ودّع أهلك!

[mr.mask]

ودع أهلك ..
يمكن تسألوني على هالعنوان و المغزى منه .
يا جماعة هادا العنوان طلع معنا انا ورفيقي بشار برحلة بسيطة كانت من المكتب للبيت .. او بالأحرى ع الميدان لنتعشى . 8)

و بطريقنا مرقنا عند كراجات بيروت و بالتحديد بالبرامكة قدام سانا " أكتر و أكتر يعني مركز الشام "..والله لا يورجيكم نظافة على أطافة و كم مطعم من المطاعم الفخمة يلي بتخلي الواحد يشتهي يرجع لشبابه .. :mrgreen:

المطعم الأول : اسمه مطعم زمن العجايب بالحرف الواحد هيك " زمن العجايب - المطعم الجوال " بسكليتة و عليها علبة كبيبرة فيها مالذ و طاب من أطايب الطعام يلي بتخلي الواحد يقرف عفواً يشتهي ياكل من عنده يعني الفلافل على البطاطا على البيتنجان على المرتديلا و مع تسخين كمان شو ما بدكم في .. و الأحلى من هيك النظافة و الوجوه الحسنة و ما شاء الله ما بيهدِِي و العلب معبيي الأرض و الورق تبع الصندويش " للضرورة الشعرية " و الاكل الزايد و و كله على الأرض قدامه و هو مبسوط كتير .. :shock:

المطعم التاني : اللحم المشوي " السودة " على منأل كبير و روايح الله لا يورجيكم يعني فعلاً شي بيبكي سيخ البندورة قدام سيخ السودة على سيخ الكلاوي على شوية بصل ولا تقول الا وليييي.. :(

أما التالت : فهو طبعاً للتحلاية يعني مو مقصرين الجماعة طاولة أطؤطة " قطقوطة " حاطط عليها طنجرة حليب و كيسين تلاتة كعك مع شوية خبز سمون يعني هي للتحلاية كاس حليب مع شوية كعك ولي على قلبي و كول .. :(

و طبعاً الأمر ما بيخلا من سيارة الهونداية " الطرطيرة " يلي فيها كم صينية نمورة يلي قد الكف قال شو حلو .. :evil:

و طبعاً عربايات الفواكي مع عربايات الدرة بيضة يعني بالمختصر المفيد كله على كله و لما تشوفه ابقى قله ..

يا جماعة مركز البلد فيها هالشي هاد فما بالكم بالمناطق التانية ..

وهون يعني هون هون طلع معنا هالعنوان الصميدعي بن الصميدعي و اكيد بتوافقونا انو الواحد قبل ما ياكل هون لازم ثم لازم يودع اهله .. صح ولا خطأ .. ؟

والله يا حماعة فعلاً فعلاً منظر بيحرق القلب .. يعني والله عيب ثم عيب ثم عيب ..

و بالأخير أكيد كتير منا بيعرف متل هالتجمعات هي فياريت تخبرونا عنها لانو يمكن معبا منها بالشام و أكيد عند كل تجمع ميكروباصات بيلاقي الواحد متل هالتجمعات و أحلى الشي الشاي و القهوة يلي منتشرة على هالطرقات للميكروباصات ..
وطبعاً بالنهاية ختمناها بعشى فول مرتب بالميدان عند مطعم الداية .. و الله اشتهينا الكل فيه ..

على الله .. طبعاً انتظروا قريباً شوية صور مرتبة لهالتجمع الظريف .. :mrgreen:


BaSHar & MR.MASK

[Volcano]

فووووووووووووووووووووووووووووووووووووووووووووووووو ووووووول :(

آخ على صحن فول عند هالمسوية ... قصدي الصبحية :)

خيو تعيشو تاكلو غيرها 8)
عادية أبو شريك

أنا بيزامانو كنت متلك
معدتي سمباتيك وتتدايق من كلشي

بس بعدين صارت بتطحن الحجر الله وكيلك :mrgreen:

يا خيو الغربة صحيح مرّة بس بتطالع وحوش :twisted: بياكلو الظلط

أحلى ماهر وبشار

سلام

[H.Khaled__050]

اسمه مطعم زمن العجايب بالحرف الواحد هيك

وليش مستغرب ياحبيب .. ماهو الزلمة معو حق ... ليش مو هاد زمن العجايب بالله :mrgreen:

و بالأخير أكيد كتير منا بيعرف متل هالتجمعات هي فياريت تخبرونا عنها لانو يمكن معبا منها بالشام و أكيد عند كل تجمع ميكروباصات بيلاقي الواحد متل هالتجمعات

والله بالنسبة الي كل يوم وانا بطريقي لهل المكتب بتهنى وبتمسى أو بتصبح على ريحة اللحم المشوي يلي قدام كراجات العباسيين .. بس شو ريحة شي بيشهي تمام ( متل تبع المزرعة :mrgreen: ) والأحلى منها انو الزلمة بيطلع اللحمة من كيس خيش أسود مكيحل يمكن كان خاص للزبالة .. ونسيو يغسلوه :shock: .. وبيبلش يشك بهل السيخ طبعا مابينسى يحط البندورة والبصل .. مشان الأمانة :mrgreen:
وهل الزبون عم يستنى أكلوا .. المهم بتصير هل اللحمة وبدو يلفها بصندويشة وطبعا رح تكون فيها شوية حشيش ( قصدي بقدونس :mrgreen: ) على شوية لبن مع كيلو مي .. مشان ماتكون ناشفة :mrgreen: :mrgreen: مو مشان شي تاني :mrgreen:
والأحلى وقت تعرف قديش سعر هل الأكلة الملوكية .. سعرها بس 15 ليرة تنطح ليرة .. لأ وبيسالك كمان بدك ياها تبع ال 15 ولا 25 .. ( تبع 25 بيكون فيها سيخين يعني بيوفر الزبون 5 ورقات كاملة :mrgreen: :mrgreen: )

بس في فرق بين البرامكة والكراج .. بالبرامكة فول اوبشن بس عنا والله مافي غير لحمة وعصير طبيعي ( هيك مكتوب انا مادخلني :mrgreen: ) يعني كول وبل ريقك واحط .. لاتبلط وتقعد :mrgreen: :mrgreen:

ومشان الصور حبيب .. عميل حالك سايح وحبيت هل المنظهر وبدك تصورو :mrgreen: بيخلوك دغري طبعا مع ضيافة ... ههههههههههههههه هون وقتها بتكون ودعت أهلك :mrgreen:


سلام,,,

[ملامار]

[align=justify:dc18741ce0]يعني انا لهلأ ما عرفت ليش أنتو مو عاجبكن ... يعني المهم شو تطلع بالأخير....
فحدا منكم مجربها ؟؟؟

بعدين الناس بدها تعيش يعني لو ما اشتغلو كانو شحدو وكانو كمان ما سلمو ...وليش بتظنو شر يمكن هاد مشروع مطعم محترم لبعد قرون جاية ... :roll: كل شي جائز

واذا ما بدكن لا تشتروا واذا الناس مو عاجبها الحال ما بيشترو فبيغير هو المسكين المطعم لشي تاني وبتقولو يا ما أحلى ايام المشاوي والتحلاية

H.Khaled__050 عن السعر ....شو بدكن احسن من هيك 15 ليرة بس... اي والله ما صحت لجدي ...
واذا زادو للسعر المسكين عن طيبة خاطر ما حدا بيقرب عليه ... وكمان ما بيسلم والله حيرتوهم

mr.mask بانتظار الصور الجميلة الرائعة لأني حابة عيش الأجواء[/align:dc18741ce0] :mrgreen:

[نورا]

لك سيدي ....
حاجتها هالعالم فنطزة ورفعة مناخير!!!
أصلا هيك مطاعم ما بتكون الا بالكرجات متل ما قلت ، يعني للمسافرين والعساكر وعابرين السبيل وهالدراويش ...يمكن بياكلوا بدون ما يشوفوا ، بس المهم يملوا معدتهن ، ولو أكلوا ورق الشجر ....

ليش أنت بتشوف هؤلاء ما بتشوف سنو وايت بالمزة يلي عندو فنجان القهوة بلا سكر ب300ليرة ؟؟؟؟


لك خيو العالم بدها تعيش ...
بس ياويلهن من الله الأغنياء يلي بيتفزلكوا بطعمة وبلا طعمة وبينسوا أنو غيرهن ماله ملاقي لقمة الأكل ...
بكرة كلهن محاسبين ...لاتخاف !!!

[tmara]

يعني هو معك حق ..بس حرام الفقراء..بدهم يشتغلو ..ميشان مايشحدو..حرام

واذا ما بدكن لا تشتروا واذا الناس مو عاجبها الحال ما بيشترو فبيغير هو المسكين المطعم لشي تاني

ومشان الصور حبيب .. عميل حالك سايح وحبيت هل المنظهر وبدك تصورو بيخلوك دغري طبعا مع ضيافة ... ههههههههههههههه هون وقتها بتكون ودعت أهلك
ههههههههههههه حلوة خالد

شكرا ماسك..

[Marsho Wolf]

صحيح الناس بدها تعيش والله يعين الجميع
ومتل ما تفضل البعض اللي مو عاجبو الحال لا يشتري . بس المشكلة انو ممكن يمنع حالو عن الشري لكن ما ممكن يمنع حالو عن شم الريحة ( و خصوصا اذا كان بكراجات العباسيين وقاعد ومتركن و الله مهدي سره بالدوار الشمالي و بيجبلك الهوا الريحة لعندك داخل المكرو ..... ويا سيدي بترجع عالبيت كأنك مدخن 20 باكيت ومشحور والريحة ممممممممممممم )

فلازم اذا كان لابد انو يشتغل هالشغلة يكون بشكل افضل بحيث ما يدايق حدا بالريحة , واللي بيحب ياكل اهلا وسهلا واللي ما بيحب الله يسرلو

الفائدة الوحيدة لها متل ما قال Volcano :

أنا بيزامانو كنت متلك
معدتي سمباتيك وتتدايق من كلشي

بس بعدين صارت بتطحن الحجر الله وكيلك
اول مرة اكلتها بجنابي بس التانية حديد والحمد لله صار عندي مناعة

[Engelbert]

هههههههههههههه ما شفتو شي انتو ....
روحو على الشيخ محي الدين و الشيخ خالد و هنيك شوفو السوزوكيات الجميلات الحلوات هنيك و شوفو الوسخ و القرف ممزوج مع الفقر ... الله يساعدهم ....
بس بصراحة انا ما بعرف كيف هيك الحكومة رضيانة بهل مناظر المتخلفة ... :roll:
يعني بصراحة بولا بلد من العالم يوجد هيك مناظر وسخ و قرف ....


خيو ما كان هنيك " تماري و كعك " مممممممممممممم شو متمنية آكل هل أكلة .... :mrgreen:



سلام ...
Engelbert

[H.Khaled__050]

بعدين الناس بدها تعيش يعني لو ما اشتغلو كانو شحدو وكانو كمان ما سلمو

نحن ماقصدنا انو يروحوا يشحدوا .. القصد انو يهتموا بالنظافة عل الاقل ويساوا هيك شي بمكان نظيف أو ينظفوا قبل مايعدوا ويشتغلوا ..

H.Khaled__050 عن السعر ....شو بدكن احسن من هيك 15 ليرة بس... اي والله ما صحت لجدي ...
واذا زادو للسعر المسكين عن طيبة خاطر ما حدا بيقرب عليه ... وكمان ما بيسلم والله حيرتوهم

طيب ماخطر ببالك انو صندويشة لحمة ب 15 ليرة شو بتكون .. شوفي شو هي :
والأحلى منها انو الزلمة بيطلع اللحمة من كيس خيش أسود مكيحل يمكن كان خاص للزبالة .. ونسيو يغسلوه :shock: ..

يعني الواحد بياكل صندويشة ب 15 وبدو يدفع بلاوي علاج تسمم وغسيل معدة ... الخ


لك سيدي ....
حاجتها هالعالم فنطزة ورفعة مناخير!!!
أصلا هيك مطاعم ما بتكون الا بالكرجات متل ما قلت ، يعني للمسافرين والعساكر وعابرين السبيل وهالدراويش ...يمكن بياكلوا بدون ما يشوفوا ، بس المهم يملوا معدتهن ، ولو أكلوا ورق الشجر ....

ليش أنت بتشوف هؤلاء ما بتشوف سنو وايت بالمزة يلي عندو فنجان القهوة بلا سكر ب300ليرة ؟؟؟؟


لك خيو العالم بدها تعيش ...
بس ياويلهن من الله الأغنياء يلي بيتفزلكوا بطعمة وبلا طعمة وبينسوا أنو غيرهن ماله ملاقي لقمة الأكل ...
بكرة كلهن محاسبين ...لاتخاف !!!

آنسة نورا .. برجع وبقول نحن ماقصدنا نهاجمون ولا نقطع برزقتون .. القصد يهتموا بالنظافة .. هي مااسمها فزلكة هي اسمها احتياط .. والنظافة من الإيمان

[نادين]

دائماً في هذه المنطقة عدد كبير من العربايات والبسطات بشكل عام مطاعم جوالة و عدد من البسطات التي تبيع التحلاية :mrgreen: .. و ممكن بما انني أذهب لكليتي من هذا الطريق بشكل شبه يومي فإني أرى الأوساخ التي يتركوها خلفهم بعد تركهم هذا المكان وهي أكيد تسبب التشويه لمنطقة المفروض ان تكون من أنظف المناطق بدمشق بما انها مركز مدينة .
أكيد أكلة الفول طيبة مو ؟ :|
يسلموووو مستر ماسك

[BaSHaR]

السلام على أحباء السلام.

في الحقيقة لم أكن أنوي الرد على الموضوع لانه كان بنظري موضوع رائع من كاتب رائع ولأنه يحوي من الأفكار ما يجعله شبه كامل مع لمسة كوميدية رائعة أضفاها عليه السيد (mr.mask).
في الحقيقة يا جماعة هالقصة حدثت فعلا ليلتها وكنا ماريين من هناك بهدف المشي قليلا قبل التوجه للقيام بطقوس العشاء الميداني المقدس :mrgreen:

هذه الكوميديا السوداء التي نراها في العديد من الأماكن في مدينتنا العزيزة دمشق يجب أن تدفعنا لإيجاد الحلول لا من أجل الضحك والمرور مرور الكرام وحسب ......
ولذلك قررنا حينها أنا ومستر ماسك أن نكتب عن الموضوع..

وهنا تكمن المشكلة حيث تفاجئت برد جاء كالتالي:

لك سيدي ....
حاجتها هالعالم فنطزة ورفعة مناخير!!!
أصلا هيك مطاعم ما بتكون الا بالكرجات متل ما قلت ، يعني للمسافرين والعساكر وعابرين السبيل وهالدراويش ...يمكن بياكلوا بدون ما يشوفوا ، بس المهم يملوا معدتهن ، ولو أكلوا ورق الشجر ....

ليش أنت بتشوف هؤلاء ما بتشوف سنو وايت بالمزة يلي عندو فنجان القهوة بلا سكر ب300ليرة ؟؟؟؟


لك خيو العالم بدها تعيش ...
بس ياويلهن من الله الأغنياء يلي بيتفزلكوا بطعمة وبلا طعمة وبينسوا أنو غيرهن ماله ملاقي لقمة الأكل ...
بكرة كلهن محاسبين ...لاتخاف !!!

الأنسة نورا المحترمة:
أنت بالظاهر ثارت ثائرتك من باب إنساني ومعك حق بذلك ولكن أريد ان أسألك لو كنت مارة من هناك وصادفتك كل تلك المناظر المقرفة والممرضة والملوثة للصحة فهل كنت ستقولين إلا ......يضرب هالمكان شو بيقرف........؟؟؟؟؟؟؟؟؟؟؟؟
طبعا هذا إذا لم تنالك عدة تلطيشات من زبائن هذه البسطات وأغلبهم عساكر كانوا في القطعة العسكرية من ألاف السنين :mrgreen: ولم يروا فتاة منذ قرنين ربما أو أكثر :mrgreen:
ويبدؤون بتوجيه الكلمات التي يقرف منها الشباب عادة وكيف الفتاة المحتشمة؟؟؟؟؟؟؟؟؟

كونوا واقعيين يا جماعة الخير أنا لست ضد الفقراء ولست أقطع برزقهم ولكن هذه المهن يجب أن تخضع لقوانين الصحة كما في البلاد المتحضرة.

في النهاية أشكر لك ردك لانه دفعني لتوضيح وجهة نظر أغلب من يؤيد الموضوع هنا.

والسلام على أحباء السلام.

[قاهر قلوب العذارا]

الله هالبلد حرام يصير فيها هيك و الله حرام..
سلام

شو حرام لا مو حرام سوريا و الشام تحديداً مستواها هيك مو اكتر و الله يا جماعة بس فوت على الشام بقول شلون هل الناس عايشه ما بعرف

بسطات و شوايا و عساكر و نازحين و الله اعلم شو كمان و الله الشام ما بينعاش فيها ابدا :cry:

[mr.mask]

حبيب القلب بشار كله جواهر بجواهر بس أول سطرين خجلتني فيهم .... و أنا والله وقت قريت الردود زعلت لأنو انقلب الموضوع على أساس انو نحنا منكره الفقراء أو ضدهم و خصوصاُ هي الجملة يلي ما لقيتلها داعي أبداً بهيك مكان لانو ماكان قصدنا أبداً معنى الجملة هي .. و لو كنا مفنطزين أو .. ماكانت طريقة عرضنا للموضوع هيك .. يعني بشكل عام انا لو كنت مفنطز كنت فوراً دخلت و قلت

ياي شو هيدا شو اللي عم يسير " لضرورة الفنطزة " هوني والله انو شي بيقرف يع ...

أنا يا جماعة ما قصدت هيك أبدا و حكيي موجه خصوصاً للأخت نور مشكورة على ردها ولو كنت بتمنى منها لو فهمت عليي أكتر من كتابتي و انشاء الله تكون وصلتك فكرتي من رد بشار يلي وضح فيه الفكرة أكتر و بين معك انو حكينا ما كان كله ضد الفقراء و لا يلي بياكلو هون بس كان حكينا كله منشان تتحول هالمناطق هي لشي بينقال عليه انو والله منظر بينشاف او ما بعرف شو بدي احكي ..

طيب ليش مادام الزلمة فقير ليش الوساخة و القذارة يلي تحته ؟؟

ليش ما يحط بإيده كفوف و على راسه طاقية و قدامه سلة شو يعني اذا فقير يوسخ تحته ؟؟ هادا أكيد مو حكي ..

و ردك كان بكل وضوح بالشكل التالي ::

حاجتها هالعالم فنطزة ورفعة مناخير!!!

ممكن يكون صريح كتير بس مو بمحله أبداً و على كل انشاء الله تكون وصلتك الفكرة تبعي ...


و طبعاً بحب اشكر الكل على ردودهم ...

بس يلي ما عجبني رده أبداً أبداً هو قاهر قلوب العذارا حبيبي نحنا ما عم نحكي و نعمم و دير بالك من التعميم لانو اذا ما بتعرف يا ريت تسأل عن سوريا و الشام و اذا مالك شايف دور بالمنتدى هادا نفسه بما انه سوري فأكيد بتشوف .و إذا مو بالمنتدى روح دور بالغوغل و لح تشوف كتير ... و اذا بتحب بجبلك صور لكم سائح اوروبي و أميركي و من أكتر الدول العالمية المتطورة يلي ما فيها المناظر الموجودة بسوريا و هنن و قت عم يشوفوا روعة سورية و روعة حارات الشام القديمة و هنن فاتحين تمهم من الاستغراب و الاعجاب و و و و و يعني شوي تانية بينشلوا الا شوي .. و بكل بلد أكيد فيه هيك مناظر بس نحنا بما انه سوريين فمنسعى للكمال مو أكتر و هادا الشي دائما منسعى أله " 8) لسنا الوحيدين لكننا الأفضل 8) " و حكينا هاد مو لتجي انت تصطاد بالمي العكرة حبيبي .. يعني مو أول مشاركة فوراً تبدا ..

شبنا .. يعني صحي اهلا وسهلا فيك .. بس مو وقت تحكي على سوريا أو على الشام .. :x :twisted:

و شغلة كتير بسيطة بما أنه عم تحكي هيك فيمكن انت مخربط مو فايت على الشام .. انت فايت على ال ..... و لا قلك بلاها .. خليها بيناتنا .. و إذا بدك ممكن قلك ياها بيناتنا ..


و بالنهاية السلام عليكم و رحمة الله و بركاته و اللهم اني صائم ..


MR.MASK

[H.Khaled__050]

تعا عمو قاهر قلوب العذارا تعا ... شو عم تحكي حبيبي
غيرك عم يفكر بحل المشاكل وانت عم تفكر بفكر تخلفي ورجعي ..
وبرجع بقلك انو هل الشي بمناطق محددة بالشام مو كلها ..

لسنا الوحيدين لكننا الأفضل
ونحن عم نطالب بالكمال ... بس للأسف طلع في عقول متحجرة ... وهي العقول هي السبب الأساسي ...




سلام,,,

[Raneem_koub]

نحن عم نطالب بالكمال ... بس للأسف طلع في عقول متحجرة ... وهي العقول هي السبب الأساسي ...
للأسف هالكلام صحيح..
و لازمو حل و حلو إنو نوعي هالناس على حسنات هالبلد
لأنو ما عمينحكى غير على السيئات فالناس صارت مفكرة إنو هالبلد ما بينعاش فيها
البلد فيها كتير شغلات ناقصة بغير بلدان و أولها و أحسنها هو إنتاجها و كفايتها من إنتاج أراضيها الطيبة...
بس كمان فيها هالسيئات يلي لازم تلتغا و نحنا يلي لازم نلغيها
و بالنهاية هالبلد بلدكون و بلدنا ...

[BaSHaR]

السلام على أحباء السلام.

شو حرام لا مو حرام سوريا و الشام تحديداً مستواها هيك مو اكتر و الله يا جماعة بس فوت على الشام بقول شلون هل الناس عايشه ما بعرف

بسطات و شوايا و عساكر و نازحين و الله اعلم شو كمان و الله الشام ما بينعاش فيها ابدا

حبيبي قاهر مدري مين؟؟!! :mrgreen:
إنت وإذا ما خاب ظني مانك شامي ولا تمت للشام بصلة أبدا...
هالشي باين من ردك ومن جملتك (بس فوت على الشام بقول شلون هل الناس عايشه ما بعرف).....

على كل حال ما بيهم أبدا لا مين أنت ولا من وين...
المهم انو هالردود ياريت بلاها... يلي القصد منها أنو تعمل فتنة بالموضوع مشان يتسكر أو يصير مشكلة بين الشوام وحدا تاني على المنتدى ..

على كل حال أهلا وسهلا بك بالشام عروس الدنيا بكل ما فيها من حسنات وسيئات.

[hr:d1a48fa3f8]

تعلموا يا قاهرين مدري شو من نزار قباني تعلموا:

هذي دمشقُ.. وهذي الكأسُ والرّاحُ
إنّي أحبُّ... وبعـضُ الحـبِّ ذبّاحُ
أنا الدمشقيُّ.. لو شرحتمُ جسدي
لسـالَ منهُ عناقيـدٌ.. وتفـّاحُ
و لو فتحـتُم شراييني بمديتكـم
سمعتمُ في دمي أصواتَ من راحوا
زراعةُ القلبِ.. تشفي بعضَ من عشقوا
وما لقلـبي –إذا أحببـتُ- جـرّاحُ
مآذنُ الشّـامِ تبكـي إذ تعانقـني
و للمـآذنِ.. كالأشجارِ.. أرواحُ
للياسمـينِ حقـوقٌ في منازلنـا..
وقطّةُ البيتِ تغفو حيثُ ترتـاحُ
طاحونةُ البنِّ جزءٌ من طفولتنـا
فكيفَ أنسى؟ وعطرُ الهيلِ فوّاحُ
هذا مكانُ "أبي المعتزِّ".. منتظرٌ
ووجهُ "فائزةٍ" حلوٌ و لمـاحُ
هنا جذوري.. هنا قلبي... هنا لغـتي
فكيفَ أوضحُ؟ هل في العشقِ إيضاحُ؟
كم من دمشقيةٍ باعـت أسـاورَها
حتّى أغازلها... والشعـرُ مفتـاحُ
أتيتُ يا شجرَ الصفصافِ معتذراً
فهل تسامحُ هيفاءٌ ..ووضّـاحُ؟
خمسونَ عاماً.. وأجزائي مبعثرةٌ..
فوقَ المحيطِ.. وما في الأفقِ مصباحُ
تقاذفتني بحـارٌ لا ضفـافَ لها..
وطاردتني شيـاطينٌ وأشبـاحُ
أقاتلُ القبحَ في شعري وفي أدبي
حتى يفتّـحَ نوّارٌ... وقـدّاحُ
ما للعروبـةِ تبدو مثلَ أرملةٍ؟
أليسَ في كتبِ التاريخِ أفراحُ؟
والشعرُ.. ماذا سيبقى من أصالتهِ؟
إذا تولاهُ نصَّـابٌ ... ومـدّاحُ؟
وكيفَ نكتبُ والأقفالُ في فمنا؟
وكلُّ ثانيـةٍ يأتيـك سـفّاحُ؟
حملت شعري على ظهري فأتعبني
ماذا من الشعرِ يبقى حينَ يرتاحُ؟


رحمة الله عليك يا نزار القباني أين هذا الجيل منك....؟؟؟؟

بلا سلام بلا أحباء بلا قرف.

[dr_nour]

يعني ما بعرف... و الله مو معقول...

أحلى شي انو الناس بتفكر انو ((البول)) عدم المؤاخدة منكم, بتفكر انو هوه بس السائل يلي منشوفوا.. بس الهواء المليء بغاز البول هاد ما بتعرفوا...

يعني دخلكن لما نمرق من هديك المنطقة, و نشم الريحة, هي الريحة شو هيي؟.. الريحة هيي عبارة عن خلاصة غازات الجراثيم و الفيروسات و الأوبئة, مقدمة لك على طبق من سودة أو كاسة حليب, أو حتى الفستق... لك حتى شرايط الكاسيت يلي هنيك أكيد بيكون معلق عليها جراثيم...

لك و أحلى شي, انو البلدية تبع البرامكة بدل ما تحل هالقصة, بروحوا بكسروا الرصيف القديم و بيركبوا رصيف جديد... ليش ما حدا بيعرف.. يمكن رئيس البلدية مو حابب شكل البلاطات, بدوا يغيرهن....

و أحلى شي, الإضوية اللي مركبينها هلأ ع جسر الرئيس, مفكرين حالهن مركبين ثريات و الله...هههههه


هاد كلو و لسا ما نزلنا لتحت الجسر.... و ليييييييي ع تحت الجسر, في تحت جسر الرئيس, مكتبة أكبر من المكتبة المركزية, يشهد الله اني بلاقي أحيانا فيها كتب, ما بلاقيها بمكتبة الأسد..




تابع شي تابع لشي...


معتحيات