أبو ناجي
22-05-2006, 09:04
صباح الخير سيدتي ومداماتي وآنساتي المحترماتي جميعا في هذا المكان الطيب الجميل ...
معكم الشيف السوري الشهير في عالم الموضة والنسوان وطبخاتهن العلنية والسرية خادم الأكارم والمطيبين والمطيبات , الرائعون منهم والرائعات , لما قد فات وما هو آت , والمشهور بهيك آكلات , أبو ناجي , وبأكلة مشتركة من المبطخ السوري الإيطالي المشترك العالمي ..
طبعا هذه الأكلة أعتبرها من أجمل وأروع الأكلات التي لو أكلت منها كل يوم , ما بكل , ولا بمل , ولا بقول خلوها تفل ....
الفاصولية حـب , شو؟؟ الفاصولية حب .....
طيب ..ماشي .. هلىء سيدتي وآنستي وقطتي , كيف نحضر هذه الطبخة الممتازه ؟؟
شوفي وإليكي و خدي الطريقة ... متل العادة احضري قلم وورقة , أو لا تحضري قلم ولا ورقة , اكبسي الطابعة وبيمشي الحال ....
المهم ...
- المقاديــر , وهون شغلنا طبعا ..
- فاصوليا بيضاء / كيدني / كلاوي عادية , يعني مو عيشة خانم , ولا بيض العصفور ولا شي تاني.....عرفتيها؟؟ هيه نفسها الفاصولية الرائعة البيضا , بس لا تجيبي كونسروة معلبة , لا , اوعا انتبهي بتطلع مو طيبة , جيـبـيها فاصولية يابسة شي ربع كيلو مو أكتر حاليا ..
- علبة رب البندورة , يعني معجون الطماطم في روايات أخرى .
- لحمة غنم طازجة وانتبهي ما يغشك اللحام الشرير , لا تشتريها من ملحمة الاستقامة , بتروحي فيها بعدين هههههههههههه المهم , اسمعي , لحمة 200 غرام بتكفي , لانو بدنا ناكل فاصولية واللحمه يعني مشان الطعمة تصير طيبة مو بدنا ناكل لحمة , والا كنا طلبنا كباب او شقف وخلصنا من القصة , فهمتي ؟؟؟ طيب ..ماشي .. بنكمل المقادير ..
- سمنة جميلة ورائعة حيواني , او للمساكين تبعات الكولسترول وهالقصص التجارية اللي عم يضحكوا علينا فيها , جيبي مازولا , او العربي , او الحلبي ههههههههههه المهم زيت عباد الشمس او زيت الذرة او زيت الكاز هههههههههههههه لا اوعا يا بنت الحلال عم نمزح , زيت الكاز ما دخلنا فيه ...
- المهم , شوية ملح وفلفل اسود وكمون ... وشوفي شو رح يصير وشو رح نعمل , هاتي بالك لشوف ...
اول شي قبل ما تنامي بالليل هاد ازا نمتي وما فكرتي بشي قصة صايرة معك او انشغل بالك بشي حبيب او شي مشكلة مع جوزك او الاولاد او العيلة او الموظفين بالشغل او مديرك الاجدب او او او ..المهم شو تعملي؟ جيبي هالفاصولية اللي اشتريناها اليابسة يعني , وانقعيها بمي عادية , مي متل العادة وغرقيها تماما , الساعة اممممممم خليها الساعة عشرة منيح هيك , المهم , اتركيها لتاني يوم الساعة عشرة يعني شي 12 ساعة وازا اكتر مو مشكله لبين ما تجي من الشغل او تبدي الطبخة خليها 14 - 15 ساعة مو مشكلة بتصير طرية واسهل لأنها تستوي بسرعة ...المهم ..
الصبح بعد ما تفيقي وتغسلي وشك وتعملي شعراتك وازا ما رحتي للشغل شوفي شو رح تعملي / طبعا للرائعات يللي عندهن شغل نفس الشي بس خليها لما يرجعوا من الشغل / المهم , جيبي طنجرة جميلة ورائعة بتكفي شي صغيرة مو ضروري طنجرة كبيرة , حطيها عالنار , وحطي ملعقتين سمنة بلدي , او زيت مازولا بمقدار نص كاسة شاي او ثلاث ارباع الكاسة مو مشكله حسب ما بتبحي انتي او جوزك قوة الزيت او السمنة . المهم انا بحب السمنة خلينا بمعلقتين سمنة كبار تبع الاكل يعني مو تبع السكب , المهم , ذوبي هالسمنة و وبس تسخن سقطي هاللحمة تبع راس العصفور , وقلبي فيها وقلبي وقلبي وضلي قلبي فيها بعد ما ترشي شوية ملح يعني وفلفل اسود , لا تحطي الكمون هلق بيسود وتتصخم الطبخة , المهم حركي حركي حتى تحسي انو اللحمة استوت وتغير لونها بس مو تخليها تفحم وتسود أو تنسي الطبخة ازا اجا شي / موباي / لا تردي على حدا بهالفترة بالذات تبع السمنة واللحمة , بتصير حريقة بعدين لا سمح الله , وبالمناسة لا تلهيكي الطبخة او تبدي فيها الا تتأكدي ازا عندك اطفال وين الاطفال او ما عم يلعبوا بشي خطير او كهربا او يوقعوا من السرير او او او الخ ... معليش لا تزعلي من هالارشادات عالماشي اثناء الطبخة ..المهم , بعد ما تستوي اللحمة , انتي يا هل ترى شو بتكوني عملتي قبلها ؟؟؟ يا حزرك؟؟ بتكوني حضرتي من رب البندورة او معجون الطماطم مزيج يعني الصوص الجميل وهوه بيصير انك تجيبي ملعقتين كبار تبع اكل مليانين رب البندورة تضيفي عليهن مي شوي شوي وتحركي تضيفي شوي وتحركي حتى يصير المزيج متماسك ومتجانس تقريبا كمية ثلاثة ارباع لتر المي مو اكتر , هون بتسقطي الفاصوليا يلي كنتي ناقعتيها فوق اللحمة يلي استوت وتحركيهن مع السمنة وتقلبيهن شوي بس شي دقيقتين مو اكتر ...بعدين تضيفي المزيج تبع البندورة عليهن شوي شوي وانتبهي ما توسخي حالك او تعمليلك شي مصيبة , بعرفكون انتو النسوان هههههههههه خلي عقلك معك , المهم , تحركي المزيج وتقوي النار وتغطي الطبخة وما تنسي كل سبع دقايق و 19 ثانية تفتحي وتطمني عليها مشان ما تفور وتخرب الغاز وتطوف الدنيه , المهم , تتركيها عالنار حوالي يا بنت الناس اممممممم خلينا نقول 26 دقيقة و 52 ثانية , بتكفي هيك , وبتطفي النار وخلاص , بس اهم شي ما تنسي انك تكوني عاملة جنبها طبخة رز بشعيرية ممتازه لأنو بتدعمها تماما لهيك طبخة , عن الرز بشعيرية بنحكي بعدين , لانو يعني مو صعبة كتير , ازا بدك سيدتي بشرحها بعدين , المهم الف صحة وعافية ....
معكم الشيف السوري الشهير في عالم الموضة والنسوان وطبخاتهن العلنية والسرية خادم الأكارم والمطيبين والمطيبات , الرائعون منهم والرائعات , لما قد فات وما هو آت , والمشهور بهيك آكلات , أبو ناجي , وبأكلة مشتركة من المبطخ السوري الإيطالي المشترك العالمي ..
طبعا هذه الأكلة أعتبرها من أجمل وأروع الأكلات التي لو أكلت منها كل يوم , ما بكل , ولا بمل , ولا بقول خلوها تفل ....
الفاصولية حـب , شو؟؟ الفاصولية حب .....
طيب ..ماشي .. هلىء سيدتي وآنستي وقطتي , كيف نحضر هذه الطبخة الممتازه ؟؟
شوفي وإليكي و خدي الطريقة ... متل العادة احضري قلم وورقة , أو لا تحضري قلم ولا ورقة , اكبسي الطابعة وبيمشي الحال ....
المهم ...
- المقاديــر , وهون شغلنا طبعا ..
- فاصوليا بيضاء / كيدني / كلاوي عادية , يعني مو عيشة خانم , ولا بيض العصفور ولا شي تاني.....عرفتيها؟؟ هيه نفسها الفاصولية الرائعة البيضا , بس لا تجيبي كونسروة معلبة , لا , اوعا انتبهي بتطلع مو طيبة , جيـبـيها فاصولية يابسة شي ربع كيلو مو أكتر حاليا ..
- علبة رب البندورة , يعني معجون الطماطم في روايات أخرى .
- لحمة غنم طازجة وانتبهي ما يغشك اللحام الشرير , لا تشتريها من ملحمة الاستقامة , بتروحي فيها بعدين هههههههههههه المهم , اسمعي , لحمة 200 غرام بتكفي , لانو بدنا ناكل فاصولية واللحمه يعني مشان الطعمة تصير طيبة مو بدنا ناكل لحمة , والا كنا طلبنا كباب او شقف وخلصنا من القصة , فهمتي ؟؟؟ طيب ..ماشي .. بنكمل المقادير ..
- سمنة جميلة ورائعة حيواني , او للمساكين تبعات الكولسترول وهالقصص التجارية اللي عم يضحكوا علينا فيها , جيبي مازولا , او العربي , او الحلبي ههههههههههه المهم زيت عباد الشمس او زيت الذرة او زيت الكاز هههههههههههههه لا اوعا يا بنت الحلال عم نمزح , زيت الكاز ما دخلنا فيه ...
- المهم , شوية ملح وفلفل اسود وكمون ... وشوفي شو رح يصير وشو رح نعمل , هاتي بالك لشوف ...
اول شي قبل ما تنامي بالليل هاد ازا نمتي وما فكرتي بشي قصة صايرة معك او انشغل بالك بشي حبيب او شي مشكلة مع جوزك او الاولاد او العيلة او الموظفين بالشغل او مديرك الاجدب او او او ..المهم شو تعملي؟ جيبي هالفاصولية اللي اشتريناها اليابسة يعني , وانقعيها بمي عادية , مي متل العادة وغرقيها تماما , الساعة اممممممم خليها الساعة عشرة منيح هيك , المهم , اتركيها لتاني يوم الساعة عشرة يعني شي 12 ساعة وازا اكتر مو مشكله لبين ما تجي من الشغل او تبدي الطبخة خليها 14 - 15 ساعة مو مشكلة بتصير طرية واسهل لأنها تستوي بسرعة ...المهم ..
الصبح بعد ما تفيقي وتغسلي وشك وتعملي شعراتك وازا ما رحتي للشغل شوفي شو رح تعملي / طبعا للرائعات يللي عندهن شغل نفس الشي بس خليها لما يرجعوا من الشغل / المهم , جيبي طنجرة جميلة ورائعة بتكفي شي صغيرة مو ضروري طنجرة كبيرة , حطيها عالنار , وحطي ملعقتين سمنة بلدي , او زيت مازولا بمقدار نص كاسة شاي او ثلاث ارباع الكاسة مو مشكله حسب ما بتبحي انتي او جوزك قوة الزيت او السمنة . المهم انا بحب السمنة خلينا بمعلقتين سمنة كبار تبع الاكل يعني مو تبع السكب , المهم , ذوبي هالسمنة و وبس تسخن سقطي هاللحمة تبع راس العصفور , وقلبي فيها وقلبي وقلبي وضلي قلبي فيها بعد ما ترشي شوية ملح يعني وفلفل اسود , لا تحطي الكمون هلق بيسود وتتصخم الطبخة , المهم حركي حركي حتى تحسي انو اللحمة استوت وتغير لونها بس مو تخليها تفحم وتسود أو تنسي الطبخة ازا اجا شي / موباي / لا تردي على حدا بهالفترة بالذات تبع السمنة واللحمة , بتصير حريقة بعدين لا سمح الله , وبالمناسة لا تلهيكي الطبخة او تبدي فيها الا تتأكدي ازا عندك اطفال وين الاطفال او ما عم يلعبوا بشي خطير او كهربا او يوقعوا من السرير او او او الخ ... معليش لا تزعلي من هالارشادات عالماشي اثناء الطبخة ..المهم , بعد ما تستوي اللحمة , انتي يا هل ترى شو بتكوني عملتي قبلها ؟؟؟ يا حزرك؟؟ بتكوني حضرتي من رب البندورة او معجون الطماطم مزيج يعني الصوص الجميل وهوه بيصير انك تجيبي ملعقتين كبار تبع اكل مليانين رب البندورة تضيفي عليهن مي شوي شوي وتحركي تضيفي شوي وتحركي حتى يصير المزيج متماسك ومتجانس تقريبا كمية ثلاثة ارباع لتر المي مو اكتر , هون بتسقطي الفاصوليا يلي كنتي ناقعتيها فوق اللحمة يلي استوت وتحركيهن مع السمنة وتقلبيهن شوي بس شي دقيقتين مو اكتر ...بعدين تضيفي المزيج تبع البندورة عليهن شوي شوي وانتبهي ما توسخي حالك او تعمليلك شي مصيبة , بعرفكون انتو النسوان هههههههههه خلي عقلك معك , المهم , تحركي المزيج وتقوي النار وتغطي الطبخة وما تنسي كل سبع دقايق و 19 ثانية تفتحي وتطمني عليها مشان ما تفور وتخرب الغاز وتطوف الدنيه , المهم , تتركيها عالنار حوالي يا بنت الناس اممممممم خلينا نقول 26 دقيقة و 52 ثانية , بتكفي هيك , وبتطفي النار وخلاص , بس اهم شي ما تنسي انك تكوني عاملة جنبها طبخة رز بشعيرية ممتازه لأنو بتدعمها تماما لهيك طبخة , عن الرز بشعيرية بنحكي بعدين , لانو يعني مو صعبة كتير , ازا بدك سيدتي بشرحها بعدين , المهم الف صحة وعافية ....