كيف يُعذب الشيطان بالنار؟

[راكان]

السلام عليكم.........

وكل عام وانتم بالف خير ومبارك عليكم رمضان

صحيح اتاخرت بس ان تاتي متأخرا خيرا من ان لاتأتي

والان اريد ان اسال سؤال صغير خطرلي وانا عم اقرا بالقرآن:

هو:
اذا كان الله يعذب الانسان بالنار(يوم القيامة)
فكيف يعذب الشيطان (والشيطان خلق من نار)
هل يعذبه بالنار؟؟؟؟؟؟؟؟؟؟

ارجو ان تجيبوني على سؤالي وجزاكم الله خيرا

[أبو ناجي]

جواب صغير يا خيو يا طيوب ...

خيو ...

الإنسان مخلوق من تراب ماهيك ......؟

طيب ...ماشي الحال لهون .....

كيف الإنسان مع انو مخلوق من تراب لو غرقناه بالتراب بيختنق وبيموت ...!!؟؟

او كيف لو كان هالتراب متماسك بالرطوبة وتحت هالشمس وحملناه وسفئناه طرقة على نافوخ هالانسان ....بتوجعه الضربة ما هيك ؟ وبيتعذب من الخبط المتواصل على نافوخه ..ويمكن يروح فيها ويموت ...

وهيك نفس الشي الشيطان ...يعني في نار غاز وفي نار كبريت وفي نار حطب ونار متنوعة ...مو ضروري لانو مخلوق من نار ما بتحرقه النار ...متل الانسان مو ضروري لأنو مخلوق من تراب ما يضره التراب ...

كمان يا خيو ... اسمع ... يقول الله سبحانه وتعالى في الآيتين الأخيرتين من سورة يس :

( إِنَّمَا أَمْرُهُ إِذَا أَرَادَ شَيْئًا أَنْ يَقُولَ لَهُ كُنْ فَيَكُونُ * فَسُبْحَانَ الَّذِي بِيَدِهِ مَلَكُوتُ كُلِّ شَيْءٍ وَإِلَيْهِ تُرْجَعُونَ )


يعني قدرة رب العالمين ...بكلمة للنار ...ربنا قادر ان يأمر النار أن تعذب ..فتعذب ..وقادر على ما هو اعظم من ذلك ..قادر على أن يأمر العذاب أن ينزل بالشيطان حتى دون أية اداة ...فسيقع الأمر كما يأمر رب العزة ...

هذا أمر سهل جدا جدا على رب العالمين ..ولا تقيس يا خيو عقلك انت البشري , على أشياء فوق العقل البشري ...ولا تقيس قدرة المخلوق بقدرة الخالق ..مستحيل يا خيو


وهكذا يا خيو ...والله أعلم طبعا ..

[ريتاج]

رح اجاوبك اخي راكان على هالسؤال ..

هسع لو ضربك حدا كف .. بتحس بالالم ؟؟؟
اكيد رح تحس فيه ..
مع انو ايدو من طين و وجهك من طين .. بس حسيت بالام و الوجع ..
و هذا مثل ذاك ..

بتمنى تكون افهمت علي ..


سلام ..
ام الرور ..

[ريمو]

وعليك السلام اخ راكان

وانت بخير

ابو ناجي جوابك يكفي وماخليتنا حكي
فعلا كلامك رائع ومقنع
شكرا لك

واحب ان اضيف للاخ راكان:
جاءرجل الى الامام ابو حنيفة وساله نفس السؤال
فقال له الامام انت مخلوق من تراب اليس كذلك؟؟
وطلب منه ان يكشف عن صدره
ومسك بيده حجر من تراب وضربه على صدره بالحجرفتألم الرجل
وسأله الم تتألم ؟؟
قال اجل
فقال له كذلك النار تؤلم الشيطان كما تؤلم الانسان
ارجو ان تكون قد وصلتك الاجابة

شكرا للاخ ابو ناجي على الاجابة الرائعة
وشكرا لكي ريتاج ايضا اجابتك مقنعة

وكل الشكر لك على سؤالك الجيد

[yooomi]

كتير خطر هالسؤال ببالي ..
و منيح حدن حطوا منشان اعرف ..
شكرا راكان ..
اقنعني جواب ريتاج .. و شكرا الك ابو ناجي ..
و ريمو .

[راكان]

شكرا لك اخ ابو ناجي الخطير

وشكرا وللاخت ريتاج

ولك ايضا جزيل الشكر اخ ريمو على ذكر القصة

يومي والله كنت مفكر بس انا مابعرف

شكرا للجميع....