فانوس علاء الدين في القرن الواحد والعشرين [الأرشيف]

مشاهدة النسخة كاملة : فانوس علاء الدين في القرن الواحد والعشرين

Abu-Firas

15-02-2006, 11:51

يسعدلي مسا الاعضاء كلهم

من العضو الصغير الى اكبر عضو بالمنتدى
للصراحة

هي اول مرة بشارك فيها بمنتديات والحقيقة اني اشتركت عن طريق احد الاعضاء
ولكن وجدت الشباب كلهم ماشالله عليهم نشيطين ودايما بيعملوا مواضيع جديدة
مشان هيك قررت شارك ولو بموضوع صغير انشالله يعجبكم وانشالله انا كمان اعجبكم

موضوعي اليوم هو

فانوس علاء الدين في القرن الواحد والعشرين

شو رايكن

تخيل انك راكب سيارتك بدون رخصة وفجأه بطق الدولاب وتنزل مشان تغيره
وللمفاجاة انه بتلاقي على طرف الشارع علبة كولا فاضية
من الصدمة بتمسك العلبة وبتخضها كتير كتير كتير
وبعض الخض بتفتحها وبيطلعلك مارد البيبيسي
وبيقلك

هاي

انا اسمي فتفوت وبيدلعوني توتي

ولانك خضيتني رح اعطيك تلات مناوي يعني امنيات بس بلغة العفريت مناوي

ولانك ذكي ومستغل للفرصة بتقرر تطلب 3 امنيات شخصية

شو رح تطلب ؟

بس قبل كل شي اعطاك توتي ورقة من رقابة الامنيات تقول

-ممنوع طلب امنيات سياسية
-ممنوع طلب فلوس
-ممنوع طلب رؤية هيفا وهبي او عاصي الحلاني او راغب علامة (عفوا يا ابو طافش)
-ممنوع طلب شي ممكن تحقيقه بدون مساعدة توتي
-واهم شي لازم جميع امنياتك تكون شخصية ولا تحتوي عموميات كالسلام العالمي او الصحة وطول العمر
او انه يخليلك شخصية مهمة فوق راسك :?: :?: :?:

شو ممكن انك تطلب ( الجواب مع التعليل )-------------------------------( 6 درجات )
:lol: :lol: :lol: :lol:

يلا يا شباب فرجونا شو بيطلع معكم

وخلونا نختار باخر الحوار

افضل امنية
اغرب امنية
اهضم امنية
واسوا امنية
واصعب امنية
وامنية ملغومة

والفائزون بيطلعهم جوائز

مثلا صاحب افضل امنية سيكون اسمه "المعلم" ويجب على جميع الاعضاء ارسال الرسائل والخطابات
ومخاطبته بصيغة يامعلم لمدة اسبوع

يلا ناطر افكاركم

ويلي حابب يكون بلجنة الحكم يرسلي رسالة خاصة مع ذكر السبب ليش بده يكون باللحنة
وانا بشوف
اذا اقتنعت بسببه رح خليه واذا ما عجبني
لا يواخذني
نسيت قلكم انني مو كتير ديمقراطي باختياراتي

انشالله يكون الموضع عجبكم وناطر الردود

يلا

باي

اخوكم أبو فراس :P

صقر السعودية

15-02-2006, 13:58

Abu-Firas

15-02-2006, 14:09

اهلا بك ابو فارس عضو جديد بالمنتدى وخليني انا ابدء اول واحد
اول طلب / أنه يجمعلي الشباب كلهم الي في المنتدى يجيبهم عندي على السعودية
ثاني طلب / يخليني لاعب كورة مشهور يعني لاعب عالمي زي رونالدينوووو (صعبة شوي)
ثالث طلب / نفسي اصير شاعر

صقر السعودية الغالي

شكرا على كونك اول شخص بيشارك بالموضوع
ولاني انا كتير سعيد بردك
اخترتك مشان تكون اول عضو منتدب بلجنة التحكيم

ومشان امنياتك
اتمنى ان يكون لدى توتي واسطة مشان يطلع لنا فيزا على السعودية لانها صعبة شوي- كتير
ويقول توتي اذا بدك تكون بطل مالك الا حليب السعودية كدا الحليب ولا بلاش
ويسال توتي ممكن اعرف انت شاعر بشو الحين :lol: :lol:

شكرا

باي

queen

15-02-2006, 15:26

اول شي اهلا وسهلا فيك Abu-Firas ويسلمو على الموضوع

ثانيا طلباتي كالتالي "بدي يجعلي كل حياتي سعادة وبسط بلا هموم
"بدي يرجعلي ايام طفولتي لانو لايوجد ايام احلى من تلك الايام
"بدي اكون طبيبة ناجحة "لانها المهنة المفضلة لي واكثر المهنة انسانية "

تحياتي

Abu-Firas

15-02-2006, 15:37

عزيزتي كوين
شكرا على مشاركتك الحلوة والبسيطة
وعموما توتي بيقلك
مازبطت معه
اذا رجعك طفلة كيف رح تكوني طبيبة
بعدين الدنيا يلي كلها سعادة الدكاترة ماراح يلاقو شغل
هاهاهاهاهاهاها
لازم تعيدي النظر مرة تانية
بس لانك انسانة حساسة
قررت ان تكوني عضوة بلجنة الحكم
والمؤلفة مني انا ومن السيد صقر السعودية وانت
ليكي ملاّ لجنة ---- الله يعين

ابو فراس

خاطرك

aboali

15-02-2006, 15:55

شكرا على الموضوع الحلوة....

مع انو حسب قوانين المارد يمكن ما بقي شي خرج واحد يتمناه...بس راح احاول....

1- الصحة و العافية
2-العلم و الحكمة
3-اجتناب المعاصي و الاخطاء

شكرا

bigbaby

15-02-2006, 16:16

1- بدي توتي يرجع على علبة البيبسي
2- بدي علبة البيبسي تروح على معمل التكرير
3- بدي معمل التكرير يروح بالقص تبع المخطط الجديد

بتحطوني معكم باللجنة [smilie=pdt_piratz_: !!! قال عم يوزعوا عضويات هون !!! :mrgreen:

The don

15-02-2006, 17:50

بيغ بيبي:

- بدي توتي يرجع على علبة البيبسي
2- بدي علبة البيبسي تروح على معمل التكرير
3- بدي معمل التكرير يروح بالقص تبع المخطط الجديد

:mrgreen: :mrgreen:

أبو فراس...
حاولت أتخيّل معك خطوة خطوة ... بس ما زبطت معي اني ... أخض علبة بيبسي فاضية :!: :!:

بعدين شو قصة الألقاب؟ معلم و ما بعرف شو ... يرضالي عليك قلو لتوتي انو خلصنا من الالقاب من زمان.

:mrgreen: :mrgreen: The don

queen

15-02-2006, 22:30

Abu-Firas لك ليش ما قدر معناها هاد شغلتو فاضية وماخرجوا يعمل شي ..

والدنيا ما فيها سعادة ومافي حدا ماعندو مشاكل وهموم ..

وبعدين بس اكبر خلي يحققلي امنية الطب بس بالاول يرجعلي هديك الايام

تحياتي..

Engelbert

16-02-2006, 02:19

مرحبا صبايا و شباب ........
ميرسي كتير على الموضوع الحلو .......
و الله يا دون و انا كمان ما ظبطت معي تبعات بيغ بيبي ..... :mrgreen:
يعني مستحيلين بس مهضومين ....... جائزة الهضامة ....... ;)

1 . بتمنى انو كل طفل مصاب بالمرض ان يشفى منه ....
2. سافر على القمر و ابقى عدة ايام مع ماما و بابا و أخواتي .....
;) 3. انو يصير الانترنيت بسوريا مجانا م بشرط ان يكون سريع متل الصاروخ .......

سلام ......
Engelbert

Sugar

16-02-2006, 03:22

عطر الرحاب

16-02-2006, 04:41

توتي...انا عندي ثلاث امنيات....!
1-اكون احسن فنانه بالعالم وافتح معارض لرسوماتي ولوحاتي بكل مكان ...(مشوار طوووويل ادري..!) :roll:
2-اعيش بمكان غير..مع ناس غير..باختصار دوروا لي على جزيرة بعــيــدة شوي عن هالعالم اللي يجنننن
3-التقي بالشباب والصبايا..وجها لوجه..((سبقني فيها friends وصقرالسعوديه )
وبس......تحققها لي...؟!

ولا اقول لك...انا حاليا عندي شي عشر طعش مشكله شخصيه...تساعدني بحلهم احسن...؟!
:mrgreen:

Abu-Firas

16-02-2006, 09:50

مرحبا يا احلى جماعة
شكرا لكل يلي شارك معنا
the dark
الله يوفقك ويبعتلك عروس
big baby
توتي يؤكد انه الك علاقة بشي منظمة ارهابية وراح يشتكي لبوش
ومرفوض بلجنة الحكم :lol: :lol: :lol:
بس انت مرشح لاحد جوائز المسابقة
the don
انت غلطان لانه لو خضيت علبة مليانة كان طلعك كولا مو مارد
بعدين لاتزعل من حكاية اللقب لانه ببلاش والحكي ماعليه جمارك
Queen
لا تعترضي على توتي قدام الكل
بكره الناس بيجرصونا ويقولوا عضو بلجنة الحكم لا يثق بتوتي
Engelbert
الله يشفي كل مرضانا
وبالنسبة للقمر بتاخدني معك ( بلييييز )
اما شغلة الانترنت فهي مرشحة للجائزة

شو راي اللجنة ؟

شكرا كتير كتير

باي

Abu-Firas

16-02-2006, 09:52

مممم موضوع لذيذ

اول شى بطلب الله يشفى كل مريض

ثانيا يخليلى اهلى و يطول بعمرون

ثالثا يبعتلى ابن حلال , انسان محترم و من عيلة و يكون متل وائل ههههههه

بعدين بقلكون مين وائل :lol:

[smilie=pdt_piratz_:

بدي اعرف مين هاد وائل لانه انا كمان عندي وائل كتير غليظ ياترى نفسه ؟

توتي...انا عندي ثلاث امنيات....!
1-اكون احسن فنانه بالعالم وافتح معارض لرسوماتي ولوحاتي بكل مكان ...(مشوار طوووويل ادري..!) :roll:
2-اعيش بمكان غير..مع ناس غير..باختصار دوروا لي على جزيرة بعــيــدة شوي عن هالعالم اللي يجنننن
3-التقي بالشباب والصبايا..وجها لوجه..((سبقني فيها friends وصقرالسعوديه )
وبس......تحققها لي...؟!

ولا اقول لك...انا حاليا عندي شي عشر طعش مشكله شخصيه...تساعدني بحلهم احسن...؟!
:mrgreen:

صديقتي العزيزة
الله لا يجيب الهم والغم وامنياتك ترشحو للجائزة
واذا بدك تعيشي بمكان غير ما الك الا باونتي لان الطعم سياخذك الى هناك

باي

Terminator

16-02-2006, 10:08

مع انو حسب قوانين المارد يمكن ما بقي شي خرج واحد يتمناه...بس راح احاول....

1- الصحة و العافية
2-العلم و الحكمة
3-اجتناب المعاصي و الاخطاء

شكرا

شروا دموعي ... بركاتك يا شيخي ...

unicorn

16-02-2006, 20:13

عشت يا أبو فراس على هال فكرة الحلوة

ياسيدي أمنياتي كالتالي :

بدي يقربني من يلي بعيدة عني وما بتروح من بالي

وبدي ينولني ال grade يلي بستاهلو بالشغل

وبدي ألعن أبوه لتويتي ورجعو على الكازوزة إزا ما عملي ياهن