كوسا محشي

[queen]

كوســـــا محشـــــي ...
============

المكونات :
=====
كوسا
رز
لحمة مفرومة
فلفل حلو
قرفة
ملح
زيت ذرة
صلصة
حامض
ماء

الطريقة :
=====
1-أكيد ننظف الكوسا من التراب و ننزع الرأس و نشطف قليلا من الكعب .
-نقوم بنقر الكوسا بالمنقرة أي تفرغ من محتوياتها شرط أن تبقى مغلقة من الكعب
3-نحضر الحشوة عبارة عن :
*رز إذا إفترضنا كوب واحد
*لحمة
*ملح حسب الزوق
*البهارات قرفة و فلفل و المفروض أن تكون كمية القرفة أكثر من الفلفل الحلو
*زيت ذرة حوالي ملعقة أكل .تخلط مكونات الحشوة مع بعضها
4-نبدأ بحشو الكوسا ولكن نبقى يقظين إلى الملاحظات التالية :
5_نحشي الكوسا نصفهى تقريبا أو ثلاث أرباعها لأن الأرز عند الطبخ بتضاعف حجمه و بالتالي ممكن أن تنفزر الكوسا إذا حشيناها كلها (يعني بيطلع الرز لبرا الكوسا)
6_لا نكبس الحشوة بأصبعنا داخل الكوسا (أي لا ندكها ) كي لا تنفزر أثناء الطهو
_إذا أردنا أن نجعل الحشوة تتجمع في الأسفل فقط يجب علينا طرق كعب الكوسا على يدنا
7-الطبخ على النار:
-نقوم بوضع الكوسا المحشي في طنجرة
-نغمرها بالماء ونضع ملعقة ملح في الوسط
-طبعا النار يجب أن تكون هادئة في جميع الطبخات
-عندما تبدأ الماء بالغلي نضع ملعقة صلصة في الوسط و هي سوف تنتشر لوحدها(أي ليس ضروريا أن تحركيها) و ممكن إضافة بندورة مقطعة للمرق
-بعد الغلي نفحص الكوسا إذا أصبحت طرية
-عندما تصبح قشرتها طرية أي ليسة قاسية نضع عصير حامضة واحدة
-يغلي المزيج 5 دقائق و تطفأ على الطبخة
ملاحظة : بعد الإنتهاء من الطهي يجب عليك أن تفصلي الكوسا من المرق لأننا إذا تركنا الكوسا في المرق سوف يتفزّر

وصحتين وهنا .......

[bigbaby]

أطالب بحذف هذا الموضوع فورا لأنه يتعرض صراحة الى الباذنجان المحشي، ويتضمن اساءات الى اليبرق والتماري بكعك.
أطالب لجنة الادراة بالتحرك سريعا وعمل تصويت فوري لايقاف مهزلة الكوسا وقد أعذر من أنذر ...

أقتبس:
"ويلكم ان نحن طبخنا "

[أبو ناجي]

هههههههههههههههههه اجمل واحلى شي ..ممكن أن تـنـفـزر الكوسا هههههههههه

- شكري الكامل للرائعة كوين ...ولي هنا ملاحظات على الكوسا محشي حشي جميل ورائع

- اولا عند حفر الكوسا , الحفر يحتاج لخيال وابداع , يجب سيدتي أن تستشعري بتوازن حسي ضمني عقلي بين طريقة الحفر والكوساية بين يديك , يجب ان تعامليها كما لو أنها تمثال او لوحة فنية , لا تضغطي كثيرا عليها , استعملي حدسك في معرفة هل وصلت الحفارة قعر الكوساية ام لا ؟؟ حاولي ( وطبعا مع الوقت والتكرار ) ألا تجعلي جلدة الكوساية الرائعة الخطيرة الممتازه سميكه فهذا يعكس عدم خبرة لو كان عندك نسوان بيشمتوا من طبخك , ثانيا اختاري كوسايات صغيرات جميلات , فهي اشهى واطعم واكثر جمالا في الطناجر والصحون ...

- أيضا سيدتي عاشقة الكوسا محشي , ربما في المراحل الاخيرة و الممتازه من الطبخة في لحظات فوران وغليان المرقة الجميلة , إن أردت كي لا تهرب الكوسايات هنا وهناك , تستطيعين أن تجعلي ثقل فوق الكوسا بطريقتي التالية , تأتين بصفيحة دائرية , تضعيها فوق الكوسا ثم تضعين ثقل ربما رخامة مربعة مسطحة نظيفة لهذا الغرض , وبالصحة والهناء مع تحيات الشيف ابو ناجي

[عاشق المساء]

شكرا كوين

راح احاولها بس ما بتوقع يطلع معي شي لنو حفرها صعب

الف شكر الك عالطبخة

كتير طيبة الكوسا المحشي يسلموووووووووووا

[bigboss]

ميرسي كتير كوين

بس هيك بس شم و لا تدوق أو حتى لا تشم ولا تدوق

يعني شوف و لا تدوق

على كل الأحوال ميرسي كتير على هالطبخة الظريفة و الطيبة كتير كتير كتير


:mrgreen: :mrgreen: :mrgreen: :mrgreen: :mrgreen: :mrgreen: :mrgreen:

[الصقر الرحيم]

بالمناسبة وعلى سيرة الكوسا عندي سؤال وجيه:

لماذا يستعمل تعبير (عضة كوساية) وليس (عضة باذنجانة أو عجورة أو قرعاية مثلا) للدلالة على سهولة الأمر أو قرب المسافة.

وأخيراً أتوجه بالشكر للعزيزة كوين على طبخاتها المفيدة.

[queen]

بيك بيبي شو ي شوي حجة لسا هلاء نزل من على النار ...قال حذف ومدري شو

ابوناجي وعاشق المساء لعادة صرتوا من اصحاب الطبخ والنفخ واللوص والحر

ابوناجي معلومات بالطبخ جيدة

عاشق المسا هههه عم تتعلم

بيك بوس الك مني صحن مليان محشي مع صحن لبن متوم بالنعناع

تحياتي..

[queen]

يا اخي صقر والله مشان التعابير بدك تسال اهل زمان يعني ست ستك عن السبب

[lady]

ممممممممممممم كوينو بالله كم كيلو كوسا من عندكن خيتو :)

يعطيكي العافية

وجبتي المفضلة :)

تحياتي

[IMAN]

يسلمو كوين عالموضوع...

على فكرة نحنا بالشام منضيف على مرقة الكوسا تمر هندي أو دبس رمان وليمون.. بتطلع كتير طيبة وحامضة.. بنصحكن تجروبها... :)

بالمناسبة وعلى سيرة الكوسا عندي سؤال وجيه:
لماذا يستعمل تعبير (عضة كوساية) وليس (عضة باذنجانة أو عجورة أو قرعاية مثلا) للدلالة على سهولة الأمر أو قرب المسافة.

فعلاً صقر سؤالك وجيه كتير... تعى لاشرحلك ليش بيقولو عضة كوساية.. مو عضة غير شي..

أنا بتصوري الناس يقولون عضة كوساية لأن فيها ميزة هامة وهي أنها تزمط في الفم بسهولة بسبب طبيعة سطحها الملس والمزبلط وبالتالي فهي تُؤكل بسرعة.. أي أنك لو مسكت كوساية بيدك وبدأت تأكلها فأنت لا تلبث أن تبدأ بأول عضة حتى تنتهي الكوساية... لذلك يقول الناس عضة كوساية للدلالة على سرعة انتهاء أمر معين.

ان شاء الله تكون اقتنعت بجوابي على سؤالك الوجيـــــــــه 8)

[smilest]

ياسلام عليكي ياكوين ذكرتيني بهالأكلة اسمو نزل هلء الكوسا البلدي سأطبخ هالأكلة لأولادي فهم يحبونها كثيييراً [smilie=78.gif] [smilie=baby.gif]
بس أنا بالنهاية أضع النعنع والثوم
يسلمووووووو

[mr.mask]

اممممممم عم قول لحالي من وين ريحة الكوسا عافة بهالمنتدى .......


الله شو هالريحة الطيبة ...


و الله يا كوين الله وصى بسابع جار ...... مالك عاملة ولا سكبة لمنتدى العام لأنو والله كنت عم أقرأ فيه و عم شم الريحة الحلوة بس ما طعموني مع الغدا كوسا ......



ايمتى العزيمة " الوليمة " انشاء الله تكون قريبة .....



ميرسي الك كوين على هالطبخة الطيبة .....
و الله يعطيك العافية .


MR.MASK

[الصقر الرحيم]

يسلمو كوين عالموضوع...

بالمناسبة وعلى سيرة الكوسا عندي سؤال وجيه:
لماذا يستعمل تعبير (عضة كوساية) وليس (عضة باذنجانة أو عجورة أو قرعاية مثلا) للدلالة على سهولة الأمر أو قرب المسافة.

فعلاً صقر سؤالك وجيه كتير... تعى لاشرحلك ليش بيقولو عضة كوساية.. مو عضة غير شي..

أنا بتصوري الناس يقولون عضة كوساية لأن فيها ميزة هامة وهي أنها تزمط في الفم بسهولة بسبب طبيعة سطحها الملس والمزبلط وبالتالي فهي تُؤكل بسرعة.. أي أنك لو مسكت كوساية بيدك وبدأت تأكلها فأنت لا تلبث أن تبدأ بأول عضة حتى تنتهي الكوساية... لذلك يقول الناس عضة كوساية للدلالة على سرعة انتهاء أمر معين.

ان شاء الله تكون اقتنعت بجوابي على سؤالك الوجيـــــــــه 8)

اقتنعت بإنك خدومة وحبابة :)
الله يخليكي لأهلك يا إيمان

[aboali]

ايوه....مواضيع الكوسا محشي منافية لقواعد و قوانين المنتدى بحسب القارارات التعسفية الجديدة....لكن منمشيلك ياها هل مرة. شكرا على هل وصفة الجميلة......بس نسيتي اللبن المتوم......

[أبو ناجي]

شــيخ المحشـي ...شـيخ المحشـي ...شـيخ المحشـي

الأخ أبو علي الرائع الجميل , انتبه وكن شديد الحذر بين أن تخلط بين الكوسا محشي وهي طبخة متفردة لوحدها , وبين طبخة أخرى هي ( شيخ المحشي ) أو ( شيخ المغشي ) في رواية أخرى بالاتفاق , الكوسا المحشي يا سيدي لا تحتاج لا لبن ولا ثوم , الا اذا كنت تقصد اللبن العيران مع الثوم ؟؟؟ ربما , هكذا أنت في السليم ...

أما عن طبخة شـيخ شيوخ المحشي العرب , ههههههههههه او شيخ المحشي الشهيرة

--------------------------- شـــيخ المـحشــــي ------------------------

سأشرح لك الطريقة سيدتي وسيدي في المنتدى وبالفعل كما أطبخها أنا شخصيا , يعني لا منقولة ولا منسوخة ....

سيدتي تعتبر هذه الطبخة هي الأثيرة والعزيزة على قلبي ولكن بشرط , أن تكون مطبوخة بطريقة احترافية بالفعل , وبالطبع لا ننسى بجانبها الصحن الأخطر والأهم و هو الرز بشعيرية ...

ما علينا ...

سيدتي احضري عشر كوسايات جميلات رقيقات من الحجم الصغير , قومي بغسل الكوسايات الرائعات المشرقات بشكل جيد , ثم قصي الجزء الأعلى من رأس الكوساية والتي هو أغمق بدرجة كبيرة من جسم الكوساية والذي يحتوي ربما نوع من الاشواك الكوساوية غير اللطيفة , ثم ازيلي الجزء الغامق في اسفل الكوساية على ألا تثقبي قعرها وانتبهي ولا يكون عقلك بمكان تاني وانت سيدتي في حالة صناعة شيخ شيوخ المحشي , لا صديق ولا حبيب ولا زوج ولا اي شي , ضعي عقلك فقط في طبخة شيخ شيوخ المحشي في هذه الفترة تحديدا ...

المرحلة الثانية عملية الحفر تكلمنا عنها في أنك يجب ان تعاملي الكوساية كما لو كانت لوحة فنية او شيء عزيز على قلبك ولا تضغطي عليها بيدك واتركي حدسك الناتج عن الخبرة هو المسؤول عن تحديد درجة رقة الكوساية او هل وصلت الحفارة على القعر , وانصح مرة اخرى خصوصا في كوسايات الشيخ المحشي يجيب أن تكون جلدة الكوساية رقيقة ...

المرحلة الثالثة بعد حفر الكوسايات الرائعات وتجهيزهن , احضري لحمة مفرومة الكمية التي انت ترغبين بها وتكفي لملىء عشر كوسايات او 17 كوساية , ضعي فلفل اسود جميل وقليل من الملح وبهارات وبصل مفروم في تتبيلة اللحمه , ثم قليها على نار جميلة حتى تحمر ارفعي اللحمه بعد الانتهاء ضعيها جانبا ..

الآن سيدتي , قومي بقلي الكوسايات الرائعات الجميلات حتى يقاربن الاحمرار كما لو أنك تقلين كوسا عادية , ولكن ابقيها على درجة قبل القلي الكامل مع شوية خضار يعني لازم ما تسوييها كتير , لانو بتفرط فرط رائع وتـتـبحتر بالطنجرة , المهم . واقلي سدادات الكوسايات معهن يللي اخدتيهن من اول حفرة من الكوساية الرائعة , بعد أن ترفعي الكوسايات عن النار بعد قليهن , ضعيهن جانبا , ثم المرحلة الآتيه سنشرحها لك .

الان سيدتي احشي حشيا محببا وانثويا رقيقا الكوسايات على واحذري هنا بشكل كبير , لا تملأي الكوساية كلها , فكما قرأنا سابقا من كوين , ربما تـنـفـزر انفـزارا رائعا وخطيرا , حاولي ان تملأي 83% من الكوساية , إن أول حفرة من الكوساية لا ترميها هي تكون السدادة نفسها التي ستسدين بها الكوساية فيما بعد كما قلنا .

بعد ان جهزت الكوسايات الرائعات الجميلات المحشيات الجاهزات , احضري كمية من اللبن ما يملأ طنجرة تتسع لـ 17 كوساية جميلة خففي من غلظة اللبن بالماء ولكن لا تجعليه مثل العيران ؟؟؟ بتخربيها ساعتها , خليه بشكل متماسك اقل شي , وضعي قليل من النشاء الجميل واكسري بيضة نيئة هذا من اجل الا يفرط اللبن ...ضعي المزيج على نار جميلة , هنا الامر الخطير جدا , يجب ان تحركي وتحركي وتحركي المحتوى وهو فوق النار ولا تتوقفي ابدا ولا لحظه , حتى ترين فقاعات جميلات رائعات بدأن بالنطوطة فوق سطح اللبن اشعارا انه بدأ بالغليان , توقفي عن الحركة مو مشكله , في الوقت الذي فات تكونين انت قد صففت الكوسايات الرائعات في طنجرة جميلة تيفال جانبا , ثم تأتين بالطنجرة التي كنت تغلين فيها اللبن الرائع وطبعا لاتنسين وضع الملح , هذا اهم شيء والملح بشكل معقول مو ترمي على ابو عماها , يعني اذا حدا معه ضغط دم وكترتي الملح بتقضي عليه وبتصير الاكلة بالنسبة اله للمسكين شيخ المحشي القاتل , لذلك تعاملي مع الملح بما يناسب افراد الاسرة , المهم . ضعي اللبن الذي اصبح جاهزا وهو ساخن فوق الكوسايات في الطنجرة التي كنا قد صففناهم بها , ثم بعد أن تغرق الكوسايات الحبيبات الرائعات في اللبن , ضعي الجميع فوق النار من جديد , وانتظري فترة لا تتجاوز 21 دقيقة وتسع ثواني , ثم تنتهي الطبخة بسلام وامان , والف وسبعمائة وتسعة وخمسين صحة على قلبكم جميعا ...

مع تحيات الطباخ حاليا المسالم أبو ناجي

[عاشق المساء]

الله محي الطباخ المسالم أب ناجي

تعملي دورة عندك مدفوعة الاجرة بعد ما اصير طباخ ماهر ويشغلوني بالشيرتون :mrgreen:

اش هاد يا رجل روعة عنجد شيهتوني الاكل العربي

بدي ارجع على سورييييييييييييييييييييييييييييييييييييييييييييييي يا واروح لعند اب ناجي ويعزمني عالشيخ المحشي

سولامز

[أبو ناجي]

حبيبي عاشق المساء الجميل هههههههههههه

والله بتنور البلد وهيه اساسا منوره بناسها الحمد لله كمان..

انا والله مو بالشام ياعمري بس باذن الله بعد بكره الجمعة مسافر لسوريه رح اقعد اسبوع فقط لا غير ...اذا بتحب انزل وانا بعملك احلى اكلات بالعالم لعيونك والله وكل مين بيحب كمان , حتى من التيارات الشيوعية والتيارات اليسارية والمحسوبين على الليبيراليين الجدد كلهم اذا ارادوا مدعوين لاحلى و اجمل الطبخات الرائعات بفترة وجودي هههههههههههه طبعا ازا فضيت لانو جدولي بالفعل مليان جدا ونازل باعمال ان شاء لله نقدر نختزلها ونلتفت للطبخ يعني كم ساعة بس ههههههههههه حبايب قلبي....معكم ومن مطابخكم لمطابخكم بكل جديد ...

وتحيات الطباخ المسالم صاحب الرايات البيضاء .. أبو ناجي ذو البرج العاجي , والقلب الارتجاجي , والمخ الانطعاجي , والبيت الزجاجي ههههههههههه

سلام مع الطبخات القادمة

[عاشق المساء]

ههههههههههههههه حبيب قلبي

بتمنى انزل واشوفكم بسوريا بس صعبة يا بو الشباب علشان الجيش

نازل عالسعودية بعد شهر انشالله . [smilie=45.gif]

ما بتقصر يالغالي ربي يخليك

الوصفات اللي بتحطها بتكفي وبتوفي

مشكور عيوني تحياتي الطيبة الك[smilie=45.gif]

[Aghalation]

أهدي تحياتي واحتراماتي وتشكراتي وامتناناتي...
للكوسا...
المحشي منها والشيخ والمفركة والمسقعاتي..
وإلى لب الكوسا عندما ينمعك بالثوم وينوء تحت تغميساتي..
وإلى اللبن المتوّم الرائب والعيران والبصل الأخضر والفجلاتي...
مع شديد اعتذاري لأبو العود وأب علي وابن عمي...هاتي...
(هو اسمه هاني بس مشان اشتغال المحل بالحركة المناسبة)

[align=justify:df69b62c1c]اسمحولي أضيف نصيحة مهمة للكوسا...بما إنو متل ما قال أبو ناجي مهم وعظيم جدا إنو تكون الكوسايات صغار..فوقت التنقاية بتقدّر حجم الكوساية على حجم السبابة وهادا مقياس مناسب بالنسبة لأصابع المرأة..
(طبعا ما في داعي أحكيلكون وقت كنت أنقي الكوسا على طول السبابة عندي وأجيب لأمي كوسا متنكر بهيئة قرع)
وبما إنو الكوسا صغيرة...فلازم التأني بالحفر..ومشان تعرف المرأة ما هو مقدار عمق الكوساية...فبتقدر تستعين بالتقدير القياسي...
أي أن..
بتمسك الكوساية بشكل شاقولي أو أفقي هي حرة..(هاي حرية للمرأة) وبتقيس العمق الأقسى للحفر بوضع حفارة الكوسا على طول الكوساية...ومن ثمّ...بتحط راس بنانها (وودعت ببنان عقده عنم...ناديت لاحملت..رجلاك يا جمل...يا جمل)
على حفارة الكوسا مطرح ما كان راس الكوساية عند عملية القياس....وهيك بيصير عندها مقياس طول الكوساية من جوه ومقدّر مباشرة على الحفارة..... وبتبلش الحفر شوي شوي بدون ما تاكل هم إنها تبعج نهاية الكوساية بالحفر...
ومن هذا وذاك نكتشف ونؤكد أن مرجوع المرأة....لهالصدر الرحب اللي عند الرجل :mrgreen: :mrgreen:
خليكوم عبتحكوا على الأكل...مرجعوكم كلياتكون على الفلافل

سلامززززز[/align:df69b62c1c]

[Star]

و الله يا آغا ذكرتني بحالي لما جربت أحفر كوسا لأول مرة... على أساس أنا سريعة و ما حدا قدي بحفر الكوسا [smilie=pdt_piratz_: ... فانبعجت الكوساية PDT_Armataz_01_04 ... و من وقتها ما بقى أحفر كوسا.. بس باكل...

[IMAN]

وبما إنو الكوسا صغيرة...فلازم التأني بالحفر..ومشان تعرف المرأة ما هو مقدار عمق الكوساية...فبتقدر تستعين بالتقدير القياسي... أي أن..
بتمسك الكوساية بشكل شاقولي أو أفقي هي حرة..(هاي حرية للمرأة) وبتقيس العمق الأقسى للحفر بوضع حفارة الكوسا على طول الكوساية...ومن ثمّ...بتحط راس بنانها (وودعت ببنان عقده عنم...ناديت لاحملت..رجلاك يا جمل...يا جمل)
على حفارة الكوسا مطرح ما كان راس الكوساية عند عملية القياس....وهيك بيصير عندها مقياس طول الكوساية من جوه ومقدّر مباشرة على الحفارة..... وبتبلش الحفر شوي شوي بدون ما تاكل هم إنها تبعج نهاية الكوساية بالحفر...
يعني ليس كل هالعذاب.. هلأ بدي اقعد آكل هم طول وعرض الكوساية وبدي قدر طول كوسايتي على طول الحفارة وبدي قيس عمق الحفر مشان ما تنبعج الكوساية... ليش كل هاللتة... منجيب الكوسايات محفورين وخلصنا 8)

يعني اذا الرجال اشتهى أكلة كوسا.. ضروري أنا ضيع نهاري كلو عالقياسات مشان ما ينبعجو الكوسايات.. شو أنا فاضيتلو هو وكوساياتو.. ورايي مشاغل أنا [smilie=41.gif]

[smilest]

أحسن الشي حبيبتي إيمان تزوجيلك شي واحد بيعرف يطبخ .. حطي بالبيت وروحي شوفي مشاغلك هههههههههه

[smilest]

ياسلالالالالالالام عليك يا أبو ناجي يارافع الرايات البيض والله مفكرتك غير هيك أي دائماً رافع الرايات الحمراء
وكمان فوق هاد بتطبخ الطبخ على أصوله نيالها يلي بدها تاخدك أكيد بكرة بتلف رجل على رجل وبتعد بتتزمر وبتتفتق على طبخاتها

[queen]

اولا شكرا لردودكم جميعاااااااااااا ..

مستر ماسك انا بعتت سكبة للمنتدى ليش مالك خبر ؟

ابوعلي فعلا انك حباب لانك ما حذفت الموضوع


بعد ان جهزت الكوسايات الرائعات الجميلات المحشيات الجاهزات , احضري كمية من اللبن ما يملأ طنجرة تتسع لـ 17 كوساية جميلة خففي من غلظة اللبن بالماء ولكن لا تجعليه مثل العيران ؟؟؟ بتخربيها ساعتها , خليه بشكل متماسك اقل شي , وضعي قليل من النشاء الجميل واكسري بيضة نيئة هذا من اجل الا يفرط اللبن ...ضعي المزيج على نار جميلة , هنا الامر الخطير جدا , يجب ان تحركي وتحركي وتحركي المحتوى وهو فوق النار ولا تتوقفي ابدا ولا لحظه , حتى ترين فقاعات جميلات رائعات بدأن بالنطوطة فوق سطح اللبن اشعارا انه بدأ بالغليان , توقفي عن الحركة مو مشكله , في الوقت الذي فات تكونين انت قد صففت الكوسايات الرائعات في طنجرة جميلة تيفال جانبا , ثم تأتين بالطنجرة التي كنت تغلين فيها اللبن الرائع وطبعا لاتنسين وضع الملح

ابوناجي وين كنت مخبي هل المواهب ... بس على فكرة شغلة اللبن يلي انت حطيتها اول مرة بسمع فيها والبصل مع التبلة كمان جديدة علي

عاشق المساء دروس ابوناجي غالية كتيرررررررررررررررر

اغا وانت كمان طلع عندك بعض المواهب الطبخية

ستار يا الله يا ستار معلش المرة التانية بيزبط الحفر

ايمان شكيرا على التفسير

ليدي وسمايلست شكرا لمروركم

بس شو القصة الكل صاير اهتمامو الاكل ؟؟؟؟؟؟؟؟؟؟؟؟؟؟؟؟

وتحياتي الى ان القاكم في الاكلة التالية .

[bigboss]

شكراً كتير كتير على الصحن

[Sugar]

شكرا كوين معذبة حالك بس انا ما بحب الكوسا

ممكن محشى بانجان بحبو كتير :)

[queen]

تكرمي شوكر ..انشا الله مع الوصفة التانية

[أبو ناجي]

يلا نسوان رائعات اطئوطات خطيرات ممتازات طيوبات ... [smilie=41.gif]
[smilie=41.gif]
يلا شمـروا و الى المطابخ ترا رمضان جاي علينا فورا ..

كوين ..انتي وعدتي الجماعة بعد الكوسا محشي ببانجان محشي مع اني عدو البانجان العالمي

هههههههههههههه

احسن من هالمحشي يللي صاير بره حشونا حشي ترا بالمواضيع المحشية حشي من هون وهنيك ...المطبخ احلى ...وأكثر أمنا مع انو فيه غاز ههههههههه

[queen]

يلا نسوان رائعات اطئوطات خطيرات ممتازات طيوبات ...

يلا شمـروا و الى المطابخ ترا رمضان جاي علينا فورا ..

امرك ابوناجي كو ها يالله عم البس المريولة النعومة بس بعد ما خلص هل كم شغلة رح اقوم اطبخ [smilie=62.gif] [smilie=41.gif] [smilie=62.gif] [smilie=41.gif]


كوين ..انتي وعدتي الجماعة بعد الكوسا محشي ببانجان محشي مع اني عدو البانجان العالمي

هههههههههههههه

ايه ايه خلص تكرموا ......... بس لزبط المقادير والاشياء والخ الخ الخ ......

لك اهلين وسهلين بابو ناجي وطلبات ابو ناجي الخنفوشارية .... مي السلامة خيووووووووو

[george]

لماذا يستعمل تعبير (عضة كوساية) وليس (عضة باذنجانة أو عجورة أو قرعاية مثلا) للدلالة على سهولة الأمر أو قرب المسافة
بصراحة أنا ما كنت عم نام الليل من ورا هالشغلة...وبالنسبة للحفر...أنا ماما ما بتخليني ألعب بالتراب....مشان هيك...اعذروني...