لماذا يا أعرق اشعوب [الأرشيف] - منتديات طريق سورية

مشاهدة النسخة كاملة : لماذا يا أعرق اشعوب

سوري مغترب

07-07-2006, 03:54

بعد اغتراب دام عشرون عاماً تخللها زيارات قصيرة جداً لسورية
لكن خلال زيارتي الأخيرة وجدت :
عندما اقود سيارة في الشارع اشعر اني داخل حلبة ملاكمة وملاكمة حرة اي بدون قواعد للعب فكل الأخطاء مسموحة , طحش من جميع الجوانب , زمور متصل او متقطع (حسب نوع الشتيمة المطلوبة), صراخ من النوافذ ( يا حم....., يا حيو..... وهكذا)
اذا توقفت على الاشارة وهي حمراء يبدأ التزمير من الخلف وكأنني مخطئ , التقيد بقوانين السير شئ يكاد يكون معدوم .
اذا حاول طفل او رجل قطع الشارع فعليه الانتظار والانتظار الطويل فلن يتوقف احد ليسمح له بالمرور وعندما توقفت انا للسماح لأحد المارة بعبور الشارع أخذ ينظر للوحة السيارة مندهشاً فهل أنا من القمر ؟ :shock:
اعتقد اننا كنا من اعرق الشعوب ونحن اصحاب الحضارة الأموية فما الذي حدث ولماذا هذا التراجع الأخلاقي وهل من سبيل للعودة الى ما كنا عليه , :(
رجاء أفيدوني :cry:

العـGـيد

07-07-2006, 04:04

أي مو لهي الدرجة ...............

كلامك صحيح من حيث المخالفات والعيّ اللي عم يصير بالطرقات والعجئة ....... بس مو لهي الدرجة .

بيجوز اختلف عليك الوضع اذا كنت عايش برا البلد ,فأكيد رح تلاقي اختلاف كبير بين هون وبرا .

على كل حال ,أهلا وسهلا فيك معنا بالمنتدى والحمد لله على السلامة وطول بالك .

سيزارو .

Nart.k

07-07-2006, 04:14

لهالدرجة و أكتر و معك حق يا مغترب بس المصيبة الأكبر انو الي جوة سوريا تعودو عالوضع و فكروا انو هذا الوضع مو مشكلة كبيرة بتستاهل النقاش و التغيير هالي لازم يبدأ من البيت

Oppressor

07-07-2006, 04:15

Raneem_koub

07-07-2006, 04:19

لهالدرجة و أكتر و معك حق يا مغترب بس المصيبة الأكبر انو الي جوة سوريا تعودو عالوضع

و نحنا إلي عايشين برى سوريا عم نطر اندافع عنها لما بينحكا عليها هيك شي مع إنا عارفين إنوا معهن حق
يا ريت لو كل واحد قاد جنب السائق يشعروا بأنو عم يعملو غلط بس بشكل لطيف و مؤدب
و هيك ممكن يصير في تغير .....

THE SAVIOR

07-07-2006, 04:47

والله يا سيد (سوري مغترب) موضوعك صحيح مية بالمية.

والله رح نموت ونحنا عم نحكي نفس الكلام......

واللي بيضايقق :
جرب طلاع مع شي شوفير تكسي أو فان وأحكي معه ورح تنصعق بكلامه ونقده للنظام المروري وبأنه بيعتبر المشكلة حلها بسيط وواحد متله ممكن يحلها..............

وفي الحقيقة بيكون هو بحد ذاته مشكلة.........مالها حل........

وبكل الأحوال أنا بشكرك لهالموضوع المفيد
وبتمنى من كل واحد بيقرأ هل الموضوع أنو:
ما يهمل الموضوع ويبلش اصلاح بنفسه وبعدين باللي حوليه......
لازم نبلش بقا والله عيب.............

عيبببببببببببببببببببببببببببببببببببببببببببببببب ببببببببببببببب
من هون لبكرا .

سوري مغترب

07-07-2006, 15:23

اخي، بنصحك تخليك مغترب و لا ترجع. لك لو صحلون فيزا كان كل الشعب السوري طفش.............

شو حضارة اموين ما اموين؟ الاموين تبرو مننا و من امثالنا، صرنا اخر العالم، صرنا اذل خلق الله....بينخطف جندي اسرائيلي بتقوم الدنيا و ما بتقعد....بيموت 100 عربي كل يوم ولا حدى بيفتح تمو....

شغلتنا بس الزعبرة و الرياء و النفاق و الحسد، كل شعوب الارض عبتتطور و نحن عمنرجع لورى، بعد كم سنة بتشوفنا عايشين بالكهوف و عم نكتشف النار و الدولاب......

شكراً على رأيك الذي يدل على حبك لسورية الواضح من عصبية الجواب
لكن الغربة أصعب من الموت البطيئ وخصوصاً عندما يكون المغترب مثلك أي غيور على سمعة بلده من هنا علينا أن نبدأ
أي ان تشعل شمعة خير من أن تلعن الظلام أليس كذلك [smilie=boks2.gif]

جرب طلاع مع شي شوفير تكسي أو فان وأحكي معه ورح تنصعق بكلامه ونقده للنظام المروري وبأنه بيعتبر المشكلة حلها بسيط وواحد متله ممكن يحلها..............

وفي الحقيقة بيكون هو بحد ذاته مشكلة.........مالها حل........

أنا معك بس لو حاولنا ان نبدأ مع هذا السائق بحديث لطيف نفهمه فيه أن يكون هو الاستثناء ونمتدح قيادته اثناء وجودنا معه ونقول له اذا بقيت تتصرف بهذا الخلق الراقي مع الآخرين فإنك سوف تجبرهم أن يكونوا مثلك
ياسيدي لو أن كل راكب تكسي تصرف هكذا مع السائق لبدأ حل المشكلة الست معي في هذا [smilie=boks2.gif]

و نحنا إلي عايشين برى سوريا عم نطر اندافع عنها لما بينحكا عليها هيك شي مع إنا عارفين إنوا معهن حق
يا ريت لو كل واحد قاد جنب السائق يشعروا بأنو عم يعملو غلط بس بشكل لطيف و مؤدب
و هيك ممكن يصير في تغير .....

شكراً يارنيم على غيرتك الرائعة وثقي تماماً أن كل سوري مغترب يفعل نفس الشيئ
وأنا مع رأي السيد نارت بأن الناس الموجودين في سورية (البعض وليس الكل يانارت ) بدأت تعتبر الخطأ شيئ عادي, و من ناحية علمية وكمثال ليس إلا : اذا نظرت الى جدار ازرق مثلا ولفترة طويلة ثم حولت نظرك فسوف ترى كل شيئ حولك أزرق ايضاً ( وهذا ينطبق تماماً على رؤية السيد أبو الخل) [smilie=boks2.gif]

mr.baron

07-07-2006, 17:58

السوريون هم من أرقى شعوب العالم .. ولكن بنفس الوقت المشكلة هي الشوارع قبل السائقين ..
عندما يكون الشارع عرضه 5 أمتار يجتازه في الدقيقة أكثر من 200 سيارة ماذا تتوقع ..
ان الذين في الخرج عندما تكون الاشارة حمراء لايتجاوز الواقفين عليها 20 سيارة بينما على اشاراتنا يتجاوز الواقفون 150 سيارة ويصل الى 200 سيارة ..
هناك أخطاء في تنظيم شوارعنا ..
انظروا الى الشوارع والطرقات الحديثة التي تمهد حديثا مثل نفق الأمويين والعباسيين وأتستراد المزة وغيرها لاتجدون أي مشاكل مثل التزمير والعجقة لأنها صالحة لأن تسيرالسيارات بها أما في شوارع الشام القديمة فزيادة عليها أن تكون شوارع للدراجات ..

MR.BARON

*حنين*

07-07-2006, 18:35

شكراً لطرح الموضوع

بس أنا بعتقد انو الشغلة الوحيدة اللي عاملة هالشي بسوريا هي قلة النفط
لا نفط لا تحضر

[smilie=not.gif]

سوري مغترب

07-07-2006, 18:39

بس أنا بعتقد انو الشغلة الوحيدة اللي عاملة هالشي بسوريا هي قلة النفط
لا نفط لا تحضر

جوابك حقا غريب
و لماذا كل هذا التحضر في دول أوروبا رغم عدم وجود النفط برأيك؟؟؟؟
:shock:

*حنين*

07-07-2006, 18:42

شو بعرفني

MS_LORD

07-07-2006, 20:45

والله يا جماعة المشكلة كتير كبيرة و كتير عمنتدايق منها

و السبب الوحيد و الأوحد في بلدنا هو انعدام الذوق انعدامه بشكل غريب جدا

يعني بس يتحضر الشعب شوي و يصير عندو شوية ذوق بتصير شوارعنا احسن و بتصير العالم تحترم انظمة المرور

بس من وين بدنا نجبلهم ذوق

خلوها على الله

عوجااااااا

Raneem_koub

07-07-2006, 22:35

لورد لو كل واحد قال خليها على الله فسيبقى
الوضع على ما هو عليه و سنبقى نقول عوجااااا
لما لا نحاول التغيير و نبدأ الخطوة الأولى مهما كان الطريق طويل

سوري مغترب

07-07-2006, 22:42

الأخ العزيز بارون...
هل سبق و أن زرت إيطاليا أو ألمانيا أو اسبانيا؟؟
و تجولت في شوارعها القريبة من وسط المدينة أي مدينة كانت
لأنك ستجد أعداد كبيرة جدا من السيارات تقف على الإشارة في شوارع ضيقة دون أن ترى
ما تراه في دمشق
إذا المسألة أخلاق و احترام للقانون قبل أن تكون مشكلة شوارع

tmara

08-07-2006, 06:58

كلامك يا سوري مغترب ليس عليه غبار
فعلا لماذا يا أرق شعوب العالم ؟؟
المشكلة هي مشكلة وحدة....الكل بدو مصلحتو قبل مصلحة البلد..
هناك أخطاء في تنظيم شوارعنا ..
في شوارع بغير دولة ضيقة ومع ذلك منظمة...يعني وين المهندسين السوريين؟؟

بيعتبر المشكلة حلها بسيط وواحد متله ممكن يحلها..............

وفي الحقيقة بيكون هو بحد ذاته مشكلة.........مالها حل........

الشغلة كمان بالشعب ..والله لما بدي اقطع شارع بسوريا ..بدي ساعة..
وبدل ما توقف السيارة لمر ..بقلي حابة تنتحري يعني؟؟؟ وقوانين السير ..ما كأنو سمع فيا ..بدي افهم كيف أخد الليسن..