أكلة معتبرة [الأرشيف] - منتديات طريق سورية
المساعد الشخصي الرقمي

مشاهدة النسخة كاملة : أكلة معتبرة

mr.baron
07-05-2006, 03:17
هاي شباب وصبايا..........

أحيانا الواحد بحب يساوي أكلات ماتكون موجودة بكتب الطبخ............مبارح حبيت خبص شوي

وساويت أكلة كنت بتمنى أعزم الكل عليها بس يمكن في منكون دايقها لحنقلكون مكوناتها

بسكويت
زبدة
حليب محلى
وكاكاو نوتيلا


الطريقة
تطحن البسكويت جيدا
نسيخ الزبدة
تخلط الزبدة مع البسكويت والحليب جيدا حى تتماسك
ثم توقع في قالب وتزين بالكااكاو وقليلا من المكسرات حسب الرغبة
وتوضع في الثلاجة

وياريت كل واحد فاضي يساويها ويدوق ماطيبها ويدعيلي

mrbaron :mrgreen:
العـGـيد
07-05-2006, 03:25
والله شهيتني الأكلة بارون بيك

يللا بكرا جبلي منهامعك على الكلية بس لشوفك .

سلام
Rami
07-05-2006, 03:27
بصراحة أنا تنبل و ما بحب مد إيدي عل المطبخ!!
هاي الأكلة موجود شي منها جاهز بالسوق؟؟
على أي حال, mr. baron أنا بصراحة حبيتك و حابب نصير رفقا و تجي لعندي عل البيت, شو رأيك؟
ملاحظة: الحباشات و المواد الأولية على حسابي
smilest
07-05-2006, 07:43
عزيزي بارون هي الأكلة الي عم اتقول عليها هي اسمها سكسيه وهي أكلة كتير طيبة وبنصحكم اتجربوها

شكراً بارون للتذكير
bonbonaa1
07-05-2006, 11:51
يا حبيبي اي هي الاكلة للسمن وحدة بوحدة بس كتييييير طيبة وانا بعرفها ودايما بعملها

شو رايك بارون انا وياك وابو الخل اسمو الو مراء بالاكل نفتح مطعم خصوصي بهالاكلة

فكرة حلوة ما؟؟؟
bigbaby
07-05-2006, 11:58
أنا مأكدة انو السوكسيه تبعكم رح تاخد سوكسيه كتير كبير [smilie=pdt_piratz_:
Aghalation
07-05-2006, 13:12
هي الموضة من زمان إنو الشباب يربو سوكسيه متل أهل الخليج...... [smilie=bicycle.gif]
mr.baron
07-05-2006, 15:26
الحمد لله طلعت الأكلة طيبة شايف لحتى الكل حبها ......... طبعا كان موضوعي ناقص لأنو

ماكنت بعرف شو اسم الأكلة لحتى ذكرتنا فيها سمايل بس على فكرة هي الأكلة أنا اخترعتها

لحالي مشان ماتقولوا لاطشها ومشانك عزيزتي bonbonaa1 أنا موافق وأكيد أبو الخل والكل

موافقين أنو نفتح مطعم وأنا جاهز انت فصلي ونحنا منلبس ....بس أنا المدير ...

mr.baron
queen
07-05-2006, 19:13
عزيزي بارون هي الأكلة الي عم اتقول عليها هي اسمها سكسيه وهي أكلة كتير طيبة وبنصحكم اتجربوها

انا مع راي سمايسلت انو مافي اطيب من السوكسيه

يا حبيبي اي هي الاكلة للسمن وحدة بوحدة بس كتييييير طيبة وانا بعرفها ودايما بعملها

صح بتسمن بس طيبة جداااااااااااااااااااا وبالتالي عمرين الرجيم
العـGـيد
07-05-2006, 22:18
لك عنجد أنا زايد وزني شي 5 كيلويات خلال شي شهرين .

و بتروحو بتحطولي هيك أكلات بتشهي القلب وبتفتح القابلية على الأكل .

الله يسامحك بارون .

بس ولا يهمك أكيد رح كون معكون بتأسيس المطعم ,بس رح يكون المطعم مفلس لأنو أنا رح آكل كل شي ..... :mrgreen: :mrgreen: :mrgreen: :mrgreen:
Engelbert
08-05-2006, 01:24
مممممممممممممممم شو طيبة ...
بتعرفو في كمان من أكلات البسكوت أكلة كتير طيبة اسمها " كستر " بس مدري كيف بتصير و الله ...
يعني اول شي البسكوت و بعدين طبقة لونها اصفر بس و الله مدري شو هي الطبقة و بعدين طبقة شوكولاته مطبوخة و بعدين توضع في البراد لفترة من الزمن و تقدم و صحتين و ألف هنا ..........



سلام ...
Engelbert
bonbonaa1
08-05-2006, 09:57
شو بنت عمي فقستي الريجيم شايفتك

اه يا خائنة العهود عم تاكلي من ورايي PDT_Armataz_01_40 PDT_Armataz_54

بعدين ابو الخل تعا لهون شو تفلسلنا المطعم بدنا نحط اللي فوقنا واللي تحتنا لحتى نفتحو بتقوم بتجي عالبارد المستريح تفلسو اي لا حبيبي ما حزرت [smilie=pdt_piratz_: [smilie=pdt_piratz_:

بعدين بدنا نحط سمايلست هي المشرفة عالطبخ ايوه مو تجيبيلو ناس مالهن خبرة بالطبخ والاكل ;) [smilie=wsx.gif]

وانا المحاسبة مشان ابو الخل وبارون هو المدير [smilie=mosh.gif]

بس يا ترى شو بدنا نحط ابو الخل ؟؟؟؟؟؟؟؟؟؟؟؟
احسن شي نحطو للدواقة [smilie=clapping.gi: [smilie=cheer.gif] وهيك بتنقش معك يا عمي لكن.......... [smilie=23.gif]
queen
08-05-2006, 13:47
بتعرفو في كمان من أكلات البسكوت أكلة كتير طيبة اسمها " كستر " بس مدري كيف بتصير و الله ...
يعني اول شي البسكوت و بعدين طبقة لونها اصفر بس و الله مدري شو هي الطبقة و بعدين طبقة شوكولاته مطبوخة و بعدين توضع في البراد لفترة من الزمن و تقدم و صحتين و ألف هنا ..........

هي عن جد عملها كتير سهل وطيبة ويلي بحبها بياكلها بسرعة .... بس انجل بتقدري اذا بدك تحطي معها كاكاو وكمااااااااااان بتطلع رائعة جدا جربيها نصيحة وعزميني
mr.baron
08-05-2006, 22:14
ماشاء الله والله شي بيفتح النفس ................. ماتوقعت أنو كل هالناس تحب هالأكلة كل هالقد........... رب صدفة خير من ألف ميعاد على كل نشالله ياصبايا وياشباب صحة وهنا...
وبدنا نعمل تجربة حلوة قبل مانفتح المطعم؟؟؟؟؟ كل واحد بدو يدوق السوكسية يقي يايبعتلي رسالة مشان اعزمو عليها وندوقها أنا وياه مومشان شي بس مشان يربح المطعم.... وأنا رأيي
متل بونبونة أنو أبو الخل بدو يخسرنا مشان هيك أنا باعتباري المدير لحنحطو عالباب يستقبل
الزبائن........ فكرة حلوة شو بنبونة وسمايل موافقين؟؟؟

mr.baron
bonbonaa1
09-05-2006, 13:17
اوووووووووووووووووووووووووووه

هي فكرة جهنمية ما خطرتلي ابدا ابدا

انت الك مستقبل بادارة المطاعم

ومشان هيك رح كافئك وخلي اسم المطعم على اسمي انا (بونبونة للحلويات )

بادارة مستر بارون
بس على شرط بتكون الارمة لونها احمر ضارب مشان تبين منيح
ومنخلي ابو الخل يلبس اصفر مشان يعطي جمالية ويخلي الزباين تفوت بدون انتظار