عطونا رأيكم في الشكل الجديد للموقع [الأرشيف] - منتديات طريق سورية
المساعد الشخصي الرقمي

مشاهدة النسخة كاملة : عطونا رأيكم في الشكل الجديد للموقع

aboali
30-09-2006, 00:12
نحن بصدد تغيير الشكل للموقع(الصفحات الرئيسية و ليس المنتدى)، و نريد افكاركم و اقتراحاتكم حول هذا الموضع. قمت بادراج نموذج نعمل به الان لكي تطلعوا عليه.

اذا كان لديكم تصميم آخر او افكار جديدة نتمنى ان تطلعونا عليها ايضا.

شكرا
yooomi
30-09-2006, 00:15
حلو كتير و اللون رائع ..
بس بفضل ها لانو اتعودنا عليه ..
بس كل شي بتعملو بنقبلوا ..
mr.mask
30-09-2006, 00:55
فعلاً حلوة أبو علي و الله يعطيكم العافية ...


بس في فكرة صغيرة منشان انا اتفزلك يعني :mrgreen:

انو يكون بال Bunner بدل وضع المستطيل الموجود و فيه الخيارات للدخول ..

إذا بينحطوا Blocks ما بعرف ممكن انو يكونوا أحلى من المستطيل و الكتابة بداخله ..

أو إذا بيبقوا بدون المستطيل و بيكون وجودهم مقسم تقسيم داخلي للصورة " حفر " و بيكونوا الخيارات العربية مكتوبين بنفس روح الخط لعنوان الموقع Syriapath و مو بهالخط ..

ما بعرف أكيد انتو بتكونوا مجربين هالشي أثناء تصميم الواجهة بشكل عام ..
بس حبيت إدلي بدلوي أنا و طق شوية حنك ..

بس فعلاً حلوة ..


MR.MASK
Sugar
30-09-2006, 04:09
حلو كتير التصميم ابو على , بس الاحسن انو يكون بسيط و سهل

بس عندى ملاحظة على اسم (syriapath) الاحرف بعيدة عن بعض ,يعنى لو ممكن تستخدم ستايل غير هادا يمكن يطلع احلى

و شكرا لجهودكون و موفقين
H.Khaled__050
30-09-2006, 05:32
والله هو حلو .. والالوان روعة ..
والله يعطيكون العافية

بس أنا برأي متل راي مستر ماسك بالنسبة لل Bunner : أو إذا بيبقوا بدون المستطيل و بيكون وجودهم مقسم تقسيم داخلي للصورة " حفر " و بيكونوا الخيارات العربية مكتوبين بنفس روح الخط لعنوان الموقع Syriapath و مو بهالخط ..

يعني فعلا الحفر بيكون أحلى .. أفخم 8)



سلام,,,
Raneem_koub
30-09-2006, 07:13
و الله أنا عجبني كتير
ألوانو حلوة كتير ... الله يقدركون بالتجديد الدائم و التطوير كمان

الله يعطيكون العافية
رنيم
lady
30-09-2006, 07:25
صباح الخير ابو علي
يعطيك العافية تصميم حلو كتير..
بس عندي سؤال.. ليش مابتغيير اللون, لانو بالاول سماوي و ازرق كحلي..؟

ماعم اعترض عاللون بالعكس حلوو كتير طالع, بس يعني شوية تغيير مو اكتر.
واسم الموقع يلي فوق بده تغير, لو بخط تاني بكون اوضح .
وشغلة تالتة المكعب حلووو كتيير و مميز يلي كاتب عليه سيريا باث, لو تخلين كلن متل بعض.
واذا بيخطر شي على بالي برجع اكيد :)

يسلمووو هالديات

سلام
أبو ناجي
30-09-2006, 08:24
مع اني ما بفهم بالكومبيوتر وشغلاته الرائعة ...

بس انا عجبني التصميم جدا جدا جدا ....لأنو اللون يللي اخترته ابو علي رائع جدا ...

هاد أزرق بمعنى الكلمة ...أزرق أزرق يعني مو أزرق فاهي او أزرق نايم ..أو أزرق خفيف ..

لا ...هاد أزرق بمعنى الكلمة ...ويقول بيت الشعر الجميل الرائع :


لـو لـم يـكــن أجـمــل الألــوان أزرقـهـا .....لـمــا اخـتــاره اللـه لـونـا للسـمــاء


أما بالنسبة لشكل الحروف فوق بكلمة سيريا باث ..بالعكس ..انا لقيتها رائعة وستايل جميل جدا ومتوافق مع التطور وفيه نفحات فلكية وعلمية واشعاعية رائعة متل النور , يعني في عالمكعب تحت على اليسار كلمة سيرياباث بطريقة جميلة ..في على يمين الشاشة كلمة سيريا باث مختلفة كمان بطريقة واضحة جدا وجميلة ...رائع ...كتير رائع عجبني يا جماعة الخير
mr.baron
30-09-2006, 08:40
اتكلوا على الله سيدي ...




MR.BARON
smilest
30-09-2006, 09:49
يعني شي أنو أحكي

لون الخلفية كتير غامق وغير متناسق مع المربعات ممكن يكون لونهم أصفر مثلاً حتى تخف التعتيمة
Terminator
30-09-2006, 11:34
من زمان وأنا مشتهي يتغير شي بالصفحة الرئيسية ...

دوس أبو علي دوس ... شي كتير حلو ...
Volcano
30-09-2006, 12:31
انسيابي وحضاري وأكثر من رائع
أصبت في جعل الزوايا منحنية (بومباي) فذلك أجمل وأكثر جاذبية من الزوايا القائمة، وهذا التحديث نفسه قامت به مايكروسوفت في الويندوز XP المتميّز شكلاً عن باقي إصدارات الويندوز القديمة بزواياه المنحنية.

بشكل عام أنا من أنصار التجديد الدائم بالنسبة لشكل موقع الانترنيت

عن اقتراحاتي: يحضرني الآن اقتراح غريب ولكنّي أجده في عرفي معقولاً وجذّاباً:
تخصيص ملف صوتي يفتح مع الصفحة وأن يكون عبارة عن أغنية جميلة أو طريفة تحمل اسم المنتدى وتعبّر عن محتواه (يمكن حتى أن تُدرج ضمن مقطع فلاش أيضاً) ، يمكنكم الاستفادة من برامج الكومبيوتر في تعديل أغنية قديمة وإدخال كلمات تعبّر عن سيريا باث بدلاً منها.
أعتقد أنه اقتراح سهل التنفيذ لو اقتنعتم بجدواه.

وفقكم الله وسدّد خطاكم إلى ما يحب ويرضى
كاردينيا
30-09-2006, 16:26
التصميم حلو بس الالوان غامقه كتير كتير...
والازرق من الالوان الجميله الي يرتاح لها النضر وبدي ضيف على ابو ناجي العزيز
الازرق لون السماء وكمان لون البحر وما اجمل لون البحر لما يكون ازرق
وانا كمان عجبني كتير المكعب الجانبي
والله يوفقكم
اميير
30-09-2006, 18:00
الله يعطيك الف عافية بس انا شفت منتديات لسه احلا مع انو الالوان رائعة بس ياريت تحط واحد تاني ونحن بدورنا نعمل مقارنة ومشكور
queen
30-09-2006, 22:25
أبو علي شو عن على بالكم تغير الموديل ضروري التجديد ...... بس يالله حلو

واقتراحك فولكانو كتير ممتاز وكان بزمانو خاطر على بالي بس ما قلته شنو أنا ما بعرف اذا بصير ولا لاء ...... والألوان كتيرة حلوة وما كأني بدها تغير أبدا


سلااااااااااااااااااااااامز
THE DARK LORD
30-09-2006, 22:30
انا برأي كتير حلو هيك وخصوصي كلمة syria path طالعة فنية جداً ابو علي روح الله يقويك توكل على الله وعملو هيك
نادين
01-10-2006, 14:16
أو إذا بيبقوا بدون المستطيل و بيكون وجودهم مقسم تقسيم داخلي للصورة " حفر " و بيكونوا الخيارات العربية مكتوبين بنفس روح الخط لعنوان الموقع Syriapath و مو بهالخط ..

حلوة و أنا رأيي من رأي مستر ماسك
Star
01-10-2006, 21:28
الشكل حلو و اللون الأزرق كمان كتير حلو بس بظن لو كانت كتابة كلمة syriapath بشكل تاني كانت أحلى...
على كل حال يعطيك العافية قصي :mrgreen: قصدي أبو علي :mrgreen:
zwa
02-10-2006, 20:39
تماااااااااااااااااااااااااااام الله يعطيكم العافية أحلى بكتير من الشكل الحالي

نسعى دائما لنراكم في تطور دائم
lolita
09-10-2006, 22:10
كتير حلو وأنا كمان من مؤيدين هادا الشكل الجديد للموقع
وأن شاء الله بيجينا خير على وشو
يلااا أتكلو على الله



بس كتير كتير حلو اللون جدا رائع
الله يعطيك العافية
ShaM
12-10-2006, 15:40
أي أي مبلا مبلا هـــــــلو كتير هلو PDT_Armataz_01_12
يعطيك العافية ...