..ولا تواخذينا اذا كنا بهيك تفكير معقدين ...بشان وبشان كمان يوسيفير ...وشكرا بطريقنا لـ ملك الغرام العالمي

[هيفين]

شكراً لمروركم جميعاً على الردود

وشكراً أبو ناجي على تفهمك للموضوع وانا أبداً ما انزعجت يا ملك الغرام صحيح حساسة بس هي قصة واقعية ولازم العالم تعرفها
وعمو ابو ناجي الشخص تقدملها مرتين بس الأهل رفضوا عشان ماياخذوا بعض عن حب

وشكراً زهرة الرمان بس والله عمو ابو ناجي مانه عصبي بالعكس كتير طيوب

شكراً لمروركم

[bigbaby]

ثمة قصوة ما

[smilie=26.gif]

[Kettya]

سؤال واحد بس: ما هذا؟؟؟؟؟؟؟؟؟؟؟؟؟؟؟؟؟؟؟