شو رأي الشباب العصري بالعلاقة على الانترنت [الأرشيف] - منتديات طريق سورية
المساعد الشخصي الرقمي

مشاهدة النسخة كاملة : شو رأي الشباب العصري بالعلاقة على الانترنت

أمورة
24-12-2005, 20:02
بس حبت أعرف مجموعة من الاراء حول هذه النقطة بالتحديد :P
bonbonaa1
24-12-2005, 20:06
طبعا علاقة عابرة وما بتدوم لانو اكيد ما بيكون فيها صدق واخلاص وخصوصا اذا شب جاية يتسلى مع بنت
أبو يمان
24-12-2005, 20:10
العلاقة على الانترنت


امورة كان لازم تحددي العلاقة بين مين ومين

على كل العلاقة على لانترنت رائعة ولكن بشرط ان تكون مبنية على الصدق قبل كل شي

على كل السؤال جيد جدا شكرا للمساهمة
بيشو
24-12-2005, 20:14
ياستي بدك تحددي شو قصدك بالعلاقات بلنسبة للانترنت


في علاقات حب وفي صداقة وفي تسلايه وفي تعارف وفي ......................................




الانترنت بحر بحر كبيررررررر





مشكورة على هل الموضوع




_________________________________
ليش زعلان تعى حاكيني ليش زعلان
الغضب
24-12-2005, 20:52
ياستي بدك تحددي شو قصدك بالعلاقات بلنسبة للانترنت


في علاقات حب وفي صداقة وفي تسلايه وفي تعارف وفي ......................................




الانترنت بحر بحر كبيررررررر





مشكورة على هل الموضوع




_________________________________
ليش زعلان تعى حاكيني ليش زعلان



بصراحة انا برأي حسب العلاقة يعني مثلا اذا علا قة حب

هي العلاقة لازم يكون فيها حرص كبير......وان بعتقد انها من اهم العلاقات

ولي صديق تزوج عن نتيجة اقامة علاقة حب صادقة عن طريق النت

ويعيش مع زوجته التي تبادله المشاعر نفسها حياة هانئة

هذا لا يعني ان لامر بهذه السهولة.....ولاكن مع توخي الحذر الشديد



مشكور عالموضوع

اخوكم الغضب
lucifer
24-12-2005, 22:50
طبعا علاقة عابرة وما بتدوم لانو اكيد ما بيكون فيها صدق واخلاص وخصوصا اذا شب جاية يتسلى مع بنت
وليش مو بنت جاية تتسلى مع شب؟ :roll:
Dehumanizer
24-12-2005, 23:03
موضوع جيّد، ونفس الفكرة تقريباً طُرحت بموضوع سابق بعنوان هل من الممكن ان تحب شخص لم تره في حياتك؟؟؟ ([Only registered and activated users can see links])
Ayman syr
25-12-2005, 00:19
وليش مو بنت جاية تتسلى مع شب؟

كبير يا لوسيفير ..يا نصير قضايا الرجل ...بعصر المرأة [smilie=pdt_piratz_:
Sugar
25-12-2005, 01:16
اذا علاقة حب فاالموضوع فاشل لعدة اسباب

اذا علاقة صداقة كمان ما بظن لنو النت مختلف عن الحقيقة و انا هيك راى و صعب الواحد يعرف شخصية التانى فى النت لنو اذا فى الواقع الناس ما عم تنعرف فمابالكون بالنت

انا مع راى لوسى انو فى بنات تدخل تتسلى يعنى شو الفرق بين شب و بنت كلون متل بعض

:roll: :roll:
عطر الرحاب
27-12-2005, 01:39
مثل ماقال بيشو...أيش نوع العلاقه..؟

الصداقه ممكن تستمر لسنوات..وممكن تكون أفضل من الصداقات
الموجوده على أرض الواقع!!!

الحب.... no wayكيف أحب بالعالم الإفتراضي..؟
في شي أسمه أستلطاف-موده..بس حب ماأعتقد !!
Figo113
27-12-2005, 09:37
انا مع راي لوسيفر وسكر



ويعطيكم العافية
bonbonaa1
27-12-2005, 10:17
طب ماشي شب بيتسلى مع بنت بنت بتتسلى مع شب نفس الشي المهم العلاقة كلها كذب بكذب وان كانت صداقة او حب لك شو بدي احكي لاحكي اسالو مجرب!!
ليلى
27-12-2005, 12:28
بدي قول رايي
احتمال نجاح هيك علاقة ضعيف بس موجود سواء كانت صداقة او حب انا تعرفت على ناس عالانترنت ما بحلم اعرفن بالحياة العملية :)
lady
27-12-2005, 12:57
اي انه العلاقات كتيرة...

والكل بحب يتسلى...بس الفرق بشو كل واحد بده يتسلى

اهم شي ماحد يتسلى بمشاعر الناس...

واهم شي الانسان يكون صادق مع نفسه قبل مايحكي مع الناس

في طبعا علاقات كتير ناجحة..وبتستمر...

بس يعني مالازم نصدق كل شي منسمعه ومنشوفه...

يسلمو عالموضوع الاكتر من راائع والله


يعطيكن العافية

تحياتي
Digger
27-12-2005, 16:13
المختصر تبعها.....علاقة مبنيه على الكذب والخداع والمرائاه والتظاهر _hit
ZAREFAH
29-12-2005, 13:06
كل أنواع العلاقات ممكن تظبط إلا الحب!!!!!!!!!!!!!!!!!!!!!!!!!! يعني بلا مؤاخذة ماحدا راكز و بحب بدون ما يشوف الطرف الثاني و يجتمع فيه أكثر من مرة يعني لا تقنعوني ما في حب هيك
SWORD FISH
29-12-2005, 19:52
مرحبا بكل الشباب والصبايا
بالنسبة لعلاقات الحب الامر فاشل تماما اما بالنسبة لاي علاقة تانية فيها نسبة نجاح كعلاقة الصداقة
من بعيد لبعيد وانا ما بنصح الرجل او المرأة انو يعملو علاقة حب على النت لانو هي علاقة فاشلة تماما
وشكرا على هالموضوع الحلو run_

[smilie=to funny.gif]