سؤال عن أكلة عربية [الأرشيف] - منتديات طريق سورية
المساعد الشخصي الرقمي

مشاهدة النسخة كاملة : سؤال عن أكلة عربية

عاشق المساء
02-05-2006, 19:38
مرحبا يا اعضاء

اليوم بالصدفة سمعت عن اكلة اسمها (( حراء بأصبعه))

ممكن حدا يكتبلنا الوصفة كاملة علشان نفسي اعملها ودورت لهلكت وما لقيت شي عالنت

لكن يرضى عليكم عالطريقة الشامية

لا حدا يقلي بحلب اسمها اصبعه بحراء ويعطيني وصفة من عالطريقة الحلبية :mrgreen:

عنجد اللي بيعرف هي الاكلة يكتب كيف بقدر اعملها حلبي شامي حمصي ما بيأثر

مشكورين سلف ;)

سولامز
ZAREFAH
02-05-2006, 20:19
صديقي الأكلة كتر طيبة بس كما صعبة التحضير....................

و هي مكونة من
عجين
عدس
تمر هندي
بصل
ثوم
كزبرة
زيت

بصراحة بدها شرح كتير......................
عاشق المساء
02-05-2006, 21:13
شكرا ظريفة عالمعلومات

بس شلون بعملها ؟؟؟

معقول ما حدا بيعرف كيف بتنعمل هي الاكلة

سولامز
الصقر الرحيم
02-05-2006, 21:52
لا تؤاخذني أخي العزيز فليس من شيمي الإعراض عن المساعدة ولكن كما سبق ووضّحت فإن معلوماتي عن فن الطبخ محدودة للغاية مع أنني (أكّيل مرّ) وذواق للأطعمة اللذيذة،
ولذلك أنصحك أخي العزيز بالتوجه إلى أحد العزيزات الثلاث:
Lady
Queen
Smilest
وأعتقد أنهن لن يبخلن عليك بالمساعدة.

تحياتي
عاشق المساء
02-05-2006, 21:54
شكرا الك صقر الرحيم

مرورك بيكفي الف شكر الك

وانا منتظر منهم المساعدة لأني بعرف انهم طباخات عربيات من الطراز الاول

شكرا
أبو ناجي
02-05-2006, 22:06
أولا : كوب عدس بنى مسلوق
2- باقتين كزبرة خضراء مفرومة
3- اربع حبات بصل متوسطة الحجم مقطعة شرائح رقيقة
4- رأس ثوم صغير و مدقوق
5- ثلاث ارغف من الخبز المقطع باليد بحجم صغير
6- نصف كوب عصير ليمون
7- ملعقتين دبس الرمان
8- رغيفين خبز مقطع مربعات صغيرة و مقلية

الان بعد ان سلقت العدس و استوى جيدا ضعى عليه الخبز المقطع الغير مقلى و اتركيه على نار متوسطة, ثم فى مقلاة قلبى البصل مع زيت زيتون حتى يحمر ثم أضيفى الثوم و حركيه قليلا ثم نزلى الكزبرة وبسرعة اطفئى النار, ثم ضعى ثلاث ارباع الكمية فوق العدس , واتركيهم 10 دقائق ثم أضيفى الليمون و الدبس الرمان بالاخر. و اتركيهم على النار لمدة 10 دقائق ايضا.
أسكبى الحراق اصبعه فى صحن كبير و زينى وجهه بالخبز المحمر وما تبقى من البصل و الثوم والكزبرة. و لاتنسى ان تضعى بجانب الحراق أصبعه مقبلات من المخلل و الفجل و البصل الأخضر و كلوا و ادعولى و بالهناء و الشفاء

مع تحيات الطباخ ابو ناجي
queen
02-05-2006, 22:09
والله نسبة الشباب يلي بيعرفوا يطبخوا جيدة
أبو ناجي
02-05-2006, 22:20
للأمانة أمام الله والوطن والتاريخ ...

فطبخة الحراق بأصبعه لست انا من كتبها مع اني بالفعل استطيع ان اطبخها , ولكن نقلتها من مكان اخر , ونصائح مطبخية ايضا .. اما عن نصائح طبخ الارز فهي من اختصاصي
عاشق المساء
02-05-2006, 22:26
حبيب قلبي أبو انجي احلى طباخ

عجبني هالمنتدى بدي اضل فيه ما عاد بدي ارجع عالعام:mr green:

كوين نحن الشباب طموحين كتير كتير
ZAREFAH
02-05-2006, 23:05
بس أصول الطبخة تكون بالعجين مو بالخبز و ثانياً بدل بدي الرمان يستعمل عصير التمر هندي

هي الأصول....بس مشان التنبلة في ناس بتعملها بالخبز أو المعكرونة
Star
03-05-2006, 08:54
طيب صحي ليش هيك اسمها!!!!!!!!!!!!!
يعني فيها أصابيع محروقة PDT_Armataz_02_22
عاشق المساء
03-05-2006, 09:41
ظريفة يستر عالكلاوي كلو شغال خيتو
بعدين تعي لقلك شغلة هون بالمكسيك ما بيقتنعوا بشي اسمه عجين من طحين بس في عجين من ضرة والضرة ما طيبة كتير فالاحسن اشتري خبز عربي واعملها بالخبز العربي وبالنسبة للتمر الهندي هدا ارخص من الرمان يعني راح اشتري تمر هندي
شكرا عالنصايح شبيبة


star PDT_Armataz_01_27

ما اختصاصي الاسماء انا
امبارح بالصدفة سمعت تنتين نوسان لبنانيات عم يحكوا عالاكلة بالنادي اللبناني وسألتهم كيف بيعملوها ضربوني بالكندرة PDT_Armataz_01_05
فقرر اعملها بأي وسيلة

اسألي غيري عن سبب الاسم PDT_Armataz_01_27
سولامز
ZAREFAH
03-05-2006, 11:23
الأسم طلع لأنو بتنحرق أصلبيعك و أنت عم تاكلها من قد مو طيبة


من عندي التفسي :)
bigbaby
03-05-2006, 11:44
في أكلة بتشبها اسمها "ستي زبئي" وهي أسهلك وتقريبا نفس الطعمة.:

بتسلق العدس لحتى يستوي وطبعا بتنئزوا بأنك تحطلو كاسة مي باردة وهو عم يغلي وبتقولوا "به"... بتسلخ فوقوا المعكرونة وما بتنئزها لأنو نجمها خفيف وبيجوز تعجن ...بتدج فوقن الملح والكزبرة والتوم وبتتركهن يغلو بقلب بعض ...
يعمش !!! نسيت قلك انو بتقلي اللحمة مع البصلة وبتضيفها مدري بانو مرحلة !!! يالله نام خفيف وبلالك كل هالأكلة [smilie=pdt_piratz_:
Aghalation
03-05-2006, 12:13
لك خيو حاج تهادا...لسه كل هادا بهاداك.. [smilie=pdt_piratz_:
خلص اللي ما بتعرف تطبخ تقول الأرض عوجة أو مايلة (مشان ماحدا يتفتق ويقول عوجه بكعك)... [smilie=31.gif]
لسه صعبة وطيبة وما بعرف شو
Speed
03-05-2006, 13:26
في أكلة بتشبها اسمها "ستي زبئي" وهي أسهلك وتقريبا نفس الطعمة.:

بتسلق العدس لحتى يستوي وطبعا بتنئزوا بأنك تحطلو كاسة مي باردة وهو عم يغلي وبتقولوا "به"... بتسلخ فوقوا المعكرونة وما بتنئزها لأنو نجمها خفيف وبيجوز تعجن ...بتدج فوقن الملح والكزبرة والتوم وبتتركهن يغلو بقلب بعض ...
يعمش !!! نسيت قلك انو بتقلي اللحمة مع البصلة وبتضيفها مدري بانو مرحلة !!! يالله نام خفيف وبلالك كل هالأكلة [smilie=pdt_piratz_:
أكلنا إذا هيك.... :shock:
Aghalation
03-05-2006, 13:44
أكلنا إذا هيك....
أي شباع مرق...أو مرء...أو مرئة أو مرقة...(ما خليت احتمال)
Star
03-05-2006, 13:48
أي شباع مرق...أو مرء...أو مرئة أو مرقة...(ما خليت احتمال
لأ في احتمال عاشر و هو ... مرقتون PDT_Armataz_02_22
بعدين شبها المرقتون مو أحسن ما تضلو جوعانين... يا حرااام..
smilest
03-05-2006, 13:58
عزيزي عاشق المساء طريقة أبو ناجي صحيحة وأنا لح أكتبلك اياها باختصار عسى أن تنال اعجابك
أحضر عجين رغيفين من الفرن وأقطع العجين قطعاًصغيرة بقدر الكشتبان( هل تعرف الكشتبان)
بعد رقها ثم اسلق كأساًمن العدس وأضيف إلى مرقته حمض التمر هندي والملح والعجين المقطع وتترك على النار حتى يستوي العجين .
ثم احمي الزيت البلدي وأقلي به البصلة وقسماً من العجين المقطع والكزبرة وأضيف نصف الزيت إلى الطبخة والنصف الآخر غندر به صحن للزينة
ثم صب فوقه الزيت البلدي المحمى
وصحتين وعافية
وإذاما زبطت معك بعتلو لأبو ناجي ليساويلك ياها على أصولها أسمو هلء رايق وجاية كيفوا على الطبخ
Aghalation
03-05-2006, 14:03
إي هاه..هاي الناس اللي خرج تمسك راس الدبكة PDT_Armataz_01_01 ...يعطيكي العافية smilest