حكمة اليوم [الأرشيف] - منتديات طريق سورية
المساعد الشخصي الرقمي

مشاهدة النسخة كاملة : حكمة اليوم

ملامار
04-07-2006, 02:58
احبائي اعضاء منتدى سيريا باث .......

موضوعي مش مسابقة ولا لعبة ولا نقاش ...موضوعي عبارة عن أنو كل واحد بمر بمواقف بحياتو اليومية ..... إن كانت مواقف محرجة اومضحكة او محزنة .......انا ما بدي تخبرونا القصة .....
بدي كل واحد يكتبلنا شو اخد عبرة او حكمة بهاد اليوم بدون ذكر القصص يعني يلخصلنا ياها بجملة .......

هدفي :::: فهم بعضنا ...
:::: نعرف شو عم نعمل بحياتنا ...
:::: نشوف الحياة من منظور شخص اخر


مع خالص محبتي
Raneem_koub
04-07-2006, 03:01
أنا مريت من فترة بتجربة كتير صعبة
و العبرة يلي أخدتها من هالتجربة هي إني آخد برأي الأكبر مني لأنو أفهم مني و اقبل نصيحتوا

و بقولوا أكبر منك بيوم أعرف منك بسنة
ملامار
04-07-2006, 03:05
اما انا فكانت حكمتي اني الإنسان بدون شغل او دراسة مهما كانت الشغلة ....
متل الإنسان الميت لأني ما بينفع لو شوي ....
Nart.k
04-07-2006, 03:39
انا فهمت من الحياة انو مو كل شي بيجي بسهولة بضل,و كل شي بيجي بسهولة بضيع بسهولة
العـGـيد
04-07-2006, 03:54
من فترة كان عندي تجربتين كتير صعبين وكانت أول مرة بتعرض لهيك موضوع .. بافترة الأولى صارت عندي حالة كآبة شديدة وخوف ,بس بعدين الحمد لله صرت احسن وتعلمت انو الانسان مو باقي ولا خالد و الموت راحة للانسان .

موقف تاني بس معاكس : موقف مضحك للغاية لما لقطني استاذ وأنا عم قلدو وقام اكلت اللي فيه النصيب .

يوميتها تعلمت إنو ما اتمسخر على حدا ..مشان ما آكول أتلة :mrgreen:

شكراً ملامار على الموضوع المتميز حقاً .

سيزارو .
Rahaf
04-07-2006, 04:31
أنا تعلمت من الحياة أنو

لا تشكو للناس جرحاً أنت صاحبه .......لايؤلم الجرح إلا من به ألم
ريتاج
04-07-2006, 04:40
اتعلمت انو ...

ما بحك جلدك غير ظفرك ...

يعني فيد حالك بحالك ...

تسلمي ملامار عالموضوع ...
tmara
04-07-2006, 12:06
اليوم تعلمت انو لازم نتبع المقولة..
نم بكير وفيق بكير وشوف الصحة كيف يتصير..
شكرا ملامار حلوة الفكرة
ملامار
04-07-2006, 15:55
شكرا للجميع للمرور بموضوعي .....

ابو الخل ....قلتلي عم تتمسخر ... تعيش وتاكل غيرا ..
تمارا ...برافو عليكي .. هيك دايما نامي بكير وفيقي بكير ..
هيفين
04-07-2006, 15:59
أنا أخدت


لاتحسبوا رقصي بينكم طربا فالطير يرقص مجروحا من الألم


ولا ابتسامتي بينكم فرحا فالميت عند خروج الروح يبتسم


لا زم الانسان وقت بيشوف انسا ن لي قدامه فرحان ما لا زم يقول هدا مبسوط طول عمره



وشكرا على الحكمة
ريتاج
05-07-2006, 05:08
و الله يا اختي اما اللول ...
اليوم اتعلمت انو مهما شجعتي و اتعبتي و صيحتي ...
ما بتأثري بفريق حتى يفوز ...
شجعنا البرازيل و بكينا عليها و طلعت ...
شجعنا المانيا و بدنا اياها تفوز لانو بأرضها و طلعت ...
و الناقص انو اشجع الطليان عشان يطلعــــــــــوا ...
هاهاهاهاهاهاهاهاهاهاهاهاهاهاهاهاهاهاهاي ...
ملامار
05-07-2006, 05:10
شجعيهم با الله بركي بيطلعو .......:)
ريتاج
05-07-2006, 05:11
هيك مفكريه ...
بس مابدي الفرانس تفوز ...