السوريون يحرقون 10 ملايين سيجارة يومياً

[العـGـيد]

تشير دراسات وإحصائيات أجريت أخيراً في سورية إلى زيادة عدد المدخنين من الذكور والإناث وإلى انتشار تدخين الأرجيلة بشكل كبير وواسع



مما حدا بمعظم المقاهي والمطاعم والفنادق وحتى الاستراحات والمقاصف والملاهي إلى وضع الأرجيلة في واجهة محلاتهم وفي صدارة الخدمات التي يقدمونها للزبائن.

وكثيراً ما يلاحظ الزائر للمدن السورية مئات العائلات التي تفترش الحدائق والمتنزهات والمسطحات الخضراء في فصل الربيع الحالي وفي فصل الصيف تحمل الأراجيل معها حيث الجميع يدخنها، نساء ورجالاً وشباباً وشابات. وفي مجال الدراسات والاحصاءات التي أجريت أخيراً في سورية، كانت هناك دراسة علمية أنجزها المركز السوري لأبحاث التدخين التابع للجمعية السورية لمكافحة السرطان اعتمد فيها القياسات الدقيقة للوزن والطول وضغط الدم ووظائف الرئة وغاز أول أوكسيد الكربون واعتماد طريقة دقيقة تستطيع تقصي مستويات تصل إلى عشر نانوغرام في الميليمتر لقياس تعرض غير المدخنين لدخان السجائر والأرجيلة من خلال قياس أحد مستقبلات النيكوتين (الكوتينين) في اللعاب في أحد المخابر المعيارية بانجلترا.

وتمت الدراسة على عينة عشوائية من (2038) منزلاً في مدينة حلب وللأعمار من 18 ـ 60 سنة حيث أشارت نتائج الدراسة إلى تفشي عادة تدخين السجائر بنسبة 60 % لدى الرجال و23% لدى النساء، وازدياد تفشي تدخين الأرجيلة ليبلغ معدل استعمالها 20% من الرجال و6% عند النساء بالإضافة إلى تعرض 98 % من غير المدخنين لدخان السجائر والمستويات إيجابية من الكوتنين في اللعاب ترافقت مع ازدياد في الأعراض التنفسية وتأثر وظائف الرئة.

واشارت الدراسة الى الانتشار الواسع لمرض ارتفاع الضغط الشرياني بين البالغين في مدينة حلب بمعدل 30%. وكانت إحصائية أخرى قد أشارت إلى أن السوري يدخن حوالي 700 سيجارة في السنة وأن عدد المدخنين السوريين يتجاوزون خمسة ملايين رجل وامرأة أي أنهم يحرقون يوميا حوالي 10ملايين سيجارة! وفي استبيان أجراه بداية العام الحالي 2006 فريق من طلبة كلية الصيدلة بجامعة حلب السورية وشمل (3378) طالباً وطالبة من مختلف كليات الجامعة وجد أن 35 % نسبة الطلبة المدخنين منهم 48% ذكور و12% إناث وأن نسبة الإناث المدخنات للأرجيلة 19% وحسب الاحصائية فإن التكلفة السنوية للمدخنين من طلبة الجامعة وصلت إلى 360 مليون ليرة سورية (حوالي 8 ملايين دولار أميركي) وهذا المبلغ يعادل أربعة أضعاف ميزانية جامعة حلب الاستثمارية السنوية.


مم نن قق وو لل = م ن ق و ل

سيزارو

[ملامار]

شكرا ابو الخل عموضوعك.....
بس حابة أسألك إذا انت بتدخن او لأ؟؟؟
بصراحة كتير استغربت لما كنت بسوريا وشفت الولاد الصغار ...ما بيجي عمرالواحد 13 سنة ..
ما سكلي هالسيجارة مسكة حريفة وطبعا معو عشرة عنغمتو وكمان معهن سجاير ... والله حرام .... لما شفتون اول سؤال سألتو لحالي وين اهلهم هدول ؟.... بس طلع الأهل أضرب من الولاد ..... الأب ما بتعرف اذا دخان ولا حشيش .... والأم ..... الله ....مع النسوان وهالأرجيلة ...
وطبعا في ناس ماشي حالهم بالأب بس وناس بالأم بس ...يعني مو الكل هيك ....
يعني والله ما بعرف شو بيحببهم في وشو الي بيخليهم يشربو ......ومع اني بابا الوحيد بالعيلة الي بدخن .... سألتو ليش بدخن وبضر صحتك ؟؟؟ قالي انو تسلاية .... برأي هيك شي ما أسمو تسلاية .....وإذا سألت حدا تاني خصوصا شب .. من برا العيلة ليش عم تدخن بقلي والله ...الهم
أي هم هادا؟ ... هادا هو بنظري الإنتحار ببطىء .....ونادرا لنلاقي خصوصا شباب ما بيدخنو ....
ما بعرف ليش والله إلي عندو فكرة يخبرني ؟؟

تسلم ابو الخل ..

[mr.mask]

حسد ولا ديقة عين ؟؟؟ :mrgreen:


الله يخلصنا منها ... يا رب ...

بس المشكلة انو العشرة مليون شو بدهون ينقصوا ؟؟؟ :mrgreen:





MR.MASK

[ريتاج]

يسلموا ابو الخل عالموضوع ...


بس حبيت اوضح لملامار ...

في ناس ماشي حالهم بالأب بس وناس بالأم بس

بس في كثير من الاحيان ... بكون لا الاب و لا الام الها دخل بتدخين الولد ... و بكونوا ما بعرفوا اذا بدخن و لا لأ ...
بهالحالة ممكن يكونوا الرفقاء السوء هموا السبب ...
و بالهالايام صار الشاطر الي بدخن ... و صار عندهم ادمان عليه ...


السموحة من الجميع ...

[ملامار]

بس في كثير من الاحيان ... بكون لا الاب و لا الام الها دخل بتدخين الولد ... و بكونوا ما بعرفوا اذا بدخن و لا لأ ...
بهالحالة ممكن يكونوا الرفقاء السوء هموا السبب ...
و بالهالايام صار الشاطر الي بدخن ... و صار عندهم ادمان عليه ...

والله يا ريتاج أنا عم أحكي بحالة عامة .........
وإذا الأهل ما بيعرفو فكمان الحق عليهم لأنهم ما بيعرفو يربو ....والرفقات أكيد إلهم دور ..

[mr.mask]

وإذا الأهل ما بيعرفو فكمان الحق عليهم لأنهم ما بيعرفو يربو ....والرفقات أكيد إلهم دور ..


بما أنو سموحة و سموحة .. ممكن أفهم شو دخل الدخان بالترباية ؟؟؟


أولا التدخين هي عادة ليس لها أي دخل بالتربية المنزلية ..
يعني بفهم منك انو يلي بيدخنوا مو مربايين ...


سمحيلي قول انو هادا المفهوم خاطئ جداً ... مع احترامي ..
لأنو مفهوم العصر الحجري ... مع احترامي .


MR.MASK

[ملامار]

نحن عم نحكي علي عمرو 13 سنة ودخن من ورا أهلو ....
وما عم قول اني المدخنين مش مترباين ..في فرق


وانا طبعا بعرف انها عادة بس انا عم احكي قبل ما تكون عادة

مع إحترامي كمان .....

[هيفين]

أختي ملامار أنا معكي في ردكي
أن التربية هي الأولى ودائما تأتي في المقدمة
ولكن للأسف الأب منصرف للعمل والمقابلات
والأم ما فاضية غير ((طق حنك)) مع الجيران
ومحلات المكياج و و و و و و و
وطبعا شيء طبيعي من الشاب أن يجد الدخان رفيقة عمره ولكن ليس الدخان بل الأجتماع على مدارس البنات
والجولات والسيارات و و وو و
ولكن عن ماذا نلقي اللوم هل على المجتمع أم الأهل أم رفاق السوق

وانهم كلهم مجتمعين مع بعض ولكن تأتي في المقدمة الأهل والتربية
ولكن أصبحت السيجارة الأن فخر للمدخن

((بتصدقي شفت طفل عمره سنتين حاطط بفمه السيجارة وعمته مفتخرة وتضحك الى تصرفاته
وهذه شوف عيني وعمره سنتين))
بقى الحق على مين مو الحق على الغبية عمته يلي فرحانة وميتة عليه

وبعض الامهات يفتخرون جدا بأمساك أبنهم للسيجارة وهذا كثيرا عندنا

وبقول الشاب اذا أهلي موافقين محدا له دخل
والأول بنكون بسيجارة وبعدين الله أعلم

وهذا الشي بدل على الكسل وعمى القلب من الأهل
بدل ما يصرفوا أولادهون للدورات التعليمية والتثقيفية والسباحة وأشياء غيرها
بس ليش هل السألة

وهلا في وقت رمضان نجد كثيرا من المدخنين
بدخنوا باليوم كروز دخان وبقولوا عما(( نفش قلبنا ))
بقى يامستر ماسك مو الحق على الأهل

وشكرا صديقي أبو الخل على طرحك القيم

[mr.mask]

ولكن عن ماذا نلقي اللوم هل على المجتمع أم الأهل أم رفاق السوق

عمو الله يرضى عليكي : ليش هالحكي .. المجتمع في شي مرة شدك من أيدك و قلك تعي دخني ؟؟؟
و لا الأهل في شي مرة شدوكي من إيدك و قالولك تعي دخني ... ؟؟ أكيد لاء .
بالنسبة لفكرة ملمار و الحكي يلي حكيتوا أنا كان عن الولاد يلي بعمر 13 سنة...
الله يرضى عليكي عمو مرة تانية يا ريت تقرأي ردي مرة تانية ..و الردود الباقية ..

ولكن أصبحت السيجارة الأن فخر للمدخن

:shock: ..

((بتصدقي شفت طفل عمره سنتين حاطط بفمه السيجارة وعمته مفتخرة وتضحك الى تصرفاته
وهذه شوف عيني وعمره سنتين))
بقى الحق على مين مو الحق على الغبية عمته يلي فرحانة وميتة عليه

:shock: :shock: :shock:
بس أنت بأول النقاش ما حطيتي أنو الحق على العمات كمان .

وبعض الامهات يفتخرون جدا بأمساك أبنهم للسيجارة وهذا كثيرا عندنا

بحماه يعني ؟؟ :shock:

وبقول الشاب اذا أهلي موافقين محدا له دخل
والأول بنكون بسيجارة وبعدين الله أعلم

بنكونوا بسيجارة و بعدين الله أعلم ؟؟ :shock: شو يعني ؟؟

وهذا الشي بدل على الكسل وعمى القلب من الأهل

شو دخل الكسل لبعمى القلب ؟؟

بدل ما يصرفوا أولادهون للدورات التعليمية والتثقيفية والسباحة وأشياء غيرها
بس ليش هل السألة

بالله ما ؟؟
دورات :shock: تعليمية :shock: تثقيفية :shock: سباحة :shock:
سألة :shock: :shock: :shock: :shock:

وهلا في وقت رمضان نجد كثيرا من المدخنين
بدخنوا باليوم كروز دخان وبقولوا عما(( نفش قلبنا ))
بقى يامستر ماسك مو الحق على الأهل


هلق ؟؟ :shock: رمضان :shock: ليش ما قلتولي ؟؟؟ :shock: والله ما لي صايم :shock:
لا حول و لا قوة إلا بالله ... يالله بصومه قضاء .. بس إيمتى بيخلص .. :?:


بعدين عموا من خلال خبرتي بهالموضيع برأيي أنو ما حدا بيلحق يدخن كروز :shock: بيوم واحد
كروز :shock: و الله كلمة كبيرة شوي متل الولد تبع السنتين من شوي ما :shock: :?:
يعني جد فاجأتيني :shock: و هلق أنا متفاجئ :shock:


يالله هلق برأيي تروحي تنصحي الولد يلي بيدخن من وقت عمروا سنتين أنو يبطل الدخان لأنو عيب ما ؟ يمكن كمان بيضر بصحته كمان ... و قليلوا يكتفي بشامبوا هامول ..




MR.MASK

[Raneem_koub]

يا شباب يلي بدخنوا اطلبوا من الله بصدق إنو يساعدكن تخلصو منها
و اتركوها بتئدروا جربو سوا اتفقو الصحاب سوا إنو كل واحد يمنع التاني يدخن
و خففوها شوي شوي مو تقطعوا مرة وحدة و بعدين ترجعوا ادخنوا أكتر من أول ...

يعني مالي عرفانة كيف بتعرفوا أديش هية مضرة و لسه بدخنوا الكبار و فهمنا ما كانت مبينة مخاطرها أد هلأ أما الشباب يلي فهموا كل يلي بتسببوا من سرطانات و إلتهابات و موت و ليسا بجربوها و بعدين بيتعلقوا فيها...

يا رب بعد كل شباب المسلمين عن هالسم..... قولوا آمين...

[هيفين]

عمو ماسك

يعني مانك مقتنع بحكيي

طيب هذا رأيك

[blackangel01]

أوف مو بس التدخين منتشر أب سوريا بس في في السعوديه في الكويت

كثيرررررررررررررررررررررررررررررررررررررر بس عن السعوديه أنا ولا مره شفت أحد يدخن وعمره

13 سنه وحتى الكويت ولامارت أنا مره بس حتى أب سوريا ما أتوقع أنو في أولاد عمره

13 أو تحت بدخنو كثير مضر له ألحين العجايز أو الرجال الكبر يقتلهم والمرأة أذا دخنت مره

خطر عليها هو عن خطر خطر وعن التدخين يعني كل الدول أكيد تستقبل منتجات الدخان

وراح أقول هذي معلومه قريتها سمعتها أنو البلاد كلها ألي بل عالم على الكرة الارضيه من

كثير التدخين صارت فتحه بل غلاف الجوي بتحديد فوق أسبانيا ووعن تحليل العلما يقلون

أنو مرره خطر أن أكبر الفتح وتحياتي