من حزازير البيت الشامي

[smilest]

جزيرة خضرا سكانها عبيد, القفل من الله , مفتاحها حديد..ماهي

ياعمي يا ختيار مدندلة وقفتك على الديار بالشتا شغّال وبالصيف بطّال..ما هو

أسود ليل ما هو ليل, إله جناح ماهو طير,بيسكن الدار وما هو فار ,بياكل شعير وماهو حمار..ماهي

إصبعي أصفر ,مارخيص, عضيته عضه خلع القميص..ماهي

أخضر بالبستان ,أسود بالدكان, أحمر بطاسة الشربان..ماهو

احزروا ياحلوين هالحزازير .. بس لاتسألوا أهلكم سمعت دهيو هههههههههه

[Kettya]

يمكن عرفت اتنين منون...
أول وحدة:جزيرة خضرا سكانها عبيد, القفل من الله , مفتاحها حديد..ماهي
هي البطيخ مو؟ لونو أخضر و جواتو بزر أسود و الله خلقو مقفول :) و منفتحو بالسكين..

التانية: أخضر بالبستان ,أسود بالدكان, أحمر بطاسة الشربان..ماهو
هو الشاي .. :?: حزرت و لا ما حزرت؟ ;)

الباقي ما عرفت منون و لا وحدة ;)

[smilest]

تمام كيتيا شكراً لمشاركتك وبانتظار باقي الأجوبة هيييياااااااااااااا

[unicorn]

إصبعي أصفر ,مارخيص, عضيته عضه خلع القميص..ماهي

ممممممممممو الموز؟؟؟؟؟؟

[أبو ناجي]

ياعمي يا ختيار مدندلة وقفتك على الديار بالشتا شغّال وبالصيف بطّال..ما هو



يمــكن والله أعلم الصـوبيا الجميلة الرائعة ...المدفأة يعني

[smilest]

يا لطيف .. لك يا لطيف كيف هالنسوان ما بينسو شي، بطلت اسأل الحجة
برابوا عليك دهيو هيك بدي ياك تعتمد على حالك
أشكرك unicorn وبما أنكم حزرتم تقريباً الأحاجي لح نكمل


أسود ليل ما هو ليل, إله جناح ماهو طير,بيسكن الدار وما هو فار ,بياكل شعير وماهو حمار..ماهي بصيغة المفرد وماهم بصيغة الجمع

أنا الخفيفة , أنا اللطيفة. أقوم من حجر الوزير أقعد في حجر الخليفة بزيح العمايم وبخلي الحبيب نايم.. ما هي

الورد بالقفة, والمص بالشفة, والداخل بالداخل , والحمام بالآخر..ماهي

قرد حملك,قرد حملته, قرد حمل مخك..ماهم

عجوز ختيارة,هر زنارها , هرو عضامها.. ماهي

قاعة كبيرة, محّورة حيطانها مزّررة, فيها أربع ملوك وهي مسكرة.. ما هي

لبّاد فوق لبّاد من هون لبغداد .. ماهو

أنا تفاح جناين مقطّع بالصواني أي من مرق واشتهاني, مد إيده واشتراني..ما هي

يلا..يلا..يا حلوين احزروا لشوف [smilie=gelato.gif]

[smilest]

آسفة أبو ناجي الجواب هو المزراب.. وراحت عليك لأنو حزرها دهيو قبل منك

يلا احزير الباقيين لشوف