مشاهدة النسخة كاملة : كبة لبنية
[Only registered and activated users can see links]
المقادير:
2.5كأس كبير برغل ناعم
1\4 ربع كغ لحمة هبرة
بصلة وسط
ملح -فلفل
الحشوة:
1\4 ربع كغ لحمة ناعمة
بصلة كبيرة
1\2 نصف وقية دهنة
جوز مفروم
ملح-فلفل أبيض
مقادير اللبن:
1 كغ لبن
بيضة
3 ملاعق طعام كورن فلور
رشة ملح
طرخوم
طريقة عمل الحشوة :
تقطع البصلة بشكل ناعم ثم تقلى السمنة حتى الذبول ثم نضع فوقها اللحمة الناعمة مع الجوز مع رشة ملح ورشة فلفل أبيض عند الاستواء يترك الخليط حتى يبرد ثم نضع فوق الجميع الدهنة استعداداًلحشي الكبة
طريقة عمل الكبة:
يصول البرغل الناعم ثم يضاف له البصلة المقطعة ورشة ملح واللحمة ثم يطحن بواسطة ماكينة الكبةالكهربائية وهكذا تصبح الحشوة الخارجيةللكبة جاهزة
نأخذ قطعة من الكبة بحجم الكرة الصغيرة ثم نجورها من الداخل لجعل حوافها رقيقة أو إن كان لديك آلة لصنع الكبة فبإمكانك استخدامها
تحشى الكبة باللحمة المقليةمع الدهنة ثم تغلقوهكذا تكرر العملية حتى الانتهاء من الحشوة
طريقة شي اللبن:
يوضع اللبن في طنجرة غميقة+البيضة+الكورن فلور +رشة ملح على نار مع التحريك المستمر حتى التماسك
يضاف ماء فوق اللبن السميك حتى يصبح وكأنه لبن رائب وعند الغليان تسقط الكبة داخل اللبن وتحرك باستخدام ملعقة خشبية لمدة 10 دقائق
في النهاية يوضع الطرخوم
يسكب المزيج في أوعية التقديم
وصحتين وعافية
SMILE
يا عيني على الكبة بلبنية شو طيبة .... يسلمو كتير بسمة على الغداء وانشا الله دايمة وبيت عامر وزاهر و.......
bonbonaa1
30-04-2006, 12:20
يا حبيبي عالاكل
شو انتو ناويين تفقسولي الريجيم
لسا كل يوم اكلة شكل وكل وحدة اطيب من التانية
بس والله مبينتها كتييييييييييييييييييييييييييييييييييييييييييير طيبة وبتطير العقل
رح اكل اصبيعي وراها
بس وينك يا ابو فراس تعا شوف هالكبة
شكرا سمايلست على الطريقة , بس هى لسا بكير لاطبخا
انا لسا فى المراحل الاولى من التعلم و هلق بلشت بالبيض المقلى :oops:
كمان انا بعرف اللبنية بنحطلا نعناع صح و لا هديك اكلة تانية !!!
على قلبك يارب
يسلمووووو سمايلست
والله جعنا لك خيتو :)
يعطيكي العافية’ صار لازم نعمل بوفيه :)
تحياتي
طيبة الكبة لبنية, بس في شغلة smilest
نحن عنا بحلب في شي بيسموه "الكوية" يعني إنه تكوي اللبن, كيف؟ سألتيني كيف
يا ستي بتقلّي كم راس ثوم مقطعين قطع صغيرة مع شوية سمنة أو زيت إذا بدك, تشويح عالنار يعني لوقت ما يحمر الثوم وبعدين بينحط فوق الكبة لبنية, طبعا هي آخر خطوة بالكبة لبنية وهي ما تسمى ب:"الكوية"
شو يا حلبية؟ مو عم بحكي صح أنا؟ لأنه هي كبة مو شوربة
بس يللي ما عرفته هو الطرخوم, ليكون هو نفسه الكوية؟ :shock:
يسلمو smilest
على هل طبق الشهي
ابوعصام فهمت عليك الكوية على مااظن للشيش براك بس
شي حشيم
و الله مبين عليها طيبة... بس ليش هيك باردة!!!!!!!
Engelbert
30-04-2006, 15:13
ميرسي سمايلستعلى الاكلة الطيبة .. ممممممممممممم شو طيبة و الله ...
أبو عصام شكلك بتحب بطنك كتير ... :mrgreen:
أنا من جهتي و يلي حولي ماحدا عرف هذه " الكوية " ممكن شرح مفصل من حضرتك ... أتمنى لو يكون الشرح عملي ... يعني شي صور " للكوية " ....
سلام ...
Engelbert
شكراً حبيبتي كوين بس شو عرفك أنو أخي أسمه زاهر وأبن عمي عامر؟ [smilie=pdt_piratz_:
شو بنبونة ليش عم تستعيني بأبو فراس شو فكرك لح يصدلك آبليتك [smilie=pdt_piratz_:
أما أنت ياسكر فأنصحك ببدء تعلم الطبخ بسرعة حتى تطعمي هالعريس الأكلات الطيبة
تسلميلي ياليدي أنا موافقة أعمل أنا وياكي شي بوفية :P
شوف سبيد [smilie=happy.gif] الكوية ما بعرفها حيث أنني شامية وكل الأكلات الي عم أقلكم اياها شامية والطرخوم نبات له طعم ذكي ولونه أخضر أي مثل الكزبرة وفي ناس يضعون عوضاً عن الطرخوم كزبرة وقليل من الثوم
سلامي لبيشو وستار وأنجولة مبين عليكم شوام ودايقين هالأكلة وصحتين وهنا
بس ألولي طيبة ..موطيبة :D
نحن عنا بحلب في شي بيسموه "الكوية" يعني إنه تكوي اللبن, كيف؟ سألتيني كيف
يا ستي بتقلّي كم راس ثوم مقطعين قطع صغيرة مع شوية سمنة أو زيت إذا بدك, تشويح عالنار يعني لوقت ما يحمر الثوم وبعدين بينحط فوق الكبة لبنية, طبعا هي آخر خطوة بالكبة لبنية وهي ما تسمى ب:"الكوية"
:shock: :shock: :shock:
طيبة كتير الأكلة سمايلست بس انا لسه :shock: !!!
طيبة الكبة لبنية, بس في شغلة smilest
نحن عنا بحلب في شي بيسموه "الكوية" يعني إنه تكوي اللبن, كيف؟ سألتيني كيف
يا ستي بتقلّي كم راس ثوم مقطعين قطع صغيرة مع شوية سمنة أو زيت إذا بدك, تشويح عالنار يعني لوقت ما يحمر الثوم وبعدين بينحط فوق الكبة لبنية, طبعا هي آخر خطوة بالكبة لبنية وهي ما تسمى ب:"الكوية"
سبيد عن جد انك شا طر بالطبخ ...
smilest ::::: شو هالمواضيع الحلوة بس منشان الله حاجة تشهونا .....
أنا بدي اقترح اقتراح .......:
كل واحدة بدها تنزل طبخة لا زم تعزم الكل بالمنتدى عليها .......... و تساوي وليمة ......
اللللللللله .....
الله يسلم ايديك .......طيبة ها .....
MR.MASK
طيبة كتير الأكلة سمايلست بس انا لسه !!!
لسه شو بيغ بيبي ؟!
ملاحظة معي كوين أنو سبيد طباخ ومن وين ما بترنيه بيرن [smilie=bangin.gif]
مو تكرم عينك ماسك على راسي خيو [smilie=gathering.g:
Smilest في شغلة ما قلتيلنا عليها
إنه إذا بقي شوية كبة لبنية لازم نصفيها من اللبن قبل ما نحطها بالبراد حتى ما تتشتش وترتخي وتفرط تاني يوم
مرحبا
شوقصتك اليوم سبيد هيأتك فايق ورايق
سدقني مالي فاضية كتير ..عم حضرلكم أكلة جديدة بتاكلوا أصبيعكم وراها
عاشق المساء
30-04-2006, 23:54
حلوة الاكلة يعطيك العافية اليوم كنت عم قول انو جاي على بالي اكول كوبة مو كبة :mrgreen:
سبيد اشرحلهم انا فهمت << عن كذب بس
ويعطيك العافية الاكلة طيبة
سولامز
Engelbert
01-05-2006, 00:01
سبيد يعني صار الحوار صعب شوي ...
شو تشتش الكبة اللبنية و ماتشتش ...
اي بكرة ان شاء الله بالمستقبل تشوف كبة لبنية مطبوخة ...
بعدين تعال لقلك شغلة منشان الكبة ... الكبة مستحيل اتشتش اذا كان البرغل ناعم و مطحون كتير منيح مع اللحمة ... [smilie=47.gif]
و هذه المعلومة عن خبرة مليون سنة ...
قال تشتش قال ...
بيغ بيبي عنجد :shock:
سلام ...
Engelbert
اي بكرة ان شاء الله بالمستقبل تشوف كبة لبنية مطبوخة ...
إيه رح شوفها, لأنه إذا مرتي ما بتعرف تعملها أنا رح إعمللها ياها
بعدين تعال لقلك شغلة منشان الكبة ... الكبة مستحيل اتشتش اذا كان البرغل ناعم و مطحون كتير منيح مع اللحمة ...
و هذه المعلومة عن خبرة مليون سنة ...
قال تشتش قال ...
يا ستي شكله جوزك يللي ما رح يشوف كبه لبنية لأنه رح تطلع معك مسقعة.... حلوة حلوة مني... بتعقد كمان
هههههههههههههههههههههههههههههه يا مسكين يللي ببالي شو رح تاكل مسقعة
بس فكرة الفكرة على فكرة, تعي لأحكيلك هلأ أحسن من بكرة,
إنه اليوم يا جوزي طابختلك مسقعة الباتنجان وبكرا عاملتلك مسقعة الكوسا ويللي بعده عاملتلك مسقعة الكبة لبنية.... يا سلاااااااااااااااااااااااااااام
Engelbert
01-05-2006, 00:35
يا سيدي شكلك طباخ محترم ...
نياااااااااااااااااااااااال مرتك عليك بكرة شو رح تريحها ...
بعدين تعال لقلك شغلة . شبها المعكرونة و الاندومي ؟ شبهون ؟ و الله أكلات محترمين و طيبين كتير كتير كتير ...
بس بما أنك وحيد حضرتك لذلك لا عندك جيش ولا شي ... لذلك مدلل زيادة و بتحب الأكل على أصوله ...
قال كوبة قال ....
سبيد وحياتك سألت عن الكبة اذا بتشتش و قال أنو لا مابتشتش ...
بعدين تعال لقلك سر بيني و بينك ... الكبة اللبنية بتجنن وقت تكون باردة يعني من البراد بنص الليل بتكون و الله بتجنن و يكون اللبن بارد . ممممممممممممممم شو طيبة ... و الله للجلطة وحدة بوحدة ...
بعدين يتهنى يلي بدو ياخدني ... :oops: [smilie=peek a boo!: اي شو الحياة الزوجة بس أكل ؟؟؟ PDT_Armataz_02_16 في شي أهم من بطن الرجل ...
سلام ...
Engelbert
لك مو من إيدها, المعكرونة والإندومي رح يكونوا بيجننوا
بعدين مين سألتي؟ يمكن يللي سألتيه بيشتغل على كتاب "أبلة نظيرة" مدري سميحة مدري فظيعة :shock:
وبما إنك سألتي معناتها ما كنت بتعرفي, فالله يخليكي لما ما بتكوني بتعرفي لا تحكي, هاد طبخ هاد مو حيالله, لك ياجماعة حدا يحكي شي, طبخ هاد طبخخخخخخخخخخخخ
سامحوها, سامحوها ما بتعرف
بعدين لا تواخذيني بهالكلمة, من ناحية الجلطة رح ينجلط يللي رح ياخدك أكيد ما في خواص مو من شي بس من القهر.... المسكين
Engelbert
01-05-2006, 00:59
وحياتك كنت بعرف بس سألت منشان زيادة المعرفة و بس و الله ...
أنا بدو ينجلط يلي بدو ياخدني سيد سبيد ؟ و من القهر كمان ؟ ليش يعني ؟
الله يسامحك و يهديك ... يعني هضمت كلشي الا هي ... :cry:
سلام ...
Engelbert
خيتو لا تحلفي وحياتي يستر عالكلاوي
طيب لا تزعلي ما رح ينجلط بس بيصير معه تصلب شرايين بس لسا عند مقولتي إنه من القهر
يعني إنزعجتي هلأ Engelbert ؟ إيه منيح, هاد كان يللي بدي ياه
لك شبك عم ندحك..... بس لا تصدقي
Aghalation
01-05-2006, 15:05
لك ما تقولولي شغالين هون...مالي خبر...
نحن عنا بحلب في شي بيسموه "الكوية"
أب عسام..كمان هادا كوية لو بيساوي مع ملوخية لو
إيه رح شوفها, لأنه إذا مرتي ما بتعرف تعملها أنا رح إعمللها ياها
أوف أوف شقدك حمش...هيك مباشرة نعني؟؟
بعدين ليش مين قالك إني بخليك تاخد واحدة ما بتعرف تعمل كبة؟؟
هاي بتكون ما في تقوى الله...طاول طاول..
حجي كلو إلا الكبة...هاي حقوق والدنيا فيها موت وفي آخرة...يستر عالكلاوي
الكبة مستحيل اتشتش اذا كان البرغل ناعم و مطحون كتير منيح مع اللحمة ...
نعم؟؟ إي يابو ما بيحكي هالحكي غير الـ... الي بيحاتو ما عمل كبة لبنية...
لك مو من إيدها, المعكرونة والإندومي رح يكونوا بيجننوا
انشاء الله قرنبيط مقلي وكماية
ولييييييييييي [smilie=b42.gif] أخيراً طلع صوت كتابتك آغا
لو عرفانة أنك لح تشرفنا بأكلة الكبة لكنت عملت كبة مقلية ولبنية ومشوية وصاجية وكزبرية ومبرومة bigsmile_
Engelbert
02-05-2006, 00:39
سبيد بما انو حضرتك كتير بتعرف تطبخ و كتير شاطر و عم تقول عني انو انا مابنفع انو اطبخ و انا انا بدي اجلط زوجي ... تفضل من بعد اذن حضرتك و حطلنا مقادير الكبة الصاجية . الكبة السفرجلانية . الكبة كزبرية . يعني هدول أنواع كبب حلبية تفضل لنشوف شو بدك تعمل ...
سلام ...
Engelbert
انجل شو هى كبة كزبرية ؟ اول مرة اسمع عنا ! :oops:
Aghalation
02-05-2006, 14:42
ولييييييييييي [smilie=b42.gif] أخيراً طلع صوت كتابتك آغا
لو عرفانة أنك لح تشرفنا بأكلة الكبة لكنت عملت كبة مقلية ولبنية ومشوية وصاجية وكزبرية ومبرومة bigsmile_
ميرسي :oops: :oops: :oops: :oops:
بس لو سمحتي ...بلا أمر عليكي وإذا ما فيها سئلة...يعني في المعدة خلوة لا تملأها إلا الحلوى...فيا ريت ما تنسي الدوسير :mrgreen: :mrgreen:
شو هي آغا باشا الدوسير بحياتي ما اسمعت فيه
Aghalation
04-05-2006, 12:18
هاي يا أختي "التحلاية" بعد الأكل..بلغة الجيش اسمها دوسير...
ومالي متأكد بس يمكن كمان بحلب تستخدم هالكلمة
Powered by vBulletin® Version 3.7.3
Copyright ©2000 - 2009, Jelsoft Enterprises Ltd