سلحوفتي العجيبة [الأرشيف] - منتديات طريق سورية
المساعد الشخصي الرقمي

مشاهدة النسخة كاملة : سلحوفتي العجيبة

Star
27-08-2006, 17:39
أهدي هالشعر لسلحوفتي الأمورة :mrgreen:

سلحوفتي العجيبة حلوة و غريبة
سريعة و ركّيدة و أبداً مو لبيدة
رقبتها طويلة مع أنها صغيرة
بيتها قوي و أكلاتها كتيرة
نايمة فايقة حبابة
مع أنها ملعونة و دبّابة
ماما بدها تكبّها لأنها قرفانة
و عليها ببقى زعلانة
ما بيطلعلا صوت و لا رجفة مع أنو إلها إنف و بردانة
بتتمشى مع بيتها و بتشيل الشنتاية
أصابيعها حلوة و بتضل لزقانة
بس تشوفني بتركض حفيانة
و بتهضّم و بتبقى جوعانة
و من الحصى إجرها بتدوحس بتعود تبطّئ و تتمشّى تمشاية
بدي أخليها عندي فرحانة و من الهم أخليها حردانة
بغيّرلها المي كل يوم و بحطلها الجوجحانة
بتلعب مع حالها شوي و بترجع تعبانة
بتنام بلا أكل و يعليها شقدها جربانة
بتفيق دبلانة و نعسانة
و بس تشوفني بترجع مصحصحة و ضحكانة
بغسلها لأنها مزلهجة و بحطلها ريحانة
بمشيها عالطاولة تغيّر شكل و ما تبقى زهآنة
Sugar
27-08-2006, 17:52
ستاروووو ولى على قلبى جنيتى بنتى شو صرلك

كل هادا مشان السلحفة , بس بتعرفى انا كمان حبيت هل السلحفة مع انو ريحتا مو حلوة

بس فعلا طلع عندك موهبة الشعر :lol:
Aghalation
27-08-2006, 21:33
أنا جد وجدة غير ومهرجان أبها......سعيد بالمواهب التي ما فتئت تفتئ عضامي وعبتطلع بهالمنتدى..
حبيباتي كلياتكم ...قمامير...عساسيل...رحيقات أزهارات موردات....
لكم مني خالص...الحكي من عندي....
وقوموا تا نلعب سلة...يا الأسمراني...قوموا
sabrin
27-08-2006, 23:10
لك نيالها يا ريتني هي يا ستار . شو بنفع ولا لأ بدي جواب باسرع وقت ممكن.
turk666
27-08-2006, 23:23
ايههههههههه نيال هالسلحفة
بس حلوة والله في مواهب عنا هون
بيشو
28-08-2006, 11:59
ايها السلاحف اتحدو
أبو ناجي
28-08-2006, 12:07
لااااااااااااااااااااااااااااااااااااااااا لهون وبس هههههههههههههههههههههههههه

سـتار الرائعة معقول هيه شخصيا هجمت علينا بقصيدة سلحفاتيه عصماء ؟؟؟؟؟؟

هههههههههههههههههههههههههههههههههههههه

لك والله برافو عليكي احلى ســتار ....يا جماعة عنجد قصدية حلوة كتير وشي شغل فوقاني تماما ومنتاز ...

لاحظولي هالمفردات الخطيرة اللي استعملتها ستار هههههههههههههه

* ركّــيدة

* بتدوحس هههههههههههه

* الجوجحانة الخضرا متل شرحات سمايلست الخضرا ...شرحات بالسلاحف هههههههههه

* شقدها جربانة هههههههههههههههههههههههههههههههااااااااااي

* ايه انا ماعاد فيي بنوووووووووووووووووووووووووب هههههههههههههه

:mrgreen: [smilie=41.gif] [smilie=41.gif] [smilie=41.gif]
cowboy
28-08-2006, 13:45
عنجد عنجد بداية خطيرة وخطيرة كتير وين كنتي مخبية هامواهب هي هههههههه
aboali
28-08-2006, 15:58
الى المزيد من التقدم و الرقي في عالم السلاحف....و ياحبذا لو كانت من النينجا.....
Star
29-08-2006, 09:53
كانت مواهبي مكبوتة أيام الحرب... هلأ بديت تطلع.... :mrgreen:
أبو ناجي
29-08-2006, 10:04
ســتار ...

يا نجمة النجمات * وحلوة الحـلوات * وحسناء الحسناوات كلهن * وجميلة الجميلات *

لك ريـتـو الله ما يـكـبـت لك مواهب ...لا بحـرب ...ولا بســلم :mrgreen:

وهي هدية مني بتفتح شهيتك ونفسيتك ومواهبك كمانه ... استلمي


[smilie=41.gif] [smilie=41.gif] [smilie=41.gif]

بس أمانة ... خلي بالك منهون ...هدولة امانة برقبتك ..طفلاتي حبيباتي جميلاتي