للجادين بس

[ملامار]

كل الي أنحكا صح بس شو إلي بخلي الشباب يرافقو ويحبو حلال
مع أني عم بيحبو بنت إلي ممكن يكون عندها أخ .
ليش الشباب بيرضوها عل بنات الناس ومابيرضوها عأخواتون ولابناتهم :?:.

[بيشو]

ياهلا ملامار موضوعك حلو


في فرق كبير يين رفيقة و حبيبة وبعدين مين قلك الشب الي عم يحب البنت مو العكس

وهية مو عندا اخ ممممممممممممم







_________________________________________
من كثر مزاحه زالت هيبته ، ومن كثر خلافه طابت غيبته

[عطر الرحاب]

بيشو كتب....

في فرق كبير يين رفيقة و حبيبة

وبعدين مين قلك الشب الي عم يحب البنت مو العكس


[smilie=pdt_piratz_: [smilie=pdt_piratz_:

[ملامار]

مابتوقع نسبة البنات إلي بيحترشو بالشباب أول أكتر من البنات إلي بيكونو ماشين بطريقن عكلن يمكن يكون
معك حق يا بيشو وبما أنك أكبر مني معناتو أنك أفهم مني
شكرا لرأيك 8)

[abu_6afesh]

شكرا ً عموو بيشوو للتوضيح ;)


المعادلة متطابقة للطرفين ... ومتل مازكر ابا البييش

[القلب الحنون]

اولا مافي صداقة ثانيا مافي شرف ثالثا مو لازم منك تدقق على هيك شغلات غير متقيد بها الشباب كمان حسب الزمان تغير

[mermaid]

شكراا الك على هالموضوع الي فعلا لازم ينحكى فيه ........ أكيد في فرق كبير بين الصديق و الحبيب بس مو معناها أنو مو ممكن الوحدة يكون عندا صديق أو الشب يكون عندو صديقة (مو حبيبة)
هو صحيح أنو بهالأيام الواحد صعب يلاقي الصديق الي فعلا يعتبر صديق و أخ و أكتر (بس طبعا مو حبيب) بس أكيد في كتير أشخاص بهالمواصفات و ممكن ينوجدوا و رح تكون صداقتون و أخويتون كتير حلوة و يمكن أحلى من قصة الحب الي ممكن تعيشا مع الشخص الي بتحبو.

سلاااااام

[ريتاج]

صح كلامك يا ملامار ............. و إذا سالتي الشب بترضاها لاختك بقولك عادي ... [smilie=45.gif]
بس لما يشوفوا اختهم مع حدا و لا بتحكي مع حدا ... بفضحوا الدنيا و بموتوا البنت و بكسروا راسها .... و الله يعلم شو بصير للشب [smilie=boks2.gif]


سلامــــــــــــــــــــــــــــــــــــــــــــي

[العـGـيد]

المشكلة إنو الشباب هالأيام بياخدو القصة بالمزح و الأنكلة
هادا يللي بدو ينفش ريشو قدام رفقاتو الشباب بإنو عندو رفيقة وما حدا قدو ,وهي يللي بدها تقول قاد رفقاتها إنو رفيقا بيجنن وبيطر العقل وووو وكتير من هالحك الفاضي .

بعدين شغلة إنو البنات عم تتحركش بالشباب ,حكي مزبوط كتير كتير وأنا كل فترة بيصير معي شي من هالقبيل .

النقطة التالتة يللي حبيت إحكي عنها إنو لما بيكون الشب بيحكي مع بنت بيحبها مشان يشوفها ويتأكد من إنو هية الشخص يلي رح يرافقو طول العمر مافي مشكلة ,أما لما بتكون الشغلة تطبيق بتطبيق والقصة كلها مشان التسلاية ,فهادا اسمو الحكي الفاضي بحد ذاتو .

بالمختصر : بتحب/بتحبي بنت/شب وبتحكو مع بعض مشان كل واحد يفهم التان استعداداً لمرحلة الارتباط فأكيد مافي أية مشكلة .
أما غير هيك ....فلأ وميت لأ .

رح احكي عن حالي بقصة صغيرة : أنا بحب بنت من كم سنة وما حكيت معها لهلأ بتعرفو ليش ؟؟
لأنو أنا هلأ ماني قادر إنو ارتبط وما بدي عشّم بنات العالم بشي أنا ما بقدر عليه ,مشان هيك بكبس على الجرح ملح وبسكت ,مع إني والله ما بسدق إيمتى شوفها أو اسمعها ....بس بنات العالم مانها لعبة .

شكراً ملامار على الموضوع .
أبو الخل .

[ريتاج]

صح كلامك يا ابو الخل .. وبتمنى انك ترتبط بالبنت الي بتحبها و الله يرزقك على قد نيتك الصافية
بس انا بقول انو قبل الزواج في فترة خطوبة خلال هلي الفترة الواحد ممكن يتعرف على شريكة حياتو قبل ما يصير الرتباط رسمي يعني الزواج ... صح و لا لأ ؟


سلامـــــــــــــــــــــــــــــــــــــي ... بالتوفيق ابو الخل

[H.Khaled__050]

الموضوع كتير حلو ملامار..

هلق بدي ناقش الموضوع بدون ما ندخل بالدين والحلال والحرام

يعني الواحد ( ة) بهيك زمن اذا ماعرف الطرف التاني حتى قبل الخطبة كيف بدو يعرف شخصيتو وطرقة تفكيره ... الخ من المعلومات يلي بتفيد في الحياة الزوجية..
وهاد الشي راجع للواقع يلي نحنا عايشينو لانو الواحد وقت يخطب ما رح يكون عندو الوقت الكافي للتعرف على الشريك المستقبلي والأبدي لانو الاهل صاروا عم يستعجلوا بالخطوة واحيانا عم يتجاوزوها.. والسؤال شو ذنب كلى الطرفين بغطرسة الاهل وافكارهم القديمة نوعا ما من يث اختلاف الاجيال؟

وانا بدي قول شغلة.. شو المانع انو يكون لكل شخص أصدقاء لانو ممكن حدا من هل الاصدقاء يصير حبيب وحتى زوج.. يعني الاصدقاء بيعرفوا كتير شغلات عن بعض وممكن يصير في اعجاب متبادل.. وشو المانع..

وفي نقطة كمان.. المفروض الشب ما يفكر باي شي لحتى يكون واثق من حالو وامكانياته المادية لحتى ما ينظلم الطرف الآخر..


صح كلامك يا ملامار ............. و إذا سالتي الشب بترضاها لاختك بقولك عادي ...
بس لما يشوفوا اختهم مع حدا و لا بتحكي مع حدا ... بفضحوا الدنيا و بموتوا البنت و بكسروا راسها .... و الله يعلم شو بصير للشب


هلق هون .. مافي شب بيرضاها على اختو بس لازم ننظر لعلاقة الاخ باختو
يعني لازم تكون هيك مواضيع متناقشة بيناتون.. ولازم الشب يعرف شو هو مفهوم اختو بالصداقة وشو رايها عن الصديق المثالي أو عن الصداقة بشكل عام.. بقى بهيك حالة ممكن يتوقع مين رفقاتها..
بعدين أكيد الصداقة مارح تجي من شب بالشارع.. رح تكون عن طريق الجامعة - المعهد -...
وهيك صداقات مفيدة للطرفين ( وطبعا كل شي الو حدود لازم تكون الاساس لاي صداقة ) ومو غلط يصير في حب بعدين..


الحب المثالي في نظري الذي يبدء بإعجاب ثم نقاش ثم تبادل الأفكار ليكمل كل واحد التاني بعدين ممكن ينفتح موضوع الحب..




وشكرا....

[ريتاج]

لانو ممكن حدا من هل الاصدقاء يصير حبيب وحتى زوج.. يعني الاصدقاء بيعرفوا كتير شغلات عن بعض وممكن يصير في اعجاب متبادل.. وشو المانع..

ممكن يا سيد خالد ما يصير اشي من الي حكيتوا مثل حبيب او حتى زوج ... بهاي الحالة ممكن تتشوه سمعت البنت و يضيع مستقبلها... و ما يكون الها نصيب مع حدا

بالتوفيق

سلامـــــــــــــــــــــــــــــــــــــــــــي

[ملامار]

شكرا للجميع على المرور ...


بس بحب ضيف على خالد وريتاج أنو الحب مهم بس الدين أهم
يعني ما بصير نقول ما رح ندخل الدين ولا الحلال والحرام لأني إذا ما دخلناهم بيضل سؤالي يدور حول دائرة مغلقة لأني ما منكون ناقشنا من جميع جوانبو ...




مع فائق إحترامي للجميع

[كاتمة العبر]

مرحبا ملامار
صراحة موضوعك جدا جميل لاني انا بواجه هالمشكلة فعلا اول مابسالني الشب عالرقم بحكيله ماعندك خوات بحكيلي ايش دخل الخوات هلا بهالموضوع يعني ماعنده استعداد يفكر اصلا بالموضوع ان اخته ممكن تحب شب ويمكن لو شافها يكسر لها راسها وهو معليش انا الصراحة بحكي اللي بخاف ربه بخافه بكل الاماكن وانا من المعارضيت تماما لموضوع صداقة البنت مع الشب لان مستقبلا ممكن يصير مالايحمد عقباه وبضل في فروق مهما كان
شكرا عموضوعك القيم

[طالب علمي]

السلام عليكم
من الناحية الشرعية الحب مو حرام وهي كلمة حق يراد بها باطل لأن اكثر مزدديها ذوي نواياسيئة والصداقة الشرعية بين الشب والبنت تقوم على غض البصر وعدم الخضوع بالقول أي التغنج واظهار انوثة او رجولةمبالغ فيهاوعدم كثرة المزاح وخاصة الغير مهذب ولو عن طريق التعليق وغيرها من الشروط فهل هذا موجود وحتى لانذهب بعيدا فلننظر حالات من الأقرباء
من الناحية العملية الصداقة المنفتحة والتي تنتهي الى الحب ثم الزواج فلننظر الى الغربيين
علاقات مفتوحة ثم حب مفتوح دون تدخل الاهل ثم زواج ينتهي اما بالطلاق او يصبح تقليدي
اويحدث الفراق قبل الزواج مع صدمة عاطفية او مصيبة في البطن فهل اجدت الصداقة نفعا
واخيرا المحرك الأساسي لطلب الصداقة وخاصة من الشب هي الغريزة غالبا وعند الفتاة العاطفة
ملاحظة ونظرا للظروف الحالية من الاختلاط في المدارس والجامعات والعمل نصيحتي ابقوها داخل اسوار العمل او الجامعة اوالمعهد ولاتلتقوا في خارجه لان هنا البداية وخلوا الزمالة على الطويل بتنفدوا دنيا وآخرة
داعيا لكل عازب ة الزواج من فتى او فتاة الاحلام ويكون الله عنهما راض

[لهب التنين]

السلام عليكم
من الناحية الشرعية الحب مو حرام وهي كلمة حق يراد بها باطل لأن اكثر مزدديها ذوي نواياسيئة والصداقة الشرعية بين الشب والبنت تقوم على غض البصر وعدم الخضوع بالقول أي التغنج واظهار انوثة او رجولةمبالغ فيهاوعدم كثرة المزاح وخاصة الغير مهذب ولو عن طريق التعليق وغيرها من الشروط فهل هذا موجود وحتى لانذهب بعيدا فلننظر حالات من الأقرباء
من الناحية العملية الصداقة المنفتحة والتي تنتهي الى الحب ثم الزواج فلننظر الى الغربيين
علاقات مفتوحة ثم حب مفتوح دون تدخل الاهل ثم زواج ينتهي اما بالطلاق او يصبح تقليدي
اويحدث الفراق قبل الزواج مع صدمة عاطفية او مصيبة في البطن فهل اجدت الصداقة نفعا
واخيرا المحرك الأساسي لطلب الصداقة وخاصة من الشب هي الغريزة غالبا وعند الفتاة العاطفة
ملاحظة ونظرا للظروف الحالية من الاختلاط في المدارس والجامعات والعمل نصيحتي ابقوها داخل اسوار العمل او الجامعة اوالمعهد ولاتلتقوا في خارجه لان هنا البداية وخلوا الزمالة على الطويل بتنفدوا دنيا وآخرة
داعيا لكل عازب ة الزواج من فتى او فتاة الاحلام ويكون الله عنهما راضكلامك سليم أخي طالب مية بالمية وهو برأيي ملخص إجابة شاملة وكافية ونقطة انتهى بعد الحكي اللي حكيتو....لك مني تحياتي .

[sabrin]

الحب مو حرام لكن الحب العفيف وبعتقد هاد نادر الوجود هلا
تاني شي من منطلق الحب والاخ وما بعرف شو هاد بجي من عدم الثقة بالاخرين يعني الواحد لما يحب بقول انا واثق من حالي وبحافظ عليها بس ما بعرف لو حبت اختي واحد الله اعلم اكيد اكيد بضحك عليها منشان هيك ما بقبل لاخته قال شو هو بعرف حاله بس ما بعرف غيره