يحرء حريشك يا فاطمة شو دحكتينا!!!

[bigbaby]

عدل من قبل bigbaby

[Star]

ههههههههههههههههه بقى هيكه... و الله ما لي خبر أنو هو هيكه معو... و هي هيكه بدها تنتقم... طيب ليش هيه هيكه... و ليش هو هيكه... يلا مو مشكلة ان شا الله بتنحل مشكلتها هيكه [smilie=pdt_piratz_:
صبااااااااح الخيـــــــــــــــــــــــــــــــــــــــــر.... ......

[IMAN]

يحرء حريشك يا بيغ بيبي شو دحكتيني [smilie=27.gif]



واضح انو هالبنت هيكه عرفتي شلون [smilie=pdt_piratz_:

[smilest]

ياعليكي يابيغ بيبي شلون أتني هيكه ..بتنزعجي هيكه من العالم هيكه.. خليها تعرف هيكه شلون تشرح قصتها هيكه......عرفتي شلون عليي هيكه.
[smilie=bash.gif]
PDT_Armataz_01_35

[Aghalation]

[align=justify:0b6c77799c]يحرق حريشك يا بيغ بايبي...هادا البرنامج إذا صدقني حزري إسمو "فش خلقك" (بتتذكر أبو عصام؟؟ بالتاكسي طلعة الاطفائية القديمة؟؟)
هاد البرنامج يا سادة عبارة عن إبداع وتألّق لا مثيل له.
والحلقة الوحيدة إللي اتفشكلنا فيها بالصدفة كانت كالتالي..

المذيعة: ألو برنامج فش خلقك.
المتصلة: ألو مرحبا أنا بدي أفش خلقي...
المذيعة: أهلا وسهلا تعرفينا بحالك؟؟
المتصلة: أنا عيشة...
المذيعة: وقديش عمرك يا عيشة...
عيشة: 14 - 15 هيك شي...
المذيعة: تفضلي احكيلنا شو مشكلتك يا عيشة ومعنا بالاستوديو الدكتورة (ما بتذكر اسمها) الاخصائية الاجتماعية مشان تساعدك...
(ما بتذكر اسمها): أهلين عيشة اتفضلي احكي...
عيشة: هادا أنا في واحد بدو يخطبني وبيحبني ميكن...وكنا نشوف بعض بعد المدرسة...بس هاي أمو ما رضيت يخطبني...قال سألت علينا...قال نحنا عيلة قوادر..
المذيعة مع محاولات إمساك الضحكة: وهالحكي مظبوط ياعيشة؟؟
عيشة: لا وحق الله...لأ نحنا كتير حبابات...حبابة أنا...وهادا حكي بس...هو صار كذا مرة إجوا ناس بدون يخطبو من عنا ... بس العالم تقولون علينا بنات قادرات...بس والله نحنا مو هيك...حبابة أنا
المذيعة: طيب وهلق شو السؤال اللي حابة تسأليه للدكتورة؟
عيشة: بدي أسأل إش أساوي...أنا بحبه بس عبفكر خلص أمه ما بدها تخطبني...بس يعني أضل معو على علاقة ولا أتركو؟؟ إش أساوي؟
(ما بتذكر إسمها): يعني بأي صف إني يا عيشة...
عيشة: صف التاسع...هيك شي..
(ما بتذكر إسمها): إي معلش هلق خليكي بالمدرسة وبدراستك وانسيه للشب وبكره الله بيبعتلك غيرو..
عيشة: طيب...معلش بس أختي بدها تحكي معك ...معلش؟؟
المذيعة: إي اتفضلي شو إسمها...؟؟
أختها: ألو مرحبا...
المذيعة و (ما بتذكر إسمها): أهلين..مرحبا..أهلين...تعرفينا بإسمك
أختها: فاطمة..
المذيعة: أهلين يا فاطمة شو مشكلتك...
فاطمة: أنا استاذي بالمدرسة بيحبني وطلب يخطبني...وإجت أمه..بس أمي ما وافقت قال عيلة مو زيادة...بس نحنا ما لنا شيفيين حالنا بس أمي قالت هادول ناس ما شي زيادة...
المذيعة: وبعدين شو صار؟
فاطمة: هو طلب مني نتم على علاقة مع بعض بدون ما حدا يدرى من أهلي...
(ما بتذكر إسمها): وشو استفسارك يا فاطمة؟
فاطمة: ما بعرف أنا إش أساوي...اوافق نبقى على علاقة أنا وياه؟ ولا ما أوافق..إش رأيك أساوي؟؟
(ما بتذكر إسمها): قديش عمرك يافاطمة
فاطمة: 15- 16 هيك شي...
(ما بتذكر إسمها): يعني يا فاطمة إنتي صف عاشر تقريبا..
فاطمة: هيك شي...
(ما بتذكر إسمها): إي يا فاطمة...عندك هلق مدرسة ودراستك أهم من هالشغلات ومن التفكير بهالقصص...و...

نزلنا عاليمين يستر عرضك...[/align:0b6c77799c]

[Star]

يحبون برص أقول.... شو هاد كل المشاكل عن العشق و الغرام و الخطبة ... مالون شغلة غير هالحكي... لأ و الأحلى فصعين الجن (هيك شي) محتارين و ما عم يعرفوا شو بدون يعملوا... ايه الله لا يلكعون الهي هيكه و هيك شي...

سلاااااااام.........

[lady]

هههههههههههههههههههههههههههههههههههه



والله يااحلى بيبي يعني بصراحة انو هيكه عجبني هالموضوع

وانو عندي مشكلة عاطفية هيكه بس بدي رقم تلفون البرنامج وهيكه

حبيتو كتير انو بحسنوا بساعدوا صف سادس هيكه

هههههههههههههههههه

روحي يبعتلك الهنى انتي واب النوف...ليك لهالكلام ليك بالله :)


انو سلام هيكه ولي عالهكه :)

[queen]

إذا صدقني حزري إسمو "فش خلقك"

يلي بدو يفش خلقة ويشوف لحالته حل مالو الا هاد البرنامج و يتصل على الرقم 2 صفر 2حمر 2خضر

برنامج اذاعي ما بعرف شو اسمو على محطة كمان ما بعرف شو اسمها فتحت عليها بالصدفة ...المذيعة بصوتها الحنون كانت عم تنتظر اتصالات ليحكوا فيها الناس عن مشاكلهم العاطفية وخصوصا مسألة الخيانة ...

اصلا ما ناقص غير نسمع فضايحن ومشاكلن لنملي وقتنا ... وياريت المذيعة بتعطين حل

يسلمو بيك بيبي

[أبو ناجي]

لك عنجد راااااااااااااائعة بيغ بيبي هههههههههههههههههههههههههههههههه

شو بدي قول بعد هالهيكه ؟؟ هههههههههههههههههههههههههههههههههههه

خطيرة رائعة ههههههههههههههههههههههههههههه

والله ضحكت ضحكات خطيرات مرعبات رائعات ههههههههههههههه

هيكه ههههههههههههههههههههه

شو ؟؟ تعلملو عالـ ((( مـوبـاي ))) هههههههههههههههههههههههههه

والله ما عرفت معنى كلمة تعلملو الا بهالنزلة من الناس بيحكوها هههههه الحمد لله ما بستعمل تعلملو ولا علملا ولا علملو هههههههههههههههه وهيكه شايفة كيف ؟؟ هههههههههههه

هههههههههههههههه وربي خطيرة جدا ورائعة هههههههههههههه وهيكه

[عاشق المساء]

يعني هلئ عنجد في هيك مشاكل

هههههههههههههههههههههههههههههههه

والله شي بيضحك

لا وكل بنت لسى ما كملت الـ18 وعندها هالمشاكل العاطفية كلها

الله يكون بعونهم وقت يوصلو للـ25 وما فوق

ييييييييييييييييييييييييييييي

بالتوفيق انشالله

[ZAREFAH]

ههههههههههههههههههههههههههههههههههههههههههههه

[Engelbert]

هههههههههههههههههههههه [smilie=27.gif] [smilie=26.gif]
و الله شي بهلك دحك يا بيغ بيبي ...
دخلك ما هدتو بعدين شي غنية تدل كلماتها على الفراق ؟ [smilie=dribble.gif]





سسسسسسسسيل برنامج الحب الأقوى في العالم... مع المقدم الشهير : مدري شو اسمو و الله ...




سلام ...
Engelbert

[العـGـيد]

يعدموني ياهون على هيك برامج .




دخلك ما هدتو بعدين شي غنية تدل كلماتها على الفراق ؟ [smilie=dribble.gif]

Engelbert

أنا من فترة كمان سمعت حلقة وكمان كنت بالمكرو

وباآخير فعلاً حطو غنية "لو مرجعتش ليا بقلبك تاني هنا ............ والله نسيت شو اسمها بس هي تبع أصالة"

THANK YOU

[bigbaby]

لك يحرء حريشكم حريش يا شباب وصبايا أديش انبسطت انكم ادحكتوا معي وهيكه ...صرلنا زمان ما ادحكنا ...من وقت ما انفتح "هداك الموضوع" عرفتوا شلون؟؟؟

بطريق يرحب بكم [smilie=pdt_piratz_:

[Victor]

حلو

بالمناسبة أنا سمعت البرنامج بيغ بيبي

و طقيت من الضحك بالسيارة

و هيكه

[smilie=11.gif]

[Engelbert]

هيك هيك صار ...
قال في واحد مرض هداك المرض ... شرب هداك الدواء ... مات هديك الموتة ... و هيك بعدين صار ... :mrgreen:





سلام ...
Engelbert

[Ayman syr]

[align=right:39c5b04649]مع احترامي لما كتبت بيغ بيبي ...و أنا لا أنكر أني أحب ما يسطر قلمها ..لكني أريد أن أقول :

ما في شي بيضحك ..

ما الذي يضحككم ؟ (هههههههههههه ..) وتقهقهون و تضحكون ...

تضحكون يا سادة على مشاعر ا لآخرين ؟..من الجائز أن هذه الفتاة كانت فعلا تعاني من مشكلة ..وهذا ما حباها الله من عقل و قلب ..فاتخذتموها سخريا ..

آه كان القصد الضحك على البرنامج الفاشل (كما ترونه)..لكنكم حكمتم عى البرنامج من المتصلة ..و خصوصا المستمعون منكم ..
و منهم السيد فيكتور الذي بالمناسبة سمع بالمناسبة البرنامج بالمناسبة بالسيارة بالمناسبة ....

و بالمناسبة :
البرنامج يا سادة يا كرام ..مقدم لكل شرائح المجتمع في دولة من دول العالم الثالث (سوريا) ولا فخر ..فماذا تنتظرون؟ ..
أن يتصل كل مشترك ليلقي حكاية غرامه بأبيات مسطرة في قصيدة شعرية موزونة وفق أحد بحور الشعر العربي ...
أم أن يقدم دراسة اجتماعية تحليلية سيكولوجية ..عن الأزمة التي يمر بها ....

لا يستطيع جميع الناس التفكير كما تفكرون سعادتكم (يا أصحاب القلم و الثقافة )...

أيمن [/align:39c5b04649]

[bigbaby]

[align=right:2deaa44b74]مع احترامي لما كتبت بيغ بيبي ...و أنا لا أنكر أني أحب ما يسطر قلمها ..لكني أريد أن أقول :

ما في شي بيضحك ..

ما الذي يضحككم ؟ (هههههههههههه ..) وتقهقهون و تضحكون ...

تضحكون يا سادة على مشاعر ا لآخرين ؟..من الجائز أن هذه الفتاة كانت فعلا تعاني من مشكلة ..وهذا ما حباها الله من عقل و قلب ..فاتخذتموها سخريا ..

آه كان القصد الضحك على البرنامج الفاشل (كما ترونه)..لكنكم حكمتم عى البرنامج من المتصلة ..و خصوصا المستمعون منكم ..
و منهم السيد فيكتور الذي بالمناسبة سمع بالمناسبة البرنامج بالمناسبة بالسيارة بالمناسبة ....

و بالمناسبة :
البرنامج يا سادة يا كرام ..مقدم لكل شرائح المجتمع في دولة من دول العالم الثالث (سوريا) ولا فخر ..فماذا تنتظرون؟ ..
أن يتصل كل مشترك ليلقي حكاية غرامه بأبيات مسطرة في قصيدة شعرية موزونة وفق أحد بحور الشعر العربي ...
أم أن يقدم دراسة اجتماعية تحليلية سيكولوجية ..عن الأزمة التي يمر بها ....

لا يستطيع جميع الناس التفكير كما تفكرون سعادتكم (يا أصحاب القلم و الثقافة )...

أيمن [/align:2deaa44b74]

[align=justify:2deaa44b74]مرحبا أيمن ...
المضحك بالموضوع مو الفتاة بحد ذاتها انما تناقضات المجتمع الكبيرة يلي حملتها القصة مرة وحدة، يعني مثلا الأخ وعلاقته السيئة مع اخته، الشي يلي حكاه لما عرف بالقصة من ناحية انو اذا بدك احكي مع شباب بس ما يكون رفيقي، الكذب واستجرار التعاطف من خلال قصة "هداك المرض" و"عملت حادث بالجيش"، التناقض بشخصية البنت من حيث انو منجرفة وراء قصة حب بسذاجة وغباء بينما هي كمان حربوئة وبتقدر تعمل مؤامرات مع صديقاتها وتسأل الناس عن أعراض "هداك المرض" ... المصيبة بقا بكونها عم تتصل لتسأل : هل ابقى معو أو لأ ؟؟؟؟؟؟؟؟؟؟؟
أنا اعتبرت الموضوع مضحك من شدة مأساويته ومن كتر التناقضات يلي احتوتها هالقصة البسيطة لانسانة بسيطة جدا عم تحاول تعرف شو يعني حب وشو يعني حبيب ...
بس هيك... سامحنا [/align:2deaa44b74]...

[Aghalation]

طول بالك أيمن...خودها بطولة البال...
اعتبرها يا أخي كوميديا سوداء...
في شي بيبكي أكتر من هيك قصة...خلينا نضحك على هاي معلش...
بعدين متل ما بنضحك بالنكت على شعب حمص بأكمله (ومع إنو مالو علاقة بالجدبنة) عبنضحك على شبه مشاعر هالمسكينة هاي...أو عبنضحك على مسكنتها مو أكتر..
مو كمان بنضحك على نوادر الأعراب...إي هيك اعتبرها هاي...

[أبو ناجي]

ياأيها الذين آمنوا لايسخر قوم من قوم عسى أن يكونوا خيراً منهم ولانساءٌ من نساءٍ عسى أن يكن خيراً منهن -

القضية لا تتعلق بسخرية من شخص بعينه أو أنثى بعينها , ما قالته بيغ بيبي هو عين الصواب وهذا ما قصدته , بالمناسبة , أنا لم اعتقد في البداية أن الموضوع هو حقيقي لأنني لم اتصور هذا السخف والتخلف والانحطاط العقلي والاجتماعي أن يصل لتلك الدركات المغرقة في رجعيتها وتفاهاتها فضحكت من الاسلوب الذي نقلت به المتميزة بيغ بيبي وبقالب من الكوميديا السوداء ما اضحكني على ما فيه من امور تدمي القلب للحالة التي آلت إليها بعض شرائحنا الاجتماعية من صور الابتذال والنفاق والرياء والتمسكن , نعم , أنا لا أسخر من أحد كوني لا أجد في نفسي تلك الرفعة والمقام الأسمى على الناس أبدا , بل لا أجعل من نفسي إلا دونا عنهم بإنسانيتهم فقط على أقل تقدير , لكن أن أعلم بعدها أن الأمر حقيقة وهو برنامج إذاعي , فهذه فضيحة وكارثة بكافة المقاييس , نعم كارثة , وهيكه , حق لي أن أضحك ممن ينشر فضائحه بنفسه على الملأ لفراغ ما , ولسخف ما , فهذا المكان كبرنامج ليس بعيادة لطبيب نفسي والفائدة منها كاذبة فلم نرواغ في الأمر ونحن نعلم أنها فضيحة ليست أكثر من ذلك , كان الأجدى لها ألا تفخر وتذيع خيباتها ونفاقها على الناس ونطالب نحن بعدم الضحك من الأمر , فالطارح ومن يطرح عليه والواسطة في الطرح جميعهم أهل لشد انتباه الجميع أنهم من أسوأ ما ابتلينا به ....

وهيكه وشايفين كيف؟

[Engelbert]

مرحبا ...
يا سيد أيمن ...
القضية ليست قضية ضحك بقد ماهي قضية أسف على هذه الفتاة و على هذه الأنواع من البرامج التي لا هدف لها الا الاتصالات التافهة و جمع المال من هذه الاتصالات ...
أنا من جهتي كل مرة أسمع فيها هذا البرنامج أشعر بالأسف على هذا الجيل ... أغلبية المتصلين في سن المراهقة ... و أغلبيتهم في سن الضياع العاطفي ...
و من الواضح أن الأنسة فاطمة في سن المراهقة و هذا واضح من أنها لا يوجد لديها مقدرة على الكلام و الشرح قصتها ... و هيكة يعني ...
و بصراحة أسمع الكثير من المراهقين و المراهقات أنهم يتابعون هذا البرنامج بالذات , و يبررون تعلقهم فيه أنهم يريدون أن يتعلمون الحب ...
قضية فاطمة أنها لا تعرف ماذا تريد ... خائفة من أخوها ... و الشاب الذي تحبه يلعب بها و بعواطفها و يقول لها أنه مريض لكي يستغل عواطفها ...




سلام ...
Engelbert

[unicorn]

يسلموا أيديكي بيغ بيبي وعن جد الموضوع بيضحك سواء كانت القصة حقيقية أو سلبة

أو حتى مدري هيكيه

:lol: