ساعدونا يا عالم!!!

[george]

[align=justify:4a8e0f4c3e]يا شباب....إذا صارت مشكلة معينة بين حبيبك أو حبيبتك وبين حدا من أهل بيتك...(أخوك أو أختك)...على سبيل المثال..
وهادا كان معو حق شوي ....وهادا كان معو حق شوي...وانتهت القصة بإنو قالتلك حبيبتك يا بتخليه يعتذر مني يا إما لا بعرفك ولا بتعرفني..(بس بعصبية طبعاً)...وقلك أخوك مين هي لحتى اعتذرلا ...وعلى شو؟؟؟
بعرف إني (عجقت) القصة بس....آآآآآآآآآآآآآآآآآآخخخ آخ...شو رأيكن؟؟؟
شو لازم الواحد يعمل؟؟!!! [/align:4a8e0f4c3e]

[أب يمان]

صفعا كف على وجها خلي سنينها يمشو مسيرة قدامهاا

ولا حدا يعتذر عيب شو ها الحكي قال يعتذر قال بعدين الله بيبعت غيرهااا

ياربي دخيلك

سلام

[sabrin]

شوف يا جورج حتى لو حبسيبتك غلطانة ما تخلي اخوك يعتذر الها لانه هاد اخوك مهما كان وكرامة اخوك من كرامتك واللي ما اله خير في اهله ما اله خير في الناس وهي اصول اذا بتحبك ما تزعل من اخوك كرمالك وتعمل خاطر لالك لانه اخوك وبس.
وانت اصول تزعل منها لانها بتعند متل هيك يعني لنفرض الصورة معكوسة وانت يلي صار معك هيك ممكن تعند وتعصب عليها وتطلب انه يعتذر الك طبعا لا منشانها على الاقل راح تغض النظر عن هيك شي وهي لازم تبلش بالخير وما تعمل هيك مواقف منشان المستقبل منشان يكونوا بحبوها واذا نفذتلها يلي بدها اياه راح تتعب انت في الحياة مستقبلا اليوم اخوك بكرة اختك بعده امك وابوك وهالمجرة .
هاد رايي وانت حر بتاخد في ولا لأ.
صحيح يا جورج انت فلسطيني والفلسطينية ماشاء الله عقولهم ..... وبتسال هيك سؤال يا ريت ترد علي اذا ممكن.

[george]

شكراً كتير سابرين...حكيك كلو مظبوووووووط...
بس المرحلة يللي وصلتلها إنو حبيت بشكل ما كنت بتصور إنو بيوم من الأيام ممكن هيك يصير فيني...ولا بشكل من الأشكال..مشان هيك ضعت شوي...
وأنا هلأ بقلبي بعتذر من أخوي لأنو كلامك مظبوط...بس صعبانة علي شوي...
انت فلسطيني والفلسطينية ماشاء الله عقولهم
الله محيي أصلك...شفتي كيف الفلسطينية بيفهموا على بعض؟؟؟
ولك على راسي أم السوس والله انتي شغلة كبيرة..

صفعا كف على وجها خلي سنينها يمشو مسيرة قدامهاا
_hit

[Aghalation]

صديقي جورج اسماع هالقصة

أتت امرأة إلى الحجاج تشكو إليه اعتقاله أخاها وزوجها وابنها...فخيرها الحجاج بأن يطلق سراح واحد منهم فقط ويُبقي الأخران في السجن...
فقالت له "الزوج موجود والإبن مولود...والأخ مفقود...أطلق أخي"
فما كان من الحجاج سوا أن أطلق الثلاثة كُرمى لاختيارها أخيها.

سلامززز

[Marsho Wolf]

صفعا كف على وجها خلي سنينها يمشو مسيرة قدامهاا
هههههههههه لك عراسي أبو حلب هههههههههههه لك يحرق حريشك هههههههههههه خيو ليش ما بتشلقها بالكف على بوزها ههههههههههههههههههههههه
_hit
هه خلينا بالجد خيو
أبو جريج الغالي أنا من رأي sabrin 100% .
برأيي الاعتذار مهما كان سببه بسيطا ففيه شيئ من الذل , لذلك يجب على الإنسان أي يكون حريصا أشد الحرص على تجنب وضع نفسه في موقف الاعتذار . ومن هذا المنطلق ما في بالدنية كلها حدا ممكن أطلب من أهلي الإعتذار منه مهما كان هذا الشخص بالنسبة لي
الكرامة قبل أي شيئ حتى القلب.

[sabrin]

جورج بدي احكيلك شي صار معي يعني بشكل شخصي راح احكي معك وانا يلي خلاني اهتم بالموضوع هاد تجربتي يلي صارت معي.
انا حبيت شخص لدرجة الجنون واتخيل انه الدنيا راح تنتهي من غيره وبعيد عنه راح اموت وكنت كل ما اتخانق معه افوت المستشفى كل مرة بسبب شكل وهاد الشي اثر على حياتي ودراستي وعلاقتي بالعالم وعلاقتي باهلي.
والله يا جورج بحكي معك من كل قلبي ونفسي انك توخد النصيحة جاهزة مني بعد خمس سنين حب واخلاص ومشاكل مع كل العالم منشانه وخسرت اخوي واهلي وخسرت صحباتي كمان واشخاص بعزو علي كرماله وعلى اساس هو يقدر هيك شي لاني كنت عايشة بحرب عشانه بس بالاخر وبعد تفاصيل كتير صارت اكتشفت انه كذاب وبخدعني وخاين لا وبكل وقاحة ما بعترف بغلطه.
عشان هيك الواحد يتسمك ويقدر الانسان يلي بقدره وبحبه بجد .

[george]

[align=justify:93f35d194c]aghalation يا غالي: قصة رائعة وناقل أروع!!!
معارض: عراسي مرورك..
sabrin: حبيبة قلبي كلامك جواهر وكلما بقرا كلمة منك كل ما بحس حالي غلطان..
فعلاً أنا كان غلط أساساً أفكر بإمكانية الاعتذار...وشكراً لوقوفك جنبي...
بس أنا بدي منك شغلة بقى:
لازم انتي تنسي القصة كمان ....ومتل ما قلتي ما في حدا بيستاهل نخسر واحد من أهلنا مشانو...
ما في بالدنية كلها حدا ممكن أطلب من أهلي الإعتذار منه مهما كان هذا الشخص بالنسبة لي
الكرامة قبل أي شيئ حتى القلب.
معك حق 100%
شكراً إلكن جميعاً يا شباب ... فعلاً حاسس إني بين أهلي!!![/align:93f35d194c]

[samar99]

الصراحة انا كنت بدي انصحك بس بظن انو ماعاد في حاجة لنصيحتي بعد ها الآراء المنيرة و انا مع كل اللي كتبو ماعدا(سيد العشاق)!!! غريبة اسمو مو لايق ابدا مع رأيو ههههههههه.
ان شاء الله الله بحللك كل ها الاشكالات من دون ما تضطر انك تضحي بحدا .

[السلطان]

الحب احساس وشعور منبادل مابين اثنين ينمو ويكبركلما ازدادت نقاط التلاقي اقصد االتفاهم ازدادت اهمية الطرف الاخر واصبح مايسيء الى اي منهما يسيء للاخربشكل مباشر فان كنت صادقا قحب الاخ غير هذا الحب وان كانت صادقة ويهمها امرك لن تضعك بالاحراج وستسامح لاجلك كل الناس وانت وشوش اخاك فربما كانت اساءته كبيرة عندا يتوجب عليك انصافها بالاعتذار منها وهذا هوثمن الحب

[fadi7akim]

ما بعرف شو بدي قلك ...بس هلق الشغلة صايرة معي .. بيني و بين أبن خالي .. بس انا و ياه متربين سوا و انا كمان بدي حل :?:




الكبيييييييييييييييييييييييييير

[bigbaby]

طيب يعني اذا أخوك معناها ما بيغلط ؟ بركي هو غلطان بحقها وعامل شي شغلة كبيرة؟ بعدين وين المشكلة بالاعتذار يعني اذا كان فعلا غلطان ؟ تجنب الاعتذار في حال الغلط هو تعنت وقلة عقل مو أكتر ...