الرأي الحر

[dreamer2002]

شكراً يا سيد لورد على حذف التعليقات التي تمت في منتدى النثر و الخواطر
و لكن أعتبر هذا تعدياً على حرية النقد و النقد المتبادل
أما بالنسبة لما قيل فإعلم رعاك الله اني لا اعرف السيد فيغو من قبل و لا أعلم ان كان - مع احترامي الشديد له- طنط أو خلافه. و لم أكن اقصد الكلمة بمعناها و لكن ما بين السطور كما كان تعليق الأخ لورد على موضوع القدر بنفس المنتدى؟؟؟؟!!!!!!!

أما من ناحية نقد الشخصية فأنا كما ذكرت سالفاً لا أعرف السيد فيغو معرفة شخصية فلذلك لا استطيع الحكم عليه ما قصدته هو أن زمن الرومانسية الشعرية قد أكل الدهر عليه و شرب و أن الأدب قد مر بمراحل عديدة و تجاوز الرومانسية بل و حتى الواقعية
أقول هذا لأخي فيغو عسى أن يدفعه غضبه مني بالبحث عن الإتجاهات الأدبية الحديثة و تفاعل المجتمع مع النتاج الأدبي.
فنحن هنا في زمن البحث عن مخرج للازمات بكافة ضغوطاتها و خاصة في مثل هذه المنتديات حيث - و هذا ما اعتقدت ان المنتدى هو الغاية منه - التوعيه و البحث عن الحقيقة و الحرية.
أما ان كان لزاماً علي أن أكتب فقط كما يرغب المراقب بذلك ، فانا أعتذر بالأصل عن الدخول في منتدى كهذا يحكمه المراقب كديكتاتور يقوم بالحذف كما يشاء
و أكبر مثال على هذا هذه المشادات التي جرت بين الكثير من أعضاء المنتدى بسبب حادثة صقر السعودية؟؟؟!!! و غيرها كثير؟؟؟!!!!
لماذا لم يتم حذف هذه المشادات و عمليات التكذيب و الشك و ..... من المنتدى ؟؟؟؟؟؟؟


مع العلم و أقولها معترفاً بأن لدي في هذا المنتدى اسمين أدخل بأحدهما لغاية في نفسي و هي الحرية السياسية على الأغلب ولكن هذا لا يبيح ما جرى


و لكم الشكر على كل حال

[mermaid]

السلام عليكم.....

بصراحة معك حق يا سيد dreamer بهالشغلة لأنو أنا كمان ردي انحذف ، و أنا شفت أنو الردود كان ما فيها شي أبدا ، هي بس أبداء وجهة نظر من المشتركين ، بس ما بعرف ليش حسيت أنو السيد فيغو كأنو كان بدو يجبر المشتركين من شان يحبو موضوعو ، و اذا كتبو شي ضد الموضوع رح تبدأ المشاكل و العداوة بين المشتركين ، طيب ليش المشترك الي بيعرض الموضوع ما بياخد الردود السلبية بروح مرحة لأنو بالأخير هاد رأي شخص بتختلف شخصيتو و رأيو عن شخصية و رأي صاحب الموضوع.

على كل حال أنا كتير بحب الشعر و كانت مبادرة حلوة منك أخ فيغو و شكرا الك ، بس بتمنى من الكل أنو يتقبلو وجهة نظر و آراء المشتركين على أي موضوع من شان يكون في حرية بالمنتدى مو نحس حالنا مقيدين بكتابة الشي الايجابي فقط.

شكرا

[bigbaby]

[align=justify:b9566be658]لك اف يااااا ... انو الشغلة يلي ما بتعجبك خلصنا لا تعلق عليها يعني ما بدها كتير نباهة ...
الموضوع موجود بمنتدى النثر والخواطر يعني هي الانتاجات شخصية وانت ما فيك تدخل ببساطة وتقول انو ما عجبتني لأنها شغل تشاتيش...يعني اسمحلي في شغلات تانية ممكن الواحد يتنقدها أكتر من انو يقول انو القصيدة ما فيها رجولة !!! يبقى لازم تتضمن كم كف وكم بوكس وشفرات حلاقة منشان تعجبك يعني ؟؟؟ هادا مو اسمو رأي حر أولا لأنو قضية حبو لفيغو مو قضية وطنية وعامة لحتى تعطي رأيك بمشاعروا ...وتانيا لأنو حدود حريتك بتنتهي لما بتبلش حرية الآخرين ...وهو حر بابداء مشاعروا لأبعد الحدود ... اذا هادا مو قضية رأي حر ولا سمكة حرة ...عبَر أبضاي ؟؟؟؟[/align:b9566be658]

[بيشو]

له له شلون مشان خير معلم من الاخير اذا اي شي موعاجبك بالموضوع فيك ماترد عليه


واذا كنت صاحب قلم حر وحابب تعبر عبر بس ماتحكي عن فيغو شروي غروي خليك بالقصيدة


حلو الواحد يعطي فكرة ويعبر بس الاحلى انو توصل الفكرة بطريقة ماتزعج غيرك



________________________________________
من كثر مزاحه زالت هيبته ، ومن كثر خلافه طابت غيبته

[mermaid]

طولوا بالكون شوي......... 8)

يمكن الواحد كان ممكن يعبر عن وجهة نظرو بطريقة أحسن من شان صاحب الموضوع ما يفكر أنو أي كتاب لالو رح يصير عليه نقد و يبطل يكتب ، لأنو بظن هدف المنتديات تشجع الأشخاص على الاستمرار بالكتابة مو تحبطلون معنوياتون. :(

الموضوع موجود بمنتدى النثر والخواطر يعني هي الانتاجات شخصية وانت ما فيك تدخل ببساطة وتقول انو ما عجبتني لأنها شغل تشاتيش...

بظن يا أخت bigbaby ما في قانون بالمنتدى بيمنع الشخص من ابداء رأيو حتى اذا كان سلبي،و أنت كمان ما بحقلك تمنعي أي شخص من ابداء وجهة نظرو، و متل ما شفت من خلال ردودك على مواضيع سابقة أنت أكتر وحدة بتشجع الحرية الشخصية .

بعدين شو هي يبقى لازم تتضمن كم كف وكم بوكس وشفرات حلاقة منشان تعجبك يعني ؟؟؟

ليش أنت برأيك هي هي الرجولة الحقيقية بالقتل و الضرب و الكلام الطالع نازل. :evil:
و الله اذا كنت هيك مفكرة لازم تكون الرجولة، فكمان هي وجهة نظرك و ما حدا بيقدر يمنعك من ابداءها، بس كمان بهالوقت هيك أسلوب و هيك تعامل لا يعتبر رجولة.

ان شا الله بتنحل هالمشاكل و كل شي بكون خير .....

[bigbaby]

عزيزتي،
[align=justify:a27b27d61c]ما بعرف وين سقطت نقطة التفاهم بيناتنا سهوا ...أنا عم قول انو هي خاطرة ...تماما متل ما أنا هلأ بيخطرلي شي فكرة قوم بكتبها علورق وبورجيكم ياها ...انتو ما بيحقلكم تعترضوا على طريقة تفكيري طالما هي بالنهاية خاطرة ... يعني أنا ما بكون بالحالة عم اطرح خاطرتي للمناقشة ..أنا بكون عم شارككم فيها وبس ... ثم انو يا عزيزتي الانتقادات اللي توجهت تضمنت كلمة جارحة جدا للشباب (طنطاوية) أكيد عندك فكرة انو هي من الكلمات اللي بتستعمل بيناتهم بغرض الاستفزاز البحت ... (أو بيجوز ما عندك ...ما بعرف :roll: )
يلي صار انو الانتقاد تحول لشخص الكاتب مع انو وبرجع بقول (كانت مجرد خاطرة) يعني بالعربي الفصيح (ما حدا دخلو) ... كان ممكن التجاهل لو انو الانتقاد كان أدبي بحت ولو انو نحنا جميعا هون هواة (وفي مننا ناس بيتذوقوا الشعر وزيت الزيتون كمان) أما انو يصير الحكي انو الكلام مافيو رجولة ولازم الواحد يكون تقيل أكتر من هيك وانو ما صفي غير الواحد يشحد فهادا مع احترامي بيصدر من شخص بيستهلك كميات ضخمة من علكة سندريلا...

أكيد مو الرجولة هي البوكسات وشفرات الحلاقة ويمكن أنا آخر وحدة بتنسأل هالسؤال ...بس كانت الاجابة على مستوى الطرح ...طيب يا ستي لا تزعلي رح غيرها ...
يبقى لازم تتضمن سيوف وأحصنة وخوذات بمقشة لحتى تعجبك يعني ؟؟؟

أهلين زميلة ... :mrgreen: [/align:a27b27d61c]

[dreamer2002]

شكراً للجميع على المشاركة
و الحمد لله أنا ليس عندي مشكلة بالإعتذار من الأخ فيغو و أرجو ا ان يسامحني
على كل الأحوال، ما أثار حفيظتي هو الحذف بدون إبداء أي رأي أولاً و ثانياً إغلاق الموضوع في وجه النقاش
كان من الممكن من صاحب العلاقة أن يوضح لي بانها خاطرة و انه لا يجوز لي إبداء الرأي بها أو حتى أن يناقشني بما قلته

أما أن تكون يكون الرد
روح العاب بعيد
ما حدى الوا علاقة
و انا ما بهمني رأيكم
؟؟؟!!!
على كل حال أنا اعتذر من السيد فيغو , ارجو أن يقبل إعتذاري الصريح

و لكني أطالب بوضع حد للرقابة للديكتاتورية بدون أي إشعار سابق اجد ان الموضوع قد حذفت التعليقات من عليه و أن الموضوع قد أغلق في وجه المناقشة

على فكرة أخت بيغ بابي أنا ما بحب "أعلك" و شكراً على هذا الاسلوب الظريف اللطيف واسع الحيلة و المخيلة في الكتابة بما ينم عن الذوق

[The don]

مرحباا

خيو مشان موضوع النقد ... في شي من هالشي ؟؟؟
على كل هالنقطة وضحتها الاخت بيغ بيبي بدل المرة مرتين ... PDT_Armataz_01_37 (مرحبا رفيقة)

بس يعني لو ما حاسس انو نقدك مالو علاقة بالنقد الأدبي من اصلو و لا بشي الو علاقة بالادب ... ما كنت حطيت الرد باسمك هاد ... مو عم بتقول انك مشارك باسمين؟ ... حلو .. ليش ما حطيت اسمك التاني 8)
وشو علاقة الحرية السياسية هون ؟؟ دررر ...... حرية سياسية انو تشارك باسمين واحد حباب و التاني ناقد"عالحسبة" ... مو زابطا ... بلاها ...

[mermaid]

أهلين زميلة ،
ان شا الله ما بتكون سقطت نقطة التفاهم بيناتنا و نكون أصدقاء بجد ، بس أنا كمان مو موافقة على رد الأخ dreamer (الرد الأول قبل ما يصلحو) ما بعرف اذا لحقتي تقريه قبل ما ينحذف....
و أكيد الطريقة الي خاطبا dreamer لــ Figo كانت ممكن تنكتب بسياق أحسن من هيك.
بس ما بظن هالشي هو مبرر لحذف جميع الردود و اغلاق الموضوع ،

ثم انو يا عزيزتي الانتقادات اللي توجهت تضمنت كلمة جارحة جدا للشباب (طنطاوية) أكيد عندك فكرة انو هي من الكلمات اللي بتستعمل بيناتهم بغرض الاستفزاز البحت ... (أو بيجوز ما عندك ...ما بعرف )

أكيد عندي فكرة أنو متل هيك كلمات بتزعج الشباب كتير ، و برجع بقول أنو الرد الأول كان ممكن ينكتب بطريقة تانية بس المشكلة أنو بهالمنتدى عم تصير مشاكل كتيرة على الحذف الغير مبرر بشكل كامل، و ان شا الله تنحل هالمشاكل و يصير تفاهم بين المشتركين .

سلااااام

[Dehumanizer]

السلام عليكم جميعاً ...

منذ الصباح قرأت موضوع الأخ figo113 مع ردود الأخ Dreamer2002 (مي مي) وسأتحدث عن هذا الموضوع من وجهة نظري الشخصية، فأرجو أن تقرأوها بتمعّن:

الأخ Dreamer2002 ...

كتبتَ في ردك الأول على ذاك الموضوع مايلي:

حلوة، الله يعطيك العافية ويعطيك على قد نيتك.
بس مو متخنها شوية
ما بقى غير انو تشحد منها
أين الرجولة والكرامة
انا لست بأديب ولكني متذوق جيد للشعر
أرجو من شعرائنا الرجال إبراز الشعر بشكل رجولي وليس "طنطاوي"

أخي وصديقي العزيز، أنت كما قُلت لست بأديب ولكنك متذوق جيد للشعر، ولكن أسمح لي وبصفة أخوية أن أقول بأن ردك هذا خالٍ من الأسلوب الصحيح. إذ كان بالإمكان أن تكتب رأيك وتوجّه له نقضك بطريقة بسيطة وسلسة من دون أن توجه له الكلام بأن ما كتبه خالٍ من الرجولة والكرامة، وتصفه بالشعر الطنطاوي. فبالنهاية تبقى هذه الكلمات هي من فيض ذاكرته وهي ما استطاع أن يعبّر عنه ...

فالمشكلة إذاً هي في الأسلوب، وبصراحة هذا ما نفتقده في مناقشاتنا.


الأخ العزيز Figo113

اول الشي ياريت تطلع على شغلتك .....

تاني شي من ردودكم السخيفة واضح انكم تفه لدرجة جيدة جدا .....

وتأكدو ما بهمني ردكم نهائيا ..... لانكم ....

وشكرا يا حلوين ...

كان بالإمكان أن يكون ردّك أقسى وأقوى من أن تصف أصحاب الردود بالتفاهة، وأن تُصعّد الموقف لهذه الدرجة، حاول أن تفكر قبل أن ترد حتى لا يصبح الموقف ضدك، أنت ممن يحاولون كتابة الشعر، أي أن لديك المقدرة على التفكير بما يمكن أن تجيب عليه، بإمكانك توجيه الكلام إليه بطريقة بسيطة، وتعبّر عن مدى استيائك عما كتبه بأسلوب واضح.


الأسلوب في النقاش هو ما يجب أن نتقنه حتى نستطيع أن نواجه نقض الغير، وبالتعبير الصريح والسليم يمكن أن نوصل الفكرة بطريقة من الممكن أن تنهي النقاش بدون الخوض في أي نزاع.

الأخ العزيز Dreamer2002 ...

بإنتظار ردك و نقدك الأدبي المفحم يا أخ فيغو
و خلال هذا الوقت سأكون ألعب بعيداً عنك قدر استطاعتي
فأنا لا استطيع احتمال الرائحة

اسمح لي أن أقول أن ردّك هذا يحمل من الإهانة والاستهزاء ما يوجب حذفه بجدارة.


أخواني جميعاً، من يضع أي موضوع فعليه أن يكون قادراً على تحمل النقاش حوله، ومن جهة أخرى فإن لم يعجبكم الموضوع فلا داعي للرد عليه أساساً إن لم يكن ردكم يحمل فيه أي فائدة أو نقضٍ بنّاء يمكن أن يُفيد كاتبه ويزيد من معرفته أو يدلّه على خطأ فيما كتب.

النقاش لا يُفسد للود قضية، وأعني هنا النقاش المتقن والصريح وليس النزاع والتهجّم والشتم وإظهار القدرة على الإستهزاء بالغير.

أرجو أن تكون وجهة نظري واضحة لكم، أما بالنسبة لحذف الردود، فأنا لست مع حذفها جميعاً إذ كان يجب حذف الرد الأخير فقط والذي ذكرته سابقاً.


وتحياتي للجميع

[Anonymous]

الاخ العزيز The don:

لم يكتف الاخ dreamer2002 بالرد من اسم واحد.... بل رد على نفس الموضوع بإسم الاخت "مي مي"

وشكراً

[bigbaby]

ايه بس مدري ليش الأخت ميمي بتنسى تحكي بصيغة الأنثى وبتشرد أحيانا ... لأ وبتصر جدا أنو من وجهة نظرها ك (بنت) ... لك والله نحنا أوادم بمرائنا ومنحط الريشة على راسنا بس منشان ندحك :mrgreen:

[Engelbert]

مرحبا ...
يا Dreamer و mermaidو مي مي
بصراحة كانت ردودكم كتير استفزازية ... صحيح أننا في هذا المنتدى لاأحد يعرف الثاني بطريقة شخصية و لكن يجب أن يكون احترام متبادل بيننا ...
اذا مو عاجبك الموضوع لا تقرب ...
منتدى النثر و الخواطر بالذات من ابداع الشباب و الصبايا في المنتدى ...
و بقية المواضيع للنقاش ...
سلام ....
Engelbert

[عطر الرحاب]

بس ما بعرف ليش حسيت أنو السيد فيغو كأنو كان بدو يجبر المشتركين من شان يحبو موضوعو ، و اذا كتبو شي ضد الموضوع رح تبدأ المشاكل و العداوة بين المشتركين


نعم..؟؟..كيف...؟ :shock: :evil: :shock: :twisted:

مالقيتو غير فييغو تنبشو وراة وتعملو له مشكله..؟ :?


على فكرة...
ما أدري ليش احس انو
Dreamer = mermaid
:mrgreen:

[Aghalation]

عندنا رفيقنا شب خيلة.... إسمو علي طنطاوي....
:mrgreen: :mrgreen: :mrgreen: :mrgreen:
بس والله ولا مرة ربطتو بكلمة "طنط"...كنت أقول لحالي إسمو متل المسلسلات المصرية
:mrgreen: :mrgreen: :mrgreen: :mrgreen:
قااااااااااااه قه قه قه

[abu_6afesh]

لاتحكي عن الطنطااااات يا حلوووو .... مشاركلي باسم مي مي يخليلي عينك ....


ما عاجبك لا ترد حبيب وازا كان انتقادك على الكلام ياريت يكوون بشكل حلوو وان كان ما بيهمنا .. يافحححححل يارجااال يا ابضاااي يا شههههههههههههم الرجولة عمبتزرزب منك تزرزب من ردك ..


وبضيف كل ما قالتوو الاخت العزيزة بيغ بيبي

[أبو يمان]

لا تحرلي حالك ابو طافش كلمة صغيرة وبس اخوي



لكل داء دواء يستطب به الا الحماقة اعيت من يداويهااااااااااااااا :mrgreen:






خاطرك
:mrgreen:

[عاشق المساء]

مرحبا شباب

يا لطيف ليش دايما بهل المنتدى بنتخانق وبنعصب على بعضنا وشوية تانية كل واحد فينا راح يحمل مسدسه ويحطه براس التاني :mrgreen:

طولولي بالكم شوي

الاخ فيغو كتب خاطرة كانت عم اتدور براسه ومتعبته حب يشاركنا فيها بنروح نحنا وبننزل فيه اهانات :(

مو ظابطة الحكاية :!: :!:

انا مع رأيي الاخ دهيومانيزر 100%

سولامز شباب :mrgreen:

[mermaid]

مسا الخير .....

بصراحة ما بعرف ليش أنتو عم تضموني للبهادل مع أنو أنا لا عطيت رأيي بموضوع الأخ العزيز Figo و لا قلت أنو شعرو مو حلو ، بالعكس أنا قلتلو أنو كتير بحب الشعر و قلتلو أنو شعرو حلو ، و الي ما شاف الرد يرجع يقراه .

أنا كان كل نقاشي و اعتراضي أنو ليش ما عم يصير سماح للابداء بالرأي ، و أنا كمان قلت أنو الأخ dreamer كان ما معو حق بردو الأول لأنو متل هيك ردود رح تخلي المشترك يبطل يكتب و يعبر عن مشاعرو ....

على فكرة...
ما أدري ليش احس انو
Dreamer = mermaid

يا أخت عطر الرحاب لا يكون عندك هيك احساس لأنو أنا لا بعرفو للأخ dreamer و لا بساويه و اذا كنتي عم تفكري أنو التنين شخص واحد فبحب أقلك أنو أنت غلطانة ، لأنو متل ما انذكر أنو الأخ dreamer داخل باسمين التاني هو مي مي ، يا ريت ترجعي تقري الردود منيح من شان ما تظلمي حدا و من شان ما يصير سوء تفاهم.

بصراحة يا جماعة ما بعرف ليش كأنو بهالمنتدى عم يصير متل عصابات على المشتركين الجدد ، و اذا المشترك الجديد حكا أي كلمة بصير هجوم عليه و كأنو ما بيريدوا أشخاص جدد تتدخل على المنتدى و تتعرف على أصدقاء جدد ، يعني شو المشترك الجديد ما عندو رأي ، نحن كمان منحب نتعرف على الناس الطيبين الي بالمنتدى و نبدي رأينا متل كل هالمشتركين.

على كل حال شكرا للكل على هالترحيب بالأعضاء الجدد و ان شا الله تعتبروني صديقة جديدة و تقبلوني بمنتداكون :)

سلااااااام

[Dehumanizer]

[align=justify:579f7bc1f0]بصراحة يا جماعة ما بعرف ليش كأنو بهالمنتدى عم يصير متل عصابات على المشتركين الجدد.

معك حق أختي العزيزة، فمن يقرأ الردود (كاملة) سيظن ما ظننته تماماً ولا ألوم المشتركين الجدد في هذا، وأتمنى أن تكون هذه الرسالة واضحة لجميع الموجودين بدون استثناء بأن الردود في منتدى الاقتراحات والشكاوى وخدمة الأعضاء محصور بكاتب الموضوع والإدارة فقط، وهذا ما كُتب بوصف المنتدى بأنه "للشكاوى أو لطرح أي اقتراحات تفيد المنتدى، مواضيع هذا القسم حصرية بين العضو والإدارة"

أي - وأعيد - بأن المواضيع هنا حصرية بمن له صلة مباشرة بها وإدارة المنتدى فقط، فأرجو الإنتباه إلى هذه الناحية والإلتزام بالصلاحيات في هذا القسم.[/align:579f7bc1f0]

[dreamer2002]

الى الإخوة و الأخوات في هذا المنتدى المميز

بالرغم من إعتذاري من السيد فيغو إلا انكم جزاكم الله كل خير و أعانكم جعلتم لذتكم المفضلة التعليقات الممتعة و التي أضحكتني فعلاً على ما صدر مني بالرغم من اني إعترفت مقدماً بأني دخلت بإسمين الى المنتدى،و هو اعتراف لا أظن الكثر قد يقوموا به بالرغم من تأكدي مئة بالمئة بان العديد منكم يستعمل هذا الموضوع، على جميع الأحوال ما بدر من حضراتكم يدل على طبائعكم الكريمة.
فإن كان موضوعي هو الطريقة الوحيدة لتجمعكم سوية و تجعلكم من أعز الأصدقاء فلا بأس بذلك، أما عن النقطة التي تجاوزها معظمكم إلا ما رحم ربي هي الحذف القصري و الديكتاتوري للتعليقات فقد ذهبت هذه الفكرة التي كانت موضوع الشكوى أدراج الرياح. و هو ان دل فإنما يدل على القدرة العقلية التحليلية التركيبية لأعضاء منتداكم الكريم.

على العموم شكراً على كل شيئ
و السلام على من اتبع الهدى

[aboali]

و هو ان دل فإنما يدل على القدرة العقلية التحليلية التركيبية لأعضاء منتداكم الكريم.

يجب ان تقرأ كتاب اسمه "كيف تحصل على اصدقاء و تؤثر في الناس" مترجم من الانكليزي.

استعمالك لمثل هذه العبارات و اسلوبك الاستفزازي بالردود، ناهيك عن ردك التهجمي الغير مبرر الذي انحذف، هو سبب عدم وجدود اي "انصار" لك في هذا المنتدى.

تبريرك لكلامك على انه "حرية رأي" يذكرني بقصة قد سمعنها من فترة قصيرة عن دولة معينة، تستخدم حجة حرية الراي و التعبير كذريعة للاهانة و التهجم على شخصية تاريخة مرموقة.

انظر لهذا الموضوع:
[Only registered and activated users can see links]

[dreamer2002]

عندما تقوم بفعل سلبي فتعتذر ولكن الاعتذار الذي منحته لا يلاقي صدى بل بالعكس تزداد الردود السلبية . عندها ياصديقي تسحب الاعتذار
أما عن تشبيهي بالدانمارك فالدانمارك لم تعتذر رسمياً اما أنا ففعلت
الدانمارك مست شخص محمد عليه الصلاة و السلام أما أنا فلم أفعل هذا
أما بشأن الكتاب المترجم فتأكد و الحمد لله أن لي إخوة و أخوات لم تلدهم أمي و لست أحتاج مثل هذا الكتاب و خاصة و أنه "مترجم" و كنت قد قبلت نصيحتك فعلاً ان ذكرت لي مثلاً كتاب "الأخلاق الإسلامية" التي أعترف بأنني مقصر جداً فيها و على الله الهداية
و للعلم فقط فأنتم المنتدى الوحيد اللذي أواجه فيه مثل هذا الموقف من أعضاءه بالرغم من أني مشارك نشيط في العديد من المنتديات الإخرى
قد يكون الذنب ذنبي و قد لا يكون على العموم فليس من عادتي السكوت و الانسحاب
و ان كنتم لا ترغبون في بمنتداكم فيستطيع المشرف العام أن يحجبني بسهوله
و لكم الشكر

[aboali]

اخي الكريم دريمر...

يمكن انت فهمت الموضوع غلط....اعتذارك مقبول و نشكرك جدا على هذه البادرة الكريمة منك...

لا احد شبهك بالدينمارك، هذه فقط قصة لتوضيح مبدأ حرية الرأي....

و نحن نرغب بك، و بجميع الاعضاء الموجودين في المنتدى، ولن يقوم احد بابعادك او حجبك....لكن ربما حصل سوء تفاهم، او كنت لا تعلم بقوانين المنتدى و ادبياته...