صـرصـورو فـوبـيـا عندي

[أبو ناجي]

باعتباري فعلا اقرف شي عندي بالعالم الصراصير ...

رحت بحبـش على اكبر صرصور في العالم كشفوه ..

هاد اللي طلع معي ..

صرصور ([Only registered and activated users can see links])



واكبر مدري شو بالعالم كشفوه الشريرين الامريكان في الصحراء العراقية يمكن والله اعلم


أكبر ما بعرف شو ([Only registered and activated users can see links])



ومشرفين حقكون على راسي والله مابعرف شلون بتصير صورة بدون الرابط عم نعذبكون معنا خيو :oops:

[bigbaby]

[align=justify:3b09ce2c09]ههههههههههههه والله يا أبو ناجي مالك غير تواجه الفوبيا وتتغلب عليها بأنك تجبر حالك توقف عند شي ريجار مفتوح وتتأمل بالصراصير والصرصورات الفاتنات الرائعات :mrgreen:

صحي شو رأيكم نحكي عن الفوبيات يلي عنا ؟ والأفضل حتى انو نحكي عن اسبابها بما انو كل فوبيا مرتبطة بذكرى من الطفولة ...

أنا عندي فوبيا من الحشيش الطويل ... يعني اذا بيقطعوا راسي ما بمشي بينه اذا مالي شايفة شو في عالأرض ... بزماني كنت حب ارجع من المدرسة من طريق فرعي بيمر فيه نهر "قليط حاليا" وكان فيو شجر وحشيش أشكال ألوان ... صارت ماما تقلي انو ما ارجع منو لأنو فيه حيايى (جمع حية مطحبش) ... ومرة حتى خلت ولد من البناية مربي عندو حية يجيبها قدامي ويقلي انو لقاها بهاد الطريق يلي كنت ارجع منو ... المشكلة هلأ انو ما عندي مشكلة مع الحيايى بس ما عندي مشكلة مع الحشيش ... شو حشيش ما حشيش ؟ [smilie=28.gif][/align:3b09ce2c09]

[sary]

عن جد طلع معك صرصور أكبر شي لقيته ؟هههههههههههههههههه
الله يعينك يعني اديش كنت حاطط ببالك يكون قد الصرصور اللي بدك تلاقي ؟
انا خايفة يكون ديناصور هههههههههه بتعرف والله انا كمان بقرف بقرف من شي اسمه صرصور وجراده هيك تكون قد العصفور وخصوصا لما بتدوس عليهن برجلك وشي تحت رجلك بيعمل طقطقطقطقطق ههههههههههههههههههههههههههههههههه

[aboali]

صرصور ([Only registered and activated users can see links])

[IMAN]

والله يا أبو ناجي وبيغ بيبي انتو شغلتكن بسيطة وعرضية كتير مقارنة بالفوبيا يلي عندي [smilie=cry.gif]

أنا عندي فوبيا متل تبع بيغ بيبي مرتبطة بذكرى من الطفولة ... أنا بصراحة بخاف من الزيتون :? ... لأنو لما كنت صغيرة (كتير صغيرة) كنا لما نروح عاللاذقية كانو أهلي بيحبو يتمشو بالشارع تبع الميرديان.. وكانو يشحطوني معهن.. وبما انو أنا كنت فصعونة ومو عرفانة وين الله حاططني.. فكنت اطلع عالأرض أنا وماشية وكنت لاحظ أنو في شغلات شكلها متل الزيتون عم تسرح وتمرح بين رجليي.. ولما كنت ابكي وقول لأهلي انو شوفو في زيتون عالأرض عم يمشي.. كانو يضحكو عليي ويقولولي لك هاد مو زيتون هدول صراصير بس شكلهن مدعبل متل الزيتون... وأنا ما كنت افهم.. ديني وايماني انو هاد زيتون عم يمشي... ومن يوميتها لهلأ مستحيل قرب عالزيتون حتى لو دبحوني :cry:

[tmara]

انا مابخاف من الصراصير بس بقرف منها لدرجة مرعبة ...بس عندي فوبيا من شي تاني من
ابو بريص ..بموت رعبة وبقرف وكل شي بكرهو لهالمخلوق...لاني لما كنت صغيرة نط على
ايدي واحد .......لا ياربي مابدي اتذكر..
المهم مابحبون

[Kettya]

أبو ناجي حطيت إيدك عالوجع لأنو أكره شي عندي هو الصرصور و من بعده العنكبوت اللي لا يمكن أتحمل شوفو.. PDT_Armataz_01_35
بس أنا عندي فوبيا الأماكن المغلقة، مدري ليش؟؟؟؟ :oops: ، و كمان المصاعد الكهربائية يعني مستحيل أطلع بالمصعد لحالي لازم يكون في معي حدا بس لحد الآن ما اكتشفت شو السبب..
PDT_Armataz_02_08

[أبو ناجي]

هههههههههههههههههههههههههههههههههههههههههههههههههه ههههههه

والله على كلام كل واحد ووحدة فيكون قرفت حياتي و زادت الصرصوروفوبيا معي لأعلى درجاتها فوق ما هيه زايدة هههههههههههههههههههههههههههههههه

لأ وشو ؟ أبو علي بالذات راح ( الله يجزيه الخير ) جاب صورة ( بروفيل ) خاص بصرصور من النوع المرعب المهاجم المستعد للإنقضاض الممتاز هههههههههههههههههه وليييييييييييييييي يعععع

بيغ بيبي انتي عندك حشـيـشـوفوبيا ههههههههههههههههههههه

بس ايمان ضحكتني عنجد من زيـتـونوخنفسانوفوبيا ..هيك اسمه مرضها
ههههههههههههههههههههههههههههه

سـاري اقل شي الجرادة نضيفة , وفي طبعا بدول الخليج بياكلو وجبة جراد مقلي ..عنجد والله , وحتى ضب مشوي بياكلوه ...عندهن هيك اكلات معتبرة وفوقانية ... هههههههههههههه

تـمــارا ..المسكينة الطيوبة رعبـناها اليوم هههههههههههههههههههه لك ابو بريص من اشد والد واخطر أعدائي فعلا , يخرب بيتـو على هالشكل خصوصا لما بيـهرب وبيتـخبا مثلا بشي مكان ...

بس الأخطر ويللي معقدني انا ياجماعة الخير ..إنـو في شي اسمه صرصور طـيـّـار ...

هاد للخطر والقرف وحدة بوحدة وشي ماصار هههههههههههههههههههههه

مرة في إحدى ليالي الصيف غير الجميلة , باعتباري بحب الشتاء جدا انا , المهم كنت سهران من سنوات طويلة عند جماعة يمكن بجديدة عرطوز قريبين من النهر ...عزموني الجماعة يوم جمعة هههههههههههههه على فكرة يمكن هي وحدة من الحوادث يللي زادت الصـرصوروفوبيا عندي ...قاعد بأمان الله عند هالجماعة بره بفسحة البيت ..ما اسمع إلا صوت تررررررررررك ..تررررررررررررررررد ترررررررد ..وفجأة حسيت شي عم يـتعربش على كتفي عالقميص ..انا اساسا قلت خلاص ..رحنا فيها ...بدي مد ايدي ومتردد من هيك خطوة خفت تكون متهورة و مانها محسوبة ..فعلا يلي كنت خايف منه حصل , لانو قلت يا ولد ..وقوع البلا اسهل من انتظاره , وفعلا حطيت ايدي وانا عم بعد هالشي بالغريزة حسيت وعرفت بالكارثة .. واضرب بإيدي وبحركة سريعة بعدت هالشي عن كتفي ..ماشوف الا شي انرمى مغمى عليه يمكن بالارض ..احزروا يا حزركون شو طلع...؟؟

فعلا طلع متل ما توقعت ...صـرصور عقيد طيار ههههههههههههههههههههههه

يخرب بيته قضى علي والله هههههههههههههههههههه

المهم شو بدي احكي لأحكي عن الفوبيات الماكنة ...مرة كمان هاجمني كلب ابن كلب كنت رايح بشغل لمدة ربع ساعة ودي غرض لناس بضيعة ..المهم قصة طويلة بعدين بنكملها .

شوية هدايا للجميع خوذ آغا أصليات : PDT_Armataz_01_11 PDT_Armataz_01_11 PDT_Armataz_01_11 PDT_Armataz_01_11 [smilie=41.gif] [smilie=41.gif] [smilie=41.gif]

[washiwash]

اي بالفعل .. الصرصور شي مقرف جدا جدا جدا

بس يعني مشان نعرف ..اذا الموضوع عن الصرصور اوكي .. بس اذا الموضوع عن الفوبيا .. سو مننقل الموضوع على منتدى القضايا الاجتماعية .. شو قلتو؟؟ :mrgreen:

[cowboy]

ولي على قامتي شو جاب سيرة الصراصير هلق
العمص إذا صعي والله أنا بموت رعبة من كل الحيوانات
بس عندي فوبيا من القطة مرة وكنت أنا ماشي بالحارة وطبعا رفقاتي المعليق ((جمع معلاق )) شالو القطة وحطوها على ظهري وأنا مو حاسس وضليت(( بقيت )) شي دقيقة وأنا مفكرها أيد رفيقي لأنو كنت مدموج بالحديث بلأخير حسيت في شي مو طبيعي درت وشي (( الوجه )) هيك ولا شفت هديك الشوفة ورمحت هديك الرمحة وانبحتت هديك البحتة ووقعت القطة وكان بأيدي طابة كرة الأجر رحت من كتر مالي معصب شطتها وأجت بنص القطة شلون والله العظيم ما بعرف بس بعدين عنجد من كل قلبي زعلت عليها لانو رجلها صار فيها رض وشعر ونثر ...

وأحلى أبو ناجي بالشرق الأوسط الجديد

8) 8) 8) 8) 8)

[lucifer]

ابووووووووووووو.. زيتون؟ العمى والله مشكلة يا بنتي... يعني ما بتاكلي زيتون؟ هاد الزيتون عنصر أساسي من عناصر العشاء والفطور... مهم جدا...
بالنسبة لموضوع الجراد... أنا بزماني قرطت جرادة... ههههههههههههههههههههههه.. وكانت مقرمشة...
الفوبيا اللي عندي بقا هي كلوستروفوبيا Claustrophobia بعيد عنكن... يعني اللي ما بيحب الأماكن المغلقة.

العمى شلة مجانين كلنا.. PDT_Armataz_01_11 PDT_Armataz_02_08 [smilie=pdt_piratz_:

[george]

ولله يا أبو ناجي ما بعرف شو بدي قلك......يعني الله يعطيك ألف عافية لأنو هلأ تغديت...وبصراحة...الصورة فتحتلي شهيتي بزيادة...كتر منون ها... [smilie=pdt_piratz_:

[أبو ناجي]

كيـتـيـا الطيوبة ههههه ان شاء الله ما يطلع لك فجأة لا صرصور حجم عائلي ضخم ولا حتى عنكبوت من النوع الممتاز الصحراوي الجميل الرائع الأطئوط الكربوج ههههههههههه

كاوبوي حبيب الملايين القطط درويشة مسكينة بس ما بلومك في ناس فعلا بتخاف منها , قول انا ما بفضل قرب من الحيوانات كلها متلك بس لما كنت فصعون كنت قرب منها مابيهمني..

لوسيفر عادي اذا سمعنا يوم انو عض فيل بيعملها هههههههههه فعادي كتير انو قرط جرادة ههههههههههههه ومكافأة للكلاستروفوبيا يللي بيعاني منها ..رح اعمل رحلة على حسابي خاصة بفوت انا وهوه للهرم خوفو عبر الممر الضيق جدا حتى نصل لغرفة الدفن ...مابعرف اذا بيعرفه هههههههههههه بس يللي بيعرفو رح يفهم معنى كلامي وعزيمتي ههههههه

جورج ياعمري اسف صدقني اني قرفتك بعد الغدا... منيح انك تغديت ..والا كان طار عليك الغدا ..

PDT_Armataz_01_11 [smilie=41.gif]

[mr.mask]

شو صرصور ما صرصور يا جماعة شبكن .. والله الزلمة أليف و لطيف صحي هو غليظ بس يعني و مقرف كمان و .. بس مو لهالدرجة ..

أنا ما بحب الصهيل تبع الصرصير .. :mrgreen: قصدي صوت الصرصير الكبيرة يلي قد الأحصنة .. ههههههههههههههههههههه ... يعني ما بخاف منها بس ما بحبها ..


يالله حلوة الصور و الصورة تبع الصرصور تبع أبو علي ولي شو مرتب حسيته و هادا يا سيدي شير أمير بالقبيلة تبعه .. يا سلااااااااااام




MR.MASK

[smilest]

بدي افهم شو أجت على بالك أبو ناجي هالسيرة من عند الصبح أنت ودارك

على قولة ستي يوه يوه يوه تمحقوا ههههههههههههههههه

[أبو ناجي]

والله يا سمايلست اجت على بالي وحدة بالشغل سألتها انتي شفتي شي مرة عقرب حقيقي وعالطبيعة , لأنو انا صرصور ما بتحمل شوفه , قالت ايه والله شفت كتير , مرة شفت بالبـر , يعني لما بيطلعوا بره المدينة , ومرة قال شافته بالجامعة في مكان عند سور حديقة الجامعة ولونه اسود , وشرحت هيه انو اللي شافته الأصفر اخطر من الأسود .....فلجتني والله ..مع انو شكل صـرصـور اللي جايبه أبو علي شكله اخطر من العقرب ههههههه

هههههههههههههه انا شفته عايش وضخم مرة وحدة وفي قصة صارت مشانه ..يقصف عمره على هالشوفة ...بعدين بنحكيها إذا الله عطانا عمر ...

وهي هدية مقدمة من محلات أبو ناجي لعقرب كـربـوج لئيم وخطير ورائع , وياريت آغا يفعس الرابط ويحوله بطريقته الخطيرة لكلمة ..عقرب كربوج ..مثلا يعني ههههههههه

عقرب كربوج لئيم وخطير ورائع بطريقة آغا الخطيرة لكلمة...عقرب كربوج...مثلا يعني...هههههههههه ([Only registered and activated users can see links])

[Star]

وليييييييي شو بصير فيني اذا شفت صرصور أو شي حشرة قدامي و الله بحس جسمي كلو عم يقروصني حتى لو كان بعيد عني.... PDT_Armataz_01_32 PDT_Armataz_01_02 PDT_Armataz_01_27

[queen]

ولي على سيرة الصراصير ..... لك من يومين اكلت رعبة من تحت راس هل الصرصور المجرم قال فكرت حالي عم اتخيل انو صرصور واقف جنبي قام طلع الخيال حقيقة وصحت هداك الصوت من الرعبة والا شو ابصفار حبشي وزنجي ومدري شو

بدي جميعة حماية الانسان من الصراصير لانو دمااااااااااااااااار شامل


ابوناجي ما بدنا نوصيك بالصراصير ..... وقت بدك تفعصهن لا تقسى عليهن

[batol]

السلام عليكم
غريب انا ما عندي و لا نوع فوبيا مع ان عندي نفس الشعور بالنسبة للكرابيج الي ذكرتوهم
و كل عيلتهم و قرايبهم من بعيد و قريب
بس مو خوف دخلكم ه الوضع شو اسمه .....؟

[sabrin]

تسلملي يا ابو ناجي على الصباح الحلو يلي صبحتني فيه.

[IMAN]

على سيرة الفوبيا من الكائنات الحية الغريبة الظريفة .. بعد ما شفت الصور يلي تحت .. بظن لازم يصير فيه نوع جديد من الفوبيا ممكن نسميه بحروسمكوفوبيا :? .. أي الخوف من البحر والسمك الغريب يلي ممكن يتواجد فيه :shock: :shock: :shock:

[أبو ناجي]

ايمان هي الصورة اكيد حقيقية ..............!!!!!!!!!!!!!

اسمعت انو في خدع بفوتوشوب بيعملوها بيركبوا مثلا راس ذئب على جسم سمكة...معقول تكون هي هيك؟؟ لانو اذا هي سمكة ....ادعوا كل المحبين للسباحة في الشاطىء نفسه .. :mrgreen:

[Star]

مستحيييييل شو هااااااااد...
لأ هاد أكيد مو حقيقي.... بس بتعرفو شكلو بضحّك هههههههههههه

[أبو ناجي]

ستار الرائعة ...

بتعرفي ليش مو حقيقي ؟؟

لسبب بسيط ...انو هالسمكة وبهيك جسم , شو بدها بكل هالحنك هاد ؟ الا اذا كانت بدها تطق حنك متل باقي السمكات الرائعات الأطئوطات الجميلات PDT_Armataz_01_11 PDT_Armataz_01_11 PDT_Armataz_01_11

لأنو بهيك بـاجـوء ..يعني ( بـاجـوق ) يعني ( فم ) لازم يكون الغذاء متناسب مع هيك انياب يعني كل يوم شي ثلاثة كيلو اربعة كيلو لحم فريسة ..بس مو متل هيك ..جسم السمكة مسكينه كربوجة ومركبين عليها انياب ضبع ههههههههههههههههههههههههه

والله ضحكت فعلا ... [smilie=41.gif] هي هدية لإيمان مشان الصورة ...بتستاهل الحبابة

[turk666]

يعني ما ضل مواضيع ينحكا فيها غير الصراصير والله العظيم شغلة
على فكرة انا كتير استفدت من المعلومات عن الصراصير يعني كتير كتير رح موت من المعلومات المفيدة هأ

[اميير]

هههههههههههههههههههههههههههههههههههههههههههههههههه ههههههه الله عليك ولله احلى ابو ناجي